-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية وردة بلا حياة بقلم دودو محمد - الفصل الثامن

  مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الثامن من رواية وردة بلا حياة بقلم دودو محمد

رواية وردة بلا حياة بقلم دودو محمد - الفصل الثامن

اقرأ أيضا: قصص رومانسية


رواية وردة بلا حياة بقلم دودو محمد

رواية وردة بلا حياة بقلم دودو محمد - الفصل الثامن

 اشرقت شمس يوم جديد به بعض الغيوم يدل على عاصفه سوف تهب على عروس البحر

استيقظت بطالتنا من النوم وهى فى قلبها بعض القلق تشعر بشئ غريب سوف يحدث لها استعيذت بالله من الشيطان الرجيم ونهضت من على سريرها دخلت حمامها اخدت الشور بتاعها ولبست هدومها وطرحتها وجذمتها ومسكت شنطة ايديها وخرجت من الاوضه بتاعتها قبلت امها

فاطمه :- ايه يابنتى نزله بدرى ليه كده

إيمان :- مفيش ياماما قلقت من النوم وخفت انام تانى تروح عليه نومه قولت اقوم وانزل بدرى احسن من التاخير

فاطمه :- ربنا معاكى يابنتى

وشوفى طريقه تانيه لاخوكى علشان بدء يشك فى موضوع النوم ده

إيمان :- حاضر ياماما

سلام انا بقى

فاطمه :- مع السلامه يابنتى ربنا يستر طريقك ويفرحنى بيكى يابنت بطنى

…………………………………………………


نزلت إيمان من البيت وركبت التاكسى وصلها عند الشركه وهى بتحاسب التاكسى

السواق :- مش هينفع كده والله ياانسه لسه خمسه جنيه على الاجره

إيمان :- هو حلو كده انا كل يوم بدفع كده مش اول مره يعنى

السواق :- مش هينفع والله انتى مش عايشه فى الدنيا ولا ايه انتى مش شايفه البنزين والسولار بقى غالى ازاى

إيمان :- والله هو ده اللى عندى ومش هدفع ولا مليم زياده

السواق :- وانا مش سايبك غير لما تدفعى الفلوس

إيمان :- طب انا ماشيه وورينى هتمنعنى ازاى

السواق :- مسك ايد إيمان لا مش هتمشى

إيمان :- وبتمد ايدك كمان والله مانا سيباك وراحت نطت عليه وقعدة تضرب فيه

فى الوقت ده كان فى شاب داخل بالعربيه علشان يركنها سمع الصوت راح يشوف فى ايه

الشاب:- دخل يخلص الموضوع خلاص ياانسه وبيشدها من على السواق اتفاجاء😵😵😵😵😵 انتى

إيمان :- من غير ماتبص ليه اوعى كده ياجدع خلينى اعرفه مقامه والله مانا سايبه

الشاب :- خلاص ياانسه الراجل هيموت فى ايديك

إيمان :- وقفت تظبط هدومها وتنفض ايديها ولسه هتمشى

السواق :- برضه مش هتمشى غير لما تدفعى بقيت الحساب ومسكها من ايديها تانى

إيمان :- لا كده باين عليك محرمتش وعايز علقه تانى ولسه هتضربه راح السواق بيرفع ايده وهيضرب إيمان بالقلم

الشاب مسك ايده وقاله

الشاب :- لا لحد كده ومسمحلكش تمد ايدك على واحده ومسكه وفضل يضرب في وشه باللكميه

السواق :- وشه كله جاب دم ومش قادر يتكلم كل ده وإيمان مش واخده بالها من الشاب

الشاب :- قوم ظبط هدومك وامسح الدم اللى فى وشك ده كنت عايز كام من الانسه

السواق :- خ.خ.خمسه جنيه

الشاب :- اتفضل عشره اهم وروح شوف اكل عيشك

السواق :- ح.ح. حاضر وبص على إيمان ومشى

إيمان :- وهى بتجرى وراه التاكسى تعالى هنا ياابن والله ماهسيبك

الشاب :- اترزعى بقا هنا مش كفايه اللى انتى عاملتى فيه

إيمان :- لسه بتبص للشاب علشان ترد عليه 😨😨😨😨😨انت

الشاب :- اه انا ايه مش رحمه حد خالص من لسانك

إيمان :- وانت مالك محدش قالك ادخل فى الموضوع ولو على فلوسك خد اهى ومسكت ايديه وحطت الخمسه جنيه فى ايده وقالت مليش دعوه بالبقشيش اللى انت دفعته

