رواية حلم ولكن بقلم رحمة سيد - الفصل الرابع

هذا الموقع محمي بموجب اتفاقية حماية حقوق المحتوي العالمية

This Blog is protected by DMCA.com

رواية حلم ولكن بقلم رحمة سيد - الفصل الرابع

مرحبا بكم مرة أخرى في موقع قصص26 ورواية جديدة من روايات الكاتبة رحمة سيد وكما عودناكم علي الابداع والتميز دائما, موعدنا اليوم مع الفصل الرابع من رواية حلم ولكن بقلم رحمة سيد.
رواية حلم ولكن بقلم رحمة سيد هي رواية رومانسية بوليسية أخذت شهرة كبيرة جدًا في فترة وجيزة وهذا ليس بجديد صراحة على روايات رحمة سيد فهي  تتمتع بشعبية كبيرة جدًا في الوطن العربي بأكملة وخاصة في مصر حيث سبق أن قدمنا لها علي موقعنا عدة روايات منها: احتلال قلب - لعنة عشقك - قيود بلون الدماء.

اقرأ ايضًا: رواية قيود بلون الدماء بقلم رحمة سيد

رواية حلم ولكن بقلم رحمة سيد
رواية حلم ولكن بقلم رحمة سيد

رواية حلم ولكن بقلم رحمة سيد - الفصل الرابع

في ألمانيا ( برلين ) منزل عبدالله البهنساوى ،،،

وبدون مقدمات يحتضن مالك رنا وبصراخ : افتكككككرت ، افتككككرت يا رنا ،، انا حسام انا اسمي حسام الدمنهورى
وتنصدم رنا جداا وتبتعد و...
حسام : اسف بس الفرحة خلتنى ماخدتش بالي
رنا بأرتباك : احم آآ ولا يهمك ،، افتكرت اية بقا
حسام : افتكرت آآ ان ان اسمي حسام الدمنهورى وشغال ظابط وحضرت عزاء حد بس ومش فاكر اى حاجة تاني
رنا وهي تنظر بعيد وتفرك اصابعها بتوتر: آآآ طب عـ آآ تمام ، احنا هنتصل بدكتور صفوت
حسام بأبتسامة : تمام
وتذهب رنا وهي مرتبكة و...
حسام لنفسه : دى اية الي حصلها دى كأنى قولتلها اني افتكرت ان انا مجرم
ويمشي يده علي شعره الناعم ويقف امام المرأة و...
_ والله وطلعت ظابط ، مش شغال حتت صبي شاى في شركة عـ اخر الزمن ، المهم انزل مصر في اقرب وقت اكيد ليا اهل وناس هناك

_________

في منزل نــور ( صديقة رنا ) ،،،

تجلس وهي تشاهد التلفاز بتركيز وتتكأ علي الكنبة ويدق الباب فتقوم نور وتسير ببطئ وتفتح العين السحرية لتتأكد من شكوكها و...
نور لنفسها : يوووه بقا انا مش هخلص
وتأخذ نفس عميق ثم تفتح الباب و...
_ اهلاً يا استاذ احمد ، خير ؟
احمد : انا آآ كنت طالع و.. وقولت اعدى اشوفك محتاجة حاجة ولا لا
نور بأبتسامة صفراء : لا متشكرة لو محتاجة مش هتردد اطلب من حضرتك
احمد : طيب ، اسف علي الازعاج
ويدير ظهره ويذهب وتنفخ نور ثم تغلق الباب وتذهب لغرفتها
فـ نور منذ وفاة والدايها وهي تعيش في منزلها وحيدة وليس لها اخوات واحمد جارها العاشق دائما ما يزعجها علي امل ان تحبه في يوماً ما ولكن نور ما يهمها هو عملها فقط فـ نور تعمل مصممة ديكور وفي غرفتها
تفتح الدولاب الخاص بها وتبحث عن شيئ ما وتأخذ صورة جماعية لها ولوالديها وتنزل دمعة منها وتمسح دموعها وتعدل شعرها و...
_ وحشتونى اووى يا بابا ، كان نفسي تكونوا معايا ،، ماكنش حد هيقدر يضايقني ولا يجي يقولى عايزة حاجة ولا كنت هبقي محتاجة حد والله في وجودكوا ،، ربنا يرحمكوا
وتأخذ الصورة في حضنها وتتمدد وتغط في نوم عميق

________

رواية حلم ولكن بقلم رحمة سيد


في منزل عبدالله البهنساوى ،،،

يصل الطبيب صفوت الي المنزل ويحكي له حسام علي ما تذكره و...
صفوت : غالباً انت خلاص افتكرت نص حياتك والنص التاني هتفتكره قريباً بس ارجع واقولك ماتضغطش علي نفسك عشان دا ممكن يكون له تأثير سلبي عليك
حسام : حاضر
صفوت : وخد الدواء دا وهتفتكر كل حاجة قريباً ان شاء الله
رنا بأبتسامة : شكرا يا دكتور
صفوت : عفوا ويلم صفوت شنطته والحاجة وينزل ورنا توصله لتحت وتطلع لحسام تاني

_________

في مصر ( احدى الاحياء الشعبية ) ،،،

سيدة ما ببكاء : نفسي اشووفها يا عبده
رجل بصوت رخيم : هتشوفيها هتشوفيها
السيدة : حاسه اني مش هشوفها قبل ما اموت
الرجل بزعيق : ما تسكتي بقا وتبطلي ندب مش انتى الي سبتيها من البداية دا اية القرررف دا
لتجلس تلك السيدة تبكي وتندب حظها الذى جعلها تفرط في ابنتها الوحيدة

_________
في مصر ( المقطم ) داخل احدى الشقق ،،،

يجلس فهمي ورجل اخر في غرفة ما والرجل جالس علي الكرسي ويضع رجل علي رجل ويمسك سيجارة بيده ويدخن بشراهه وهو ينظر لفهمي و...
_ يعني الواد رجعتله الذاكرة وهيقرفنا بقا
فهمي : اه يا باشا عشان كدة الراجل الكبير بيفكر يتخلص منه
الرجل بصدمة : لا ، يتخلص منه لا
فهمي بأستغراب : لا لية يا باشا هو يخصك
الرجل وهو يقوم ويذهب للشباك : آآ لا بس كدة هنروح فـ الرجلين عشان معروف ان كان ماسك قضيتنا وماتنساش ان الراجل الكبير مجهول لاى حد واحنا بس الي نعرفه يعني احنا الي هنشيل الليلة
فهمي بتفكير : امممم مش عارف ، احنا عبد المأمور بس انا هتكلم معاه فـ كدة اكيد
___________

رواية حلم ولكن بقلم رحمة سيد


في منزل عبدالله البهنساوى ،،،

يعود عبدالله من عمله وهو في غرفته تأتي له رنا و...
رنا بهدوء : بابي عايزة اتكلم معاك شوية
عبدالله وهو يخلع الجاكيت : قولي يا رونى
رنا وهي تعدل القُصة : آآ انا يعني آآ بصراحة كدة ومن غير لف ودوران بحب
عبدالله بضحك : هههه وبتحبي مين بقا
رنا بتوتر اكثر : آآ بحب بـ بحب مالك آآ قصدى حسام
عبدالله وهو عاقد حاجبيه : حسام مين !
رنا : ماهو مالك رجعتله الذاكرة وافتكر انه اسمه حسام و.. ويعني بيفكر يرجع مصر
عبدالله فاغراً شفتيه في صدمة : رجعتله الذاكرة وهيرجع مصر وانتى بتحبيه !!!
رنا : ايوة بس مارجعتلوش كلها هو افتكر اسمه وانه شغال ظابط بس
عبدالله وهو يفك الجرافته : اممم ، طب بصي بقا يا رونى يا حبيتي ، دا ولا من مستوانا ولا من بلدنا ولا نعرفه وشيلي الموضوع دا من دماغك خااالص لانه مستحييل
رنا وهى تدب علي الارض : لييية يا بابا لية مش كل حاجة الفلوس
عبدالله بصرامة : النقاش انتهي ويدخل الي الحمام الخاص بغرفته تاركاً رنا تشتعل غضبا
وحسام يستمع الي حديثهم صدفة بسبب صوتهم العاالي وتلقلق عيونه بالدموع فيدق الباب وفي نفس اللحظة يخرج عبدالله من الحمام و...
مالك بجمود : انا نازل مصر علي اول طيارة وخطيبتي هتستنانى في المطار
لتنظر له رنا وعبدالله بصدمة و...
رنا : هااا
_________________
*********************
إلي هنا ينتهي الفصل الرابع من  رواية حلم ولكن بقلم رحمة سيد 
تابعوا صفحتنا على الفيس بوك للمزيد من الروايات الأخري 
أو أرسل لنا رسالة مباشرة عبر الماسنجر باسم القصة التي تريدها

جديد قسم : رواية رومانسية

إرسال تعليق