U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية شرسة ولكن بقلم لولو طارق - الفصل الرابع والأربعون

مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل الرابع والأربعون من  رواية شرسة ولكن بقلم لولو طارق. 

رواية شرسة ولكن بقلم لولو طارق - الفصل الرابع والأربعون

اقرأ أيضا: روايات غرام
رواية شرسة ولكن بقلم لولو طارق
رواية شرسة ولكن بقلم لولو طارق

رواية شرسة ولكن بقلم لولو طارق - الفصل الرابع والأربعون

ايه دا معقول ضلمه مفيش غير الضلمه انا اتخنقت حاسه ان الاكسجين بيقل حطت ايديها على راقبتها .. اااه خلاص مش قااادره واحد بينادى عليها بأعلى صوت وهى لسا زى ما هى معقول هو دا صوته قرب شدنى وخد بايدى عايزا اهرب من المكان دا مش قادره وبتنادى بعلو صوتهااا حاسه انه مكتوووم الخنقه بتزيد وتزيد وتزيد خلاص ها تستسلم ومره واحده اتعدلت زى الغريق الا كان فى البحر وواحد نجده شهقت شقه جااامده وبصتله بعيون تايهه وهى فاتحه بوئها وبتاخد نفسها وبتملى صدرها بالهوا الا كانت مفتقداااه من وقت بسيط .. شدها عليه وحضن وشها بايديه وابتسم ... كابووس صح .. هزت راسها واخيرا اتكلمت .. كابوس فظيع وانت جيتلى فى الوقت المناسب تخيل كان فى حد بيخنقنى .. لف ايده بخفه حوالين راقبتها وضحك .. انا الا ها اخنقك .. بان على وشها التمثيل وهى بتبرق وبتطلع لسانها وبتحول وبتقوله .. خلاويص .. ضحك اكتر .. لا لسااا تستاهلى عشان نمتى قبل الفجر من غير ما تصلى لازم يجيلك كاوابيس طبعا بعد كدا مش ها اسكتلك فى تقصيرك دا .. ميلت راسها وابتسمت وبدلع .. ما صحتنيش ليه .. رفع حاجب وعلامة تعجب على وشه انا كان ناقص اخلى الجيران تصحيكى معايااا للدرجه دى ماكنتيش حاسه .. رفعت ايديها الاتنين .. اخر مره والله ها احاول اظبط نومى ومش ها أعمل كدا تانى .. مسك مناخيرها بين صوباعين وقرص عليها وبصوت رجولى خشن .. ياله قومى صلى وجهزيلى لقمه أكلها عشان انزل يا ابله قامت اتعدلت وهو قام وقف ولف ضهره لها لفت ايديها حوالين راقبته زى الاطفال ورجليها حوالين وسطه
... يابنتى بطنك بطلى لعب العيال دا بقى ... رفعت صوتها .. ما تخفش عليااا وكمان انا عيله وبحب لعب العيال خرج بيها من الاوضه وهى ميلة راسها وبتبوس خده وصوت ضحكه مالى الشقه .. نزلت جرى دخلت الحمام وظبطت حالها واتوضت وصلت ودخلت المطبخ جهزت الفطار وطلعت جرى تحط على السفره وتجرى للمطبخ من تانى وهو مراقبها بعيونه واخيرا قعدت قدامه على السفره .. سيوفه حبيبى ها تاخد الاجازه خلاص عشان نسافر شرم
سيف بدء ياكل : ان شاء الله رغم انى خايف عليكى وعلى الحمل انا مش عارف الجنان الا انتو فيه دا
سلوى : عشان خاطرى ما تقلبش بقى مش الدكتور قالك مفيش مشكله والحمد لله البيبى كويس وسافر خايف ليه دلوقت
سيف : خايف عليكى مش من حقى اخاف عليكى
سلوى ابتسمت : طبعااا حقك وطلعت تليفونها من جيبها وبتتصور سيلفى وسيف بياكل بص فجأه وضحك
سيف : بطلى جنان كل ثانيه صوره
سلوى : عارف الصور دى ها اوريها لابننا عشان اقوله كنت بقول لبابك كذا وكذا وانت قاعد تسمع ومرتاح جوا وهو بيعاقبنى برا بسببك
سيف : 😂😂😂 ها تجيبى للواد وش زى ابوه ثم كمان انتى عرفتى بنت والا ولد
سلوى : لاء بس حاسه انه ولد فرفوش زى سيوفتى
سيف بغمزه : وامه طلعت فرفوشه اكتر من ابوه .. بقولك ايه الصور وحياتنا دى على الله حد يشوفها او تتجننى وتنشرى على الفيس
سلوى بوذت : ليه بقى انا عايزا اعمل تيك توك وبرنامج كبير انا طول الوقت قاعده فى البيت ما بعملش حاجه وانت لايمكن تخرجنى إلا معاااك وانت ما بتخرجش وانت اصلا على طول فى الشغل سيف حط ايده على بوئها
سيف : ايه يا سلوى ليه بتسفى مره واحده تريسى يا حبى وبطلى تهور .. ممكن نتكلم فى الموضوع الخطير دا مره تانيه وقااام وقف وبينفض ايده قرب باس خدودها .. لان ورايا شغل ومهم وكمان رحله وقرب على ودنها هاااا رحله اوعى تنسى يعنى ها افسحك اهووو وسابها وخرج رفعت التليفون وفضلت تتصور وتعمل فديوها وتبعتله و هو لسا فى الطريق
سيف فى العربيه كل شويه يجيلو فديو او صوره يفتحهم ويضحك وبصوت هامس : مجنونه وشكلى ها اعملك حظر من كل المواقع عندى
**********
حازم بيقوم من جمب نور بشويش وماشى على طراطيف صوابعه على برا نور عدلت راسها وبصاله بنص عين
نور : رايح فين يا وحش
حازم وقف مكانه ولف بصلها : انتى صحيتى
نور : لا لسااا بجرب صوتى فى الاذاعه الصباحيه
حازم : هههههه صباح الخير
نور ابتسمت : صباح الخيرات على حزومتى
حازم ابتسم أكتر : حزومتك يارب ثبتها على كدا .. ها تقومى والا ها تكملى نوم عشان انا رايح المكتب
نور بصت فى الساعه ورجعت راسها للمخده من تانى : ها اكمل نوم وهى بتتواب اصلى حاسه انى مش قادره اقوووم .. ممكن طلب
حازم : ممكن طبعا
نور : فى مبلغ فى الظرف عندك برا اتصل على كاونه خليه يجى ياخده منك فى المكتب بما انك خارج
حازم : حاضر ياستى حاجه تانيه
نور : ايوا هاتلى بنطلون جيب وكام بلوزه كدا واسعين اصلى بقيت اتخنق من اللبس الديق .. وفاكهه كتير بقى فى ايدك وانت جاى
حازم : هههههههه انا عمرى ما اشتريت هدوم لبنات لما اخلص ها اتصل عليكى تنزليلى وتجيبى الا انتى عايزاه تمام
نور : تمام
*********
ورد : جوم يا جلبى نمت كتير والله بيكفى
محى بنوم سيبينى شويه كمان مش قااادر دلوقت
ورد : راح احضرلك الفطور على ما تصحصح هيك
محى عدل راسه مره واحده : وربنا لو كلتيه منا مكلمك تانى وبيلف ايده فى الهوا كل يوم كل يوم ها احضرلك الفطور وترسى على سندوتش جبنه وفى الاخر تخطفيه وتطلعى تجرى
ورد : 😂😂😂 بحبك كتير شو بسوى اضل جوعانه وأكرهك أنا
محى : لا كلى أكلى وأتحرم أنا أجوع أنا .. وربنا فوقت وقام مسكها من قفاها .. قدامى نصلى يمكن تتهدى
ورد : بوسات كتير يا محى إلك هاد أخلاج الراجل الصالح يصلى بمرته من شان تحبه وتدوب فيه
محى : هههههه انتى نافع فيكى حاجه انا بتوبك توبى يا ورد
ورد : استغفر الله واتوب إليه
محى بيزق راسها : توبى تانى
ورد : أستغفر الله وأتوب إليه
محى : خلاص شبعتى والا لسااا
ورد : والله ما كلت شى لهلا انت شبعت يا جلبى ما اعمل حسابك بالفطور
محى : اهئ اهئ اهئ .. الحمل دا خطر عليااا وربنا .. تعالى ودخلى اتوضو وصلى بيها وبعد ما خلصو صلاه
ورد : الحمد لله رب العالمين .. راح اجوم اناااا .. ودخلت المطبخ ومحى قاعد مستنيها طلعت الاكل على ترابيزه الانتريه وقعدت جمبه ومحى ديق عيونه الاتنين
محى : يا ماشاء الله .. الاكل طالع كامل دانا ها اصلى بيكى كل يوم
ورد : هههههههه .. ياله بسم الله ومد يدك
محى : هو الطقم الكحلى فين يا ورد
ورد : منشور يا جلبى باكل وبجبلك إياااه وبدئو يأكلو مع بعض الاتنين وخلصو ومحى شال مكان الاكل وورد راحت البلكونه تلم الهدوم لقت العصافير عامله ببى على الهدوم كلها ..يايبى يا يبى عليكن .. شو هاد محى راح يلبس شووو جنيتووو انتو والا جاتكم السهله منك لها .. وباصه لفوق مافى مكان تجضو فيه حاجتكم غير هووون .. والله بيجتلنى هالمحى ويشرب من دماتى يا عيب الشوم عليكن كل يوم هيك على خلجات محى لحاله .. اتسحبت وبصت على محى لقته لسا فى المطبخ جريت على الاوضه وعملت نفسها نايمه ..
محى : يا ورد .. انتى يا بنتى فينك .. فين الهدوم .. بيبص عليها ملقهاش دخل اوضة النوم لقاها نايمه ورد انتى نمتى طيب الهدوم نطر ايده ودخل البلكونه وبص على الهدوم وشهق .. الهى تتشكووو عاملين مطرة ببي على هدومى وبيبص فوق على العصافير الا طايره وبتزقزق وربنا ماعندكووو دم يرضى حد يعمل فيكو كدا حد مسلطكم علياا اروح الشغل بالشورت والفلنه على رأى كاونه بسببكم والا البسكم بامبرز وبيشاور بطراطيف صوابعه وبيقلد ورد بامبرز أد هيك جاتكو القرف .. ودخل تانى .. اه ها اتجنن يارب ها الاحق على ورد والا على العصافير والاعلى نور الا كل يوم تيجى المكتب تطلب عصير لمون قبل ما تطلق وربنا دا كتير عليااا .. وفتح الدولاب وبيبص على ورد .. نامى نامى .. اكيد انتى الا مسلطاهم على هدومى عشان ما تدبحيهمش يا جباره او بتاكلى اكلهم منا عارفك ..ولبس هدوم تانيه ونزل على طول
***********
مر الوقت سريعااا وحازم خلص شغل واتصل على نور تجهز نفسها وتنزل وفعلا نزلت على طول ركبت جمبه فى العربيه وصل مول كبير ودخلو محل خاص بالملابس الحريمى ..
نور مسكت ايد حازم وراحت لأستاند بنطايل جيب وطلعت اتنين وفادره ايديها بالاتنين .. ايه رايك فى دول
حازم شاور على واحد فيهم : دا حلووو وشياكه فى نفسه
نور اوك .. امسك كدا ونعمل بروفا عليه واختارلى بلوزه كدا
حازم بص على البلوزات وجاب لها واحده تليق على البنطلون ودخلت قاسته وخارجه بتلف قدامه ومبتسمه ... ايه رأيك
حازم قرب عليها وقرص خدودها براحه .. تجننى فى اللبس دا احلا بكتير من اللى كان مفصل جسمك ولازق عليه كلك انوثه فيه
نور لفت بفرحه : انا بردو حاسه بكدا .. اعمل طقمين او تلاته كمان لانى مرتاحه فيه
حازم : لو عايزا عشره ماعنديش مانع
نور : هههههه شكلك قبضت يا نصه وها تروق علياا
حازم : ههههه والله العظيم نفسى اقص لسانك
بنوته شغاله فى المحل قربت منهم .. ها تقيسى حاجه تانيه يا فندم
نور بفرحه : جوزى ها يختارلى كام طقم غير دا
البنت بصت لحازم : ذوقك حلو جدااا وبصت لنور يا بختك بيه الرجاله ملهاش طاقه تتحمل الستات خصوصا فى الهدوم والله كويس ان فى زى حضرتك
نور تنحت : نعم يا أموره ايه دخلك انتى دلوقت
حازم ابتسم لها : شكرا يا فندم ها نخلص ونحاسب اتفضلى
نور : انت بتضحك لها امشى يا بت
البنوته : اسفه وبعدت عنهم ..
حازم : يا نور سيطرى على اعصابك دا شغلها والا زى دول شغلهم الكلام قبل البيع
نور : بتتغزل فى حضرتك وانت بتضحك لها وعايزنى اسكت
حازم : اعمل ايه يعنى
نور : غض البصر ياحبيبى .. وطى الكشافات ووجههم لمراتك وبتشاور على نفسها مش مراتك انا
حازم بيحاول يسيطر على نفسه : مراتى
نور : طلقنى بقى
حازم : هههههههه ارحمى أمى ايه رايك نطلق بعد ما تخلصى ونسافر شرم نروق عشان ما يبقاش طلاق بنكد
نور بتشاور بصباعها : انت صح .. ليه اطلق متنكده لما أطلق مفرفشه .. فرفشنى
حازم : هههههههه حاضر دانا ها اطلع عينك فرفشه
ادخلى خلصى عشان لسا قدامنا وقت .. ودخلت بعد وقت خلصت خالص وحازم واقف يحاسب البنت والبنت واقفه مكشره ومكسوره .. خرجو من المحل ونور رجعت لها لوحدها تااانى وبطريقه مباشره
نور : أسمك ايه
البنت بصتلها بخوف : أمانى انا
نور ابتسمت : انتى عسل وطلعت مبلغ من جيبها وحطته فى ايديها وقربت باست خدها وقرصته زى ما حازم بيعمل .. ما تزعليش لازم اسيطر عليه يرضيكى اسيبه على كيفه الاقيه داخلى بعروسه فى ايده
البنت ضحكت من قلبها بعد ما كانت مهمومه : لا ما يرضينيش ربنا يبارك لحضرتك
نور بغمزه : ويباركلك يا عسل .. وسابتها وراحت لحازم الا مبسوط جدا برغم جنانها ما بيهونش عليها زعل حد ابدا .....
انتهى الاسبوع سريعااا وخلاص حانت اللحظه إلا البنات ها يسافرو يقضو اجازه قصيره مع بعض اتجمعو كلهم ومنتظرين نوجا ونجيه تحت البيت بالعربيات الا معاهم
نوجا ياله يا نجيه العيال تحت عاملين غاغه
نجيه : خلاص اهووو يا نوجاا والله خايفه لازم يعنى طياره ما نسافر بالعربيه
نوجا بضكه : اسكتى يا نجيه وبتهز ايديها فى الهوا قلبى بيرفرف كدا ها اركب الطياره يا خراشى يا خراشى والله اخرة صبرك جت بفايده يا نوجا
نجيه : هههههه والله لا قيمتنا ولا اخلاقنا انا بسمع حاجات كدا تشيب وبنات عريانه نروح نتفرج دى اخرتها
نوجا بتحط ايديها على عيونها وبتبص من صباعين انا ها اغض بصرى والا ها يجى جمبى بالشبشب ..
نور طلعت وحطا ايديها على ضهرها من ورا الا كبرت نوعا ما وهى فى شهرها الرابع : يعنى احنا واقفين تحت فرجه للناس وانتوو بتتسامرو وربنا عيب
نوجا : قلب امك طلعتى .. ياله يا نجيه قدمى يابت امسكى ايد امك
نور قربت وحطت ايديها فى ايد نجيه ونوجا وقفلت الباب ونزلت على طول مشيو مع بعض كلهم ... وها يقابلو كاونه وعبير وولادهم ..
كاونه بيقرب من بعيد وبيضحك وماسك ولاده ونور وكلهم تنحووو من منظرهم
ركبو فى العربيه الا فيها حازم ونور ورا
عبير بضحكه : ست الستسات باشا والله ولا ليكو عليااا حلفان انا قلبى بيرفرف كدا وبتعلى صوتها سنه بفرحه ها نتير فى الكووو يا كاونه
كاونه : ههههه اخيرا يا عبير اقعد يا عيلاء ها تركب التياره يالا
نور اتعدلت على الكرسى وحازم ساق العربيه وهو بيضحك وباصه لكاونه وضربته على صدره ومهما حازم يشد فيها مفيش فايده
كاونه بيرجع براسه : مالك ط.ه
نور بعصبيه : انا مش منبه عليك تلبس وتتشيك انت ومراتك وعياك وبعتالك الفلوس عايز تنقطنى يا كاونه .. ايه دا يخربيت الهبل لابسين الوان الطيف كلها فى يوم واحد
كاونه : وربنا الشاكته جايبها من الوكاله بخمسه وعشين جنيه والبت عبير نزلت سوق الخميس بضعت
نور : تتشك يارب انت وعبير يارب الواد لابس بنطلون رجل لون ورجل لون ليه رجل صاحبه دى والا رجله وشبشب من ابو اتنين ونص .. انضف يا كاونه وبطل بخل فى حد فى الصيف بيلبس جاكته اه دماغى
حازم : ههههه اهدى يا نور ها يجرالك حاجه
نور : لسا ها يجرالى هى العيله دى عايزا منى ايه وبتفرد ايديها انتو عايزين منى ايه
عبير بصت لكاونه وزغرت له : على طول كاسفنا راجل ايحه
نور : انتى تخرسى خالص انا قايلك ايه يا عبير فى التليفون
عبير : ما تبخليش عل نفسك ولا ولادك
نور : اركن هنا يا حازم
كاونه بعياط مصطنع : الله يخليكى عايزا اتير فى الجووو واروح البحر
نور نزلت وفتحت الباب : قدامى يا كاونه انت ومراتك وعيالك
كاونه نازل مبوذ وعبير وعياله ونور قفلت الباب ياله
عبير : خلاص مش ها نروح شرخ يا كاونه والواد عيلاء والبت ياسمينه كان نفسهم يروحو البحر
ياسمينه : اعاااا ابا عايزا اتير بالتياره وانزل استحمى فى البحر يا أباااا
كاونه : منك لله يا عبير قولتلك هاتى حاجات عليها القيمه من ام عبده الا فارشه على الناصيه .. ما تزعلش يا ياسمينه ما تعيطش يا عيلاء ها اوديكو فايت
نور لفت وبصتله : هو انت متخيل انى ممكن اسيبكم ليه انا جاحده
حازم نزل جمبها ومسكها : انا الا جاحد انى عرفتك عليهم
كاونه بيشاور بايده : لاء مش جاحده
نور : لا قولها انا جاحده صح وبصت لحازم انا جاحده يا حازم
حازم : ههههههه .. تعالا جايبلنا الكلام وشد كاونه ودخل محل لبس رجالى ونور خدت عبير والولاد وبدات تشترى لها درسيات شيك جدا وتظبطها هى وياسمين وعلاء .. وخارجين مبسوطين جدا جدا جدا .. ركبووو كملو الطريق لان سيف سبقهم هو ومحى وحمدى ... وصلو المطار بعد وقت من الاجراءات قدمو على سلم الطياره
نوجا ماسكه ايد نجيه : وترتينى يا نجيه اهدى
نجيه : اول مره اركبها افردى وقعت بينا
نوجا : ياساتر ياساتر .. خوفتينى يا نجيه بسم الله الرحمن الرحيم
حمدى : ملكم كدا انتو بترجعو لورا الا بتقدمو لقدام
نوجا : سى حمدى .. هى الطياره خطر يا أخويا
حمدى : هههههه كل حاجه خطر يا نوجا أل يعنى ها تيجى على الطياره محدش بيموت ناقص عمر اركبى يا شيخه وسابهم وطلع الطياره ورا البنات
نوجا بتهز ايديها وبتلوى شفايفها : لا طمنتى جاتك وجع فى بطنك ياحمدى يا بن خضره الله يرحمها بقى ... اطلعى يا نجيه وكملى قراية المصحف فوق يا حبيبتى وطلعووو وكل واحد قعد فى مكانه وماندو ورا نور هو و مراته وعياله مش مبطلين ضحك
نور : وبعدين معاكو حد بيزغزكم ماتهدى يا عبير الناس بتترعب اول مره تركب طياره وانتووو جبباره ماعنكوش قلب
عبير : هههههه الكياره حلوه قوى ياست نور ياريت عندى واحده زيها وبتحسس على الكراسى والفرش
حازم مسك نور وابتسم وقعدها وربط لها الحازم والمضيفه قربت من كاونه وباصص لها وبيضحك
المضيفه : اربط الحزام يا فندم من فضلك
كاونه : ههههه ما تربطيه انتى اصلى مابعرفش يا حلو يا لمبه نيون تنور فى الضلمه
عبير : اتلم يا كاونه لألمك
المضيفه قربت وربطت الاحزمه لكاونه وعبير واولاده ... وربطت لنوجا ونجيه
ورد ماسكه ايد محى بخوف وبتتغط عليه : راح نطير هالحين والا شو والله خايفه كتير وجوعانه كتير
محى : هههههه الا زيك لازم تفضل متعلقه كدا يمكن تبطل أكل
ورد : اهئ اهئ والله هادول يالا بياكلو يا محى ما إيلى ذنب مفاجيع كتير والله راح أجن ما بيشبعو مظلومه انا
محى بنص عين : تصدقى هما الا ما بيشبعوش صحيح الواحد بيربى قطط يا جدعان شايفه فى الشهرالخامس واتفجرتى من بعضك يا ورد وامتحنتى بالعافيه بذاكرلك بالاجبار وكل حرف تفتحيلى بوئك جوعانه يامحى .. جوعانه يامحى ولا كإنى بذاكرالك تدبير منزلى
ورد : ههههههه بيكفى والله شايل منى هون وبتمسد على صدره .. ما راح اكل إكتير وبوذت راح أكل شوى إصغيره اد هيك والله
محى : عارفه يا ورد لو جبتى درجات قوليله ها اعمل فيكى ايه ها اقفل المطبخ والتلاجه
ورد ديقت عيونها وشهقت مره واحده اول ما بدأت الطياره تتحرك وغمضت ومسكت ايده جااامد وبتقرى قرأن نفس حال نجيه ونوجا .. ونور عاديه جدا هى وحازم والرجاله ..
سلوى : اااه قلبى يا سيف احنا وصلنا والا لسا
سيف : ههههه راكبه نفاسه هيله هوب توصلى فتحى عيونك خلاص طارت
سلوى : خايفه قوووى البيبى اتخض
سيف : ياختى جميله دا فرفور بقى
سلوى : او فرفوره
سيف : ههههههه نامى لحد ما نوصل أحسلك عشان انتى ملكيش خروج من البيت
سلوى لفت ايديها على سيف وميلت براسها على كتفه وغمضت عيونها وهو ريح راسه لورا ..
حازم : مش ها تنام يا وحش زيهم
نور : سيبنى دلوقتى شلة المجانين الا ورايا دول جابولى صداع
حازم : سيبيهم مبسوطين جبر الخواطر على الله انتى جبرتى بخاطرهم وفرحتيهم
نور : والله ماعايزا ازعلهم بس هما اووووفر خصوصا عيلااااء حلزونه يا حازم مش بنى ادم المضيفه قربت تعلقه فى السقف
حازم : 😂😂😂 مفراك صح .. ضم راسها بايده نامى لتجيبى واد شبهه وهى غمضت ووقت بسيط كانووو وصلو مطار شرم بأمان ولحظات كانو فى الفندق وفقدو السيطره على كاونه وعياله كل واحد طلع اوضته .. ونور دخلت هى وحازم مع كاونه
نور : عبير اهدى وقولى اتهديت عشان ماحدش يدايق من وجودنا سيطرى على ولادك وجوزك الا فاتح بوئه من ساعة ما جينا دا
حازم : كاونه انت فاتح بوئك ليه
كاونه قرب وهمس لحازم : ما شوفتش الستات مهلبيه بالقشطه وعريانين دى ها تبقى مرمغه
حازم زقه فى رجله : ههههه اتلم بدال ما تتحبس هنا واحترم نفسك وخد نور وراح اوضته وكلهم ريحو ساعتين
*******
سيف قاعد على السرير وفارد رجله وسلوى جمبه بعد ما صلو الاتنين قبل م ينزلووو .. ها ياستى عايزا تروحى فين والا أقود انا المسيره ..
سلوى : لا يا سيوفه انا عايزا اول حاجه نعملها..رحله جلاس بوت سيف ضم حواجبه : عرفتى منين انتى بتقولى اول مره تيجى هنا
سلوى : عملت سيرش طبعا وعرفت ان الرحله دى ممتعه جدا لانك بتركب مركب قاعدتها قزاز بتشوف السمك الملون والشعب المراجنيه كأنك فى الميه ... وبتهز ايديها ... وياسلام لو نروح الغرقانه نفسى اشوفها قوى
سيف : ههههه انتى وصلتى للغرقانه كمان
سلوى : طبعا انا مش قادره اتصور منظرها معقول سفينه غرقانه من زمن ونصها فوق الميه زى ما هى بحاجتها ونصها التانى تحت الميه على عمق 24 متر ... انت متخيل
سيف مسك شفايفها بايديه : لو انتى شاطره بقى السفينه دى مصريه والا ايه
سلوى ابتسمت : ألمانيه وبتهز راسها احنا جامدين مايغركش البحر بحرنا والا يعدى من عندنا نقصمه نصين
سيف ضحك بصوت عالى جدا : اه يا بلطجيه عادى يعنى حادثه طبيعيه وعاديه طيب اسمها ايه السفينه وحكايتها بقى اشوفك مثقفه والا اونطه
سلوى قعدت وربعت رجليها وبتحكى باندماج : كان يا مكان فى قديم الزمان كان فى سفينه ألمانيه أسمها ماريا شردور هى اصلا كانت مهمتها فى الوقت دا نقل مواد غذائيه عدت من المنطقه الا اتشهرت باسمها دلوقت اللى هى الغرقانه فى شرم ما تعرفش ان الشعب المرجانيه فى المنطقه دى وبترفع ايديها وبتعمل عضالات جااامده و متينه وقسمتها نصين هزت راسها ايوا نصين ومن وقتها وهى يا حلوين نص فوق الميه بيندب حظه والنص التانى فى احضان المرجان والسمك على عمق 24 متر وبيجيلها زوار بالملاين يتفرجو ويتفحصو ويتمحصو ويغتصو على عمق كبير يتمايلو بين المرجان شمال ويمين .. ها ايه رايك
سيف كمل ضحك وسقف لها وباس خدودها :انتى اجمد حاجه .. طيب تعرفى سوهو سكوير
سلوى بحماس : طبعاااا .. هى بردو فى منطقه الغرقانه مسمينها قطعه من اوربا .. اول ما تدخل لها تتفاجى بمجسمات مضيئه كبيره جدا ورائعه ... واووووو منظرها مبهج جدا .. غزلا وطاوووس وتنين وكتير بقى على كل شكل ولون موجودين فى كل جمب نضافه وجمال بيسر قلبك وعيونك وكل حاجه بتنور فيها حتى النخل والاشجار وعملت علامة القلب بايديها مش بيقولك النور مكانه فى القلوب اهى دى خطفت قلوبنا بنورها .. ها تدخل سوقها الا بيميزه التماثيل الا معموله بطريقه خجوله ومبهجه ... وااااه والف ااااه من النافوره وجمالها كبيره جدا والميه فيها متحرره بترقص وبتتمايل بألوان اكتر من رائعه مش النافوره الراقصه ومسكت ايد سيف كفايه كدا والا نقول كمان
سيف : طب انتى عايزا تروحيهم ليه اذا كان انا زورتهم معاكى دلوقت هههههههه تعالى فى حضن حبيبك وفارد ايده
*************
نور خارجه من الحمام بتنشف شعرها وحازم بيصلى خلص صلاه وبيسبح ربنا شويه ... قام حضن نور وباسها وهى لسا فى حضنه
ها ننزل دلوقتى
نور : لا مش قادره دلوقتى نصايه كدا بقولك ايه انا سمعت عن السوق التجارى القديم هنا بيقولو مكان تراثى وجميل جدا له طابع مميز وفى حاجات كتير تخص البدو عايزا اروحه نعمل شوبنج كدا متين
حازم : وايه تانى
نور : اممممم .. رحله بحريه كدا نشوف بيها شرم الشيخ كلها من جوا البحر بتبقى اكتر من رائعه ... وخليج نعمه اوبسسس عارف كان نفسى فى ايه
حازم هز راسه : ايه
نور : فى رحلة سفارى بس مش ها ينفع كان نفسى أتجنن كدا واطير وانا معاك شعور مختلف وانت جمبى وفى ضهرى فى كل حاجه حبيت الدنياا ولاول مره احس ان المسئوليه مشتركه عليك وعليا
حازم ضمها اكتر وبهمس : ان شاء الله تتعوض وربنا يقدرنى ونعيش مبسوطين وبنفهم بعض واقدر اسعدك
نور حضنته اكتر : يارب يا حبيبى وما يحرمنى منك شوفت شعرى طول بقى لحد فين وصل لاخر راقبتى شكلى كدا احلى والا
حازم : مفيش وإلا .. انتى بدئتى تستردى انوثتك وحياتك الا اتسرقت منك .. بصى فى المرايه وانتى لبسك بيعبر عنك كا بنت شعرك نبرة صوتك وحيائك الا بدء يبان فى تصرفاتك مع اى واحد غريب انا بحبك وكل يوم ها احبك واشجعك انك تتغيرى
نور بنظرة راحه : تعرف ان مجرد ما بدئت اتغير وحاسه ان كل حاجه بتيجى لوحدها بقيت بكره كل حاجه بتهدم انوثتى وبحاول اقلع توب مش بتاعى بفكر هو لو ربنا عايزنى شبه الولد وبأفعال ولد ماكان خلقنى ولد .. مهما كانت ظروفى لازم اقاوم لازم يبقى فى شى بيميزنى عنك فى كل حاجه خلاص وبصوت كله انوثه يجنن .. انت الراجل وانا الست وكلها كام شهر وابقى ام
حازم ابتسم وفرحه من جواه وبهمس اكتر خطفها لدنيته : وانا اب ابو إلا فى بطنك ربنا يباركلى فيكم
*********
محى دخل اوضته وفى ايده اكل وقعد جمب ورد الا قاعده مبوذه وبكل موده وحنيه : خدى يا حبيبتى انا بقيت حرامى زى كاونه وسرقت دول من البوفيه تحت ههههه
ورد بتذمر : لاه يا محى ما راح اكل باجى على حالى ما بدى ازعلك
محى : لا انا مش زعلان خايف عليكى مش اكتر والدكتوره قالتلى طبيعى الحمل بيختلف من واحده لواحده واحده نفسها مسدوده وانتى الحمد لله نفدتى .. واحده نفسها مفتوحه وبتاكل كتير .. واحده مزاجها متقلب .. واحده فرفوشه ... واحده بتدخل فى اكتئاب حمل .. فا الحمد لله انك كدا ماشاء الله فى بطنك تلاته لو قصرتى فى اكلك ها يسحبو كل الفتيتامينات الموجوده فى جسمك وتتحولى لشخص ضعيف ومريض فلازم الا فى بطنك يستفيدو من نعم ربنا احسن لا هما يتاثرو ولا انتى
ورد هزت راسها : ايه والله عندك حج هات من شان جوعانه كتير وهما مو مبطلين فرك بدهم ياكلو حبايب جلباتى وجلبات بيهم الحنين إكتير وشدت الطبق وبتاكل ورا بعض
محى ديق عيونه : اه يا خطافه على فكره حتت اللحمه دى انا جايبها ليا
ورد بتشاور : هاد وكلتها وضحكت .. وبوئها مليان راح اجولهم هاد من بيكم من شان بيحبكم كلو حبيباتى
محى بيعلى صوته : وربنا دا ظلم .. ها تتفسحى فين يالا ها تنقطينى قريب
ورد : مابعرف بتعرف انت
محى بمكر : تصدقى انتى لازم تتفسحى فى ام سيد هنا .. دا اخرك
ورد : مو مهم ام سيد هاااى ابو سيد المهم فيها اكلات كتير من شان اكل
محى : اعااا اه يانا ياما ... ورفع ايده جايلك يا ام السيد قولى لابو السيد جهزو الاكل وحسبى الله ووالله أعلم
نزلو كلهم يقعدو على الشط ويخططو مع بعض ها يعملو ايه ويقضو باقى اليوم وكل واحد معاه الا يخصه بيستمتعو بالجوووو ورد قربت على نوجا ..
ورد : اهئ اهى .. اما نوجا محى مانه معى مركز مع هيك وهيك وهيك وبتشاور على البنات ..
نوجا وهى قاعده على الشط : عشان انتى خايبه .. اعملى زى نور وسلوى .. شايفه سلوى
ورد : ايش تعمل سلوتى أما نوجا
نوجا : نازله نحنحه زى أمها ما كانت بتعمل لما كلت دماغ الواد قلب امه
نجيه : ههههههه .. اتنحناحيلو يا ورد يا حبيبتى روحى اتبسطى مع جوزك
ورد قامت راحت قعدت جمب محى : احممم .. احمممم .احمممم
محى : مالك يا ورد عايزا حاجه
ورد خبطته فى كتفه واتنحنحت تانى وابتسمت : احمم احمم احممم
محى : الله انتى علقتى فى حاجه واقفه فى زورك
ورد بعصبيه : ايه فى عم اتنحنحلك من شان تركز معى هون ما تنظر هيك والا هيك والله حرام هادول عاريااا وانا محتشمه ما بيكفى اخلع خلجاتى من شان اعجبك هلا
محى رفع ايده : قلع درسك يا بعيده .. تقلعى دا انا اقطع راقبتك قبل ما تعمليها دول اجانب ومتحررين انتى اجنبيه
ورد هزت راسها بلاء
محى : متحرره مش فارق معاكى حاجه
ورد هزت راسها : لاء يعنى انا شو هلا ما بعرف
محى : انتى قمبله .. انتى قمبله واتحشمى جه اليوم الا اقولك فيه اتحشمى
ورد بتحط ايديها على عيون محى : اتحشم انت يا محى بغير عليك كتير
محى : ههههههه ونزل ايديها باسها .. انا عيونى مش شايفه غيرك الحمد لله وكمان انا كنت سرحان
ورد : سرحان فى شو يا جلبى
محى : فى كل حاجه يا ورد حياتنا وولادنا ان شاء الله لما يجو ها نربيهم ازاى وتعليمك
ورد : والله ما تحمل هم لبكرا الله واحده بيعلمه وهو بيدبرها يا جلبى من حيث لا تحتسب
محى بصلها : انتى صح بس ساعات غصب عنك لازم تفكرى فى إلا جاى
ورد : ايه بس نتركها على الله لحين وجتها وانفجر فى الضحك لما شاف عبير بتجرى وكاونه بيجرى وراها ... سيف قرب منه وحاطت ايده على سلوى وبيضحك هو كمان
سيف : إلحق يا محى مرات كاونه بتعاكس الاجانب
محى : ههههه اعمل اى منظر ها يودونا فى داهيه
سيف : ها اهمل لهم ايه سيبهم يتبسطو يومين .. هما عياله فين مش شايفهم
محى : لازقو فى البوفيه مش عايزين يخرجو منه واتصحابو على عمال البوفيه كلهم
سيف : بص بيغرقها فى الميه وربنا ما طبيعين وبيصفر لحازم .. وحازم قرب منه
حازم : ايه يا شباب مش ها تنزلو الميه
سيف : ياله اجهزو ونعمل مسابقه
محى ديق عيونه : عشان انت الا تكسب مش ظابط
سيف بغمزه : دى قدرات يا معلم .. قوم بطل كسل
نور بتخبط على كتف حازم : وريهم واوعى ترحمهم ... ياله انطلقووو بدال قعدتكم جمبنا
الرجاله قربت من الشط بعد ما قلعو التيشرات ... وكاونه اول ما شافهم راح عليهم
كاونه : خدونى معاكووو انا عايز اعوم
محى : بتعرف
كاونه : أرموت جوا الميه
حازم : اقلع طيب الشورت دا
كاونه ضحك : وربنا عيب
سيف : هههههه انت ها تنزل بدا يالا ها تتنفخ زى اسماعيل ياسين جوا الميه
محى بيشد الشورت : انت سارقه من مين يالا
كاونه رفع ايده : حد الله دا بحلال ربنا .. أم سمير الا جنبنا ادتهونى بتاع المرحوم جوزها الله يبشبش الطوبه الا تحت راسه وهز راسه مات فيه وأل ايه بتخاف منه
كلهم : 😂😂😂😂
محى : الله يبشبش النتانه الا فى دمك الراجل مات فيه ونازل بيه البحر
كاونه قرب براسه من محى : ها يحصل ايه يعنى
محى : ها تغرق يا غبى
كاونه : قول وربنا
حازم : ياله يا كاونه وبطل رغى .. ونزلو الاربعه .. وبيسابقو فعلا .. وصلو لمكان غويط جدا جوا .. وبيلفووو عشان يرجعو وكاونه مسك فى رقبة محى بعد ما سيف غمز له
محى بنهجه : اوعى ياغبى عايز ايه ها أخسر
كاونه : جاتنى كرشه نفس شكلى ها اموت زى ما قولت اوعى تسيبنى
محى : جاتك البلا فى معرفتك يا كاونه .. مانت طاير فى الميه لما جينا نطلع جالك كرشه نفس
كاونه : مش قادر طلعنى .. طلعنى
محى : سابقونى يا غبى بعد ما كنت انا الا سابقهم وخارج هو وكاونه .. وقبل الشط كاونه طار خرج برا ..
محى واقف جوا الميه حط ايده على راسه وبيبص عليهم التلاته وهما بيضحكووو
كاونه بضحكه بص لسيف : عطلته اهووون كان ها يكسبكم
حازم : ههههه وربنا لو ضربك ما ها ابعده عنك
سيف بيضحك جااامد مش قادر يسيطر على نفسه ومحى قرب من كاونه ونزل فيه ضرب
ورد : اديله هاد عديم الضمير بيتأمر عليك يا جلبى
نور : هههههههه خلاص يا محى عشان خاطرى الاتنين دول السبب
سلوى : حرام دا غلبان ومسكين
محى بتريقه وبيشهق شهقات ورا بعض : الحقنى بغرق .. شكلى ها اموت .. غور يا اخى الله يكون فى عونها عبير مستحمله بلوه
كاونه : ههههههه . ما تسعلش طيب
محى بحمقه : ما اسعلش ازاى وانا شايفك
عبير بتجرى قدام نجيه ونوجا .. ونوجا مدت رجليها وقعتها قدامها .. ومسكتها وبتعضها من كتفها ..
نوجا : انتى مش لاقيه حد يلمك .. اتهدى فضحتينا .. الرجاله الا بتعاكس الستات اول مره اشوف ست بتعاكس ست زيها وبتضربها اتهدى
عبير : مش شايفه عاملين ازاى دى عرايس مولد يا حاجه اول مره اشوف بنات شفافه لهطه .. لهطه
نوجا : يابت عيب على طوالك ماشفتيش بنات ولا ستات قبل كدا
عبير : بنهم (بطنهم ) يا حاجه مسفلته لازقه فى ضهرهم ها اتجنن عملوها ازاى دى
نوجا بتلوى شفايفها : انتى فاكره الستات كلها بكروش زينا يابت ... وبتخطبها على بطنها كل دا كرش .. دا كرش جوزك نعمه جمبك يا منيله
عبير : اهئ .. انا الا أشتاهل (استاهل ).. امى قالتلى يابت بعد الولاده اربطى بنك (بطنك)ما ربطهاش يا حاجه فلتت منى وربنا وبعد ما خلفت الواد عيلااااء ضربت
نوجا : جاتك ضربه يا بعيده فين عيالك يابت مش شايفهم
عبير بتشاور بايديها تلاقيهم هنا والا هنا ها يروحو فين ما تقلقيش يا حاجه دول زى القرش البرانى بيرجع لوحدهم ... وضحكت اهو جوم اهمن
نوجا : نصيبه سودا اللغه ادمرت على ايدك انتى وجوزك وعيالك الا ضربكو ... ضربكو فى بوئكو وشهقت اول ما شافت علاء جاى من غير بنطلون ضربتها قومى لبسى ابنك واستريه فضحتينا
عبير : يعنى جت على ابنى ما كلهم قالعين ملط مش شايفه
نجيه ماسكه بطنها وبتضحك : يابنتى عيب انتى كبيره مش صغيره حافظى على ولادك ونفسك
عبير مسكت شعرها : اهئ اهئ .. عايزا شعرى زيهم وانا اعمل الا انتو عايزينه نفسى احسس عليه يارب
نوجا : ودا ها يتهد ويقعد ازاى ها يفضل كدا ارايل ... ارايل .. وقلعت الشبشب ها تقعدى والا تنضربى جننتينى
عبير بخوف : لا بلاش الببش يا حاجه الله يخليكى
نوجا تنحت : ببش .. عوضنا عليك يارب .. قومى استرى ولادك عشان نتغدى وقامت خدت عيالها وطلعت الفندق تغيرلهم
حمدى : تعالا يا مازن يا حبيبى تنزل معايا البحر
مازن : لا يا بابا ممكن اروح اقعد مع ماما نوجا اصلها وحشتنى الكام يوم الا سيبتها فيهم
حمدى اتنهد : روح يا حبيبى
نوجا : تعالا يا حمدى عشان نروح نتغدى كلنا
حمدى قرب عليها هو والشباب ومراتاتهم ... وراحو البوفيه وكل واحد بيعمل لنفسه طبق .. وقعدو كلهم على الترابيزه بياكلو مع بعض
حمدى بيقرب على نوجا براسه : مش ناوى تحن عليا يا جميل وتوافقى تتجوزينى خلينا نتلم
نوجا : متبعتره قدامك انا يا حمدى اتلم يا راجل واعتكف بقى وتوب
نور : هههههههه الحق يا حازم ابويا بيعاكس نوجا .. الراجل انحرف على كبر
حازم : هههههه كلى ووطى صوتك لتضربك
سلوى : سيف هى ماما مالها هو وعمو حمدى
سيف : لا يا حبيبتى مفيش بيتفق معاها على المهر و الشبكه ولو خلفو يدخلو من باب القصيرين والا الطوال
سلوى : هههههههه بطل هزار بقى هو بيقول لها ايه وهى متعصبه
سيف جز على شفايفه : كلام كبار انتى ملكيش دعوه بيه كلى كلى قضو باقى الوقت هزار ويمر يوم ورا التانى وهما بيتفسحووو بيروحو مكان لمكان .. لمكان وبيستمتعو مع بعض غيرو جووو وغيرو نفسيتهم وضغط الحياه والشغل
*********************
إلي هنا ينتهي الفصل الرابع والأربعون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابعوا صفحتنا على الفيس بوك للمزيد من روايات حب
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة