-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية وردة بلا حياة بقلم دودو محمد - الفصل العاشر

  مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل العاشر من رواية وردة بلا حياة بقلم دودو محمد

رواية وردة بلا حياة بقلم دودو محمد - الفصل العاشر

اقرأ أيضا: قصص رومانسية


رواية وردة بلا حياة بقلم دودو محمد

رواية وردة بلا حياة بقلم دودو محمد - الفصل العاشر

 عند هاجر كانت إيمان بتعيط فى حضنها ومرضيتش هاجر تقاطعها وبعد شويه هديت إيمان

هاجر :- ايه عمل فيكى كده

إيمان :- حكتلها على اللى حصل فى مكتب عمرو وعن الكلام اللى قاله لها احمد وعن الكلام اللى سمعته من وراه الباب

هاجر :- طب وانتى زعلانه ليه علشان الاهانه ولا علشان هيتجوز

إيمان :- وقعت بالسانها وقالت الاتنين ق.ق.قصدى الاهانه طبعآ

هاجر :- إيمان ما تكدبيش عليه انتى عياطك وحالتك دى علشان عرفتى ان احمد هيتجوز

إيمان :- وانا مالى مايتجوز وانا ايه هيزعلنى

هاجر :- اللى يزعلك ان انتى بتحبي احمد ومش متخيله ان هيبقى لواحده تانيه

إيمان :- بتوتر ااايه اللى انتى بتقوليه ده لا طبعآ مش بحبه

هاجر :- المواضيع دى مش عايزه عناد لازم تكونى واضحه مع نفسك قبل اى حد وتعترفى لنفسك بحبك لاحمد اللى باين فى عنيكى لاى حد وده شوفته فى عنيكى من يوم المقبله عند جدتتك بس سيبتك براحتك ومرضيتش اضغط عليكى

إيمان :- لا مش بحبه وهاكدلك ده وسابتها ومشيت

وبعد مامشيت إيمان قالت

هاجر :- عنادك ده هيتعبك فى حياتك كتير ياإيمان

…………………………………………………


عند أحمد مسك سامعة التليفون واتصل على مكتب السكرتيره

أحمد :- ابعتيلى إيمان دلوقتى حالآ

مى :- إيمان استأذنت ومشيت

أحمد :- اتعصب ومين سامحلها تمشى

مى :- استاذ عمرو

أحمد :- ماشى وقفل السماعه وقام من على الكرسى وراح عند عمرو دخل عليه وهو متعصب

أحمد :- انت سمحت لايمان تمشى ليه

عمرو :- كانت حالتها وحشه اوى وكان شكلها تعبان

أحمد :- اقلق عليها تعبانه

عمرو :- شاف قلق صاحبه عليها قال متخفش كده ده شوية ارهاق

أحمد :- انتبه لنفسه وعرف ان صاحبه كشف قلقه على إيمان

أحمد :- وانا هقلق عليها ليه انا بس كنت بقول مش شركة اهلها دى تيجى وقت ماتيجى وتمشى وقت مااتحب تمشى

عمرو :- بعدم اقتناع والله طيب راجع نفسك تانى يااحمد فى الخطوه اللى هتخدها علشان الحريم بيقدره يعرفه اذ كانت هى اللى فى قلبك ولا حد تانى

وانت حب إيمان واضح اوى عليك وكارمن حتقدر تشوفه وسعتها هتخسر الاتنين

مشى أحمد من غير ماينطق ولا كلمه ودخل مكتبه فضل رايح جاى فى مكتبه ويفكر فى الكلام اللى قاله عمرو واخر مازهق من التفكير اخد تليفونه ومفاتيح عربيته ونزل من الشركه راح لاكتر مكان بيرتاحله البحر قعد على الرمله لعله ينعش صدره بالهواء النقى وشويه وقام روح البيت ليستعد لستقبال كارمن وامها

………………………………………………


فى مكان بعيد ومهجور كان فى شخص قاعد على مكتب قديم وقال

الشخص :- هاعملت ايه راقبتها زى ماقولتلك

الشخص الاخر :- ايوه يابيه وكنت وراها خطوه بخطوه

الشخص : - وهى راحت فين أنهارده

الشخص الاخر:- نزلت من بيتها الصبح بدرى راحت شركة (………) والساعه اتنين نزلت من الشركه روحت تانى البيت

الشخص :- حد وصلها بعربيته

الشخص الاخر :- لا يابيه ركبت تاكسى

الشخص :- عينك عليها ثانيه بثانيه

الشخص الاخر :- حاضر يابيه بالإذن انا

الشخص :- اذنك معاك روح

………………………………………………

عند إيمان طلعت شقتهم فتحت الباب ودخلت اتفجأت بيها امها

فاطمه:- ايه جابك بدرى كده

إيمان :- مفيش استأذنت انهارد نص يوم

فاطمه :- ماشى احسن برضه علشان تساعدينى فى تنفيض البيت

إيمان :- انا مش قادره انا هخش انام

فاطمه :- يابنتى ساعدينى علشان الناس اللى جايه بكره

إيمان :- حاضر ياماما هخش اغير هدومى واجى

فاطمه :- انشالله ربنا يجبر بخاطرك

إيمان :- مازن نايم

فاطمه :- اه لسه فاطر ونام

إيمان :- ماشى

ودخلت إيمان اوضتها غيرت هدومها وطلعت ساعدت امها فى البيت

………………………………………………

لبس احمد هدومه ونزل ركب عربيته وراح المطار ينتظر كارمن وامها وبعد شويه ظهرت كارمن وراحلهم احمد سلم عليهم واخداهم فى العربيه وراحو الفيلا

………………………………………………

كان الكل فى الفيلا فى انتظار كارمن ومامتها واول ماوصل أحمد بالعربيه ودخل الفيلا كلهم راحوسلمو عليهم ودخلو جوه الفيلا

ميرفت :- بسم الله مشاءالله قمر 14

كارمن :- اتكسفت وقالت ميرسى

جودى :- راحت جمب احمد وقالت بهمس مش معصصه شويه ياأحمد

أحمد :- معصصه وزقها وقال روحى الحكايه مش نقصاكى

محمود :- اتفضلوه اقعده وقفين ليه

الكل قعد وقال محمود

صحيح اللى خلف مامتش نسخه من ابوكى الله يرحمه

كارمن :- الله يرحمه ده كان بيحبك اوى يا انكل

محمود :- كنااكتر من اخوات كان كل حاجه نتشارك فيها بالنص حتى كان اللبس بنجيبه شبه بعض ونفس الماركه

الكل قال الله يرحمه

محمود :- المهم مامتك هتفهم الكلام العربى

الام :- انا افهم سويه اربى(انا افهم شويه عربي )

محمود :- بصى بقى احمد مستعجل وعايز الفرح اخر الاسبوع الجاى

كارمن وامها :-😮😮😮

احمد :- يعنى قولت مالوش لازمه التأجيل وكل حاجه موجوده ومن بكره هيشتغله الصنيعيه فى الجناح بتاعنا وننزل بكره نجيب الشبكه وبقيت الايام نجيب العفش ولوازم الفرح

الام :- اهمد وليه انتى مستعجل واهده واهده(احمد وليه انت مستعجل واحده واحده)

محمود :- مفيش استعجال ولا حاجه احنا هنخلص كله بسرعه خلينا نفرح بيهم بقى

الام :- وانتى رايك ايه كارمن

كارمن :- اللى انتو تشوفه صح انا معاكم

محمود :- يبقى خلاص على خيرت الله

الكل بارك ليهم وقعدو على السفره علشان يتعشوه والكل كان فرحان الا واحد

…………………………………………………

عند إيمان انتهوا من ترتيب البيت ودخلت إيمان اوضتها اخدت شاور ونااااامت من التعب

…………………………………………………

وعند أحمد الكل طلع اوضه علشان ينام استعداد لليوم التالى الا احمد قعد يفكر فى اللى بيحصل وهو مش مبسوط زى اى شاب فى واضعه وبعد وقت طوووويل من التفكير نام

واشرقت شمس يوم جديد مليئ بالمفاجاءت
عند أحمد استيقظ الجميع واتجمع على سفرة الفطار
محمود :- احمد كلمت المهندس اللى هيجى يشتغل أنهارد
أحمد :- اه كلمتوه وقلى جاى فى السكه
محمود :- وهتنزيله امته للشبكه
أحمد :- بعد العصر كده
محمود :- مش هاوصيك كارمن تجيب اللى هى عيزاه
أحمد : - اه طبعآ يابابا هتنقى اللى هى عايزاه
محمود :- ربنا يسعدكم يارب
الكل :- يارب
وفى الوقت ده دخل عمرو
عمرو :- صباح الخير عليكم
الكل :- صباح النور
أحمد :- احب اعرفكم عمرو صديق عمرى واكتر من أخويه
ودى كارمن وامها
عمرو :- اتشرفت بيكم وسلم عليهم
قعد عمرو جمب أحمد وقال
عمرو :- لسه مصمم برضه على اللى فى دماغك
أحمد :- انا قولتلك قرارت وخلاص
عمرو :- براحتك ياصاحبى وقام من على الكرسى علشان يمشى
محمود :- رايح فين ياعمرو
عمرو :- ماشى ياحاج
محمود :- مش عوايدك يعنى تمشى والاكل موجود
عمرو :- بص لاحمد مفيش ياحاج بس تعبان شويه عن أذنكم ومشى عمرو وهو زعلان على صديق عمره وهو بيضيع نفسه بغروره وعناده
………………………………………………
عند إيمان صحيت من نومها وهى تعبانه ومش قادره تتحرك من مجهود امبارح اتحملت على نفسها ودخلت الحمام غسلت وشها واتوضت واداة صلاة الطهر وخرجت من اوضتها كان امها ومازن قاعدين
مازن :- اهلا اهلا بالعروسه صح النوم
إيمان :- ابتسمت نص ابتسامه وقوام خلتنى عروسه انا موافقتش على فكره
مازن :- احنا هنتكلم تانى فى الموضوع ده مااحنا قولنا خلاص الشاب كويس فيه ايه يتعايب
إيمان :- فى ان انا مبحبوش
مازن :- اقعدى معاه واتكلمى وشوفى
إيمان :- ربنا يسهل عن اذنك ومشيت وسابت اخواها
مازن قعد جمب امه وقال
مازن :- اهو اتكلمت معاها براحه زى ماقولتيلى لما نشوف أخرتها معاها
فاطمه :- ربنا يبارك فيك شوفت لما سمعت كلامى مخسارتيش حاجه اختك عناديه ومش هتيجى بالعصبيه وبراحه هى هتوافق
مازن :- ماشى
…………………………………………………
عند احمد وصل المهندس والعمال وبدء الشغل فى الجناح بعد ماكارمن اختارت الالوان بتاعت الجدران
ودخلوه اوضهم علشان يجهزوه لنزول للشبكه
خلصوه ونزلوه من اوضهم وركبو العربيه وصل عند الجواهرجى
أحمد :- السلام عليكم
الجواهرجى :- وعليكم السلام اذيك يااحمد بيه
أحمد :- الحمدالله كنت عايز تتطلع من عندك اغلى حاجه للانسه
الجواهرجى :- انا لسه واصل عندى تشكيله بس هى غاليه شويه
أحمد :- مش مهم الفلوس شوف هى يعجبها ايه
اختارت كارمن طقم كوليه غالى جدآ بس كان رقيق جدآ جدآ
كارمن :- بص كده ياأحمد
أحمد :- من غير مايبص حلو حلو
كارمن :- بس انت مابصيتش حتى وطلبت تختار معايه الشبكه مارضيتش
أحمد :- انا مليش فى شغل الحريم ده ومعرفش انا فى الحاجه دى وسالتينى راى وجوبت فى ايه تانى
كارمن :- ولا حاجه
الجواهرجى :- يلا ياجماعه اختارو الدبل
احمد :- اختار ليه وخرج من المحل
اختارت كارمن دبلتها وخرجت وراه احمد
كارمن :- احمد مالك فى ايه
أحمد :- مالى مفيش حاجه
كارمن :- بس انت معملتك متغيره معايه ومش عارفه انا عملت ايه زعلك منى
أحمد :- مسح على شعره وحس ان كلام عمرو صح وان هو هيظلم كارمن معاه
أحمد :- مفيش حاجه بس متوتر شويه ومضغوط من ضيقة الوقت
كارمن :- انت اللى استعجلت
أحمد :- مسك أيديها وقال مستعجل علشان عايز ابقى معاكى فى الحلال ولو شوفتينى متعصب ولا حاجه متزعليش لحد بس الفرح مايخلص
وبعد كده غمزلها بعينه قال ابقى اصلحك بطريقتى بقى
كارمن :- اتكسفت ووشها احمر ودخلت تجرى جوه المحل
أحمد :- هحاول اسعدك علشان مظلمكيش رغم انا مش هبقى سعيد
وجابوه الشبكه وروحو على البيت وطلع احمد اوضه
………………………………………………
عند إيمان دخلت اوضتها جهزت نفسها وكانت لبسه جيب واسعه باللون الابيض وكانت لبسه بلوزه حمراء وعليها بعض رسومات الورد الصغير باللون الابيض الحجاب مزيج من اللونين ومكنتش حاطه ميكب خالص
وشويه جرس الباب رن ودخل مراد واهله الصالون وشويه جات فاطمه خبطت على إيمان واخدتها معاها
ودخلت إيمان سلمت عليهم قعدة جمب امها مراد قعد باصص عليها ومشالش عينه من عليها
ام مراد :- دى قمر احلى كمان من الوصف اللى قولته عليها يامراد
إيمان اكتفت بضحكه ليها وشويه بعد التعارف
مازن :- إيمان خدى مراد شويه فى البلكونه واتكلمه شويه مع بعض
دخلت إيمان ومراد البلكونه
مراد :- عامله ايه
إيمان :- كويسه
مراد :-كنت هتجن عليكى اليومين اللى فاتو كنت خايف ليكون فيكى حاجه
إيمان :- ليه يعنى
مراد:- علشان مكنتيش بتيجى المحل زى كل يوم
إيمان :- لامفيش حاجه بس مكنتش بنزل بس
مراد :- مش عايزه تسألينى اى حاجه
إيمان :- لا
مراد :- بصى انا هكلمك عن نفسى
انا اسمى مراد محمد إبراهيم عندى 27سنه معايه شهادة حقوق وحبيت مره واحده وانا فى الكليه بس كان حب من طرف واحد لحد مافى يوم عرفت انها اتجوزت وشلتها من دماغى معايه اختى اللى بره دى وبس وابويه كان شغال مواظف فى الحكومه فى خطوط الترام بس كده ياستى
إيمان :- ولما انت حقوق مشتغلتيش بشهادك ليه
مراد :- علشان حالى زى حال شباب كتير بعد التخرج بس انا مقعدش واستنيت انا اجرت الدكان واشتغلت علشان مش بحب الاقعده فى البيت
إيمان :- طب يلا نخش جوه
مراد :- مش هتكليمينى على نفسك
إيمان :- مش لما تعرف قرارى الاول ايه
مراد :- طب ايه قرارك
إيمان :- لما تخش جوه هتعرف
*********************
إلي هنا ينتهي الفصل العاشر من رواية وردة بلا حياة بقلم دودو محمد
تابع من هنا : جميع فصول رواية وردة بلا حياة بقلم دودو محمد
تابعوا صفحتنا على الفيس بوك للمزيد من روايات حب
حمل تطبيق قصص وروايات عربية من جوجل بلاي
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة