هذا الموقع محمي بموجب اتفاقية حماية حقوق المحتوي العالمية

رواية اختلاف القلوب وتحدى القدر بقلم هاجر عبدالحليم - الفصل الرابع

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل الرابع من  رواية اختلاف القلوب وتحدى القدر بقلم هاجر عبدالحليم. 

رواية اختلاف القلوب وتحدى القدر بقلم هاجر عبدالحليم - الفصل الرابع

رواية اختلاف القلوب وتحدى القدر بقلم هاجر عبدالحليم
رواية اختلاف القلوب وتحدى القدر بقلم هاجر عبدالحليم

رواية اختلاف القلوب وتحدى القدر بقلم هاجر عبدالحليم - الفصل الرابع

فى مخزن ما
حسان دخل المخزن لقا صغية نايمة ع الارض وحواليها رجالة نعمان والنصيبة انها كانت بشعرها وشوية دم ع بقها
اتعصب والدم غلى ف عروقه وبص لرجالة نعمان اللى اترعبوا من شكله وقروا الفاتحة ع روحهم مقدما
صرخ ف وشهم وقال:سوال ومش هكرره تانى...مين اللى عمل ف مرتى اكده..انطج ياجحش منك ليه
واحد من الرجالة قال ورجله مش شايلاه بسبب خوفه من حسان:والله ياباشا دى اوامر الحاج نعمان...منجدرش نجوله لاع عليها
حسان قرب منه وضربه لكمية ف وشه وقال بصوت كفحيح الافعى:مرت حسان نعمان ميتعملش فيها اكده..قسما بالله مهتجعدوا هنى دجيجة واحدة بعد انهردة بس لاع لازم انتجم لمرتى بس لاول
وصرخ وقال:مين اللى شال الطرحة من ع راسها؟!
واحد من الرجالة قال بصوت متقطع:انى ياحسان بيه
بصله بحدة وقرب منه وضربه ف بطنه وبعد كدة فصل يضرب فيه بغل لدرجة انه وقع ف الارض وهو بيمسك بطنه من الوجع بس لا حسان مكتفاش بكدة قضل يضرب فيه لدرجة انه كان هيموت ف ايده ومحدش قادر يحوش عن الراجل دة بسبب خوفهم من حسان
حسان بغل وعصبية:...كيف تعملوا فيها اكده خليكوا ف المخزن ديه واياك تخرجوا منيه والا قسما بالله لجتلكوا انتوا فاهمين ولا لاع
مفيش رد
وصرخ وقال:فاهمين
الكل:فاهمين ياباشا
وبص ناحية الراجل اللى اتضرب منه وتف عليه وبصله نظرة احتقار وقرب ناحية صفية بلهفة
حط راسها ع رجله وفضل يضرب ع خدها بخفة وقال:صفية..صفية جومى الله يخليكى انى اسف انى مكنتش موجود علشان احميكى منيهم جومى ياصفية
ملقاش رد منها راح جاب الطرحة ولبسهالها وشالها ودخلها السرايا وراح بيها الاوضة وحاول يفوقها ولسانه مش بيسكت عن الاعتذار لحد مفاقت
حسان بفرحة:صفية...صفية حبيتى انتى كويسة ياعمرى انتى؟!
صفية بعدت ايده عنها بعنف وقالت:بعد يدك عنى
حسان ب استغراب:خبر ايه ياصفية مالك؟! والله مكنت خابر باللى ابويا عمله
صفية:وجتل نوح...ياك تكون فاهم انى هجعد ع ذمتك دجيجة واحدة بعد اللى شوفته وشمعته،انت جاتل ياحسان
وصرخت ف وشه وقالت بعياط:جوزى وتاج راسى جتل اخوه اللى كان بياكل معاه من طبق واحد...انت جتلت اخوك جولى كيف عايزنى اجعد معاك جولى كيف
حسان بوجع حط ايده ع دراع صفية وقال بنبرة توسل:ابوس يدك ياصفية متسينيش انى منعرفش نعيش من غيرك لازم وجودك ف حياتى...ومتخافيش انى مستحيل اعمل حاجة عفشة واغضب ربنا بيها
صفية ب استغراب:كيف يعنى؟!
حسان:هجولك بس مش دلوج لما الدنيا تهدا شوية...ابوى مش هنعرف نوجفه ابدا ع اللى ناوى يعمله..بس متخافيش انى مش هخلي اى حاجة عفشة تحصول لمرت عمى وابنها
صفية اتطمنت من كلامه وحضنته وفضلت تعيط وتقول:انت مش وحش ياحسان صوح...جولى انك مش وحش
حسان باس راسها وقال:انى مش هعمل حاجة تخليكى تبعدى عنى...كل شى هيرجع زى لاول واحسن كمان...متجلجيش
شاورت براسها ب اه وباست ايده وقالت:ربنا يخليك ليا
وف لحظة سيطرت عليهم الحب واللهفة والرغبة
حسان خد مراته لعالم هو بس اللى ليه الحق ياخدها فيه فى اوضة الحاج نعمان
احلام وهى بتغسل رجل نعمان بالمياه والملح وجابت الفوطة وبتنشف رجله
بجولك ياحاج هو انت ناوى نعمل ايه مع سيدة وابنها؟!
نعمان:ملكيش صالح
احلام:واة...انى بسالك بس...وبعدين ايه انى مرتك برداك يانعمان وانى الصراحة يعنى الفار بيلعب ف عبى وحاسة انك هتعمل حاجة عفشة معايا
نعمان قام ونام ع السرير وطفى النور وقال:تصبحى ع خير
احلام جريت عليه وقالت:ريحنى..يريحك ربنا يانعمان...انى ضعيت عمرى كله ف خدمتك وخدمة عيالك اوعاك تخلى بيا وتروح تتجوزها..ولو عملتها انتى اكده مش مراعى سنك وعتخلى الخلج كيلاتهم يضحكوا علينى
نعمان جام وضربها بالقلم وقال بعصبية:ملكيش صالح انى حر اعمل اللى انا عايزه ف الوجت اللى يعجبنى مين انتى اصلا يااحلام..انى سيدك فاهمة وانتى تقولى نعم وحاضر بس سامعة
احلام بصدمة:عتتضربى كف يانعمان دى اخرتها ياولد عمى...ماشى اعمل اللى يريحك بس لازم تعرف حاجى لو اللى ف دماغى حوصل هيبجى ليا تصرف تانى
نعمان بخوف:جصدك ايه ياولية؟! انتى جنيتى ياك؟!
احلام ب ابتسامة نصر:تصبح ع خير يانعمان
ويبقى السوال
ليه احلام ضحكت بنصر؟! وليه نعمان خاف من تهديدها؟!
ف قصر الرملى
ف الجنينة
كنت نازل اشوفها ومحدش يسالنى ليه؟!علشان انا اصلا مش عارف.. لقيتها واقفة شوية بتبص للسما وشوية ع البحر
قربت منها لقيتها بتغنى وصوتها كان باين عليه الوجع
عايزة ا لملم قلبى
واحضن نفسى وامشى بعيد
عايزة اطيب جرحى
ايوة هطيب جرجى اكيد
عايزة ا لملم قلبى
واحضن نفسى وامشى بعيد
عايزة اطيب جرحى
ايوة هطيب جرحى اكيييييد
عاوزة حبك يبعد عنى
عاوزة جرحك يخرج منى
لازم اعلم قلبى انا ينسى
ولازم ينسى ولازم اعيش
حمحمت بحرج...هى اتخضت وقالت:ريان
ضجكت وقولتلها:كل مرة بتفجاينى باحساسك...صوتك روعة ليه مش بتستغلى الموهبة دى؟!
حاولت افتح معاها حوار بس لقيتها مش عايزة تتكلم كانها بتهرب منى بس مش عارف ايه السبب؟!
فجاه قالتلى:انا هدخل عن اذنك

معرفش ليه مسكت ايدها كانها حركة لا ارداية مليش يد فيها...بس حسبتها لعز صوتها بحسه حزين..فضولى هيموتنى انا عايز اعرف مالها؟! وايه سر التجاهل دة؟!
مسك ايدى...حسا بكهربا اخترقت جسمى مش قادرة اتحرك ولا اتكلم حطيت ايدى ع قلبى يمكن دقاته تقف...ااااه ياريان ارحمنى شوية...انت اهو اللى بتقرب منى..حرام انا عايزة ابعد عنك عايزة الم جرحى دة شوية
بصتله وبعد كدة بصيت ل ايدى ورجعت بصتله وقولت:شيل ايدك
شيلت ايدى بسرعة الظاهر انها اتعصبت وليها حق
انا اسف مش قصدى حاجة باللى عملته...ممكن تعتبرينى اخوكى واتكلمى معايا انا حسك مخنوقة وشايلة هم جواكى كبير ومحدش حاسس بيه..وكمان انا ملاحظ انك بتتكلمى معايا وحش...قوليلى هو انا عملت حاجة ضايقتك منى؟!
يارب دة يتقاله ايه...اخويا...اعتبرك اخويا...انت اتجننت ياريان
حاولت ابقى هادية شوية وقولت:مفيش ياريان انا بخير الفكرة انى مزاجية حبتين ف لحظة تلاقينى مبسوطة وف نفس اللحظة تلاقينى زعلانة...وبالنسبة ان بعاملك وحش الموضوع مش كدة الفكرة انى لسة لحد دلوقتى مختش عليك وع وجودك ف حياتى زى اسر كدة فهمت
ريان ضحك وقال:شكلى هتعب معاكى اوى...ماشى ياستى الايام كفيلة تخلينا صحاب واكتر من الاخوات كمان...لو احتجتى حاجة ياريت تقوليلى..يلة ادخلى تصبحى ع خير
قولتله:لا انا حبة اقف شوية
قالى بمكر خوفنى منه:متاكدة
قولت بشك:ع حسب يعنى
ضحك بصوته كله
يااهوى عليا ايه الضحكة دى يارب😂
قالى:اقصد انى هنزل حمام السباحة دلوقتى ف مينفعش تكونى موجودة فهمتى ولا البعيدة حمارة
قولتله بكسوف:لا انا همشى معاك حق فعلا
مشيت بس مرة واحدة وقغت وروحتله تانى
هو لازم يعنى
رفع حواجبه وقال:هو ايه دة اللى لازم؟!
قولتله:اقصد الوقت اتاخر خليها بكرة علشان بس متتعبش
قالى:متخافيش عليا...انا متعود ع كدة يلة بقا تصبحى ع خير
قولتله:وانت من اهله
مشيت وفضلت ابص عليها لحد مدخلت...كويس لحظة حلوة جمعتنى بيها..انا حاسس انه مع مرور الوقت علاقتنا هتكون كويسة
قلعت قدومى ونزلت ف المسبح
دخلت الاوضة لقيت ماما نايمة...فضلت اتدوخ ف الاوضة كلها بفرحة واسقف واحط ايدى ع وشى بكسوف كل م فتكر الموقف اللى جمعنى ب ريان
نمت ع السرير وحضنت ماما ونمت وانا ابتسامتى مفرقتنيش
يخربيتك يااميرة هتودى نفسك فين بتفكيرك دة 😢
تانى يوم
ف اوضة اسد
صحيت من النوم وانا دماغى بتودى وتجيب بسبب الحلم اللى حلمته حلمت ب اية كانت ف قبر وشايلنها رجالة وحاولوا يدفنوها حية كانت بتنادى عليا وبتسنجد بيا كنت مرعوب وخايف عليها جدا روحتلها وانقذتها منهم بس انا خت طعنة ف بطنى منهم
صحيت مفزوع وانا مش عارف ايه اللى هيحصل معايا؟!
ولا القدر هيجمعنى ب اية تانى ولا لا؟!
ف اوضة مروة
كنت قاعدة بشوف فستان حلو البسه ومش لاقياه
لا انا زهقت معنديش فستان عدل البسه...هضطر انزل اجيب يعنى ولا ايه؟! لا انتى اتخبلتى يابت انتى؟! دة كان رعد يقتلك...طب اعمل ايه دلوقتى بقا اووووف يعنى مش هحضر العيد ميلاد
فضلت انط ع الارض بطفولة واقول:يوووووه بقاااا انا زهقت
لقيت الباب خبط روحت افتح لقيته رعد
ضحك وقال:كل سنة وانتى طيبة
ضحكت بكسوف وقولتله:وانت طيب...فين هديتى؟!
قالى:ع طول كدة مش بتضيعى وقت خالص انتى هههههههه
قولتله:ههههههه لا طبعا مش بضيع...دة عيد ميلادى يبقى لازم استغله صح
قالى:ع فكرة جيتلك فستان حلو علشان تلبسيه انهردة انا عارفك اكيد مفيش حاجة عجبتك من الهدوم والفستانين اللى عندك
سقفت وقولت بفرحة: انت جيبتلى فستان جديد
حضنته بفرحة وقولت:ربنا يخليك ليا يارعد ميرسى جدا جدا جدا...انا كنت هقولك انى هنزل اشترى بس خوفت منك الصراحة
لقيته شدنى من ودانى جامد
قولت بوجع:اى اييه يارعد هى دى طريقتك ع الواحد اللى بيقولك شكرا
قالى:هو انا مش قولت بلاش رعد دى
قولتله:اومال عايزنى اقولك ايه بس خلاص حاضر هقولك اللى انت عايز تسمعه ابيه ...انت ابيه رعد ارتحت كدة خلاص سيب ودانى بقا احمرت ف ايدك
ضحك بصوته كله وقال:شطورة يلة اجهزى بقا عايزك ملكة انهردة وهبعتلك اميرة وميرا يبقوا معاكى بدل منتى قاعدة لوحدك كدة
قولتله:احبك ياستمونى
وبوسته بوسة ف الهواء
قالى: مجنونة وعبيطة اقسم بالله انا ماشى
فتح الباب جاى يمشى قومت نديته
ابيه رعد
بصلى وقالى:يانعم
قولتله:نسيت حاجة
قالى:اللى هى
قولتله:انا مجنونة وعبيطة فعلا بس انا هبلة بردو فلما تحب تشتمنى يعنى تقولى انتى مجنونة وعبيطة وهبلة بالمرة اوكى
لقيته بصلى بصدمة ونفخ نفخة زهق ومشى
هو انا عكيت ولا ايه....انا بهزر معاه...هو انا مش دمى خفيف بذمتكوا ياجماعة..ونبى قولوا مش هزعل...لو دمى مش خفيف قولوا وانا مش هقلش تانى😂
ف سرايا الحاج نعمان
تليفون نعمان رن
الو
المتصل:عرفنا مكان البت ياباشا...هى ف مستشفى.......
نعمان بصدمة:هى ف البندر...كيف راحت ع هناك ديه....مش معجول دى كانت تعبانة جوى يستحيل تروح مصر لوحديها
المتصل:ياباشا اللى احنا عرفناه ان كان فى واحد كان قريب من الصعيد شافها وراح بيها ع المستشفى اللى ف مصر
نعمان ب استغراب:واحد مين ديه...خلاص اجفل انت...انى دلوج هلبس وهندلوا ع البندر...سلام انت دلوج
المتصل:ماشى ياباشا..سلام
ف المستشفى
كنت قاعدة مغمضة عينى ودموعى بتنزل حطيت ايدى ع بطنى وضحكت
كان نفسى يانوح تكون معايا...كان نفسى نربى ابننا سوا...خلاص انت مشيت وسيبتنى...الله يرحمك يانوح
والصدمة انى لقيت الباب بيخبط ولقيت اهل نوح ف وشى
اتصدمت جاى اصرخ
بس حسان جرى ومسك بقى وقال:اجفلى خشمك يابت انتى
نعمان قرب منى وقال:حمد لله ع سلامتك يابتى...يلة جومى خلينا نروح ع دارنا كفاياكى دلع عاد
بصيت لحسان برجاء انهم يمشوا ويسيبونى ف حالى يس لقيت حسان حط راسه ف الارض كانه بيقولى اسف مش هقدر اعمل حاجة
بعدت ايد حسان من ع بقى وقولت:انا مش هاجى معاكوا انتوا عايزين منى ايه سيبونى ف حالى بقا...ليه الشر ف قلوبكم كدة...هتمشوا من الدنيا دى عاجلا ام اجلا...هيفرق انتقامك ف ايه ياعمى حرام عليك انت قتلت جوزى وخطفت امى واخويا...ودلوقتى عايز تقتلى ابنى..مش هسمح بحاجة زى كدة
نعمان بصلى بحدة وقال:بصى يابت اخوى انتى هتتدلى معايا ع الصعيد والا امك واخوكى هيتقتلوا انى جتلت ابن اخوى مش هيبجى صعبة بالنسبالى اجتل امك واخوكى..فاهمة ولا لاع جومى
قولت بعياط وصريخ:لا مش هقوم مش هسيبكوا تقتلوا ابنى انتوا فاهمين الحقووو
لقيت ضربة قلم جامدة اوى والقلم دة كان من حسان
نعمان بصله بفخر وقال:عفارم عليك ياولدى
وبصلى وقال:بصى يااية انتى ف نظر الناس كليتها واحدة خاطية جوليلى كيف جولتيلى كيف انتى اتجوزتى حسان الله يرحمه ومفيش حد عرف بالموضوع ديته...وجسمية الجواز اتحرجت وجوزك مات..هتجولى بجا للناس ايه يابت اخوى..هتجولى انكوا اتجوزتوا عرفى
قومنا احنا انتجمنا لشرفنا بس اكده...جومى بالذوق معانا احسلك
قولت بعياط:ياكفرة ياكفرة ربنا مش هيسامحك ابدا ع اللى انت بتعملوا دة...ومش هقوم واخرك تعملوا
قالى:انتى اللى جولتى يابت اخوى
جاى ياخدنى بالعافية بس فجاه الباب اتفتح وكان مدير المستشفى ومعاه اسد ورعد
اسد قالهم:سيبوها
نعمان بصله ب استغراب:احنا اهلها وجايين نخدوها انتوا مالكم بينا...احنا حرين مع بعضنا
اسد بصلى وقال:عايزة تروحى معاهم
شاورت براسى بسرعة ب لا
اسد بص لنعمان:يبقى لا هى مش هتروح معاك
نعمان بصلى وشد شعرى وقال: مين الراجل ديه يابت انتى...انطجى ناوية تجيبلنا العار كام مرة..لاع انتى لازم تتربى من لاول وجديد
لقيت اسد قرب مننا وشد ايدى وخبانى ورا ضهره وبص لنعمان وقال:كلامك معايا...هى ف حمايتى ومحدش يقدر يقرب منها
نعمان قاله:كيف يعنى ف حمايتك لتكونش جوزها وانا مش عارف
لقيت اسد بصلى بصات كلها حيرة وخوف كانه خايف من حاجة او مجبور ع حاجة الصراحة معرفش ايه اللى ف دماغوا...وصدمتى الكبيرة لما سمعت اسد بيقول لنعمان
ولو انك بتاخدها بتريقة ف ايوة انا خطيب اية وهتبقى مراته قريب ومحدش يقدر ياخد مراتى منى
نعمان لقيته صرخ ف وش اسد وقال:ايه الحديت الماسخ ديه...أية تعالى معانا وانى هوعدك محدش فيكوا هيتاذى
لقيتنى بشد ف قميص اسد جامد وبقوله:لا مش جاية
غمضت عينى جامد بسبب شدة اية ع قميصى انا معرفش عملت دة ازاى...ولا الكلام اللى طلع من لسانى دة طلعته ازاى...بس اللى متاكد منه ان بيتى خلاص اتخرب...استرها يارب
بصيت ف عيون نعمان وقولت:نورتوا واوعدكوا هعزمكوا ع الفرح
لقيت الكل مشى بس من عيون نعمان واللى معاه عرفت انه مش هيعدوا الموضوع دة ع خير
بصيت ل اية وقولت:اجهزى علشان هنروح ع بيت الرملى
لقيتها بصيتلى ب استغراب وقالت:هو الكلام اللى قولته لعمى دة بجد
قولتلها بثبات:انا مش بعرف اهزر اصلا...وبعدين اهزر معاهم بتاع ايه...انا عارف ان ليكى شهور عدا هتفضلى عايشة ف بيتنا لحد م الشهور العدة متخلص وهكتب كتابى عليكى...متخافيش احنا بيت عيلة وعندى اخوات بنات
وبصيت لرعد وقولت:ايه رايك يارعد اكلم اسر ييجى يقعد معانا واية تقعد مع ميرا
رعد قالى:مش عارف الصراحة سيبها بظروفها اهم حاجة دلوقتى متقولش لاى حد حاجة غير بعد عيد ميلاد مروة
بصيت ل اية لقيتها ساكتة قولتلها:لو عندك حل تانى قولى
بصت ف عنية وقالت:لا معنديش...بس انا عايزة ابنى يكون كويس وعمى ميقربش منى
قولتلها:دة اللى اقدر اوعدك بيه...يلة بينا بقا ولا ايه
لقيتها قالت بضعف واستسلام:يلة
ف العربية
نعمان بصربخ:كيف جولى كيف ديه يحصول كيف...لاع اكده مينفعش واصل...انى لازم اعمل حاجة
حسان:خلاص يابوى كفاياك..خلاص هى دلوج ف حما راجل مش عنعرفوا نجربوا منيها
نعمان:لاع ياحسان انى خابر هعمل ايه زين...مش هسيبها تنتصر عليا.الله ف سما لحرج جلبها وعتشوف انى هعمل ايه
حسان ف سره:ربنا يستر
ف قصر عبدالرحمن
وقفت انا واسد ورعد ف قصر غريب معرفش لمين القصر دة بصراحة كنت سرحانة مش عارفة ايه اللى هيحصلى؟!
خرجنى من دوامة تفكيرى صوت اسد
متخافيش دة بيت عمى هتبقى هنا لحد بليل
رعد قاله:طب هنقول لعمى ايه لما يسالنا مين دى
اسد قاله:سيبلى انا الموضوع دة...انا هحله بمعرفتى

خبط اسد ع الباب فتحتله الشغالة دخلنا الصالون وقعدنا شوية
قعدت مستنى عمى شوية ولقيته جاى استغرب من وجود اية
اهلا ياجماعة منورين والله...مين دى يااسد؟!
قولتله:عمى ممكن بعد اذنك كلمة كدة ف المكتب
قالى:طبعا يااسد اتفضل يبنى
قعدنا انا ورعد وانا متوترة اوى وعمالة بفرك ايدى حتى رعد كان ساكت..الصراحة مكناش لاقيين كلام يتقال شوية ولقيت اسد وعمه خرجين من المكتب
عمه قالى:اية هتيجى الشغالة علشان تطلعك اوضة ميرا بنتى.. تقدرى تقعدى فيها لحد م اسد يقول كلام غير كدة عايز تاخدى راحتك متقلقيش من ميرا هى انسانة كويسة وهتحبيها اوى...هى ع العموم فوق دلوقتى
بصيت ل اسد لقيته شاورلى ب اه
طلعت مع الشغالة ل اوضة وانا سايية نفسى للقدر هو اللى يتصرف معايا
بصيت لعمى وقولت:متشكر اوى ليك ياعمى
عمى بصلى وقال:انا عملت كدة علشان دة واجبى البت مظلومة فعلا بس اللى انا مش فاهمة انت ازاى تخرب بيتك بالشكل دة يااسد...دول اهلك لسة مش فاقوا بسبب جوازك من جيسى هتروح تقولهم هتجوز مرة تانية
تنهدت تنهيدة تعب وقولت:مش عارف اى حاجة ياعمى صدقنى دلوقتى سيب كل حاجة ف وقتها...اية ف حمايتى ومش هسمح لحد انه ياذيها
عمى ضحك وقال:لحقت حبيتها امتى؟!
بصتله بصدمة وقولت:حبيتها؟! لا طبعا حب ايه بس ياعمى انا بحب جيسى ومنسالنيش انا بحميها ليه طالما مش بحبها علشان انا اصلا مش عارف
عمى قالى:طب تمام يااسد هى ع العموم هنا بخير متقلقش عليها خالص
قولتله:انا لو كنت خايف مكنتش جيبتها هنا يلة انا ماشى عن اذنك ياعمى
عمى قالى:اتفضل يااسد
مشيت انا ورعد اللى اول مخرجنا من القصر قالى:انا مذ فاهم حاجة ومحتاج تفسير حالا دلوقتى
قولتله وانا بضحك بصوتى كله يمكن من الصدمة واستغرابى من نفسى
تفسير ايه بس هو معادلة كيمياء كل حاجة حصلت وانت موجود سمعتها وشوفتها وبعدين كنت عايزنى اعمل ايه وانا شايف عم اية عايز ياخدها بالعافية مكنش ف ايدى حاجة غير الحل دة
رعد حط ايده ع كتفى وقال:ربنا يعينك ع اللى انت داخل عليه...بس اللى اقدر اضمنهولك انك مش هتندم ع الخطوة دى ابدا
قولتله وانا بدعى ان دة يحصل فعلا:ان شاء الله

*********************
إلي هنا ينتهي الفصل الرابع من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

جديد قسم : روايات حب

إرسال تعليق