مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية للكاتبة المميزة دعاء عبد الرحمن, وموعدنا اليوم علي موقع قصص 26 مع الفصل الثانى عشر من رواية إغتصاب ولكن تحت سقف واحد - بقلم دعاء عبد الرحمن
رواية إغتصاب ولكن تحت سقف واحد - الفصل الثانى عشر
ﺃﻧﻬﻰ ﻳﻮﺳﻒ ﺑﻌﺾ ﺃﻋﻤﺎﻟﻪ ﻭﻧﻈﺮ ﺍﻟﻰ ﺳﺎﻋﺘﺔ ﻓﻮﺟﺪ ﺍﻟﻮﻗﺖ ﻭﻗﺪ ﻗﺎﺭﺏ ﻋﻠﻰ ﺍﻟﻈﻬﻴﺮﺓ ... ﺗﻨﺎﻭﻝ ﻫﺎﺗﻔﻪ ﻭﺃﺗﺼﻞ ﺑﺄﺧﺘﻪ ﻓﺮﺣﻪ ﻭﻃﻠﺐ ﻣﻨﻬﺎ ﺃﻥ ﺗﺤﺎﺩﺙ ﻣﺮﻳﻢ ﻭﺗﺴﺄﻟﻬﺎ ﻋﻠﻰ ﻣﻴﻌﺎﺩ ﺃﻧﺘﻬﺎﺀ ﻣﺤﺎﺿﺮﺍﺗﻬﺎ ﻓﻰ ﺍﻟﻜﻠﻴﻪ ﺩﻭﻥ ﺃﻥ ﺗﺨﺒﺮﻫﺎ ﺍﻥ ﻳﻮﺳﻒ ﻫﻮ ﻣﻦ ﻳﺴﺄﻝ ﻋﻨﻬﺎ .. ﺃﻏﻠﻖ ﺍﻟﺨﻂ ﻭﺃﻧﺘﻈﺮ ﺣﻮﺍﻟﻰ ﻋﺸﺮﺓ ﺩﻗﺎﺋﻖ ﺛﻢ ﻋﺎﻭﺩ ﺍﻻﺗﺼﺎﻝ ﺑﺄﺧﺘﻪ ﻣﺮﺓ ﺃﺧﺮﻯ
: ﺃﻳﻮﻩ ﻳﺎ ﻓﺮﺣﻪ ﻫﺎ ﻗﺎﻟﺘﻠﻚ ﺃﻳﻪ
: ﻗﺎﻟﺘﻠﻰ ﻫﺘﺨﻠﺺ ﻋﻠﻰ ﺍﻟﺴﺎﻋﻪ 3 ﻛﺪﻩ
: ﻣﺎﺷﻰ ﻳﺎ ﻓﺮﺣﻪ ﻣﺘﺸﻜﺮ ﺍﻭﻯ
: ﻳﻮﺳﻒ ... ﻣﻤﻜﻦ ﺃﺳﺄﻟﻚ ﺳﺆﺍﻝ
: ﻻ ﻃﺒﻌﺎ ﻣﺶ ﻣﻤﻜﻦ ﻫﻮ ﺍﻧﺎ ﻓﺎﺿﻴﻠﻚ
: ﻣﺘﺸﻜﺮﺓ ﺍﻭﻯ ﻳﺎﺧﻮﻳﺎ ﻳﺎ ﺣﺒﻴﺒﻰ ﺍﻧﻚ ﻭﺍﻓﻘﺖ .. ﻗﻮﻟﻰ ﺑﻘﻰ ﺍﻧﺖ ﻋﺎﻭﺯ ﺗﻌﺮﻑ ﻣﻌﺎﺩ ﺧﺮﻭﺟﻬﺎ ﻟﻴﻪ ﻭﻣﺶ ﻋﺎﻭﺯﻫﺎ ﺗﻌﺮﻑ ﺍﻥ ﺍﻧﺖ ﺍﻟﻠﻰ ﺑﺘﺴﺄﻝ ﻟﻴﻪ؟
: ﻛﺪﻩ ﺳﺆﺍﻟﻴﻦ ﻳﺎ ﻓﺮﺣﻪ ﻣﺶ ﺳﺆﺍﻝ ﻭﺍﺣﺪ
: ﻣﺶ ﺍﻧﺖ ﻭﺍﻓﻘﺖ ﻋﻠﻰ ﺗﻠﺖ ﺃﺳﺌﻠﺔ
: ﻃﺐ ﺍﻧﺎ ﻫﺠﺎﻭﺑﻚ ﻗﺒﻞ ﻣﺎ ﻳﺒﻘﻮﺍ ﺃﺭﺑﻌﻪ
ﺑﺼﻰ ﻳﺎ ﺳﺘﻰ ﺑﻨﺖ ﻋﻤﻚ ﺯﻋﻠﺖ ﺷﻮﻳﻪ ﺑﺴﺒﺐ ﻫﺰﺍﺭﻯ ﺍﻟﺨﻔﻴﻒ ﺍﻟﻠﻰ ﺍﻧﺘﻰ ﻣﺠﺮﺑﺎﻩ ﻭﻃﻠﻌﺖ ﻋﻴﻠﻪ ﻭﺳﺎﺑﺖ ﺍﻟﺸﻐﻞ ﻭﻣﺸﻴﺖ ﻭﺍﻧﺘﻰ ﻋﺎﺭﻓﻪ ﺍﺑﻮﻛﻰ ﺑﻘﻰ ﻭﺍﻟﻠﻰ ﻋﻤﻠﻪ ﻓﻴﺎ
: ﺍﻣﻤﻤﻤﻤﻤﻤﻢ ... ﻭﺍﻧﺎ ﺍﻗﻮﻝ ﻣﺮﻳﻢ ﻣﺸﻴﺖ ﻣﻦ ﺍﻟﺒﻴﺖ ﻟﻴﻪ ﺍﺗﺎﺭﻳﻚ ﺍﻧﺖ ﺍﻟﻠﻰ ﻃﻔﺸﺘﻬﺎ
: ﻭﺍﻟﻠﻪ ﻣﻨﺎ ﻋﺎﺭﻑ ﻳﺎ ﻓﺮﺣﻪ ﻋﻤﻮﻣﺎ ﺍﺑﻮﻛﻰ ﺻﻤﻢ ﺍﻧﻰ ﺍﻛﻠﻤﻬﺎ ﻭﺍﺧﺎﻟﻴﻬﺎ ﺗﺮﺟﻊ ﺍﻟﺸﻐﻞ ﻋﻠﺸﺎﻥ ﻛﺪﻩ ﻋﺎﻭﺯ ﺍﻗﺎﺑﻠﻬﺎ ﻋﻠﻰ ﺑﺎﺏ ﺍﻟﻜﻠﻴﻪ ﻭﺍﻛﻠﻤﻬﺎ ﻭﺧﺼﻮﺻﺎ ﺍﻧﻬﺎ ﻣﻘﺎﻟﺘﺶ ﻻﺧﻮﺍﺗﻬﺎ ﻋﻠﻰ ﺣﺎﺟﻪ
: ﻭﺍﻟﻠﻪ ﺑﺖ ﺟﺪﻋﻪ
: ﺟﺪﻋﻪ ..... ﻣﺶ ﻛﻔﺎﻳﻪ ﻗﺎﻟﺖ ﻻﺑﻮﻛﻰ ﻭﻣﺴﻜﻨﻰ ﺍﺩﻫﻤﻠﻰ ﻓﻰ ﻋﻈﻤﻰ ... ﻳﻼ ﺑﻘﻰ ﺧﻠﻴﻨﻰ ﺍﺧﻠﺺ ﺍﻟﻠﻰ ﻭﺭﺍﻳﺎ ﻋﻠﺸﺎﻥ ﺍﻟﺤﻖ ﺃﻧﺰﻝ
ﻓﺮﺣﻪ : ﻳﻌﻨﻰ ﺍﻧﺎ ﺍﻟﻠﻰ ﻓﺎﺿﻴﻪ ﻛﻮﻳﺲ ﺍﺻﻼ ﺍﻧﻚ ﻟﺤﻘﺘﻨﻰ ﻗﺒﻞ ﻣﺎ ﺃﻗﻔﻞ ﺍﻟﺘﻠﻴﻔﻮﻥ ﻭ ﺍﺩﺧﻞ ﺍﻟﻤﺤﺎﺿﺮﺓ
""""""""""""""""""""""""""""""""""""""
ﻛﺎﻧﺖ ﻣﺮﻳﻢ ﺗﻘﻒ ﺑﺠﻮﺍﺭ ﺳﻠﻤﻰ ﻓﻰ ﺃﻣﺎﻡ ﺑﻮﺍﺑﺔ ﺍﻟﻜﻠﻴﻪ ﻭﻫﻰ ﺗﺮﻯ ﺍﻻﺧﻴﺮﺓ ﺗﻨﻈﺮ ﺍﻟﻰ ﺳﺎﻋﺘﻬﺎ ﻣﺎ ﺑﻴﻦ ﺍﻟﺤﻴﻦ ﻭﺍﻻﺧﺮ ﻓﻘﺎﻟﺖ ﺑﺎﻫﺘﻤﺎﻡ : ﺍﻳﻪ ﻳﺎ ﺳﻠﻤﻰ ﺍﻧﺘﻰ ﻭﺭﺍﻛﻰ ﻣﻌﺎﺩ ﻭﻻ ﺍﻳﻪ
ﺿﺤﻜﺖ ﺳﻠﻤﻰ ﻓﻰ ﺧﺒﺚ ﻭﻗﺎﻟﺖ : ﻭﻣﺶ ﺍﻯ ﻣﻌﺎﺩ ﻳﺎ ﻣﺮﻳﻢ
ﻣﺮﻳﻢ : ﻣﻴﻦ ﺍﻟﻤﺮﻩ ﺩﻯ
ﺍﺻﻄﻨﻌﺖ ﺳﻠﻤﻰ ﺍﻟﺪﻫﺸﻪ ﻭﻗﺎﻟﺖ : ﻣﻌﻘﻮﻟﻪ ﻣﺘﻌﺮﻓﻴﺶ .... ﺍﻳﻪ ﻫﻮ ﻣﺶ ﺑﺎﻳﻦ ﻋﻠﻴﻪ ﺍﻟﻐﺮﺍﻡ ﻭﻻ ﺍﻳﻪ
ﺍﻭﻣﺎﻝ ﻟﻮ ﻣﻜﻨﺘﻮﺵ ﺳﺎﻛﻨﻴﻦ ﻓﻰ ﺑﻴﺖ ﻭﺍﺣﺪ ﻭﺑﺘﺸﺘﻐﻠﻮﺍ ﻣﻊ ﺑﻌﺾ
ﺗﺴﻤﺮﺕ ﻣﺮﻳﻢ ﻣﻜﺎﻧﻬﺎ ﻭﻗﺎﻟﺖ ﺑﺬﻫﻮﻝ : ﺗﻘﺼﺪﻯ ﻣﻴﻦ ... ﻳﻮﺳﻒ
ﺃﻃﻠﻘﺖ ﺳﻠﻤﻰ ﺿﺤﻜﻪ ﻋﺎﺑﺜﻪ ﻭﻗﺎﻟﺖ : ﻭﻣﺎﻟﻚ ﺍﺗﺨﻀﻴﺘﻰ ﻛﺪﻩ ﻟﻴﻪ ... ﺍﺳﺘﻨﻰ ﺩﻟﻮﻗﺘﻰ ﻫﺘﻌﺮﻓﻴﻪ ﺯﻣﺎﻧﻪ ﺟﺎﻯ
ﺛﻢ ﺃﺷﺎﺭﺕ ﺍﻟﻰ ﺛﻼﺙ ﺷﺒﺎﺏ ﻣﻘﺒﻠﻴﻦ ﻋﻠﻴﻬﻤﺎ ﻭﻧﺎﺩﺗﻬﻢ ﺗﻘﺪﻡ ﺍﻟﺸﺒﺎﺏ ﻣﻨﻬﻤﺎ ﺑﺸﻐﻒ ﻭﻗﺎﻝ ﺍﺣﺪﻫﻢ : ﺍﺯﻳﻚ ﻳﺎ ﻣﺮﻳﻢ ﺑﻘﺎﻟﻚ ﻛﺘﻴﺮ ﻣﺒﺘﺠﻴﺶ ﻛﻨﺘﻰ ﺗﻌﺒﺎﻧﻪ ﻭﻻ ﺍﻳﻪ
: ﻻ ﺍﺑﺪﺍ ﻣﺸﻐﻮﻟﻪ ﺑﺲ ﺷﻮﻳﻪ
: ﻗﺎﻝ ﺁﺧﺮ : ﻣﺎﻟﻚ ﻳﺎ ﻣﺮﻳﻢ ﻣﻀﺎﻳﻘﻪ ﻭﻻ ﺍﻳﻪ
: ﻻ ﻣﻔﻴﺶ ﺣﺎﺟﻪ ﻛﻮﻳﺴﻪ
ﻗﺎﻝ ﺛﺎﻟﺜﻬﻢ ﻣﻮﺟﻬﺎ ﺣﺪﻳﺜﻪ ﺍﻟﻰ ﺳﻠﻤﻰ : ﺍﻳﻪ ﻳﺎ ﻗﻤﺮ ﻣﺎﺷﻴﻪ ﺑﺴﺮﻋﻪ ﻟﻴﻪ ﻛﺪﻩ ﺍﻟﻨﻬﺎﺭﺩﻩ
ﺳﻠﻤﻰ : ﺍﺻﻠﻰ ﻋﻨﺪﻯ ﻣﻌﺎﺩ ﻣﻬﻢ
ﻗﺎﻝ : ﺍﻧﺎ ﻋﺎﺭﻑ ﻣﻮﺍﻋﻴﺪﻙ ﻳﺎ ﺳﻠﻤﻰ ﻭﻃﺒﻌﺎ ﻣﺮﻳﻢ ﺭﺍﻳﺤﻪ ﻣﻌﺎﻛﻰ ﻣﺎ ﺍﻧﺘﻮﺍ ﻣﺒﺘﻔﺎﺭﻗﻮﺵ ﺑﻌﺾ ﺍﺑﺪﺍ
ﻗﺎﻟﺖ ﻣﺮﻳﻢ : ﻗﺼﺪﻙ ﺍﻳﻪ ﻳﻌﻨﻰ
: ﺍﺑﺪﺍ ﻳﺎ ﺳﺘﻰ ﻭﺍﻧﺎ ﻣﺎﻟﻰ ﺍﻟﻠﻪ ﻳﺴﻬﻠﻮﺍ ﺛﻢ ﻏﻤﺰ ﻟﺼﺪﻳﻘﻪ ﻓﻀﺤﻜﺎ ﻭﺿﺤﻜﺖ ﻣﻌﻬﻢ ﺳﻠﻤﻰ ﻭﻫﻰ ﺗﻀﺮﺏ ﺍﺣﺪﻫﻢ ﺑﺨﻔﻪ ﻋﻠﻰ ﻛﺘﻔﻪ ﺣﺘﻰ ﺟﺎﺀ ﻣﻦ ﺧﻔﻬﺎ ﻭﻗﺎﻝ : ﻳﺎ ﺻﺒﺎﺡ ﺍﻟﻔﺮﻓﺸﻪ ﺍﻳﻪ ﺍﻟﻀﺤﻚ ﺍﻟﻠﻰ ﺟﺎﻳﺐ ﻻﺧﺮ ﺍﻟﺪﻧﻴﺎ ﺩﻩ
ﺍﺳﺘﺪﺍﺭﺕ ﻟﻪ ﻭﻗﺎﻟﺖ ﺑﻤﻴﻮﻋﻪ : ﻭﻟﻴﺪ ﺃﺗﺄﺧﺮﺕ ﻛﺪﻩ ﻟﻴﻪ ﺯﻋﻼﻧﻪ ﻣﻨﻚ
ﺻﺎﻓﺤﻬﺎ ﺑﺤﺮﺍﺭﺓ ﻭﻫﻮ ﻳﻘﻮﻝ : ﻣﻘﺪﺭﺵ ﺍﺗﺄﺧﺮ ﻋﻠﻰ ﺍﻟﻘﻤﺮ ﺍﺑﺪﺍ ﻣﻌﺎﺩﻯ ﻣﻈﺒﻮﻁ 3 ﺑﺎﻟﺜﺎﻧﻴﻪ
ﺛﻢ ﻧﻈﺮ ﺍﻟﻰ ﻣﺮﻳﻢ ﻭﺻﺎﻓﺤﻬﺎ ﺑﺎﺑﺘﺴﺎﻣﻪ ﻗﺎﺋﻼ : ﻭﺣﺸﺎﻧﺎ ﻳﺎ ﻣﺮﻳﻢ ﺍﺯﻳﻚ ﻋﺎﻣﻠﻪ ﺍﻳﻪ
ﻻﻧﺖ ﻣﻼﻣﺤﻬﺎ ﻛﺜﻴﺮﺍ ﻓﻬﻰ ﻛﺎﻧﺖ ﺗﻈﻦ ﺍﻥ ﺍﻻﺗﻰ ﻟﺴﻠﻤﻰ ﻫﻮ ﻳﻮﺳﻒ ﻓﺘﻨﻬﺪﺕ ﻓﻰ ﺭﺍﺣﻪ ﻭﻗﺎﻟﺖ : ﺍﻟﺤﻤﺪ ﻟﻠﻪ ﺗﻤﺎﻡ .. ﺍﻳﻪ ﺑﻘﻰ ﺭﺍﻳﺤﻴﻦ ﻓﻴﻦ
: ﻭﻻ ﺣﺎﺟﻪ ﻫﻨﺘﻤﺸﻰ ﺷﻮﻳﻪ ﺗﺤﺒﻰ ﺗﻴﺠﻰ ﻣﻌﺎﻧﺎ
ﻣﺮﻳﻢ : ﻻ ﺷﻜﺮﺍ ﺍﻧﺎ ﻫﺮﻭﺡ ﻋﻠﻰ ﻃﻮﻝ ﻋﻠﺸﺎﻥ ﺍﻳﻤﺎﻥ ﺯﻣﺎﻧﻬﺎ ﺭﺍﺟﻌﻪ ﻣﻦ ﺷﻐﻠﻬﺎ
ﺳﻠﻤﻰ : ﻃﺐ ﻋﻦ ﺍﺫﻧﻚ ﺑﻘﻰ ﻳﺎ ﻣﺮﻳﻮﻣﻪ .. ﺳﻼﻡ ﻳﺎ ﺣﺒﻴﺒﺘﻰ
ﻏﺎﺩﺭﺕ ﺳﻠﻤﻰ ﻣﻊ ﻭﻟﻴﺪ ﻭﺍﺳﺘﻘﻠﺖ ﻣﻌﻪ ﺳﻴﺎﺭﺗﻪ ﻭﺍﻧﻄﻠﻘﺎ ﺍﻟﺘﻔﺘﺖ ﻣﺮﻳﻢ ﻓﻮﺟﺪﺕ ﺯﻣﻼﺋﻬﺎ ﺍﻟﺜﻼﺛﻪ ﻣﺎﻟﺰﺍﻟﻮﺍ ﻭﺍﻓﻘﻴﻦ ﻳﺘﺎﺑﻌﻮﻥ ﻣﺎ ﻳﺤﺪﺙ ﻓﻘﺎﻝ ﺍﺣﺪﻫﻢ : ﺃﺧﺺ ﻋﻠﻴﻪ ﺍﻟﺨﺎﻳﻦ ﻛﺪﻩ ﻣﻴﺠﻴﺒﺶ ﺻﺎﺣﺒﻪ ﻣﻌﺎﻩ
ﻣﺮﻳﻢ ﺑﻌﺪﻡ ﻓﻬﻢ : ﺻﺎﺣﺒﻪ ﻣﻴﻦ ﻫﻮ ﺍﻧﺖ ﺗﻌﺮﻓﻪ
ﻗﺎﻝ : ﻻ ﻣﻌﺮﻓﻮﺵ .. ﺑﻘﻮﻟﻚ ﺍﻳﻪ ﻣﺎﺗﻴﺠﻰ ﻣﻌﺎﻧﺎ ﻣﺎﺩﺍﻡ ﺧﺮﻭﺟﺘﻚ ﺑﺎﻇﺖ ﻛﺪﻩ
ﻣﺮﻳﻢ : ﺍﺟﻰ ﻓﻴﻦ ﻫﻮ ﺩﻩ ﻭﻗﺖ ﻛﺎﻓﺘﺮﻳﺎﺕ
ﺿﺤﻚ ﻫﻮ ﻭﺻﺪﻳﻘﻴﻪ ﻭﻗﺎﻝ : ﻣﻌﻘﻮﻟﻪ ﻛﻞ ﺍﻟﺴﻨﻴﻦ ﺩﻯ ﻣﺼﺎﺣﺒﻪ ﺳﻠﻤﻰ ﻭﻟﺴﻪ ﺃﺧﺮﻙ ﺍﻟﻜﺎﻓﺘﺮﻳﺎ
ﻣﺮﻳﻢ : ﻣﺶ ﻓﺎﻫﻤﻪ ﺣﺎﺟﻪ .. ﺍﻧﺎ ﻣﺼﺪﻋﻪ ﻣﺶ ﻧﻘﺼﺎﻛﻮﺍ ﻳﺎﻻ ﺳﻼﻡ
ﻛﺎﻥ ﻫﻨﺎﻙ ﻣﻦ ﻳﺮﺍﻗﺐ ﻣﺎ ﻳﺤﺪﺙ ﻓﻰ ﺿﻴﻖ ﻭﻫﻮ ﻳﺮﻯ ﻣﺮﻳﻢ ﺗﻘﻒ ﺑﺼﺤﺒﺔ ﺳﻠﻤﻰ ﻭﺛﻼﺛﻪ ﻣﻦ ﺍﻟﺸﺒﺎﺏ ﺛﻢ ﺗﻨﺼﺮﻑ ﺳﻠﻤﻰ ﻣﻊ ﻭﻟﻴﺪ ﻭﺗﻈﻞ ﻣﺮﻳﻢ ﺗﺘﺤﺪﺙ ﻣﻌﻬﻢ ﻭﻫﻢ ﻳﻀﺤﻜﻮﻥ ﻭﻳﻨﻈﺮﻭﻥ ﺍﻟﻴﻬﺎ ﺑﻄﺮﻳﻘﻪ ﻻ ﻳﻔﻬﻤﻬﺎ ﺍﻻ ﺍﻟﺮﺟﺎﻝ .. ﺍﺫﺍ ﻓﻬﻮ ﻟﻢ ﻳﻈﻠﻤﻬﺎ ﻋﻨﺪﻣﺎ ﺷﺎﻫﺪﻫﺎ ﻓﻰ ﺍﻟﻤﺮﻩ ﺍﻻﻭﻟﻰ ﻫﻰ ﺍﺫﻥ ﻣﻌﺘﺎﺩﻩ ﻋﻠﻰ ﺍﻟﻮﻗﻮﻑ ﻣﻌﻬﻢ ﻭﺗﺘﺒﺎﺳﻂ ﻣﻌﻬﻢ ﻓﻰ ﺍﻟﺤﺪﻳﺚ ﻭﻫﻰ ﺍﻳﻀﺎ ﺗﻌﻠﻢ ﺍﻥ ﻫﻨﺎﻙ ﻋﻼﻗﺔ ﻣﺎ ﺑﻴﻦ ﺳﻠﻤﻰ ﻭﻭﻟﻴﺪ ﻭﺗﻮﺍﻓﻖ ﻋﻠﻰ ﺗﺼﺮﻓﺎﺕ ﺻﺪﻳﻘﺘﻬﺎ ﺍﻟﻤﻘﺮﺑﻪ
ﺷﻌﺮ ﺑﻐﻀﺐ ﺷﺪﻳﺪ ﺗﺠﺎﻫﻬﺎ ﻭﺭﻛﺐ ﺳﻴﺎﺭﺗﻪ ﻭﻏﺎﺩﺭ ﺍﻟﻤﻜﺎﻥ ...
""" """"""""""""""""""""""""""""""""""""""""""""""
ﺃﻣﺎ ﻫﻨﺎﻙ ﻭﺃﻣﺎﻡ ﻣﺪﺭﺳﺔ ﺍﻟﺒﻨﺎﺕ ﻛﺎﻧﺖ ﺍﻳﻤﺎﻥ ﺗﺨﺮﺝ ﻣﻦ ﺑﻮﺍﺑﺔ ﺍﻟﻤﺪﺭﺳﻪ ﺑﺼﺤﺒﺔ ﺻﺪﻳﻘﺎﺗﻬﺎ ﻭﻣﺎﻫﻰ ﺍﻻ ﺧﻄﻮﺍﺕ ﻗﻠﻴﻠﻪ ﺣﺘﻰ ﺗﻔﺎﺟﺄﺓ ﺑﻌﺒﺪ ﺍﻟﺮﺣﻤﻦ ﻳﻘﻒ ﺍﻣﺎﻡ ﺑﺎﺏ ﺍﻟﻤﺪﺭﺳﻪ ﻣﺴﺘﻨﺪﺍ ﺍﻟﻰ ﺳﻴﺎﺭﺗﻪ ﻳﻨﺘﻈﺮﻫﺎ
ﻭﻗﻔﺖ ﻟﻠﺤﻈﻪ ﺛﻢ ﺻﺮﻓﺖ ﻧﻈﺮﻫﺎ ﻋﻨﻪ ﻓﻰ ﺿﻴﻖ ﻭﻫﻤﺖ ﺍﻥ ﺗﺬﻫﺐ ﻭﻟﻜﻨﻪ ﺧﻄﻰ ﻧﺤﻮﻫﺎ ﺧﻄﻮﺍﺕ ﺳﺮﻳﻌﻪ ﻭﻭﻗﻒ ﺍﻣﺎﻣﻬﺎ ﻗﺎﺋﻼ : ﻣﻤﻜﻦ ﻛﻠﻤﻪ ﻳﺎ ﺍﻳﻤﺎﻥ
ﻧﻈﺮﺕ ﻟﻪ ﺻﺪﻳﻘﺎﺗﻬﺎ ﻭﻗﺎﻟﺖ ﺍﺣﺪﺍﻫﻦ : ﻣﻴﻦ ﺣﻀﺮﺗﻚ ﻭﺍﺯﺍﻯ ﺗﻘﻒ ﻗﺪﺍﻣﻨﺎ ﻛﺪﻩ
ﺍﺭﺗﺒﻜﺖ ﺍﻳﻤﺎﻥ ﻭﻗﺎﻟﺖ ﻟﻬﻦ : ﺩﻩ ﺍﺑﻦ ﻋﻤﻰ
ﺗﺒﺎﺩﻟﺖ ﺍﻟﺼﺪﻳﻘﺎﺕ ﻧﻈﺮﺍﺕ ﻣﺒﺘﺴﻤﻪ ﻭﻗﺎﻟﺖ ﺍﺣﺪﺍﻫﻦ : ﻃﻴﺐ ﻳﺎ ﺍﻳﻤﺎﻥ ﻫﻨﻤﺸﻰ ﺍﺣﻨﺎ ﺑﻘﻰ
ﺃﺳﺘﻮﻗﻔﺘﻬﻦ ﺍﻳﻤﺎﻥ ﻭﻗﺎﻟﺖ : ﻻ ﻣﺘﻤﺸﻮﺵ ﺍﺳﺘﻨﻮﺍ ..
ﻋﺒﺪ ﺍﻟﺮﺣﻤﻦ ﺑﺤﺮﺝ : ﻣﻤﻜﻦ ﺩﻗﻴﻘﻪ ﻭﺍﺣﺪﻩ ﺑﺲ ﻳﺎ ﺍﻳﻤﺎﻥ ﻭﺑﻌﺪﻳﻦ ﺍﺑﻘﻰ ﺍﻣﺸﻰ ﺑﺮﺍﺣﺘﻚ ﻣﻊ ﺍﺻﺤﺎﺑﻚ ... ﺛﻢ ﺗﺎﺑﻊ ﺑﺮﺟﺎﺀ ... ﻣﻦ ﻓﻀﻠﻚ
ﻗﺎﻟﺖ ﺻﺪﻳﻘﺘﻬﺎ : ﻃﻴﺐ ﻳﺎ ﺍﻳﻤﺎﻥ ﻫﻨﻌﺪﻯ ﺍﻟﺴﻜﻪ ﻭﻫﻨﺴﺘﻨﺎﻛﻰ ﻫﻨﺎﻙ ﻋﻠﺸﺎﻥ ﻧﺮﻛﺐ ﻣﻊ ﺑﻌﺾ
ﺃﻭﻣﺄﺕ ﻟﻬﺎ ﺍﻳﻤﺎﻥ ﻣﻮﺍﻓﻘﺔ ﻟﻬﺎ ﻓﻰ ﺃﺣﺮﺍﺝ
ﺃﺑﺘﺴﻢ ﻋﺒﺪ ﺍﻟﺮﺣﻤﻦ ﻭﻗﺎﻝ : ﻭﺍﺿﺢ ﺍﻧﻚ ﺑﺘﻌﺮﻓﻰ ﺗﺨﺘﺎﺭﻯ ﺍﺻﺤﺎﺑﻚ ﻛﻮﻳﺲ ﻳﺎ ﺍﻳﻤﺎﻥ ﻣﺎﺷﺎﺀ ﺍﻟﻠﻪ ﻛﻠﻬﻢ ﺗﻘﺮﻳﺒﺎ ﺷﺒﻬﻚ ﻓﻰ ﺍﻟﻠﺒﺲ ﻭﺑﺎﻳﻦ ﻋﻠﻴﻬﻢ ﺑﻨﺎﺕ ﻣﺤﺘﺮﻣﻪ .. ﺯﻳﻚ ﺑﺮﺿﻪ
ﻗﺎﻟﺖ ﺑﺄﻗﺘﻀﺎﺏ : ﺷﻜﺮﺍ ..... ﺧﻴﺮ ﺣﻀﺮﺗﻚ ﺟﺎﻯ ﻫﻨﺎ ﻟﻴﻪ
ﻋﺒﺪ ﺍﻟﺮﺣﻤﻦ ﺑﺎﺭﺗﺒﺎﻙ : ﺍﻧﺎ ﻭﺍﻟﻠﻪ ﺣﺎﻭﻟﺖ ﺃﺟﻴﺐ ﻓﺮﺣﻪ ﻣﻌﺎﻳﺎ ﺑﺲ ﺍﺗﻔﻠﻘﺖ ﺍﺗﺼﺎﻻﺕ ﻋﻠﻴﻬﺎ ﻭﺗﻠﻴﻔﻮﻧﻬﺎ ﻣﻘﻔﻮﻝ ...
: ﺑﺮﺿﻪ ﺣﻀﺮﺗﻚ ﻣﻘﻮﻟﺘﺶ ﺟﺎﻯ ﻟﻴﻪ
ﺃﺑﺘﻠﻊ ﺭﻳﻘﻪ ﻓﻰ ﺻﻌﻮﺑﻪ ﻭﻗﺎﻝ : ﺑﺼﻰ ﻳﺎ ﺍﻳﻤﺎﻥ ﺑﺪﻭﻥ ﻣﻘﺪﻣﺎﺕ ﻛﺪﻩ ..... ﺃﻧﺎ ﺁﺳﻒ
ﻧﻈﺮﺕ ﻟﻪ ﻓﻰ ﺻﻤﺖ ﻓﺄﻛﻤﻞ : ﻭﺍﻟﻠﻪ ﻣﺎ ﺍﻧﺘﻰ ﺍﻟﻤﻘﺼﻮﺩﻩ .. ﻏﺼﺐ ﻋﻨﻰ ﻛﻨﺖ ﻏﻀﺒﺎﻥ ﺍﻭﻯ ﻭﻣﺸﻮﻓﺘﺶ ﻗﺪﺍﻣﻰ ..... ﺟﺎﺕ ﻓﻴﻜﻰ ﻳﺎ ﺑﻨﺖ ﻋﻤﻰ .. ﺳﺎﻣﺤﻴﻨﻰ
ﻗﺎﻟﺖ ﺩﻭﻥ ﺍﻥ ﺗﻨﻈﺮ ﺍﻟﻴﻪ : ﻻ ﺍﻧﺖ ﻣﺶ ﻏﻠﻄﺎﻥ ﺍﻧﺖ ﻣﻌﺎﻙ ﺣﻖ ﺩﻯ ﺧﺼﻮﺻﻴﺎﺗﻚ ﻭﺩﻩ ﺑﻴﺘﻚ ﻭﺍﻧﺖ ﺣﺮ ﻓﻴﻪ ﻭﺍﻧﺎ ﻭﺿﻌﻰ ﻛﻀﻴﻔﻪ ﺍﻟﻤﻔﺮﻭﺽ ﻣﻜﻨﺘﺶ ﺍﺩﺧﻞ ﻓﻰ ﺍﻟﻠﻰ ﻣﺎﻟﻴﺶ ﻓﻴﻪ
ﻗﺎﻝ ﺑﺄﺳﻒ : ﻻ ﻳﺎ ﺍﻳﻤﺎﻥ ﺍﻧﺘﻰ ﻣﺶ ﺿﻴﻔﻪ ﺩﻩ ﺑﻴﺘﻚ ﻗﺒﻞ ﻣﺎ ﻳﺒﻘﻰ ﺑﻴﺘﻰ .... ﻳﻌﻨﻰ ﺍﻧﺎ ﻟﻤﺎ ﺍﺯﻋﻠﻚ ﺗﻘﻮﻟﻴﻠﻰ ﺍﻣﺸﻰ ﺍﻃﻠﻊ ﺑﺮﻩ ﻣﺶ ﻋﺎﻭﺯﻩ ﺍﺷﻮﻓﻚ ﻫﻨﺎ ﺗﺎﻧﻰ .... ﻣﺶ ﺗﺎﺧﺪﻯ ﻫﺪﻭﻣﻚ ﻭﺗﻤﺸﻰ .. ﻛﺪﻩ ﻳﻨﻔﻊ؟
ﺍﻳﻤﺎﻥ : ﻟﻮ ﺳﻤﺤﺖ ﺳﺒﻨﻰ ﺍﻣﺸﻰ ﺍﺻﺤﺎﺑﻰ ﻭﺍﻓﻘﻴﻦ ﻟﻮﺣﺪﻫﻢ ﻓﻰ ﺍﻟﺸﺎﺭﻉ ﻭﻛﺪﻩ ﻣﻴﻨﻔﻌﺶ .. ﻭﺍﺻﻼ ﻭﺍﻗﻔﺘﻨﺎ ﺩﻯ ﻏﻠﻂ
: ﻣﺶ ﻫﺴﻴﺒﻚ ﺗﻤﺸﻰ ﻏﻴﺮ ﻟﻤﺎ ﺗﺴﺎﻣﺤﻴﻨﻰ .. ﺳﺎﻣﺤﻲﻧﻰ ﺑﻘﻰ ﺩﻩ ﺍﻟﻤﺴﺎﻣﺢ ﻛﺮﻳﻢ ﺃﻭ ﻣﻬﻨﺪ ﻋﻠﻰ ﺣﺴﺐ
ﻧﻈﺮﺕ ﻟﻪ ﺑﺘﺴﺎﺋﻞ ﻓﻘﺎﻝ ﺑﺴﺮﻋﻪ ﻣﺘﺨﺪﻳﺶ ﻓﻰ ﺑﺎﻟﻚ .. ﻫﺎ ﻗﻮﻟﻴﻠﻰ ﺑﻘﻰ ... ﻫﺘﺮﺟﻌﻰ ﺍﻟﺒﻴﺖ ﺍﻣﺘﻰ
: ﻳﻮﻣﻴﻦ ﻛﺪﻩ ﺍﺭﻳﺢ ﺍﻋﺼﺎﺑﻰ ﻣﻦ ﺍﻟﻠﻰ ﺣﺼﻞ
: ﺑﺴﻴﻄﻪ ﺍﻟﻴﻮﻣﻴﻦ ﻋﺪﻭﺍ ﺧﻼﺹ
: ﻻ ﻳﻮﻣﻴﻦ ﻛﻤﺎﻥ ﻛﺪﻩ
ﻗﺎﻝ ﻣﺪﺍﻋﺒﺎ : ﻻ ﻣﻴﻨﻔﻌﺶ ﺍﻧﺘﻰ ﻗﻠﺘﻰ ﻳﻮﻣﻴﻦ ﻭﺧﻠﺼﻮﺍ ﺧﻼﺹ .... ﻭﺑﻌﺪﻳﻦ ﻳﺮﺿﻴﻜﻰ ﻳﻌﻨﻰ ... ﻣﺎﻣﺎ ﻃﻮﻝ ﺍﻟﻨﻬﺎﺭ ﻣﺶ ﻣﺮﻛﺰﻩ ﻓﻰ ﺷﻐﻞ ﺍﻟﺒﻴﺖ ﻭﻋﻤﺎﻟﻪ ﺗﻘﻮﻝ ﺍﻳﻤﺎﻥ ﺍﻳﻤﺎﻥ ﺍﻳﻤﺎﻥ .... ﺗﻴﺠﻰ ﺗﻄﺒﺦ ﺍﻟﻤﻠﻮﺧﻴﻪ ﺗﻄﻠﻊ ﺑﺎﻣﻴﻪ .. ﻳﺮﺿﻴﻜﻰ ﺍﺑﻮﻳﺎ ﻳﻄﻠﻖ ﺍﻣﻰ ﻭﻧﺘﺸﺮﺩ ﺑﺴﺒﺒﻚ ﺍﻧﺎ ﻭﻳﻮﺳﻒ ﻭﻓﺮﺣﻪ ﻭﺍﻧﺘﻰ ﻋﺎﺭﻓﻪ ﻓﺮﺣﻪ ﺗﻨﻔﻊ ﺗﺒﻘﻰ ﻣﺘﺸﺮﺩﻩ ﺍﺳﺎﺳﺎ
ﻗﺎﻃﻌﺘﻪ ﺍﻳﻤﺎﻥ : ﺧﻼﺹ ﺧﻼﺹ ... ﻛﻞ ﺩﻩ
ﻗﺎﻝ ﺑﺠﺪﻳﻪ : ﻭﺃﻛﺘﺮ ﻭﺍﻟﻠﻪ .... ﺍﻟﺒﻴﺖ ﻭﺣﺶ ﺍﻭﻯ ﻣﻦ ﻏﻴﺮﻙ
ﺻﻤﺘﺖ ﻗﻠﻴﻼ ﻭﺗﺮﺩﺩﺕ ﻫﻞ ﺗﻘﺒﻞ ﺍﻡ ﺗﺮﻓﺾ ﺛﻢ ﻭﺟﺪﺕ ﻧﻔﺴﻬﺎ ﺗﻘﻮﻝ : ﻣﺶ ﻗﻠﺖ ﺩﻗﻴﻘﻪ .. ﻭﺍﻟﺪﻗﻴﻘﻪ ﺑﺘﺎﻋﺘﻚ ﺧﻠﺼﺖ ﻋﻦ ﺍﺫﻧﻚ
ﻓﻮﻗﻒ ﺍﻣﺎﻣﻬﺎ ﻣﺮﻩ ﺍﺧﺮﻯ ﻭﺃﺧﺮﺝ ﺟﻨﻴﻪ ﻣﻌﺪﻥ ﻣﻦ ﺟﻴﺒﻪ ﻭﻗﺪﻣﻪ ﻟﻬﺎ ﻭﻗﺎﻝ : ﻃﺐ ﻣﻤﻜﻦ ﺗﺪﻳﻨﻰ ﻣﺪﻩ ﺗﺎﻧﻴﻪ ... ﺍﺻﻞ ﺍﻟﺨﻂ ﺗﻘﺮﻳﺒﺎ ﻭﺍﻧﺎ ﻓﻰ ﻧﺺ ﺍﻟﻤﻜﺎﻟﻤﻪ
ﺣﺎﻭﻟﺖ ﺍﻥ ﺗﺨﻔﻰ ﺍﺑﺘﺴﺎﻣﺘﻬﺎ ﻭﻫﻰ ﺗﻘﻮﻝ ﺑﺠﺪﻳﻪ : ﻟﻮ ﺳﻤﺤﺖ ﻳﺎ ﻋﺒﺪ ﺍﻟﺮﺣﻤﻦ ﻣﻴﻨﻔﻌﺶ ﻛﺪﻩ ﺳﺒﻨﻰ ﺍﻣﺸﻰ ﺑﻘﻰ
: ﺧﻼﺹ ﻫﺎﺟﻰ ﺑﺎﻟﻠﻴﻞ ﺗﻜﻮﻧﻮﺍ ﺟﻬﺰﺗﻮﺍ ﻧﻔﺴﻜﻮﺍ ﻋﻠﺸﺎﻥ ﺍﺟﻰ ﺍﺧﺪﻛﻮﺍ
: ﻻ ﻣﺶ ﻫﻴﻨﻔﻊ ﺍﻟﻨﻬﺎﺭﺩﻩ
: ﻃﺐ ﺍﻣﺘﻰ ﺣﻀﺮﺗﻚ؟
: ﻣﺶ ﻋﺎﺭﻓﻪ ﻗﻠﺘﻠﻚ ﻳﻮﻣﻴﻦ ﻛﺪﻩ
: ﻳﻌﻨﻰ ﺧﻼﺹ ﻣﺶ ﺯﻋﻼﻧﻪ ﻣﻨﻲ ... ﺻﺎﻓﻰ ﻳﺎ ﻟﺒﻦ
ﺃﺣﻤﺮﺕ ﻭﺟﻨﺘﺎﻫﺎ ﻭﻫﻰ ﺗﺬﻫﺐ ﻣﻦ ﺍﻣﺎﻣﻪ ﻗﺎﺋﻠﻪ : ﺧﻼﺹ
ﻧﻈﺮ ﻟﻬﺎ ﻭﻫﻰ ﺗﻌﺒﺮ ﺍﻟﻄﺮﻳﻖ ﻭﺗﻠﺤﻖ ﺑﺼﺪﻳﻘﺎﺗﻬﺎ ﻓﻘﺎﻝ ﺑﺎﺑﺘﺴﺎﻣﻪ ﻭﻫﻮ ﻳﺮﻛﺐ ﺳﻴﺎﺭﺗﻪ : ﺑﺘﻜﺴﻒ ﺃﻭﻯ
ﺟﻠﺴﺖ ﺍﻳﻤﺎﻥ ﺑﺠﻮﺍﺭ ﺻﺪﻳﻘﺘﻬﺎ ﻓﻰ ﺳﻴﺎﺭﺓ ﺍﻻﺟﺮﻩ ﻓﻤﺎﻟﺖ ﻋﻠﻴﻬﺎ ﻗﺎﺋﻠﺔ ﺑﺨﻔﻮﺕ : ﺑﻘﻰ ﺍﻟﻮﺍﺩ ﺍﻟﻘﻤﺮ ﺩﻩ ﺍﺑﻦ ﻋﻤﻚ ﺣﺴﻴﻦ .. ﺍﻧﺎ ﻟﻮ ﻣﻨﻚ ﻣﺨﺮﺟﺶ ﻣﻦ ﺍﻟﺒﻴﺖ ﺧﺎﺍﺍﺍﺍﺍﺍﺍﺍﻟﺺ
ﻧﻈﺮﺕ ﻟﻬﺎ ﺍﻳﻤﺎﻥ ﻭﻗﺎﻟﺖ ﺑﺼﻮﺕ ﻫﺎﻣﺲ : ﺍﻟﺮﺍﺟﻞ ﻟﺴﻪ ﺑﻴﻘﻮﻝ ﻋﻠﻴﻜﻰ ﺷﻜﻠﻚ ﻣﺤﺘﺮﻡ .. ﻣﻐﺸﻮﺵ ﻳﻌﻴﻨﻰ
ﻭﺿﻌﺖ ﺻﺪﻳﻘﺘﻬﺎ ﻛﻔﻬﺎ ﻋﻠﻰ ﻓﻤﻬﺎ ﻟﺘﻜﺘﻢ ﺿﺤﻜﺘﻬﺎ
""""""""""""""""""""""""""""""""""""""""""""""
ﺟﻠﺴﺖ ﻓﺎﻃﻤﺔ ﺍﻟﻰ ﺯﻭﺟﻬﺎ ﻭﻫﻮ ﻳﻘﺮﺃ ﺍﻟﺠﺮﻳﺪﻩ ﻭﺗﺴﺎﺋﻠﺖ ﻓﻰ ﻓﻀﻮﻝ : ﻣﺘﻌﺮﻓﺶ ﻳﺎ ﺍﺑﺮﺍﻫﻴﻢ ﺍﻟﻮﺍﺩ ﻋﺒﺪ ﺍﻟﺮﺣﻤﻦ ﻓﺴﺦ ﺧﻄﻮﺑﺘﻪ ﻟﻴﻪ
ﻧﻈﺮ ﻟﻬﺎ ﺍﻟﺤﺎﺝ ﺍﺑﺮﺍﻫﻴﻢ ﻓﻰ ﺩﻫﺸﻪ ﻭﻗﺎﻝ : ﻟﺤﻘﺘﻰ ﺗﻌﺮﻓﻰ ﻳﺎ ﻓﺎﻃﻤﺔ
ﻗﺎﻟﺖ ﺑﺜﻘﻪ : ﻃﺒﻌﺎ ﻣﺎ ﺍﻧﺖ ﻋﺎﺭﻑ ﻋﻔﺎﻑ ﻣﺒﺘﺨﺒﻴﺶ ﻋﻠﻴﻬﺎ ﺣﺎﺟﻪ
ﺍﺑﺘﺴﻢ ﻓﻰ ﺳﺨﺮﻳﻪ ﻗﺎﺋﻼ : ﻭﻟﻤﺎ ﻫﻰ ﻣﺒﺘﺨﺒﻴﺶ ﻋﻨﻚ ﺣﺎﺟﻪ ﺟﺎﻳﻪ ﺗﺴﺄﻟﻴﻨﻰ ﻟﻴﻪ
ﻗﺎﻟﺖ ﻓﻰ ﻋﺘﺎﺏ : ﻛﺪﻩ ﺑﺮﺿﻪ ﻳﺎ ﺍﺑﻮ ﻭﻟﻴﺪ ﺑﺘﺘﺮﻳﻖ ﻋﻠﻴﺎ ﻭﺍﻧﺎ ﺍﻟﻠﻰ ﻗﻠﺖ ﺍﻧﻚ ﺍﻧﺖ ﺍﻟﻠﻰ ﻫﺘﻘﻮﻟﻰ ﺍﻟﻤﻔﻴﺪ
ﺯﻓﺮ ﻓﻰ ﺿﻴﻖ ﻭﻗﺎﻝ : ﻋﺎﻭﺯﻩ ﺍﻳﻪ ﻳﺎ ﻓﺎﻃﻤﻪ ﻫﺎﺗﻰ ﻣﻦ ﺍﻻﺧﺮ
: ﻋﺎﻭﺯﻩ ﺍﻋﺮﻑ ﺳﺎﺏ ﺍﻟﺒﺖ ﻫﻨﺪ ﻟﻴﻪ .. ﺃﻛﻴﺪ ﺍﺧﻮﻙ ﺣﻜﺎﻟﻚ
: ﻣﻌﺮﻓﺶ ﻳﺎ ﻓﺎﻃﻤﻪ ... ﻛﻞ ﺍﻟﻠﻰ ﺣﺴﻴﻦ ﻗﺎﻟﻪ ﺃﻧﻬﻢ ﻣﺶ ﻣﺘﻔﻘﻴﻦ .. ﻭﻋﺒﺪ ﺍﻟﺮﺣﻤﻦ ﻛﻤﺎﻥ ﻗﺎﻝ ﻧﻔﺲ ﺍﻟﻜﻼﻡ
ﻭ ﻋﺎﺩ ﻳﻜﻤﻞ ﻗﺮﺍﺋﺘﻪ ﻣﺮﻩ ﺍﺧﺮﻯ ﻭﻫﻮ ﻳﻘﻮﻝ ﻓﻰ ﻧﻔﺴﻪ ... ﺩﻩ ﺃﻧﺘﻰ ﻟﻮ ﺍﺧﺮ ﻭﺍﺣﺪﻩ ﻓﻰ ﺍﻟﺪﻧﻴﺎ ﻣﺶ ﻣﻤﻜﻦ ﺍﻗﻮﻟﻚ ﺍﺑﺪﺍ
ﻫﻤﺖ ﺍﻥ ﺗﻘﻮﻡ ﻭﻟﻜﻨﻬﺎ ﺟﻠﺴﺖ ﻣﺮﻩ ﺍﺧﺮﻯ ﻭﻭﺿﻌﺖ ﻳﺪﻫﺎ ﻋﻠﻰ ﺍﻟﺠﺮﻳﺪﺓ ﻟﺘﻤﻨﻌﻪ ﻣﻦ ﺍﻟﻘﺮﺍﺀﺓ ﻭﻗﺎﻟﺖ : ﺑﻘﻮﻟﻚ ﺍﻳﻪ ﻳﺎ ﺍﺑﻮ ﻭﻟﻴﺪ ﺍﻟﻤﺜﻞ ﺑﻴﻘﻮﻝ ﺃﺧﻄﺐ ﻟﺒﻨﺘﻚ ﻭﻣﺘﺨﻄﺒﺶ ﻻﺑﻨﻚ ﻭﺍﻧﺖ ﻭﺍﺧﻮﻙ ﺭﻭﺣﻜﻮﺍ ﻓﻰ ﺑﻌﺾ ﻭﺍﻛﻴﺪ ﻣﺶ ﻫﻴﺮﻓﻀﻠﻚ ﻃﻠﺐ
ﺍﻟﺘﻔﺖ ﺍﻟﻴﻬﺎ ﺑﺪﻫﺸﻪ ﻗﺎﺋﻼ : ﻗﺼﺪﻙ ﺍﻳﻪ ﻳﺎ ﻓﺎﻃﻤﻪ ﺷﻜﻠﻚ ﺍﺗﺠﻨﻨﺘﻰ ﻋﻠﻰ ﺍﻟﻤﺴﺎ
: ﻟﻴﻪ ﺑﺲ ﻳﺎﺧﻮﻳﺎ ﻫﻤﺎ ﻟﻮ ﻟﻔﻮﺍ ﺍﻟﺒﻠﺪ ﻫﻴﻼﻗﻮﺍ ﺍﺣﻠﻰ ﻣﻦ ﺑﻨﺘﻰ ﻭﻓﺎﺀ
: ﺃﺷﺎﺭ ﻟﻬﺎ ﻣﺤﺬﺭﺍ ﻭﻗﺎﻝ ﺑﺎﻧﻔﻌﺎﻝ : ﺷﻮﻓﻰ ﻳﺎ ﻓﺎﻃﻤﻪ ﻳﻠﻔﻮﺍ ﻣﻴﻠﻔﻮﺵ ﻫﻤﺎ ﺣﺮﻳﻦ ﻟﻮ ﻋﺎﻭﺯﻳﻦ ﺑﻨﺘﻚ ﻫﻤﺎ ﺍﻟﻠﻰ ﻳﻄﻠﺒﻮﻫﺎ ﻣﺶ ﺍﻧﺎ ﺍﻟﻠﻰ ﺍﺭﻭﺡ ﺍﻋﺮﺿﻬﺎ ﻋﻠﻴﻬﻢ ﻭﺍﻳﺎﻛﻰ ﺗﻔﺘﺤﻰ ﺍﻟﻤﻮﺿﻮﻉ ﺩﻩ ﺗﺎﻧﻰ ﻭﻻ ﺗﻠﻤﺤﻰ ﻟﻴﻪ ﺣﺘﻰ .... ﻓﺎﻫﻤﺎﻧﻰ
"""" """""""""""""""""""""""""""""""""""""""""""""" """"""""""
ﻣﻀﻰ ﺍﻟﻴﻮﻣﺎﻥ ﺑﺸﻜﻞ ﻣﻌﺘﺎﺩ ﺍﻻ ﺍﻧﻪ ﻟﻢ ﺗﻨﻘﻄﻊ ﺍﻟﻌﻼﻗﺎﺕ ﺍﻟﻄﻴﺒﻪ ﺑﻴﻦ ﺍﻳﻬﺎﺏ ﻭﻋﺒﺪ ﺍﻟﺮﺣﻤﻦ ﻭﻳﻮﺳﻒ ﻭﺑﻴﻦ ﻓﺮﺣﻪ ﻭ ﻭﺍﻳﻤﺎﻥ ﻭﻣﺮﻳﻢ ﻭﻛﺎﻧﺖ ﻭﻓﺎﺀ ﺗﻄﻤﺌﻦ ﻋﻠﻴﻬﻤﺎ ﺑﻴﻦ ﺍﻟﺤﻴﻦ ﻭﺍﻻﺧﺮ
ﻭﻓﻰ ﻣﺴﺎﺀ ﺍﻟﻴﻮﻡ ﺍﻟﺜﺎﻧﻰ ﻛﺎﻧﺖ ﺍﻳﻤﺎﻥ ﺗﻀﻊ ﺍﻟﻄﻌﺎﻡ ﻋﻠﻰ ﺍﻟﻤﺎﺋﺪﻩ ﺃﺻﺪﺭ ﻫﺎﺗﻔﻬﺎ ﺻﻮﺗﺎ ﻣﻌﻠﻨﺎ ﻋﻦ ﺭﺳﺎﻟﺔ ﺟﺪﻳﺪﻩ .. ﻓﺘﺤﺘﻬﺎ ﻓﻮﺟﺪﺗﻬﺎ ﺭﺳﺎﻟﺔ ﻣﻦ ﻋﺒﺪ ﺍﻟﺮﺣﻤﻦ ﻛﺘﺐ ﻓﻴﻬﺎ ( ﺍﻟﻴﻮﻣﻴﻦ ﺧﻠﺼﻮﺍ ﺃﻛﺘﺮ ﻣﻦ ﻛﺪﻩ ﻫﻀﻄﺮ ﺁﺟﻰ ﺑﻨﻔﺴﻰ .. ﺗﻌﺒﻨﺎ ﻣﻦ ﻛﺘﺮ ﺃﻛﻞ ﺍﻟﺒﺎﻣﻴﻪ ) ﺍﺑﺘﺴﻤﺖ ﻭﺃﺗﻤﻤﺖ ﻭﺿﻊ ﺍﻟﻄﻌﺎﻡ ﻭﻧﺎﺩﺕ ﻋﻠﻰ ﻣﺮﻳﻢ ﻟﺘﺄﻛﻞ ﻣﻌﻬﻢ ﻭﺃﺛﻨﺎﺀ ﻗﻴﺎﻡ ﺍﻳﻬﺎﺏ ﺑﺘﻨﺎﻭﻝ ﻃﻌﺎﻣﻪ ﻗﺎﻝ : ﻣﺶ ﺧﻠﺼﺘﻰ ﺍﻣﺘﺤﺎﻧﺎﺗﻚ ﻳﺎ ﺍﻳﻤﺎﻥ ﻋﻤﺎﻣﻚ ﻛﻞ ﺷﻮﻳﻪ ﻳﻜﻠﻤﻮﻧﻰ
ﺃﺳﺘﺪﺍﺭﺕ ﻟﻪ ﺍﻳﻤﺎﻥ ﻭﻗﺎﻟﺖ ﺑﺠﺪﻳﻪ : ﻫﻤﺎ ﺑﺠﺪ ﻋﺎﻭﺯﻧﺎ ﻧﺮﺟﻊ ﻳﺎ ﺍﻳﻬﺎﺏ ﻭﻻ ﺑﻴﺠﺎﻣﻠﻮﻧﺎ ﺑﺲ
ﺃﺷﺎﺭ ﻟﻬﺎ ﺑﺎﻟﻨﻔﻰ ﻭﻗﺎﻝ : ﻻ ﻳﺎ ﺍﻳﻤﺎﻥ ﻭﺍﻟﻠﻪ ﻛﻠﻬﻢ ﺑﻴﺘﺼﻠﻮﺍ ﺑﺠﺪ ﻛﻞ ﺷﻮﻳﻪ ﻳﺴﺄﻟﻮﺍ ﺩﻩ ﺣﺘﻰ ﻋﺒﺪ ﺍﻟﺮﺣﻤﻦ ﻟﺴﻪ ﻣﻜﻠﻤﻨﻰ ﻗﺒﻞ ﻣﺎ ﺍﺟﻰ ﻭﻗﺎﻟﻰ ﺍﺟﻰ ﺍﺧﺪﻛﻮﺍ ﺩﻟﻮﻗﺘﻰ ﻭﻛﺎﻥ ﻣﺼﻤﻢ ﺍﻭﻯ ... ﻗﻠﺘﻠﻪ ﺍﺳﺘﻨﻰ ﻟﻤﺎ ﺍﺷﻮﻑ ﺍﻟﺒﻨﺎﺕ ﺧﻠﺼﻮﺍ ﺍﻟﻠﻰ ﻭﺭﺍﻫﻢ ﻭﻻ ﻻﺀ
ﺻﻤﺘﺖ ﺍﻳﻤﺎﻥ ﻭﻓﻰ ﺩﺍﺧﻠﻬﺎ ﺗﺸﻌﺮ ﺑﺴﻌﺎﺩﻩ ﻟﺘﺼﻤﻴﻢ ﻋﺒﺪ ﺍﻟﺮﺣﻤﻦ ﻋﻠﻰ ﻋﻮﺩﺗﻬﻢ ﻗﻄﻌﺖ ﺻﻤﺘﻬﺎ ﻣﺮﻳﻢ ﻭﻫﻰ ﺗﺴﺄﻟﻬﺎ : ﻫﺎ ﻳﺎ ﺍﻳﻤﺎﻥ ﻣﺮﺩﺗﻴﺶ ﻳﻌﻨﻰ
ﺍﺑﺘﺴﻤﺖ ﻭﻗﺎﻟﺖ : ﺧﻼﺹ ﻣﺎﺷﻰ ﻧﺮﺟﻊ ﺑﻜﺮﻩ ﺑﻌﺪ ﻣﺎ ﺍﻳﻬﺎﺏ ﻳﺮﺟﻊ ﻣﻦ ﺷﻐﻠﻪ
ﺩﺧﻠﺖ ﻣﺮﻳﻢ ﻏﺮﻓﺘﻬﺎ ﻟﺘﺮﺩ ﻋﻠﻰ ﻫﺎﺗﻔﻬﺎ ﺍﻟﻤﺤﻤﻮﻝ ﺃﻏﻠﻘﺖ ﺑﺎﺏ ﺍﻟﻐﺮﻓﻪ ﺧﻠﻔﻬﺎ ﻭﻫﻰ ﺗﺘﺤﺪﺙ ﺍﻟﻰ ﻭﺍﻟﺪﺗﻬﺎ ... ﻛﺎﻧﺖ ﻣﺮﻳﻢ ﺗﺠﻴﺒﻬﺎ ﺑﻔﺘﻮﺭ ﻭﻋﺪﻡ ﺣﻤﺎﺱ ﻛﻌﺎﺩﺗﻬﺎ ﺷﻌﺮﺕ ﻭﺍﻟﺪﺗﻬﺎ ﺍﻧﻬﺎ ﻟﻴﺴﺖ ﻋﻠﻰ ﻃﺒﻴﻌﺘﻬﺎ ﻓﺴﺄﻟﺘﻬﺎ ﻣﺒﺎﺷﺮﺓ : ﻣﺎﻟﻚ ﻳﺎ ﻣﺮﻳﻢ ﺑﺘﻜﻠﻤﻴﻨﻰ ﻛﺪﻩ ﻛﺄﻧﻚ ﻣﻀﺎﻳﻘﻪ ﺍﻧﻰ ﺑﻜﻠﻤﻚ
: ﻻ ﻳﺎ ﻣﺎﻣﺎ ﻣﻔﻴﺶ ﺣﺎﺟﻪ ﻭﺍﻟﻠﻪ ﺑﺲ ﻣﺮﻫﻘﻪ ﺷﻮﻳﻪ
: ﻃﺐ ﻣﺶ ﻫﺘﻘﻮﻟﻴﻠﻰ ﺳﺒﺘﻰ ﺍﻟﺸﻐﻞ ﻟﻴﻪ
: ﻳﺎ ﻣﺎﻣﺎ ﺍﻟﻤﺤﺎﺿﺮﺍﺕ .. ﻣﻴﻨﻔﻌﺶ ﺍﻏﻴﺐ ﺍﻛﺘﺮ ﻣﻦ ﻛﺪﻩ ﺩﻩ ﺍﺣﻨﺎ ﺧﻼﺹ ﻋﻠﻰ ﺍﺑﻮﺍﺏ ﺍﻣﺘﺤﺎﻧﺎﺕ
ﻗﺎﻟﺖ ﺍﺣﻼﻡ ﺑﻌﺼﺒﻴﻪ : ﻳﺎﺑﻨﺘﻰ ﺍﻣﺘﺤﺎﻧﺎﺕ ﺍﻳﻪ ﻭﺯﻓﺖ ﺍﻳﻪ ﺍﻟﻠﻰ ﺍﻧﺘﻰ ﺑﺘﻌﻤﻠﻴﻪ ﺍﻫﻢ ﻣﻦ ﻣﻠﻴﻮﻥ ﺷﻬﺎﺩﻩ ﻭﻛﻠﻴﻪ ﻭﻳﺎ ﺳﺘﻰ ﻟﻤﺎ ﺗﺒﻘﻰ ﺗﺘﺠﻮﺯﻳﻪ ﺍﺑﻘﻰ ﺍﺭﺟﻌﻰ ﻛﻤﻠﻰ ﺩﺭﺍﺳﺘﻚ ﺗﺎﻧﻰ
: ﻳﺎ ﻣﺎﻣﺎ ﻣﻦ ﻓﻀﻠﻚ ﻛﻔﺎﻳﻪ ﺑﻘﻰ ﺍﻟﻤﻮﺿﻮﻉ ﺩﻩ ﺑﻘﻰ ﻳﺘﻌﺒﻠﻰ ﺍﻋﺼﺎﺑﻰ .. ﻣﻴﻦ ﺩﻩ ﺍﻟﻠﻰ ﻳﺘﺠﻮﺯﻧﻰ ﺩﻩ ﺣﺘﻰ ﻣﺶ ﻃﺎﻳﻖ ﻳﺸﻮﻑ ﻭﺷﻰ
: ﻣﺎﻫﻮ ﻋﻠﺸﺎﻥ ﺍﻧﺘﻰ ﻣﺒﺘﻨﻔﺬﻳﺶ ﺍﻟﻠﻰ ﺑﻘﻮﻟﻚ ﻋﻠﻴﻪ ﺑﺘﺘﺼﺮﻓﻰ ﻣﻦ ﺩﻣﺎﻏﻚ ...
: ﻣﺶ ﻋﺎﻭﺯﻩ ﺍﻧﻔﺬ ﺣﺎﺟﻪ ﺍﺭﺟﻮﻛﻰ ﻳﺎ ﻣﺎﻣﺎ ﻛﻔﺎﻳﻪ
ﺻﺎﺣﺖ ﺃﺣﻼﻡ ﺑﺸﺪﺓ : ﺍﻧﺘﻰ ﺍﺗﺠﻨﻨﺘﻰ ﻳﺎ ﺑﺖ ﻭﻻ ﺍﻳﻪ ﻣﺶ ﻋﺎﻭﺯﻩ ﺗﺮﺟﻌﻰ ﺣﻘﻚ ﻭﺣﻖ ﺍﺧﻮﺍﺗﻚ
ﺍﻧﻬﺎﺭﺕ ﻣﺮﻳﻢ ﻓﻰ ﺍﻟﺒﻜﺎﺀ ﻭﻫﻰ ﺗﻬﺘﻒ ﺑﻮﺍﻟﺪﺗﻬﺎ : ﻣﺶ ﻋﺎﻭﺯﻩ ﺣﺎﺟﻪ ﻧﻔﺴﻴﺘﻰ ﺗﻌﺒﺎﻧﻪ ﻳﺎ ﻣﺎﻣﺎ ﺍﺭﺟﻮﻛﻰ ﻛﻔﺎﻳﻪ ﻗﻄﻌﺖ ﺍﻻﺗﺼﺎﻝ ﻭﺟﻠﺴﺖ ﻋﻠﻰ ﻓﺮﺍﺷﻬﺎ ﻭﻫﻰ ﺗﺒﻜﻰ ﺑﺸﺪﺓ
ﺩﺧﻠﺖ ﺍﻳﻤﺎﻥ ﻓﻮﺟﺪﺗﻬﺎ ﻓﻰ ﻫﺬﻩ ﺍﻟﺤﺎﻟﻪ ﻣﻦ ﺍﻟﺒﻜﺎﺀ ﺍﻟﻤﺘﻮﺍﺻﻞ ﻫﺮﻭﻟﺖ ﺍﻟﻴﻬﺎ ﻓﻰ ﺟﺰﻉ ﻗﺎﺋﻠﻪ : ﻣﺎﻟﻚ ﻳﺎ ﻣﺮﻳﻢ ﻓﻴﻜﻰ ﺍﻳﻪ .. ﻛﻨﺘﻰ ﺑﺘﻜﻠﻤﻰ ﻣﻴﻦ
ﺍﺭﺗﻤﺖ ﻓﻰ ﺣﻀﻦ ﺍﺧﺘﻬﺎ ﻓﻰ ﺍﻧﻬﻴﺎﺭ ﺷﺪﻳﺪ ﻭﻇﻠﺖ ﺗﺒﻜﻰ ﻭﻫﻰ ﺗﻘﺺ ﻋﻠﻴﻬﺎ ﻣﺎﺩﺍﺭ ﺑﻴﻨﻬﺎ ﻭﺑﻴﻦ ﺍﻣﻬﺎ ﻭﻣﺎﺫﺍ ﻛﺎﻧﺖ ﺗﺮﻳﺪ ﻣﻨﻬﺎ ﻓﻌﻠﻪ .. ﺃﺗﺴﻌﺖ ﻋﻴﻨﻴﻬﺎ ﻓﻰ ﺫﻫﻮﻝ ﻭﻫﻰ ﺗﻘﻮﻝ : ﻣﻌﻘﻮﻟﻪ ﻳﺎ ﻣﺮﻳﻢ .. ﻣﻌﻘﻮﻟﻪ ﻣﺎﻣﺎ ﺗﻄﻠﺐ ﻣﻨﻚ ﻛﺪﻩ .. ﻭﺗﺎﺑﻌﺖ ﻓﻰ ﺻﺪﻣﻪ : ﻣﻌﻘﻮﻟﻪ ؟ ﻣﻌﻘﻮﻟﻪ ﺃﻡ ﺗﺮﻣﻰ ﺑﻨﺘﻬﺎ ﻓﻰ ﺍﻟﻨﺎﺭ ﺑﺄﺩﻳﻬﺎ ﺑﻘﻰ ﺑﺪﻝ ﻣﺎ ﺗﻘﻮﻟﻚ ﺧﺪﻯ ﺑﺎﻟﻚ ﻣﻦ ﻧﻔﺴﻚ ﻭﺍﺗﻌﺎﻣﻠﻰ ﻣﻊ ﺍﻟﺮﺟﺎﻟﻪ ﺑﺤﺪﻭﺩ ﺗﻘﻮﻡ ﺗﻘﻮﻟﻚ ﻋﻠﻘﻴﻪ ﺑﻴﻜﻰ ﻭﺧﺎﻟﻴﻪ ﻳﺘﺠﻮﺯﻙ
ﻃﺐ ﺍﺯﺍﻯ .. ﺍﺯﺍﻯ
ﺣﺎﻭﻟﺖ ﻣﺮﻳﻢ ﺍﻥ ﺗﺨﻔﻒ ﻣﻦ ﺑﻜﺎﺋﻬﺎ ﻭﻫﻰ ﺗﻘﻮﻝ : ﻫﻰ ﻓﺎﻛﺮﻩ ﺍﻥ ﻣﻔﻴﺶ ﻏﻴﺮ ﺍﻟﻄﺮﻳﻘﻪ ﺩﻯ ﻋﻠﺸﺎﻥ ﻧﺮﺟﻊ ﺑﻴﻬﺎ ﺣﻘﻨﺎ ﻣﻦ ﻋﻤﺎﻣﻨﺎ
ﺍﻳﻤﺎﻥ : ﺣﻖ ﺍﻳﻪ .. ﺩﻩ ﺍﺣﻨﺎ ﻟﺴﻪ ﻣﺶ ﻣﺘﺄﻛﺪﻳﻦ ﻣﻦ ﻛﻼﻡ ﻣﺎﻣﺎ ... ﻣﺶ ﻣﺘﺄﻛﺪﻳﻦ ﻟﻴﻨﺎ ﺣﻖ ﻭﻻ ﻻ
ﻭﺣﺘﻰ ﻟﻮ ﻟﻴﻨﺎ ﺣﻖ ﻣﺶ ﺩﻯ ﺍﻟﻄﺮﻳﻘﻪ ﺍﻟﻠﻰ ﻧﺮﺟﻌﻪ ﺑﻴﻬﺎ ﺩﻩ ﻣﻴﺮﺿﻴﺶ ﺭﺑﻨﺎ ﻳﺎ ﻣﺮﻳﻢ
ﺟﻠﺴﺖ ﺍﻳﻤﺎﻥ ﻭﻭﺿﻌﺖ ﺭﺃﺳﻬﺎ ﺑﻴﻦ ﻛﻔﻴﻬﺎ ﻭﻗﺪ ﺍﻏﻤﻀﺖ ﻋﻴﻨﻴﻬﺎ : ﻣﺶ ﻗﺎﺩﺭﻩ ﺍﺻﺪﻕ ﺍﻟﻠﻰ ﺑﺴﻤﻌﻪ ﺍﻧﺘﻰ ﻳﺎ ﻣﺮﻳﻢ ﺗﻌﻤﻠﻰ ﻛﺪﻩ ﻭﺗﺨﺒﻰ ﻋﻠﻴﻪ ﻛﻞ ﺩﻩ
ﻗﺎﻟﺖ ﻣﺮﻳﻢ ﺑﺴﺮﻋﻪ ﻭﻫﻰ ﺗﻤﺴﻚ ﺑﻜﻔﻰ ﺍﺧﺘﻬﺎ : ﻻ ﻳﺎ ﺍﻳﻤﺎﻥ ﺍﻧﺎ ﻣﻌﻤﻠﺘﺶ ﺣﺎﺟﻪ ﺍﻧﺎ ﺍﻩ ﺻﺤﻴﺢ ﺣﺎﻭﻟﺖ ﻓﻰ ﺍﻻﻭﻝ ﺑﺲ ﺑﻌﺪ ﻛﺪﻩ ﻟﻤﺎ ﺍﺗﻌﺎﻣﻠﺖ ﻣﻊ ﻋﻤﻰ ﺣﺴﻴﻦ ﻭﻭﻻﺩﻩ ﻭﻣﺮﺍﺗﻪ ﺑﺼﺮﺍﺣﻪ ﺣﺒﻴﺘﻬﻢ ﻭﻧﺴﻴﺖ ﺍﻟﻠﻰ ﻣﺎﻣﺎ ﻃﻠﺒﺘﻪ ﻣﻨﻲ ﻛﻠﻪ ﻭﺑﻘﻴﺖ ﺍﺗﻌﺎﻣﻞ ﻋﺎﺩﻯ ﻭﺍﻟﺪﻟﻴﻞ ﻋﻠﻰ ﻛﺪﻩ ﺍﻧﻰ ﺳﺒﺖ ﺍﻟﺸﻐﻞ ﻣﻊ ﻳﻮﺳﻒ
: ﺍﻧﺎ ﻛﻤﺎﻥ ﻳﺎ ﻣﺮﻳﻢ ﺣﺒﻴﺖ ﻋﻤﺎﻣﻰ ﺍﻭﻯ ﻭﻣﺶ ﻋﺎﺭﻓﻪ ﺍﻟﺤﻘﻴﻘﻪ ﻓﻴﻦ ﺩﻣﺎﻏﻰ ﻫﺘﻨﻔﺠﺮ
: ﻳﻌﻨﻰ ﺍﻳﻪ ﻫﻨﻔﻀﻞ ﻛﺪﻩ ﻣﺶ ﻋﺎﺭﻓﻴﻦ ﺣﺎﺟﻪ ﻭﺍﻟﺤﻘﻴﻘﻪ ﺿﺎﻳﻌﻪ ﻣﺎ ﺑﻴﻨﻬﻢ
: ﻻ ﻳﺎ ﻣﺮﻳﻢ ﺍﻟﺤﻘﻴﻘﺔ ﻫﺘﺒﺎﻥ ﻭﻣﻔﻴﺶ ﻏﻴﺮ ﻃﺮﻳﻖ ﻭﺍﺣﺪ ﺑﺲ
: ﺍﻳﻪ ﻫﻮ
ﻗﺎﻟﺖ ﺍﻳﻤﺎﻥ ﻓﻰ ﺗﺼﻤﻴﻢ : ﻣﻔﻴﺶ ﻏﻴﺮ ﺍﻟﻤﻮﺍﺟﻬﻪ ... ﻟﻤﺎ ﻧﺮﺟﻊ ﻻﺯﻡ ﺍﻗﻌﺪ ﻣﻊ ﻋﻤﻰ ﺣﺴﻴﻦ ﻭﺃﻭﺍﺟﻬﻪ ﻭﺍﻋﺮﻑ ﺍﻟﺤﻘﻴﻘﻪ ﺑﺎﻟﻈﺒﻂ ﻣﻔﻴﺶ ﺣﻞ ﻏﻴﺮ ﻛﺪﻩ
""""""""""""""""""""""""""""""""""""
ﻓﻰ ﺍﻟﺘﺎﻟﻰ ﻋﺎﺩ ﺍﻳﻬﺎﺏ ﻣﻦ ﻋﻤﻠﻪ ﻣﺴﺎﺀﺍ ﺩﺧﻞ ﺍﻟﺸﻘﻪ ﻓﻮﺟﺪ ﺍﻳﻤﺎﻥ ﺗﺘﺎﺑﻊ ﺑﺮﻧﺎﻣﺞ ﻋﻠﻰ ﻗﻨﺎﺓﺍﻟﺮﺣﻤﺔ .. ﻭﻣﺮﻳﻢ ﺗﻠﻌﺐ ﻋﻠﻰ ﺍﻟﺤﺎﺳﻮﺏ ﺑﻼ ﻣﺒﺎﻻﻩ ﻓﻬﺘﻒ ﻓﻴﻬﻤﺎ : ﻳﺎ ﺣﻼﻭﺗﻜﻢ ﻭﺍﺣﺪﻩ ﺑﺘﺘﻔﺮﺝ ﻋﻠﻰ ﺍﻟﺘﻠﻔﺰﻳﻮﻥ ﻭﺍﻟﺘﺎﻧﻴﻪ ﺑﺘﻠﻌﺐ ﻋﻠﻰ ﺍﻟﻜﻤﺒﻴﻮﺗﺮ ﻭﻣﻔﻴﺶ ﺣﺎﺟﻪ ﺃﺗﻠﻤﺖ .. ﺃﻧﺘﻮﺍ ﻣﺶ ﻧﺎﻭﻳﻴﻦ ﺗﻤﺸﻮﺍ ﻭﻻ ﺍﻳﻪ
ﻗﺎﻟﺖ ﺍﻳﻤﺎﻥ ﺩﻭﻥ ﺍﻥ ﺗﻠﺘﻔﺖ : ﺃﺣﻀﺮﻟﻚ ﺍﻷﻛﻞ
ﻭﻗﺎﻟﺖ ﻣﺮﻳﻢ : ﺧﻼﺹ ﺑﻘﻰ ﺧﺎﻟﻴﻬﺎ ﺑﻜﺮﻩ
ﻋﻘﺪ ﺍﻳﻬﺎﺏ ﺫﺭﺍﻋﻴﻪ ﺃﻣﺎﻡ ﺻﺪﺭﻩ ﻭﻫﻮ ﻳﻨﻈﺮ ﺍﻟﻴﻬﻤﺎ ﺑﺘﻌﺠﺐ : ﻣﺎﻟﻜﻢ ﻓﻰ ﺍﻳﻪ ﻣﺶ ﻣﺘﺤﻤﺴﻴﻦ ﻭﻻ ﻣﻜﺴﻠﻴﻦ ﻭﻻ ﺍﻳﻪ ﺑﺎﻟﻈﺒﻂ
ﻗﺎﻟﺖ ﺍﻳﻤﺎﻥ ﻭﻫﻰ ﺗﻘﻠﺐ ﻓﻰ ﺍﻟﻘﻨﻮﺍﺕ : ﺧﻼﺹ ﻳﺎ ﺍﻳﻬﺎﺏ ﺧﺎﻟﻴﻬﺎ ﻳﻮﻡ ﺍﻟﺠﻤﻌﻪ
ﺍﻳﻬﺎﺏ : ﻭﺍﻟﻠﻰ ﺟﺎﻳﻴﻦ ﻓﻰ ﺍﻟﺴﻜﻪ ﺩﻭﻝ ﺍﻗﻮﻟﻬﻢ ﺍﻳﻪ ﺭﻭﺣﻮﺍ ﻭﺗﻌﺎﻟﻮﺍ ﻳﻮﻡ ﺍﻟﺠﻤﻌﻪ
ﺃﺳﺘﺪﺍﺭﺕ ﺍﻳﻤﺎﻥ ﺑﺎﻧﺘﺒﺎﻩ ﻓﻰ ﺣﻴﻦ ﻗﺎﻟﺖ ﻣﺮﻳﻢ : ﻣﻴﻦ ﺍﻟﻠﻰ ﺟﺎﻳﻴﻦ
ﺍﻳﻬﺎﺏ : ﻋﺒﺪ ﺍﻟﺮﺣﻤﻦ ﻭﻳﻮﺳﻒ ﻓﻠﻘﻮﻧﻰ ﺍﺗﺼﺎﻻﺕ ﻣﻦ ﺍﻟﺼﺒﺢ ﻭﻣﺴﺒﻮﻧﻴﺶ ﺍﻻ ﻟﻤﺎ ﻭﺍﻓﻘﺖ ﻳﺠﻮﺍ ﻳﺎﺧﺪﻭﻧﺎ ﺑﻌﺮﺑﻴﺎﺗﻬﻢ ﺩﻟﻮﻗﺘﻰ .... ﺩﻩ ﻋﻠﻰ ﺍﺳﺎﺱ ﺍﻥ ﺣﻀﺎﺭﺗﻜﻢ ﺟﻬﺰﺗﻮﺍ ﺍﻟﺸﻨﻂ
ﻭﻭﻗﻒ ﺍﻣﺎﻡ ﺍﻟﺘﻠﻔﺎﺯ ﻭﻗﺎﻝ ﻻﻳﻤﺎﻥ ﻭﻫﻮ ﻳﻐﻠﻘﻪ : ﻳﺎﻻ ﺑﻘﻰ ﻗﻮﻣﻮﺍ ﺍﻟﺒﺴﻮﺍ ﻭﺃﺟﻬﺰﻭﺍ ﺯﻣﺎﻧﻬﻢ ﻋﻠﻰ ﻭﺻﻮﻝ
ﺃﻃﻔﺄﺕ ﻣﺮﻳﻢ ﺍﻟﺤﺎﺳﻮﺏ ﻭﻧﻬﻀﺖ ﻭﻫﻰ ﺗﻨﻈﺮ ﺍﻟﻰ ﻣﺮﻳﻢ ﺗﺒﺎﺩﻟﺖ ﻣﻌﻬﺎ ﺍﻳﻤﺎﻥ ﻧﻈﺮﺍﺕ ﺍﻟﻘﻠﻖ ﻭﺍﻟﺤﻴﺮﺓ ..... ﻧﻌﻢ ﻣﺸﺎﻋﺮﻫﻢ ﻣﺘﻀﺎﺭﺑﻪ ﻓﻬﻢ ﻣﻘﺪﻣﻮﻥ ﻋﻠﻰ ﻣﻮﺍﺟﻬﺔ ﺍﻟﻤﺎﺿﻰ ﺑﻜﻞ ﺁﻻﻣﻪ ﻭﺃﺣﺰﺍﻧﻪ ﻭﺗﺎﺭﻳﺨﻪ ﺍﻟﺬﻯ ﻻ ﻳﻌﻠﻤﻮﻥ ﻋﻨﻪ ﺍﻻ ﻛﻠﻤﺎﺕ ﺍﻣﻬﻢ ﺍﻟﺘﻰ ﻛﺎﻧﺖ ﺗﺤﺎﻭﻝ ﺑﻜﻞ ﺟﻬﺪﻫﺎ ﺍﻥ ﺗﺠﻤﻞ ﺻﻮﺭﺗﻬﺎ ﻭﺗﻘﺒﺢ ﺻﻮﺭﺓ ﺃﻋﻤﺎﻣﻬﺎ ﺑﻜﻞ ﺍﻟﻄﺮﻕ ﺍﻟﻤﻤﻜﻨﻪ
ﺃﺭﺗﺪﺕ ﺍﻳﻤﺎﻥ ﻣﻼﺑﺴﻬﺎ ﻭﺷﺮﻋﺖ ﻓﻰ ﺗﺠﻬﻴﺰ ﺣﻘﻴﺒﺘﻬﺎ ﻭﻛﺎﺩﺕ ﺃﻥ ﺗﻨﺘﻬﻰ ﻟﻮﻻ ﺍﻥ ﺳﻤﻌﺖ ﻃﺮﻗﺎﺕ ﻋﻠﻰ ﺑﺎﺏ ﺍﻟﻤﻨﺰﻝ ﻓﻘﺎﻟﺖ ﻟﻬﺎ ﻣﺮﻳﻢ ﺍﻓﺘﺤﻰ ﺃﻧﺘﻰ ﻳﺎ ﺍﻳﻤﺎﻥ ﻟﻮ ﺳﻤﺤﺘﻰ ﺍﻧﺎ ﻟﺴﻪ ﻣﻠﺒﺴﺘﺶ
ﺫﻫﺒﺖ ﺍﻳﻤﺎﻥ ﻭﻓﺘﺤﺖ ﺍﻟﺒﺎﺏ ﻓﻮﺟﺪﺗﻪ ﺃﻣﺎﻣﻬﺎ ﺑﺎﺑﺘﺴﺎﻣﺘﻪ ﺍﻟﻌﺬﺑﻪ
ﺃﻗﺘﺮﺏ ﻣﻦ ﺍﻟﺒﺎﺏ ﻭﺃﺳﺘﻨﺪ ﺍﻟﻰ ﺣﺎﻓﺘﻪ ﺍﻟﻤﻔﺘﻮﺣﻪ ﻭﻫﻮ ﻭﺍﺿﻊ ﻳﺪﻳﻪ ﻓﻰ ﺟﻴﺒﻪ ﻭﻗﺎﻝ : ﻛﺪﻩ ﻳﻨﻔﻊ ... ﻓﻰ ﻳﻮﻡ ﺯﻳﺎﺩﻩ
ﻛﺎﺩﺕ ﺍﻥ ﺗﺒﺘﺴﻢ ﻭﻟﻜﻨﻬﺎ ﺭﺃﺕ ﻳﻮﺳﻒ ﻳﻀﺮﺑﻪ ﻋﻠﻰ ﻛﺘﻔﻪ ﻣﻦ ﺍﻟﺨﻠﻒ ﻭﻳﻬﺘﻒ ﺑﻪ : ﻣﺎﻟﻚ ﺳﺎﺩﺩ ﺍﻟﺒﺎﺏ ﻛﺪﻩ ﻟﻴﻪ ﺯﻯ ﺍﻟﺤﻴﻄﻪ .. ﻋﺪﻳﻨﻰ
ﺍﻟﺘﻔﺖ ﻟﻪ ﻋﺒﺪ ﺍﻟﺮﺣﻤﻦ ﻭﺑﺎﺩﻟﻪ ﺍﻟﻬﺘﺎﻑ ﻗﺎﺋﻼ : ﻟﻤﺎ ﺍﻧﺎ ﺣﻴﻄﻪ ﺍﻭﻣﺎﻝ ﺍﻧﺖ ﺗﺒﻘﻰ ﺍﻳﻪ
ﻗﺎﻝ ﻳﻮﺳﻒ : ﺍﻧﺎ ﺍﻟﺤﻴﻄﻪ ﺍﻟﻠﻰ ﻗﺪﺍﻣﻬﺎ .. ﺧﻼﺹ ﻭﺳﻌﻠﻰ ﺑﻘﻰ
ﺟﺎﺀ ﺍﻳﻬﺎﺏ ﻓﻮﺭ ﺳﻤﺎﻋﻪ ﺃﺻﻮﺍﺗﻬﻢ ﻭﻗﺎﻝ ﺑﺎﺑﺘﺴﺎﻣﻪ ﻛﺒﻴﺮﺓ : ﻣﻔﻴﺶ ﻓﺎﻳﺪﻩ ﻋﻤﺮﻛﻮﺍ ﻣﺎ ﻫﺘﻜﺒﺮﻭﺍ ﺍﺑﺪﺍ
ﻭﺿﻊ ﻋﺒﺪ ﺍﻟﺮﺣﻤﻦ ﻳﺪﻩ ﻋﻠﻰ ﻛﺘﻒ ﺍﻳﻬﺎﺏ ﻭﻗﺎﻝ : ﺍﺣﻨﺎ ﺑﻨﻜﺒﺮ ﺧﻤﺲ ﺍﻳﺎﻡ ﻓﻰ ﺍﻻﺳﺒﻮﻉ ... ﺍﻟﻨﻬﺎﺭﺩﻩ ﺃﺟﺎﺯﻩ
ﻛﺎﻧﺖ ﺍﻳﻤﺎﻥ ﻗﺪ ﺗﺮﺍﺟﻌﺖ ﻟﻠﺨﻠﻒ ﻭﻫﻰ ﺗﻨﻈﺮ ﻟﻤﺰﺍﺣﻬﻢ ﻭﻗﺪ ﺗﺮﺩﺩﺕ ﺍﻟﻒ ﻣﺮﻩ ﻋﻦ ﺫﻯ ﻗﺒﻞ .. ﺧﺎﻓﺖ ﺍﻛﺜﺮ ﻣﻦ ﺍﻟﻤﻮﺍﺟﻬﻪ
ﻛﺎﻧﺖ ﺗﺘﻤﻨﻰ ﺍﻥ ﺗﺒﻘﻰ ﻫﺬﻩ ﺍﻟﻌﻼﻗﺎﺕ ﺍﻟﻄﻴﺒﻪ ﻟﻸﺑﺪ ﻭﻻ ﻳﻌﻜﺮﻫﺎ ﻣﺎﺿﻰ ﺭﺑﻤﺎ ﻳﻜﻮﻥ ﻣﺆﻟﻢ ﻟﻬﻢ ﺟﻤﻴﻌﺎ
ﻭﻟﻜﻦ ﻣﺎ ﺑﺎﻟﻴﺪ ﺣﻴﻠﻪ
*********************
إلي هنا ينتهي الفصل الثانى عشر من رواية إغتصاب ولكن تحت سقف واحد
تابع من هنا: جميع فصول رواية إغتصاب تحت سقف واحد
تابع من هنا: جميع فصول رواية الملعونة بقلم أميرة المضحى
تابع من هنا: جميع فصول رواية الملعونة بقلم أميرة المضحى
تابع من هنا أيضاً: جميع فصول رواية الشرف ج1 بقلم قسمة الشبينى
إرسال تعليق
يسعدنا تلقي اقتراحاتك أو تعليقك هنا