قصص 26 قصص 26

آخر الأخبار

random
جاري التحميل ...

يسعدنا تلقي اقتراحاتك أو تعليقك هنا

قصص قصيرة كوميدية .. الفانوس السحرى ( الحلقة الثالثة )

نعود اليكم من جديد والجزء الثانى من مجموعة قصصية كوميدية من القصص القصيرة بعنوان ( الفانوس السحرى ) والتى نقدمها لكم من خلال موقعنا قصص 26 , نستعرض لكم الجزء الثالث والذى تورد احداثه من وحى الخيال تدور احداثها داخل مصر من الشخصيات الطبيعية التى نقابلها يوميا فى حياتنا .
قصص قصيرة كوميدية .. الفانوس السحرى ( الحلقة الثالثة )

لقراءة الجزء الاول : قصص قصيرة كوميدية .. الفانوس السحرى ( الحلقة الاولى )
الجزء الثانى : قصص قصيرة كوميدية .. الفانوس السحرى ( الحلقة الثانية )  

الفانوس السحرى .. العفاريت الصيني 

- أيه الدوشه والغاغة أللى أنتى عاملاها دى .. مش أنتى عايزه تعيشى فى فيلا وتركبى عربيه وتفرشيها فرش جديد مش دى طلباتك
- أيوه دى طلباتى لكن ما أتفقناش أن يبقى الضرايب عليا
- أنت عايز تتهرب من الضرايب يازيزو ده عمل بطال
- لا مش عايز أتهرب لكن أنتم لازم تدفعوها
- وعلى كل حال حقولك تعمل أيه ..يظهر ماعندكش فكره عن التجارة ..
- قولى ياختى يامورطانى
- بسيطه يازيزو أرفع سعر البيع على التجار لتقدر تسدد الضرايب ويتبقى معاك فلوس تقدر تهيص بيها
- بس أنا لو رفعت السعر مش ممكن التجار يروحوا يشتروا من حته تانيه ونخسر كلنا
- ماتخافش يازيزو مفيش دوله فى العالم عندها مصنع لعمل غطيان الأزايز ألا أحنا أرفع براحتك .. ماشى ياست كيو حعمل برأيك ونشوف ..باى زيزو .. باى ياختى
يدق الجرس فتدخل السكرتيره
- أرفعى سعر الغطاء 200% فيه حد بيبيع غطيان غيرنا يا كيو
- نو مسيو زيزو لكن الغطاء حيكون سعره أعلى من ثمن الزجاجه
- وأيه يعنى .. فيه حد يقدر يستخدم الأزازه من غير غطاء .. خلى الأزايز تنفعهم
- برافو مسيو زيزو أنت شاطر فى البزنس كتير ..
- أنت لسه شوفتى حاجة .. أستعجلى لنا الصفقه أللى بعديها عايزين نشتغل عايزين فلوس ههههههههه ههههههههه
- مسيو زيزو المدام على التليفون طالبه تكلمك .. حوليها على هنا
- أيوه ياحجه أيه الأخبار
- فل الفل ياحبيبى ربنا يزيدك ويفتح قدامك سكة اليابان وأمريكا وأوروبا يارب
- ربنا يسمع منك ياحجه .. هيه الفيلا والعفش عجبوكى
- يعنى مش قوى كل حاجة هنا مقاستها صغيره الكرسى ما بعرفش أقعد عليه السرير
يادوبك ياخد نفر ورجليك تطلع بره.. غير الحلل وأدوات المطبخ عامله زى لعب العيال
- أزاى الكلام ده لما أشوف أيه الحكاية .. بالمره يازيزو مفيش هدمه من أللى ماليين الدولاب مقاسى حتى الشباشب والجزم
- طب أقفلى أنا حطين عيشتهم .. سلام
يدعك الفانوس لتظهر توكى وهى تنحنى وتقول : شبيكو لبيكو توكى بين أيديكو مسيو زيزو .. أيه الحركات القرعة أللى بتعملوها دى جايبالى عفش بتاع عيال صغيره وملابس مقاسات أطفال للمدام وأدفع يازيزو ...حنغش من دلوقتى
- أوه زيزو يقطعنى نسيت أن أحجامكم غير أحجام شعب الصين .. حبعت مندوب حالا يرفع جميع المقاسات ونفصل لك كل حاجة ونشيل أللى مش مناسب وبكره الصبح يكون كله تمام ..بكره الصبح يعنى بكره الصبح مش عايزين مماطله
- مسيو زيزو مصانع الصين مابتقفلش ليل نهار لوعايز بعد ساعة مفيش مانع
- لأ خليها بكره الصبح علشان الحاجة تطلع مظبوطه ..تمام عليك نور .. تطلب حاجة تانى .. شدى حيلك ياتوكى معانا عايزين الصفقات تنزل ترف
- أنت مستعجل علشان تبقى غنى
- أسكتى ياتوكى أحسن أنا حفرقع منك ومن عمايلك ..زمان كان خادم الفانوس يتقال له هات فلوس يجيب فلوس هات دهب يجيب دهب مش زيك جايبالى بضاعة وبتحاسبينى بالمليم أنا حاسس أن الفانوس ده مصنوع فى الصين وأتعمل مخصوص لمصر
- لالا يازيزو صحيح أنه مصنوع فى الصين والعفاريت صينى لكنهم فى الصين صنعوا 250 فانوس ووزعوهم فى جميع أنحاء العالم وأنت راجل محظوظ أن يكون عندك واحد منهم
- ياخبر أبيض 250 فانوس ده أنتم غزوتوا العالم كله ياولاد العفريته
- أومال أيه يازيزو المليار والنصف صينى حياكلوا منين .. وأنتم بلد عندكم كل حاجة
وبتشتكوا من الفقر .. علشان ناسكم مش عايزين يشتغلوا وحكامكم راضيين بكده
سيبك يازيزو مفيش فايده زى ماقال سعد باسا طول ما المغفلين عايشين فأحنا بخير
- عندك حق يا توكى طول ما المغفلين عايشين فالنصابين بخير


انتظروا الجزء الرابع 

نرجو ان تنال قصة الفانوس السحرى من مجموعة قصص قصيرة كوميدية اعجابكم ويسعدنا تلقى ارائكم وتعليقاتكم من خلال التعليقات اسفل القصة او من خلال صفحتنا على الفيس بوك .. دمتم بخير :) 

عن الكاتب

Khaled Ahmed

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

قصص 26