قصص 26 قصص 26

آخر الأخبار

random
جاري التحميل ...

يسعدنا تلقي اقتراحاتك أو تعليقك هنا

روايات رومانسية كاملة | رواية العشق الضال "الفصل العاشر"

مرحبا احبابي متابعين قصص 26 أهلا بكم معنا في روايات رومانسية كامله ورواية "العشق الضال" بقلم فاطمة محمد رزق ... تقدروا تتابعوا الفصل التاسع من هنا

أغلقـت قلبـها الى وللأبـدد ولـم تهتم يوماً بتلك اللعنة التى يقال عنـها "الحب" .. لم تعتقد لوهلـة أنه قد يأتي اليوم الذي تـدخل فيه عالم "الحب" .. منعتـها كل الظروف عن إبدائها لمشـاعرهـا -لقد عشقهـا لم يعد يرتـوي إلا بحـبها يقول لقد عشـقت حنـانها .. لم أره على أيٍ من البشر الحقودين الذين تلوثت قلوبهم بالعفن .. قلبها الصافى النقي .. روحها السمحة .. ضحكتـها أآآآه من ضحكتـها إنها وللحـق ملاك يعيش على ارضنا هذه .. لقد أبديت لها عشقي بأفعالي ولكن لم اعطها تلميحاً بسبب تلك .. الظروف ! هـل ستظل الظروف هى الحاجز بين حبهما ؟! أم هـل يستمر ذاك العذاب طويلا ؟! بل هل سيتركها ترحـل من بين يديه بعد أن ملكها ؟! أم يتمسك بعشقه الضآل .. هذا ما ستجيبه أحداث الروايه لنا .. أتمنى لكم قضاء أوقات ممتعه معنا ...

روايات رومانسية كاملة | رواية العشق الضال "الفصل العاشر"

العشق الضال

الحلقه العاشره

يوسف:انتى فرحانه ؟؟
جنى بصدمه:دا انا هطير من الفرحه
يوسف بابتسامه تظهر السعاده:دا الى انا كنت عاوزه كنت خايف تزعلى عشان مقلتلكيش
جنى بإبتسامه:دى احلى مفاجأه فى كل حياتى اصلا
يوسف بابتسامه:وانتى احسن حاجه حصلتلى فى كل حياتى
احمرت وجنتاها ثم ابتسمت له وحاولت الكلام بالكاد ظهر صوتها الخافت وهى تقول:وانت كمان
لم يصدق يوسف ماسمعه فقال بسرعه:انتى قلتى ايه
هزت رأسها نافيه بخجل
اوقف يوسف السياره ونظر لها قائلا:قوليها تانى
جنى بضحك على حركته وايقاف السياره:هههههههه مفيش يلا نمشى بقا
يوسف وهو يرفع حاجباه:العربيه مش هتتحرك قبل ماتقوليها تانى
جنى بخجل:يلا بقا
يوسف بعند:لا قولى
جنى بإبتسامه:وانت كمان
اكمل يوسف طريقه بدون كلام وبعد قليل اوقف السياره ونزلو امام شاطئ البحر كان هادئ ولم يكن هنا غيرهم ثم امسك يدها حتى وقف امام البحر وقال فجأه
يوسف بخبث:وانا كمان ايه،،؟
جنى:مش دا الاتفاق انت طلبت اقولك انا قولت ايه
يوسف:اصل انا نصاب يلا قولى عشان خطرى
جنى وهى مخفضه رأسها فى خجل:وانت كمان احسن حاجه حصلت فى كل حياتى
امسك يوسف يدها بيد وامسك ذقنها بأصبعه ليرفع رأسها له وقال بحب قد غلب عليه الحنان:بحبك ياجنى عارفه يعنى ايه بحبك يعنى انتى كل حياتى وعمرى فى يوم ما هخلى حياتى دى تزعل ابدا منى
جنى بحب:وانا كمان بحبك
اخيرا قد اعترفت بحبها اخيرا كم كان سعيدا بتلك اللحظه
يوسف بإبتسامه:تعرفى ان النهارده اسعد يوم فى حياتى عشان حياتى كملت بس دلوقت
جنى:بس انا معرفش انك كنت بتحبنى
يوسف بضحك:هههههههه دا الجامعه كلها كانت عارفه بس انتى الى لطخه
جنى بصوت عالى نسبيا:يوسف
يوسف بإبتسامه:عيون يوسف
احمرت وجنتاها بشده ثم ادارت وجهها بالاتجاه الاخر
يوسف بضحك:هههههههه والله بعشقك كده لما تحمرى
ثم ذهب بالاتجاج الاخر ونظر لها وهي تشعر بالخجل الشديد ف بات يضحك عليها بشده
يوسف:هههههههه متقلقيش كلها شويه وهتتعودى على الكلام دا ومش تتكسفى كده كل شويه
نظرت له جنى بغيظ وظلت تضربه على كتفه وهى تقول:اسكت بقا بطل تريقه
يوسف بإبتسامه:حاضر ياحبيبتى الجميل عاوز حاجه تانيه
جنى وهى تحاول مقاومه خجلها بضحكه:ههههههههه لا اسكت بس
يوسف بخبث:طب ينفع احضنك بس والله
اتسعت عيناها وهى تنظر له وقالت بغيظ:لا
يوسف بخبث:واجيبلك شوكولاته
جنى بخجل:بس بقا بجد
يوسف:عادى عادى كلها شهر وتبقى بتاعتى ونشوف بقا
جنى بضحك:ههههههه شكل بابا اتخنق منى شهر ايه مش كانو شهرين
يوسف بحزن مصطنع:فكرتك هتفرحى
جنى بإبتسامه:اكيد فرحت وبعدين متمثلش مش لايق عليك التمثيل دا
يوسف:ياربى صبرنى فوله واتقسمت نصين نفس الكلام مش كفايه عليا فرحه واحده
جنى:هههههههه ،،ايه دا هى فرحه حبيبتى بتقول كده بردو
يوسف:اه حبيبتك بتقول كده وبقا عندى فرحتين
جنى:هههههههه ميضرش زياده الخير خيرين ..
أقرا أيضا رواية أرض زيكولا الفصل الثامن
فى منزل ياسين
كان ياسين جالسا وهو يتذكر شئ قد حدث معه البارحه
حينما كانت فرحه على وشك الذهاب
ياسين:انسه فرحه
استدارت فرحه ونظرت له بضيق ثم قالت:نعم
ياسين:انتى هتبدأى البرنامج الجديد دا كمان عشان الناس بتعجب حدا بطريقتك فى الكلام والحوار
فرحه بضيق:بس كده كتير عليا انا هتضغط جامد وتجهيز المواضيع،،
ياسين مقاطعا:لا مش هتجهزى الموضوع تانى هتلاقيه مكتوب عندك كل يوم كده تمام
فرحه:بس انا مش عاوزه،،
ياسين مقاطعا:انا المدير وقررت كده هتنفذيه دا مش طلب دا امر
حاولت فرحه السيطره على هدوئها قدر الامكان ثم جاوبت بكل هدوء:حاضر
ثم ذهبت من امامه ركبت سيارتها واغلقت الباب بقوه ..
يعود ياسين من رحله افكاره وهو يقول بضيق من نفسه:معقول عشان كده مجتش النهارده ممكن تكون بتفكر تستقيل ما انا خنقتها الاسبوع دا اوى مره برنامج جديد ومره تجهز اوراق وطريقه كلامى معاها مش حلوه ياااارب ..
****
كانت فرحه جالسه على سريرها تفكر ..
فرحه:صح انا كان نفسى اكون مذيعه فى الراديو وحققت هدفى بس عمرى ما كنت عاوزه كده يعنى انا بشوف انسان ف وشى كل يوم مش بيطقنى ابدا و..
ثم فجأه قالت:انا هقدم اسقالتى بكره هخلص البرنامج وهقدم استقالتى وبعدين اشتغل اى شغلانه تانيه انا اتعقدت والله من الشغلانه دى
نفسها:يعنى انتى واثقه من الخطوه دى
فرحه:اه واثقه وليه لا انا قرفت من الشغلانه دى انا عمرى ما اشتغلت عشان اتشهر ابدا بس بقيت لما حد يعرف ان انا فرحه نفسها يبصلى بنظره مختلفه نظره تانيه مبحبهاش ايوا هو دا الخيار الصح ..
كان ياسين جالسا فى غرفته فجأه دخل عليه والده ،،
عاصم:انت قاعد سرحان كده ليه
ياسين بضيق:مفيش يابابا شويه مشاكل
عاصم بإبتسامه:ياسين انا ملاحظ ان بقا عندك وقت فراغ كبير اوى
ياسين بحزن:اه ما انت عارف حبيبه راحت وكل اللى كنت بعمله كان عشانها
عاصم وهو يضع يده على كتفه:بص يا ياسين الدنيا مش بتقف ابدا على حد يعنى امك الله يرحمها لما ماتت انا فضيت حزنى فى الشغل الكتير كنت بشتغل 24 ساعه عشان انساها بس الغلطه انى ماحستش بيكو ف وقت ما كنتو محتاجينلى،،
روايات رومانسية كاملة | رواية العشق الضال "الفصل العاشر"
ياسين مقاطعا:لا يابابا متقولش كده انت الخير والبركه بردو وبعدين احنا كنا كويسين واتغلبنا على حزننا
عاصم:ربنا يخليك يابنى مع انى مش اب استحق ولاد زيكو
ياسين بإبتسامه:لا تستحق يابابا وبعدين دى تربيتك
عاصم بسرعه:تربيتنا انا وعائشه الله يرحمها لولاها مكنتش عرفت اربيكو التربيه دى ولا اكون فخور بيكو
تنهد ياسين لتذكره لأمه المرحومه ثم قال:الله يرحمها يابابا يارب ويجعل مثواها الجنه
عاصم:يارب يابنى،،بس انا عارف يا ياسين انك كنت موقف كل مشاريع حياتك عشان تهتم بأختك دلوقت انت اتأكدت انك اديتها للى هيصونها ويحميها ولازم تفكر حاليا فى حياتك الخاصه يعنى تتجوز وتبنى اسره يابنى
ياسين:ان شاء الله يابابا
عاصم:يابنى انا عاوزك تفكر فى الموضوع دا بجديه
ياسين:هحاول يابابا ان شاء الله
عاصم:ياسين باقولك
ياسين بتركيز:ايه،،؟
عاصم:ما تيجى تشتغل معايا فى الشركه فى الوقت الفاضى اهو نكون جنب بعض بس لو مش عاوز قول
ياسين بإبتسامه:ماشى يابابا هبدأ شغل من بكره معاك وهسيب الشغل التانى جاسم بيديره كويس
شرد ياسين بتفكيره مع نفسه وهو يقول:ايوا احسن اسيب الشغل دا ل جاسم وهو هيديره حلو اصلا مدير زى اتنين مفرقش
خرج ياسين من شروده على صوت والده وهو يقول
عاصم:ليه هتسيبه؟؟
ياسين:جاسم يابابا مدير كويس ومدير واحد زى اتنين وهاجى انا اشتغل معاك انت عارف ان تخصصى فى الشركات
عاصم بإبتسامه:زى ماتحب يابنى ماشى يعنى مش هتروح بكره
ياسين:لا هروح شويه وبعدين ابقى اجى عليك
عاصم:خلاص ماشى يلا نام انت دلوقت الساعه بقت واحده
ياسين:ماشى يابابا ..
أقرا أيضا رواية آدم وحياة الفصل الثامن
فى منزل حياه
كانت حياه جالسه تطالع بعض الكتب حتى دخل عليها يوسف
يوسف:بتعملى اييييه،،؟
انتفضت فرحه من مكانها ثم اجابت بإنزعاج:يابارد فزعتنى
يوسف:هههههههه معلش بقا
فرحه بضيق:جيت امتى؟؟
يوسف:لسه دلوقت
فرحه بخبث:وعملتو ايه بقا،،؟
يوسف بإبتسامه:قالتلى انها بتحبنى
فرحه بضحك:ههههههه ما انا عارفه كده من زمان يابنى
يوسف:تصدقى انك بارده عشان مقلتليش
فرحه:بس بأمانه مش احلى لما هى قالتهالك بنفسها
يوسف:اه طبعا
فرحه:ههههههه عشان كده بقا شوفت
يوسف:بس انا فرحان اوى
فرحه:ربنا يفرحك دايما يارب ياحبيبى
يوسف:انا وانتى يارب عقبال ما اشوفك عروسه كده زى العسل
فرحه:هههههههه اه ان شاء الله
يوسف:ربنا يهديكى وتفكرى فى الموضوع دا بجديه انتى عاوزه حد كده يخليكى تتجوزى غصب
فرحه:هههههههه ولا العفريت الاحمر فى اسود يقدر يغصب عليا اتجوز
يوسف:هههههههه طب انتى ايه الى مصحيكى لحد دلوقت مش عندك شغل بكره ولا ايه
فرحه:اه بكره اصلا اخر يوم هروح فيه وهستقيل بعدها
يوسف بدهشه:ليه،،؟
فرحه:اصل انا مليت من الشغل دا انا عاوزه اشتغل فى حاجه ابسط من كده
يوسف:فرحه لو اللى فى بالى صح وهتستقيلى عشانه يبقى بلاش
فرحه:لا مش عشانه طبعا يايوسف ولا حاجه ممكن اطلب منك طلب،،؟
يوسف:اكيد اتفضلى
فرحه:ممكن تشوفلى شغلانه تانيه،؟
يوسف بإبتسامه:يابنتى انتى تأمرى بس وانا اجيبلك بس عاوزه تشتغلى ايه،،؟
فرحه:عاوزه اشتغل ..
****
فى اليوم التالى
استيقظ ياسين من نومه ثم توضأ وصلى صلاته وارتدى ثيابه وخرج من منزله وركب السياره ذاهبا الى العمل
بمجرد ان دخل الى العمل رأها واقفه علته ابتسامه لم يعلم سببها ثم قال بصرامه:انسه فرحه تعالى على مكتبى حالا
انتفضت فرحه من مكانها ثم اومأت رأسها
ثم دخل الى المكتب منتظرا اياها حتى تأتى ..
****
كانت جالسه فى الصباح على مكتبها الى ان دخل ونادا عليها بصوت عال انتفضت من مكانها اثر ذاك الصوت واومأت رأسها بالموافقه
خطوه تجر خطوه وقدم تقدم والاخرى تأخر حتى وقفت امام مكتبه ودقت الباب
ياسين:ادخل
دخلت فرحه دون النظر اليه حتى وقفت امامه
ياسين بصرامه:انتى ازاى متجيش الشغل امبارح هو عشان انا قلتلك على البرنامج التانى متجيش
فرحه:لا حضرتك امبارح كان كتب كتاب اخويا ومنفعش اجى بالاضافه الى كده انا قولت للاستاذ جاسم انى مش جايه
عم الهدوء بينهم لحظات ثم قال ياسين:خلاص تقدرى تتفضلى دلوقت
خرجت فرحه من مكتبه وهى تشعر بالاختناق هل يريد اهانتها فحسب اهذه هى غايته الدائبه فى الحياه حسنا لن ادعك تمل سوف استقيل اليوم واخرج من ذاك السجن لقد كرهت وظيفتى بسببك،،
****
كان ياسين جالسا على مكتبه وقد ارتاح قليلا بعد ان علم انها لم تغب بسببه ابدا حسنا ولكن لن اغير رأيى سوف اترك باقى العمل على جاسم
دخل عليه فى تلك اللحظه جاسم
جاسم بإبتسامه:انت جيت امتى مش متعود تيجى بدرى
ياسين:جاسم هى فرحه قالتلك انها هتغيب امبارح
جاسم:اه عشان كتب كتاب اخوها
ياسين بإبتسامه:اه طيب
جاسم بخبث:البت دى شكلها بدأت تدخل دماغك
ياسين بإبتسامه ثقه:الكلام دا يتقالك انت عملت ايه مع سمر،،؟
جاسم بإبتسامه:اتقدمتلها ووافقو عليا والخطوبه بعد اسبوعين
ياسين:اه ياندل طب قولى مش هحسدك والله
جاسم بضحك:عيب اياسين احنا من امت بنفكر فى كده انا بس امبارح اتقدمتلها
ياسين بإبتسامه:ربنا يفرحكو يارب
جاسم:يارب
ياسين:اه بقولك انا معدتش هاجى الشغل تانى
جاسم بغضب:نعم !!!
ياسين:يابنى افهمنى الاول بابا عاوزنى اشتغل معاه وكمان انت قايم بكل الشغل على اكمل وجه
جاسم بضيق:ما انا بحبك تكون معايا
ياسين:معلش ياجاسم بقا وبعدين انا هفضل كل شويه ازورك هنا
جاسم:طيب ماشى
ياسين:زعلان
جاسم:لا بس لو مبقتش تيجى،،
ياسين مقاطعا:متخافش هاجى ان شاء الله
جاسم:اما نشوف
ياسين:طيب انا ماشى دلوقت بقا عشان بابا مستنينى
جاسم:هتبدا من النهارده
ياسين:اه هبدأ
جاسم:ماشى مع السلامه
ياسين وهو يذهب:مع السلامه
خرج ياسين من مكتبه وبعد انتهاء برنامج فرحه دخلت الى جاسم
جاسم:ايوا يا انسه فرحه عاوزه حاجه
فرحه:دى ورقه استقالتى يافندم
جاسم بصدمه:ليه هتستقيلى،،؟
فرحه:معلش اصل انا مش متعوده على الجو اللى انا عشته دا كل ما اروح مكان ويعرفونى بيكلمونى بطريقه مختلفه ومش حابه كده
جاسم بضيق:بس انتى برنامجك من احسن البرامج اللى اذاعتنا بتقدمها طب اقعدى وازود مرتبك
فرحه:حضرتك انا المرتب مش فارق معايا معلش استبدلونى بأى حد تانى
جاسم:انتى حطتينى قدام الامر الواقع خلاص اتفضلى التوقيع
فرحه:شكرا
جاسم بإبتسامه:اتشرفنا بحضرتك
بادلته فرحه الابتسامه قائله:الشرف ليا انا
جاسم:لو احتاجتى اى حاجه يا انسه فرحه تقدرى تيجى
فرحه بإبتسامه:حاضر يافندم استأذن انا
جاسم:اتفضلى
خرجت فرحه من مكتبه وذهبت عند مكتب ريم لتودعها
فرحه:ريم انا جايه اسلم عليكى عشان دا اخر يوم ليا هنا
ريم بحزن:ليه كدا يافرحه،،؟ يعنى هتسبينا وتمشى؟؟
فرحه:اه ياريم انا قدمت استقالتى خلاص
ريم بحزن:فرحه انا بجد زعلانه على انك هتمشى بس انا فعلا بشكرك على كل حاجه،،انتى غيرتى كل حاجه جوايا خلتينى اقرب لربنا اكتر خليتى بجد حياتى احسن انتى حد جميل اوى
فرحه وهى تضمها:ياحبيبتى انا معملتش حاجه انا مش قلتلك قبل كده ان انتى جواكى خير محتاجه حد يبينهولك انا بس ساعدتك وانتى قربتى لربنا
ريم وهى تشدد من ضمها لها:طيب انا عاوزه نفضل على تواصل
فرحه وهى تبتعد عنها:طبعا واخرجت ورقه وقلما وكتبت لها شيئا ثم قالت:خدى دا رقمى لما تعوزى تكلمينى
ريم بإبتسامه:حاضر بس نبقى نشوفك كتير
فرحه بإبتسامه:حاضر ..
****
وصل ياسين الى شركه والده ودخل على مكتبه
ياسين:بابا انا جيت
عاصم بإبتسامه:كويس جيت فى وقتك
ياسين:ليه فيه ايه،،؟؟
عاصم:لا مفيش بس كنت بفكر فى مشروع جديد وانت تنفذوه
ياسين:خلاص ورينى الفكره
عاصم:المشكله ان المشروع دا محتاج حد متمكن فى الرسم والديكور اوى زيك كده وانت لوحدك هيكون صعب عليك تنفيذه
ياسين:اختار اى حد يشتغله معايا
عاصم:كلهم حاليا بينفذو مشروعات تانيه
ياسين:انت اعلنت انك محتاج موظفين جداد
عاصم:هو حسنى لقى موظفه جديده ممكن تشتغل بس هو قالى انها فى الاصل مش مهندسه بس هى بارعه جدا غى الديكورات مش عارف اقبل ولا لا انا قلتلو هفكر
ياسين:خلاص نجربها
عاصم:دا رأيك؟؟
ياسين:اه مش هنخسر حاجه
عاصم:ماشى خلاص هوافق
ثم تناول سماعه الهاتف واتصل وطلب من حسنى المجيئ
حسنى:نعم يافندم
عاصم:انا موافق على الموظفه الجديده
حسنى بسعاده:شكرا يافندم هروح ابلغهم
عاصم:ماشى وقولها تيجى من بكره
حسنى:حاضر يافندم عن اذنك
عاصم:اذنك معاك اتفضل ..
****
بعد مرور بعض الوقت كانت فرحه قد انهت عملها فى المحطه الاذاعيه وللابد خرجت فرحه وهى ليس لديها اى شعور مطبوع بداخلها لقد ظنت انها عندما تستقيل سوف تشعر انها افضل ولكن لا لم يحدث شئ كل شئ كما هو حسنا بالكاد حاولت اقناع نفسها بأنه هم قد ازيح الان واخيرا سوف تضع حد للقائها مع ذاك المسمى "ياسين"
قاطع شرودها رنين الهاتف،،تناولت فرحه هاتفها واجابت بدون ان تنظر للمتصل
فرحه:السلام عليكم
يوسف:وعليكم السلام انتى فين يافرحه،،؟
فرحه:انا قدام المحطه لسه خارجه ناو
يوسف:انتى مروحتيش بعربيتك مش كده،،؟
فرحه:اه لسه فى الصيانه
يوسف:طب بصى خمسه وابقى عندك
فرحه بإبتسامه:ماشى بسرعه،،
لم تكد لتكمل كلمتها حتى وجدت سيارته امامها
فرحه:ايه دا لحقت
يوسف:هههههههه سوبر مان ياماما
فرحه:ههههههه انت هتقولى
يوسف:طب بطلى غلبه وادخلى عندى مفاجاه ليكى
فرحه وهى تدخل بسرعه الى السياره:ايه ايه المفاجأه،،!؟
يوسف:هههههههه كلمه مفجأه تخليكى تطيرى
فرحه:انت عارف انى بعشق المفاجئات
يوسف بإبتسامه:وانا بعشقك
فرحه:ياعم لخص خلى الكلام دا لجنى
يوسف:ههههههههه انا غلطان بقا
فرحه:قووووول بقااااا
يوسف:هههههههه طيب اهدى ياستى لقيتلك شغل وزى ما انتى عايزه
فرحه بسعاده:بجد
يوسف:جد الجد
فرحه بسعاده:انا فرحااانه اوى شكرا ايوسف بس لحقت دا انا لسه قايلالك امبارح
يوسف:مهو انا ياستى اتصلت بصاحبى حسنى وقلتله انك عاوزه شغل هو قالى هكلم المدير وفعلا كلمه وانتى دلوقت بقيتى ف الشغل من بكره تقدرى تروحى الساعه 8 الصبح
فرحه بإبتسامه:شكرا يايوسف معرفش من غير مساعدتك كنت هعمل ايه،،!!
يوسف:معروفه يعنى كنتى هتشحتى
فرحه وهى تضربه على كتفه:باااااارد
****
من بعيد كان هناك شخص يراقب مايحدث،،،،) ..............................!!!!؟؟
ما توقعاتكم للأحداث المقبله،،؟وماذا تتوقعون ان يحدث مع ياسين وفرحه،،؟

روايات رومانسية كاملة | رواية العشق الضال "الفصل العاشر"

اتمنى تكون الحلقه النهارده دخلتكم في جو حب ورومانسية جميل واللي حابب يتايعها هتنزل كل يوم في نفس المعاد وتقدروا تتابعوها من خلال صفحتنا على الفيس بوك

عن الكاتب

Marwa Raafat

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

قصص 26