U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية شرسة ولكن بقلم لولو طارق - الفصل السادس والأربعون

مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل الثاني والأربعون من  رواية شرسة ولكن بقلم لولو طارق. 

رواية شرسة ولكن بقلم لولو طارق - الفصل الثاني والأربعون

اقرأ أيضا: روايات غرام
رواية شرسة ولكن بقلم لولو طارق
رواية شرسة ولكن بقلم لولو طارق

رواية شرسة ولكن بقلم لولو طارق - الفصل الثاني والأربعون

سيف بيشاور بايده : نوجا اهدى بس وابتسم .. ممكن اخد سلوى الاوضه واطلع افهمك كل حاجه .. قومى معايا
سلوى بعياط : مش قايمه ملكش دعوه بيا
سيف : قومى يا سلوى مش ها اقول تانى .. سلوى قامت وهو بيحضنها بايده زقت ايده بعيد ودخلت الاوضه .. قفل الباب وضحك وبيقولها بطريقته الا بتحبها .. سلوتى ... سوسو .. قلب سيوفه
سلوى بتهز راسها وبتقول ورا بعض : لا يا سيف لاء مش اكلمك انا زعلانه منك عايز تسيبنى
سيف رفع حاجب : لحد دلوقتى مافهمتنيش ولا عارفه انك حته من قلبى عياطك طول الطريق لحد دلوقتى كان بيوجعنى قوى وبيحسسنى انا أد ايه جاحد
سلوى بصوت رفيع زى الاطفال : ووحش وانانى هونت عليك
سيف ضحك : بصراحه مش ها ابقى اوحش منك الا حصل دا درس يفهمك انتى اد ايه انانيه مع مامتك .. عارفه ليه
سلوى بتمسح دموعها وبتبصله باستغراب : انا بحب ماما وعمرى ما كنت انانيه معاها انا بحبها قووووى وحطت وشها بين ايديها وعيطت تانى ...
سيف قعد قدامها وخد نفس : سلوى افهمينى كويس انا عارف كل حاجه من زمان بخصوص حمدى ونوجا ... وحازم كلمنى انهارده وحكالى على مكالمتك مع نور والكلام الا قولتيه انك لايمكن توافقى امك تتجوز فى السن دا وان كدا عيب ومنظرهم ومنظرك والمفروض تعيش لاحفادها بس رغم انها مش كبيره يعنى ربنا يديها الصحه وطولة العمر .. وبردو عديت على امى وحكاتلى كل الا حصل .. شعورك ايه وانتى بتختارى بين جوزك وبيتك وأمك وهى بكل سهوله رفضت حاجه من حقها رغم وحدتها دلوقت .. واختارتك واختارت بيتك الا مش ها تعيش فيه يدوب اخرها تتطمن عليكى وبس
سلوى بصتله وسكتت مش عارفه ترد
سيف : سلوى يا حبيبتى انتى اشتريتى حياتك وهى برغم وحدتها اشترتك يبقى ليه تحرمى عليها جواز وواحد ها يعوضها عن ايامها الا فاتت زيكووو
سلوى عيطت جااامد وسيف حضنها وبيضم راسها على صدره قوووى باس راسها وهو بيقول لها : كفايه عشان خاطرى لو بتحبينى كفايه
سلوى : سيبنى لوحدى
سيف رفع وشها وبهمس : بجد عايزانى اسيبك وانا السبب فى كل الدموع دى طب ازاى .. قومى قوليلها انك موافقه وان مفيش حد يقدر يفرق بينك وبينها واشتريها زى ما هى طول الوقت والعمر شاريكى
سلوى : هو انا وحشه قوى كدا
سيف : توء انتى طيبه وعلى نياتك ولو انا راجل مفترى او مكار ها استغل طيبتك دى اسوء استغلال إمال انا بخاف عليكى تخرجى لوحدك ليه .. وبغمزه ياله نصالح نوجا الا قاعده قلقانه برا ونفسها تدخل تضربنى عشان تتبسطى انا ماحبش ابان قدام حد ضعيف يرضيكى يعنى
سلوى قامت خرجت برا وسيف وراها ... وبتوتر : ماما انا موافقه تتجوزى عمو حمدى
نوجا بانكار : بس انا مش عايزا اتجوز
سيف لف ايده على كتفها وبابتسامه : بس انا عايز اجوزك واخلص منك كفايه عليكى كدا خنقتينا
نوجا ضمت حواجبها ولوت شفايفها : يوووه هى هرومانات الحمل بهتت عليك انت كمان والا ايه 😂😂 كل شويه بحال
سلوى ضحكت بصوت عالى وبتمسح دموعها وسيف ابتسم وبص لسلوى : حلو كدا يا جيبالنا الكلام .. نوجا دى وسيلة اقناع لبنتك انتى عارفه انك غاليه عليها وصعب تفرط فيكى بسهوله كان لازم تعرف انك عمرك ما تتخلى عنها والدنيا فى كافه وهى فى كافه تانيه .. وبعدين انا ومراتى حرين يا نوجا دى باعتك فى ثانيه وبيقلدها .. لا انا بحبك ومش عايزا اسيبك آهئ اهئ
نوجا ديقت عيونها وبصت على سلوى وبهزار : اسفوخس عليكى بت ما بيطمرش ياربى الناس خبيتها السبت والحد وانا خيبتى فيكى ما وردت على حد
😂😂😂
سلوى قربت واترمت فى حضنها وسيف ضاممهم الاتنين وباس راس نوجا .. ونوجا طبطبت على ايده ...
سيف بصوت عالى : خلصينا وقولى انك موافقه يا نوجا الراجل ها يتجنن ونتصل عليه نقوله تعالا
نوجا : وسعى كدا طبقتى على مراوحى ها تموتينى وانا فى عز شبابى وعليا العرسان كدا وبصت لسيف وبصعابنيه .. اصل يا سيف ما ينفعش
سيف بيرفع كتافه الاتنين : ليه وايه قل نفعه وضحك بمكر العرسان واقفه برا ومنظرنا بقى وحش
نوجا بكسوف وابتسامه مداريه : إلا تشوفه بقى يا جوز بنتى هو فى كلمه بعد كلمتك 😂😂😂😂
سيف سقف وبصوت عالى : ألعب .. ايوا كدا قولى انك
نوجا تخنت صوتها : انى ايه
سيف : انك خجوله وعايزا زقه وانا أزقك عادى إحنا ورانا حاجه 😂😂😂
سلوى : ماما انتى بجد عايزا تتجوزى
نوجا ميلت راسها : الا تشوفيه يا بنتى
سلوى ضحكت هى وسيف والجرس رن ... وكانت نور وحازم ونجيه ..
حازم : نقول مبروك .. والله شكلنا ها نقول مبروك
نوجا اتكسفت ودخلت الاوضه جرى .. وهما ضحكو من قلبهم ..
نور : الحقووو دا طلع بجد يا جدعان امك عامله فيها عروسه يا سلوى
سلوى بقلش : أمهات أخر زمن ..
نور : يعنى اطلب العريس
نوجا خرجت : حيلك انتى وهى اتجوز بشروطى .. يوووه نجيه لو مأخذه يا حبيبتى العيال عماله تضغط عليااا لما وافقت اعمل ايه طيب الجواز نص الدين ياختى يرضيكى اخسر نص دينى
سيف بيزق ايده فى الهوا وبيكلم حازم بهمس : ولا لحقت اضغط ولا نيله صحيح يتمنعن وهما عنيهم فيه يا جدع لا ومصممه
حازم : ههههه اخرس دلوقت خليها تتم على خير
نجيه : ربنا يتملك على خير يا نوجا ياله فرحينا وخلى مازن فى حضنك على طول
نوجا : بشروطى ااااه .. انا عروسه يعنى مايبقاش سلق بيض يتعملى حفله ويجيلى شبكه وفستان اااه انا نوجا بردو
حازم وسيف بصو لبعض وانفجرو فى الضحك
نور : شكل ابويا ها يتظبط .. طيب نكلمه والجرس رن ونور ضحكت اهووو وصل وربنا انا شاكه انه حاطت كاميرات مراقبه واجهزة تصنت ... الراجل دا على طول جاى فى وقته يا جماعه .. وراحت فتحت وفعلا طلع هو ومازن .. حطت ايديها على راس مازن . انت روحت أمتى
حمدى : كلمنى انهارده جيت خدته والا لازم يروح يبات مع نوجا حلوه الشحططه إلا انا فيها دى
نور بغمزت : خلاص فيش شحططه العروسه وافقت يا نمس
حمدى بهمس : بجد يا نور والنبى جد
نور : جد الجد كمان
مازن : يعنى بابا ها يتجوز ماما نوجا
نور هزت راسها بفرحه : ايوا ادخل بارك لها .. تعالا عشان تعرف شروط العروسه دانت ليلتك ليله وبتقلد رايه وسكينه ياعرررريس وبتهز راسها انا ايه جابنى انا ايه جابنى وياختى عليها
حمدى بضحكه : نوجا تاخد عنيه وسعى يابت أكتمى وزق نور وسابها ودخل
نور : وربنا عيله غداره هههههه الاتنين عاملين فيها عرسان وهما مدوبنهم اتنين وبتحول اتنين .. خليهم يدوبو بعض بقى ونخلص منهم ودخلت وراهم ..
نوجا : سى حمدى اتفضل اتفضل
حمدى اتنحنح وبيتصنع الجديه : احممم .. السلام عليكم .. كلهم ردو عليه السلام وساكتين .. انا سمعت يعنى انك وافقتى تتجوزينى يا نوجا .. ممكن نتكلم بقى فى كل حاجه ونخلص بالصلاه على النبى
حازم قرب على سيف وبهمس : هو ها يشيل حمولة أسمنت بالصلاه على النبى
سيف ابتسم وبيدارى ضحكته .. ونوجا اتكلمت .
نوجا : الا ملوش كبير يشتريلووو كبير يا سى حمدى والكلمه كلمة سيف اااه هو راجلى يا اخويا
نور زقت رجل ابوها : قوله يا عمى .. قوله ياعمى إكسبه دا ظابط ورخم
حمدى بالخبطه : ياعمى انا ... قصدى انا
كلهم : 😂😂😂
سيف لف وبصله وفرد نفسه : استنى شويه اشوف شروط العروسه واجيلك اه كله بشروطها بقى وبيكتم الضحكه ودخل ورا نوجا الاوضه وكلهم سايحين على نفسهم من الضحك من المهزله الا بتحصل .. وبعد شويه سيف خرجله وقاله على كل طلباتها .. واااه هى عايزا قطه ودا شرط الحوازه مش ها تم من غيره
حمدى : غالى والطلب رخيص انزل الم لها قطط الشارع وكام كلبه بلدى كمان عليهم هديه 😂😂😂
نور بتحط ايديها على بطنها : اااه ها اولد يارب .. ها انشل حرام عليكوو 😂😂
نوجا بهمس : وجع فى بطنك يا حمدى ها تسرح على الكلاب والقطط وعلت صوتها .. لا انا عايزا قطه بيضه صغيره وبيفونكه اااه فى محل ابو هيافه على الناصيه
حمدى : عنيه يا ست العرايس الهايفه كلها ها تكون عندك من بكرا
كلهم : 😂😂😂
حازم : احنا نجيب المأذون عشان كدا ما ينفعش وربنا 😂😂
نجيه بضحكه : مبروووك يا نوجااا اه لو بعرف ازغرط كنت مليت الدنيا زاغريط
نور : يالهوووى اسود ابويا ها يتجوز نوجا وها يروح عند ابو هيافه دا مش حلم يا بشر
سلوى : فينك يا ورد اللحظه دى عايزا ورد
نوجا لفت بصتهلم وزغرت لهم الاتنين وبهمس هما سامعينه : اسوفخس عليكووو دا بدال الف مبروك يا حربايه انتى وهى
سلوى ونور بصولها وضحكو ضحكه صفرا والشباب مش قادرين يسيطرو على نفسهم ولا على الموقف ولا على القاعده الغريبه العجيبه دى
************
ورد حاطه ايديها على جمبها وماشيه براحه راحه ناحيه الباب تستقبل محى وبنهجه : حمدالله بسلامتك يا جلبى .. جرب هووون ببوسك من هالخدود الحليانه كتير والله متل الكرز
محى ابتسم : خليكى مكانك وقرب وشه وباسته وهو باسها وحط ايده على بطنها .. عاملين ايه القطاقيط
ورد : الحمد لله .. والله تعبانه كتير يا محى مانى جادره
محى : هى ماما ماكلمتكيش بردو
ورد بزعل بتقعد براحه ومحى بيقعدها : ما حابنى ولسا ما بتجبلنى والله بحبهم من شان هما أهلك لساتهم شايفتنى الجاهله البدويه إلا ما بتستاهلك
محى قرب عليها ومسك ايديها : معلش يا ورد ما تزعليش والله ها يجى اليوم ويتقبلووو دا وابتسم بصى جبتلك النتيجه انتى الاولى يا ورد مبروووووووك يا وردتى
