هذا الموقع محمي بموجب اتفاقية حماية حقوق المحتوي العالمية

رواية اختلاف القلوب وتحدى القدر بقلم هاجر عبدالحليم - الفصل الثالث

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل الثالث من  رواية اختلاف القلوب وتحدى القدر بقلم هاجر عبدالحليم. 

رواية اختلاف القلوب وتحدى القدر بقلم هاجر عبدالحليم - الفصل الثالث

رواية اختلاف القلوب وتحدى القدر بقلم هاجر عبدالحليم
رواية اختلاف القلوب وتحدى القدر بقلم هاجر عبدالحليم

رواية اختلاف القلوب وتحدى القدر بقلم هاجر عبدالحليم - الفصل الثالث

ف المستشفى
رايح جاى ف توتر وقلق معرفش البنى ادمة دى طلعتلى منين بس كل اللى اعرفه انى عايز اطمن عليها باى شكل لحظات عدت ساعات وانا مستنى الدكتور يطلع يطمنى عليها وشوية لقيته طلع جريت عليه بلهفة وقولت:خير يادكتور هى كويسة مش كدة
الدكتور بصلى وقال بعملية:متقلفش يارعد باشا هى بخير والحمد لله ومش لوحدها دة الجنين كمان معاها
بصتله بصدمة وقولت:جنين!!!! هى حامل طب جوزها كان فين ساعت متعرضت للضرب دة...لا انا حاسس ان فى حاجة مش مظبوطة حصلت دى شكلها قضية كبيرة اوى ع العموم يادكتور هى فاقت ولا لسة
بص ف الساعة وقال:اديها نص ساعة بالظبط وهتلاقيها ان شاء الله قامت...لو احتجت حاجة اتمنى تبلغى انا ف الخدمة
بصتله وقولت:اكيد يادكتور الف شكر ليك
بصلى وقال:الشكر لله عن اذنك
قولتله:اتفضل
جنين....لا كدة مينفعش يعنى هى حامل؟!.... ف ميت احتمال واحتمال ف دماغى بس مش هقدر اجزم ب اى واحد غير لما اتكلم معاها ودة اللى هعمله لما تفوق
لقيت نفسى مسكت الموبايل ورنيت على
ف اوضة اسد
كنت نايم وجيسى ف حضنى فجاه لقيت تليفونى بيرن مين الغبى اللى ببرن ف ساعة زى دى؟! وعايز ايه؟!
شيلت راس جيسى براحة من ع صدرى وحطيتها ع المخدة وبصتلها بصة حب بعد كدة رديت ع التليفون
الو
ايوة يااسد انا رعد
رعد..انت بتكلمنى ليه يبنى دلوقتى...روح الله يهديك عايز انام
يارعد قوم بسرعة ف مصيبة كدة جتلى معرفش حلت ع دماغى من انى داهية
قلقت من نبرة صوته وقولت:مصيبة ايه....حصل ايه
مش هعرف اقولك ع التليفون البس وتعالى ف مستشفى......علشان ف قضية ممكن تكون اغتصاب او قتل او ممكن تكون واحدة هربت من اهلها الصراحة معرفش لازم تيجى تستجوبها ياحضرة الظابط
حطيت ايدى ع راسى من الصداع وقولت:ياريتنى مرديت عليك يارعد اقفل انا جاى وان شاء الله مش هيبقى فيه قضايا ولا حاجة اكيد البت دى واحدة شمال وهربت من اهلها بعد مدوها العلقة التمام بس كل دى احتمالات....خلاص كله هيبان قريب سلام انت دلوقتى خلينى البس واجيلك ع المستشفى
تمام وانا مستنيك
ف المستشفى
كنت قاعد ع الكرسى عمال بشد ايدى وارخيها من كتر التوتر والقلق بعد فترة الممرضة جت وقالتلى المريضة فاقت
مقدرش اوصفلكم كم الراحة اللى حسيتها ساعتها بس حاليا انا مستنى اسد معرفش اتاخر ليه دة كمان
شوية ولقيته وصل
قربت منه وقولت:كل دة عقبال متيجى
حط ايده ع كتفى وقال:معلش يارعد الطريق كان زحمة جدا خلينا ف المهم دلوقتى هى فاقت ولا لسة
قولتله:اه فاقت من ساعة كدة
قالى:تمام...يلة خلينا ندخل نشوف ايه الحوار؟!
قولتله:يلة
دخلت الاوضة لقيتها حطة راسها للجهة التانية بصيت لرعد لقيته حمحم علشان تاخد بالها مننا..وفعلا لفت والصدمة كانت ان انا كنت شايف البنت دى قبل كدة
من الصدمة قولت:انت!!!
قالتلى بصدمة ممزوجة بالقلق:اسد باشا!
رعد بصلى بصدمة وقال:انتوا كنتوا شايفين بعض قبل كدة ولا ايه؟!
بصتلها وقولت:لا مش كتير مرة او مرتين بالكتير
قربت منها وقعدت ع الكرسى وبصيت ف عنيها وقولت:ياترى ام لسان طويل ايه اللى جابها المستشفى...ممكن بعد اذن جلالتك يعنى تحكيلنا
لقيتها بصيت لرعد بقلق اللى صدمته كل شوية بتكبر بس شكله قرر يسكت لحد منشوف حوار البت دى ايه؟!
بصيت عليها مرة تانية وقولت:اتكلمى انتى ايه اللى جابك هنا وفين اهلك وجوزك؟! ولا انتى مش متجوزة اصلا متنطقى يابت اخلصى...علشان لو مظلومة نعرف نجيبلك حقك
بصيتلى بحسرة ودموع ظاهرين ع وشها وقالت:حقى!!!...حقى دة مفيش حد هيعرف يجيبهولى غير ربنا انا مش عايزة اى حاجة غير انى اربى ابنى وبس دى الحاجة اللى بقيالى من ريحة نوح الله يرحمه
اتصدمت وقولت:انت حامل؟! لا موضوعك كبير ممكن اعرف ايه اللى حصل؟!
بصيلى بحسرة بعد كدة لقيتها صرخت بطريقة وجعت قلبى عليها:وانت مالك...عايز تعرف ليه...دة كله وجع قلب...انا جوزى مات قدام عينى ومعرفتش اعمله ايه قتلوه غدر وكانوا عايزين يموتوا ابنى...ابنى اللى من ربحت نوح...لكن لا انا مرديتش وهربت منهم...بس انا عارفة انهم هيحاولوا ياخدونى علشان يقتلوا ابنى وعمى نعمان يحقق انتقاموا منى...سيببونى بقا محدش ليه دعوة بيا سيبونى اطلعوا برة مش عايزة اشوف حد برة
طلعت ع طول من غير م بص حتى لرعد..وانا ف دماغى لغز اموت وافكه
اما انا بصيت ناحية أية وقولت:متخافيش احنا مش عايزين نعمل فيكى حاجة...لو مش عايزة حقك خلاص مفيش مشكلة بس ع الاقل نعرف احنا لو سيبناكى حد هييجى ياخدك ولا لا؟!
الظاهر كدة هديت ونوبة الصريخ اللى جتلها قدام اسد مش هتجيلها تانى
بصيتلى وقالت بعياط:اهلى خلاص راحوا منى....انا بقيت لوحدى انا وابنى.. معرفش اروح فين بعد مخرج من المستشفى دى...بس انا مش هستسلم هربى ابنى لوحدى حتى لو اضطريت اشتغل خدامة ف البيوت
صعبت عليا بس لسة لحد دلوقتى الروية مش واضحة بالنسبالى وانا لازم اعرف كل حاجة ع الاقل اقدر اساعد البت الغلبانة دى

روحت وقعدت ع الكرسى اللى ف وشها ع طول وحاولت اقول كلام يخليها متطمنة واعرفها انها مش لوحدها ف الدنيا دى والحمد لله نجحت ف دة
بصى يامدام أية ف الاول كدة لازم تعرفى انى لو لقيت حد محتاج مساعدتى ب اى طريقة كانت صدقينى مش بتردد ابدا.وانا هساعدك ومش هخليكى عايزة حاجة ابدا...بس لازم اعرف حكايتك ايه...علشان اعرف احميكى
بصتلى وقالت:هقولك بس
ومسكت ايدى كانها بتترجانى وبتقول:ابوس ايدك ساعدنى اربى ابنى كويس انا مبقاش ليا حد ف الدنيا دى...انت ربنا بعتك ليا نجدة
طبطبت ع ايدها بخفة وقولت:متخافيش انا مش هسيبك تحت اى ظرف بس اسمع منك الاول
نامت ع السرير وبصت للسقف وفضلت تعيط وتقول:انا اسمى اية واخدة دبلوم تجارة كنت عايشة ف حالى مع ابويا وامى واخويا كافيين خيرنا شرنا...بس القدر فرقنا وخد منى ابويا...كان لازم ابقى قوية علشان ماما واخويا كان صغير 17 سنة سنه كان خطير اوى علشان كدة كل يوم ميت مشكلة بتحصل بسببه المهم لقيت عيلة بابا الله يرحمه ظاهرت من الصعيد وطلبوا منى اتجوز ابن عمى مردتيش علشان كان متجوز..هددوا امى بقتلى لو هى مقبلتش تجوزنى لحسان ابن عمى روحت ل امى وحكتلى حاجات غريبة عمى كان عايز ينتقم منها علشان بعدتوا عن اخوه سنين..حصل مشدة ما بينهم زمان تقريبا كدة بسببها وخلاهم يتفرقوا عن بعض...والظاهر كدة ان عمى كان ببيحب امى زمان المهم انا كان ليا ابن عم تانى اسمه نوح قرر بحمينى منهم وفعلا وافقت واتجوزته ع سنة الله ورسوله بس محدش يعرف غير امى واخويا يس بعد حوالى شهرين اهلنا اللى ف الصعيد عرفوا وخطفونا وقتلوا نوح قدامى قدام عينى دول...انا تعبانة اوى
لقيتها بتعيط بحرقة الروية الى حد ما وضحت ولسة هتوضح مع مرور الوقت
قولتلها:حقك هيتجاب صدقينى....انتى ف بلد فيها قانون ومحدش هيعرف ينجدهم منى
قالتلى:لا انا مش عايزة حاجة غير انى اعيش ف سلام دة اللى انا عايزاه
قولتلها:خلاص ارتاحى كدة وصدقينى ف اقرب وقت هلاقى حل
قالتلى:توعدنى
قولتلها:اوعدك
لقيتها غمضت عينها ومن التعب نامت بسرعة
خرجت من الاوضة لقيت اسد قاعد اول مشوفنى جرى عليا وقال:كل دة جوة...بتعمل ايه كل دة
قولتله:البت مظلومة اوى يااسد...انا بجد مش عارف ايع المفروض اعمله احنا قدام قضية قتل دلوقتى...والموضوع مش سهل بالمرة
قالى ب اهتمام:قالتلك ايه يارعد؟!
حكتله كل حاجة سمعتها من أية
ضحك وقال:كدة صح
قولتله ب استغراب:مش فاهم تقصد ايه
قالى:اقصد كدة الموضوع يتفهم الظاهر ان عمها دة زمان كان بيحب امها بس محصلش نصيب واتجوزت من اخوه
متعرفش هى عملت ايه علشان تفرق ما بينهم ولما جوزها مات عمها لقاها فرصة ينتقم منها ف بنتها شكله كدة لسة بيحبها لحد دلوقتى ع الرغم من كل السنين دى...وبالنسباله اتجوز جوازة اى كلام وضيع عمرى مع واحدة مش بيحبها...يعنى عمره ضاع ع مفيش
اتصدمت وقولت:ايه دماغك دى يخرببت عقلك...بس دة السبب انه يقتل ابن اخوه
قالى:كل شى مسموح ف الحب والحرب بقولك ايه تعالى نمشى ونكمل كلامنا ف العربية بس علشان نكسب وقت
قالى:تمام يلة بينا
ف عربية اسد
كنت قاعد بفكر ف حل ل اية مفيش حل غير حل واحد بس مش هقدر اعمله دة كان اسد يموتنى...طب بدل معمله ل اسد اعمله ليا انا...لا طبعا انا مش بحبها علشان خاطر اتجوزها وبعدين طريقتك دى معناها انك هتخرب بيت اخوك ب ايدك لا يارعد بس انا معنديش حل تانى اعمله غير دة لازم اية تبقى من عيلة الرملى انهردة قبل بكرة واسد هو الوحيد اللى يقدر بحميها منهم.انا اسف يااسد بس لازم اعمل كدة
بصيت ل اسد وقولت:مقولتليش تعرف أية دى منين
ضحك وقال:دى حكاية طويلة هتفرق معاك ف ايه لو عرفتها بس يعنى شوفتها مرة او مرتين صدفة كدة محصلش بينا كلام غير قليل..وكفايا كلام علسان هموت وانام
قولتله:طيب
فى مكان اول مرة نروح وبالتحديد ف قرى من قرى الصعيد
فى سرايا الحاج نعمان
طرااااااااخ
القلم دة كان كفيل يوقع صاحبته ع الارض
قرب منها الحاج نعمان وشدها من شعرها وقا بصريخ:كيف عملتى اكده يابت المركوب...تهربى البت من هنى
صفية بعياط:والله ياحاج البنية صعبت عليا جوى....كانت بتموت مش كفايا موت نوح ولد اخوك اللى من لحمك ودمك كمان عايز تجتل ضناها كفاياكم ظلم عاد
طراااااخ
لاع انتى عيارك فلت ع الاخر يامرت ابنى...انتى فكرانى غبى ولا ايييه...انى خابر زين انك عملتى اكده علشان متخليش حسان يتجوز منيها...لكن لاع وعد منى ليكى هجيبها هنى واللى ف دماغى هعمله...اما انتى بجا هوديكى المخزن ممنوع تاكلى ولا تشربى اى حاجة واصل...لحد مياجى حسان يشوف صرفة مع مرته اللى اتخبلت ديه
ونادى ع الغفر بتوعه ودوها ع المخزن
نعمان بعصبية:هربتى منى مرة مش عتعرفى تهربى تانى يابت اخوى قسما بالله لهندمك ع اليوم اللى اتولدتى فيه...هجيبك يااية حتى ولو ف بطن الحوت هجيبك...وبالنسبة ل امك واخوكى انى هتصرف معاهم زين..زين جوى..هما موجودين ف السرايا وهتجوزها واخليها تبكى بدل الدموع دم...اصبروا بس عليا ياولاد المركوب انتوا
فى اوضة ما ف السرايا

سيدة قاعدة ع الارض هى وحمزة ومربوطين بالحبال
حمزة بيحاول يفك الحبال مش عارف
حمزة بتعب:خلاص تعبت مش عارف...احنا خلاص هنموت ياماما زى نوح...احنا ليه بيحصلنا كدة؟! هو عمى ليه بيعمل معانا كل دة
سيدة بعياط:بنتى راحت منى ياحمزة وكل دة بسبب طمعى وجشعى زمان...انا السبب ف كل اللى بيحصلها دلوقتى يارب نجيها واحميها منهم....انا عارفة نعمان ناوى ع الشر..اااه يابنتى سامحينى انا السبب ياربتنى كنت ختك وبعدنا عن كل الناس...ياريتنى قولت لا لنوح ياريتنى ااااه
حمزة ب استغراب:انتى السبب ازاى مش فاهم حاجة؟! ايه اللى حصل زمان ياماما
سيدة بوجع:ابوس ايدك ياحمزة بلاش تفتح ف القديم انا والله مناقصة...بس كل اللى اقدر اقولهولك انا السبب ف كل اللى بيحصل واستاهله بس انت وأية ذنبكوا ايه
حمزة بعصببة:القديم اصلا اتفتح ياامى لما اتخطفنا وجينا ع هنا...القديم اتفتح لما اختى اتشردت وهربت والله اعلم راحت فين...القديم اتفتح لما نوح مات بدم بارد..احنا خلاص اتحكم علينا بالموت هنا ياامى...خلاص دة قدر ومفيش مفر منه...بس طالما بتقولى انك انتى السبب صدقينى انا مش مسامحك سامعة ياامى مش مسامحك
ف قصر الرملى
دخلت الاوضة لقيت جيسى نايمة غيرت الهدوم وليست لبس النوم وقعدت جمبها ع السرير حطيت دراعى ع راسى وبصيت ف السقف
ياترى ايه حكايتك يااية....انتى ليه مصرة تدخلى حياتى ف الاول لما خبط صاحبتك بالعربية وبهدلتينى ف الشارع ومردتش اعاقبك مع انى كنت اقدر بس قولت انا اللى غلطان وبقيت بطلة احلامى ساعات بصحى وانا مبسوط وساعات بصحى وانا خايف مينفعش يااية تدخلى حياتى هتخربيها وانا مش ناقص
فضلت افكر كتير لحد م نمت
ف اوضة مروة
كنت قاعدة بتكلم مع ميار صاحبتى ع الفون
بقولك يامروة هو انتى ليه رفضتى عرض شادى؟!
قولتلها:يالهوى ياميار عايزانى امثل انتى عايزة رعد يقتلنى
اوف يامروة انتى خانيقة اوى...انتى هتفضلى دفنة نفسك كدة ليه...انتى مش بتحبى التمثيل ايه اللى هيجرا لو مثلتى ف مسرح المدرسة ومش بعيد موهبتك دى تتشاف وتبقى ممثلة قد الدنيا
قولتلها:صح انا بحب التمثيل بس دى هواية مش اكتر مينفعش اخليها شغل وبعدين عيلتى مش هتقبل بحاجة زى كدة
ممكن اعرف ليه بتخافى ع زعل رعد اوى كدة...وكمان بتخافى منه...مش فاهمة ليه الصراحة
قولتلها:انتى عارفة وبلاش استعباط
طب وهو بقا بيجبك زى منتى هتموتى عليه كدة يابنتى انتى تستاهلى حد يحبك هو بيحبك زى اخته
قولتلها:طب واللى عايز يتاكد يعمل ايه؟!
امممممم الغيرة يااوختشى الغيرة سلاح فتاك بس لو رعد غيرته وحشة نصيحة منى بلاش
ياسلام ياختى لا انا هجرب وبعدين انا معرفش غيرته عملة ازاى اصلى مشوفتهاش مع انى هموت واشوفها
ههههههه واقعة واقعة مفيش كلام
هههههه طب قوليلى مين دة بقا اللى هيساعدنا..وع العموم انا عيد ميلادى بكرة ممكن نستغل دة
ملكيش دعوة انا هجيبلك واحد بس حلاوتى بقا متنسهاش
ونبى اطلبى عمرى بس الجبل اللى انا بحبه يتكلم
ههههههه متقلقيش كله هيبقى تمام
ماشى ايدة اقفلى يابت بسرعة شكله رعد جى اقفلى
طيب طيب يخربيت هبلك انا هقفل سلام
سلام
روحت بصيت من الشباك لقيته خارج من العربية وداخل ع القصر
مكنتش شايف قدامى بس عايز احضن السرير وبس كان يوم متعب بكل المقاييس...جاى اخش الاوضة لقيت مروة بتندهلى غمضت عينى بتعب لا والله مش فاضى لشغل اطفال دلوقتى ابوس ايدك يامروة اى كلام علشان خاطرى اجليه بكرة
رعد رعد انا بناديك ع فكرة
لفتلها وقولت:مروة حبيتى قسما بالله انا همدان ومش حمل خناق معاكى خالص انهردة لو سمحت اجلى اى حاجة لبكرة ممكن
لقيتها بقت زعلانة وقالت بحسرة:كدة يارعد بدل متقولى كل سنة وانتى طيبة علشان خاطر عيد ميلادى ماشى كتر خيرك
جت تمشى بس ندهتلها وقولت:خدى يابت انتى... ايه كتر خيرك دى... انت بتشحتى ع باب السيدة ولا ايه
وقربت منها وبوست راسها وقولت:حقك عليا متزعليش منى....وع العموم ياستى كل سنة وانتى طيبة وهديتك هتبقى عندك
قالتلى:هو انا ممكن اعزم اى حد عايزاه؟!
مفهمتش المغزى من سوالها بس قولتلها:عادى...دة مش عيد ميلادك...انتى حرة تعزمى اللى انتى عايزاه
ضحطت وقالت:ميرسى يارعد تصبح ع خير
قولتلها:وانتى من اهله
مشى رعد وانا بغلى من جوايا يارب امتى علاقتنا مجرى تانى غير دة...دة انا بخترع اى غلطة علشان يتكلم معايا حتى لو بزعيق...يارب يارعد تكون بتحبنى...ياسلام ياختى طب لو مطلعش بيحبك هتعملى ايه...لاااا فى الحالة دى كل شى هيختلف بس كل حاجة هتبقى ف وقتها
ف سرايا الحاج نعمان
حسان بعصبية:كيف يابوى تعمل اكده تحبس مرتى ف المخزن ليه عملت اييه لكل ديه
نعمان بعصبية مماثلة:واة...ياك متكونش خابر هى عملت ايه...عملها اسواد ومهبب عليها وعلى اللى جابوها كيلاتهم...مرتك دى ناجصة ربايا
حسان بزعل ع مراته:كنت جولى يابوى جولى وانا ربيها واخليها تحب ع يدك ورجلك جمان لكن اللى عملتوا ديه كان صعب جوى يابوى...انى عروح اجيبها
نعمان: البت صفية لحست دماغك ع الاخر يابن نعمان...ايه مش عاوز تجف جمب ابوك ف عز محنته

حسان بزعيق:كفايا يابوى لحد اكده نوح اتجتل بيدتا ديه ديه يابوى نوح اللى كان زى اخوى ويمكن اكتر انى مخبرش كيف طاوعتك ع جتله
نعمان:شرفنا ياولدى كان هيبجا ف التراب بسببك نوح.راح اتجوز بت سيدة من ورانا كان لازم يتادب
حسان:كان كاتب كتابه عليها يابوى...حرام يابوى كيف الانتجام يعمى عنيك اكده..كيف
نعمان:روح جيب مرتك...وبعد عنى الساعادى روح
حسان مشى وراح المخزن علشان يجيب مراته من هناك
نعمان فضل واقف بيفتكر قد ايه هو اتجرح...عمره ضاع ومفرحش فرحة بجد طول السنين اللى عدوا من عمره...سيدة كانت حببته هو كانوا متفقيش ع الجواز كان مستعد يضحى بكل حاجة علشانها...وبمجرد م وقع وكان ف محنة وممكن يخسر كل فلوسه بعدت عنه وراحت لاخوه وفهمته انها بتحبه هو مش نعمان وفهمته ان نعمان دة انسان حقير حاول يوقعها اكتر من مرة بس هى رفضت و ف الاخر حصل خناقة كبيرة بين نعمان مهران وكان نعمان مظلوم فيها...ف مهران اتجوز سيدة ونزلوا ع مصر
نعمان بصريخ:اااااه هتدفعى تمن كل وجع انا عيشته بسببك ياسيدة...هتدفعى تمن بعدى عن اخوى ومدفنتوش بيدى ديه...علشان احجج انتجامى ديه...مستعد اجتل حتى ولدى مش ابن اخوى
فى المطعم
شوفتهم وهما مع بعض فاهمين يعنى ايه مع بعض يعنى هما ف لحظات خاصة بيهم هما كانت مستسلمة ليه وعرفت دلوقتى قد ايه هما بيحبوا بعض اااااااه
بعدت مرة واحدة وانا مغمضة عينى مش عايزة اشوف حاجة تانى
فضلت اجرى وانا بعيط مخدتش بالى ان ف وشى الجرسون ف كل اللى مسكه وقع ع الارض وكمان هدومه
قولت بخضة وتعب وصوت متقطع بسبب دموعى:انا اسفة اوى مخدتش بالى معلش سامحنى
اسر جرى عليا بخضة وقال:مالك يااميرة ايه اللى حصل
رميت نفسى ف حضنه وفضلت اصرخ واعيط معرفش انا مالى احساس وحش ان اشوف اللى بحبه مبسوط مع حد غيرى احساس وحش ان اشوف حبيبى مع واحدة تانية غيرى
اسر اتخض وشد عليا جامد جامد اوى بطريقة حسيت ان جسمى هيتكسر
اسر بقلق:هشششش اهدى يااميرة...مالك ؟!بسم الله الرحمن الرحيم فيكى ايه فهمبنى وبطلى صريخ
الكل بص ناحيتى بخضة وانا بشد ف وسط اسر جامد كانى بطلب منه الامان وقولت:عايزة امشى يااسر ابوس ايدك مشينى من هنا
لقيت ميرا وريان جريوا علينا بخض
ميرا ملست ع شعرى وقالت بقلق:ف ايه ياحبيتى مالك
ريان بص ل اسر وقال:ايه اللى حصل يااسر
اسر قال بخضه:معرفش والله انا مش قادر اشوفها كدة...شايفين مش عايزة تبعد عن حضنى..اميرة خلاص هنمشى دلوقتى بس اهم حاجة تهدى
ريان ل اميرة:انتى كويسة يااميرة؟!
لقيت نفسى بصرخ ف وشه من غير وعى منى
ملكش دعوة كويسة تعبانة مخنوقة قرفانة ملكش دعوة بيا خالص انت فاهم اياك والكلام معايا اوعوا تخلوا يتكلم معايا اصلا انا مش عايزة اتكلم مع حد مشونى من هنا
وحطيت راسى ف صدر اسر:ابوس ايدك يااسر مشينى من هنا
اسر بص ل ريان وميرا بقلق واضح ع وشه بس معرفش هو كان ايه اللى ف دماغه بس اكيد هعرف؟
اسر طلع من جيبه مفتاح العربية وقال:ريان سوق انت انا هبقى مع اميرة ورا لحد متهدا
ريان قاله:تمام
انتوا اكيد ختوا بالكوا انها زعقتلى...البت دى اكيد فيها حاجة مش معقولة تكون انسانة طبيعية...وبعدين طالما زعقتلى يبقى اكيد ف حاجة حصلت والحاجة دى حصلت واحنا ف المطعم انا لازم اعرف ايه هى؟!
ف قصر الرملى
ف اوضة مروة
ركبنا العربية وفضلت ف حضن اسر مكنتش عايزة اشوف حاجة تانى..حتى اسر قلق عليا واستغرب علشان دى اول مرة اكون ف حضن اسر بالطريقة دى الصراحة اتكسفت واستغفرت ربنا ف سرى ربنا يعلم بحس احساس الاخوة ل اسر كنت محتاجة حضن اخ باى شكل وكان اسر هو اللى قدامى
قعدت ع السرير وفضلت اعيط جامد لقيت نفسى حسيت بخنقة قولت اطلع اشم نفسى شوية ف الجنينة
ف اوضة ريان
كنت باصص من البلكونة و ف ايدى كباية نسكافيه بشربها الحقيقة انا لما ببقى قلقان او ف دماغى حاجة شغلانى لازم اشرب النسكافيه فجاه لمحت اميرة واقفة قصاد حمام السباحة لقيت نفسى بلبس وبنزلها
*********************
إلي هنا ينتهي الفصل الثالث من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية

تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

جديد قسم : روايات حب

إرسال تعليق