-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

بنتى بتحب ابن الجيران| موجوعه

البيوت اسرار وورا كل باب حكايه اوعى فى يوم نظن ان فى سعاده كامله ..مهما شوفنا ناس تتضحك وفرحانه اكيد فى وجع مدفون فى القلوب ,,الرسالة دي وصلتني من ام قلبها موجوع ,,بتقول فى رسالتها .

 بنتى بتحب ابن الجيران| فضفضه مع ماما نونا | موجوعه


انا عندي 35 سنه وام لبنت وحيده
البنت عندها 14سنة وانا وابوها متطلقين من 12 سنة 

وانا تجوزت وهو اتجوز سافر خارج مصر 
البنت بتحب ابن الجيران من السنة اللي فاتت 

ودلوقتى موبايلات واتصالات 

ولغبطة فى مواعيد رجوعها للبيت 

كلمتها الف مرة بالذوق والحنية والف مرة بالعصبية والضرب 

اخر خناقة بيني وبينها كسرت لها الموبايل 



بتتاخر فى الرجوع للبيت بالساعة والاثنين 


بتهمل دروسها انا تعبت معاها ومش عارفة اعمل اية 

بفكر ارسلها لابوها يشيل همها بدل ما تحصل لها مصيبة عندي 

الولد  اللي بتحبه ابن الجيران فى ثالثة ثانوي 

معانا فى نفس الشارع وامامها ليل نهار 

كلمت مامته وقلت لها تبعده عن البنت 

قالت لي اذا كنتي مش قادرة على البنت انا أقدر على الولد 

معها حق لان  لو حصل مصيبة هتكون على راس البنت واهلها مش على راس الولد 

ارجوك ياماما نونا ساعدني انا بتعذب

راى ماما نونا على المشكله:-

سمعيني كويس يا حبيبتي ايه اللي يخلي بنتك تتعلق بابن الجيران الا انها مالقتش عندك اللي لاقيته عنده ماتزعليش من كلامي البنت بتدور علي الحب بره لانها مفتقداه صدقيني قربي ليها اخراجي معاها اعطيها ثقه في نفسها كلميها ان ربنا بيقول الجسم ده امانه لحد لما ربنا يبعتلك ابن الحلال حرام حد يلمسك اعطيها ثقه اكتر بلاش تضربيها عقابك يبقي خصام قربي لبنتك قبل فوات الاوان ..انا بتكلم من واقع التجارب ان القسوة نتيجتها  العناد الحقي بنتك واسالي نفسك اخر مرة خدتيها في حضنك امته مش بالسن ولي عشان هيه كبرت هيه محتاجه حضنك اكتر من الاول لانك الاب والام الحقيها قبل اصدقاء السوء كمان حلك في ايدك

فكرة انك تبعتيها لابوها غلط
لأنك اه ها تخلصي من مسئوليتها بس ها تضيعيها


مش ممكن ها يكون عند ابوها نفس الاهتمام و لا الرعاية اللي عندك

و مين عارف تعمل ايه هناك..ربنا يهديها 


يسعدنا تواصلكم معانا ونرحب باي تعليقات على مشكلة اليوم.

ممكن تتواصلوا معانا دايما هنـــــــــــــــــا
او على صفحتنا فى الفيس بوك
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة