-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية وردة بلا حياة بقلم دودو محمد - الفصل الخامس

 مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الخامس من رواية وردة بلا حياة بقلم دودو محمد

رواية وردة بلا حياة بقلم دودو محمد - الفصل الخامس

اقرأ أيضا: قصص رومانسية


رواية وردة بلا حياة بقلم دودو محمد

رواية وردة بلا حياة بقلم دودو محمد - الفصل الخامس

 عند إيمان فى اوضة مراد تدخل فاطمه عليه

فاطمه :- ايه ياابنى هتفضل لامته كده

عايش معانا فى بيت واحد وتحت سقف واحد ومتعرفش حاجه عننا ولا نعرف حاجه عنك من يوم الموضوع ده وانت مقاطعنا كلنا و

مروان :- ماما لو سمحتى مش عايز حد يتكلم معايا فى الموضوع ده تانى وانا كده مرتاح فى اوضتيى مليش دعوه بحد ولا حد ليه دعوه بى

فاطمه :- وده ينفع ياابنى

مروان :- اه ينفع وسيبونى فى حالى ولو مضايقين من قعدتى فى البيت اروح اشوف شقه بره

فاطمه :- ايه اللى انت بتقوله ده انا عايزاك ترجع تانى مروان ابنى اللى البيت مكنش بيبطل ضحك من هزارك وحنيتك على اختك ولمعة الامل اللى كانت مليه عنيك

مروان :- مروان ده خلاص مات من يوم اللى ابنك مازن عمله معايا

وسبينى دلوقتى علشان عايز انام

وسبها وراح نام على السرير واتغطه وعمل نفسه ان هينام

فاطمه :- ربنا يهديك ياابن بطنى ويرجعك لصوابك ويزيح عن قلبك الهم

وخرجت وقفلت الباب وراها

قام قعد مروان على سريره وافتكر اللى حصل من سنتين

……………………………………………………

فلاش باك


ماما انانزله عند مروان علشان هنروح نشترى حاجات لزوم الفرح

………:- ماشى ياحببتى بس متتاخروش

………:-حاضر ياماما اموووووه

ونزلت خبطت على الباب فتحلها مازن

اهلا اهلا بالمزه

……:- متقوليش مزه انا اسمى حنان واحترم نفسك معايا علشان مقولش لمروان

مازن :- لا والنبى خفت

حنان :- مش هتكلم معاك كتير ممكن تندهلى مروان

مازن :- مليش دعوه خشى انتى ناديله مش خدام عندكم

حنان :- طب عايزه ادخل ممكن تنزاح شويه

مازن :- اتفضلى

دخلت حنان وكانت فاطمه خارجه من المطبخ

فاطمه :- اذيك يابنتى عامله ايه وامك عامله

حنان :- الحمدالله كويسين ياماما انتى اذى حضرتك

فاطمه :- بخير الحمدالله نحمده على كل شئ

حنان :- مروان صاحه ولا لسه

فاطمه :- مش عارفه والله يابنتى خشى شوفيه ماانتى مراته وكاتب كتابك

حنان :- طب عن اذن حضرتك

فاطمه :- روحى ياحبيبتى ربنا يسعدكم يارب

…………………………………………………

ودخلت حنان فى اوضة مروان وهو كان لسه نايم

حنان :- نهارك اسود كل ده ولسه نايم

وكان فيه كوبايت ميه على الكومدينوه

راحت مسكها حنان ورشتها على وش مروان

حنان :- طاااااايب خد

مروان :- عاعاعاعاعا فى ايه

حنان :- هو ده معادنا اللى متفقين عليه

مروان :- يابت المجنونه فى حد يصحى حد كده

حنان :- اه انا وراحت مطلعه لسانها ليه

مروان :- طايب راح قام نط من على السرير وقف قدامها

حنان :- عاعاعاعاعا ابعد

مروان :- وهو بيقرب وهى بترجع لوراه

ولو مبعدش ايه هيحصل

حنان :- مروان بقولك اقف مكانك

مروان :- لا وهو بيقرب ليها اكتر لحد ماجسمها خبط فى الحيطه وهو حاوطها وسند ايده على الحيطه

حنان :- مروان حد يخش علينا

مروان :- لا برضه مش انتى اللى بدأدى معايا اللعب

حنان :- خلاص انا اسفه

مروان :- طق طق بعد ايه بقى وراح بسها فى خداها

حنان :- كان وشها كله بقى احمر مروان بس بقى علشان محدش يخش علينا

مروان :- احبك يااحمر لما تنكسف وبعد عنها

حنان :- والله العظيم انت غلس

مروان :- ههههههههه علشان بعد كده تفكرى الف مره قبل اللعب معايا ياقطه

حنان :- طب ممكن بقى تلبس هدومك علشان نلحق ننزل نجيب الحاجه

مروان :- ماشى وسكت شويه وبعد كده قال طب ايه

حنان :- ايه

مروان :- اطلعى علشان البس لكن لوعايزه تخليكى انا معنديش مانع اغير هدومى وانتى وقفه

حنان :- قليل الادب والله

مروان :- بحبك يامجنونه

حنان :- اتكسفت وقالت انا طلعه وانت خلص بسرعه

مروان :- حنان

حنان :- نعم

مروان :- بعتلها بوسه فى الهوى وغمزلها

…………………………………………………


جريت حنان بسرعه بره الاوضه وحطت ايديها على قلبها علشان توقف دقاته

وضحكة وقالت بحبك يامجنون

خلص مروان لبسه وخرج من اوضه وكانت حنان مستنياه

حنان :- لالالالا انا كده مش هينفع هفقع عين اى وحده تبصلك بعنيها

مروان :- ههههههههههه ليه بقى

حنان :- انت مش شايف نفسك مز ازاى

مروان :- اعتبرك كده بتعكسينى

حنان :- اه

مروان :- بلاش يابنتى الحركات دى علشان متهورش واعمل حاجات هتزعلك منى

حنان :- بدلع واهون عليك يامونى تزعلنى

مروان :- يادين النبى امشى حنان علشان انتى صغيره ومش عارفه خطورة اللى انتى بتعملى عليكى و مش مسؤال على اللى هيحصل

مشيت حنان وهو مشى وراها وقال قمر يابنت الايه

…………………………………………

وهما خرجين نداه عليهم مازن

مازن :- ايه يامونى رايحين فين

مروان :- رايحين نجيب شوية حاجات لشقه

مازن :- طب عايزنى فى حاجه

مروان :- ياريت تيجى معايا تاخد انت الحاجاه مع العمال وتروحو الشقه وانا وحنان نروح نحجز البدال

مازن :- ماشى يلا

………………………………………………

ونزلوه هما التلاته من البيت

مازن:- استنا انا هاخد التكسى بتاع عم محمود اسوقه انا بدل ماندبهدل فى المواصلات

مروان :- ماشى بسرعه

راح مازن وجاب التاكسى بتاع عم محمود وساق بيهم واشترو الحاجه وهما فى الطريق

مازن :- التاكسى ده عقيم مفهوش ولا كاست ولا حاجه نهيص عليها

مروان :- احسن خليك مركز على الطريق

مازن :- برضه هاهيص وقعد يضرب على التريكسون ويقول وصلى صلى صلى على النبى صلى صلى وهو بيبص لاخوه وراه فاجأه صرخت حنان

حنان :- حاااااااااااسب

ودخل التاكسى فى عربية شحن كبيره …………………………………………………

بااااك


فاق مروان على دموعه وهى تنزل وراه بعضيها عل خده

فتح درج الكومدينو وطلع صورتها

مروان :- واحشتينى اووووى ياقلبى مش قادر اعيش من غيرك سبتينى ليه كنت خدينى معاكى كل حاجه سوده فى عينى

ومستنى اللحظه اللى هاجيلك فيها

جاى امى تكلمنى انساكى ازاى فى حد بينساه قلبه فى حد بينسا روحه ربنا يرحمك ويصبرنى على فراقك

وحضن الصوره ونام

………………………………………………

فى سويسرا عند احمد وكارمن

احمد :- كارمن تتجوزينى

كارمن :- اتفجأت من طلبه مش عارفه بس انت فجأتنى

احمد :- بصى انا كنت معجب بيكى فى الاول علشان شكلك حلو وشيك بس بعد كده لما اتعملت معاكى فى الشغل واتكلمت معاكى شوفت قد ايه انتى مؤدبه ومتاثرتيش بالعيشه بره وقد ايه انك انسانه رقيقه وطيبه ومثقفه وده اللى شدنى ليكى

كارمن :- احمد انا مش عارفه اقولك ايه على الكلام ده بص سبنى افكر وهرد عليك

احمد :- طب انا مسافر كمان يومين ينفع ترودى عليا خلال الوقت ده علشان لما ارجع مصر ابلغهم

كارمن :- اوكى

واكله وبعد مااكله دفع الحساب ووصل كارمن بيتها وروح احمد لبيته

…………………………………………………


عند إيمان فى اوضتها بتكلم هاجر فى التليفون

إيمان :- هاعملتى ايه فى مشكلتى لاقيتى حل

هاجر :- طبعآ بصى ياستى انتى دلوقتى مواعيد الشغل ايه

إيمان :- وده علاقته ايه

هاجر :- جوبى بس

إيمان :- صبرنى ياربى المواعيد من 9 صباحآ ل4 مساء

هاجر :- حلو يبقى احنا محتاجين ننيم اخوكى اربع سعات

إيمان :- طب وده ازاى

هاجر :- بصى ياستى هو اخوكى بيصحه على الساعه واحده يفطر احنا بقى هنحط المنوم فى الميه او العصير علشان ينام الاربع سعات اللى فاضلين علشان انتى هتخرجى اربعه من الشركه هتحتاجى ساعه كمان فى السكه والغيار وكده

إيمان :- طب ولما يسال عليه

هاجر :- امك تقوله نايمه او تعبانه اوبتشترى اكل اهو كل يوم حجه عقبال مانشوف حل تانى

إيمان :- طب ماما هترضا

هاجر :- انتى عارفه امك مش بترفضلك طلب

إيمان :- طب انا هجيب شريط المنوم منين

هاجر :- عندى كانت ماما تعبانه ومش بتنام بليل الدكتور كتبلها على منوم بس هى علشان سنها كبير قال نديها نص قرص لكن اخوكى هنديلو قرص كامل

إيمان :- هاجر اوعى يكون فى خطوره

هاجر :- انتى عبيطه بقولك الدكتور هو اللى كتبه لماما

إيمان :- ماشى هنزل السابت حطي المنوم فيه

هاجر :- اوكى

إيمان :- باى

هاجر :- باى

عند إيمان دخلت إيمان عند فاطمه فى اوضتها
فاطمه :- تعالى ياإيمان خشى
إيمان :- فاضيه شويه ياماما
فاطمه :- كنت بقراه فى المصحف شويه عايزه حاجه
إيمان :- اه كنت عايز اقولك على موضوع كده
فاطمه :- تعالى طيب اقعد جنبى
إيمان :- قعدة جمب امها وقالت بصى ياماما انا انهارده وانتم نايمين نزلت قدمت على شغل
فاطمه :- يانهارك اسود كده ياإيمان تنزلى من البيت من غير ماتقولى لحد وكمان اقدمتى على شغل ومن قلك ان اخوكى مازن هيوافق عملتى كده ليه من نفسك من غير حتى تستشرينى
إيمان :- ماانا لوكنت قولتلك مكنتيش هتوافقى وانا الصراحه عايزه يبقى ليا كيان و اقدر اعتمد على نفسى
فاطمه :- طب ومازن مش هيرضه
إيمان :- ماهو ده اللى عايزاكى تساعدينى فيه
فاطمه:- حتى لوكلمته مش هيرضه يعنى انتى مش عارفه اخوكى
إيمان :- لا مش عايزاكى تكلمى عايزاكى تديله ده فى العصير ومدت ايداها بشريط المنوم
فاطمه :- خبطت على صدرها يالهوووووى ده ايه
إيمان :- ده منوم هتحطى قرص منه فى كباية العصير ساعة الفطار هيخليه ينام من اربع لخمس سعات اكون انا جيت وغيرت هدومى كمان
فاطمه :- ولما سالنى عليكى هقوله ايه
إيمان :- قوليله نايمه تعبانه اى حاجه يعنى
فاطمه :- والمفروض تنزيلى امته الشغل ده
إيمان :- بكره
فاطمه :- ايه !بسرعه كده
إيمان :- اه قدمت واتقبلت علطول
فاطمه :- مش مرتاحه للبيحصل ده لو اخوكى شم خبر بس هيقطع رقبتك مش هيرحمك
إيمان :- ربنا يستر بقى هروح انا اوضيه بقى عايزه حاجه
فاطمه :- لا تصبحى على خير
إيمان :- وانتى من اهله
وبعد ما ايمان خرجت من الاوضه قعدة فاطمه تدعى لبنتها
فاطمه :- ربنا يسترها معاكى دنيا واخره ياإيمان يابنت بطنى ويسعدك يارب و يرزقك بإبن الحلال اللى يهنيكى يارب
…….…………………………………………
وعند احمد دخل حمامه واخد شاور وطلع لبس بنطلون بيتى قطنى وعليه تيشرت نص كوم وراح على سريره ونام عليه وقعد يبص للسقف
احمد :- ياترى يااحمد اللى انت عملته ده صح ولا غلط خايف اكون اتسرعت واظلمها معايا بس هى كويسه وبنت حلال واقدر اعتمد عليها واطمن على عيالنا لما ربنا يكرمنا
بس فين الحب انا مش بحبها
بس هى احسن من غيرها وكده كده لما ارجع مصر امى هتشوفلى واحده وهتجوزها من غير حب يبقى اللى اعرفها احسن من اللى معرفهاش
بس انا كان نفسى احب
يوووووووووه بقى خلاص اخد الخطوه وخلاص ومفيش رجوع واللى كتبه ربنا هيكون احسن حاجه اريح دماغى وانام
…………………………………………………

