-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية أسرار البيوت بقلم رانيا صلاح - الفصل الرابع

مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية مع رواية إجتماعية مصرية مليئة بالأحداث الرومانسية ووالحكايات الحزينة المشوقة لحياة أفضل جديدة للكاتبة رانيا صلاح علي موقعنا قصص 26 وموعدنا اليوم مع الفصل الرابع من رواية أسرار البيوت بقلم رانيا صلاح

رواية أسرار البيوت بقلم رانيا صلاح - الفصل الرابع

اقرأ أيضا: روايات إجتماعية

رواية أسرار البيوت بقلم رانيا صلاح

رواية أسرار البيوت بقلم رانيا صلاح - الفصل الرابع

 ____ أحزان قلب__

الجميع يذهب خلف حسان إلى المستشفي.،الجميع ينتظرون خروج عبدالرحمن والطبيب،ولكن عندما تمر الدقائق كالسنوات.

نوال..كانت تحتضن نرمين ،وتهمس لها كل شئ سيكون على ما يُرام .

عثمان..كان ينظر إلى باب الغرفه بضياع ،وعندما فتح الباب تحرك مسرعا وكاد أن يسقط مُتعثراً في حركته ،لولا يد عاصم التي أسندته.،خير يادكتور.

الدكتور..دكتور عبدالرحمن هيشرحلكم عن إذنكم.

وعندما رحل الطبيب كانت جميع الأعين تسئل.

عبدالرحمن..زفر أنفاسه وهو يحاول إنتقاء الحديث، ذبحه صدرية حادة نتيجة إنخفاض ضغط الدم ،ودا أثر على القلب ومحتاج عمليه.

عثمان..كأن الجبال تقف على كاهله،حاول الصمود عملية ايه وتكاليفها.

عبدالرحمن..تركيب دعامة للقلب ودا لازم يتم في أسرع وقت ،وتكاليفها 80ألف كامله الإقامة.

عاصم..متقلقش انا معايا 20 خدهم.

قاسم..وأنا 15.

عبدالرحمن..وأنا أعرف دكتور شاطر هيعملها مجانا.

نوال..جيب العواقب سليمه يارب.

عثمان..أنا هروح البيت أجمع باقي المبلغ وتحرك دون انتظار رد.

___

عوده لسطح.

بسمه..إهدي خدي نفس ،يلا براحه.

ديما..تحاول الإستماع كي لا تفقد وعيها،هو هيسيبني كمان.

بسمه..اهدي متقلقيش .

ديما..أنا خايفة أوي يابسمه ،وإرتمت في أحضانها.


بسمه..بهمس أمي دايما كانت بتقولي حياتنا زي النجمه بتلمع أوي من برة وبتكمل جمال القمر بس مينفعش تقرب من القمر لازم يكون في مسافه عشان لما القمر يغيب تفضل بنورها حتي لو أختفي أهم جزء من جمالها.

ديما..مسحت دمعها ،يعني أيه.

بسمه..يعني إحنا زي النجمه جميله وبتنور بس مينفعش القمر يكون طول الشهر معاها لازم يغيب وهي بتفضل بجمالها حتي لو قل بس القمر مسيروا يوم يرجع بنوروا ينورها أكتر.

ديما..أنا لازم أمشي ،عشان لما يرجعوا يلاقوني.

بسمه..خلي بالك من نفسك،وخلي البخاخة جمبك.

ديما..ضمتها بقوه وبهمس أوعي تغيبي عني أنتي قمرى الي بستناه.

بسمه..أنا نجمه بس هتنور جمبك لحد ما يجي القمر بتاعك.

ديما..كان نفسي أكون زيك.

بسمه..بفكاهة احمدي ربنا إنك مش زي ،يلا روحي.،بعد رحيل ديما كانت تنظر الي السماء وهي معتمة كعتمة قلبها.

__

وصلت ديما إلى البيت وعندما فتحته سمعت صوت بكاء عنيف تحركت باتجاه الصوت ،فوجدته يبكي بجوار سريره.

ديما..طرقت الباب بخفوت ممكن أدخل.

عثمان..تحرك إلى الدولاب كي يبحث عن شئ وهمي ،اتفضلي.

ديما..عمي كويس .

عثمان..عندو ذبحة صدرية ومحتاج دعامة.

ديما..أنا اسفه ،أنا السبب بس والله أنا قلتلوا أمشي وهو رفض،وزاد بكائها.

عثمان..نظر لها ولا يعرف ماذا يفعل ،أهدي أكيد محدش السبب دا قضاء ربنا.

ديما..أنت سيبت المستشفى ليه.

عثمان..جاي اشوف في فلوس كام في البيت عشان فلوس العملية.

ديما..هي هتتكلف كام.

عثمان..80ألف،وأنا معيش منهم غير 20.

ديما..وهتعمل ايه.

عثمان..هقدم علي سلفه .

ديما..أنت ناقصك 60الف صح .

عثمان..لا 25ألف

ديما..ببلاهه أنت معاك 20وهي ب80ازاي باقي 25

عثمان..هستلف من صحابي.

ديما..عثمان ممكن اقول حاجه.

عثمان..إتفضلي.

ديما..أنا معايا فلوس بابا سيبهالي ممكن تجي معايا البنك وتاخد المبلغ كلوا.

عثمان..لا طبعا مينفعش ،أنا هتصرف وتحرك للخارج.

ديما..عثمان من فضلك على الأقل أرد جزء من جميلكم عليا.

عثمان..لو هاخد فهاخد 25بس وهكتبلك وصل أمانه أو شيك.

ديما..بس انا.

عثمان..مبسش دا إلي هيخليني أقبل اخدهم.

ديما..ينفع أجي معاك اطمن عليه.

عثمان..حرك رأسه بلا.

ديما..ارجوك ياعثمان.

___

في شقة هدى.

بسملة..تطرق باب غرفه هدي.

هدي..كانت جالسه تنظر الي ألبوم صور والدمع يتساقط من عينيها،وعندما سمعت الباب مسح دمعها وبنبرة تحمل البكاء بعض الشئ إدخل.

بسمله..ماما.

هدي..تعالي يابسملة ،وربتت على الفراش كي تجلس بجوارها.

بسمله..تحركت بهدواء وجلست بجوارها ،وكانت نظارتها تبحث عن شئ ما.

هدى..قولي الي عاوزاه يابسمله.

بسملة..ماما هو أنا ينفع أشتغل؟

هدي..ببمسه خافته ،ليه.

بسملة..بتوتر عشان بابا .

هدى..وبابا هيحتاج شغلك في إيه.

بسملة..عشان اثبتلوا انك خلفتي بنت بمية راجل و..

هدى..ربتت على يدها ،مينفعش نغير حياتنا عشان نثبت لحد فكره غلط عننا لمجرد إثبات للغير والله أعلم إلي هنعملوا هنستفيد منوا ول مجرد سباق علي الفاضي ،عارفه لو كنتي قلتي أنك عاوزه تشتغلي عشان نفسك أو عشان حاجه من غير ما اعرف كنت هوافق ،يمكن ابوكي وحش معاكوا بس صدقيني الحياة إلي نعيشها لمجرد أننا نثبت وجهه نظرنا صح لغيرنا فاهمه غلط دا أكبر جريمة في حقنا.

بسملة..بس أنتي.

هدي..انا إخترت تجربه غلط ولازم أكملها ومش عاوزه وحده فيكم تدخل سباق غلط يمكن أنا إتاخرت لما فهمت بس محدش بيتعلم بالساهل.

بسمله..ارتمت بأحضانها.

هدي..قبلت رأسها،أنتي وإخواتك الي مصبرني .

بسمله ..بعبث إحنا بس.

هدي...وحبي لأبوكي ،بس الحب لوحدوا مكنش ينفع لسباق.

بسملة..مش فاهمه.

هدي..مش مهم يلا أنا عاوزه أنام.

بسملة..قبل ما بابا يجي.

هدي..ههههههههههه طبعا هستناه.

بسمله..قبلت رأسها وتحركت للخارج. وعندما أغلقت الباب وجدت بسمه تأكل.،أنتي مبتبطليش أكل.

بسمه..تقطم ما بيدها وابطل ليه.

بسملة..مش كنتي زعلانه من شوية.

بسمه..تكمل قطم معرفش ايه مفهوم عن علاقه الزعل بالأكل .

بسملة..وازاي ملهمش علاقه ياختي.

بسمه..هاتي طبق المخلل وتعالي أشرحلك.

بسمله..بقي البشمهندسه بسملة تجبلك أنتي طبق مخلل وعدلت قميصها بحركه وهمية.

بسمه..ههههههههههه باش إيه ياعنيه،إن مش حال انك لسه أول يوم .

بسملة..والله لتتضربي.

بسمه..هش ياوليه .

بسملة..مش هضيع وقتي الثمين معاكي.

بسمه..الله يرحم .

بسملة..مش هتنامي.

بسمه..الساعه كام .

بسمله..تقريبا وحده أو أكتر.

بسمه..هخلص اكل وابقي أفكر.

بسملة..بارده.

___

في شقة عبدالله.

نجاه..يا بنتي متتعبيش قلبي خلصي طبقك.

نجمه..كانت مستلقة علي السرير ،ياماما كفايا أنا شبعت .

نجاه..طب شويه صغيرة كمان .

نجمه..ياماما حرام،فين بودي.

نجاه..لو سمعك هيعلقك.

نجمه..ميقدرش انا نجمه برضو.

عبدالله..طرق باب الغرفه .

نجمه..شوفتي بيستئذن عشاني.

عبدالله..وأنا مينفعش.

نجمه..انت الحب كلوا ياحج ،شوف مراتك هتخليني شبه البلونة.

عبدالله..خلاص يا نجاه .

نجمه..ايوه بقا ياحج.

عبدالله..قبل رأسها بعمق .

نجمه..سهران ليه.

عبدالله..بصلي القيام .

نجاه..ياحج كلم عبدالرحمن.

عبدالله..سيبيني شويه مع نجمه يانجاه.

نجاه..نظرت بتردد .

عبدالله..طمئنها بعينه ،وعندما خرجت نجمه .

نجمه..ايوه يا حج بص خلينا متفقين إنك لو عاوز تطلقها فأنا موافقه وأهو بالمرة تشوفلك يومين حلوين .

عبدالله..ههههههههههه ههههههههههه .

نجمه..حلاوتك ياحج وأنت منعنش.

عبدالله ..نتكلم جد شويه ،ولكن قطع كلامه صوت هاتفه الو ،وبصدمه ايه ،الدوام لله .

___

عوده للمستشفي .

عثمان..تحرك في الطرقه ولكن وجد امه تبكي ،ونرمين لا أثر لها ،تحرك مسرعا وهو يلهث خير ياعاصم .

عاصم..كان يتأذي لحال صديقه.

عثمان..ما ترد.،وبغير هدي ،قول أنت ياقاسم.

قاسم..شد حيلك البقاء لله.

عثمان..بصدمه ايه ،وكاد أن يسقط ولكن يد عاصم وقاسم كانت الأقرب .،وبإنفعال اوع سيبني ،وتحرك بإتجاه عبدالرحمن وهو يخرج من غرفه والده.،ونظر له بإستعطاف.

عبدالرحمن..شد حيلك ،أختك وأمك مستنينك.

عثمان..حاول الثبات ،عاوز أدخلوا.

عبدالرحمن..ياعثمان.

عثمان..ارجوك ياعبدالرحمن.

عبدالرحمن..تعالي وفتح الباب وربت علي كتفه ورحل.

عثمان..دخل تلك الغرفه الشاحبه ،وتحرك بإتجاه والده كان جسده مغطي بملاءه والأسلاك مُلقاه بإهمال بجواره أثر صراع عنيف ،جلس علي الكرسي ومسك يد والده والقي برأسه عليها وشرع في بكاء يقطع نياط القلب. ليه تسيبني كده ياحج ليه تكسرني وهمس بما يكاد يُزهق روحه ياحج ،ولكن تحرك اثر صوت بالخارج.

__

ديما..صدمت عندما علمت بموت عمها ،ولكن الصدمه الأخر شعورها بالذنب إنها المُتسبب ومع هذا.

نوال..كانت ذاهبه تسئل إن عاد عثمان ،ولكن عندما رأتها تقافزت شياطين الإنس والجان أمامها وتحركت بإتجاهها كالعاصفة الهوجاء ،جاية ليه مش كفاكي الي حصل.

ديما..حاولت الحديث كي تُبرر موقفها.

نوال..انتي ايه ،أنتي لعنه ولازم كل الي حوليكي يتصابوا منك منك لله .

ديما..لم تقوي قدمها علي حملها ولم تُسعفها رئتيها فسقط علي الأرض تُجاهد إلتقاط أنفاسها.

تحرك..عبدالرحمن لإسعافها بسرعه حد ينادي دكتور العنايه .

عبدالرحمن..ديما أنتي سمعاني فوقي ،أهدي .

عثمان..عندما فتح الباب وجد امه تلقي اللوم علي ديما وعندما بدأ أن يحدثها كانت خارت قواها.

__

بعد دقائق خرج الدكتور.

الدكتور..ازمه ربو هنحطها علي الأكسجين ونعملها تحاليل وبعدها هنحدد تخرج أو لا.

عبدالرحمن..شكرا يا دكتور ،يلا ياعثمان.

عثمان ..كان منهك نفسيا،أنا.

عبدالرحمن..اهدي بس ،عاصم راح يحيب عربيه وقاسم روح البيت يجهز العزاء يلا نصلي الفجر.

__

عوده لعبدالله

نجمه..خير يا بابا.

عبدالله..الشيخ حسان البقاء لله.

نجمه..بصدمه ايه.

عبدالله..أنا نازل عشان الفجر قرب.

___

عوده لبيت عاصم.

عاصم..دخل البيت وهو منهك فكم كان يحب الشيخ حسان ويقدره ،وجد إيمان نائمه علي الكرسي والدمع لم يجف علي وجنتيها ،بهدوء ربت علي كتفها،إيمان.

ايمان..تأن من الم جسدها أثر النوم ،عاصم جيت أمتي.

عاصم..دلوقتي نايمه هنا ليه.

ايمان..مستنياك بس شكلي راحت عليا نومه.

عاصم..طب خشي ارتاحي.

ايمان..مالك ياعاصم أنت لسه تعبان ومكنتش بترد علي تليفونك ليه .

عاصم..الشيخ حسان البقاء لله.

ايمان..بشهقة خافته ايه.،البقاء لله ربنا يرحموا تعالي إرتاح ومسكت يده كي تجعله يجلس علي الإريكه ،أقعد هعملك ليمون يهدي أعصابك وكادت أن تتحرك ولكنها توقف.

عاصم..مسك يدها ونظر باستعطاف .

إيمان..جلست بجواره وهي تحضن يده وحد الله كلنا لها .

عاصم..اول مره أحس إني مكسور.

تابع«4»

إيمان.. بعد الشر عليك من الكسر ،دي الدنيا وعارفين إن دي نهايتها أهدي ارجوك.

عاصم..خايف اوي يا إيمان.

ايمان..ضمته كطفل يبكي ،عاصم اهدي دي اعمارنا وكلنا هنموت.

عاصم..الموت بيوجع أوي.

إيمان..بيوجع الي بيحبونا عشان قلوبنا متعلقه بقلوبهم .

عاصم..لا رد.

ايمان..اوعدني يا عاصم.

عاصم..اوعدك بايه.

إيمان..اوعدني الاول انك هتنفذ الي هطلبوا دلوقتي وبعدين.

عاصم..عاوز ايه .

ايمان..توعدني وعندي شرط واحد هتنفذوا دلوقتي واحد هتنفذوا بعدين.

عاصم..متتكلميش بالالغاز.

إيمان..بثبات انا فكرت كتير لما نزلت ،وبطلب منك تتجوز.

عاصم..أنتي.

إيمان..ارجوك اسمعني ،لازم تتجوز عشان تلاقي حد جمبك وتحس أنك بتشتغل لهدف مش عشاني .

عاصم..أنتي اتجننتي.

إيمان..تركته ووقفت صدقني عقلت في كلام بيتقال في وقت الغضب بيفهمنا الطريق .

عاصم..إيمان متبقيش زي العيال أكيد مقصدش ازعلك أنا بحبك وانتي عارفه كده.

إيمان..هتصدقني لو قلتلك أنا مبقتش عارفه حاجه ،أنا سمعتك لما رجعنا وانت بتكلم والدتك هي عندها حق جرب حظك مع غيرى يا عاصم أنت أبنها الوحيد .

عاصم..لا انتي اتجننتي رسمي.

إيمان..قلتلك متجننتش عمرى ما كنت هطلب منك كده إلا لما اشوفك بتتغير مش قصدي اعصيك علي والدتك بس لما اشوف عينك بتاكل اي طفل مع اموا ،ولما اكون في العياده والقيكي بتبص لاي ست حامل أنا بشر ياعاصم أنا موافقه أنك تتجوز بس بشرط توعدني بوعد تنفذوا لما اطلبوا منك.

عاصم..إيمان.

إيمان..أنا عارفك كويس ياعاصم زي خطوط أيدي وصدقني تجي مني دلوقتي احسن ما تيجي بعدين وكلها نفس الكسره وتحركت لداخل.

عاصم..لم يستطيع الجلوس فقرر الخروج.

"أكثر ما يؤلم الأنثي أن تشعر بالفقد مع من تُحب.."

___

شقة حمدان.

حمدان..كان مترنحاً وبهمس خشي ياموزه هههه

فتاه..هيهي مالك ياراجل موطي صوتك ليه أنت عندك حد جوه .

حمدان..اوطي صوتي ايه دا عشان الدماغ .

هدي..عندما سمعت همس تحركت للخارج ،ولكنها صعقت من حمدان .،أنت وصلت معاك تجبيهم لحد البيت.

حمدان..باس يابومه هتطيرى الكاسين.

فتاه..وانتي مين يادلعدي.

هدي..اطلعي بره بيتي.

حمدان..تطلع فين دي مراتي.

هدي ..بصدمه ايه.

حمدان..هش بقي يابومه ،يلا ياغزال .

هدي..أنت اتجننت تدخل فين خدها واطلعوا بره.

حمدان..لا هاخد المفتاح واقعدها في الشقه الي قصادك ماهي هتجبلي الواد .

__

نجاه..انا هطلع لعمتك شكلها ليله مش معديه

هدي..اطلع بره ياحمدان ،بره

نجاه..تطرق الباب

غزال «في العقد الثاني تضع كم مساحيق يكفي ألف ممتلئه بعض الشئ فتاه لعوب»وانتي مين ياختي.

نجاه..نظرت بصدمه مين دي ياهدي.

حمدان..ست الحسن والدلال دي مراتي .

نجاه..يالهوي.

حمدان..اوعي كده يلا ياغزال.

غزال..يلا يابيبي ،سلام ياااا ضرتشي .

نجاه..بصدمه هي وصلت لكده.

هدي..بصدمه وصلت بس اتجوزها .

نجاه..طول عمرك ضعيفه ياهدي واخره ضعفك كسرتك بالحياه يا شيخه ملعون ابو الحب الي يزلك كده ،وكادت أن تسقط.

هدي..مسكت يدها تعالي ،أنتي خدتي العلاج.

نجاه..تحاول إلتقاط أنفاسها. مش هيجيب نتيجه.

هدي..أنتي بتموتي نفسك.

نجاه..اموت أنا أفضل ما اعذبهم معايا.

هدي..لا دا جنان أنا هقول.

نجاه..أنتي وعدتيني ياهدي .

هدي..هتموتي باليطئ.

نجاه..والعلاج مش هيخفف الوجع دا هيطول مده الألم سيبيني لوحدي. ،أنا هنزل .

"في بعض الأحيان نفضل أن نُدمر علي أن نؤذي من نُحب"

__

في الشقه المقابلة

حمدان.. كان وجهه مُكفر ،فتح باب الشقه ادخلي.

غزال..وأدينا دخلنا .

حمدان..فتح النور وتحرك بإتجاه أحدي الإراك المغطاه بالقماش الابيض والتراب يعم بالمكان،جلس علي الأريكه ووضع رأسه بين يديه.

عزال..وضعت يدها علي صدرها يالهوي ،ايه المكان دا ياخويا .

حمدان..الي يليق بيكي اوعي تفتكريني دايب في عيونك ،أنتي هنا عشان تخلفي الواد وبعدها أنتي حره تقعدي او تمشي فاهمه.

عزال..لا بقولك ايه الي اولوا شرط اخروا نور صوتك ياعنيا ميعلاش ،والمخروبه دي تفرشها عدل مش هقعد في زريبه فاهم ،وأما بقا للواد فهيجي دا أنا غزال.

حمدان..ماشي ،بس حسك عينك تجي جمبها فاهمه.

غزال..اهاا قصدك أم اربعه وأربعين ،لا ياعنيا أنا محدش يقولي اعمل ايه ومعملش ايه واذا كانت أوي حبيبه القلب تعباك روحلها واخليني اروح.

حمدان..بغضب غزال.

غزال..نعم يادلعتي ،مبتقاش حمقي كده. وبعدين هعوز منها ايه دي خلاص سلمه نمر من زمان.،بس بدل بتحبها أوي كده ومحموقلها اتجوزت عليها ليه.

حمدان..عشان اخلف الواد ،عشان القي سند لبناتي من بعدي.

غزال..اااه ،بس ياخويا الي بيحب مبيسبش صح أنا مش متعلمه أوي بس أعرف إن السند مش اخ لا دي حاجات كتير اولها حيطان بيت تضمك وأم تشكيلها وجعك وأب يخفف ويحميك من الغريب ،الأخ دا بيجي بعدهم ضلع البنت الثابت هو أبوها وأمها ،والأخ يبقي تكميله يعني للشافوا من ابوه واموا .

حمدان..بتقولي حكم ياغزال.

غزال..بشرود حكم ايه ،الدنيا عملت الواحد الي ميتعلموش وبقولهالك السند مش أخ بس ول شويه فلوس السند طيبه وحنيه تجبر كسرك غير كده ملهاش معني.

حمدان.أول مره اشوف وحده بتكره النعمه.

غزال..رجعت لما كانت عليه لا اكره ول أحب ياخويا أهي كلها مصالح .

"السند يكمن في جدران بيت تحمل عبق ذكريات الأباء ،وحصن آمين لأذرع الأب عند الشدائد ،وربتٌ علي الروح من حنانها المُختزل

*********************
إلي هنا ينتهي الفصل الرابع من رواية أسرار البيوت بقلم رانيا صلاح 
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة