مرحباً بكم أصدقائي وأحبابي عاشقي القراءة والقصص الرومانسية مع رواية رومانسية إجتماعية كوميدية جديدة للكاتبة فاطمة صلاح علي موقعنا قصص 26 وموعدنا اليوم مع الفصل الثامن عشر من رواية آسيا بقلم فاطمة صلاح.
رواية آسيا بقلم فاطمة صلاح - الفصل الثامن عشر
رواية آسيا بقلم فاطمة صلاح - الفصل الثامن عشر
اسيا ببكاء:هي فرحانه دلوقتي في مكانها وفرحانه بحبك ليها اللي عمره ما هينتهي وفي الاخر مهما العمر طال هتقابلها!!
فريد بابتسامه حزينه:عندك حق،،بس شعور الفقد والاشتياق ده مش بايدنا
ايدته الاخري وهي تنظر لاكرم بحب فهي شعرت ذلك الشعور مع اكرم لاكثر من مره وتعلم وجعه جيداً بل أكثر من أي شخص اخر
فريد:قولولي بقي انتم عشاق؟
اسيا بابتسامه:ممكن!!
اكرم:اكتر من عشاق!!بس هي جبله!!
ابتسم الاخر لهم:مش جبله ولا حاجه نظراتها بتقول ان هي يمكن بتحبك اكتر بكتير من حبك ليها بس مش بتعرف تعبر زيك،ربنا يهنيكم يولاد ويرزقكم بالحب اللي مبينتهيش
اسيا بابتسامه:الحب الحقيقي عمره ما ينتهي يا عمي!!
_____________________
تركوا وهم يدلفوا للحجره الذي خصصت لهم
اسيا وهي ترتمي ع السرير:ياني تعبت اوي مالقاعده كل ده!
اكرم بسخريه:ليه يا حبي دول ٦ساعات بس بنسمع فيهم قصه عشقه هو وزينات!!
اسيا بجديه:بس تعرف وحش اوي انك تتحرم من حد بتحبه وانك تضطر تقضي اللي باقي في عمرك من غيره!!مش متخيله وجع القلب!
احتضنها الاخر وهو يقبل يديها:ومتتخيليهوش اصلا يا حبي،انا معاكي دايما وهقاوم اي حاجه عشانك
ثم اضاف بسخريه:في حد يسيب بلوه حياته ويمشي؟؟
ابتسمت الاخري وهي تدعي الله بداخلها ان لا يحرمها من وجوده
اسيا:طب قوم يلا عشان نغير بص انا هغير فالتواليت وانت هنا!
اكرم بجديه كاذبه:اهه عشان تطلعي وانا لسه مكملتش اللبس وتتحرشي بقي و..
اسيا وعينيها تتسع باستنكار:انا ولا انت يكذاب!!
اكرم وهو يغمز لها:امبارح يشهد!!
_____________________
دلفت للمرحاض وهي تأخذ شاور سريع ثم عادت له وهي ترتدي فستان قصير جداً،،ضيق يتعدي اعلي ركبتيها بكثير وبدون اكمام
باللون الاسود وحذاء عالي الكعب وحقيبه صغيره باللون الاسود ووضعت احمر شفاه باللون النبيتي وتركت شعرها كيرلي
اما هو فارتدي بدله باللون الرمادي القاتم وكارفته باللون النبيتي فكان غايه في الوسامه.
___________________
دلفت وهي تدور حول نفسها وتردد بمرح:ايه رايك
هذه المره تحديداً لم ينظر لها بانبهار كعادته بل لم ينظر لها لوهله من الاساس بل اتجه نحوها وهو يمسك شعرها بشده ويصرخ بها:حد قالك انك متجوزه طرطور عشان انزلك بقميص نوم!!
اسيا بصدمه وهي تحاول سحب شعرها من يديه:ق.ق ميص نوم!!! انت بتخرففف ده فستان من عند...
اكرم بصراخ:انا ماليش دعوه من عند زفت مين!!
ثم ترك شعرها وهو يلف ذراعها اسفل ظهرها لتصرخ بألم:هتكسر دراعي يا متخلف اهه
اكرم بعصبيه:وبعدين مش كفايه مش محجبه،مش كفايه لبسك بعيد كل البعد عن الاحترام،لا ده هتفجر ونزلالي بحته قماشه!!!
اسيا بصدمه:وايه اللي مصبرك علي كل ده،ابعد عني ياكرم
ثم ظلت تصرخ وهي تخبط برجليها أرضاً كعادتها عندما تتعصب
تركها الاخر وهو يدلف للخارج
_____________________
بعد مرور ساعه
عاد لها ليجدها جالسه أرضاً ووجهها باللون الاسود نتيجه بكائها وتلطخ الكحل به!!
اكرم بمرح:انا كنت سايب اسيا هنا مشفتيهاش؟
اسيا بحزن:من فضلك يا أكرم اطلع بره!!
انحني الاخر وهو يجلس قبالتها ويمسك يديها
اكرم بحب:اسيا يا حبيبتي اكيد انا مش عايز ازعلك والدليل اني بكبت نفسي ومش بتكلم علي لبسك كل الفتره دي عشان عارف اني هتصرف غلط زي ماتصرفت من شويه بس صدقيني ده غصب عني ده من الغيره اللي جوايا مش هسمح لحد يشوفك كده غيري فهماني؟
اسيا وهي تمط شفتيها كالاطفال:اه بس معتش تمد ايدك عليا تاني!
اكرم بضحك:هو انا كده مديت!
ثم اتي بكيس وهو يعطيه لها بابتسامه
اسيا بضحك: اكيد فستان خره و..
قاطعها الاخر:قدامك نص ساعه عشان الحفله هتبدأ٨
_____________________
دلفت وهي ترتدي فستان باللون الاسود مطرز باللون الموف القاتم ذو اكمام قصيره ويتعدي الركبتين بقليل ضيق من اعلي ويتسع من الخصر لاسفل ووضعت احمر شفاه بلون التطريز
_____________________
دلفوا لاسفل وهم يجلسون في المقدمه
صعد مقدم الحفله وهو يردد:انهارده الحفله دي من الانسه اسيا المهدي حبت تشاركم فرحتها بشفاء خطيبها رجل الاعمال المشهور أكرم راضي ولحسن حظنا طبعا انه شرفنا معها
صفق الجميع بحماس
اما الاخر فنظر لها بصدمه لتضحك بشده وهي تنظر بلاتجاه الاخر كأن شيئاً لم يكن
_____________________
بعد ان اخبر الجميع ببرنامج الحفله والذي ستستمر لمنتصف الليل عكس قوانين هذا الدار سعد الجميع ليردد:قبل ما نبدأ لو الانسه اسيا عايزه تقول ايه حاجه تتفضل!
صعدت لاعلي وهي تمسك بالميكروفون:اولا إزيكم كلكم اتمني تكونوا بخير،،ثانياً اوعوا تفقدوا الامل في بكره،،عشان كل مره فقدته فيها كنت بعرف اني غلط!اول مره فقدت الامل في اني احب تاني قابلت اكرم!!ومحبتش فعلا لان علي راي عمي فريد ده مش حب ولا عشق ولا الكلام الفارغ ده،ده اتصال روحين،،تاني مره فقدت الامل في انه يفوق م الغيبوبه وجيبت اخري لقيته بينده اسمي؛؛ربنا بينقذنا في الوقت المناسب،،حياتنا ليها فايده اكيد اوعوا تفتكروا ان كده خلاص حياتكم معدش ليها فايده او او،،لا انتم ربنا مطول في عمركم عشان تعبدوا اكتر،مبتليكم عشان تصبروا وتشكروا ويخفف سيئاتكم،انا عايزاكم كلكم مبسوطين وعندكم ثقه في ربنا واتمني الحفله دي تبسطكم شويه ووعد هنكررها كتير
ثم عادت لمقعدها وهي تبتسم لاكرم ليردد الاخر انه يود ان يتحدث هو الاخر ويود ان تاتي معه لاعلي بحجه ان يستند عليها
صعدوا ليردد:اولا انا سعيد جدا بوجودي معاكم كنت بتمني من زمان اني اجي هنا واسيا حققتهولي،،انا هستغل فرصه وجودكم وهشاركم قراري؛؛؛اسيا!
نظرت له الاخري بحب
ليكمل:انا لسه فاكر اول مره شوفتك فيها من٦سنين من قبل حتي ما اخواتنا يبقوا صحاب كنتي واقفه جنبي بشويه في بلكونه الفيلا وعينيك مدمعه انا اتشدتلك من ساعتها خطفتيني مع اول خناقه بينا يومها بسبب انك مش عارفه تعدي مني،،كانت حياتي متدمره بس اتشدتلك,كنتي لسه ١٦سنه بس حبيتك!!,انا معرفتش الحب الا بيكي ومعاكي،قلبي عمره ما دق لحد بجد غيرك!!انا بحبك!عشان كده تتجوزيني؟؟
اسيا وهي تبكي من الفرحه:لا!!
نظر لها الجميع بصدمه
لتردد:تتجوزني انت،،تديني الشرف اني ابقي مرات حد عظيم زيك؛اكرم انا بحبك اكتر من نفسي وبتمني اسعدك بكل الطرق!
احتضنا بعضهم بسعاده والجميع يصفق لهم بحب
_____________________
اتفقا علي ان يكون حفل زفافهم بعد مرور شهر حتي ينتهوا من جميع التجهيزات
_____________________
في الصباح
استيقظت وايقظت مراد وتجهزوا للذهاب لاسيا وأكرم
_____________________
بعد ان تحدثوا كثيراً
مراد:طبعا انتوا معزومين علي الاحتفال بتاع فرحنا يوم الخميس
اسيا بصدمه:نعم ياروحي لسه فاكر تعزمنا ده بعد بكره!
نظر لها اكرم بغضب لتتنحنح باحراج
مراد:يابنتي احنا لسه متفقين امبارح،،عشان بكره اخر جلسه لكارمه
اسيا بسعاده:الفف مببروك يا حبي
اكرم:مبروك
كارمه وهي تنظر له بسعاده:يعني انت هتعملي احتفال بعد بكره!!!
اوميء الاخر براسه لتنظر له بسعاده
____________________
بعد مرور يومان..
استيقظت لتجد جواب بجانبها"روحي علي بيتنا بعد متفطري،بحبك"دلفت لتجد اسيا في استقبالها وبعدها ذهبوا لغرفه ليتجهزا بها انتهت من وضع مساحيق التجميل والذي وضعتها لها اشهر ميكاب ارتست،، لتجد فستان علمت بعدها انه صمم خصيصاً لها في لندن بمساعده اسيا
شعرت لوهله انها في حلم،لم تصدق ما رات في المرأه وجدت نفسها ترتدي فستان زفاف لم تحلم به في أجمل احلامها وترتديه لحبها الحقيقي بعد ان فقدت الامل ف ارتدائه ولكن كما تقول اسيا دائما"انسي الحاجه وشيليها من دماغك،هتلاقيها قدامك"ظلت تضحك بسعاده وعينيها تدمع من شده الفرح لتقاطعها اسيا:مش ناقصين فقر حتي يوم الفرح
احتضتتها كارمه وهي تردد:فرح كمان!انا مش مصدقه اني هلبس فستان ابيض اصلا
اتي الاخر لينظر لها بحب وهو يردد:هي كلمه واحده انا محظوظ بيكي دلفوا لحديقه كبيره الي حد ما وكانت مجهزه علي افخم وجهه كان زفافهما استوري ولدهشتها حضرت عائلتها وكانت والدتها تبتسم بفرح لا تعلم ما المقابل التي قدمه لها"مراد"لتأتي وكم دفع؟ولكن علي اي حال كانت سعيده بوجودها حتي وان لم يكن حقيقي،اما والدها فبكي من كثره فرحته بسعادتها وهو يردد:اخيراً اطمنت عليكي،اخيها كعادته كان يشاهد فرحها كأنه فيلم هندي قديم
بعد ان انتهي سعادتها الكبري"فرحها"
ذهبوا لمنزلهم ليحملها الاخر وهو يدلف بها لغرفتها لتجد غرفتها مزينه بالورود التي تعشقها بدلت فستانها بقميص قصير ومثير باللون الأبيض ثم ذهبت ليصليان معاً انتهي من الدعاء وهو يقول لها:تصبحي ع خير يا حبيبتي
كارمه بتوتر:لا خير اي استني
مراد باستغراب:ممم!!
كارمه بتوتر:عايزه اتفرج علي فيلم تركي رومانسي بص تحفه
مرادباستغراب:الساعه٣الفجر!!
كارمه:اهه!
دلفو للصاله ليجلس وتجلس بجانبه هي تود بشده ان يكون يوم زفافهم بدايه حياتهم كزوجين حقيقين ولكن لا تعرف من اين تبدأ وللاسف اختارت اغبي طريقه
نهضت وهي تقول بحيره: مش عارفه اقعد
مراد بارتياح:الحمدلله يلا ننام!!
لترتمي بحملها عليه وهي تنام علي رجليه كالبقره بارتياح ثم رفعت وجهها لتقربه من وجه وهي مغمضه عينيها بشده:
يلا!!
مراد بتوتر:نتي عامله كده ليه وشايفاني مرتبه
كارما وهي تزفر بملل:نت غبي!
قررت اخيراً ان تتشجع لتقبله بقوه ليفهم انها اشاره الضوء الاخضر ليحملها لغرفتهم ويصبحان بعدها زوجان بروح واحده...
_____________________
قضوا المتبقي من الشهر في التجهيز للعرس اسيا بين التسوق وصالونات التجميل واكرم بين شراء فيلا تقع مباشره امام البحر التي طالما حلمت بها الاخري وبين تجهيزها
_____________________
وأخيراً اتي اليوم الذي طالما انتظراه
استيقظت اسيا علي صوت غناء وموسيقي لتفتح عينيها بنعاس وجدت كارمه وليلي ولين ووالدتها يرقصوا بسعاده
اسيا بنعاس:لو سمحتم اعملوا الفرح ده بره الساعه لسه٦الصبح!!
لمياء:اسيا يا حبيبتي عقبال ما تتتجهزي يماما الناس هتبدأ تيجي م الساعه١
اسيا بنعاس:حاضر يااا ماما حاضر
نهضت بتكاسل وهي تمسك هاتفها وجدت رساله من الاخر"اسيا انا مش مصدق ان اخيراً اليوم ده اجه،انا بحبك اوي"
ابتسمت بعشق وهي ترسل له:"ولا انا والله كلها ساعات ونبقي مع بعض انا بحبك اكتر ولله"
نهضت وهي تدلف للمرحاض
_____________________
انتهت من اخذ الشاور ودلفت للخارج لتجد الميكب ارتست اتت
انتهت بعد عده ساعات وقد ارتدت فستان زفاف يشبه فساتين الاميرات بل اجمل كان باللون الاوف وايت الفاتح وتركت شعرهااا خلفها وارتدت طوق من الورد الابيض فكانت غايه في الرقه والجمال
اتي الاخر في تمام الساعه الثانيه عشر وهو يرتدي بدله من ماركه عالميه فصلت خصيصاً له باللون النبيتي القاتم وقميص باللون الابيض
اكرم وعينيه تتدمع:اخيراً!!
اسيا بحب:انا اسعد حد في الدنيا!!
____________________
وصلوا لاقرب مكان لها ولقلبها لتصرخ بسعاده وهي تري المقاعد منظمه علي سجاد علي الرمال والمدخل مزين بالورود الحمراء ويستقر علي الرمال والمقاعد المخصصه لهم"الكوشه"تستقر امام البحر بمسافه قليله
اسيا بسعاده:اكرم انت عارف ان دي امنيه من وانا صغيره!!
اكرم بحب:عرفت من ليلي عشان كده مرضتش اعملها في قاعه قريبه من هنا وفضلت انه يبقي ع البحر والصبح!
اسيا بسعاده:انا بحبك اوي
_____________________
توافدوا المعازيم واتي مراد وهو يرتدي بدله باللون البيح القاتم وقميض باللون الابيض اما كارمه فارتدت فستان باللون الذهبي وحجاب باللون البيج
_____________________
اتت له الاخري وهي تبتسم بسعاده:موريي
مراد:هي الحكايه فيها موري احنا اي اللي جبنا هنا يلا علي بيتنا
كارمه بضحك:ليه؟
مراد هو يتقرب لها:عشان نكرر يوم فراحنا!!
كارمه:نكرر ايه؟؟
غمز لها الاخر وهو يردد شيء ما في اذنها
كارمه وعينيها تتسع بشده:قليل الادب!
____________________
افتتحوا الفرح برقصه سلو كما حلمت كثيراً علي اغنيتهما المفضله والذي رقصا عليها عندما سافروا معاً لاول مره"love my like you do"
اسيا بحب:اكرم هو انا بحلم!!
اكرم بضحك:اسيا انتي قرفتيني ما قولتلك بجددد
اسيا بضحك:فصلتني بارد
اكرم وهو يمط شفتيه باشمئزاز:هو الكلام اللي كنت هموت واعرفه والعرسان بيرقصوا سلو طلع نت بارد ونتي قرفتيني؟
اسيا بضحك:باين
اكرم بمرح:يصلاه النبي شكلها جوازه فل!!
_____________________
انتهوا من الرقصه لتتجه الاخري بسرعه الي المنصه وهي تمسك بالمكيرفون وتغني بسعاده"من قد ايه مستني يجي اليوم واشوف ايدك في ايدي واخدك في حضني وانسي بيك الدنيا ديييي"
صفقوا الجميع بتشجيع فصوتها جميل ويليق بها ان تكون مغنيه مشهوره ليتجه لها الاخر وهو يضحك بسعاده لتمسك يده وهي تتمايل معه وتردد"انا م النهارده كلي ليك ولا يوم هكون عنك بعيد...."
ظلت تغني حتي انتهت من الاغنيه وظلوا يرقصون بسعاده حيناً معاً وحيناً اخر مع اصدقائهم..
في الوقت المخصص للاوبن بوفيه
اتجهت الاخري وهي تجلس وتلتهم الكثير من الطعام و تحتسي الكثير الكثير من مشروب البيبس الذي تعشق ولم تنتبه لاختفاء الاخر!!
____________________
اعتلي المنصه مقدم الفرح وهو يردد:هنفتتح الفرح مره تانيه بثاني slow معانا
صفق الجميع
لتأتي اسيا وهي تبتسم بسعاده وتقف في منتصف المنصه المخصصه للرقص
انتظرت كثيراً وابتسامتها تنطفيء تدريجياً بعد ان انتظرت لاكثر من ربع ساعه وبعد ان نادي المقدم كثيراً علي الاخر ولكن لم يأتي احد!!!
امسكت هاتفها وهي تهاتفه وتبتسم ابتسامه مهزوزه للمعازيم الذي تعالت همساتهم عن اختفاء العريس!!
لتجد هاتفه مغلق!تساقطت دموعها بشده وهي ترفع فستان زفافها وتركض باتجاه سياره والدها وهي تتجه بها بسرعه شديده الي...
تابع من هنا: جميع فصول رواية تمرد صحفية بقلم دودو محمد
إرسال تعليق
يسعدنا تلقي اقتراحاتك أو تعليقك هنا