ورد بفرحه وضحكه : والله جد يا محى من المتفوجين انا
محى بيلف ايده فى الهوا : وانا جوز المتوفجين .. مبرررروك يا حبيبتى
ورد : الله بيبارك فى عمرك وينجيك ويرزجك من كل خيرات ربنا
محى ديق عيونه : ماكنتى مطفحانى كوباية شاى مش شويه يالا تتشكى فى لسانك
ورد : هههههههه شوى هيك وشوى هيك يا محى الدنيا مانها عسل بالطول
محى : ولا بالعرض وحياتك .. بس الا بيهون عليا دعوتك لياااا .. زعلانه منى بتدعيلى ... مبسوطه بتدعيلى ودى احلى حاجه فيكى
ورد بتمشى ايديها على جسمها وبتفرد ضهرها : بس هيك
محى بصوت عالى : ما ينفعش أكتر من هيك قومى ياختى حطيلى الاكل والا اقولك وربنا ما انتى قايمه دلوقت انا ها اقوم واحط واغير على ما تفكرى انتى تتزحزحى من مكانك اكون خلصت
ورد فردت رجليها وريحت راسها : والله ريحتنى كتير ومحى قااام خلص وأكل وجاله تليفون من حازم بلغه بخطوبة نوجا وفضل يضحك لما قال بس هو وورد .. وقاله انه ها يكتب الكتاب بكرا على طول وها يعمل حفله لها ... مررر الوقت وظهر ظلام الليل والكل راح وارتاح وناموووو فى سابع نومه .. ماعدا واحده طول الوقت تعبانه ومحدش حاسس بيها ولا شايل همها غير جوزها بس من تعبه نايم ولا حاسس .. نايمه على السرير بتتأوه من الوجع وبتصحى محى : جوم يا محى .. مش جادره تعبانه
محى بنوم بيطبط عليها : معلش نامى نونه هوووه
ورد بصريخ ؛ اهااااا ... جوم يا محى انا بولد
محى بفزع : ايه .. ايه .. مالك يا ورد
ورد : بولد يا ابو عجل تخين اعااااا اهى اهى اهئ انا بولد يا محى ... يا محى بولد
محى بعياط مصطنع قاااعد على ركبته على السرير وفارد ايده الاتنين : أعمل ايه مابعرفش اعمل حاجه مش ها اعرف اولدك ها اولدك ازاى يا مجنونه دلوقت فى حد يولد اخر الليل ماعندكيش دم 😂😂😂
ورد بعياط : جننتنى يا محى وعاتجيب أجلى اتصل على الدكتوره واعرف وينها
محى : اه صح .. ها اتصل حالا وبيتصل على الدكتوره اول مره ما ردتش تانى مره ردت .. انا اسف يا دكتوره انا المهندس محى وورد بتتألم جااامد ... ايه طبيعى عشان اول ولاده .. طب اعمل ايه
ورد : لاه يا محى انا بولد .. بولد
محى والدكتوره على الخط : مانتى كنتى بتولدى سبع مرات قبل كدا وطلعتى بتضحكى عليا ... اسف يا دكتوره بس جننتنى هى ها تولد فى سنتها والا ها نقضى باقى السنه ولاده فشنك وانا أشرب المقلب ... محى ضحك وبيكلم ورد بهمس .. الدكتوره بتضحك
ورد بصويت : اه .. اه يارب عا اروح فطيس يارب بسببه
😂😂
محى : ماشى يا دكتور لو الوجع اشتد أكتر من كدا وبدء ال..... اجيبها تمام ارن عليكى قبل ما انزل .. طيب سلام .. وحط التليفون على الكمود ونام جمب ورد .. سمعتى يا ابله قولى للبشر إلا فى بطنك تتهد وتسيبنا ننام شويه ولسا ها ينام ورد مسكته وبتشده جامد وبغل ..
ورد : تعبانه يا وجه البوم يا عريس الشوووم ... افهم يابنى جادم بولد .. بولد يا بشر
محى : خلاص يا ورد ما تتعصبيش ها اقوم البس وننزل وارن عليها .. نزل من على السرير وورد حطت ايديها فى جمبها وصرخت جااامد ومحى بيتنطط مكانه .. ايه .. ايه
ورد بصوت مقطع : الجرن طش الله يسامحك
محى بصريخ : يعنى ايه العرق فش .. يعنى ايه فهمينى
ورد بصويت : جيبلى الخاله فتحيه جارتنا تلحجنى
محى جرى على الباب وبيرن جرس جيرانهم الا قدامهم وفتح جارهم : وبتوتر : معلش يا عمى ممكن تنادى طنط فتحيه اصل ورد تعبانه والعرق فرشح منها خالص .. 😂😂😂
فتحيه قامت وراحت له جرى : مالها يا محى ورد فى ايه
محى بتوتر : مش عارف يا طنط بتقولى : العرق فرش وانا مش عارف المه أزاى وايه العرق دا اصلا
فتحيه وجوزها : 😂😂😂
فتحيه : طيب تعالا ودخلت معاه ولسا داخلين على الاوضه سمعو عياط طفل ... بسرعه يا محى اغلى حلة ميه ومقص اغليه كويس وهاتهم يابنى .. وراحت لورد وبتساعدها فى الولاده ومحى واقف يعيط بجد وايده بتترعش دخل الميه بعد ما غلها واقف ساكت
فتحيه : ما تخافش يا محى تعالا قرب .. حط الميه هنااا ولف ابنك فى حاجه على ما العيل التانى ينزل .. ومحى جاب فوطه وايده بتترعش وبيحاول يتمالك نفسه ولف ابنه وحضنه بعد ما فتحيه ربطت السره .. وورد بتتألم وبتبص له وهو بصالها وشافت دموعه واتألمت أكتر ان مفيش حد جمبهم وخصوصا انها اترجت أمه تيجى تقعد معاها ورفضت .. بعد وقت ولدت الولد التانى و البنت التالته وفتحيه قاامت معاها بالواجب وأكتر .. خلصت ونضفت ورد وساعدتها وغيرت لها هدومها .. ونقلت فى اوضه تانيه .. وقاعده بالاطفال وبتحاول ترضعهم .. ومحى واقف بعيد
فتحيه قربت عليه : مبروك ما جالك يابنى يتربى فى عزك وحضن أمهم يارب
محى : الف شكر يا طنط مش عارف من غيرك كنت عملت ايه .. اوديها المستفشى
فتحيه : ولا يهمك انا زى أمها .. مش محتاجه لحاجه انا اشتغلت ممرضه 5 سنين وعندى خبره فى امور الولاده هى زى الفل .. انا والده ولادى كلهم فى البيت اسأل عمك مصطفى
ورد بتعب : ما انحرمش يا خاله
فتحيه : يا حبيبتى حمدالله على سلامتك وسلامة ولادك .. وسابتهم ومشيت .. ومحى قرب قعد جمب ورد وشكله مهموم ومكشر
ورد : مالك يا محى .. ما فرحانش بالولاد
محى عيط عياط مصطنع وبيهز راسه : لا
ورد : إمبوذ ليش
محى : الاوضه يا ورد مين ها ينضفها .. عرقك فرشح فيها وقلب الدنيااا
ورد ضحكت بتعب : شوى وبجوم أعملها يا جلب ورد ..
محى قرب على خدها وباسها : حبيبتى انا ها أعملها بس مش عارف ابدء منين
ورد : جلبى وبتشاور على اولادها .. ما رحبت بهادول
محى : بيلف ايده .. مين دول أصلا انا ما اعرفش حد فيهم اول مره اشوفهم وربنا 😂😂😂
ورد ضربته وضحكت وشالت بنتها .. ومحى ابتسم وبيشلها بحذر قرب وباسها وأذن فى ودنها وضمها لصدره والبنت بعد ما كانت بتعيط سكتت خالص ..
محى : حبيبة بابا .. كنتى مزنوقه جوا يعينى .. ايه الواد اخوكى كان بيضربك انهى فيهم .. و مقولتيش لماما ليه .. كانت ها تعمل ايه يعنى .. لا دى تعمل كتيررر تمنع عنهم المصروف أمك جباره
ورد : 😂😂😂 جنيت يا محى
محى : انتى لسا شوفتى جنان .. دا انا ها اطلعه عليكى وبيبص لها بنص عين ... فين الجمبرى والاستاكوزا والسبيط .. فين حلقه السمك إلا شفطيها فى بطنك وشادر الخضار واللحمه يا ورد .. والده بسريا بتضحكى عليااا التلاته اد كف ايدى
ورد بصعبنيه : ماشاالله بياكلوو وما بيبان عليهم ها دول متل ابوهم حبيب الجلب بياكل وينكر
محى : ههههه ماشى ها نعديها عشان خاطرهم حبيبتى يا وردتى .. هو احنا مش ها نتصل على نور عشان تلم الليله وتيجى
ورد : الوجت متأخر الصبح جول لهم
محى بمكر : لا لازم دلوقتى البهوات إلا شرفت دى محتاجه تشوف خالتهم تتطمن عليهم تتودود بيهم
ورد : 😂😂😂😂 جوم يا محى من هون
محى : حاضر يا حبيبتى .. وقام اتصل بنور ونوجا وكل إلا يعرفه وبعد ما قفل ابتسم أل انضف الاوضه أل أمال البنات راحت فين .. اروح بقى لوردتى وعيالى حبايبى
نور اتعدلت اول ما محى كلمها وبتلبس وحازم كمان وكلهم اتقابلوووو عند بيت محى حتى كاونه وعبير قالهم 😂😂😂😂
*********************
إلي هنا ينتهي الفصل السادس والأربعون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابعوا صفحتنا على الفيس بوك للمزيد من روايات حب
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة