U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

روايه بنت الاكابر بقلم مها جعفر- الفصل الأول

مرحباً بكم أصدقائي وأحبابي عاشقي القراءة والقصص والروايات مع روايات رومانسية مصرية ورواية رومانسية جديدة للكاتبة المتألقة مها جعفر علي موقعنا قصص 26 و موعدنا اليوم مع الفصل الأول من رواية بنت الاكابر بقلم مها جعفر. 

رواية بنت الاكابر بقلم مها جعفر - الفصل الأول

رواية بنت الاكابر  بقلم مها جعفر
رواية بنت الاكابر  بقلم مها جعفر

رواية بنت الاكابر بقلم مها جعفر - الفصل الأول

ف صباح يوم ما
تستيقظ فتاه ع صوت المنبه تبلغ م العمر 27 سنه
فريده بحزم:يا سماح
سماح تأتي مسرعه:نعم يا هانم
فريده:اعمليلي النسكافيه بتاعي بسرعه
سماح:حاضر يا هانم.. حاجه تاني
فريده:لا روحي
سماح تمشي وتقف ع صوت فريده بتناديها تاني ف تلفلها فريده:ماما صحيت
سماح:اه يا هانم
فريده:طيب روحي
سماح:تحت امرك
وتنزل سماح وتدخل فريده تاخد شاور وتختار م بين ملابسها اللي اغلبها هدوم رسميه اشبه بهدوم الرجال وبدل ف تختار بدله كحلي وترتديها وترفع شعرها حتي يصبح شكلها اكثر رسميه ولكن ملامحها الانثويه الجميله تطغي ع ذلك
............................
Maha gaffer
فريده بصرامه:صباح الخير
وفاء:صباح النور يا حبيبتي
فريده:اخدتي العلاج
وفاء:اه يا حبيبتي
فريده:طيب انا هروح الشركه
وفاء:طيب متنسيش تيجي بدري عشان ميعاد الغداء
فريده:هو انا مفهمتش مين اللي جايين دول
وفاء:زميل م ايام الجامعه وابنه وكان مسافر بقاله كتير واما رجع قابلته ف النادي صدفه وعزمته ع الغداء
فريده:طب تمام... سلام
وفاء توقفها:فريده
فريده:نعم يا ماما
وفاء:مش هتبطلي لبس الرجاله ده بقي يا بنتي
فريده بصرامه:ماما مش هنتكلم ف الموضوع ده كل يوم... سلام
وتمشي فريده قبل ان ترد عليها والدتها تركب عربيتها الفخمه وتطلع ع الشركه
فريده توصل الشركه واول اما تدخل تحدث حاله م الصمت م جميع الموظفين والكل باصص ع فريده لحد اما تقف قدام مكتبها
فريده تلف وبصرامه:تعالي ورايا
حنان:حاضر يا فندم
وتدخل فريده ووراها حنان وتفضل ساكته
فريده تبصلها ب عصبيه ف ترتبك حنان وتبدأ ف سرد مواعيد الاجتماعات
فريده:قولتي الساعه 2 بخصوص ايه
حنان:انترفيو للناس اللي هتشتغل جديد
فريده:طيب روحي وابعتي تالا
حنان:حاضر يا فندم وتفضل واقفه
فريده تبصلها ب عصبيه وبحده:انتي مالك النهارده
حنان بأرتباك:اسفه يا فندم وتخرج حنان واول ما تخرج تتنهد وكأنها مكنتش عارفه تتنفس جوا وتبعتلها تالا
تالا تبتسم:صباح الخير
فريده بهدوء:صباح الخير
تالا:ايه يا بنتي مالك
فريده:مالي مانا زي الفل
تالا:عليا يا فريده ده انا صاحبه عمرك اللي بفهمك م نظره
فريده تتنهد:سيبك مني دلوقتي ...الساعه اتنين انتي اابقي شوفي الناس اللي هتعملي معاهم انترفيو وعيني انتي
تالا:دول المهندسين اللي هيتابعوا المشروع الجديد
فريده:بالضبط
تالا:يا بنتي مانا موجوده اهو
فريده:انتي شايله كتير يا تالا وكفايه عليكي اللي انتي شايلاه سيبي المشروع الجديد ده عليا
تالا:طيب زي ما تحبي
فريده:جهزتي التصاميم بتاعت شركه صقر
تالا:اه جاهزه وجبتها معايا اهو
فريده تاخد منها الفايل وتبدا تتفرج ع رسومات المشروع الخاص ب شركه صقر
تالا:ابنه هيجنني يا فريده
فريده باصه ف الفايل:اشمعني
تاالا:بارد ومش مهتم خالص عملت كل الطرق يا فريده عشان ينتبهلي ومفيش فايده
فريده:انا قولتلك ركزي ف شغلك احسن
تالا:معرفتش يا فريده ....بفتكر دايما نظراته وكلامه وتعامله
فريده:بتحبي ع روحك
تالا:وهو معندوش دم ومش بيحس
فريده تقفل الفايل وتحطه ع المكتب
تالا بتوتر:ها رأيك
فريده:احلي مهندسه ع وجه الكوكب
تالا تبتسم بفرح:يا بنتي والله انتي اللي أحلى بنوته ع وجه هذا الكوكب
فريده تعابير وشها تتغير:بنوته!!
تالا:يا بنتي اطلعي م شخصيه الراجل اللي انتي متنكره فيه ده
فريده بصرامه:قومي يا تالا شوفي شغلك انتي متفقه عليا انتي وماما النهارده
تالا بخوف:خلاص خلاص انتي هتقلبي عليا انا رايحه اشوف شغلي احسن وتاخد الفايل م قدام فريده وتطلع تجري
تبتسم فريده ع هبل صاحبتها وتتابع شغلها لحد الساعه 2 وتنزل تركب عربيتها متجهه الي بيتها
فريده:مساء الخير
وفاء:مساء النور يا حبيبتي
فريده تقعد جنبها:ها عملتي ايه النهارده يا فوفا
وفاء:بجهز للعزومه يا حبيبتي
فريده:اه انا اخدت بالي اننا هنتغدي ف الجنينه
وفاء:اه فكره حلوه صح
فريده:اه يا حبيبتي
وفاء:قوليلي بقي انتي كان مالك الصبح
فريده تتنهد وتبوس ايدها:مفيش حاجه يا حبيبتي كنتي مقريفه بس المهم انتي متزعليش مني اني كنت ناشفه الصبح معاكي كده
وفاء:ولا يهمك يا حبيبه ماما... يالا اطلعي غيري عشان الناس ع وصول
فريده:حاضر
وتقوم فريده تطلع تاخد شاور وتغير هدومها اللي عباره ع بنطلون جينز وتيشرت واسعين وكأنها تخفي ملامحها الانثويه وترفع شعرها ليصبح كعكه حتي لا تشعر بوجوده ف تشعر بالضجر.....يوصل الضيوف
وفاء:اهلا ...ازيك يا عاطف
عاطف:الحمد لله يا وفاء وانتي
وفاء:الحمد لله
عاطف:ده مهاب ابني
تسلم وفاء ع مهاب
وفاء تشاور ع فريده وهي نازله:اهي فريده جت اهي
فريده تقرب منهم:مش محتاجه تعرفينا يا ماما
عاطف:لا مش مصدق نفسي انك بنت وفاء
وفاء:انتوا تعرفوا بعض ولا ايه
فريده:استاذ عاطف صقر صاحب شركات الصقر طالب م شركتنا انها تشتغل ف مشروعه اللي ف شرم ويبقى شغلها المعماري علينا
مهاب:بس مش انتي اللي بتيجي ولا المسئوله ع التصاميم فريده:دي تالا اللي معايا ف الشركه
وفاء:طب ده احنا طلعنا شُركه اهو
عاطف يضحك:طب ايه مش هنقعد ولا ايه
وفاء:اه طبعا اتفضلوا ويدخلوا الصالون ويفضلوا يدردشوا مهاب وفريده ف حوار لوحدهم ووفاء وعاطف ف حوار تاني
مهاب:بس انا معجب بأستقلالك ده
فريده:استقلالي ازاي
مهاب:انك شخصيه معتمده ع نفسها بالشكل ده
فريده:شكرا ده م ذوقك... قولي بقي سمعت انك مصمم ازياء
مهاب:ده انا بيتجاب سيرتي بقي
فريده تبتسم نص ابتسامه:لا انا ببقي لازم اعرف كل صغيره وكبيره ع الناس اللي بتشتغل معانا...ف عرفت انك مصمم وانت اللي مختص بتصاميم جزم وكده
مهاب:ايوه بالضبط
فريده:عرفت بردو ان الشركه اللي ف شرم هتبقي لتصميم الفساتين
مهاب يضحك:ماشاء الله انتي جبتي قرار العيله
فريده تبتسم:قولتلك بعرف كل حاجه ع اللي شغاله معاهم
مهاب:امممم طب وتعرفي ايه كمان
فريده:انت اللي هتبقي مسئول ع تصاميم الفساتين دي بردو صح
مهاب:بصي يا فريده... انا بس برسم الفساتين والجزم والكوتشيهات دي ومصانع بقي بتاخد التصاميم دي وهي اللي بتصنع ده وده طبعا بعد اما بتعحبها التصاميم بتاعتنا
فريده:ازاي
مهاب:يعني لو فيه تصاميم شركه تانيه احلي م بتاعتنا بيتفكسلنا احنا والتصاميم التانيه دي هي اللي بتنجح وتنزل السوق
فريده:اه قولتلي
مهاب:بس كده
فريده:موهوب بقي ع كده
مهاب يبص ع رجليها:الكوتشي ده م عندنا ع فكره
فريده تبص ع رجلها:امممم....ده هديه
مهاب:بعد كده بأذن الله هتبقي كل حاجتك م عندنا حتي الفساتين
فريده تشاور ع نفسها:انت شايف ان بالشكل ده بلبس فساتين
مهاب يضحك:صحيح ليه كده يا بنتي
فريده:دي قصه طويله سيبك
تدخل الشغاله وتقولهم ان السفره جاهزه والكل يقوم ويتغدي
.............................
Maha gaffer
ف صباح اليوم التالي
فريده داخله الشركه زي كل يوم والكل يقف احتراما ليها كالعاده
فريده ترجع بضهرها
حنان بهمس:قوم اقف
......:ليه
حنان:دي المديره
.......:وفيها ايه يعني
فريده تلف وتبص ل حنان:مين ده
حنان بهمس:ده المصمم الجديد
فريده بعصبيه تجز ع سنانها:علي صوتك
نادر يقف ويبتسم ويمد ايده ل فريده:نادر المصمم الجديد فريده تبص لايده
نادر يشد ايدها ويسلم عليها:انتي ميسز فريده صح
فريده تبص لايدهم وتبصله وتسرح ف ابتسامته وبعد ثواني تفوق م شرودها وتشد ايدها وتدخل غرفتها م غير ولا كلمه وتستغرب هي ازاي سكتت كده
نادر:هو ف ايه
حنان بتوهان:وحياتك انا نفسي معرفش
نادر:انتي تايهه ليه طيب
حنان:هي ازاي مقتلتكش وسكتت
نادر بأستغراب:تقتلني!!
حنان تقعد:بص فريده هانم دي شديده جدا... تقريبا عمري ما شوفتها بتضحك... رسميه جدا... بغض النظر ع انها انثي بس ده ف البطاقه بس لكن هي ف الحقيقي راجل بمعني الكلمه... بتدخل الشركه زي ما انت شايف كده بنقف كلنا ع رجل واحده م غير ولا نفس ولا اي غلطه... اللي بيغلط بيبقي الله يرحمه
نادر:ليه كل التعقيد ده
حنان:احنا م ساعه ما اشتغلنا هنا وهي كده
نادر:يعني شريره
حنان تضحك:لا ع فكره... رغم ده كل هي طيبه جدااا...مهما بتحاول تبان قاسيه بس مبتعرفش طول الوقت... هي ف الاول والاخر انثي وليها نقط ضعف وحاجات مستخبيه مستنيه اللي يخرجهم وادي كلنا بندعي انه يجي بقي عشان يخرج الاجزاء الطيبه دي ويخليها ع طبيعتها
نادر يضحك:يااارب
حنان تشهق:يالهوووي انا المفروض اكون عندها دلوقتي وتطلع تجري ع مكتبها
نادر يضحك ويرجع لشغله
.............................
Maha gaffer
حنان تدخل وتلاقي فريده سرحانه ف تستغرب
حنان:احم
فريده تنتبه ليها وبعصبيه:انتي اتأخرتي ليه كنتي فين
حنان بخوف:اسفه يا فندم
فريده بعصبيه:تاني مره متتكررش
حنان:حاضر
فريده:يالا اخلصي
حنان تبدأ تقول المواعيد اللي عندها
فريده تقاطعها:خلاص خلاص امشي
حنان:حاضر
وتخرج حنان
.............................
Maha gaffer
فريده:ادخل
نادر:ممكن اخد م وقتك شويه
فريده تبصله شويه وببرود:لا
نادر بتلقائيه يدخل يقعد قدامها:هعتبر انك وافقتي
فريده تبصله والشر كله ف عنيها
نادر:بس بس مش هخاف م العصبيه دي ولا النظره دي هما دقيقه وبتلقائيه يقوم يقف
نادر:ده تصميم صغيره تطلعي عليه عشان تشوفي هكمل ولا ايه
فريده تبصله بأستغراب وازاي الشخص ده بيتعامل كده
نادر يبتسم وبتلقائيه يشد ايدها ويحط فيها التصميم اللي ف ايده وبعدها يخرج م المكتب وكل ده وفريده باصه مكان ما خرج ومستغريه تعامله ومستغربه هي ازاي سكتت ليه ومقمتش ضربته وف الاخر تكرر ترجع لشغلها
وتنتهي ساعات العمل والكل يمشي ما عدا فريده
فريده:ايه ...انت بتقول ايه خلاص انا جايه حالا خليك هناك
وتقوم تاخد مفاتيحها وتنزل تركب عربيتها وتنطلق بأقصي سرعه لحد اما توصل
فريده:هي فين
الجارد:جوا
فريده:خليك هنا
الجارد:هدخل مع... بنظره م فريده تسكته
فريده تدخل وتشوفها وتتجهه ناحيتها:قومي
..........:ديدا ايه اللي جابك
فريده بعصبيه:قومي يا دانا
دانا:طيب اقعدي اعرفك ع حسن
فريده تشدها م دراعها بعصبيه وتقومها غصب
..........:ليه كده بس استني اما نتعرف
فريده تبصله بغضب الدنيا كله وتيجي تمشي يمسكها م دراعها وهنا يبقي الله يرحمه
فريده بتلقائيه تضربه بالبوكس ف وشه
دانا تصوت:حسن
فريده تبصلها بعصبيه وتشدها وتطلع بره وتركبها العربيه وتخلي الجارد يمشي وتنطلق بأقصي سرعه وكل ده وفيه حد متابعهم
...............................
Maha gaffer
دانا بتعيط بهستريه وفريده شداها وداخله بيها الفيلا
فريده تزقها توقعها ع الكنبه
وفاء:ف إيه
فريده:اسألي الهانم
وفاء:ف ايه يا دانا
دانا بتعيط:انا مبقتش صغيره يا ماما انها تعاملني بالطريقه دي
فريده بعصبيه:انتي ستين صغيره طول ما بتتصرفي بالسذاجه دي تبقي صغيره
وفاء:ف ايه بس يا فريده
فريده:الهانم الاقيها قاعده ف ديسكو مع عيل طري
دانا:وانتي بتبعتيلي حد يراقبني
فريده:طول ما هتتعاملي كده هفضل اعاملك ع انك صغيره... احنا م امتي واحنا بندخل الاماكن دي ها
دانا بعياط:وفيها ايه
فريده بعصبيه:هحبسك ف اوضتك يا دانا ومش هتخرجي منها
وفاء تزعق:خلاص انتوا الاتنين
فريده بتحذير:اعقلي احسنلك يا دانا وتمشي م قدامهم وتطلع ع اوضتها وتقرر تدخل تاخد شاور يمكن تقدر ترتاح شويه
••••••••••••••••••••••••••
Maha gaffer
تالا:التصاميم اهي
مهاب يمسك الفايل:اتفضلي اقعدي
تقعد تالا
مهاب:بصي كده فيه تعليق هنا
تالا تقوم تقف جنبه وتحب قربها منه جدا وهو بدا يشرح اللي هو عايز يغيره وهي مش مركزه غير فيه هو وبس
مهاب:انسه تالا
تالا تفوق م شرودها:ها
مهاب:انتي كويسه
تالا:ا..اه
مهاب:طيب عرفتي انا عايز ايه
تالا:طيب معلش ممكن تقول تاني عشان اسجل اللي انت عايزوا
مهاب:تمام مفيش مشكله ويبدأ مهاب بالشرح م تاني وهنا تالا تسجل
مهاب:معلش هتعبك معايا
تالا بهمس:اتعبني انت كل مره بس كده
مهاب:نعم
تالا تبتسم:لا لا سلامتك... اقصد وانت طيب... سوري لا تعب ولا حاجه
مهاب يضحك
تالا لنفسها:لا قومي يا تالا بسرعه امشي
مهاب:هاااي ..روحتي فين
تالا:انت مرتبط
مهاب يفتح بوقه ويستغرب اللي قالته:نعم
تالا:ايه ده اللي انت قولته ده... عيب كده يا استاذ.. ده سؤال بردو وتقوم تقف:يا خبر ده انا اتاخرت اوووي... فرصه سعيده وتطلع تجري م قدامه
مهاب يضحك:ايه الجنان ده
وبعد كده ياخد مفاتيحه وينزل يركب العربيه وينطلق باقصي سرعه
••••••••••••••••••••••••••
Maha gaffer
فريده:هي فين
وفاء:م ساعه اما جيتوا وهي ف اوضتها
فريده:وكمان زعلانه
وفاء:يا فريده يا حبيبتي متبقيش قاسيه عليها كده
فريده تتنهد وتشد كرسي السفره وتقعد:يا ماما انا خايفه عليها... هي للاسف مراهقه وبتصرفاتها دي ممكن تضيع نفسها
وفاء:انا عارفه انه خوف يا حبيبتي بس بالهداوه وحاولي تحتويها
فريده:حاضر يا ماما
وفاء:ربنا يخليكوا لبعض
فريده:ويخليكي لينا... هطلع اجيبها
وتقوم فريده تطلع
وفاء تبتسم:ربنا يهديكي يا بنتي ويرزقك بأبن الحلال
فريده:احم...دانا
دانا:انا مش زعلانه منك يا فريده
فريده:وليه منزلتيش تتغدي معانا طيب
دانا:مليش نفس
فريده:طيب ممكن تقومي تقعدي عشان نتكلم
دانا تقعد
فريده:انا خايفه عليكي يا دانا... خايفه تتوجعي وانا مش هستحمل اي حاجه تجرالك
دانا:وانا والله ما زعلانه منك بس انا نفسي اعيش زي بقيت صحابي
فريده:مش لازم تعملي غلط عشان تعيشي حياتك... عيشي حياتك لكن بطريقه صح يا دانا... بطريقه متخلكيش سعيده ساعه ولا يوم ولا اسبوع ولا حتي شهر وتندمي بقيت عمرك
دانا تمسك ايدها:انا فهماكي وفاهمه خوفك عليا ومش بزعل منك والله واوعدك هحاول اصلح م نفسي اكتر م كده
فريده:هي دي دانا... ربنا يحفظك ومشوفش فيكي حاجه وحشه
دانا تحضنها:ويسعدك يا ديدا
فريده تضمها:وانا يا حلوتي مش هخلي حد يراقبك تاني عشان متضايقيش بس ياريت تحترمي ثقتي دي اللي بيحبك هيجيلك م الباب مش م الشباك يا دانا وبعد اما تخلصي
دانا:متقلقيش يا ديدا وانا عمري ما هخون ثقتك فيا...وبعدين متخافيش كده انتي مش هتسمحي لاي حد يجي جنبي... انا ورايا راجل
فريده تضحك:يالا بقي ننزل ناكل
دانا:يالا
ينزلوا ودانا نازله عماله تهزر وفريده بتضحك ع هزارها(تقريبا فريده مبتضحكش اصلا غير ف وجود دانا)
وفاء:ربنا يحميكوا ويحفظكوا لبعض
فريده:ويخليكي لينا يا ماما
دانا ووفاء:ياااارب
•••••••••••••••••••••••••
Maha gaffer
ف صباح اليوم التالي
فريده:انا رايحه الشركه عايزه حاجه
وفاء:لا يا حبيبتي سلامتك
فريده:خدتي علاجك
وفاء:اه
فريده:طب انا ماشيه
وتيجي تخرج
دانا جايه بتجري:ديدا استني
فريده تبصلها
دانا:استني خديني ف طريقك للكليه
فريده:ما السواق موجود
دانا:لا خديني معاكي
فريده:زي ما تحبي
وتخرج دانا وفريده ويركبوا العربيه وتوصلها كليتها
فريده:خلي بالك م نفسك
دانا:حاضر وتنزل دانا وتنطلق فريده بالعربيه
رقيه:اهلا ب دانا
دانا:اخبارك ايه
رقيه:هي اختك دي هتفضل عامله شبه الراجل كده
دانا بعصبيه:رقيه ملكيش دعوه ومتتكلميش ع فريده كده
رقيه:خلاص خلاص يا بنتي مقصدش
دانا:طيب يالا ندخل المحاضره
رقيه:يالا
ويدخلوا المحاضره
•°•°•°•°•°•°•°•°•°•°•°•°•°•
*********************
إلي هنا ينتهي الفصل الأول من الرواية
تابع من هنا: جميع فصول رواية بنت الاكابر بقلم مها جعفر

تابعوا صفحتنا على الفيس بوك للمزيد من روايات رومانسية مصرية
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة