قصص 26 قصص 26

آخر الأخبار

random
جاري التحميل ...

يسعدنا تلقي اقتراحاتك أو تعليقك هنا

اتجوزت عرفى ودمرت حياتى | فضفضه مع ماما نونا | موجوعه

الحياه ملئيه بالمشكلات والصعاب وتصلنا يوميا مئات الرسائل من بنات وسيدات وشباب ايضا موجوعين وعايزين حد يسمعهم ..حد اخد بأيديهم للطريق الصح .
احنا هنا بنسمعاكم وننشر المشكلات بدون اي اشاره او تلميح لصاحب المشكلة ونحاول مساعدتكم لايجاد حلول ونسمح لرواد الموقع كتابة تعليقات على المقال .

اتجوزت عرفى ودمرت حياتى | فضفضه مع ماما نونا | موجوعه

الرسالة دي وصلتنا من صديقه للموقع نتمنى نقدر نفيدها بارائنا ..بتقول الصديقة فى رسالتها 


انا مشكلتي كبيره و لقيت فرصه اني اقولهالكم و ياريت تشوفولي حل من غير 
أحد يقولي عملتي كده ليه ولا حصل ازاي و الي مضايقنى اكتراني فعلا محدش يعرف الموضوع ده عني .



انا فتاه عندي 25 سنه تجوزت عرفي و حصل مشاكل بيني و بين الرجل اللي تجوزته 
و انا الي طلبت اننا ننفصل ونبعد عن بعض.



, طبعا اهلي ميعرفوش اني كنت متجوزه و لدوقتي بجيلي عرسان كثير
و في ناس منهم كويسين جدا و برفض لاني طبعا مدام .



و فكرت اعمل عمليه و اتجوز بس عارفه انها حرام و في نفس الوقت مش عارفه ارفض اكتر من كده لان اخر عريس متقدملي لدوقتي 
زي ما بيقولوا مفيهوش غلطه و بصراحه انا مرتحاله جدا .



وكل ما افتعل مشاكل عشان انهى  الموضوع تلاقي حاجه حصلت و يرجع تاني 
و انا بصراحه عايزاه و محدش يقولي اصارح اهلي لان استحاله اني اصارحهم 
اني بقيت مدام و تجوزت من وراهم 
و عارفه هتقولولي ..اتجوزتي من وراهم ليه ؟لان الراجل اللي تجوزته عرفي اهله رافضوه لما اتقدملى رسمى ودا بسبب انه زوج 
لزوجه تانيه ..ايوا كان متجوز وانا الزوجه التانيه بورقه عرفى.



بس بعد ما تم الزواج ندمت مش علشان هو كان وحش معايا لا لاني مقدرتش 
ابقي زوجه .



و طبعا اترتب على دا مشاكل كتير بسبب اني مش من حقى اقابله كتير بسبب ظروفه انه ليه بيت تانى.



 عارفه هتقولوا عليا ايه 
بس ده الي حصل و عايزه حل 
عايزه حياه طبيعيه مع زوج اقول ده جوزي.


راى ماما نونا


ابنتي العزيزة انا قرات رسالتك اكتر من مره وتالمت جدا من الموقف اللى وضعتي نفسك فيه

انا راى الشخصي  طبعا انا مش فقيهه 

انما انا من راى انك تصارحي الشاب اللى متقدملك وانتى ونصيبك

لو انتى شايفه انه ممكن يتقبل الوضع ويتعامل مع الحقيقه دى 

صارحيه ولو انتى مش شايفه انه مش هيتقبل الوضع وهيرفض

يبقى ابعدى عنه من اولها وخديها من قصيرها بدل ما تسقطى فى نظره

ولا يقول عنك الكلام ده وينشره عنك ده لو كانت عقليته متزمته 

وحسيتي انه مش يتقبل يبقى ارفضه وانهى الكلام من غير ما تصارحيه..لكن من حقه يعرف لانك هتشيلى اسمه

اما بالنسبه للعمليه

فى بعض الدعاه واكرر الدعاه اجازوها 

انا رأى الشخصي لا تأخذي الامر من داعيه طبعا والا كنت نصحتك بعملها 

زى ماقالوا الدعاه اللي منتشرين دلوقتى 

لان للاسف معظمهم مش اكفاء والكفئ فيهم يقول لا تجوز الا فى حالات الاغتصاب فقط

والله اعلم

انا نصيحتي ليكى لو مش هيفهم الموضوع ومش يقبل بالحكاية دي

وانتي مصره عليه وعايزه ترتبط بيه فعليكى فورا وبدون تردد

انتي تذهبى الى دار الافتاء المصرية وتاخدى فتوه شرعيه منهم

بعد ان تقصى عليهم موضوعك وهما هيفيدوكى وربنا يسترك ويستر كل بنت.
يسعدنا تواصلكم معانا ونرحب باي تعليقات على مشكلة اليوم.

ممكن تتواصلوا معانا دايما هنـــــــــــــــــا
او على صفحتنا فى الفيس بوك

عن الكاتب

ماما نونا

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

قصص 26