مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة أروى الشرقاوي؛ وسنقدم لها اليوم الفصل الحادى والثلاثون من رواية وخضعت للحب بقلم أروى الشرقاوي هذه القصة مليئة بالعديد من الأحداث والمواقف المتشابكة والمعقدة من الرومانسية والتمرد والكبرياء.
رواية وخضعت للحب بقلم أروى الشرقاوي - الفصل الحادى والثلاثون
إقرأ أيضا: قصص قبل النوم
رواية وخضعت للحب بقلم أروى الشرقاوي - الفصل الحادى والثلاثون
فى المجموعه كانت تجلس فى مكتبها تفكر ماستفعله فى هذا العدو الذى يصر كل الأصرار على تدمير عائلتها لاتعرف من أين جاء بكل هذا الشر ولكن الذى تخشاه ميرال هو معرفت من وراءه فهى حقا هذه المره لن تقدر على تحمل ان يكون شخص مقرب لها يكرهها
دخل المجموعه كالمجنون يود الانتقام منها فهى لثانى مره تقوم بتدميره وتوجه إلى مكتبها ودخل رغم إصرار الجميع على عدم دخولوه
رفعت بزعيق :هدمرك ياميرال
ميرال ببسمه :سيبوه ادخل يارفعت جاى معصب نفسك ليه مش حلو علشانك الكلام ده
رفعت وهو يدخل المكتب بعصبيه:هدمرك ياميرال
ميرال :تدمرنى وسعت منك اوى تدمر مين دنا ميرال الجمال وانتا عارفنى كويس يعنى الكلام ده تقولوه لحد غيرى وأوعى تكون مفكر بغبائك ده لما تتفق مع حد عليا مش هعرف ولا هسمحلك انتا وهو تعملو كده تبقا لسه معرفتش ميرال الجمال وده غلط لازم اعرفك مين ميرال وأهوه عرفتهالك أيه رأيك
رفعت بتلبك :أتفق مع حد لا أنا معملتش كده
ميرال ببسمه:غبى يارفعت مفكر ميرال بتغفل عن شغلها يبقا متعرفش ميرال دى كانت قرصت ودن ليك وقول للى أتفق معاك ميرال مش هبله ولا العدو الى تستهون بيه ميرال عارفه بتعمل إيه وشغلها وعيلتها خط أحمر
رفعت :أنا اتفقت معاه علشان فكرت بكده إنك ممكن ترجعيلى ياميرال انا بحبك صدقينى
ميرال :هو أنا كنت معاك قبل كده أنا ست متجوزه وأنتا لو فى وضع غير ده كنت عرفتك معنى انك تقولى كده بس رأفه بحالتك هسكت ودلوقتى مشوفش وشك قدامى
رحل رفعت وهو ينوى على الشر
دخل شادى بعد رحيل رفعت :كان عايز أيه الكلب ده نحمد ربنا أدهم مكنش هنا
ميرال :متقلقش أدهم بيعرف يتحكم فى أعصابه كويس المهم رفعت مش ناوى على خير وضحكت ياله بجملة الأعداء هوما بقو كام صحيح
شادى وهو يلوى فمه :والله ياأوختشى من بعد تلاته معونتش بعد
وفى هذا الوقت رن هاتفها
ميرال :كنت مستنيه أتصالك هو فين ماشى فى أنهى طريق
الشخص :................. .
ميرال :خليك وراه ولو الراجل بتاعى بجد تعرف قابل مين وبيقول أيه وأوهى حد يشوفك
الشخص :.......... .
ميرال :أى معلومه تعرفها بلغنى بيها
وأغلقت معه ميرال
شادى بخبث :مين ده أوعى يكون الى فى بالى
ميرال بضحكه :فعلا رفعت وهو خارج من هنا بعت وراه حد يراقبه أحمد بيغير مكانه كل شويه
شادى :أروح أشوف شغلى سلام ياكبيره
رحل شادى وظلت هى تفكر من هو الذى يريد تدميرها يكفيها أعداء
........... ....... .........
فى قصر الجمال
روان بتذمر :لا الحظر ده مش عجبنى انا عايزه اشتغل
أسماء :البت دى طول عمرها نحس
بيسان :والله الحظر ده عسل
أميره :روان انا لقيتلك شغلانه عسل ومش هتطلعى من البيت
روان :شغلانة إيه دى يااوختشى
أميره :بما أن البنات دى عندها كبت وفراغ عاطفى فتعالجينا وينوبك فينا ثواب بس خليكى فى الأوز الصغير وسيبك من الأوز الكبير
عائشه :أنا اول واحده تجربى فيا عايزه اشتكيلك من أخوكى
صفيه :والله مانتو فالحين فى حاجه
أسماء :ماتشوف نسوانك ياعصام ياخويا
توفيق :هو انا المفروض هقضى الوقت مع أسماء وأخوات ريا وسكينه دول
عصام :ده المفروض
كامل :أنا هنزل الشغل من بكره مش هينفع اكمل هنا
أسماء :والله أحسن هنرتاح من المحن ونبقا كلنا مكبوتين زى بعض اتكلو على الله
عصام :بس أنا خايف على البنات لازم يبقا حد معاهم والشباب ممشين الشغل
أسماء:وليه متقولش انك خايف تسيب صفصف قول متتكسفش انا زى بنتك بردك
عصام بحنان اب :خايف عليكى يابنتى كل مافكر أن فى حد عايز يإذيكى أتعب أنا مستعد اضحى بحياتى علشانك أنتى وأخوكى
أسماء وهى تشعر بشئ فى قلبها تخشى من القادم تعلم أنه سوف يحدث شئ ولكن لتهون على الجميع :إيه ياعصام تضحى وحياتك والكلام الكبير ده عايز ترمل الوليه دى وتقعد فى أربيزى ياخويا وبعدين أنا بخير وأنا جمبكم أنزل شغلك إلى أنتا بتحبه ومتقلقش ياخويا ده ميرال جايبه بره شويه دولف ودواليب على كيفك مين الى هيقرب من الفيلا ده يبقا مستغنى عن عمره
اتكل على الله
بيسان :حد يخاف على سوسو
مليكه :هى مالها ضلمت ليه كده
سمر وهى تحاول ان تخرجهم من هذا الجو :النهارده حفلة مشاوى أيه رأيكم
أسماء :روحى ألهى يعمر بيتك ياشيخه مفيش أحسن من الأكل الا قوليلى ياأخت مليكه هى بنتك ناويه على طب ولا حاجه
مليكه :ليه
أسماء :أصلى ياختى شايفها بتكتب طول النهارده أنا كده اخاف على مستقبل البت
هى فين
فريده :لا بلاش غسق سبيها ترسم وتتعلم
اسماء :والله نسوان نكديه هتضيعو مستقبل البنت والله ماهيحصل لازم تنزل هنا وأعلمها انا هاتولى غسسسسسق
سمعتها غسق ونزلت
توفيق :حرررام بنت أبنى لا ياأسماء
توفيق :بالله عليك ياحاج تخليك فى مراتك ومشاعرك الفياضه دى وتسيبنى أشوف مستقبل البنت
غسق :طنط أسماء أنا رسمت بيت كبير
أسماء :قلبى البنت باظت بصى ياغسق الحاجات دى مبتأكلش عيش ياحبيبتى
تعالى أنصحك ولا أعلمك تهزيلك هزتين أى حاجه
مليكه بصدمه :بنتى لاااا
أسماء :خلوها تسكت هاكلها انتى طيبه خلينى أنصح البت اول درس ياحبيبتى هعلمهولك وانتى فى الحضانه
غسق :قصدك النرسرى ياطنط
أسماء :اولا ممنوع طنط دى تقولى أيه سوسو ثانيا وده الأهم أسمها حضانه بلاش عوجت الللسان دى ثالثا وهو مهم بردك لو عيل فى الحضانه قرب منك بتعملى إيه
غسق ببرأه :ببوسه فى خده
أسماء:العارررررر لازم أخلاقك تبوظ طول مانتى شايفه المحن ده سيبك من كل ده الواد الى يقرب منك بالبوكس علطول وتقوليلوه نعم يادلعدى فهمتى
غسق :دلعدى
أميره بضحك :غسق اطلعى كملى رسم
بيسان :ارحمى خلصتى الكبار ومعدش غير غسق
مليكه :أنا مازن صعبان عليا ربنا معاه
أسماء :والله أنا ثروه قوميه ومش مقدرين قيمتى
كامل :نصيبه قوميه
أسماء :ياله مشاوى بقا ياسموره ياله نبدأ هطلع أنا وبيسو نظبط المكان بره على مانتو تحصلونا ببقيت الحاجات
وبالفعل خرجت أسماء ومعها بيسان وبدأ فى تجهيز المكان ولكن تأتى الرياح بمالاتشتهى السفن وجدو الرصاص ينهال من كل مكان والرس التى أتت بيهم ميرال يسقطون واحد بعد واحد وكل شخص إختبئ فى مكان داخل القصر وقامو بالأتصال بميرال والشباب ولكنهم نسو أن أسماء وبيسان فى الخارج دخل رجال أحمد ألى الجنينه بعد ماقامو بتصفية جميع الحرس وجدو أسماء امامهم
احد الرجال :والله وفرتى علينا كتير هاتوها مش محتاجين ندخل جوه
أسماء وهى تمثل القوه :شوف عرفت أنكم جاين طلعت أنتظركم والله قلبى كان حاسس بيكم قلب الأم بقا ولمح أحد الرجال بيسان فى أحد الأركان :هاتوها الباشا عايزها هى كمان فقام بجلبها
أسماء :مش عايزين أبا الحاج كمان بالمره
خرجو جميعا من القصر عندما شاهدو الرجال وهى تأخذ أسماء وبيسان
قام الرجال بوضع السلاح على رأس بيسان وأسماء :ألى هيقرب هموتهم
أسماء بإستنكار :تموت مين خش ياعصام جوه أنتا والبنات مشوار صغير مع البيه ومش هنتأخر ياله ياخويا وهاتلى شنطة الاكل الى جوه ياعصام الناس دى شكلها هتجوعنى
عصام :بس ياحيوانه أبعد عن بنتى ألى هيقرب منها هموته
أسماء :ياخويا ألا مشوفت فى أيدك سكينه ولا حاجه جاى تدافع بقلبك خدى جوزك وخشى ياصفصف وأنتا ياكابتن هتخطف ولا ترجعنى مكانى انا ست حامل ومش وش البهدلهةدى
بيسان وهى تبكى :أرجوك سيبنى
أسماء لأحد الرجال :البت دى مش وش خطف سيبوها هتوجع دماغكم
قام الرجال بسحبهم للخارج
أسماء بصوت عالى :قول لمازن ياعصام إنى بحبه وخليه يفتح الاب توب بتاعى سيباله رساله عليه أخذهم الرجال ورحلو
ميرال بغضب وهى تقود السياره بأقصى سرعه :الكلب يارب عيلتى يارب وقامت بالاتصال باأحدهم
ولحق بيها الشباب الى القصر وجدوهم يجلسون والبنات تبكى وعصام يضع رأسه أرضا ولا يفعل شئ وكذالك كامل
مازن بصدمه :فين أسماء فين مراتى وذهب إلى عصام والجميع فين مراتى
توفيق بحزن :خطفوها قدام عنينا هى وبيسان
شادى بصدمه :بيسان مراتى أكيد بتهزرو
بيساااان
معاذ بوجع :بيسان أختى
ميرال بوجع مماثل :والله لهخليه يندم
مازن:أنا مش هسكت انا رايح أجيب مراتى وأختى مش هستنى لما الكلب ده يأذيهم
شادى بغضب وحزن :وأنا جاى معاك
ميرال بغصب:مراتك هترجع هى وبيسان والكلب ده لازم اخلص عليه
ياسين :كلنا لازم نخلص عليه تار وبايت ومش هينفع نسيبه كده
أدهم بغضب من هذا الشخص :الكلب ده دخل القصر وأتجرأ وخطف البنات وأستغل عدم وجودنا لازم يتأدب
ميرال بتفكير :ثوانى ومكانه هيبقا عندى وفى طقم حراسه هيوصل دلوقتى علشان بقيت العيله
مازن :وأنا مش هستنى الدقايق دى ياميرال ميراتى لازم تبقا هنا مراتى حامل ومش هتستحمل كل ده
لم ينتبهو جميعا لعدم وجود عمار كان داخل القصر يأتى بسلاحه
عمار وهو يعمر سلاحه :وأنا مش هستنى حد يقرب من أختى
وجدت ميرال هاتف يعلن عن وجود متصل أشارت لهم بالسكوت
اخبرها الشخص مكان أحمد
رحلت مع الشباب وإنضم لهم حسام بعدما أتأكدت من الحراسه على القصر
عند أسماء وبيسان
كانت بيسان تبكى وأسماء تقوم بتهدأتها :بيسان متخافيش ميرال مش هتسيبنا أوعى تخافى محدش هيسمح أنننا نتإذى
بيسان وهى تحاول وقف البكاء :نفسى أبقى زيك مخافش من حاجه
أسماء بتمثيل القوه :ياختى هخاف من أيه سيبك انا بس الى مضيقين حفلة المشاوى الى متعملتش وأنا جعانه والناس دى شكلها بخيله محدش عبرنا بشويه مايه ايه الخدمه الزفت
بيسان وقد اوقفت البكاء :فعلا انا جعانه ومحدش عبرنا ولا حد جالنا وجبلنا تليفون ويقولى خدى كلمى جوزك ويقعد يطمنى ويقولى متخافيش
أسماء :طموحه قوى انا بس عايزهم يجبولنا أكل
وفجاه وجدو احد الرجال يقمون بفتح الباب
أسماء وهى تنظر له :قبل ماتكلم وتقول حاجه انا قلبى شايل ومعبى منك فين الأكل ها فين الأكل طب انا ست حامل زى مانتا شايف مفيش سرير ارتاح عليه تعبت من الخطف طب بلاش كده مفيش عصير ابل ريقى ياخويا لو جوزى رجعنى دلوقتى وسألنى كالتى ولا لأ اقولوه أيه
الرجل بفم مفتوح:ها
أسماء وهى تشرح له:يعنى دلوقتى زى مابقولك لو جوزى جيه وخلصنى منكم وسألنى ياسوسو اكلتى اقولوه أيه مأكلتش شكلكو هيبقا أيه قدام عصابات الخطف أنا بتكلم كده مش لأجلى ده علشان منظركم ولو عجبنى الخطف هخليكو تخطفونى تلات وخميس
بيسان وهى تجارى أسماء فى الكلام :انا عايزه شاورما وبطاطس وشويبس اناناس ركز معايا اناناس ولو أبن ناس بقا وعصابه محترمه تجبولى كوكتيل فواكه من الغالى متسترخصش بس
الرجل بصدمه :هو إنتو جاين فندق
أسماء :انا زعلت منك كده الا قولى أسمك أيه
الرجل :عنتر
أسماء :ياعنتر ياخويا انا بتكلم لمصلحتك دلوقتى لو مكلناش هنقعد نعيط ونتشحتف ونتعب ونصدعك وتبعت تجيب دكتور يعالجنا وتديله فلوس كتير علشان ميقولش لحد على مكانا انا بقا طالبه اكل بس وبعدين انتو الغلطانين انا كنت مجهزه شنطة أكل وانتا مخلتنيش أجبها ولا اجيب فلوس كنت وفرت عليكم كل ده
عنتر :هو أنتى كده أزاى يخربيت دماغك
أسماء:هنقبح ولا أيه إمشى اخرج بره وقتك خلص وخد الباب فى أيدك
رحل عنتر وهو يضرب كف على كف
وذهب ألى أحمد :ياباشا هى البنات الى تحت دول مجانين انا مش مصدق نفسى دى بنات مخطوفه وألى بيفكرو فيه الأكل بس
احمد بضحك :اخيرا يااسماء هاتلهم أكل ياعنتر
ترك احمد عنتر ونزل أليهم وذهب عنتر لجلب الطعام
دخل أحمد الغرفه :أسماء الجيار بنفسها هنا
أسماء:شوفت الزمن بس متقلقش شويه وميرال هتلاقينا
أحمد بحقد :مش هتلاقيكم وأنتى هتفضل هنا قدام عينى ومش هسيبك أنا محبتش غيرك
أسماء :وأنا بحب جوزى إنتا مش واخد بالك أنا حامل ياأحمد فى إبن مازن وبحبه وأنتا شخص مريض وجبان كل الى تقدر تعمله تخطفنى بس جوزى وميرال وأهلى مش هيسكتو وهيلاقونى ياأحمد
أحمد بزعيق :لا مش هيلاقوكى وهتفضلى معايا أنا بحبك ونزل لمستواها وأمسكها من حجابها :أنا هعيشك ملكه وهغرقك بالفلوس وهعمل ألى تطلبيه
أسماء بتحدى واضح فى نظرتها :بحبه وهيلاقينى وهعيش معاه وهنربى أبننا مع بعض بحب وميرال هتدمرك ومكانك اكيد ميرال عرفته ودقايق ونلاقيها قدامنا ياأحمد وهفرح وهيا بتخلص عليك وبعدين تارك معايا جايب بيسان ليه
أحمد وهو ينظر لبيسان :واحد من رجال الأعمال عجبته طلب مينى أخطفها قولت أحرق قلب ميرال عليها هى وشادى وأستفاد بالفلوس ضربت عصفورين بحجر
أسماء وهى تبصق فى الأرض :قذر وزباله وهتموت وانتا لو حدك
أخذ يكسر كل ماحوله وأخذ أسماء وذهب
وصلت ميرال والباقيه إلى المكان وأخذو يضربون من حولهم بلارحمه ومازن يضرب وهو مغيب يريد الوصول ألى أسماء والإطمئنان عليها دخلو يبحثون جميعا عنهم أخبر احد الرجال احمد فاأخذ أسماء ورحل وظلت هى تصرخ ولم يسمعها أحد سوى قلبه الذى شعر ببعدها عنه
سلك احمد طريق الغابه ورحل باأسماء بعيد عنهم دخل مازن ولم يجد سوى بيسان
مازن: بيسان إنتى بخير فين أسماء
بيسان :أنا بخير روح شوف أسماء الكلب احمد خادها ألحقها يامازن ارجوك الحق اسماء وقف ينظر بشرود وصدمه ذهبو جميعا الى مازن وبيسان
حضن شادى زوجته :فين اسماء
ميرال :انطقو فين اسماء
مازن بوجع :الكلب خدها
عمار بزعيق :ومستنى إيه ياله نلحقه
رحل عمار وميرال وأدهم ومازن وياسين يبحثون فى الغابه عنهم وظل حسام مع شادى يقتلون ماتبقى من رجال أحمد
بعد فتره من البحث لم يجدو أحمد ولا أسماء
جلس مازن على الأرض وبكى بحسره وصوت عالى :أسمااااااااااااء
سمعت صوته فهو قريب منها جدااا ولكن هناك مخبئ سرى تحت الأرض وضعها فيه أحمد ولكن لم تستطيع الكلام فوضع أحمد شئ على فمها
بكت أسماء ليس خوف من أحمد ولكن خوف على مازن فصوته يحمل وجع وحسره وألم شديد
كانت ستجن أين ذهب باأسماء ولكن لن تمرر له كل ذلك سوف تبحث عنه وتريه من هى ميرال الجمال
ميرال :مازن هنلاقيها متعملش كده فى نفسك
مازن بوجع :مراتى وإبنى ياميرال مع الكلب أحمد
ميرال :زى ماعرفت مكانه ده هعرف مكانه التانى وأسماء هنلاقيها قوم نفكر
مازن بوجع :أنا مش همشى من هنا ألا أما ألاقى مراتى
ميرال بزعيق :قوم نفكر وندور عليها
أوقفه عمار وحاول أظهار القوه والوقوف بثمود :أختى قويه وإنتا قوى هنلاقيها بس مش عايزك تقع محتاجينك معانا علشان تلاقى مراتك وحبك لازم تفكر وتدور عليها
لاينكر مازن انه رأى نظرات خوف وحزن فى أعين عمار ولكن كلامه شجع مازن رحلو من هذا المكان وظل أشخاص يبحثون على أحمد فى كل مكان
إرسال تعليق
يسعدنا تلقي اقتراحاتك أو تعليقك هنا