-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية غيوم الشمس بقلم أطياف راحلة - الفصل العشرون

مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة للكاتبة الجديدة أطياف راحلة ؛ وسنقدم لها اليوم الفصل العشرون من رواية غيوم الشمس بقلم أطياف راحلة هذه القصة مليئة بالعديد من الأحداث والعداوة فى قرية من قرى صعيد مصر .

رواية غيوم الشمس بقلم أطياف راحلة - الفصل العشرون

إقرأ أيضا: قصص قبل النوم 
رواية غيوم الشمس بقلم أطياف راحلة

رواية غيوم الشمس بقلم أطياف راحلة - الفصل العشرون

 تغيبي ولا يغيب طيفك عني لحظه فمازلتي تسكنين القلب وتعانقين الروح مازالت رائحه عطرك تملا انفاسي رحلتي انتي ولم يرحل عن البال حبك. لماذا كل ها البعد فلم يزيدني البعد الا عشقا لك.


ايه ياحاجه فيه ايه حد يفتح الباب علي حد كده ويدخل من غير استئذان مش تخبطي طيب.

عزيزه // انا حره ياعنيه بيتي وادخل واخرج فيه كيف ما انا عايز ه وادخل اي مكان فيه براحتي الدور والباجي بجي علي قعدتهم طولت فيه بدون داعي لا وايه كمان عايشين مبرطعين في البيت وبينخوروا ويخربوا فيه شفتيش ناس بالبجاحه دي.

ناديه // قصدك ايه ياحاجه انتي بتوجهي الكلام دا لمين.

عزيزه // قصدي اللي فهمتيه ياجلب عنيه والكلامةمتوجه ليكي ولبناتك وكفايه بجي لحد اكده عايزه ايه يحصل تاني بعد اللي حوصل.

داليا // لا انا مسمحلكيش تكلمينا بالطريقه دي انا هقول لخالتي.

عزيزه // انتي مين انتي عشان تسمحي ولامتسمحيش اوعي يابت تكوني فكرتي نفسك حاجه ولا فاكره نفسك عشان خليتي الخايبه تسيب البيت وتمشي فاكره نفسك عتعرفي تلفي علي وضاح دا بعدك طول ما انا عايشه دا مش عيوحصل وضاح بيحب شمس وعمره ماعيجوز غيرها اه زعلانين من بعض بس عترجع تاني وعيبجوا زي السمنه علي عسل والفيلم اللي انتي عملتيه ولا عيبجاله اي لازمه وكل اللي عتخططي ليه انتي وامك ولاعمرك عتنوليه عتلاجوني دايما واجفه في وشكم.

ناديه // انتي بتقولي ايه ياحاجه وتخطيط ايه اللي احنا بنخططه عيب ياحاجه دا احنا برده ضيوف عندكم ميصحش الكلام اللي بتقوليه.


عزيزه // وانتي بجي اللي عتعلميني ايه اللي يصوح وايه اللي ميصوحش واللهي صحيح ياولاد اللي اختشوا ماتوا الله في سماه طول ما انا عايشه اللي في دماغوا ده لا عيحصل ولا يكون شوفوا حد تاني غير وضاح ارموا بلاكم عليه هو انتوا ايه مبتحسوش انا مشفتش اكده عمري هو الجواز بالعافيه ايه ده.

داليا // لا دا انتي زودتيها خالتي لازم تيجي تشوف حل معاكي والا والله ماهنقعد في البيت ده دقيقه واحده.


عزيزه // ههههههه ومين اصلا عايزك تقعدي في البيت انتوا غير مرغوب فيكم علي راي المثل يابخت من زار وخفف وانتوا بجالك شهور جاعدين ومبرطعين اهنه لا وبعد دا كله بتخربوا في البيت كمان.

ناديه // كتر الف خيرك يابنت الاصول بعد الاهانه احنا لايمكن يكون لينا قعاد هنا.

عزيزه // مع الف سلامه شرفتوا وانستوا وكفايه لحد اكده اللي شفناه منيكم.

داليا // استني ياماما انتي هما مين اللي معدش ليهم قعاد هنا البيت دا بيت خالتي وولادها واللي مش عاجبه هو اللي يمشي.

عزيزه // هو مين اللي يمشي ياغندوره انا مش خالتك دي برده اللي انتي خربتي بيت ولدها وطفشتي مرته من البيت بصي ياشاطره البيت ده بيتي وبيت ولا د اخوي ومرته واني هنا كبيره البيت وانا اللي اجول مين اللي يمشي ومين اللي بجعد فيه وانا هعرفك كويش مين هيه عزيزه وانها لما تجول كلمه تمشي علي الكل وانتي وامك اولهم وسعي اكده عشان مفضيلكيش وريا شغل مهم.

ناديه //اختك الهبله طلع عندها حق الوليه طول ماهي هنا عمرنا مهنفذ اللي احنا عايزينه.

داليا // سيبك ياماما بلاعزيزه بلا غيره العقبه الكبيره اللي كانت واقفه في طريقي خلاص انزاحت شمس هي اكبر عقبه عزيزه دي عدنان ووضاح لايمكن هيسبوها تمشينا زي ماحصل المره اللي فاتت فماتشغليش بالك بكلامها سبيها تهاتي هي محروقه عشان ست شمس حبيبتها المهم عندي دلوقت وضاح يكتب عليا ساعتها مش هيهمني اي حد.


ناديه //امتي بس دي يحصل ونرتاح من البهدله اللي احنا فيها دي العقربه دي مورهاش غيرنا كل شويه تيجي تبهدل فينا وتمسح بكرامتنا الارض.


داليا // اصبري ياما وحياتك عندي لادفعها تمن اللي بتعمله فينا ده غالي قوي ولاطلعها هي من البيت ده زي ماهي عايزه تطلعنا بكره تشوفي بنتك هتعمل ايه.


عتخرف تجول ايه انت انا مصدقت ان احنا لجينا البت وجبتها علطول عشان نخلصوا الموضوع المغفلج ده ونفتحوا المجبره ونطلعوا اللي فيها وكنت عامل حسابي ان الليله دي كلها عتخلص في يومين وننفضوا منيها.


عياد// طول بالك ياسعفان بيه مهواش سلج بيض يومين ايه معنجدروش نفتحوا المجبره غير لما الجمريكتمل يعني يوم النص من الشهر الهجري دي معروفه يعني مش جديده.


سعفان // بس انتي مفهمتنيش كده وبعدين دي اول مجبره نعملوا فيها كده ياما فتحنامجابر جبل كده وانت عارف ومكنتش بتحتاج منينا ولادم واي حاجه.


عياد // عشان المجبره دي غير وفي جانون الفراعنه كل ماكانت المجبره بتحوي كنوز كتيره وكان صاحبها من الملوك الكبار عنديهم اومن الالهه بتبجي متامنه كويس جدا والتامين ده ده بيكون عن طريق تسخير الجان علي المجابر دي لتامينها وحمايتها من اللصوص ولولا اكده مكنش زمان المجابر دي موجوده لحد دلوكيت كان زمانها اتنهبت واتسرجت من سنين زي اللي جبليها.


سعفان // طيب بس يعني مفيش اي حل غير دم العروسه دي شوف اي حل تاني لو حتي عيكلفنا ملايين انا موافج بدل مانضحي بالبت دي انا خايف الدنيا كلها تتجلب علينا بسبب اكده.

عياد // ياريت يابيه. البهوات اللي زيك ياما فتحوا مجابر في كل مكان زي دي والطلبات دايماكانت بتبجي بدم بني ادمين وماكنوش بيتاخروا لانهم عارفين كويس لما الجن بيطلب اكده بتبجي المجبره فيها ايه وبعدين انت زعلان كده ليه هيه البت كانت من بجيت اهلك دحتي مجطوعه ولا ليها حد يدور عليها ولا حد يسال هي امها واديها سابت البلدكلها وهجت مع هيبه بعد ماجتل جوزها اماجوز البت غلبان بردك يعني لو اتكلم عنرضوه بجرشين وعيجفل خشمه نهائي يعني متشغلش بالك يابيه وسيبها علي الله ان كان ربنا مسهلها احنا هنعجدوها ليه بس.


سعفان // المشكله اني مكنتش عامل حساب موضوع تمام البدر ده فاتصلت بهيبه وجلتله واكيد هيبه فهم الحكايه وفهم انا احنا خاطفين البت عشان اكده.

عياد // طبعا هيبه فاهم الحاجات دي كويس ياما فتح معانا مجابر زي دي اللي منها اضحي فيها بعرسان وعرايس واطفال. بس انت مش عتجول انك معاك فيديو ليه وهو بيجتل عزام متهياجلي مش عيخاطر بنفسه عشان بت مش بته وهو عارف انه لو جه انت ممكن تسلم الفيديو للحكومه وممكن ينجبض عليه اهنه ويبجي اكده خسر كل حاجه.


سعفان // معترفش هيبه كويس هيبه لازم يجي لو مش عشان البت عشان جابر هيبه اتاكد ان جابر في خطر من يوم موافج ان عربياته عتشتغل معانا وكمان فيه سبب تاني رئيسه معتسبش بتها تموت ولازم تاجي وهو معيسبهاش تاجي لوحدها ااحب بجي ياواد عمي مالهوش كبير وساعات عيخلينا نعمل اللي مكناش نتوقع ان نعمله والحب لم بيتمكن من البني ادم جول عليه العوض.


عياد // بجولك ايه ايه سيب اللي ياجي ياجي واللي عيبجي مش معانا عيبجي علينا والله هيبه جه ورضي بالامر الواجع ورجع عن اللي في دماغه ووافج علي اللي عنعمله هو في الاول والاخر راجلنا واحنا منستغناش عنيه والخير كتير وعيساع الكل مرضيش ونشف دماغه يبجي ادي اله وادي حكمته هو اللي اختار طريجه.


سعفان // تفتكر هيبه ممكن يرجع معانا تاني ونرجع زي الاول دا كا يبجي يوم المني هيبه من الرجاله اللي متتعوضش دماغه تتوزن بالدهب انا خسارتي في هيبه كبيره جوي واتمني انه يرجع يشتغل معايا تاني وكل اللي عيطلبه عيلاجيه.


عياد // اينعم هو من الرجاله اللي متتعوضش بس متبينش ليه انك محتاجه اكده عشان ميتمرعش عليك وبعدين متنساش ان الوحيد اللي معاك دليل ادانته يعني روحه في ايدك وومكن توديه ورا الشمس.


سعفان // بس هو يوافج يرجع وانا موافج علي كل اللي هو عايزه والفيديو ده انا عخفيه ومش عخليله اثر.


عياد // اصبر لما ياجي ونشوف رايه ايه ويايبجي معانا يا يبجي علينا وفي الحاله دي ياروح مابعدك روح.


خير ياولدي لجتوها.

وضاح // دورنا في كل كمان ملهاش اثر وسالنا في الصيدليه الدكتوره جالت انها اشترت حاجات ومشيت علطول انا عتجنن عتكون راحت فين.

بلال // فيه حاجه عايز اجولك عليها الخاله رئيسه جالتهالي في التليفون.جالتلي ان مياده اتخطفت وان اللي خطفوها ميعرفوش ربنا.

وضاح // ايييييه!!!!اتخطفت طيب الزاي ومين اللي عيخطفها.

بلال // معرفش ده اللي عيجنني مين اللي عيخطفها وهي عملت ايه عشان تتخطف..

عزيزه // استهدوا بالله بالله كده كل حاجه عتبان.

وضاح // ملهاش غير حل واحد.

بلال//وساكت ليه متجول.

وضاح // نبلغ الحكومه.

بلال // خالتي رئيسه جالتي اني معملش اكده وانها جايه البلد وهي عارفه مكانها.

وضاح // يعني ايه ده يعني ايه عارفه مكانها.

بلال //دا اللي هي جالته واكددت عليا انب مبلغش والا مياده عتتجتل.

وضاح //تتجتل!!!لبه وعشان ايه عملت ايه مياده عشان تتجتل ومين اللي عيجتلها ايه اللي بيحصل انا مش فاهم.

عزيزه // استهدوا بالله ياولادي وخلونا نفكر بالرحه عشان نعرف نوصل لحل وضاح لازم تروح تجول لابوك جابر علي كل اللي حصل.

وضاح // مريحش هناك ياعمه.

عزيزه // وضاح متخلطش الامور في بعضها احنا في ايه ولا في ايه ابوك جابر لازم يعرف باللي حصل ويجولنا هنعمل ايه الموضوع باين عليه كبير جوي.


