-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية بنات عمى بقلم آية الرحمن - الفصل الثانى والعشرون

مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية كاملة جديدة للكاتبة آية الرحمن والمليئة بالعديد من الأحداث المثيرة والمتشابكة فى إطار إجتماعى , وموعدنا اليوم علي موقع قصص 26 مع الفصل الثانى والعشرون من رواية بنات عمى بقلم آية الرحمن .

رواية بنات عمى بقلم آية الرحمن - الفصل الثانى والعشرون

اقرأ أيضا : روايات إجتماعية
رواية بنات عمى بقلم آية الرحمن

رواية بنات عمى بقلم آية الرحمن - الفصل الثانى والعشرون

 بعد مرور اسبوع تجلس العائلة علي سفرة فطار اول يوم في رمضان بقصر الصياد

مالك وحور ومكة واشرقت وكريم ومعاذ ومحسن وفايزة ومنيرة وحياة

محسن... كل سنة وانتوا طيبين يعود عليكوا الايام بخير

الكل... اللهم امين

فايزة... حور قومي جيبي عصير المنجا من جوة اصلي نسيتة ف المطبخ

حور.... حاضر ياماما وقامت تجيب العصير

مالك... ماما اما محشي ورق العنب فين

منيرة... يختاااي ف المطبخ نسيتة برضة دلوقتي حور هتجيب العصير وتجبهولك

مكة.... هههههه اي دا التهيس دا من اول يوم صيام بس امال لما تكملوا بقيت الشهر هتعملوا اي

مالك..... خفة يابت انا هروح اجيبة وراح مالك دخل المطبخ وحور طالعة في نفس الوقت خبطوا ف بعض

حور... احم. اسفة يامالك مكنتش اقصد

مالك بخبث وهو يقترب منها.... اممممم وبعدين

حور بأرتباك من قربة... وبعدين اي

مالك.....كملي كلامك قطعتي لية

حور... مالك ابعد خليني اطلع الناس برة كدا غلط

مالك وهو يحاصرهاا... وانا مالي البرة برة هو انا خطفك

حور بأرتباك اكتر.... مالك وسع بقاا الولاد هيعيطوا ابعد بقاا

مالك.... تؤتؤتؤ متقلقيش سيدرا نايمة وماشاء الله عليها زى القتيل وعمر مع كريم يعني انسي انوا يفتكرك اصلا

حور بزهق... عاوز اي يامالك

مالك بحب.... عاوز اعرف القمر زعلان مني لية

حور بسخرية... لا والله مين المفروض يزعل

مالك بجدية.. انا

حور... انتا لية هو انا المتجهلاك ومبيهمنيش امرك

مالك... ايوا ياحور انتي البعدتي الاول وانشغلتي عني وكل مااجي اقعد معاكي او اتكلم معاكي تسبيني لوحدي مبقتيش بتتكلمي معايا زى الاول بقيت بشوفك صدفة شوفتي بقاا لما تبقاا مراتي وبشفها صدفة

حور ببكاء... انا اسفة والله ياحبيبي انا مكنتش اقصد كدا انا بس الولاد شغلوني

بس انتا يامالك بعدت عني بدل ماتقرب مني وتقف جمبي

مالك... لا انا وقفت جمبك بس بعدت عنك شوية عشان اعرفك يعني اي تبقي قريبة مني وفي نفس الوقت بعيدة مفيش وجع اكتر من كدا وعشان تعرفي تحافظى علياا وان كان ع الولاد انا قولتلك من الاول اجبلك مربية تساعدك وانتي مرضتيش

حور بحب.... بس انا مش عاوزة حد يربيهم غيري دول ثمرة حبناا وانا عاوزة اربي ولادي بطرقتي

مالك.... حقك يااقلبي مقلتش حاجة بس مش تنشغلي بيهم وتنسيني انا كدا مش عدك

حور بأبتسامة... اسفة واوعدك انها مش هتكرر تاني

مالك بحب... وانا واثق من كدا

حور... يعني انتا مش زعلان

مالك... عمرى مازعل منك ياحوري انا اقسي عليكي اه لكن ازعل منك او ابطل احبك لا انتي روحي ياحورى

حور وهياا تحتضنة بأشتياق ودموع... يااه يامالك مسمعتهاش منك الكلمة دى من زمان

مالك.... ولا هبطل اسمعهالك يلا بقاا الناس البرة زمنهم فكروا فينا شمال

حور... ههههههههههههه يلا استني انتا مش كنت جاي تاخد المحشي

مالك بخبث.... لا دى كانت حجة عشان اصلحك عشان متفطريش اول يوم رمضان وانتي زعلانة مني

حور بأبتسامة.... بحبك اوي يامالك

مالك... وانا بعشقك ياقلب مالك وطلعوا التنين

كريم بخبث... كل دا بتجيب المحشي لية هو مكنش استوى

مالك بغضب... لا ياظريف كل وانتا ساكت وانتا يااستاذ عمر هتفضل قااعد علي رجله كدا كتير

كريم... اما انك رخم بصحيح انتا مالك بصحبي تف علي بابا ياحبيبي

مالك بغضب... وربي لو قمتلك ياكريم لا هفلغمك مكانك

كريم بخوف مصطنع... الحقني يامعاذ

معاذ وهو يتناول الطعام.... ولا اعرفك

كريم بغيظ... اه ياواطي يندل ياخسيس هياا دي اخره الصحبية

معاذ بضحك.... صحبي ياصحبي ههههههه

كريم.... والله فكرتني اقوم بقاا سي عمر افرجة علي اعلانات رمضا

معاذ.... اعلانات.. الناس تقول مسلسلات رمضان وانتا بتقول اعلانات

كريم... مسلسلات اي ياابوا مسلسلات المبقاش ليها معني دي احنا هنتفرج ع اعلانات البكسرات 😂😂😂😂😂 واعلان ابو صلاح

مالك... قوم يلا خلينا نعرف ناكل

كريم بخبث.... احنا كلنا الدور والباقي ع الكانوا بيسوا المحشي

حور بصت ع الارض بكسوف

مالك بصلها بغيظ... علي فكرة انتي مراتي مش شقطك

محسن... احم. اني هجوم اصلي المغرب

وقام عشان يسيب الشباب علي راحتها ونادية وحياة ومنيرة راحوا قعدوا مع بعض والشباب خرجوا يصلوا والبنات قعدوا يتفرجوا ع التلفزيون ويلعبوا مع عمر وسيدرا

بعد صلاه الطراويح رجع الشباب القصر

واتجمعت العيلة بفرحة مع بعضهاا وقاموا البنات جابوا العصاير والحلويات والفاكهة وقعدوا يتبادلون الحديث

كريم بمكر.. تعرفوا انا جبت معاياا اي

الكل ف نفس واحد. ... اي

كريم بأبتسامة خبث.... لحظة وطلع ع العربية وجاب معاه اكياس ودخل

مالك بصدمة... نهارك اسوح بقاا انتا سبتنا عشان كدا

كريم بثقة.... طبعاا

حور... ايوا كدا دخلتلي انتا ف ملعبي

مالك بغضب.... حووووووور

حور بأحراج... احم. اسفة انا بش مشاعري تفعتنس نحسة الشبسي والكانزى والبن والتسالي دي دي اجمل حاجة

مكة.... والله الحاجات دي اجمل حاجة ف رمضان

اشرقت... يابنتي جو رمضان كله جميييييل فاكرين يابنات لما كنا ف القاهرة كنا بنقضي اول يوم رمضان فين

مكة بضحكة عالية... اسكتي الله يحرقك هتفضحيناا

فايزة بخبث.... اقول انا

حور برجاء.... لا بالله عليكي ياماما

الشباب بصوا لبعضهم بخبث وراحوا قاعدوا جمب فايزة وحصروها مالك من ع اليمين ومعاذ من ع الشمال وكريم قااعد ع الطربيزة قدامها

فايزة بتوتر...ف.فين اي انتوا قااعدين كدا لية

مالك بص وراه لقي منيرة وحياة قاعدين بيتكلموا بعيد والبنات خرجت جنينت القصر ثم نظر الي فايزة بمكر

فايزة... انتا بتبصلي كدا لية يامالك

معاذ... هما كانوا بيروحوا فين ومش عاوزين يقولوا مش مهم هما اشرقت كانت بتروح فين

كريم... ومكة كمان

فايزة.... يلا ياض منك لية بقاا انتوا مقعدني القاعدة دي وعملنلي الحصار دا عشان تعرفوا هما كانوا بيروحوا فين مش قيللكوا حاجة كل واحد مراتة تبقاا تقولة وسعوا كدا وسباتهم وراحت عند حياة ومنيرة

معاذ... مستفدناش حاجة يامعلم سبتنا ومشيت

*_______________*____________*

في حديقة القصر عند البنات

مكة... تفتكروا ماما قلتلهم كنا بنروح فين

اشرقت... هههههههههه دا انا معاذ هيزلني لو عرف

حور.... بثقة عادي يابنتي مفهاش حاجة لو عرفوا يعني مش قصة هياا

اشرقت بغضب.... اسكتي ابت دا اذا كان بابا كان بضحك علينا مبالك هما بقاا الميصدقوا يمسكوا علينا حاجة

حور بمرح.... لا يااختي انا مالك مبمسكش عليا حاجة هو مسيرة يتمسخر عليا قيمت شهرين تلاتة كدا وهينسا

مكة بضحك هسترى....ههههههههه كتر خيرة والله

حور لااشرقت.... يابنتي ماتشيلي البت كويس هتقع منك وهتبقاا للتنا سودة

اشرقت... يعني انتي عاوزة تفهميني انها عمرها ماوقعت قبل كدا

حور... ابدا والله يابنتي هيا فكرت مرة تقع وقتها خدت محاضرة طويله عريض عن الاستهتار وعدم الميؤلية واني بلا فخر ام فاشلة هههه شهادة اعتز بها والله

مكة ....ههههه طبعا مش من مالك الصياد

انقضي اليل في جو عاىلي مملؤ بلفرحة وتجمع العائلة

علي جانب اخر يجلس كريم ومحسن

محسن بضحك شديد.... ياواد هموت مجدرش خلاص

كريم قام قعد جمبة وخده ف حضنة وباس خدة.... بعد الشر عليك يااجمل جد ف الدنيا تعرف ياجدي ان انا اعتبرتك ف مقام ابويا الله يرحمة اما ببقاا مضايق من حاجة باجي عليك ع طول بلاقي الراحة عندك بلاقي حضنك دايماا مستقبلي ونصيحك لياا البجد هياا اساس حياتي

محسن حس بدموع كريم .... مالك ياولدي بتبكي ياكريم جولي ياولدى اي الواجع ومضايجك اكدة

كريم وهو يرتمي بين احضان محسن.... تعبان اوى ياجدي انا اه بضحك وبهزر وعايشها بتفاها بس انا من جوايا جرح كبير اوي جرح بينزف ومبيبطلش كل مااقول خلاص قفلت علية القية بيطلع قدام عيني تااني خايف ياجدي من غدر السنين خايف يحصلي حاجة واسيب مكة لوحدها خايف عليها من غدر الزمن ارجوك ياجدى لو حصلي حاجة تخلي بالك منها الماضي بيعيد نفسة ياجدي والمرادي شكلها بجد ياجدى مش زى كل مره امي ومكة امنتك ياجدي اوعدني انك تاخد بالك منهم...

محسن... تعال ورايا ياكريم

كريم بتنهيدة... حاضر ياجدي اتفضل....

*____________*_________*

في غرفة مالك وحور

مالك بخبث... علي فكره انا عرفت انتوا كنتوا بعملوا اي ف اول يوم رمضان

حور بصدمة.... بجد عرفت

مالك.... اممممم

حور... مصدقش ماما يامالك دي بتهزر مفهاش حاجة يعني اما نروح هايبر ونشتري لب وشبسيات وشوكولاتة وببسي ونتمشي بالعربية او اننا احم. نروح نصلي الطراويح ف الحسين

مالك بضحك شديد... هههههههههههه بس المسكينة مقلتش حاجة انتي القولتي كل حاجة

حور بغضب... كدا يامالك يعني انتا كنت بتجرجرني ف الكلام

مالك وهو يحتضنها من الخلف بأبتسامة... امممممم حاجة زي كدا وبعدين ياحببتي مش كنتوا تاخدوا ابن عمكوا المسكين معاكوا

حور بمشاكسة وهياا تداعب خدودة....حبيبي ياروحي احنا فيهاا تعالي نروح وبستة ف خدة

مالك.... يابت اتهدي بقااا هتشيلينا زنوب اروح انام بقاا ساعتين قبل ماروح الشغل اطفي النور بقاا

حور ..... هههههه حاضر وراحت طفت النور ونام الكل

*__________*_________*

في اليوم التالي

تقف مكة في المطبخ مع الخدم لتجهيز الفطار لعزومة اصدقاء كريم

مكة.... انا مش عاوزة غلط تعملوا كل القولتلكوا علية بحرفية

الخدامة... حاضر ياستي

وبداء الكل ف تجهيز الفطار ومكة راحت لحماتها اوضتهاا لقتها قاعدة وماسكة النصحف بتقرا قرأن

حياه....صدق الله العظيم تعالي ياحببتي كنتي عاوزة اي

مكة... كنت حاية اقولك ان الخدم تحت جهزت كل حاجة زى ماحضرتك طلبتي كفاية كدا ولا هنعمل حاجة تاني

حياة.... ماشي هنزل اشوفهم عملوا اي

مكة.... ماشي وانا هروح اصلي العصر

حياة... طيب ياحببتي روحي

طلعت مكة من غرفة حياة علي غرفتها وحياة راحت ع المطبخ

مكة اتوضت وفردت سجادة الصلا وهتبداء تصلي فونها رن

مكة... السلام عليكم يادكتوره رمضان كريم

الدكتورة... عليكم السلام مدام مكة الله اكرم حببتي انا كنت مكلماكي بخصوص التحليل الجيتي عملتية عشان تأخير الحمل

مكة بتوتر... ايوا ولقيتي سبب التأخير دا اي

الدكتورة.... تأخير ازاي يامدام وانتي بتأخدي حبوب منع الحمل بأنتظام

مكة بصدمة... حبوب منع الحمل انتي متأكدة

الدكتور... مية ف المية

مكة وهياا مازالت علي نفس الحالة .... شكرا لحضرتك

وحدفت التلفون ع الارض وسندت ع الجدار وقعدت ع الارض بصدمة كبيرة.................

*********************
إلي هنا ينتهى الفصل الثانى والعشرون رواية بنات عمى بقلم آية الرحمن
تابع من هنا: جميع فصول رواية الأميرات السبعة بقلم أميرة دخيل
تابع من هنا: جميع فصول رواية جمارة بقلم ريناد يوسف
تابعوا صفحتنا على الفيس بوك للمزيد من روايات رومانسية
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة