قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والروايات الرومانسية مع رواية رومانسية جديدة لملكة الإبداع اية محمد والتي سبق أن قدمنا لها العديد من القصص والروايات الجميلةعلي موقعنا قصص 26 وموعدنا اليوم مع الفصل الأول من رواية همس الأنين بقلم اية محمد 

رواية همس الأنين بقلم اية محمد - الفصل الأول

اقرأ أيضا: روايات رومانسية

رواية همس الأنين - اية محمد

رواية همس الأنين - اية محمد - الفصل الأول

في احد المنازل البسيطه ذات الاثاث المتهالك
دلفت سيده في نهايه القرن الثالث من عمرها الي احد الغرف واتجهت الي الفراش
رباب:همس ياهمس
همس بنوم:ايوا يا ماما
رباب :قومي يالا ياحبيبتي قبل ما عم حسين يتزخم قومي
همس:طب سيبني انام شويه دماغي فيها صداع من امبارح
رباب:خلاص يا حبيبتي هصحي مليكه تروح تجيب الفطار هي
همس وهي تنهض من الفراش :لا ياماما سيبها هي بتذاكر طول الليل هروح انا
رباب :طب بسرعه ياحبيبتي عشان اسلام يفطر قبل ما ينزل الورشه
همس:حاضر ياماما هصلي بس وهنزل علي طول باذن الله
رباب بابتسامه رضا:طيب يا حبيبتي ومتنسيش تدعي لاختك واخوكي
همس بابتسامه وهي تقبل يدها:بدعيلكم كلكم يا امي وانتي قبلنا كلنا
ابتسمت رباب قائله :طب يالا قبل ما اختك تصحا
وبالفعل خرجت السيده من الغرفه حتي لا توقظ ابنتها الاخري
اما همس فقامت واغتسلت وارتدت جلباب اسود رقيق للغايه وارتدت حجابها ثم ادت فريضتها
وانصرفت لتحضر طعام الافطار المعتاد لديهم
فتوجهت الي منزل جارتها المسنه وطرقت الباب بهدوء فتحت سيده كبيره بالعمر وما ان رات همس ارتسمت علي وجهها ابتسامه كبيره
السيده بضعف:اذيك ياهمس
همس بابتسامه :الله يسلمك يا حبيبتي عامله ايه
السيده :الحمد لله يا بنتي فضل ونعمه من ربنا
همس :تستهل الحمد حبيبتي
صفاء بستغراب :انتي خارجه ولا ايه
همس :ايوا كنت راحه اجيب عيش وطعميه وقولت افوت عليكي اخد البطاقه بتاعتك اجيبلك معيا
ابتسمت صفاء وقالت:تسلمي ياحبيبتي مش عايزه اتقل عليكي
همس:ايه الكلام دا يا صوفا كدا انا زعلت
ضحكت السيده العجوز علي حديث تلك الفتاه التي تجعل الابتسامه تعرف دائما الطريق لوجهها
🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻
بمنزل همس
استيقظ اسلام (الاخ الاكبر لهمس وهو العائل الوحيد للعائله ومن اهم ابطالنا بطل رئيسي للناس الا عايزه قصص من الواقع )
ارتدا اسلام ملابسه وادا فريضته ثم خرج من الغرفه ليجد والدته تستقبله بابتسامه حب رغم الفقر الشديد لهم ولكنه لم يقطع الحب فالحب ليس بالمال
اسلام وهو يبادلها نفس الابتسامه :صباح الخير ياماما
رباب :صباح النور ياحبيبي
استيقظت ملكيه وخرجت لتجد اخاها بالخارج فقالت بنوم وهي تفرد ذراعيها بكسل:صباح الخير يا اسلام
اسلام :صباح النور ملكيه ها اخبار الامتحانات ايه
ملكيه :والله يااسلام الدكاتره دول حسبي الله ونعم الوكيل فيهم
اسلام :ليه بس
ملكيه بغضب:في بعض الدكاتره بتقول الامتحان بالنص للطلاب الا بياخدوا عندهم دروس اما احنا بقا فربنا يتولانا
اسلام :للاسف يا ملكيه الزمن دا عاد ماشي بالرشوه والفساد بقا اكتر عشان كدا الثقه انعدمت
ثم اكمل كي لا يشعر اخته بانها اقل من احد :اسمعي شوفي عايزه تروحي في ماده ايه وروحي
ملكيه :بس الحصه غاليه اووي يااسلام
اسلام :وانتي مالك هتدفعي من جابك حاجه مالكيش فيه اهم حاجه عايزك تركزي في درستك
رباب :لا مش هتروح يا اسلام
اسلام بستغراب :ليه بس يا ماما
رباب:احنا كدا بنغضب ربنا يابني وكدا احنا بنشجع علي الفساد دا
مليكه بعد تفكير:لااا كله الا اني اغضب ربنا
اسلام بقتناع :ذكري واعملي الا عليكي وربنا مش هضيع تعبك
ملكيه :عندك حق يا سوسو
اسلام بغضب:سوسو ايه دا يابت احترمي نفسك
مليكه :اعمل ايه مش لقيه دلع غير دا
اسلام بجديه:يبقا متدلعنيش خالص
ملكيه :خلاص متزعلش مش هدلعك تاني
قاطع حديثهم دلوف همس قائله :السلام عليكم
رباب:وعليكم السلام ورحمه الله وبركاته
ملكيه وهي تركض باتجاهها :همس كنتي فين كل داا
همس :الفرن كان زحمه مووت
اسلام بغضب:انا مش قولتلك ميت الف مره مترحيش الفرن دا تاتي ولا تخرجي من البيت من الاساس
همس بتوتر:انا كان لازم اروح اسلام :انتي ليه بتحبي ديما تكسري كلامي
همس :انا مكسرتش كلامك يااسلام بس ماما طلبت مني انزل اجيب الفطار وانا نزلت
اسلام وهو يوجه حديثه لرباب: ينفع كدا يا ماما انا مش قولت لحضرتك ميت الف مره انا هنزل اجيبلكم كل حاجه
رباب :يا بني انت هتعمل ايه والا ايه كفيا الحمل التقيل الا انت شايله
اسلام بصوتا مرتفع للغايه :وانا كنت اشتكيت لحد انتو مش عارفين ايه ممكن يحصل لو حد عرف مكانا منهم طول ما انتم هنا فانتم بامان غير كدا مش هعرف اكون حمايه ليكم
همس :يا اسلام هنا مستحيل حد يوصلنا
اسلام بصوتا يحمل حارقات الغضب بانواعه :هي كلمه ومش هتتكرر تاني خروج من هنا وبذات انتي ياهمس لانك كل مره بتكسري كلامي خروج من هنا لاااااا فاهمين
ملكيه بخوف:حاضر
اقترب اسلام من همس قائلا :فاهمه ولا اعيد الكلام تاني
همس وعيناها ترقرقت بالدموع :فاهمه
وتركتهم وركضت الي غرفتها فهي لا تحبذ ان يري احد دموعها حتي ولو كان القريب لقلبها
رباب:كدا يا بني تكسر بخاطرها كدا انا السبب انا الا طلبت منها تنزل
اسلام وهو يزفر بقوه قائلا :يا ماما الخطر الاكبر علي همس ما تنسيش ان الحيوان دا عايز يوصلها باي طريقه وانا مش هسمح بدا حتي لو اخر يوم بعمري
ملكيه بلهفه وخوف:بعد الشر عليك يااسلام ربنا يخليك ليناااا يارب
رباب بعصبيه :اخر مره اسمعك بتقول كدا يا اسلام والا والله ما اكلمك تاني
ابتسم اسلام واحتضانها وقال "حبيبتي الاعمار بيد الله ربنا يباركلما فيكي يارب
ملكيه :وانا يااسلام
اسلام :انتي مع همس جوا اما ندخل نصالحها
ملكيه بابتسامه :طب يالااا
وبالفعل دلف الاخوه الي الداخل فوجد اسلام همس تبكي بصمت
اقترب منها وجلس علي الفراش قائلا في اسف :سامحيني يا همس بس غصب عني انتو متغرفوش حاجه عن الناس دي دول مش بني ادمين ذينا دول اقذر مخلوقات انا شوفتها انتي مش متخيله هم ممكن يعملوا ايه لو وصلوا لينا او لمكانا
نظرت له همس بحزن وقالت :هم مين دول يااسلام و عايزنا ليه
تبادلت ملامح اسلام الي الغضب عندما تذكر ما ارتكبوه تلك الوحوش المجرده من الرحمه وقال:مش مهم تعرفي يا همس
همس بغضب "لحد امته يااسلام انا لازم اعرف في ايه انت مخبي ايه علينا ليه بنهرب من مكان لمكان
اسلام بهدوء مميت :هقولك بس في الوقت المناسب
ثم وضع يده علي راسها وقال :همس انتي عارفه معزتك بقلبي وعارفه انك اقرب واحده ليا ارجوكي حاول ما تخلنيش اتعصب عليكي تاني لاني بتجرح قبل ما بجرحك بموت وانا بشوف دموعك دي
همس بلهفه :بعد الشر عليك يا اسلام ربنا يخليك لينا حبيبي
احتضنها اسلام بحبا بالغ فهمس تستحق ان يعشقها الجميع فهي ليست ملكه جمال فهي جمالها بسيط للغايه ولكن قربها من الله جعل محبتها بالقلوب كبيره ولكن ستحتاج الدعاء القوي لدخولها وكر الشياطين
مليكه بغضبا مصطنع :الله الله وانا فين يااستاذ اسلام من كل دا انا كنت عارفه انك بتحبها اكتر مني
اسلام وهو يقبل جبينها :مين قال كدا انتي الحته الا في الشمال يا بت
مليكه بفرحه:بجد يا اسلام يعني لو اتجوزت مش هايجي واحده تاخد مكاني وتغيرك كدا وتقلبك علينا
اسلام "ومين قالك اني ضعيف الشخصيه عشان دا يحصل
دلفت رباب وقالت :بس يا بت اكيد هيحب مراته امال هيكرها
اسلام :انتو بتتكلموا علي حاجه مستحيل انها تتحقق حاليا
همس بتعجب:ليه بقا
اسلام :مش عندي بنتين ولازم اطمن عليهم الاول
حزنت همس علي ما مرات به فالجميع يبحث عن الجمال الخارجي
اما مليكه فقالت :ايوا بقا اوعدنا يا رب بشاب عسل وحليوه ذيك كدا بعيون رمادي كدا وابيض وشعره الاسود و
اسلام :ايييه حيلك بتعكسيني وانا واقف
مليكه :اصل الصراحه مستغرابه انت طالع حلوو اوووي كدا لمين مانا اهو عيني عسلي والبت همس عيونها سودا وماما عسلي انت بقااا ابيض لميين وعيونك ملونه لمين
رباب :هههههه اسلام طالع لباباه الله يرحمه كنت ببصله علي طول لما طلع شكله بالظبط
ثم اكملت بحزن :الله يرحمه ويجعل مثواه الجنه
همس :امين يارب
اسلام :ايوا انتو اجتمعتوا عشان تعطلوني عن الورشه اوعي يا هانم انتي وهي انا عندي شغل كتييير اوي النهارده
رباب :ربنا يرسع عليك يا بني ويحميك
اسلام بابتسامه :ربنا يباركلنا فيكي ياامي مليكه بعد ما توصلي الجامعه كلميني فاهمه
ملكيه :والله حفظت التعليمات
اسلام بجديه وهو يتجه للخروج:فاهمه
ملكيه ؛حااضر
اسلام :السلام عليكم
رد الجميع السلام وغادر اسلام الي عمله اما همس فقامت لتعد الغداء وتوجهت مليكه الي مصيرها المجهول الذي سيجعلها تدخل الوكر الذي لاطلما حاول حمايتهم منه
اما همس فمصيرها الاصعب لانها ستصبح ملكا للشيطان نفسه
🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻باحد القصور المشيده كالحصون
علي سفره كبيره للغايه من يراها يظن ان لا يوجد بالقصر سواها
كان يجلس رجلا يبدو عليه القسوه التي لا يعرف سواها ولم لا وهو الذي ارتكب ابشع الجرائم بحق نفسه اولا وبحق ابنائه
يجلس الياس سويلم الرجل الذي لا تعرف الرحمه طريقها الي قلبه القاسي المتحجر
يجلس ليعم السكون علي الجميع فقط النظرات التي تستشعر الاوامر فقط
لامرهم باشاره من يده ان يتناولوا الطعام
وبالفعل يستجيب له الجميع
يدلف الي القاعه النسخه التي تتطابق الياس فمن يراه لا يفرق بينهم ابدااااا نفس القسوه والقوه والشموخ
ليجلس امامه علي رأس السفره ليعلن للجميع تساوي المركز بينه وبين الياس سويلم
ليبتسم له الياس الابتسامه التي لا تظهر لحد سواه :اقول مبروك يا جيمس
ابتسم جيمس ليرفع عيناه الزرقاء التي تشبه لون السماء والبحر ولكن مع ذلك الوحش الكاسر فهي تشبه العاصفه البحريه ليقول بثقته :مش معقول يعني جمال سويلم يخسر في حاجه ولا ايه كفيا اني حفيد الياس سويلم
ابتسم الياس وقال :فعلا
وجه الياس حديثه لحفيدته الصغيره قائلا :اختارتي حاجات فرحك ولا لسه
ريناد بتوتر شديد :ل ل لسه
الياس بغضب :لسه اذي
ريناد :يا جدو انا عندي امتحانات مش فاضيه خالص
اشاره من يده كانت كفيله لتخرسها
الياس :مالك
مالك :نعم
الياس :تنزل مع عروستك بكره تجيب الا يلزمها فاهم
مالك ببعض الخوف:حاضر يا جدي
احمد :طب بس يا بابا لما البنت تخلص امتحانات
الياس بحزم وهو يقف :انا قولت ايه من امته وقرارتي فيها مناقشه
محمد :احمد ميقصدش يا بابا
الياس:الموضوع انتهي مفيش نقاش الفرح كمان شهر فاهمين
وتركهم الياس سويلم وغادر الي غرفته المنعزله عن الجميع
انسحبت ريناد بصمتا الي غرفتها لتبكي بصمت فهي لا تحب مالك تعتبره اخا لها حاولت ان تتحدث ولكن لا جدوي
اما الجيمس كما لقبه الياس ظل ينظر لهم بهدوء شديد
احمد :جمال لازم تكلم جدك وتقنعه البنت كدا مش هتعرف تركز بالامتحانات
جمال ولم يرفع عيناه من الجريده التي يتصفحها :اهو عندك حاول تقنعه
احمد بغضب وهو يتنزع الجريده منه :انت بتكلمني كدا اذي فوق انا ابوك فاهم
محمد :اهدا يااحمد
مالك :ياعمي جمال ميقصدش
جيمس:لا اقصد ومتتدخلش انت
محمد :ايه يا بني الا غيرك كدا بس
جيمس بسخريه :كتيير يا عمي والفضل يرجع لوالدي العزيز
احمد بغضب:والله وايه الا انا عمالته
جمال :انت عارف كويس عن اذنكم
وغادر الجيمس القوه التي لا ينبغي لحد ان يستخف به
ليجلس احمد بتعبا شديد وحزن علي فقدان ابنه الوحيد
ليجد اخاه بجانبه
محمد :معلش يااحمد الا حصل مكنش سهل عليه
احمد بوجع :عارف يامحمد بس انا ذنبي ايه عملت ايه استهل عليه كل دا
مالك :عن اذنكم هطلع لجمال
محمد :اطلع يا بني
جلس محمد بجوار اخاه وقال بحبا بالغ : مسيره يتغير يااحمد
احمد:يارب يتغير لاني حاسس اني بموت وانا بشوفه بالقسوه دي
محمد وهو يربت علي كتفيه :خير باذن الله
🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻بالاعلي
دلف مالك الي وكر جيمس ليجده بغرفته السريه المملؤه بالاجهزه الرياضيه علي اعلي مستوي فتلك السبب الريئسي لجعله يشبه مدربين كمال اجسام فمن يراه يتاكد بانه مصارع محترق
مالك :خالصت المحاضره بتاعت كل يوم ولا في جديد
جمال بثبات دون ان ينظر له وهو يلعب علي جهاز الركض:جاي ليه
مالك :جاي اسمع لمحاضرات جيمس الشهيره
جمال بسخريه :محاضراتي اوك اطلب الاسعاف واحجز مكان وانا جاهز للمحاضره
مالك بخوف شديد :لا يا عم مش المحاضره دي اقصد محاضره كلام الله الغني عنك انا عندي محاضره حالا هدخل اذي بوشي دا اشرح الحصه مش ناقصه سخريه
اوقف جيمس الجهاز وهبط الي الاسفل وهو يزيح قطرات العرق من وجهها الابيض المملؤء بالقسوه
مالك :يا جمال الا بتعمله دا غلط
جمال وهو يتجه الي الخزانه :وانت بقا الا عارف الصح
مالك :لا بس عارف تصرفاتك كويس
جمال وهو يرتدي التيشرت الخاص به لتظل عضلات صدره ظاهره :الا هي
مالك :انت عارف انا بتكلم علي ايه لازمته ايه الكلام دا
جمال بثباته المعتاد :انت عايز ايه من الاخر يا مالك
مالك :عايزك تفوق
جمال بسخريه :وانت بقا الا هتفوقني
مالك :لا يا ابن عمي بس بعرفك ان تصرفاتك دي كلها غلط وهتندم عليها اكيد في يوم من الايام
جمال :مش هيجي اليوم دا اتطمن
مالك :انت ا
قاطعه جمال وقال :اتاخرت علي المحاضره بتاعتك اتفضل
ليغادر مالك وهو يزفر بحنق علي ابن عمه الذي اصابه لعنه الياس سويلم لعنه القسوه
اللعنه التي ستصيب همس لتصبح همس الانين

*********************

إلي هنا ينتهي الفصل الأول من رواية همس الأنين بقلم اية محمد
تابع من هنا: جميع فصول رواية همس الأنين بقلم اية محمد
تابع من هنا: جميع فصول رواية حكاية بقلم إيمان الصياد

تابع أيضاً: جميع فصول رواية جمعتنا صدفة بقلم هنا عمرو

تابعوا صفحتنا على الفيس بوك للمزيد من روايات حب

حمل تطبيق قصص وروايات عربية من جوجل بلاي
اقرأ أيضا: رواية أرض الشهوات بقلم سمر محمد