عند ايمان دخلت اوضتها واتصلت على هاجر واخبرتها على موفقت امها وان هى هتروح من بكره الشركه وقفلت مع هاجر التليفون وراحت على السرير واتغطت ونامت
…….……………………………………………

وفى صباح يوم جديد اشرقت الشمس بلونها الاصفر الذى ينير بها الامل فى النفوس ببدأ يوم جديد قد اتى وارسلت خيط ضوء جديد يداعب عيون البندق حتى تفتحها للامل حركت ايمان عيونها وفتحتهم وقفلتهم بسرعه من شدة الضوء وكررت الحركه كذا مره لحد ماتعودت على الضوء قامت إيمان من على سريرها ودخلت الحمام اخدت شور وطلعت مشطت شعرها وعقصده كحكه وبصت على الدولاب طلعت فستان كان عندها هديه من اخوها مروان ودورت طرحه تمشى مع الفستان ونفس الحكايه مع الشوز والشنطه
لبست إيمان فستانها ولبست حجابها واكتفت بالقلم الكحل لتحدد جمال عنيها البنيه وملمع شفايف وبصت لنفسها بصت رضا اخيره فى المرايا ولبست الشوز واخدت شنطتها وخرجت برررررراح علشان محدش يسمعها ومره وحده حست بايد على كتفها اتصدمت وكان قلبها هيقف عليها
إيمان :- 😨😨😨😨😨
فاطمه :- نزله كده من غير ماتقولى
إيمان :- اتنفست ايمان براحه خضيتينى ياماما
فاطمه :- معلش مقصدش قولت اسالك معاكى فلوس ولا لا
إيمان :- اه معايا بقيت الفلوس اللى اخدتها من مصطفى
فاطمه :- طب خدى دول علشان لو حبيتى تجيبى اكل
إيمان :- اخدتهم من امها وباست ايديها
ربنا يخليكى ليا ياامى
فاطمه :- ويخليكى ليا اوعى تتاخرى
إيمان :- حاضر ياماما ومتنسيش المنوم
فاطمه :- ماشى ربنا يستر
إيمان :- همشى انا بقى علشان متاخرش
فاطمه :- ربنا معاكى يارب
………………………………………………

نزلت إيمان السلم ووقفت تاكسى وقالتلو عنوان الشركه وصلت ايمان الشركه ونزلت من التاكسى وحسبته ومشى
دخلت من باب الشركه وهى متوتره جدآ وخايفه وصلت عند السكرتيره
بلغتها ايمان بإسمها وان هى جاى تستلم الشغل من انهارده
إيمان :- حضرتك انا إيمان منصور اللى جايه استلم الشغل انهارده
مى :- اه اتفضلى ده مكتبك
وانا اسمى مى وهبقى انا وانتى شغلين مع بعض
إيمان :- اتشرفت بحضرتك
مى :- بلاش الالقاب حضرتك وكده انا مى وانتى إيمان ماشى
إيمان :- ماشى
مى :- اشتغلتى قبل كده
إيمان :- لا اول مره
مى :- علشان كده متوتره يابنتى متخفيش انا معاكى وبعدين انتى حظك حلو
إيمان :- ليه بقى
مى :- علشان استلمتى الشغل والمدير مش هنا وعقبال مايجى المدير من السفر تكون انتى اخدى على الشغل
إيمان : - امال مين ده اللى قبلته
مى :- ده استاذ عمرو مساعد المدير وصاحبه فى نفس الوقت
إيمان :- يعنى ده مكنش المدير
مى :- لا
إيمان :- يابني ال………
ده كان عامل عليه دور المدير
مى :- بس خلى بالك زى زى المدير بالظبط
إيمان :- حاضر
مى :- بس متخفيش استاذ عمرو زى العسل يحب يضحك ويهزار كتير ومش متكبر
إيمان :- طب والمدير ايه اخباره طيب ولا
مى :- طول ماانتى شغاله صح يحبك بس لوغلطه صغيره فى الشغل هتشوفى منه وش استغفرالله العظيم هيكرهك فى نفسك
إيمان :- الله يطمنك
مى :- اسفه والله مش قصدى اخوفك
إيمان :- لا ولا يهمك انا بضحك معاكى وانشالله ميكنش فى غلظ
مى :- يارب بس هو بجد بنادم طيب وبيحب الضحك والهزار اهم حاجه عنده حاضر ونعم ومترديش عليه ودى اكتر حاجه بتنرفزه ميحبش حد يرد عليه فى الكلام
إيمان :- ربنا يستر بقى اه صح انتى فى الشهر الكام
مى :- فى نص التامن
إيمان :- وعرفتى نوع الجنين
مى :- اه بنوته
إيمان :- ربنا يقومك بالسلامه وينزلها سالمه معافيه يارب
مى :- الله يخليكى
إيمان :- وهتسموها ايه
مى :- لسه والله محترين على الاسم
إيمان :- انشاءالله هتلاقى اسم حلو
مى :- يارب تشربى ايه اجبلك معايا
إيمان :- طب خليكى انتى وانا هاروح اجيب
مى :- لا انا هروح علشان الدكتور قلى امشى كتير
إيمان :- ماشى هاتيلى معاكى كنز كولا
مى :- اوكى عن اذنك
…………………………………………

عند احمد صحى من نومه دخلى اخد شاور وطلع لبس بدالة ولبس عليها جذمه كلاسيك ورشا برفانه المميز ونزل
ركب العربيه وراح الشركه نزل من عربيته ودخل القى التحيه على الجميع ودخل مكتبه دخلت وراه كارمن
كارمن :- صباح الخير مستر احمد
احمد :- صباح النور كارمن
كارمن :- دى حضرتك اوراق محتاجه توقيعك
احمد :- بص عليهم ووقع على الاوراق فى حاجه تانى
كارمن :- اه حضرتك كمان شويه عندك مقبله مع مدير شركة المعدات وبعد كده اجتماع مع الموظفين علشان تشرحلهم ازاى هيتعمله مع المعدات الجديده
وبعد كده حضرتك عندك بليل الحفله اللى عمالها شركة المعدات علشان توقيع العقود مع شركتنا بس كده يافندم
احمد :- وهو بيمسح على شعره كل ده وبس وانا هجيب صحه لكل ده منين
كارمن :- هههههههه ربنا يديك الصحه انت لسه شباب
احمد :- هههههههه شباب ايه بقى عندى 33سنه
كارمن :- برضه لسه صغير وبعدين سنك ده هو احسن سن للشباب
احمد :- يعنى اعجب
كارمن :- احم احم ط.ط.طب حضرتك تأمر بحاجه تانى يامستر
احمد :- هههه اهربى ماشى براحتك روحى مكتبك
كارمن :- بعد اذن حضرتك يامستر
احمد :- اتفضلى
……………………………………………

خرجت كارمن من عند احمد وهى متوتره ومكسوفه وحطت ايدايها على وشها
كارمن :- انا مالى وشى سخن كده ليه بس هو ايه يجنن اه لو تعرف بحبك قد ايه كنت جيت من زمان وطلبت ايدى لجواز بس خلاص كلها ايام وابقى معاك وعلطول ومحدش هيقدر يبعدنى عنك
وقعدة على مكتابها تنهى شغلها
*********************
إلي هنا ينتهي الفصل الخامس من رواية وردة بلا حياة بقلم دودو محمد
تابع من هنا : جميع فصول رواية وردة بلا حياة بقلم دودو محمد
تابعوا صفحتنا على الفيس بوك للمزيد من روايات حب
حمل تطبيق قصص وروايات عربية من جوجل بلاي
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة