U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل السابع والثمانون (الأخير)

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل السابع والثمانون (الأخير) من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل السابع والثمانون (الأخير)

اقرأ أيضا: روايات رومانسية
رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل السابع والثمانون (الأخير)

فى أمريكا

فى شركة مصطفى

دخلت نهى بالاوراق لسامر المكتب وقالت

نهى :- اتفضل يا فندم
سامر :- اخد منها الورق ومضى عليه ومد أيده بيه
نهى :- لسه بتمد ايديها تاخد الورق
سامر :- مسك ايديها وقال اقعدى يا نهى
نهى :- سحبت ايديها من ايد سامر وقعدت وقالت خير يا فندم
سامر :- مش ناويه تحنى عليا بقى
نهى :- وقفت بعصبيه وقالت سبق وقولتلك يا فندم انا مش بفكر فى الجواز
سامر :- وقف وقال ليه يا نهى انتى قلبك مشغول بحد تانى
نهى :- بتوتر ل.ل.لاء طبعآ بس انا شايله فكرة الجواز دى من دماغى خالص
سامر :- يبقى ناويه ترجعى لجوزك تانى صح
نهى :- هزت راسها وقالت لاء
سامر :- راح عندها وقال لما انتى مش مرتبطه بحد ولا ناويه ترجعى لجوزك يبقى ليه رافضه الجواز منى يا نهى هو انتى شيفانى وحش اوى كده
نهى :- يا فندم افهمنى حضرتك شاب كويس ومليون بنت تتمناك بس المشكله فيا انا والله انا مش بفكر فى الجواز نهائى ومش هفكر عمرى علشان كده مش بدى لحضرتك اى أمل ياريت حضرتك تشيلنى من تفكيرك خالص ودور على واحده تانيه تستاهلك عن اذنك وخرجت وسابته
سامر :- بص عليها وهى خارجه واتنهد وقال مش هييأس وهفضل وراكى لحد ما توافقى يا نهى ورجع تانى على مكتبه
نهى :- خرجت من عند سامر والدموع نزلت من عينيها وقعدت على مكتبها واتنهدت بوجع وقالت اعمل ايه يا ربى انا تعبت والله العظيم تعبت ورجعت راسها لوراه وافتكرت اللى حصل معها من سنه
~•~•~•~•~•~•~•~•~•~•~•~•~•
فلاش بااااااك

كانت قاعده نهى فى اوضتها بتعيط عالعاده وسمعت صوت جرس الباب استغربت ونزلت وراحت عند الباب وبصت من العين السحريه لاقت سامر استغربت وفتحت الباب وقالت

نهى :- استاذ سامر خير حضرتك
سامر :- بما انك رافضه تخرجى معايا جيت بنفسى اقولك الكلمتين اللى عايز اقولهم ليكى
نهى :- بأستغراب هنا انا لوحدى يا استاذ سامر
سامر :- متقلقيش يا نهى انا مش وحش ولا فى دماغى حاجه وحشه
نهى :- اتنهدت ووسعت السكه وقالت اتفضل يا استاذ سامر
سامر :- شكرها ودخل
نهى :- سابت الباب مفتوح ودخلت وراه وقعدت على الكنبه وسامر قعد على الكرسى وقالت خير يا استاذ سامر
سامر :- نهى انا راجل دغرى ومليش فى اللف والدوران ومن يوم من انتى جيتى من مصر وانتى خطفتى قلبى عجبنى جدآ شخصيتك واحترامك وادبك حسيت أن فيكى كل المواصفات اللى بحلم بيها علشان كده جيت اطلب ايدك ولو وافقتى هبلغ بابا واخويه ادهم يجوا ليكى
نهى :- انا اسفه يا فندم
سامر :- ممكن افهم سبب رافضك ليا ايه
نهى :- انا مش رافضه حضرتك انت بس انا رافضه الجواز كله الفكره نفسها انا رافضها يا استاذ سامر
سامر :- ليه مع انك لسه صغيره وجميله والرجاله هتطمع فيكى لانك وحيده
نهى :- بدموع حضرتك انا جربت حظى مره ومحبتش الفكره علشان كده انا قررت هعيش كده
سامر :- مينفعش مش معنى انك اتجوزتى مره ومرتحتيش يبقى الجواز كله كده الرجاله كلها مش زى بعض يعنى ممكن جوزك الاولانى كان بيتعامل معاكى غلط وكرهك فى الجواز ادينى فرصه وجربى وصدقينى مش هتخسرى حاجه
نهى :- وهى ماسكه دموعها ارجوك يا استاذ سامر بلاش تتضغط عليا اكتر من كده دور على واحده تستاهلك وتحبك بجد انا منفعكش
سامر :- نهى بلاش تتسرعى وتقولى رأيك فكرى الاول وبراحتك وانا فى انتظار ردك
وفى الوقت ده سمعوا صوت محمد بيقول
محمد :- طلبك مرفوض
سامر :- انت مين وبتعمل ايه هنا
نهى :- بصدمه محمد
محمد :- انا ابقى طليقها وان شاءالله هكون جوزها تانى
سامر :- بص لنهى وقال هو ده طليقك
نهى :- هزت راسها بدموع وقالت ايوه
محمد :- اتفضل بقى من غير مطرود
نهى :- انت مالك بيه انا اسفه يا استاذ سامر وبصت محمد وقالت انت اللى تتفضل من غير مطرود
محمد :- انا مش هتحرك من هنا غير وانتى معايا يا نهى
نهى :- انا مش هروح معاك فى حته اطلع بره يا محمد
سامر :- سمعت قالت ليك ايه اتفضل يلا امشى من هنا وابعد عنها
محمد :- انت متدخلش فاهم
سامر :- نهى هنا امانه معايا ومش هسمح لحد يقرب منها
محمد :- انت حمار مش بتفهم بقولك طليقتى وهرجعها
سامر :- لم لسانك واحترم نفسك هى رافضه ترجع ليك يبقى اتفضل خد بعضك كده وامشى
محمد :- وانت بقى يا حيلتها اللى موافقه عليك
سامر :- شئ ميخصكش
محمد :- نهى اتكلمى ساكته ليه انتى هتتجوزى ده فعلا
سامر :- كلامك معايا انا ملكش دعوه بيها
محمد :- مسك فيه وقال انت شكلك عايز تتربه من اول وجديد
سامر :- مسك فيه هو كمان وقال ده انا اللى هعرفك مقامك
نهى :- بصت ليهم بدموع وصرخت وقالت كفاااايه بقى بس بس اطلعوا بره انتو الاتنين مش عايزه اشوف حد فيكم وطلعت تجرى على اوضتها وقفلت الباب وراها وقعدت تعيط
محمد :- بص بقرف لسامر وسابه ومشى من قدامه
سامر :- بص لفوق واتنهد بزعل وخرج ركب عربيته ومشى بيها
نهى :- قعدت تعيط لحد ما عينيها راحت فى النوم والصبح صحيت لاقت الدموع على خدها قامت بصعوبه دخلت الحمام وبعد وقت خرجت لبست هدومها وأدت فرضها ونزلت راحت الشركه ودخلت عند سامر وهى بصه فى الارض وقالت
نهى :- انا اسفه يا فندم على اللى حصل عندى فى البيت امبارح
سامر :- بحب ولا يهمك انا قلقت عليكى بس
نهى :- لاء متشغلش بال حضرتك انا واخده على كده
سامر :- وافقى عليا وانا اوعدك انك مش هتندم هعوضك عن كل الدموع دى
نهى :- هزت راسها وقالت اسفه يا فندم مش هينفع ارجوك بلاش تكلمنى تانى فى الموضوع ده علشان مسبش الشغل والبلد وامشى خالص
سامر :- حاضر يا نهى وعلى أمل انك انتى تفكرى فى الموضوع تانى واسمع منك الموافقه
نهى :- انا بستأذن النهارده من حضرتك اروح علشان تعبانه ومش قادره اكمل اليوم
سامر :- بقلق اجبلك دكتور
نهى :- شكرآ يا فندم على اهتمامك بس انا لو حسيت نفسى تعبت اوى هروح لدكتور بنفسى مش هطلب من حد عن اذنك وسابته وخرجت اخدت شنتطها ونزلت لاقت محمد فى وشها اتنهدت وقالت انت تانى عايز منى ايه بس ما قولتلك طلعنى من دماغك بقى
محمد :- يا نهى انا اتعالجت والله العظيم اتعالجت وعملت كل ده علشانك فى الاخر تقوليلى مش هنرجع لبعض
نهى :- اولا انا ميهمنيش انك اتعالجت ولا لاء ولو اتعالجت ده علشانك مش علشانى انا ثانيآ انا مستحيل ارجع ليك مهما حصل انسانى يا محمد بقى وروح دور على واحده غيرى وابدء معاها صفحه جديده إنما أنا خلاص الصفحه اللى ما بينا اسودت وصعب تبيض تانى ارجوك ابعد عن سكتى وسبنى فى حالى بقى
محمد :- انا مش عايز غيرك يا نهى بحبك انتى واتعالجت علشانك انتى واوعدك هتلاقى واحد تانى خالص غير اللى كنتى تعرفيه ومش هتندم عمرك على مسامحتك ليا ارجوكى يا نهى وافقى انك ترجعيلى
نهى :- يا ررررربى على كده انت عرفت مكانى ازاى بس
محمد :- ناس معرفه عرفوكى وبلغونى بمكانك
نهى :- ناس معرفه عرفونى و بلغتك ولا انت استخدمة نفوذك وعرفت تجيبنى
محمد :- مش هتفرق كتير المهم أن انا وصلتلك ومش هسيبك غير لما ترجعيلى
نهى :- انسى يا محمد عن اذنك
محمد :- بصوت عالى مش هنسى يا نهى وانا وراكى لحد ما تسامحينى وفى الوقت ده جه تليفون لمحمد من مصر رد وقال السلام عليكم
ام محمد :- تعال بسرعه يا محمد
محمد :- بخضه فيه ايه
ام محمد :- بدموع اختك عفاف طلعت حامل من علاقه غير شرعيه وراحت تنزله قبل ما حد مننا يعرف نزفت وماتت اختك عفاف ماتت يا محمد
محمد :- دموعه نزلت منه وقال ح ح.حامل وماتت انا جاى حالا مصر وقفل بسرعه وركب عربيته راح الفندق اخد هدومه وراح على المطار ورجع مصر
~•~•~•~•~•~•~•~•~•~•~•~•~•
بااااااك

نهى :- فاقت من تفكيرها على صوت سامر وهو بيقول ليها

سامر :- نهى يا نهى
نهى :- ها ا.ا.افندم
سامر :- فيه ايه مالك بنادى عليكى مش بتردى عليا
نهى :- اسفه يا فندم مأخدش بالى
سامر :- ولا يهمك انا قلقت عليكى بس
نهى :- خير يا فندم محتاج حاجه
سامر :- لاء بس انتى مش هتروحى ولا ايه
نهى :- بصت فى الساعه وقالت ايه ده محستش بالوقت خالص ووقفت ومسكت شنتطها وقالت عن اذنك يا فندم
سامر :- استنى يا نهى اوصلك
نهى :- شكرآ انا هركب اى مواصله عن اذنك وسابته ونزلت وقفت تاكسى وراحت على بيتها واتفاجئت بمحمد وهو قاعد على الباب راحت عنده وقالت انت تانى ايه رجعك
محمد :- بدموع اترمى فى حضنها
نهى :- اتفاجئت باللى حصل بعدت عنه وقالت م.م.مالك
محمد :- بدموع انا ادمرت يا نهى اختى ماتت وهى بتنزل الحمل اللى جه من علاقه غير شرعيه وامى مستحملتش موت اختى والفضيحه وماتت هى كمان انا بموت يا نهى ربنا عقبنى بس عقابه كان صعب عليا اوى
نهى :- طيب والأولاد راحوا فين
محمد :- عايشين مع اختى سلمى بس جوزها رافض وجودهم وبيعمل معاها مشاكل كتير بسبب كده
نهى :- صعب عليها محمد اتنهدت وقالت البقاءلله ربنا يرحمهم ويغفر ليهم
محمد :- مسك ايديها وقال نهى انا محتاجك اوى ربنا اخدلك حقك منى انتى واللى قبلك وانا عملت كتير اوى علشانك سامحينى وارجعيلى بقى
نهى :- صعب يا محمد والله العظيم انا مبقتش أنفع ليك ولا لغيرك خالص روح شوف واحده غيرى تحبك وتخلى بالها على الأولاد إنما أنا لاء عن اذنك وسابته ودخلت شقتها وقفلت الباب وراها
محمد :- بص على نهى وهى ماشيه بدموع وراح ركب عربيته ومشى
~•~•~•~•~•~•~•~•~•~•~•~•~•
فى اسكندريه

عند منتهى فى الجريده

كانت قاعده فى مكتبها شغاله وسمعت خبط على الباب قالت

منتهى :- ادخل
علاء :- فتح الباب وقال ممكن ادخل
منتهى :- ابتسمت بحب وقالت اه طبعآ تعال يا قلبى ادخل
علاء :- دخل وقفل الباب وراه وراح باس راسها وقال واحشتينى
منتهى :- بحب وانت كمان واحشتنى اوى اوى اوى
علاء :- لسه قدامك كتير
منتهى :- بتعب شويه داليا وفاطمه محدش فيهم نزل النهارده واحده حامل والتانيه ولدت وضغط الشغل كله عليا وانا وعد داليا أن هخلى بالى على الجريده لحد ما تقدر تنزل
علاء :- بوجع عقبالنا يا قلبى
منتهى :- ابتسمت ليه بحب وقالت طيب ما انا معايا احلى ابن فى العالم اوقات كتير بحسك طفل صغير كده ومسؤول منى انا كفايه عليا وجودك جنبى ومعايا مش عايزه حاجه من الدنيا تانى
علاء :- بحب ربنا يخليكى ليا يا منتهى انتى اكبر نعمه فى حياتى
منتهى :- امممم طيب ايه رأيك ننزل ناكل فى اى مطعم وترجع معايا تانى وتقعد تسنانى لحد ما اخلص شغل
علاء :- اللى انتى تأمرينى بيه عينيا علشانك يا قمرى
منتهى :- قامت وقفت وراحت عند علاء وحضنته وباست خده وقالت بحبك
علاء :- قام وقف ضمها ليه وقال انا بموت فيكى يا روحى وباس خدها
منتهى :- لفت دراعها حاولين وسط علاء وقالت يلا بينا
علاء :- ابتسم ليها وحط دراعه على كتفها وباس راسها وقال يلا ونزلوا الاتنين مع بعض وراحوا على المطعم
~•~•~•~•~•~•~•~•~•~•~•~•~•
فى شقة فادى

وصل فادى على البيت وفتح الباب بتعب ودخل لاقه ادهم جاى بيجرى عليه وبيقول

ادهم :- بابا
فادى :- شاله وباسه وقال روح بابا انت ؛ فين ماما
ادهم :- شاور على المطبخ
فادى :- باسه ونزله وراح المطبخ ومشى براحه وحضن رودينا من ضهرها وباسها فى رقابتها وقال القمر بيعمل ايه
رودينا :- ابتسمت ليه وقالت بحضر الاكل لجوزى حبيبى
فادى :- لفها ليه وقربها منه وقرب من شفايفها وباسها وقال واحشتينى
رودينا :- بدلع وانت كمان
فادى :- غمز ليها وقال ما تيجى
رودينا :- والله طيب وادهم نعمل فيه ايه
فادى :- ادهم حبيب ابو مش هيقطع عليه
رودينا :- بضحك هو اه حبيب ابوه بس بيغير على امه من ابوه
فادى :- بغيظ محدش يغير عليكى غيرى فاهمه
رودينا :- ده ابنك يا مجنون
فادى :- ولا حتى ابنى انا بحبك وبغير عليكى
رودينا :- لفت دراعها حاولين رقبة فادى وقالت بدلع بجد
فادى :- بص فى عينيها وقال هو انتى لسه بتسألى يا رودى
رودينا :- اترمت فى حضنه وقالت وانا والله العظيم بعشقك اوى يا فادى
فادى :- ضمها اكتر ليه وباس رقابتها وقال ربنا يخليكى ليا يا حبيبتى وغمض عينه واتنهد
رودينا :- بعدت عنه وقالت يلا ادخل غير هدومك على ما احضر الاكل
فادى :- باس خدها وقال ماشى يا قلبى وسابها ودخل اوضه
رودينا :- بصت عليه وهو ماشى بحب واتنهدت وحضرت الاكل على الترابيزه وشويه وجه فادى وهو شايل ادهم وقعد وحطه على رجله وقعدوا ياكلوا مع بعض
~•~•~•~•~•~•~•~•~•~•~•~•~•
انتهى اليوم وروح ادهم البيت ومعاه مصطفى واخدته منه سندس وطلع على اوضه ودخل باس داليا فى خدها وقال

ادهم:- عامله ايه دلوقتى يا حبيبتى
داليا :- كويسه يا عمرى يومك كان عامل ازاى النهارده
ادهم :- كالعاده متعب كله شغل
داليا :- وفين مصطفى
ادهم :- سندس اخدته منى تحت
داليا :- واحشنى اوى والله
ادهم :- قعد جنبها وقال هو ولا ابوه
داليا :- مشيت ايديها على خده وقالت بحب هو وابوه طبعآ
ادهم :- مسك ايديها وباسها بحب وقال وانتى واحشتينا اوى يا روحى
داليا :- فاطمه ولدت عايزين نروح ليهم بقى
ادهم :- عرفت أكرم كلمنى وبلغنى جابوا مكرم واخته ايه ولدت برضه فى نفس اليوم وجابت عائشه
داليا :- اه اتنين مجانين ولدوا فى يوم واحد عقبال منتهى وعلاء يارب
ادهم :- قام وقف وقال يارب
داليا :- انا هنزل اشوف مصطفى احسن هتجن عليه واخليهم يحضروا الاكل
ادهم :- استنى بقولك
داليا :- نعم
ادهم :- ابوكى كلمنى النهارده
داليا :- بخضه ليه فيه ايه
ادهم :- متقلقيش مفيش حاجه بس عايز يجى ويطلب ايد سندس لاخوكى مؤمن
داليا :- بفرحه بجد وانت قولت ليه ايه
ادهم :- قولتوا مفيش مشكله وهستناهم بكره بليل
داليا :- بفرحه ايوه بقى اخيرآ هيبقوا لبعض
ادهم :- اصلا اخوكى مكلمنى عليها من زمان اوى وانا بينى وبين نفسى اخد قرار أنهم هيبقوا لبعض بس مرضتش اقولوا رأى علشان يركزوا فى مستقبلهم
داليا :- مكلمك! ماشى يا مؤمن الكلب وبدارى على اختك لما اشوفك بس
ادهم :- ابتسم و لعب بصوابعه على طرف مناخيرها وسابها ودخل الحمام
داليا :- ابتسمت على حركة ادهم ليها وفتحت الباب ونزلت
~•~•~•~•~•~•~•~•~•~•~•~•~•
انتهى اليوم والكل نام

وبدأت تشرق شمس صباح يوم جديد بنورها الساطع فى سماء امريكا لتبدء نهى بفتح عيونها قامت دخلت حمامها اخدت شاور واتوضت وخرجت لبست هدومها وأدت فرضها نزلت دخلت المطبخ عملت لنفسها فنجان قهوه وشربته واخدت شنتطها وفتحت الباب لاقت محمد قاعد قصاد الباب قالت بصدمه

نهى :- محمد انت بتعمل ايه هنا
محمد :- مش قادر اشوف حياتى ولا شغلى طول ما انتى بعيده عنى ارجوكى يا نهى سامحينى
نهى :- يا محمد قولتلك انسانى بقى
محمد :- بدموع وحياة اغلى حاجه عندك سامحينى اهون عليكى يا انسه احلف
نهى :- اتنهدت بوجع وقالت مبقاش ينفع يا محمد خلاص انا مبقاش فيا جهد لاى حاجه تانى
محمد :- جربى مش هتخسرى حاجه ولو لاقتينى معاكى زى الاول تقدرى تطلقى منى بسهوله
نهى :- ازاى بقى أن شاءالله
محمد :- هكتبلك كل املاكى بأسمك وهكتب إقرار على نفسى واوثقه فى المحكمه وبكده انتى ضمنتى انك هتطلقى منى وهتلاقى اللى يأمن ليكى حياتك ده فى حالة لو حصلك اى اساءه منى
نهى :- انا والله العظيم ما عايزه أملاك ولا عايزه كل اللى قولت عليه ده انا عايزه اعيش فى أمان ومرتاحه وبس
محمد :- انا اوعدك ان انا هعيشك فى امان ومش هتندمى عمرك
نهى :- سكتت ومردتش عليه
محمد :- مسك ايديها وقال وافقى ارجوكى
نهى :- دموعها نزلت منها وقالت صعب والله العظيم صعب مش هقدر انساه اللى حصل منك فيا
محمد :- بدموع كنت مريض وقولتلك الاسباب اللى وصلتنى لكده انا مش وحش يا نهى بس الظروف اللى حكمت عليا بكل ده
نهى :- ولا انا كان لازم يحصل فيا كل ده للاسف انا خلاص مبقاش عندى مشاعر ليك خالص يا محمد وانا اللى هظلمك لو رجعت ليك روح شوف غيرى تاخد بالها منك وتاخد بالها من ولادك إنما أنا لاء ولبست نضارة الشمس بتاعتها وسابته ومشيت وقفت تاكسى وراحت على شغلها
محمد :- بص عليها بدموع وقال هفضل وراكى لحد ما تسامحينى يا نهى انا مش عايز غيرك انتى وراح ركب عربيته ومشى
~•~•~•~•~•~•~•~•~•~•~•~•~•
مر اسبوع على ابطالنا بدون احداث تذكر

غير أن تم الاتفاق على خطبة مؤمن وسندس فى اخر الاسبوع وانتهى الاسبوع وجه ميعاد الخطوبه والكل اتجمع فى فيلا ادهم

فى اوضت سندس

كانت قاعده ومتوتره وفرحانه وداليا قاعده معاها هى ودينا

سندس :- بفرحه انا مش مصدقه نفسى أن انا خلاص هبقى خطيبة مؤمن رسمى
داليا :- هيييييح قلبى بيقشعر من الرومانسيه الصراحه
دينا :- ومن سمعك يا دولى هيييييح
سندس :- والله انتو هتفضلوا تتريقوا عليا كتير كده
داليا :- وانا اقدر برضه يا مرات اخويه
سندس :- بكسوف لا خالص الصراحه انا اللى بتريق مش انتو
دينا :- يا لهوى يا ناس على القمر بتاعى ده اختى الصغننه بتتخطب وهتبقى عروسه
سندس :- اوڤر اوى يا دينا الجو ده
دينا :- كده طيب انا غلطانه أن فرحانه ليكى وقومى يلا انزلى زمان العريس وصل هيييييييح
سندس :- وشها احمر وقالت بكسوف مؤمن وصل
داليا :- يا بت اجمدى بلاش السهوكه دى احسن ما الولا مؤمن يخدك ويخطفك ويمشى ده الولا ماسك نفسه بالعافيه
سندس :- اقولكم على حاجه
دينا :- قولى يا اختى قولى
سندس :- انا بحبه اوى نفسى اقول ليه قدام الناس دى كلها أن انا بعشقه
داليا :- يا لهوووووى فينك يا مؤمن تسمع الكلام ده وقعدوا يضحكوا الاتنين وسمعوا خبط على الباب وراحت دينا فتحت الباب وقالت تعال يا ادهم
ادهم :- دخل وقال خلصتوا ولا لسه
داليا :- خلصنا طبعآ مش واخد بالك من القمر ده وشاورت على سندس
ادهم :- راح عندها وباس راسها وقال ماشاءالله عليكى يا حبيبتى طالعه زى القمر
سندس :- بكسوف بجد يا أبيه
ادهم :- يا بخت الولا مؤمن بيكى يا عسولتى
داليا :- انت هتقر على اخويه ولا ايه
دينا :- الصراحه هما الاتنين لايقين على بعض اوى
ادهم :- يلا يا حبيبتى هو مستنيكى تحت
سندس :- مسكت ايد ادهم بخوف وقالت مؤمن جه تحت
ادهم :- ابتسم ليها وقال اه تحت وعامل ليكى مفاجئه كمان
داليا :- هو احنا مش بيتعمل لينا مفاجئه زى دى ليه
ادهم :- بصلها ورفع حاجبه وقال والله
داليا :- احم مش فاكره اذا كان اتعمل ليا مفاجئه قبل كده ولا لاء
ادهم :- لاء افتكرى كويس ونزلوا كلهم تحت وراح مؤمن مسك ايد سندس وبصلها بأعجاب وحب وراحوا قعدوا فى المكان المخصص ليهم ولبس الشبكه ليها والكل سقف ليهم
مؤمن :- مبروك يا قلبى
سندس :- بكسوف الله يبارك فيك
مؤمن :- بس ايه العسل ده قمر يخربيت كده نفسى اخدك واخطفك واخلى شوشو ياخد فرصته بقى
سندس :- اتلم يا قليل الادب
مؤمن :- انا مالى بس شوشو هو اللى بيلعب فى عقلى هو اللى ابن كلب واطى
سندس :- ضحكت ليه بكسوف
مؤمن :- طيب بالنسبه ليا مفيش اى تعليق انا غيرت المرادى حلاق الكلاب ده
سندس :- بجد
مؤمن :- ايوه روحت لحلاق خرفان احسن شويه
سندس :- ضحكت وقالت انت مشكله
مؤمن :- غمز ليها وقال طيب اعجب ولا لاء
سندس :- بكسوف قالت ش.ش.شكلك حلو اوى النهارده ابقى روح علطول لحلاق الخرفان ده وضحكت
مؤمن:- نهار اللى خلفونى عسل ايه يا بت الطعامه والحلاوه والرقه دى هوووف هو انا هقدر استحمل الكام سنه طول دول ازاى انا بنهار فى الخطوبه دى
سندس :- ضحكت بكسوف وقالت صح كان أبيه ادهم بيقول أن انت عامل ليا مفاجئه
مؤمن :- هو اخوكى ده مش بيتبل فى بؤقه فوله أبدآ
سندس :- اتلم متقولش على أبيه كده قول بقى ايه هى المفاجئه
مؤمن :- اتنهد وقال بما أن شوشو ساكن دماغى ومش بيحل عن دماغى أبدآ وبيجيب افكار سوده ومنيله فى دماغى قررت قرررت
سندس :- ها انطق انت علقت ولا ايه وفى الوقت ده جه علاء وقال
علاء :- مبروك يا حبيبتى
سندس :- الله يبارك فيكى يا حبيبى
علاء :- يلا يا عريس المأذون وصل
سندس :- بأستغراب مأذون
مؤمن :- هى دى المفاجئه ايه رأيك فيها
سندس :- ياراجل احلف
مؤمن :- وحياتك عندى
علاء :- لاحظ أن اخوها واقف
مؤمن :- منور والله
علاء :- يلا قوم قدامى
مؤمن :- ثانيه واحده اروح اكتب كتابك واجيلك يا عروستى ومشى مع علاء
سندس :- وهى مش مصدقه نفسها كتب كتاب مين وعروسة مين هو ايه اللى بيحصل
داليا :-بضحك ما كنتى بعقلك يا ضنايا ايه حصلك بتكلمى نفسك ليه
سندس :- هو ايه اللى بيحصل ده
داليا :- الولا خاف ليتهور قال يكتب كتابه احسن واهو تبقى فى الاخر مراته
سندس :- هو اخوكى ده مجنون
داليا :- طول عمره رايحه منه يا حبيبتى
فادى :- جه وقال امضى يا عروسه
سندس :- ها أمضى على ايه
داليا :- بضحك على شهادة جوازك انتى فيه ايه البت مصدومه يا عينى
سندس :- بصت لاخوها فادى وبصت للورق ومدت ايديها ببطئ واخدت الورق والقلم ومضت
فادى :- باس راسها وقال مبروك يا حبيبتى
سندس :- الله يبارك فيك يا فادى
مؤمن :- جه وفتح دراعه وقال بالحضن يا فواز
سندس :- حضن مين
مؤمن :- حضن جوزك يا روحى
داليا :- بضحك براحه على البت هى اصلا مصدومه ومش مستوعبه كل اللى بيحصل ليها ده
مؤمن :- بس ايه رأيك فى اخوكى مش سهل صح
داليا :- الحب يا اخويه يعمل اكتر من كده بالحضن يا ولا عيشت وشوفتك عريس وحضنته وقالت مبروك يا حبيبى عقبال الليله الكبيره بقى
مؤمن :- يااااااارب امته بقى ده انا هاين عليا اخدها وامشى من دلوقتى
داليا :- بضحك علشان اخوها ادهم يعلقك من قفاك
مؤمن :- ليه أن شاءالله دى مراتى
داليا :- بضحك مراتك مع ايقاف التنفيذ
مؤمن :- طيب امته التنفيذ اللهى تنسترى
داليا :- بعد ما تخلصوا وتتخرجوا يا حلوه وسابتهم ومشيت وهى بتضحك
مؤمن :- قعد وبص ليها بحب وقال مبروك يا زوجتى العزيزه
سندس :- ها ا.ا.الله يبارك فيك
مؤمن :- مالك يا بنتى متنحه كده هى المفاجئه مش عجباكى ولا ايه
سندس :- ل ل لا حلوه بس فكرت ان بقيت مكتوب كتابى مرعبه شويه وضع هاخد وقت على ما اتعود عليه
مؤمن :- انا بقى طاير من الفرحه انك خلاص بقيتى مراتى مش شرط علشان اللمسك بس يكفى انك بقيتى مراتى بتاعتى انا وفى الوقت ده سمعوا صوت الدجى وهو بينادى عليهم علشان يرقصوا سلوا
قام مؤمن ومد أيده لسندس وقال بحب برنسيس سندس ممكن تتكرمى وترقصى مع جوزك الرقصه دى
سندس :- بكسوف هزت راسها بالموافقه ومدت ايديها فى ايد مؤمن وقامت وراحت معاه مؤمن بصلها بحب ومد أيده فى وسطها وقربها منه وقال
مؤمن :- حطى ايدك على كتفى
سندس :- مدت ايديها بكسوف من لمست مؤمن ليها وحطتها على كتفه وبدأوا يرقصوا مع بعض
مؤمن :- مش قولتلك متنزليش عينك بعيد عن عينى طول ما انتى معايا
سندس :- بصت فى عينه بكسوف
مؤمن :- بص فى عينيها بحب وقال بحبك يا سندس ونفسى اسمعها منك
سندس :- اتنهدت بحب وقالت انا مش بحبك يا مؤمن انا بعشقك بموت فيك ولو فيه كلمه تانيه توصف ليك انا بحبك قد ايه كنت قولتها
مؤمن :- بحب يااااااه كنت بحلم باليوم ده كتير اوى وضمها فى حضنه وباس راسها وقال انتى احلى حاجه ربنا كرمنى بيها فى الدنيا دى بعشقك يا سندس بعشقك
سندس :- اتكسفت من قرب مؤمن ليها حاولت تبعد معرفتش وقالت م.م.مؤمن ا.ا.الناس
مؤمن :- محدش ليه حاجه عندى انتى دلوقتى مراتى
سندس :- يا م.م.مؤمن ابعد بقى
مؤمن :- بعدها عن حضنه وبص عليها لاقها خدودها حمرا من الكسوف ضحك وقال لاء ده كده ولا حاجه يا حبيبتى التقيل جاى وراه
سندس :- ضربته على كتفه وقالت قليل الادب
مؤمن :- ضحك عليها وقعدوا يرقصوا مع بعض
وفى الوقت ده طلب الدجى من كل الكابلز يشاركوهم الرقصه

حمزه وميرفت

حمزه:- وقف وقال تعالى نرقص
ميرفت :- ابتسمت ليه بحب وراحت معاه ترقص
حمزه :- بحبك يا ام هاجر
ميرفت :- ايه ام هاجر دى
حمزه :- بضحك خلاص يا مدام
ميرفت :- والله
حمزه :- بعشقك يا احلى زوجه وام وحبيبه فى الدنيا دى كلها
ميرفت :- نامت على صدره وقالت وانا بموت فيك يا احلى واجمل زوج فى الدنيا دى بحالها
حمزه :- باس راسها وقال ربنا يديمك فى حياتى يارب وميحرمنيش منك يا قلبى
ميرفت :- ولا منك يا عمرى
وكملوا رقص فى حضن بعض

تامر ودينا

وهما بيرقصوا مع بعض

تامر :- انا اسعد واحد فى الدنيا دى بحالها علشان معايا ارق واجمل واحده فى الدنيا
دينا :- بحب ده انا اللى ربنا بيحبنى أن كرمنى بواحد زيك
تامر :- تعرفى لما كنتى فى الاول بتصدينى ومش راضيه تقبلينى كنت حاسس ان الدنيا دى سوده فى وشى واول ما سمعت منك كلمة موافقه كانت حاسس ان انا طاير من الفرحه مكنتش مصدق نفسى الدنيا كلها فتحت فى عيونى وشوفتها بالالوان ربنا يخليكى ليا وميحرمنيش منك يا قلبى يارب
دينا :- نامت على صدره بحب وقالت ولا منك يا عمرى وكملوا رقص

فادى ورودينا

وهما بيرقصوا مع بعض فضل فادى يبص لرودينا بحب
رودينا :- ابتسمت وقالت مالك بتبص ليا كده ليه
فادى :- تعرفى أن انا بحبك اوى
رودينا :- بجد
فادى :- سؤالك ده تريقه صح
رودينا :- يعنى
فادى :- عارف انك لسه منستيش اللى حصل قبل كده بس حتى لو تفتكرى انا فى الأيام دى كنت دايمآ بقولك بحبك وفعلا انا عمرى ما كرهتك من اول ثانيه قابلتك فيها وانا حبيبتك اوى
رودينا :- اتنهدت بوجع وقالت ياريت بلاش نتكلم فى اللى فات يا فادى خلينا فى اللى جاى واللى انا متأكدة منه أن بحبك ومفيش حد فى الدنيا دى مالى عينى غيرك
فادى :- باس راس رودينا بحب وقال ربنا يقدرنى واقدر اسعدك زى ما انتى بتسعدينى دايمآ
رودينا :- حطت راسها على صدره ودموعها نزلت منها وقالت بحبك
فادى :- باس راسها وقال بعشقك
وكملوا رقص

أكرم وفاطمه

وهما بيرقصوا

فاطمه :- كرومتى
أكرم :- روح كرومتك امرى
فاطمه :- انا نفسى اسافر تونس عند ايه وممدوح
أكرم :- امممم طيب هما لسه مسافرين مش بقالهم كام يوم يرتاحوا شويه ونسافر ليهم نقضى معاهم اسبوع ايه رأيك
فاطمه :- بفرحه بجد انا بحبك اوى يا كرومتى
أكرم :- وانا بموت فيكى يا روح كرومتك
فاطمه :- باسته فى خده وقالت يخربيت جمالك
أكرم :- ابتسم وقال والله مجنونه
فاطمه :- ابتسمت وقالت مجنونه بحبك يا روحى
أكرم :- ضمها فى حضنه بحب وباس راسها وقال بعشقك وكملوا رقص

علاء ومنتهى

منتهى كانت تعبانه خالص وحطه راسها على الترابيزه ونايمه

علاء :- خبط على كتفها وقال توته انتى كويسه
منتهى :- هزت راسها وقالت لاء يا علاء تعبانه اوى مش عارفه ليه
علاء :- طيب حاسه بأيه
منتهى :- دماغى تقيله اوى ومش قادره افتح عينى ودايخه اوى
علاء :- بأستغراب طيب ده من ايه
منتهى :- بتعب مش عارفة انا مش قادره اقعد اكتر من كده يلا بينا نمشى
علاء :- ماشى يلا بينا ووقف منتهى وسندها وراح عند ادهم وقال احنا ماشين
ادهم :- ليه بس لسه بدرى
علاء :- منتهى تعبانه ومش قادره تقعد
ادهم :- ليه سلامتها
علاء :- دماغها تقيله ودايخه
ادهم :- دايخه
علاء :- ايوه
ادهم :- استنا كده ونده على داليا وقال منتهى تعبانه ودايخه
داليا :- بفرحه بجد
علاء :- بأستغراب ايوه ليه
داليا :- وحاسه أن نفسك بتغم عليكى وعايزه ترجعى وكارهه ريحة الاكل
منتهى :- بتعب ايوه بالظبط كده
داليا :- بفرحه انتى حامل يا توته
منتهى :- حامل !
داليا :- اه والله الأعراض دى بتاعة الحمل
ادهم :- انا شكيت اول ما قال إنها دايخه مبروك يا علاء
علاء :- واقف ومصدوم ومش بيتكلم
داليا :- هو فيه انتو الاتنين مالكم ساكتين كده احسن حاجه خدوها وروحوا اعملوا تحليل حمل
علاء :- بتوتر م.م.ماشى يلا بينا يا توته واخدها وراح عمل ليها تحليل وبعد وقت طلعت نتيجة التحليل أن منتهى حامل سجد فى الارض وقعد يشكر ربنا وقام وقف وشال منتهى وقعد يلف بيها بفرحه
منتهى :- بدموع اخيرآ يا علاء ربنا كرمنا انا فرحانه اوى اوى يا علاء
علاء :- بدموع الف حمد والف شكر يارب احمدك واشكر فضلك يارب
منتهى :- حضنته بدموع وقالت الحمدالله الحمدالله
علاء :- مسح دموعه وقال من هنا ورايح متتحركيش نهائى اى حاجه عايزاها قوليلى وانا اعملها ليكى مفهوم
منتهى :- هزت راسها بدموع وقالت حاضر
علاء اخد منتهى وروحوا البيت وهما فرحانين بالخبر

فى الفرح

كانت داليا فرحانه جدآ أن ربنا كرم منتهى وعلاء وقالت

داليا :- انا فرحانه اوى اوى يا ادهم اخيرآ ربنا كرمهم
ادهم :- بحب ربنا يكملها على خير يارب
داليا :- يارب ومسكت ايد ادهم وباستها وقالت انا فرحتى كده كملت الكل بقى سعيد وفى الوقت ده جه مصطفى لادهم وقال

مصطفى :- كنت عايزك فى موضوع يا ابنى
ادهم :- خير يا بابا
داليا:- طيب عن اذنكم
مصطفى :- خليكى يا بنتى هو مش سر وبص لادهم وقال كنت محتاجك تيجى ليا الجمعه الجايه
ادهم :- خير يا بابا فيه حاجه
مصطفى :- متقلقش يا حبيبى خير بس كان فيه عريس جاى يتقدم لأختك ساندرا وكنت عايزك تقعد معاه
ادهم :- حاضر يا بابا هكون عندك يوم الجمعه ان شاءالله
مصطفى :- ربنا يبارك ليا فيك يا حبيبى فين حفيدى مصطفى
ادهم :- مع مديحه
مصطفى :- هروح ليه عايز حاجه يا حبيبى
ادهم :- سلامتك يا بابا
مصطفى :- طبطب علي كتفه وابتسم ليه ومشى
ادهم :- حضن داليا من ضهرها وباسها فى خدها وقال كده بقى الفرحه اكتملت بجد واحلى ما فيها فرحتنا ببعض يا قلبى
داليا :- حطت ايديها على ايد ادهم اللى على بطنها وقالت حكايتنا احنا غير احنا حكايتنا كانت مختلفه حكاية تمرد وكبرياء وفى الاخر انتصر عليهم الحب ونور حياتنا حته منك ومنى كانت احلى واجمل مكافئه لينا احنا الاتنين
ادهم :- انتى عارفه حكايتنا تنفع تتسمى ايه
داليا :- بصت ليه وقالت ايه
ادهم :- تمرد صحفيه
داليا :- ضحكت ليه وقالت اسم حلو بس الصحفيه وقعت فى حب رجل الأعمال وبقت عشق صحفيه
ادهم :- باسها فى خدها وقال ورجل الأعمال بيموت فى الصحفيه
مصطفى :- جه يجرى وقال بابا ماما
ادهم :- شالوا الاتنين وكل واحد باسه فى خده واخدت ليهم صوره احلى واجمل ذكرى ليهم

النهايه
*********************
إلي هنا تنتهي رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة