هذا الموقع محمي بموجب اتفاقية حماية حقوق المحتوي العالمية

روايه بنت الاكابر بقلم مها جعفر- الفصل السابع عشر

مرحباً بكم أصدقائي وأحبابي عاشقي القراءة والقصص والروايات مع روايات رومانسية مصرية ورواية رومانسية جديدة للكاتبة المتألقة مها جعفر علي موقعنا قصص 26 و موعدنا اليوم مع الفصل السابع عشر من رواية بنت الاكابر بقلم مها جعفر. 

رواية بنت الاكابر بقلم مها جعفر - الفصل السابع عشر

رواية بنت الاكابر  بقلم مها جعفر
رواية بنت الاكابر  بقلم مها جعفر

رواية بنت الاكابر بقلم مها جعفر - الفصل السابع عشر

مهاب:فريده وشها بيبان عليه الكسوف اووي
تالا:اه جدا
مهاب:يا بنتي ده محصلش حاجه ولمجرد انها شافتني اتكسفت
تالا:هي فريده فعلا... اسمها ع مسمي
مهاب يضحك:يالا قومي البسي وروحيلها
تالا:حاضر ..هتنزل معايا
مهاب:اه
ويقوموا يحضروا نفسهم ويتصلوا ب فريده ويروحولها وينزلوا يستنوا يوسف ونادر
•••••••••••••••••••••••••••••••
يوسف:كمل
نادر:زي ما قولتلك اني عايز اقولها
يوسف:تاني يا نادر ...يا ابني إحنا اتكلمنا قبل كده ف الموضوع ده واتفقنا انك تنسي وتقفله
نادر:فريده كده كده هتعرف سواء مني او م غيري وانا مش عارف ابقي معاها كده... انا حبيتها يا چو... انا عشقتها ومش عايز اخبي حاجه انا عايز يكون ليها الاختيار ف انها تسامحني ولا لا... مش عايز اخدعها
يوسف:فريده مش هتسامح وهتهد كل اللي بنيته معاها
نادر يمسك دماغه:انا تعبت
يوسف يحط ايده ع كتفه:سيبها ع الله يا صاحبي وهو هيحلها وبلاش تتكلم ع الاقل دلوقتي... انسي وعيش الكام يوم دول احنا ما صدقنا
نادر:ونعم بالله ...حاضر
يوسف:يالا نرجع عشان ميقلقوش
نادر:يالا
ويرجع يوسف ونادر الاوتيل ويقابلوهم
فريده:كنت فين
نادر:مكنش جايلي نوم ف طلعت اتمشي
فريده:انت كويس
نادر يبتسم:اه يا حبيبتي متقلقيش
فريده تبتسم
يوسف يتجه ناحيه دانا ويضمها تحت دراعه:وحشتيني
دانا بهمس:وحشتك عقربه
يوسف:نتلم بقي قدام الناس
دانا تبتسم نص ابتسامه وتبعد براحه عنه:يالا عشان جعانه تالا:يا بنتي ارحمينا
الكل يضحك ويتجهوا ناحيه المطعم ويطلبوا اكل ويتغدوا وبعدها الشباب يقرروا يتمشوا والباقي يقعد
فريده:انا كنت عايزه اقول حاجه
تالا:ياتي ...خدودها محمره ازاي
فريده:بس يا بت
تالا تضحك
دانا:مش مرتحالك
فريده:مش هطلب والله
وفاء:بس يا بت منك ليها... اتكلمي يا فريده
تالا:عنيفه طنط
دانا:جدا
الكل يضحك
فريده:قررت اني وتسكت فريده
تالا:هي قطعت ليه
فريده:اصبروا عليا
وفاء تقاطعها:انا مبسوطه انك اخدتي القرار ده يا فريده
فريده تبصلها بأستغراب
وفاء:انا امك عيب
فريده:بس انا خايفه
وفاء:نادر بيحبك وهيحافظ عليكي
دانا:انا مش فاهمه حاجه
تالا تضحك:ايواااااه يا ديدا
دانا:لا فهموني
فريده تبص لامها:هنفهمها ازاي دي
وفاء تضحك وتبص ل دانا:فريده عايز تتقدم خطوه ف علاقتها ب نادر
دانا:يعني ايه
تالا:لا انتي غبيه وهتتعبينا
دانا:بس يا كلبه
وفاء:يعني عايزه تبقي ام
دانا تصوت:ايوه يا ديدا وتحضنها:فرحت اوووي
فريده تضحك:فضحتينا
داانا:حياتي
والكل يفضل يدردش ويقرروا يروحوا يعملوا شوبينج ويشتروا لبس ل فريده وطول الوقت فريده بتحاول تعترض لكن محدش بيديها فرصه وف الاخر يروحوا ويطلعوا كلهم عند فريده
فريده:بطلوا جنان بقي
تالا:والنبي ابدا لازم اضبطك
فريده:يا بنتي بس
تالا:لا خدودك المحمره دي اركنيها ع جنب
وفاء تضحك:يا بت
تالا:استني بس يا طنط انتي دلوقتي
الكل يضحك ودانا تجيب طقم م اللبس اللي جابوه
فريده:انتوا مجانين... انا بلبس لبس البنات ده بالعافيه كمان عايزين تلبسوني ده
تالا:بس يا ماما
فريده بأستنجاد:ماما
وفاء ترفع ايدها:مليش دعوه
فريده:بقي كده
الكل يضحك ويبدأوا يضبظوا فريده ويحطولها ميك اب بعد عذاب ويضبطوا شعرها
وفاء بانبهار:ماشاء الله يا بنتي.. ربنا يحفظك
فريده:بجد حلوه
ودانا:قمر يا ديدا
ويقطع كلامهم دخول نادر
نادر:انا اتصلت بي.. ويقطع كلامه صدمته اما يشوف فريده
وفاء بهمس:طيب يالا احنا
تالا:بقول كده بردو ويخرجوا كلهم ونادر واقف مكانه متنح تالا قبل ما تخرج:لا متنحش كده يا كوكو..اصحي
نادر يبصلها ويبتسم وتالا تخرج وتقفل الباب وراها
نادر:هو انا مجتش اوضه غلط صح
فريده تبص ف الارض
نادر:لا بلاش تتكسفي والنبي هتحلوي اكتر م كده ايه
فريده بهمس:ممكن تسكت
نادر يقرب منها:ليه بس
فريده تفضل تبص حواليها بتدور ع حاجه تلبسها
نادر:افهم م كده انك مش عايزه جوازنا صوري
فريده:اه ...لا.... اسكت بقي يا نادر والله هعيط
نادر يضحك:بس اهدي طيب
فريده تفضل تدور بعينها ع اي حاجه
نادر:بتدوري ع ايه بس خليكي معايا
فريده تجري عليه وتخبي وشها فيه وتبقي كلها ف حضنه كأنها بتخبي نفسها م عنيه
نادر:فريده اهدي يا حبيبتي لو مش عايزه
فريده تقاطعه بسرعه:لا
نادر يضحك: طيب تعالي احكيلك حدوته الملكه اللي كانت بتتكسف م اي حاجه وازاي الأمير خلاها تتخلص م كسوفها
فريده تضحك
•••••••••••••••••••••••••••••••
تالا:انتوا عرفتوا ازاي اننا فوق
مهاب:احنا دورنا عليكوا تحت وحد م الريسبشن قال انكوا فوق وبعدها كل واحد طلع اوضته
تالا:اه ..قولتلي... طيب يالا ننزل نتمشي
مهاب:تالا عايزه انام بجد
تالا:لا يا مهاب انت طول النهار مع نادر ويوسف ونسيتني خالص مع انك المفروض تنسي كله عشاني
مهاب:يالهوي يا ناس انا اقدر انساك
تالا:حياتي
مهاب:يالا طيب
تالا تضحك:يالا
وينزلوا مهاب وتالا يتمشوا وتالا كل اما تشوف حاجه تشاور ل مهاب عليها وياكلوا ايس كريم ويركبوا عجل ويفضل مقضيين خروجتهم كلها جنان
°°°°°°°°°°°°°°°°°°°°°°°°°°°°°
يوسف:انتي كنتي فين
دانا:وانت مالك
يوسف:دانا كفايه بقي
دانا:وانت مقولتش لنفسك كفايه ليه
يوسف:خلاص انا اسف
دانا:مش بالسهوله دي يا يوسف
يوسف:بس انتي بتحبيني ومبتزعليش مني
دانا:قسوتك عليا علمتني ازاي ابقي قاسيه
يوسف:دانا!!
دانا تزقه:متقربش مني يا يوسف
يوسف:والله ندمت ع اللي عملته
دانا بتبعد:وبلاش تعمل حاجه تخليك تندم اكتر
يوسف:انا بحبك يا دانا
دانا تزقه:وانا بكرهك... بكرهك... ع اد ما قسيت عليا ف انا بكرهك
يوسف:كدابه يا دانا
دانا:لا يا يوسف
يوسف:بصي ف عيني يا دانا وقولي انك بتكرهيني
دانا تبص الناحيه التانيه
يوسف يمسك وشها ويلفه ناحيته تاني:يالا قوليها
دانا تزق ايده وتجري ع التوليت
دانا لنفسها:هربتي ليه يا دانا... مش قادره تقوليها وانتي باصه ف عنيه... مش قادره تكدبي عليه... انتي مهزءه يا دانا وتستاهلي اي حاجه تحصل فيكي
وتخرج دانا م التوليت بعد ما تغسل وشها وتستجمع نفسها بس متلاقيش يوسف ف الاوضه ف تتنهد وتغير هدومها وتنام
•••••••••••••••••••••••••••••••
ف صباح اليوم التالي
تالا:اومال فريده فين
وفاء تضربها ع كتفها:شوف البت
تالا تضحك
يوسف:بقولك ايه
دانا تبصله
يوسف:عايزك ف حاجه
دانا:قول
يوسف:اكيد لوحدنا
دانا تهز راسها بالايجاب ويستأذنوا ويقوموا
دانا:خير
يوسف:دانا انا ويسكت ودانا تستني يكمل لكن هو يفضل ساكت
دانا:طيب الظاهر معندكش حاجه تقولها وتيجي تمشي يوسف يمسك ايدها
يوسف:استني
دانا:خير بردو
يوسف يطلع علبه م جيبه
دانا تبتسم:دي ليا
يوسف بتوتر:ا...ه ليكي
دانا:هاتها طيب
يوسف يفتح العلبه ويكون جواها خاتم فضه ع شكل قطره ميه
دانا تصوت:الله حلو اوووي يا چو
يوسف:فرحت انه عجبك
دانا تفتكر كل اللي عمله فيها ف ترجع ورا
يوسف:ف ايه
دانا:مش هتضحك عليا يا يوسف
يوسف:بس انا جايبه عشان عاجبني....حسيته شبهك يا دانا... نقيه زي قطره المايه
دانا تبتسم وترجع تكشر تاني:لا مش عايزاه
يوسف:دانا بجد خلاص بقي
دانا:ده اللي عندي... ع اذنك وترجع دانا مكان ما كانوا قاعدين او بمعني اصح بتهرب... هي لو كانت فضلت ثانيه واحده بس كانت هتضعف وتسامحه
تالا:اومال فين چو
دانا مش سامعه اصلا
تالا:يا داااانا
دانا تتنفض:ف ايه
تالا:فين چو
دانا تقولها ع مكانه
تالا تبتسم نص ابتسامه وتقوم تتجه ناحيه يوسف
تالا:مالك يا چو
يوسف يترمي ف حضنها:تعبت يا تالا
تالا تمسح ع شعره:بس يا يوسف اهدي
يوسف يبعد عنها براحه:انا غبي
تالا:ايه اللي حصل طيب
يوسف يبصلها ويرجع يبص قدامه
تالا:انا عارفه ان انت ودانا عايشين مع بعض كده وانكوا مش زي اي اتنين متجوزين
يوسف يبصلها بأستغراب
تالا:باين عليكوا يا چو... وبعدين انا بقرأ عينك يا يوسف.. لو خبيت ع العالم كله انا مش هتعرف...
يوسف:مكنتش عايز اشيلك هم يا تالا
تالا:ياه يا چو...ده انت م ساعه ما بابا وماما ماتوا وانت شايل همي طول حياتك... كنت ليا ابويا وامي واخويا وصاحبي وابني... وتقولي مش عايز اشيلك همي
يوسف يلعب ف شعرها ويبتسم
تالا:انا مش فاهمه اللي حاصل بالضبط بس
يوسف:دانا بتاخد حقي مني يا تالا
تالا بأستغراب:ازاي
يوسف يحكيلها كل حاجه بالتفصيل
تالا:اوف ...ايه يا بني اللي انت فيه ده
يوسف يرفع كتفه بأنه مش عارف
تالا:مش هقولك غير الكلمتين دول.... دانا طفله... اعرف مداخلها وانت هتعرف ازاي تخليها تسامحك
يوسف:ايوه يعني اعمل ايه
تالا:اعمل الصح
يوسف يضحك:اخلصي يا خفيفه
تالا تضحك:ركز مع دانا وشوف اهتمامتها ايه واعملهالها
يوسف: لا دماغك حلو
تالا:طول عمري
يوسف:يالا يا ماما م هنا
تالا تضحك ويرجعوا مكانهم تاني ويبدأوا يدردشوا
°°°°°°°°°°°°°°°°°°°°°°°°°°°°°
نادر:فريده ...يا فريده
فريده:نعم
نادر:قومي احنا بقينا العصر
فريده:اعمل ايه يعني
نادر:قومي يالا
فريده تفتح عنيها وتبصله تلاقيه واقف قدام المرايه بيسرح شعره
فريده:انت رايح فين
نادر:هننزل تحت
فريده تتنفض وتقوم تقعد:لا مش هنزل لا
نادر يبصلها:ليه
فريده:لا مش عايزه انزل
نادر يضحك ويروح يقعد جنبها:نقعد يعني
فريده بتوتر:لا انزل
نادر يضحك بهستريه
فريده:اعيط
نادر:لا فريده مبتعيطش
فريده:فريده هتموت م الكسوف ومش عايزه تنزل
نادر يضحك:فريده حلوه اوي وهي مكسوفه
فريده تضربه بالمخده وتقوم تجري ع التوليت ووتقف قدام المرايه تستجمع نفسها
فريده:لا يا فريده اهدي... انتي قويه واي حد يتكلم معاكي اتعصبي هما بيتجنبوا عصبيتك.. اه هعمل كده
وتقرر فريده تاخد شاور ويلبسوا وينزلوا يتصلوا بالباقي ويعرفوا هما فين ويروحلهم
تالا:اهلا بروميو وچوليت
فريده:بس يا بت
تالا تضحك
فريده:بتعملوا ايه
مهاب:بندردش
نادر:ايوه بدردشوا ف ايه
يوسف:مالك يا عم... بندردش عادي مش لاقين حاجه نعملها
فريده بهمس:انتي كويسه
دانا تبصلها:اه
فريده:مش مرتحالك
دانا تبتسم:متقلقيش
نادر:تيجوا نلعب
يوسف:هنلعب ايه
تالا:ايه رأيكوا نجيب ورق ونلزقه ع دماغ كل واحد مكتوب عليها كلمه بتوصفه
مهاب:شايفين الافكار
تالا:حياتي
نادر:الكل موافق يعني
فريده:انا معاكوا
دانا:وانا
يوسف:وانا
تالا:وطنط اكيد معانا
وفاء هتعترض فريده تقاطعها
فريده:اللعبه حلوه يا ماما وسهله
وفاء:ماشي خلاص
ويجيبوا ورق وكل واحد يبدا يكتب ل مراته وكذلك البنات وف الاخر الكل يتجمع ويكتبوا ل وفاء ويتفقوا انهم يبدأوا ب تالا
مهاب:تلج
يوسف:خبراء
فريده:حب مزيف
وفاء:مش عارفه انا مش بتفرج ع كرتون
فريده:خلاص قول يا نادر
نادر:عالم خاص
دانا:غابه
تالا:هي شخصيه كرتونيه يعني
نادر:الكل مكتوب عليه شخصبه كوتونيه
فريده:انتوا متففين يعني
نادر:اه
تالا بتجمع ف الكلام وبتحاول تفتكر افلام الكرتون
تالا:سنو وايت
مهاب:لا
تالا:ما غابه
فريده:مفيش حب مزيف
ويفضلوا يفكروا وتالا ف الاخر متعرفش
مهاب:هيتحكم عليها خلاص
تالا:يا ابني انا مراتك
مهاب:حبيبتي
وبعدها يختاروا دانا
نادر بتفكير:بتخاف م شخص وبتحس بالامان مع شخص
فريده:بحبها
تالا:حاجه مش باينه م الارض
دانا تبص ل يوسف
يوسف:طفله
دانا تبتسم وتبعد عنيها عنه
وفاء:بنوته
مهاب:بيبي
دانا:ايه ده يا جماعه انا توهت
يوسف:فكري وهتعرفي
دانا:لا انتوا مصعبينها
يوسف:قطتي
نادر:ايه يا عم
يوسف:بساعدها
مهاب:لا اسكت
دانا:اسمي
الكل يضحك
فريده:لا ...شخصيه بتدل ع انك شبهها
يوسف بتأكيد:قطتي
دانا بسرعه:بوو
مهاب:لا ياعم يوسف غششها
يوسف:لا معملتش حاجه
دانا تشيل الورقه وتبص فيها وتلاقي بوو صح
دانا:انتوا شايفني بوو
تالا:اه
دانا تقف وترمي الورقه ع التربيزه
دانا:انا مش طفله
فريده بأستغراب:ف ايه يا دانا
دانا تزعق:انا مش طفله... ومش عيله... ومش هبقي كده
يوسف:خلاص اهدي
دانا تزق ايده:كل ده بسببك وتسيبهم وتمشي مندفعه بعيد عنهم
نادر:هو انتوا متخانقين
يوسف يبصله:لا
ويمشي هو كمان ويسيبهم
فريده:هما كانوا كويسين يا ماما
وفاء تبتسم نص ابتسامه:اه يا حبيبتي
فريده تبتسم وتيجي تقوم
وفاء:سبيهم ...يوسف هيحل الموضوع
فريده تتنهد وتقعد
••••••••••••••••••••••••••••••
دانا:سيبني لوحدي لو سمحت
يوسف:لا يا دانا مش هسيبك
دانا بعياط:بكرهك
يوسف:وايه كمان
دانا:ومش بطيقك
يوسف:اتكلمي وطلعي كل اللي جواكي
دانا تترمي ف حضنه وتفضل تعيط وهو يمسح ع شعرها ويفضل يهدي فيها
يوسف:انا اسف
دانا:لا مش هسامحك
يوسف يضحك:متأكده
دانا بطفوله:اه وبكرهك
يوسف:وانا بموت فيكي
دانا:مش هتزعلني تاني
يوسف:مش هزعلك تاني
دانا:مش هتقسي عليا تاني
يوسف:لا مش هقدر اعمل كده
دانا:ما انت قدرت
يوسف:انتي مكنتيش حاسه انا ببقي حاسس بايه وانا بعاملك كده... انتي طفلتي يا دانا قبل ما تكوني حبيبتي. دانا تبعد وتبصله وقبل ما تتكلم يقاطعها
يوسف:ومش معني اني بقول انك طفلتي اني شايفك عيله... انتي عندي ست البنات كلهم
دانا تضحك بفرح وترجع تحضنه تاني وهو يبتسم ويضمها
يوسف:ايدك بقي البسك الخاتم
دانا تبتسم وتديله ايدها وهو يلبسها الخاتم ويرفع ايدها لشفايفه ويبوسها وبعدها يرجعوا للباقي
"اد ايه احنا ك بنات مهزقين وبيضحك علينا فعلا... ب كلمه حلوه بننسي اي حاجه.. معرفش ده حلو ولا وحش بس دي حاجه بتجعلنا مميزين"
*********************
إلي هنا ينتهي الفصل السابع عشر من الرواية
تابع من هنا: جميع فصول رواية بنت الاكابر بقلم مها جعفر

تابعوا صفحتنا على الفيس بوك للمزيد من روايات رومانسية مصرية
أو أرسل لنا رسالة مباشرة عبر الماسنجر باسم القصة التي تريدها

جديد قسم :

إرسال تعليق