وضاح // ماشي ياعمه عشوف.

عزيزه // عتشوف ايه جلت عتروح لابوك جابر يعني عتروح انا لساتني متكلمتش معاك معاك في موضوع بس الوجت ميسمحش دلوكيت.

وضاح // حاضر ياغمه عروح واجوله علي كل حاجه.



واللهي العظيم ماتخافي وماعيجرالها حاجه عنوصلوا البلد جبل مايعملوا اي حاجه واصلا معيعملوش حاجه قبل اكتمال الجمر يعني لسه باجي يومين اكون اتصرفت واللهي لوحكمت افديها بحياتي ععمل اكده.


ريئيسه //انا السبب انا اللي ضيعتها دا عقاب ربنا ليا علي كل اللي عملته انا مره خاينه خنت جوزي وخنت بنتي وخنت نفسي وغضبت ربنا وعصيته وعملت جريمه من اكبر الكبائر ربنا عيعاقبني عليها في الدنيا والاخره واتسببت في جتل جوزي وكل ده عشانك وعشان ارضيك مفكرتش ولا لحظه واحد ه في اي حد غير في نفسي.

هيبه // خلاص يارئيسه كل ده عيتصلح وععوضك عن كل حاجه وبتك عرجعهالك صاغ سليم اوعدك بكده انا عمري وعدتك بحاجه ومنفذتهاش احنا غلطنا انا عارف اكده زين بس عنتجوز ونكمل حياتنا مع بعض وعننسي كل اللي فات اوعدك بكده.

رئيسه // خلاص ياهيبه كدا جبرت انا مسيباش بتي تاني لوحتي ايه حوصل كفايانا اللي شفناه واللي لسه عنشوفه.


هيبه //اعجلي يارئيسه كل حاجه عتخلص وعنرجوا ماكان ماكنوا انتي ليكي عليه اني ارجعلك مياده صاغ سليم واسلمها لبلال في ايده وبعد اكده تبجي مهمتنا انتهت علي اكده.


رئيسه // مهمتي انتهت وياك انت ياهيبه فضيناها خلاص انا عفتح بيتي واجعد فيه انا وبتي وجوزها واقضي بجيت عمري استغفر ربنا يمكن ربنا يسامحني ويعفو عني بعد كل اللي عملته.

هيبه // معتكلمش معاكي دلوكيت الا بعد مانخلصوا اللي احنا جايين علشانه بلاش نتكلم في حاجه يالا انزلي وصلنا البلد.


♡♡♡♡♡♡♡♡♡♡♡♡♡♡♡♡

السلام عليكم.

جابر عليكم السلام ورحمة وبركاته ياولدي.

كيفك.

وضاح // الحمد لله يا عمي كيفك انت.

جابر // نحمدوا ربنا علي كل حال ياولدي.

وضاح //كنت جاي عايزك في موضوع ياعمي.

جابر //خير اتفضل ياولدي

وضاح // انت عارف طبعا ان مياده مرت بلال كانت عندينا وعمتي صممت انها تطلع عروسه من عندينا وان هي اللي تشورها اللي حوصل ان مياده طلعت تشتري حاجه من الصيدليه اتخطفت وهي راجعه البيت وانا مش عارف اعمل ايه جلبنا عليها البلد ومش لجينها.

جابر //مين جالك انها اتخطفت مايمكن هي اللي مشيت من نفسها.

وضاح // امها كلمت بلال وجالت انها اتخطفت.

جابر // وامها عرفت منين.

وضاح // معرفش ياعمي والله ولاعارف ايه اللي بيوحصل.

جابر // بس انا عارف كل حاجه ياوضاح وعارف مياده اتخطفت ليه.

وضاح // عتجول ايه ياعمي عارف كل حاجه.

جابر // عارف ياوضاح وعجولك علي كل حاجه بس اللي الاول توعدني ان كل اللي عجوله ليك يفضل سر بيني وبينك ومفيش مخلوج يعرفه.

وضاح// طبعا ياعمي سرك في بير

*********************
إلي هنا ينتهي الفصل العشرون من رواية غيوم الشمس بقلم أطياف راحلة
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة