مرحبا احبابي متابعين قصص 26 أهلا بكم معنا في روايات رومانسية كامله ورواية "العشق الضال" بقلم فاطمة محمد رزق ... تقدروا تتابعوا الفصل الثالث عشر من هنا
أغلقـت قلبـها الى وللأبـدد ولـم تهتم يوماً بتلك اللعنة التى يقال عنـها "الحب" .. لم تعتقد لوهلـة أنه قد يأتي اليوم الذي تـدخل فيه عالم "الحب" .. منعتـها كل الظروف عن إبدائها لمشـاعرهـا -لقد عشقهـا لم يعد يرتـوي إلا بحـبها يقول لقد عشـقت حنـانها .. لم أره على أيٍ من البشر الحقودين الذين تلوثت قلوبهم بالعفن .. قلبها الصافى النقي .. روحها السمحة .. ضحكتـها أآآآه من ضحكتـها إنها وللحـق ملاك يعيش على ارضنا هذه .. لقد أبديت لها عشقي بأفعالي ولكن لم اعطها تلميحاً بسبب تلك .. الظروف ! هـل ستظل الظروف هى الحاجز بين حبهما ؟! أم هـل يستمر ذاك العذاب طويلا ؟! بل هل سيتركها ترحـل من بين يديه بعد أن ملكها ؟! أم يتمسك بعشقه الضآل .. هذا ما ستجيبه أحداث الروايه لنا .. أتمنى لكم قضاء أوقات ممتعه معنا ...
العشق الضال
الحلقه الرابعة عشر
تستمر بالقفز والضحك
للحظات ظنها ليست هى فرحه التى يعرفها بل هذه طفله تمثل الفرحه بألوانها نظر اليها للحظات شاردا تيقظ على صوتها تقول:ايه ياخسران متزعلش اوى كده يوم لك ويوم عليك
ياسين بإبتسامه ساحره:صح تيجى نلعب تانى؟
فرحه بثقه:ايوا يلا عشان اكسبك تانى
ياسين:اما نشوف
ظلو يلعبون وفى كل مره يحرص ياسين على جعلها هى التى تفوز بطريقه غير واضحه ليراها سعيده هكذا لم يدرى لما يتصرف هكذا ولكن ما عرفه هو انه عند رؤيتها سعيده يشعر هو ايضا بتلك السعاده
وقف ياسين وهى لاتزال تقفز على الاريكه ووقف بجانبها وقال ضاحكا:هههههههه يابت اتهدى بقا
فرحه:ههههههههه لا مش هتهد
وضع يده على كتفيها وقال لها:مش هنسى انك ما كلتيش حاجه من الصبح
فرحه:لا فطرنا انت نسيت
لاحظ ياسين انها لم تبتعد عنه مثل المره السابقه فجعله هذا يشعر بالسعاده فى قراره نفسه
ياسين:لا والله هو المفروض ان احنا نفطر بس يعنى يلا يابت عشان ناكل انا جوعت ايه عماله تنطى من الصبح وماجوعتيش
فرحه:قر عليا بقا قر دلوقت هتشل ويجيلى كساح او شلل اطفال
ياسين:بعد الشر مش هقر للدرجادى
فرحه:هههههههه طب يلا عشان انا جوعت
ياسين بسعاده:بجد طب يلا ناكل
فرحه:ماشى
ذهبت فرحه وياسين وطلبو من مريم ان تحضر لهم الطعام وجلسو ينتظرونها فى الصالون
فرحه بإبتسامه:بما ان بكره اجازه من الشغل ف انا اللى هطبخ
ياسين بسعاده:بجد
فرحه:ايوا بس عارف لو اتريقت عليا هجيب اى سكينه ومش هتردد استعملها
ياسين:هههههههه وندخل السكينه بينا ليه ربنا مايحكمها ابدا متخافيش حتى لو الاكل محروق هاكل ومش هتكلم
فرحه:هههههههه مش للدرجادى يعنى انا طبخى حلو والله
ياسين:اما نشوف بقا
جائت مريم بصينبه الطعام ووضعتها امامهم وبدأو يتناولون الطعام ..
****
فى منزل فرحه
كان اسماء ومحمد فى غرفتهم يتحدثون
اسماء:محمد مفيش اخبار عن اللى خطفو يوسف او اى حاجه عشان نرجع فرحه بقا
محمد:لا للاسف مفيش اى اخبار عنهم خالص
اسماء:انا متضايقه عشان فرحه اوى حرام اللى حصل معاها دا
محمد:فعلا انا كمان كنت حاسس انى عاجز تماما عيالى الاتنين كانو بيتعرضو للتهديد ومكنتش عارف اعمل ايه
اسماء:بس انت عارف انا مش قلقانه عليها هناك يعنى حاسه انى مطمنه عليها وحتى لما بكلمها مش بحس انها مخنوقه يعنى بحس انهم مهتمين بيها بس بردو وحشتنى
محمد:متقلقيش كلها كام يوم هنلاقيهم ان شاء الله ونرجعها ..
****
فى احدى المطاعم
كان جاسم وسمر جالسين يتحدثون
جاسم:ياسمر هنقنعهم سوا نتجوز مع بعض بعد شهر وتسيبى البيت دا وتمشى منه بقا
سمر ببكاء:انا تعبت ياجاسم والله مش عاوزه اعيش فى البيت دا تانى عارف بابا كل اللى همه الفلوس وانت معاك ايه وماما تفضل تقولى اخلعى الحجاب عشان تبقى احلى ويتمسك بيكى اكتر تفكيرهم قذر اوى تعبت مش قادره اتحمل عارف ياجاسم بجد انا دايما بفكر ان انا فعلا مستحقكش انت حد كتير عليا انا مستحق،،
وضع جاسم يده على فمها مقاطعا ثم اخرج منديلا ثم مسح لها دموعها به قائلا:هششششش انا مش عاوزك تعيدى الكلام دا تانى عشان انا لو لفيت الدنيا كلها مش هلاقى احسن منك انا مختارك انتى مش مختار اهلك
سمر ببكاء:ما هما اهلى نواياهم شر اوى ياجاسم كل همهم الفلوس وانا مش عاوزاك تدفعلهم حاجه انا بابا كل قرش بياخدو بيدفعو على القرف اللى بيتاجر فيه دا
جاسم بصوت عميق:عارفه ياسمر انتى كبرتى فى نظرى اوى لما جيتى حكتيلى كل حاجه عن عيلتك وانا عمرى فى يوم ما هفكر لمجرد تفكير بسيط انى اسيبك انتى عارفه يعنى ايه انا عاوز اقضى حياتى كلها معاكى يعنى انتى تكونى كل حاجه فى حياتى ومش عاوزك تفكرى فى اهلك دول كفايه انك كنتى بتشتغلى عشان مترضيش بفلوس حرام صدقينى انتى اكبر نعمه ربنا ادهالى فى يوم من الايام وانتى عاوزه تحرمينى من النعمه دى
نظرت له سمر للحظات وعيناها قد اغرورقت من الدموع وكأنها حقا كانت تحتاج لذاك الدعم منه ذاك الكلام الذى يزيح الاحباط بعيدا
امسك جاسم يدها وقال:تعالى نقوم من هنا الناس معندهاش فرجه الا احنا
سمر بضحكه من بين دموعها:ما انا شكلى مسخره وانا بعيط
ابتسم لها جاسم ثم خرجو من المطعم وركبو السياره
سمر:هنروح فين دلوقت؟
جاسم:نقعد لوحدنا شويه
سمر:جاااااسم
جاسم:ههههههههه متخافيش والله
سمر وهى ترجع رأسها للخلف:مش خايفه ابدا انا ان كان عليا ف مش عاوزه ارجع البيت
جاسم بإبتسامه:طب اسمحيلى نهرب سوا بعيد عن الناس دى بقا بقا شويه
سمر بإبتسامه:طبعا سمحالك ..
كان يوسف جالسا فى غرفته وكان يتحدث فى الهاتف
يوسف:خلاص ياجنى بكره الساعه 6 تكونى جاهزه هعدى عليكى اخدك ونروحلها
جنى:ماشى عشان فرحه وحشتنى اوى
يوسف:وانا كمان بس اسبوع كامل ياجنى هتسافريه مش هشوفك فيه
جنى بحزن:ما انت عارف بابا كويس مرضاش يسيبنى افضل قاعده لوحدى
يوسف:طب ما كنتى تيجى تقعدى عندنا
جنى:يوسف بطل هزار انت عارف ان الموضوع دا مستحيل
يوسف:ليه يعنى احنا اهلك بردو انا جوزك وحماكى وحماتك فيها ايه يعنى
جنى:مينفعش لازم نتجوز الاول
يوسف:طيب ماشى كل الحكايه شهر واحد وهنتجوز ونبقى فى ببت واحد ونشوف حجتك ساعتها
جنى بذهول:شهر !!
يوسف:اه شهر ومش هقبل ب أكتر من كدا ..
****
فى احد الفيلات الراقيه
كان جاسم يضع يده على عين سمر حتى دخلو الفيلا
سمر:ياجاسم شيل ايدك بقا عاوزه اتفرج
جاسم بإبتسامه:ووصلنا
ثم نزع يده من على عينها
سمر بعدم فهم:احنا فين
امسك جاسم يدها وقال بصوت اجش:دا بيتنا
سمر بسعاده:بجد
جاسم:طبعا بجد يلا اتفرجى عليه
ظلت تنظر الى البيت بإعجاب شديد وقد اعجبها كثيرا
سمر:البيت دا كتير يعنى هو غالى اوى ياجاسم
جاسم:مفيش حاجه كتيره عليكى والبيت دا اصلا مكتوب بإسمك
سمر بصدمه:ايييييييه؟؟
جاسم:مالك فكرتك هتفرحى
سمر:لا ياجاسم غيره خليه بإسمك انت عشان ماما وبابا
جاسم:مش هغيره وانا اللى هحميكى منهم مش هيقدرو يمسوكى طول ما انا موجود ومش هينولو من وراكى حاجه
سمر بصوت اشبه بالبكاء:جاسم انا بقولك ان بابا تاجر مخدرات يعنى عادى ممكن يهددنى عشان ياخد الشقه زى ما عمل مع اختى سلوى قبل كدا
لاحظ جاسم انها على وشك البكاء من جديد فذهب واحتضنها وهو يقول:طيب خلاص اهدى انا هغيرو بس عشانك بس اول مانشوف حل للمشكله دى هرجعه بإسمك تانى
اومأت سمر رأسها ثم بادلته الضمه هى الاخرى .
.
مر ذالك اليوم ولم يحدث اى جديد
فى صباح اليوم التالى
تستيقظ فرحه على صوت هاتفها يرن تمسك الهاتف وتجيب بدون رؤيه المتصل
فرحه بنعاس:ايوا
جنى:ههههههههه ايوا قومى يابت اصحى يلا
تنظر فرحه فى الساعه امامها ثم تقول:جنى يا مفتريه الساعه لسه 6 والنهارده اجازه اقفلى يابت عاوزه انام
فرحه:ياخساره يعنى مش عاوزه تشوفينى قبل ما اسافر
انتفضت فرحه من على سريرها قائله:تسافرى!!
جنى:اه يابت مش قولتلك ان انا وبابا هنسافر اسبوع للكويت بابا عنده شغل هناك ومش عاوز يسيبني ويوسف قالى انه هيحود عليا الصبح ونيجى نشوفك عشان انا همشى الساعه 9
فرحه:طيب بسرعه مستنياكو
جنى:ياسين او عمو عاصم مش هيمانعو
فرحه بإبتسامه:يمانعو ايه يابت انتى مجنونه دول طيبين خالص واصلا انا مش بشوف عمو عاصم الا فى الشغل بس تقريبا
جنى بخبث:اومال مين اللى طيبين
فرحه بإرتباك:ها دى مريم طيبه
جنى بتسائل:مريم مين
فرحه:الخدامه
جنى:هههههههه قومى يافرحه اغسلى وشك شكلك هيستى مع السلامه
فرحه:ههههههه مع السلامه
قفزت فرحه من على السرير بسرعه ودخلت الحمام وتوضأت وصلت فرضها
امسكت فرحه العبائه لكى ترتديها فوجدت احدهم يطرق الباب
فرحه:مين
مريم:انا ياهانم فى ناس جهم بره وبيسألو على حضرتك
فتحت لها مريم ثم اومأت رأسها قائله:طيب جايه
تركت الملابس من يدها ثم قالت فى نفسها انه نائم الان وعاصم سافر البارحه الى عمل مهم ولن يأتى الا بعد اسبوع وبالتأكيد ياسين لن يستيقظ فى يوم عطلته باكرا هاكذا ..
ثم خرجت من غرفتها بسرعه حتى وصلت اليهم بمجرد ان رأتهم حتى عانقتهم سويا وبادلوها العناق ايضا
فرحه:وحشتونى اوى
يوسف:وانتى كمان والله البيت من غيرك وحش اوى
فرحه:وانت كمان وحشتنى والله اوى
جنى:وانتى وحشتينى اوى يابت والله
فرحه:وانتى اقسم بالله
جنى:ههههههه لازم التريقه دى
فرحه:ههههههه طب ادخلو اقعدو
مر وقت وهم جالسين حتى قالو ان عليهم الرحيل وبالفعل غادرو وكانت الساعه حينها الثامنه
فرحه بضيق:دلوقت طالما صحيت مش هعرف انام تانى دا غير انى جعانه اعمل ايه دلوقت
ثم صمتت قليلا وبعدها قالت:ايوا انا هروح اعمل فطار وبعدها اصحيه يفطر معايا مليش دعوه اشمعنا انا مش عارفه انام
وغادرت الى المطبخ ..
كان ياسين فى غرفته يتحدث فى الهاتف
ياسين:لا ياجاسم متعملش كده لو سمر عرفت انك هتعرض فلوس على اهلها عشان يجوزوكم بسرعه هتزعل منك جدا
جاسم بحنقه:طب انت قولى اعمل ايه معنديش حل تانى .. انا مش عاوزها تفضل معاهم اكتر من كده ابوها بيضربها كل شويه دا غير امها اللى عاوزاها تخلع الحجاب ومش كده وبس لا معامله وحشه دايما عشان هى مش بترضى تسمع كلامهم فى حاجه انا شوفتها امبارح وكانت مدمره وانا مش قادر اشوفها كده
ياسين بحزن:طب استهدى بالله واحنا هنفكر فى حل يطلعكو من المشكله دى .. جاسم هو لو عملنا مؤامره ضد ابوها عشان نسجنو سمر هتزعل
تنهد جاسم ثم قال:دا ابوها وممكن تزعل عليه سمر طيبه اوى وممكن تنسى كل حاجه طب خلاص انا هكلمها وهسألها
ياسين:خلاص ماشى
جاسم:هقفل انا دلوقت سلام
ياسين:سلام
وضع ياسين هاتفه عل السرير بجانبه فى ضيق يفكر فى صديقه ومشكلته
ياسين:دا شكله بيحبها اوى انا اول مره اشوفه كدا
ثم تنهد وقال:هو الحب بيعمل كده،،؟
قرر الخروج من غرفته لشعوره بالملل
****
كانت فرحه قد قاربت على الانتهاء وكانت تحاول احضار علبه البهارات من فوق الرف العلوى ظلت تحاول ولكنها كانت قصيره فجأه وجدت يدا بجانبها تحضرها لها ثم تعطيها اياها
نظرت له فرحه بدهشه
فرحه:شكرا .. انت صاحى دلوقت ليه،،؟
ياسين وقد بدى عليه الضيق:عارفه جاسم اللى كان مديرك ف،،
فرحه مقاطعه:اه مالو
ياسين:خطب سمر السكرتيره وكتب كتابه عليها
فرحه:بجد معاه حق سمر مفيش زيها انا حبيتها اوى
ياسين:مش دى المشكله المشكله ان هو قبل ما يخطبها ب يومين دخلتلو المكتب وقالتلو ..
انا لازم اعترفلك بحاجه مهمه جدا قبل اما تتقدم اى خطوه عشان تكون على حق من البدايه لان انا عارفه ان العلاقات المبنيه على الكدب عمرها ما بتستمر
"انا بابا راجل غنى جدا ومعاه فلوس وشركات وكل دا بس دا كله مش من تعبه ولا من مال حلال بابا "تاجر مخدرات" انا عرفت الكلام دا من سنه واحده بس وبمجرد ما عرفت قررت انزل اشتغل وانى مستحيل يصرفو عليا قرش واحد حرام .. غير كل دا ماما مش متزنه ابدا ماما مدمنه مخدرات انا اغلب الاوقات مش بكون قاعده معاهم فى البيت انا بكون فى البيت اللى انا اشتريته ليا"
نظرت له فرحه بحزن وقالت:عارفه كل دا
ياسين بدهشه:بجد
فرحه:اه احنا الوقت الى اشتغلناه مع بعض اتصاحبنا اوى فيه وكنت عارفه ان جاسم خطبها كمان هى قالتلى
ياسين بضيق:دلوقت جاسم كان بيكلمنى متضايق وعاوز يتجوزها بسرعه وهى مش عاوزه تخليه يدى لأهلها فلوس عشان يوافقو يجوزوها
فرحه:سمر بتكرههم اوى بتقولى انها كرهتهم بعد اما شافت ابوها بيهدد اختها بقتل جوزها لو ماجبتلوش الفيلا الى كان جوزها كاتبهالها بإسمها وغير كده سمعت ان هو متورط بقضايا قتل
اتسعت عيناه وهو يقول:بجد
فرحه:ايوا بجد
ياسين:يعنى لو احنا عاوزين نسجنه مثلا وندبرلو حاجه يقع فيها هتزعل
فرحه:لا دي هتشجعكو على كده لانها بتكرهو جدا
ياسين:كويس انى عرفت
فرحه:ليه،،؟
ياسين:عشان نفكر فى حل للموضوع دا
فرحه بإبتسامه:انا دلوقت خلصت الفطار وكان فيه معلومه بتقول لو فطرت كويس هتعرف تركز كويس
نظر اليها ياسين بذهول وقال لها:انتى قلتى ايه
فرحه:بقولك لو فطرت كويس هتعرف تركز كويس مالك
ياسين بإبتسامه باهته:لا مفيش اصل ماما الله يرحمها كانت دايما بتقولى الجمله دى اما كنت اجى اذاكر ومرضاش افطر كنت بتهرب من الاكل بحجه المذاكره فكانت تقولى افطر كويس عشان تعرف تركز كويس
فرحه بأسف:انا اسفه انى فكرتك بيها
ياسين بإبتسامه:لا عادى انا مش بنساها اصلا هى دايما فى بالى
ابتسمت له فرحه ابتسامه حزينه ولم تتكلم
ياسين ليلطف الجو:بس انا جعان بقا يلا عشان نفطر
فرحه:امسك ودى الاكل دا برا
ياسين بذهول:اخرتها البشمهندس ياسين هو اللى،،
فرحه مقاطعه:وودى دى كمان وتعالى خد الباقى وبطل صداع عشان صاحيه مصدعه
ياسين بدهشه:نعم!!
فرحه وهى تحضر سكين من جانبها وتقول:بتقول ايه ياياسين
ياسين بخوف مصطنع:بقولك هوديهم اهو
وذهب ليضعهم على الطاوله بينما بقيت فرحه تضحك على طريقته وكان هو ايضا يضحك على طريقتها بالرغم من انه يشعر بالغرابه لكونها الفتاه الوحيده بعد اخته التى تستطيع محادثته بتلك النبره ولا يتضايق بل بالعكس يشعر بالسعاده
ذهبت اليه فرحه ومعها باقى الطعام ووضعته على الطاوله
فرحه:كل يلا
ياسين:لا كلى الاول ايش ضمنى انه مفيهوش سم لا ياماما انا مش هجازف
فرحه:هههههههه اه جواه سم فران بس بيديلو طعم زى العسل شبه الكمون بالظبط ملقتش كمون ف حطيت سم
ياسين:هههههههه طب ناكل سوا لو جالنا تسمم حتى نتسمم سوا
فرحه:يلا انا موافقه
بدأو فى تناول الطعام وفجأه عم الهدوء بينهم
ياسين:فرحه يابنتى يافرررحه ردى
فرحه:ايه نعم
ياسين:سرحانه فى ايه؟؟
فرحه:كان فيه فكره كدا جت فى دماغى
ياسين:فكره ايه،،؟
فرحه:عشان نخلى والد سمر يدخل السجن لازم نخليه يعترف بكل جرايمه للشرطه
نظر لها ياسين بتركيز ثم قال:ازاى بقا،،؟
فرحه:انا عندى فكره كويسه فى الموضوع دا
ياسين:بجد طب ايه هى
فرحه:هى ان ....
فى منزل متواضع كانت تجلس سمر على السرير تبكى وهى تستند على الحائط وتنظر الى فوق وتتذكر ماحدث معها قبل سنه..
Flash back
سمر ببكاء:ماما انا كنت راحه لبابا الاوضه لقيته بيقول لصاحبه ان اخر مره تاجرو فيها بالسلاح كانو هيتمسكو وبيقولو احنا هنتاجر بالمخدرات بس بعد كده ماما يعنى بابا تاجر مخدرات
الام ببرود:اها
سمر ببكاء:يعنى انتى كنتى عارفه وقابله على نفسك تعيشى بفلوس حرام
الام بغضب:انتى ملكيش دعوه بيا سمعانى ثم انك عرفتى دلوقت هتعملى ايه
جاء رجل يقول بصوت عالى:ايه الصداع دا فيه ايه؟
سمر بغضب:فيه ان انا سايبالكو البيت وماشيه معقول يابابا انت تتاجر فى المخدرات معقول
الاب بصدمه:انتى عرفتى ازاى!!
سمر بحزن:اتمنيت للحظه انك تنكر الكلام دا .. انا ماشيه
وذهبت الى غرفتها مسرعه لتجهز حقيبتها وعندما انتهت خرجت من الغرفه ولم يمنعها احد بل كانو ينظرون اليها نظرات ساخره
الاب ساخرا:وهتروحى فين بقا دلوقت؟!
سمر:اى مكان المهم ماكنش عايشه بفلوس حرام انا مأخدتش الا الحجات الى انا كنت شرياها لنفسى من مرتبى بس والباقى سيبتهولكم
ووقفت امام الباب لتفتحه وتخرج فقال
الاب محذرا:الكلام دا ميطلعش برا سمعانى
نظرت له نظره استحقار ثم تركته وذهبت ..
مضت ايام عليها لم يكن معها الكثير من المال فإستأجرت منزلا صغيرا وجلست فيه وبدأت تعمل بجد ليل نهار ولكن دائما يجب ان يكون هناك خطأ ما فلا تجرى الرياح كما تشتهى السفن لكنها قد استقالت من عملها لأن مدير الشركه.......................!!!!؟؟
اتمنى تكون الحلقه النهارده دخلتكم في جو حب ورومانسية جميل واللي حابب يتايعها هتنزل كل يوم في نفس المعاد وتقدروا تتابعوها من خلال صفحتنا على الفيس بوك
إرسال تعليق
يسعدنا تلقي اقتراحاتك أو تعليقك هنا