الشاب :- خدى فلوسك يابنتى واتكلى على الله مش نقصه قرف على الصبح

وسبها ومشى

إيمان :- بنأدم مغرور وتنك كده وشايف نفسه معرفش على ايه

وراحت على الشركه دخلت من الباب وركبت الاسنسير ولسه هيقفل لاقت الباب بيفتح تانى وركب نفس الشاب معاها

إيمان :- اما انت بنأدم بارد ايه جابك ورايه

الشاب :- وانا هاجى وراكى ليه هوانتى مفكره نفسك مين علشان انا اجى وراكى مش شايفه شكلك ولا ايه انا هبص عليكى انتى انا مش عارف واخده قلم فى نفسك كده ليه يابنتى انتى متسويش فى سوق البنات مليم

إيمان :- طلعت من الاسنسير وقالت وانا ميشرفنيش اركب فى مكان فى واحد مغرور ومتكبر وقليل الادب شبهك

الشاب:- احسن برضه وقفل الباب وطلع بالاسنسير

إيمان :- لنفسها وايه جايب المغرور ده هنا

تلاقى واحد من العمله وجاى يقابل المدير وانا مالى بى وطلعت على السلم

الشاب :- ودى هتيجى هنا ليه دى مش شكل موظفه هنا

وصل الشاب بالاسنسير وطلع منه دخل مكتب المدير

عمرو :- ابوحميد اذيك انت مش قولت مش نازل انهارد

احمد :- صحيت من بدرى وزهقت قولت انزل من انهارد واشوف شغلى

عمرو :- احسن برضه شيل من عليه شويه

عمرو :- رفع السماعه واتصل على السكرتيره وطلب منها الورق اللى عايز يتمضى وتيجى فورآ

مى :- والله يافندم إيمان لسه مجدش

عمرو :- طب اول ماتيجى خليها تجيب الاوراق وتيجى فورآ

مى :- حاضر يافندم

دخلت إيمان وهى بتنهج وتسب وتلعن فى المغرور اللى كان السبب فى طلوعها على السلم

مى :- ايه يابنتى مالك بتنهجى كده ليه وايه اخرك كده استاذ عمرو اتصل وعايزك

إيمان :- هبقى احكيلك لما اجى من عند المدير واخدت الاوراق ودخلت المكتب

كان احمد قاعد على الاريكه اللى وراه الباب دخلت إيمان المكتب بسرعه

عمرو :- مالك يابنتى بتنهجى كده ليه

إيمان :- واحد اللهى لا يكسب ولا يربح طلع فى الاسنسير وانا طلعت على السلم

احمد :- بيبص اتفاجاء هى هى نفس البنت وسمع كلامها محبش يقاطعها وسبها تكمل كلامها علشان يشوف هتقول عليه ايه

عمرو :- وليه مركبتيش معا الاسنسير

إيمان :- ده بنأدم مغرور كده وشايف نفسه من الاخر كده شاب سيكى ميكى من بتوع مامى وبابى

احمد :- بت انتى لمى لسانك علشان متهورش عليكى

إيمان :- 😨😨😨😨 ه.ه.هوانت هنا

أحمد :- لا هناك انا شاب سيكى ميكى تحب اوريكى اقدر اعمل فيكى ايه

إيمان :- داانت بنأدم بارد جاى فى مكان شغلى وكمان بتغلط فيه شاهد يااستاذ عمرو مش انا مفروض موظفه فى شركة حضرتك اهنتى يعتبر من اهانة الشركه

احمد :- ماترد يااستاذ عمرو

عمرو :- إيمان احب اعرفك ده استاذ احمد عزمى مدير شركة عزمى

إيمان :- 😱😱😱😱😱 ها. بتقول ايه

احمد :- بتشفى زى ماسمعتى كده

انتى بقى السكرتيره الجديده عمومآ مخصوم منك اسبوع من مرتبك

إيمان :- انا اسفه حضرتك مكنتش اعرف ان انت المدير

أحمد :- مع انى استايلك لوكر اوى وبيئه ومش شكل واحده شغاله فى شركة عزمى

إيمان :- صعبت عليها نفسها وكانت على وشك انها تعيط بس مسكت دموعها بالعافيه

أحمد :- روحى اعمليلى قهوه مظبوط بس الاول اغسلى ايديك علشان بقرف امشى يلا

إيمان :- عن أذنك

احمد :- شورها بإيده بالانصراف

طلعت إيمان من المكتب ودمعه نزلت من عنيها

عمرو :- ليه كده يااحمد اهانتها جامد

أحمد :- انت مش سمعت بودنك قالت ايه عليه

عمرو :- هو انت اللى كانت بتقول عليه

احمد :- اه انا

عمرو :- بس البت غلبانه دى كانت خلاص الدمعه هتنزل من عنيها

احمد :- وانت هى دى اللى على حاضر ونعم ومسمعش ليها صوت

عمرو :- احم ده سوء تفاهم بس هى كويسه على فكره

احمد :- اما نشوف شكل الايام الجايه سوده عليك وعليها

………………………………………………

عند إيمان دخلت الكافتريه وهى دموعها نزله عملت لأحمد القهوه ومسحت دموعها وهى طالعه من الكافتريه افتكرت حاجه رجعت تانى

إيمان :- عم محمود فين الملح

عم محمود :- اهو يابنتى

اخدت إيمان الملح وحطت منه فى فنجان القهوة

إيمان :- علشان تعرف تزعقلى وتهنى بعد كده

وصلت عند مكتب احمد خبطت على الباب اذن لها احمد بدخول

دخلت وحطت القهوه على المكتب واستاذنت وطلعت وبعد ماقفلت الباب اتفتحت فى الضحك وقالت

إيمان :- ههههههههه احسن تستاهل بالشفا وراحت على مكتبها

……………………………………………

عند احمد قعد على المكتب ومسك فنجان القهوة ولسه بيشرب راح مطلع كل اللى اخده

احمد :- يابنتى ال(………)

عمرو:- فى ايه مالها

احمد :- خد دوق

عمرو :- اخد الفنجان ولسه برضه بيشرب منها عمل زى احمد بالظبط

احمد :- شوفت الزفته حاطه ايه ملح

عمرو :- وهو بيكتم ضحكته وهو عارف ومتاكد ان هى عامله كده بقصدها

قال يمكن يااحمد اتلغبطت مابين السكر والملح

احمد :- لا متاكد عملها قصد

انت منك لله علشان انت اللى جبتها هنا

عمرو :- ههههههههههههه والله البت كويسه

احمد :- ماااااشى والله لاوريها ومسك التليفون طلبها انها تيجى على الفور

عرفت إيمان ان هو طلبها علشان يوبخها

دخلت إيمان المكتب

إيمان :- اوامر حضرتك

احمد :- ايه ده

إيمان :- قهوه يافندم

أحمد :- دوقيها كده

إيمان :- دقتها وبلعتهم بالعافيه اه سورى ياافندم شكلى اتلغبط مابين الملح والسكر

أحمد :- ماواحده هايفه ذيك تلاقيها عمرها مادخلت مطبخ

إيمان :- شكرآ يافندم عايزنى فى حاجه تانى

أحمد :- اه اعملى حسابك انتى هتتاخرى انهارد فى الشغل

إيمان :- ماينفعش حضرتك

احمد :- ليه يااختى هو الشغل تحت امرك

إيمان :- عندى ظروف حضرتك فى البيت مينفعش اتاخر بره

احمد :- مليش دعوه بالكلام ده

مى مش هينفع تسهر علشان الحمل ومفيش غيرك

إيمان :- هتحصل مشكله كبيره لواتاخرت بره

احمد :- والله ده اللى عندى ولومش عجبك تقدرى تلمى حاجتك وتمشى ومتجيش تانى اتفضلى روحى مكتبك

خرجت إيمان من مكتبه وكانت متغاظه منه اوووووووى

إيمان :- انا اعمل ايه دلوقتى ياربى لواتاخرت اخويه هيعرف ولو مشيت هخسر شغلى منك لله يااحمد اللهى لاتكسب ولا تربح ياشيخ ومشيت على مكتبها

وعند احمد :- والله لاوريكى يبقى مين احمد عزمى وانا وانتى والزمن طويل

عند إيمان دخلت وقعدة على مكتبها وهى بتفكر هتعمل ايه فى المشكله اللى احمد ورطها فيها
مى :- مالك يابنتى سرحانه فى ايه
إيمان :- فى الورطه السوده اللى وقعت فيها
مى :- ورطة ايه
إيمان :- استاذ احمد عايزنى اسهر انهارد فى الشغل وانا اساسآ شغاله من وراه اخويه ومش عارفه اعمل ايه لوسهرت اخويه هيعرف ولو مشيت هخسر شغلى
مى :- طب خلى مامتك تتصرف
إيمان :- هى بتساعدنى دلوقتى بالعافيه ولوقلت ليها كده مش هترضى طبعآ
مى :- طب هتعملى ايه
إيمان :- مش عارفه هتصل بماما واشوف كده ومسكت تليفونها واتصلت بيها
إيمان :- السلام عليكم ياماما
فاطمه :- وعليكم السلام فى حاجه ياإيمان
إيمان :- مازن نايم زى كل يوم
فاطمه :- اه فطر وشرب العصير ونام
إيمان :- ماما انا عندى انهارد سهر والمدير منبه عليه مامشيش
فاطمه :- مش هينفع يابنتى انتى يادوب بتيجى وتغيرى هدومك يكون اخوكى صحى
إيمان :- خلاص ياماما لما يسال قوليلو انا عند تيته علشان تعبانه ومفيش حد معاها
فاطمه :- وافرضى سال عليكى عند جدتك
إيمان :- لا ماتخفيش هو المكان الوحيد اللى ابنك مش بيقول عليه حاجه
فاطمه :- ماشى يا إيمان لما نشوف اخرتها ايه مع السلامه
إيمان :- مع السلامه وقفلت إيمان مع امها وهى بتقول ربنا يسترها بقى انهارد ………………………………………………

عند احمد كان شغال وافتكر كارمن وقال
أحمد :- انا نسيت احجز الطياره لكارمن وامها واتصل على السكرتيره
احمد :- مى لوسمحتى اتصلى على شركة الطيران واحجزى تذكرتين و
إيمان :- مى مش موجوده حضرتك لما تيجى هبلغها
لما احمد عرف ان إيمان هى اللى بترود حب ينرفزها
احمد :- انتى مين عاملة النطافه
إيمان :- لا حضرتك انا السكرتيره الجديده
أحمد :- عادى يعنى مفرقتيش كتير عن عاملة النطافه
إيمان :- 😡😡😡😡😡
احمد :- مش بكلمك ترودى عليه ولا اهلك معلمكيش الادب
إيمان :- متشكره حضرتك بس انا اهلى معلمنى الادب ومربينى كويس وعيطت
احمد :- حس بوخزه فى قلبه قفل التليفون ومنطقش باى كلمه
إيمان :- قعدة تعيط وحطت السماعه مكانها دخلت مى وشافت إيمان بتعيط
مى :- انتى بتعيطى مالك
إيمان :- مسحت دموعها وقالت لامفيش حاجه
مى :- ازاى يابنتى شكلك معيط
إيمان :- مفيش عينى بس دخلت فيها حاجه
مى :- ماشى اوكى بس لوحبيتى تحكى حاجه انا موجوده
إيمان :- ربنا يخليكى انت زى اختى بالظبط
اه استاذ احمد بيقولك احجزى تذكرتين طيران
مى :- اوكى
وكل واحده شافت شغلها لحد ماجيه وقت الانصراف الكل مشى الا احمد وإيمان
احمد اتصل على إيمان وطلب منها تيجى على المكتب فورا
دخلت إيمان المكتب عند احمد
احمد :- اعمليلى كوباية نسكافيه ولو المرادى حطيتى ملح هشربو كله ليكى
إيمان :- حاضر يافندم وعملت إيمان النسكافيه ودخلته المكتب لاحمد
إيمان :- اتفضل يافندم
أحمد :- حطى عندك على المكتب
إيمان :- تامر بحاجه حضرتك
أحمد :- اه هاتى ملف شركه a.t.n
بسرعه وتعالى
إيمان :- حاضر يافندم بعض اذنك
جابت الملف ودخلت لاحمد واخده منها
أحمد :- خلاص روحى مكتبك دلوقتى
إيمان وهى ماشيه رجيلها شبكة فى السجاده وكانت هتقع جرى عليها احمد وحط ايده فى طهرها ومسكها قبل ماتقع على الارض ارتطمت إيمان فى صدر أحمد العريض رفعت إيمان راسها واتقبلت مع عيون احمد سرحت فيهم قد ايه عيونه حلوين رغم قسوتهم بس مليانه حنان فيها كلام كتير مش مفهوم فاقت إيمان من سرحانها وانتبهت للوضع اللى هى فى
إيمان :- ش.ش.شكرآ
أحمد :- برضه انتبهى ليها احم احم العفو
إيمان :- بعد أذن حضرتك وطلعت تجرى على مكتبها
واحمد :- قعد على مكتبه هو انا مالى حسيت بحاجه غريبه وهى فى حضنى
مش عارف ايه هى
وبعد كده فاق وقال اهدى كده وركز كلها شهر وهتجوز فبلاش شغل المراهقين ده ورجع راسه لوره وافتكر اول مقبله ليهم
فلاش باك
وهى ماشيه وعماله تعيط ومش شايفه جت عربيه بسرعه راحت خبطها وقعت على الارض وبسرعه نزل من العربيه شاب فى اوئل التلاتينات كان وسيم بمعنى الكلمه كان شعره ناعم جدآ لكن قصير وعنده لحيه خفيفه وعنيه عسلى ورموشه كثيفه واسمرانى وجسم رياضى وطويل جدآ نعم انه احمد
احمد:- انتى كويسه فيكى حاجه
إيمان :😵😵😵😵
احمد :- ياانسه انتى فيكى حاجه
إيمان :- فاقت من سراحنها على صوته وهو بيقولها انتى خارسه ولا ايه اغتاظت منه
إيمان :- انت غلطان وكمان بتقل ادبك
احمد :- انا اللى غلطان ولا انتى اللى ماشيه عاميه مش شايفه قدامك كنتى هتلبسينى تهمه على واحده تافه شبهك
ايمان :- انا تفها ياسيكى ميكى انت تلاقيها ماما هى اللى جيبالك العربيه وفرحان بيها
احمد :- انا سيكى ميكى يااوزعه ياللى مش باينه مش الارض وانا مش هرد على واحده لوكر وبيئه ذيك واوعى بقى من قدام العربيه علشان امشى من وشك المقرف ده
إيمان :- لا حوش انا اللى هموت واشوف وشك اللى شبه ابو حفيظه
وقامت وهى تسند على العربيه وقفت بالعافيه
احمد :- تحبى اوصلك لمكان
إيمان :- لا شكرآ مش عايزه من وشك حاجه
احمد :- احسن برضه وتركها ومشى
باااااااك
احمد :- يومها كنت نفسى امد ايدى وامسحلك الدمعه اللى فى عنيكى واخدك فى حضنى واخبيكى حسيت نفسى اعرفك من زمان ومن يومها وانا مش ناسى عنيكى بس لا لازم انساكى
علشان مش انا احمد عزمى اللى يترفض وهدفعك تمنها غالى
……………………………………………

وعند إيمان :- هو ايه اللى حصلى ده لما لمسنى حسيت بجسمى قشعره غريبه وليه شوفت حجات كتير فى عنيه قسوه وحب وكراهيه وحنان كل ده متجمع جواهم فى وقت واحد وليه مقدرتش ابعد عينى عن عينه وليه كنت مرتاحه اوى وانا فى حضنه واول مره احس بالامان وانا عمرى فى حياتى ماحسيت بي مع حد وكنت اتمنى الوقت يوقف وانا جوه حضنه 🙅 بس لامش هسمحله يهنى تانى وانا وراه والزمن طويل هدافعه تمن اهانتى غالى اوى ومبقاش انا إيمان منصور لومخلتهوش يقول حقى برقبتى
………………………………………………

ومر اربع سعات على معاد الانصراف الرسمى للشركه والساعه تجوزت الثامنه بص احمد فى سعته لاقى الساعه الثامنه
أحمد :- ياااه انا نسيت نفسى فى الشغل والوقت اتاخر وافتكر ان إيمان كمان لسه موجوده بره ولبس الجاكت
وطلع لاقى إيمان نايمه على المكتب
أحمد :- احم احم ياانسه إيمان
إيمان :- 😴😴😴😴😴😴
أحمد :- ياانسه إيمان
إيمان : - سيبينى انام شويه ياماما لسه بدرى
أحمد :- ياانسه انا احمد مديريك فى الشركه
إيمان :- قامت بسرعه من على المكتب وهى بتقوم خبطت احمد براسها فى وشه
إيمان :- ااانااسف والله مش قصدى
أحمد :- هو انتى علطول كده صدمات
إيمان :- اصل حضرتك صاحيه بدرى علشان كده عنيه غفيت شويه
أحمد :- جهزى نفسك علشان اروحك
إيمان :- 😱😱😱😱 ايه لالالالا حضرتك متتعبش نفسك
أحمد :- انتى عارفه الساعه كام هتمشى فى الوقت ده لوحدك
إيمان :- ها بس حضرتك مينفعش اركب معاك العربيه لوحدنا
أحمد :- ليه يااختى هخطفك ده حتى انتى مش من النوع اللى بفضله من الحريم يعنى متخفيش مش هبصلك اصلا
إيمان :- بلعت اهانتها ومسكت دمعتها وقالت وانا برضه مش هركب معاك
ومسكت شنطة أيدها ونزلت من الشركه
واحمد نزل وراها وركب العربيه ومشى وسابها
إيمان :- واحد معندهوش ذوق ولا دم
وقفت تستنا تاكسى علشان توقفه بس للاسف الوقت ده مش بيمر اى مواصله من الشارع اللى فى الشركه
كانت ناويه تختصر الطريق و تتطلع من شوارع جانبيه بس كان فى مجموعة كلاب وقفه وهى بتخاف منهم والشارع التانى كان طلمه وفى شباب شكلهم مش كويسين احتارت تمشى من اى شارع لو من عند الكلاب اكيد هيعملو حافلة عشا عليها لومن عند الشباب اكيد هيبقى الحال اسوء بكتير اخدت قرار ترجع تانى شارع الشركه بس فى اللحظه دى شافها احد الشباب وقال الله الله هو الشارع بينقظ مزز ولا ايه شايف البت اللى معديه دى صاحبه اه ياصاحبى شكلها الليله دى هنتسله كتير
إيمان :- بتقولهم بصوت مهزوز ومتوتر اكيد حضرتك مش انا المزه
الشاب :- ازاى بس مزه واحلا مزه
صاحبه :- تعالى دااحنا هنريحك اوى
إيمان :- لالالا ياحضرت اكيد قصدك مش اللى فى دماغى
كانت بتتكلم وهى بترجع لورا
الشاب :- هههههه لا هو وخليكى حلوه معانا واحنا هنعيشك ليله ولا الف ليله وليله
إيمان :- ليه يااستاذ هو انت معندكش اخوات بنات
الشاب :- لا عندى بس مش بتنزل فى نصاص الليالى كده ويلا بقى قبل النفسين اللى واخدهم يروحو على الفاضى وهجم على إيمان بس قبل مايلمسوها كان فى ايد سحبت الشباب ونزل فيهم ضرب
أحمد :- وحياة أمكم ماانا سيبكم انهارد ونزل فيهم ضرب
الشاب :- خلاص والله ياباشا احنا اسفين
أحمد :- انا مش هسبكم غير يافى المستشفى يافى القسم
الشاب :- لالالا قسم لا والنبى ياباشا وفلتو من ايد احمد ومشيه بعيد عن عين احمد
أحمد :- عجبك كده لومكنتش جيت فى الوقت المناسب كنتى ضيعتى بسبب عندك وغباءك
إيمان :- مقرفصه وعماله تعيط
أحمد :- ممكن بقى تسكتى شويه وكفايه عياط ويلا بينا اوصلك بدل وقفتنا فى الشارع دى
قامت إيمان من الارض ومشيت قدام احمد ركبت العربيه وهى مواقفتش عياط رزع احمد الباب وراها
وركب احمد العربيه جمبها
أحمد :- عنوان البيت ايه
إيمان :- وهى بتعيط العنوان [ّ……]
ساق احمد العربيه ووصل لعنوان إيمان بس قبل مايخش الشارع بتاعها
إيمان :- ممكن تنزلنى هنا
أحمد :- مش هينفع هوصلك لحد باب البيت بتاعكم
إيمان :- مش هينفع علشان احنا منطقه شعبيه وناس هتكلم
أحمد :- خلاص اوكى انزلى
ونزلت إيمان من غير ماتنطق بكلمه واحده ومشيت على بيتها
*********************
إلي هنا ينتهي الفصل الثامن من رواية وردة بلا حياة بقلم دودو محمد
تابع من هنا : جميع فصول رواية وردة بلا حياة بقلم دودو محمد
تابعوا صفحتنا على الفيس بوك للمزيد من روايات حب
حمل تطبيق قصص وروايات عربية من جوجل بلاي
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة