U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية شرسة ولكن بقلم لولو طارق - الفصل الثاني والأربعون

مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل الثاني والأربعون من  رواية شرسة ولكن بقلم لولو طارق. 

رواية شرسة ولكن بقلم لولو طارق - الفصل الثاني والأربعون

اقرأ أيضا: روايات غرام
رواية شرسة ولكن بقلم لولو طارق
رواية شرسة ولكن بقلم لولو طارق

رواية شرسة ولكن بقلم لولو طارق - الفصل الثاني والأربعون

محى فاقد الوعى فى العربيه ومعاه اتنين رجاله طول بعرض وسعفان وراهم بحصانه ومعاه مجموعه تانيه من البدو ..
نور بتسوق بجنون وحازم بيحاول ياخد مكانها مش قادر عليها وبصوت عالى : ها يقتلوه يا حازم وها ابقى انا السبب انا بكره نفسى بكرها
حازم : وقفى يا نور وخلينى انا اسوق
نور : لاء لازم الحقهم قبل ما يعملو فيه حاجه ..
سعفان والا معاه وصلو لمكنهم ونزلو محى من العربيه وسعفان اول ما شافه زعق فيهم كلهم وضرب واحد بالقلم
سعفان : مين هاد
الشاب : هاد ياإلا جولت اخطفوه يا ولد عمى ايش بيك
سعفان قرب عليه ضربه تانى : ايش بيك انت جولتلك يا إلا لابس اخضر يا عمران
عمران بيزق محى : جولى ما لونه اخضر والا شو انت بتعرف انى بخربط بالألوان
سعفان : والله غبى بعد كل شى صار تهد يالا عملته
كبير القبيله قرب عليهم : نفذت يالا فى دماغك يا والدى الجبيله كلها راح تدفع تمن يالا عملته مع الحكومه
سعفان : ما بيهمنى ورد شرفنا وعرضنا ماراح اتركها هيك مانعرف عنها شى يا شيخ حماد
الشيخ : الله بيصطفل فيك وفى جنانك هاد
محى اتعدل وبيتكلم وعيونه جت فى عيون الا خطفه قام وقف وماسك راسه وسعفان زقه بعنف وقعه
سعفان : أورجد مكانك لا تتحرك
الشيخ : بيكفى يا سعفان والله راح أدبك على جلة احترامك هااى ومد ايده لمحى بيقومه جوم يا والدى لا تاخذنا
محى قام وبيبص لسعفان بشر وبتلقائيه : مالك يا اقرع انا زعلتك فى حاجه
سعفان حط ايده على راسه وكل الموجودين بصالوه وضحكووو
سعفان قرب عليه : والله بجتلك مانى اجرع يا كلب
محى : خلاص ولا تزعل نفسك شوفلك اى خروف من دول واعمل بروكه
سعفان : ايش تجول انت كيف يعنى
الشيخ : ولادى لا تزعل من يالا عمله سعفان نحنا ما نريد الشر للجبيله فيها صبايا كتير واطفال لستهم بيطلعو للدنيا الواسعه هاى
محى : طيب هو جايبنى ليه هنا وعايز منى ايه
سعفان : بنريد ورد
محى القلق ظهر عليه وقلبه دق بعنف اول ما ذكر اسم ورد معقول عرفو انهم اتجوزو وبتهته فى الكلام : مين ورد
سعفان بيخبط على صدره : بت عمى وراح تصير مارتى انتو يا الا خطفطوها من هون ونحنا مافى صبايا عنا تخرج الا ميته هاد الشاب يالا لجينا الحصانين ببيته يا الا بيعرف وينها
محى بارتياح : انا ماعرفش حاجه ومليش دعوه بالكلام دا وزى ما جبتنى هنا ترجعنى مكانى
سعفان : مش جبل ما ترجع ورد ورفع البندقيه الا فى ايده على راس محى راح اجتلك واجتل يالا كانو بالبيت كلهم
نور وصلت عند مكانهم ونزلت جرى حازم بيحاول يلحقها واول ما شافت سعفان رافع السلاح فى وش محى نطت عليه ضربته وطيرت السلاح من ايده وكل القبيله وجهت سلحها فى وش حازم ومحى ونور الا لسا فوق سعفان بتضربه
نور بتضرب سعفان فى وشه وهو نايم على الارض وهى راكبه فوقيه وبتقول بعصبيه وورا بعض : ها تقتل مين يا اقرع ياغبى والله اشرب من دمك حازم قرب عليها شدها من على سعفان وسعفان اتعدل ولسا ها يمد ايده على نور حازم مسك ايده الاتنين ورجعهم ورا ضهره وقرص على ايده كانه ها يكسرهم وبهمس مخيف وبيضغط أكتر : عايز ايدك وراسك تتكسر مد ايدك على مراتى
شيخ القبيله بزعيق : بيكفى هالحين هالمهزله بيكفى نزلو سلاحكم وبص لحازم بصرامه ابعد يدك هااى ماحد بيجدر يمد يده على ولد من ولدنا ابتفهم
حازم بعد عنه وعيونه فى عيون سعفان الا واقف يكتم غيظه وبيجز على سنانه جااامد
سعفان قرب على نور : والله لو ماكنتى حرمه ما طلعتى من هون حيه
نور بصوت عالى : اعلى مافى خيلك اركبه ومطرح ما تحط رجلك حط راسك فاهم
حازم بيشدها : كفايه يا نور ياله وبيمسك نور ومحى وماشى
شيخ القبيله : وجف عندك يا والدى صحيح بعدتهم عنك بس كلكم مو احرار تمشو على كيفكم .. بتنا ورد انتو بتعرفو وينها وماحدا راح يخرج من هون بغير مانعرف وين بتنا
نور هزت راسها بجراءه وسط ذهول حازم من تهورها ومحى : اه عارفين وبتشاور على نفسها انا الا هربتها هى مش عايزا عيشتكم ها تجبروها تعيش بالعافيه وكل القبيله ستات ورجاله اتلمت حواليهم
محى بيخبط براحه على وشه : ودتنا فى داهيه برميل النباهه الله يرحمك يا محى يا حبيبى مالحقتش تفرح يا قلب أمك
الرجاله حاوطتهم وكتفو محى وحازم والستات مسكو نور وشيخ القبيله أمرهم يدخلوهم خيمه من الخيم الفاضيه وقعدوهم جمب بعض وهما بيتكلمو مع بعض برا بالهجه مش مفهومه ولا واضحه لنور ومحى وحازم
محى بيديق عيونه وبيبص لنور : ارتاحتى ياختى ادينا ها نتسلخ زى الخرفان وها نتحط على السيخ وبيهز راسه ها نتحط على السيخ
حازم : 😂😂😂 ما تهدى يالا كلنا ها نتحط انت زعلان ليه دلوقت
محى : زعلان قوى يا حازم كان نفسى ورد تحضر اللحظه العظيمه دى وتبهرنى تخيل بتصتاد عصافير وبيهز راسه بتصتاد عصافير
نور : 😂😂😂 هى لسا فيها العاده دى
محى : انتى تخرسى خالص كنا ها نمشى ونصتاد معاها اديكى قطعتى برزقنا
نور : كدا احسن على فكره ها تفضل عايش حياتك انت وهى خايف وهربان لازم يعرفو ان الا بيعملوه دا غلط كفايه بقى تحكمات وعادات غلط فى غلط
حازم : مش بالطريقه دى يا نور احنا لوحدنا مفيش حد معانا بطلى تهور وفكرى
نور : مش عارفه بقى يا حازم انا بتخنق من مجرد التفكير ان واحده تبقى مغصوبه على حاجه او عادات وتقاليد اكترها غلط ونساندها ونقول عادات وتقاليد
حازم بصلها وابتسم : تعرفى انى مش قلقان ووجودى جمبك ووجودك جمبى مطمنى فى ضهرى حيطه صلبه وقت اللزوم اتسند عليه من غير خوف مش ها تتذل فى يوم ولا تركع لحد
نور ابتسمت وبصت لحازم بحب : نفس شعورى تجاهك بالعكس لاول مره احس ان حد شايل همى ولأول مره افهم واعرف يعنى ايه الرجال قوامون على النساء طول عمرى بقول فين القوامه وطول الوقت امى شايل هم نفسها وخالتى وغيرها وانا والاسم دى متجوزه ولها راجل ودى عندها أب ودى عندها اخ .. من ساعة ما عرفتك وايدك بتسبق ايدى وهمى دايما على كتفك شايله قبل ما انا اشيله اكل معاك اللقمه حتى لو بجبنه بس تبقى من جيبك يااااااه احساس ان فى ضهرى راجل بمعنى الكلمه احساس حلووو ملوش وصف مش ها اقولك انى بحبك بس ها اثبتلك زى ما كل لحظه فيها بتثبتلى بأفعالك وبكلامك
محى : اموت اناااا واعيد السنه ... ياااه لو يفكونى وربنا لطلع اجرى وانفد بعمرى يا كلاب مش ها تلحقووو تتهنووو جاتكو نيله نحس حتى فى الحب
نور وحازم ضحكو بصوت عالى جدا ومعاهم محى
حازم بضحك : وربنا يالا انت قطاع ارزاق حتى الكلمتين مستخصرهم فيا قبل ما نموت
محى : يالهوى اسود .. يالهوى اسود منك لله يا الا فى بالى
**********
سلوى بصريخ قايمه جرى وفى ايديها التليفون وبتنادى على ورد : الحقى يا ورد اهلك البدو قتلو محى
ورد وقفت بصدمه وجسمها اتخشب وعيونها غربت وبتتكلم : ايش تجولى وما كملتش ووقعت اغمى عليها
نوجا : يادى المصيبه جبتى الخبر الا زي وشك دا منين وبتعدل ورد وبتحط راسها على رجليها ونجيه جابت ميه وبتفوقها .. قومى يا وردتى قومى يا قلبى وبتخبط على وشها
سلوى بعياط : والله ياماما الفيس مقلوب وجابين محى وهما بيضربوه وبياخدوه
نجيه : يا قلب امك يارب استرها يارب
نوجا بتكبب بايديها فى وش سلوى : حد يعمل الا عملتيه رميتى القمبله فى وش البنيه تتشكى يا بعيده فى لسانك وبتفوق ورد
ورد بتدور بعيونها اول ما فتحتها ودموعها سارحها على كل حته فى وشها : ايش تجول يا خاله جولو انه كذب .. والله بجتل حالى وراه هاد محى يا أما نوجا وبصت لنجيه هاد محى يا خاله نوجا وبعياط أكتر الله يخليكو جولو هاد الكلام كذب ما تتضحكو عليا والله ماعرفت جيمه ولا طعم للدنيا هاى الا جاره هاد يالا باع الدنيا واشترانى اشترى ورد البت الجاهله يا إلا مو من مجامكم ورفعها لمجامه وجيمته راح هيك بالسهوله هاى وقامت تجرى على الاوضه جابت لبسها القديم لبسته وطالعه تجرى ونوجا لبست وطالعه تجرى وراها
نوجا : يابت استنى يابت
ورد خارجه من باب البيت خبطت فى كاونه زقته : وسع هيك ونوجا طارت وراها فى الشارع
كاونه : استنى يا ست ورد راحه فين فى ايه يا جدعااان .. وراح وراهم عرف كل حاجه واصر يكون معاهم خدو عربيه خاصه وبدئو رحلة طريقهم الطويله مع بعض
نوجا : وانت كنت جاى لمين
كاونه بيبص لها فى مرايه العربيه وهو قاعد جمب السواق قدام : الست نور كانت سايبه مفتاح الشقه فى العربيه نسيته وانا لقيته وقولتلها قالتى وديه لخالتى ونسيت خالص ولما افتكرت جبته يمكن ربنا بعتنى عشان الحقكم واكون معاكووو وبغل وربنا لاطلع عين ابوهم بس اطولهم دا كله الا المهندززز محى يارب يكون عايش يارب
نوجا رفعت ايديها : يارب ونبى ما تحزنا على حد فيهم يارب وورد بتعيط من قلبها احساسها بالذنب وعدم تصديقها فقدوها معنى وقيمه الحياه فى لحظه .. الوقت بيعدى عليها ببطئ شديد الدقيقه بتمر كانها سنه
*******
سلوى بتتشنهف وبتتكلم فى التليفون
سيف بتوتر : اهدى وفهمينى فى ايه مش فاهم منك حاجه
سلوى بصوت عالى ممزوج بعياطها : قتلو محى يا سيف قتلوه
سيف بصدمه : مين دول
سلوى : اهل ورد البدو وماما وورد راحو هناك
سيف قام من على مكتبه : راحو فين يقتلوهم هما كمان هى اتجننت تروح للموت برجلها .. طيب اقفلى
سلوى : تعالى خدنى ودينى عندهم انا خايفه عليهم
سيف : ما تخافيش انا ها اتصل واعرف ايه تم .. وها اروح بنفسى ارتب امورى بس وقفل مع سلوى .. وبدء يتصل على الوحده المكلفه بتأمين المنطقه هناك وبلغهم انه رايح لهم لان الموضوع يمسه بشكل شخصى .. وفعلا استأذن وسافر هو كمان وبيحاول يوصل لنوجا وورد مش عارف لانهم ماخدوش تليفونات كلم التأمين الموجود على الطريق وطلب يمنعهم لحد وصوله لهم والا بيخدمه معارفه الكتير فى كل مكان ... لحظات وسيف وصل لهم وسافرو كلهم مع بعض
**********
حمدى بخوف ورعب على بنته وعلى حازم ومحى : يابنى لف تانى الارض اتشقت وبلعتهم
سامى : يا حمدى باشا الصحرا كبيره ملهاش أخر وممكن ما نرجعش تانى احنا ما نعرفش مكانهم فين
حمدى بصوت عالى وعصبيه : يعنى ايه ها اسيب بنتى وجوزها ومحى مانعرفش عنهم حاجه .. لف بقولك لف مش راجع من غيرهم الصحرا تتاوينى اكرملى ما ارجع من غيرهم
سامى بأستسلام : حاضر وبيلف فى المكان يمين وشمال وكل اتجاااه مش قادر يوصل لهم
مر الوقت على الجميع بصعوبه شديده .. وسيف وصل اخيرا النقطه الا بتأمن المكان اتفق معاهم عشان الموضوع ما يكبرش انهم ما يتدخلوش الا اذا هو فشل بعد ما اتاكد ان خبر موت محى اشاعه خد ورد ونوجا اصرت انها ما تسيبهاش ولازم تتطمن على نور وكاونه كمان وجهاز لا سكلى عشان يتواصل فيه مع الوحده .. ورد بتشاور على اتجاه الطريق وفعلا قدرت توصل سيف بسرعه جدا وبلغ الوحده بالاتجاه الصح للقبيله ... وصلو هنا وكان فى مجموعه كبيره من شباب القبيله بيأمنو الطريق
ورد : وجف هون الله يسترها معك راح انزل لهم من شان ما يأذو حدا
سيف : انا نازل معاكى اصبرى
نوجا : وانا كمان نازله لايمكن اسيبكم
كاونه نزل معاهم وقدمووو وواحد من اهل القبيله بصوت عالى
الشاب : ورد رجعت يا شيخ ورد رجعت يا سعفان
محى : انتو سامعين ايه جابها المجنونه وعرفت منين انا لازم اقوم
حازم : اهدى يا محى ها نفهم كل حاجه دلوقت
نور عيطت ووطت راسها على وركبها : ورد ها تضيع ها يقتلوها وبتجر فى نفسها انا لازم اقوووم وبصوت عالى يا ورد انتى يا غبيه
ورد بعياط : هاد صوت خيتى نور والله هى كمان هووون سعفان قرب على ورد وبيمسكها بعنف نوجا قلعت جزمتها وضربته بيها
نوجا : ايدك جك قطع ايدك
سيف زقه : ابعد من هنا انا جاى اتفاهم معاكوو مين كبير القبيله هنا
الشيخ : انا هون يا والدى بتسلمنا بتنا ورد وبنتفاهم
ورد قربت عليه ومنعت سيف ونوجا ووطت على أيده باستها وهو شد ايده الشيخ بصوت عالى :
يا مبروكه تعى هون خوديها لورد
ورد زقت ايد مبروكه : لاه يا خاله ووطت على رجل شيخ القبيله .. ارجوك يا جدى اسمع شو بنجول واترك خيتى وجوزها وجوزى والكلمه نزلت زى الصاعقه على الكل
مبروكه : اتزوجتى يا ورد هونا عليكى بنيتى
سعفان بجنون مسكها ضربها : بتجولى ايش انتى ..
كاونه اداله بالرجل ونوجا نزلت فوقه بالجزمه : بتضرب حرمه يا ابن ال..... قوم يالا وبصوت عالى لو فيكو راجل يقربلى
سيف طلع الطبنجه لما الكل هجم على كاونه وضرب كذا طلقه فى الهوا ويبعدهم عنهم
سيف : انت كبيرهم وانا جاى اتفاوض معاك تفهم كل حاجه انا ظابط شرطه وجاى لكم نتكلم عشان الموضوع ما يكبرش وانت عارف لو كبر ها يوصل لايه ومتاكد ان الشرطه والجيش ها يتدخلو فا بلاش .. انتو أهلنا واحنا أهلكم
والشباب خدت كاونه بعد ما اتكاترو عليه كتفوه ورموه جمب محى وحازم ونور
شيخ القبيله : هالحين بنتكلم اتفضل هون .. خدى هاى يا مبروكه ومبروكه خدت ورد ونوجا راحت معاها ما سيبتهاش لوحدها
كاونه زقوه ووقع جمب محى
كاونه : اسفوخس عليك يا اقرع يا نتن
محى بضحكه : اهلا دى كملت يارب انا اتاكدت اننا مش طالعين من هنااا انا تعبت يا ولاد التربن تيييييت
كاونه : مهى انت هنااا يا مهى
محى بيتخن صوته : كرهت أسمى يارب .. انت ايه جابك
كاونه : عشانك وربنا .. ياله كله بثوابه الست ورد صعبت عليااا عماله تسح وتدح لما عيونها ورمت ياعينى
محى : حبيبتى يارب .. يارب استرها وخرجنا كلنا من هنا على خير
كاونه : يارب وبص لحازم ونور وكانه اتفاجئ : ايه دا انتووو هنا
نور بتريقه وبتخن صوتها : لو فيكو راجل يقربلى اتوكس يا كاونه
كاونه ضحك : ولاد المدايقه اتكاترو عليااا فينك يا عبير كانت شلفطتهم بت شر صحيح امال تربيتى
حازم : افصلو خلينا نعرف بيقولو ايه
سيف : هى دى كل الحكايه يا شيخ شرعا وقانونا ورد مرات محى ولازم ترجع هى وجوزها
شيخ القبيله : هاد الزواج ما نعترف بيه خدو والدكم ونحنا خدنا بتنا وكفى الله المؤمنين شر القتال
سيف : بما انك عارف ربنا فا اكيد عارف ان دا ما يرضيش ربنا
سعفان : ورظ لإيلى ما حدا راح يتزوجها غيرى
سيف : هى خلاص اتجوزت والموضوع انتهى وبص للشيخ ارجوك اوقف بحور الدم الا ممكن تحصل انت راجل حكيم ومر عليك كتير
ورد دخلت واترمت فى حضن الشيخ : ارجوك يا جدى والله محى حباب كتير ورجال وبيستاهل يكون منا ..
شيخ القبيله : هونا عليكى يا بتنا
ورد بعياط : والله ما بتهونووو كتير اجولكم بريد اتعلم واخلى كل الصبايا متل البندر نعيش يا جدى لا حرام ولا عيب
شيخ القبيله : بهى الطريجه يا ورد بهى الطريجه
ورد : انت بتعرف ان مافى غير هاى الطريجه سامحنى يا جدى واترك جوزى وخيتى كيف بتعاملو حرمه هيك لا هاد طبعنا ولا هيادى اخلاجنا كيف هما بيكرمونى وانتو بتهنوهم كيف يا جدى
سعفان : لا تسمع إلها وبيكفى يالا حصل من وراها
ورد بترجى : ارجوك يا جدى هالجلب ما بيهون عليه ورد بعرف انك تحبنى كتير
سيف : اسمع لها ولنا مفيش ملوش لزوم تأذى ناس كتير هنا عايزا تعيش
الشيخ : تعى يا بتى وحضن ورد بقوه .. والله اتوحشتك كتير وفجدناكى كلنا
ورد عيطت اكتر وضمته ولما سعفان اعترض طردوه من القاعده .. امر يجيبو محى وكاونه وحازم ونور ونوجااا ..
ورد اول ما شافت محى حضنته بقوه وشيخ القبيله أمرها تقعد
وعملو ولايمه كبيره جدا والحال اتبدل فى لحظه اختفت غيوم السمااا وظهر نورها من جديد .. امل بيطرح زى الا قبله طول ما فى حياه فى امل وطول ما فى حب فى قلوبنا فى نور شيخ القبيله اصر انهم يباتووو كلهم معاهم ويسافرو الصبح لان الليل ليل عليهم واجبر سعفان يبارك لورد .. وكاونه هايص اكل وشوى مش مدى لنفسه فرصه
عملو حفلة جواز على طريقتهم لمحى وورد وحازم ونور .. وسيف فرحان وسطهم وكان بيتمنى تكون سلوى معاااه
حازم جوا الخيمه بيرفع البرقع الا على وش نور وقرب من شفايفها وباسها بالهفه وهى ضمته أكتر لها ... لحظات ونامووو على الفرشه ونيمها على صدره وبيلعب فى شعرها
نور بتضمه : ياااه تحس انها بتفرج مره واحده يا حازم
حازم : الحمد لله وقرب من راسها باسهاااا وضمها أكتر بيمشى ايده على وشها وبهمس بحبك
نور : بطل بقى
حازم : توء قربى
نور بابتسامه : اكتر من كدا خطر
حازم : بعشق الخطر خصوصا منك وقرب من شفايفها تااانى بقى بيعشق قربها ووجودها فى حياته خلاص
محى حضن ورد بقوه : وردتى خلاثى ياناااس عيون الجميل منفخين ليه
ورد : جلبى يا محى جتلتنى وجتلته بالحيا ربنا ما يصيبك بالشر يا جلبى
محى بيبوس وشها كله بجنون وبهمس : حقك عليااا .. الهى يتشك ابو قرعه فى قرعته ما ليا ذنب
ورد ضحكت من قلبها : مين هاد اكيد سعفان
محى : ايوا هو تعبان وبيتخن صوته : انا ها اتجوزها ورد لإيلى وابتسم ما يعرفش ان الجميل إيلى انا هو هنا وبيشاور على قلبه
ورد مسدت على قلبه : يسلملى هاالجلب وما انحرم لامنك ولا منه
محى بضحكه : ما تجيبى بوسه
ورد ضربته على بوئه وبدلعها الا بيجننه: اتحشم يا محى والله بستحى
محى : ههههههه والله بجتلك انتى مراتى يابت تعالى تعالى
سيف كل ما يبص لنوجا يضحك
نوجا : يوووه ما تتلم يا سيف
سيف : انتى صاعبه قوووى يا نوجا فرتكتى الواد بالجزمه
نوجا بفخر : دا سلاحى الفتاك لا يفهمه الا ربات البيوت .. وسمعت صوت حمدى وخرجو جرى كلهم
حمدى بينهج وحاطت ايده على قلبه وقعد وسامى ماسكه
نور : بابا .. مالك
حمدى بريق ناشف : عطشان .. الحمد لله انكووو بخير
حازم قومه : تعالا يا عمى اطمن الحمد لله كل حاجه اتحلت
حمدى بتعب : الحمد لله يابنى
نوجا : كبرت وعجزت قوم على حيلك يا راجل
حمدى قام مره واحده : مين الا عجز يا نوحا دا انا شباب وبينط وسعى يابت وبيزق نور اعملها ضغط والكل انفجر فى الضحك
محى : ايوا يا جااامد اديهم كمان ما ترحمهمش
سامى : دا انت قطعت نفسى وشايلك على كتفى بقالك ساعه من ساعة ما بنزين العربيه خلص الله يسامحك
نور دفست راسها فى دراع حازم الا واقف سايح على نفسه من الضحك وبتضحك مش قادره تاخد نفسها
نوجا : اسفوخس عليكو كلكو يا قللة الادب وسابتهم ودخلت الخيمه والبنات دخلت وراها وورد بتعرفهم على اهلها وناسها والشباب سهرت مع شباب القبيله واول ما النور شقشق ورد ودعت أهلها وريحانه وعنتر ووعدتهم انها ها ترجعلهم وتشوفهم تانى
سافرو فى أمان بعد ما الكل اتطمن وكل واحد وصل بيته بالسلامه
من تعبهم نامو ومحى طول الوقت بيفكر فى اهله بعد ما شاف الفديو زعل قوووى وحس بنغزه معقول للدرجه دى طلع فارق عند الناس كلها واهله لاء ... جرس الباب رن وهو قام .. وورد قامت وراه واول ما فتح ابتسم ابوه وامه معقول واخيرا
ورد جريت عليهم : اتفضلى ياخاله نورتى بيت والدك
فوزيه بعياط دخلت على طول وبالهفه : ابنى ابنى قتلتيه يا مجرمه اه ماكنش يومك يا محى قولتلك سيبك من الجوازه دى ما سمعتش كلامى
محى بيخبط على كتفها : ماما انا اهو لسا ماموتش الحمد لله
عبدالله : اهدى يا فوزيه لما نعرف ايه جراله
ورد بتطبط عليهم : لا تزعلو والله مرئت على خير بيكفى يا خاله
فوزيه بعياط بتبص لعبدالله : اكفى ازاى ودا الغالى اااه يابنى
محى : ااااه يا أما ... يا عبدالله انا هنا يا جدعان والاتنين بصوله وكانهم لسا واخدين بالهم منه
عبدالله : يا ابن الكلب بتلعب بينااا وربنا لاوريك
فوزيه : محى محى وحضنته جااامد ومحى بادلها الحضن وبيضحك لورد وبيغمزلها وبهمس بتجرب اسمى اصاله عطلان بقاله كتير .. باسها وباس راسها وحضن ابوه بقوه وابوه بادله الحضن
عبدالله بياخد نفسه كانه كان غريق وحد انقذه : الحمد لله انك بخير
فوزيه بصت لورد : كله منك
محى : هى اغلب من الغلب ولو عرفتيها ها تحبيها والله
فوزيه : تعالى وحضنتها وعيطت اكتر .. والله لو كان ابنى جراله حاجه لكنت قطعتك بسنانى ها اباركلك عشان خاطره بس
ورد حضنتها قوى : جلبك ابيص يا خاله تعيشى وما انحرم منكم كلكم
عبدالله : حضنها هو كمان ...
ورد فى المطبخ ومحى معاها فرحان
ورد : والله كان بدى اكون اخته لنادر من شان تفتخر بينى جدام اهلك وتجول هاى طلع عنها مال كتير وعزوه واهل والله
محى قرب منها : انا كنت طول الوقت بدعى ما تطلعيش اخته عشان لازم اهلى يتقبلوكى زى ما انتى ويأمنو بيكى وبطموحك انا عارف انك ها تثبتلهم كلهم انهم كانو غلط وانا صح
ورد بحب : احبك كتير
محى : وانا جعان كتير وضحك وورد ابتسمت وضربته على كتفه
وكملو باقى الوقت معاهم مش عايزين يسيبوهم ومحى لامهم وعتب عليهم زعل ان يوم ما افتكروه افتكروه عشان مااات بس رجعهم له نساااه اى حاجه وقرر يمسك فى اللحظه الحلوه وبس
***********
خلص الاسبوع بسرعة البرق وخلاص دقت طبول اجمل عروسين سيف وسلووووى وفرحه غير طبيعيه مسيطره على سيف
وتوتر غير طبيعى مسيطر على سلوى نزلين من على سلم عالى اجمل عروسه واحلى عريس وانظار الكل عليهم طبول ومزامير وفرحه والكل فى الهوا طايرين رقصو اجمل عروسين وضمتهم كانت بشوق باين فى عيونهم وساميه واقفه تستقبل مباركات ناس كتير هى ونوجا وخالد وحمدى
سيف بيرقص سلو هو وسلوى : اخيرا بقيتى معايا وفى حضنى ها يتقفل علينا بابا واحد
سلوى بابتسامه احراج : انا خايفه منك
سيف باندهاش : انا دا الدنيا كلها تخاف منى وانتى لاء ومسك دقنها الا انتى عيونى خلاص قربت تحبسك جواها من كتر ما بتعشقك
سلوى ابتسمت وقلبها كل ما الوقت يمر تحس انها فى خطر بس مش قادره تتكلم ... عدى الوقت بسرعه فى الفرح بينهم كلهم والرقص طول الوقت الشباب كان مولعنها مع بعض وسيف خطف سلوته ووصل شقتهم ...
حازم بيوصل محى وورد ومعاه نور .. واتفاجئو بنادر قدام البيت قربو منه
محى : خير يانادر
نادر بياخد نفسه بتقل : خلاص يا محى نتيجه التحليل طلعت
نور بترقب : ايه
نادر : مش اختى يا نور بس والله انا متاكد ان هى ازاى النتيجه بتقول لاء
ورد : ما تزعل هيك انت شرف إيلى تكون خيى
حازم : ها تعمل ايه
نادر باحباط : ها اسافر
محى : وورد وحياتها الجديده
نادر عيط : اظاهر ان فعلا اختى مش راجعه تانى انا مش ها اغير حاجه ها تفضلى زى ما انتى كملى تعليمك وعيشى حياتك يمكن المعروف دا يرجعها
حازم ضمه له ومسد على ضهره : اجمد
نادر : على الله كله
محى : استنى انا ها أخليها تكتب تنازل عن كل حاجه ليك
نادر : لاء انا عارف انا ها اعمل ايه اشوف وشكم على خير وسلم عليهم كلهم وسلم على رد بحراره احساسه بيغلبه بس الواقع هزمه ومشى وحازم خد نور وكمل طريقه بس كان الطريق مختلف طلع عماره فخمه جدا وصل الدور التانى ونور منتظره المفاجأه الا حازم وعدها بيها فتح الشقه واول ما فتحها نور اتفاجئت بكل العفش الا اختاروه مع بعض حطت ايديها على بوئها وداخله حازم جه من وراها حضنها جااامد وباس راقبتها وبهمس : دى شقتك يا عروسه
نور لفت وحضنته جااامد : زى ما كنت متخيله واحسن
حازم شدها : تعالى ودخل اوضة النوم طلع فستان احمر مجسم وتاااج صغير وهادى وطقم دهب رقيق وقرب من شفايفها باسها برقه .. عايزك اجمل عروسه
نور زقته برا الاوضه وهو بيضحك دخلت خدت شاور وغيرت ولبست وطلعت ملكه جمال فى ليلة عرسها الحقيقيه خرجت من الاوضه وكان فى استقبالها عريسها المنتظر شغل موسيقى هاديها وجذبها له ولحضنه وبيرقص
نور بهمس : عايزا اغنيلك
حازم رفع ايديها باسها : مستنيه ايه عايز اسمعك
نور برقه وصوت هادى وعيونها فى عيونه
وبتتمايل وتضمها وهو مبتسم وعيةنه بتلمع بالفرحه وبيتمايل معااها
أنا بداية بدايتك أنا بقية حكايتك
أنا العمر اللي جايلك وأنا العمر اللي فايتك
مين يجي ياخد مكاني وانت لمين غير عشاني
دا أنا كتير من حناني سبتك تاخد كفايتك
أنا حب سنين كتيرة يا حبيبي وانت عارف
أنا الاولي والأخيرة مش معرفة م المعارف
أنا اللي جوايا ليك بدال الشوق ألف شوق
وأنا الطيبة اللي مش هتلاقي من بعديها طيبة
ولوحدي أنا اللي ليا فيك كل الحقوق
ما أنا شريكة حياتك والصاحبة وكمان الحبيبة
أنا اللي جوايا ليك بدل الشوق ألف شوق
وأنا الطيبة اللي مش هتلاقي من بعديها طيبة
ولوحدي أنا اللي ليا فيك كل الحقوق
ما أنا شريكة حياتك والصاحبة وكمان…
ا
معاها وهو بيتغزل فيها الاتنين بيزيلو كل الحواجز الا بينهم وقررو يبقى الجواز فعلى شالها ين ايديه وخل اوضه النوم وزق الباب برجله وبقت مراته قولا وفعلا
************
سيف غير هو وسلوى وصلى بيها وبعد ما خلص سلوى قااامت جرى وفتحت باب الشقه وطارت على تحت وسيف من الصدمه فضل شويه على ما استوعب ونزل وراها
ساميه بخضه : مالك يا سلوى فيكى ايه
سلوى بعياط : خبينى قبل ما يجى يا ماما
خالد : فى ايه سيف ضربك وجاسر واقف على باب اوضته يضحك وعشان ما يحرجش اخوه دخل اوضته تااانى
سيف نزل وواقف قدامهم : انتى ايه نزلك كدا
سلوى : الحقينى يا ماما دا متوحش ونطت ورا ساميه وماسكه فيها من ضهرها سيف ضم حواجبه وبيشاور على نفسه : انا انتى اتجننتى يا سلوى
خالد : اهدى يابنى واطلع وساميه ها تهديها وتجيبهاك فوق
سيف بيقرب على سلوى : لا مش طالع من غيرها وهى بتلف حوالين ساميه
ساميه : طيب اطلعى مع جوزك حبيبك ما تخافيش
سلوى ماسكه فى دراعها : طيب تعالى معايا ما تسبينيش معاه الله يخليكى
سيف بجنون : تيجى فين هى فلتت منك أم الليله الغريبه دى يارب
ساميه ضحكت هى وخالد وسيف لف من ورا مامته وسلوى طارت على السلم وهو وراها ولسا ها تقفل الباب سيف لحقه وزقه بايده ودخل وهى كملت جرى على الاوضه
سيف : سلوى افتحى
سلوى : لاء انا خايفه منك
سيف بمكر : اااه .. اااه وعمل دبه عى الارض كانه وقع وسلوى فتحت الباب وسيف شالها مره واحده ودخل وقفل الباب .. نزلها وهى فى حضنه بتضربه مسك راسها وبيبوسها برقه وبهمس .. خايفه منى انااا .. مش انا حبيبك
سلوى بهمس : اااه
سيف ميل براسه وباس راقبتها : بتهربى ليه من اللحظه الا ها تقربنا وتجمعنا ببعض مش انا بعشق سلوى وبيضمها أكتر عليه
سلوى بتوهان : اه
سيف قرب من شفايفها ونسى كل الاحصل وهى استسلمت لحبيبها فى لحظه عشق بتجمعههم ببعض .. وبقت مراته قولا وفعلا🤗🤗
بعد وقت كبير سيف قاعد ياكل سلوى وهى قاعده مبتسمه ومكسوفه
سيف: انتى حلوه كدا ليه
سلوى ابتسمت اكتر : الله بقى يا سيف انا بقيت مكسوفه منك قوى
سيف : وانا بقيت بحبك قوووى وربنا ها اتجنن بسببك
وبياكلها وهى بتاكله وطول الوقت سيف ينكشها ويناكف فيها
*********
مر اكتر من شهرين على الجميع وورد نجحت بتفوق فى امتحانات الابتدائيه وعندها استعداد رهيب تكمل وتنجح اكتر .بقلم : لبنى طارق وسلوى كل يوم والتانى تتجرء بس مش قوووى لان سيف من كتر خوفه عليها مقفل عليها تماما فعلا بقت سلوته لوحده وفرحته ما اتوصفتش لما عرف ان سلوته حامل .. نور اتغيرت وشعرها بقى كاريه كانت مستغربه نفسها بس حبتها وحب حازم لها غيرها اكتر واكتر من نفسها بدون تدخل حد قللت السجاير تكاد تكون معدومه وبعد ما عرفت انها حامل بطلتها تماما ... اما ورد مجننه محى خلاص فاضله تكه على الجنان من مزاجها المتقلب ونوجا رفضت تتجوز حمدى تماما .. ومازن طول الوقت معاها بتربيه ونجيه كان قرارها انها تعيش مع نوجا ملوش لزوم تعيش لوحدها او مع حازم ونور شايفه ان لازم يعيشو حياتهم بقى
*******
ورد قبل ما تعرف انها حامل ومزاجها متقلب دايما ..محى قاعد.على الكنبه بعد ما اتخانق معاها وبيغنى بصوت يسمعها ..وبيبص لها
عم يا صياد .. قولى الحكايه ايه .. كل ما أجى أصتاد وبيكور ايده يطلعلى كوم تعبيان .. ما تقولى يا صياد ايه الحكايه والبحر وبيشاور على ورد غدار ليه .. ليه .. ليه
ورد : هئ هئ .. محى
محى : انا مقموص دلوقتى سيبيبنى با الا انا فيه
ورد بصوتها كله وبتشوح بايدها قدام وشه لدرجه ان محى اتخض : فيك ايه يا محى .. عاتخرف وإلا إيجتك نوبه إجنان
محى اتعدل وهو متنح : جن لما يلخبطك يا ورد .. مالك يابت اليومين دول لا طيقانى ولا طايقه نفسك .. حتى نفسك اشتكت منك ومن عمايلك .
ورد بصوت هادى مكسور : حسانى مريضه يا محى
محى بلهفه : قلب محى باين عليكى اعراض الجنان المبكر .. فى حاجه تانيه غيره
ورد هزت راسها : ايه يا محى .. كل شوى أجرى لبيت الراحه وما برتاح .. بنجط يا محى
محى :😂😂😂 اتخرمتى والا ايه يا ورد .. يعنى ايه بتنقطى
ورد بعصبيه : كل شوى محصوره يا محى .. واجرى وانا على اخرى .. بدى ارتاح كيف كل الناس ما برتاح .. ما بلاقى شى عم نجط انا .. والله تعبت
محى : عادى يا ورد كلنا بيحصل لنا كدا ساعات ... خصوصا لو فى أملاح
ورد : لاه مافى أملاح .. فى سكاكر .. وعيطت اهئ اهئ.. جالى سكاكر يا محى
محى ضمها بايده وباس راسها وبهمس : طمعتى فى السكر وخدتيه كله لوحدك .. وبقيتى ورد سكاكر بقلم : لبنى طارق
ورد : ايه يا محى .. راح أموت واتركك هون يا جلب ورد .. راح تفتكرنى والا تجيب غيرى وتجبلها سكاكر وتروح فطيس منك كيفى
محى : انا وراكو لحد ما أخلص عليكووو كلكووو . 😂😂😂
ورد : بتتمسخر عليا يا محى ومدت ايديها شوف نفطى يا محى سريع كتيررر
محى : 😂😂😂 كمان عندك نفط ..سكر ونفط الاتنين الا بيحصل عليهم ازمه كلهم عندك وشد ايديها وحط خده عليه .. الله يا ورد النفط معسل قوووى ما تجيبى بوء .. مجنونتى .. مين قالك المعلومه الخطيره دى
ورد : جوجل جالى هيك
محى بيدعك فى راسه وضم حواجبه : قالك ازاى جوجل
ورد : سألته .. كيفك يا جوجل .. جالى بخير وانتى يا ورد كيفك
محى باندهاش : جوجل قالك وانتى يا ورد كيفك
ورد هزت راسها : ايه .. جولتله .. انا محصوره يا جوجل وكل شوى اجرى على بيت الراحه .. جال وعيطت هئ هئ .. جالك سكاكر يا ورد
محى : هو قالك جالك سكاكر يا ورد
ورد : ايه يا محى ومسكت التليفون .. حتى اسأله لو ما مصدجنى
محى ببرطمه : ام التليفون الجديد من ساعة ما جبتهولك وجننم وهز راسه .. لا اسأليه انتى انا مخاصمه
ورد جابت جوجل وداست بايدها على علامه الصوت واتكلمت : جوجل كيفك انا ورد بتعرفنى يا إلا كلمتك من شوى .. وجولتلى جالى سكاكر .. معك محى جوزى جوله
محى : احمممم .. عامل ايه يا باشا بقى انا سايب مراتى فى أمان الله ارجع الاقيها بسكاكر .. ورمى التليفون وبرق ... اتجنيتى يا ورد .. وانا كلمته وهو كلمنى .. انتى بتكلمى حبيبك فى التليفون ياختى .. دا جوجل .. قال و رد عليا وقالى بخير وانت كيفك يا ورد .. دا جوجل كروم... والا جوجل صاحبك .. تعالى وشدها عليه ومسك التليفون وبدء يفهمها أكتر فى استخدام النت عمتااا .. وبعد ما خلص ..
محى : فهمتى
ورد بابتسامه : ايه فهمت كل شى ..
محى : انتى بقى حاسه بايه ولو كدا نكشف ومتسأليش جوجل اسئلى الدكتور على إلا انتى عايزاه
ورد : الصراحه يا محى .. سلوى هى يا إلا سألت جوجل وجالتلى كيف سألته وانا جولت من شان اطلع شاطوره جدامك اعرفك انى اتصاحبت على جوجل وبعرف كل شى
محى ضحك بصوت على وقرب من شافيفها وبيبوسها برقته .. وكل بوسه يقول كلمه : حبيبتى .. قصرت معاكى .. بس كل حاجه ها اعلمهالك مش ها اخليكى محتاجه لحد ابدا ..
ورد : بعشجك يا جلبى .. راح اخبيك بعيونى من شان ما حدا يجدر يشوف هالمحى غير وردته وبيكفى على هيك نور خدتنى وعملتلى من شان الحمل من شان اعرف فى حمل والا مافى
محى بيمشى شفايفه على خدودها وبيبوسها بوسات خفيفه مش مهم المهم اننا مع بعض ووقت ما يجى الحمل يجى .. واندمج ويبوس راقبتها بالهفه وشوق وشدها كلها فى حضنه بيعصرها وحاسس انه قلبه ها ينطق ويقول لها بحبك ومش ها اقدر ولا اعرف أحب غيرك .. وجرس الباب بيرن ..
ورد بهمس وهى جمبه على الكنبه : فى حد برا .
محى : سيبك منه .. خليكى معايااا
والجرس رن أكتر .. قام وسابها وبيقول لها خليكى زى ما انتى اوعى تتحركى ها اوزع إلا على الباب وأجيلك
نور زقته ودخلت : توزع مين يا محى دانا اوزع عشره زيك
نوجا ضربته على صدره : محى ليك واحشه
سلوى : والله ما انت متحرك
حازم : عامل ايه يا وحش اتفضلى يا ماما ومحى بيهرش فى دماغه
نجيه ازيك يا حبيبى ودخلت
سيف : أمحى ليك واحشه خد يا راجل نفخونى بأم الريحه وبيديلو علبه رنجه كبيره ههههههه محى لسا ها يقفل الباب حمدى دخل ومعاه مازن قفل الباب وسند ضهره عليه وبيقول الحمد لله وبيبرطم هو شم النسيم بيجى فى شهر تسعه يا ولاد المجانين
نور بصوت عالى رفعت التحليل : مبروك يا محى ها تبقى بابا يا غتت
محى جرى على نور بقلم : لبنى طارق وبيديها علبة الرنجه وحضن ورد وباسها : مبررروك يا قلبى الحمد لله عرفنا السكاكر منين والنفط
كلهم : 😂😂😂
ورد : الله على هاى الريحه اعطينى اياه وخدت صندوق الرنجه من نور والبنات شاركوها ومحى كلم ابوه وامه ووقت بسيط كانو وصلو الاكل اتحط وكلهم اتلمووو جمب بعض بياكو وبيتكلمووو ويضحكو ويهزرووو المسافات اتلغت والبيوت قربت من بعض كتير
ممكن نتغير للاحسن ممكن الكره يتنسى بالمحبه ممكن النور فعلا يبقى مكانه فى القلوب . وتوتا توتا ابتدت فى حياتنا حدوته يارب تكون عجبتكم ويارب تقولو رايكم وكل الا جواكم ها اكون مبسوطه قوى لو كنت اسعدتكم ولو وقت بسيط بحبكم كلكم فى الله عشان عارفه ان حبه هو الا باقى واشوف وشكم عل الف خير وحياه جديده كلها سعاده وفرح يارب 😍😘😘😘
💗💗💙💙💚
بقلم : لبنى طارق
*********************
إلي هنا ينتهي الفصل الثانى والأربعون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابعوا صفحتنا على الفيس بوك للمزيد من روايات حب
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة