مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هنا عمرو علي موقعنا قصص 26 و موعدنا اليوم مع الفصل السادس من رواية جمعتنا صدفة بقلم هنا عمرو.
رواية جمعتنا صدفة بقلم هنا عمرو - الفصل السادس
رواية جمعتنا صدفة بقلم هنا عمرو - الفصل السادس
هدي شهقت بصوت عالي واسر كان نَفَسه عالي جداا وبيبص علي عنيها وشعرها وهدي سرحت في عيونه الدهبي وبعد ثواني عدت كانها سنين وسنين
هدي بتوتر. اااا اا اسر انت انت مش في الشركه
اسر تحت تاثير الصدمه وبيبص عليها
هدي بصت لنفسها واتكسفت جدااا انها واقفه كدا و
هدي. يالهوي وحطت ايديها علي عينه
اسر. انت بتعملي ايه
هدي. غمض عينك والنبي عقبال ما اروح الاوضه
اسر بضحك علي ارتباكها وكسوفها. طيب حاضر بس براحه وانت رايحه
هدي بعدت براحه لحد ما دخلت الاوضه و
اسر من ورا الباب. هدي
هدي بخوف. ايه
اسر. متخافيش بس انا عايزك في شغل مهم
هدي.طيب هلبس وانزلك
اسر. لا واحنا في البيت
هدي. مش هينفع ورق الصفقه واللاب بتاعي هناك
اسر بتفكير وقرر انو يخليها تنزل عشان متزهقش وهي قاعده لوحدها
اسر. طيب يا هدي بس علي مهلك
هدي. حاضر
نزل اسر وحضر الورق والعربيه ومستنيها، عدي وقت وشاف هدي واقفه علي مقدمه السلم مش عارفه تتحرك
اسر شافها وابتسم كانت لابسه بنطلون واسع نسبيا عشان الجرح ميوجعهاش وعليه تيشرت زيتي وطرحه مزيج من الاوان وشنطه كروس وكوتشي ابيض عجبه بساطتها و لبسها المحتشم
هدي. اسررر
اسر. نعم
هدي. ممكن تجبلي العكاز الي جبناه امبارح
اسر. تعالي هشيلك وخلاص
هدي. انت استحلتها ولا ايه انا عمري محد لمسني لولا الظروف بس
اسر. طيب يا حجه اهدي
اسر جبلها العكاز وهدي نزلت بعد معاناه ووصلوا الشركه و طلعوا علي مكتب اسر ولقتوا عامل لها مكتب وتحته حاجه عاليه شويه عشان تحط عليها رجلها وحاطط اللاب بتاعها والورق وقدامه كرسي عشان هو يقعد عليه
هدي. انت لحقت تعمل كل دا امتي
اسر. عادي بتليفون صغير
هدي. اممم طيب يلا
وقعدوا يشتغلوا
........... في كليه تجاره
اميره خارجه من المحاضره لقت مازن بينادي عليها
مازن. اميييره
اميره. افندم
مازن. ايه مالك تعالي نقعد شويه
اميره. مارن احنا هنا في الكليه ومش مستعده حد ملوش لازمه يتكلم عني احنا عند هدي حاجه وهنا حاجه اعتقد الرساله وصلت بعد اذنك
مازن سابها تمشي بس عجبته جدا
............ في الشركه
هدي واسر اشتغلوا لحد بليل و
هدي. اسر ممكن طلب
اسر. خير قولي
هدي. اصل يعني انا من الصبح جعانه وعطشانه بصراحه
اسر. ثواني كدا هو انت كنتي نازله الصبح علي تاكلي وتشربي
هدي بكسوف. بصراحه اه
اسر بغضب. وانتي القطه اكلت لسانك مقولتيش ليه
هدي. ما نا اتشغلت وكدا
اسر. طيب استني
خرج اسر ورجع معاه مياه وعصاير
اسر. خدي اشربي والاكل علي وصول
هدي. شكرا جداا
الاكل جيه وبياكلوا مع بعض وبيضحكوا علي الي حصل يوم المستشفي ولكن
الباب خبط ودخل فادي وعلي وشه ابتسامه شيطانيه
اسر قام بغضب.انت بتعمل ايه هنا
فادي. اهدي يا مستر اسر انا جاي اقولك كلميتين وماشي
اسر. انا هجبلك الامن حالا
فادي. ملوش لازمه الامن انا ماشي بس هقولك كلمتين ولل المهندسه الصغيره
اسر بغضب. كلامك كله هيكون معايا انا انت سامع
فادي ببرود. اهدي بس يا مستر اسر
اسر زعق وبينادي علي الامن والامن اتجمع وكريم دخل وياسين دخل الي كان مسافر ولسه راجع
ياسين ماسك اسر لانو كان هيخنق فادي
كريم بزعيق. عايز ايه يا حيوان انت وازاي خرجت من القسم اصلا
فادي. بكفاله
كريم. طيب يلا من هنا بدل ما نحبسك تاني
فادي. همشي بس هقول حاجه لهدي
اسر بغضب وبيزق ياسين. ملكش دعوه بيها سامع
هدي كانت في حاله لا تحسد عليها كانت واقفه وعنيها مخنوقه بالدموع بس مكنتش عايزه تبين انها ضعيفه ورجلها من الغضب والكبت بدات تنزف
فادي تجاهل اسر وقرب من هدي الي بصت لاسر بصه مساعده واستنجاد بس ياسين وكريم ماسكينه جامد
فادي. فلتي مني المره ديه بس المره الجايه مش هتفلتي وهتيجي بمزاجك او غصب عنك عادي وهحرق قلبك علي... بلاش اقولك اسمه خليه مفاجاه لما تشوفيه في حضن واحده غيرك هدي بتلقائيه عنيها راحت لاسر ودمعت وفادي مشي من قدامها وبص لاسر وقاله
فادي. بكره الجبروت بتاعك دا هيبقي في الارض وهحرق قلبك وافتكر كلامي كويس
ومشي فادي و ياسين وكريم بعدوا عن اسر واسر بص لهدي الي قعدت مره واحده علي الكرسي وكريم قرب منها ومسك اديها لاقاها ساقعه تلج
كريم. هدي انت كويسه قالك ايه
هدي بتعب. هو هو اكيد بيهددني
كريم. قالك ايه طيب
هدي. م مقلش اا انا تعبانه عايزه اروح
اسر. طيب يلا يا هدي قومي معايا
هدي قامت وقفت ومشيت مع كريم واسر ركب عربيته مع ياسين ومروحين
ياسين. اسر انا مش فاهم حاجه
اسر. عايز ايه
ياسين. فهمني كل حاجه
اسر حكي له كل حاجه من الاول لااخر
ياسين. يعني ابوك اتجوز
اسر. اه
ياسين. يعني اكلتوا تورته من غيري
اسر بيضرب ياسين. دا الي همك يا رخم
ياسين. خلاص خلاص طيب دلوقتي انت ايه
اسر. مش عارف حاسس اتجاها بحاجه غريبه غيرتني تخيل اني عملتلها حفله لعيد ميلادها تخيل اني اللعب معاهم وعمري ما لعبت وانا طفل اصلا وبخاف عليها اووي
ياسين. دا حب يا صاحبي
اسر بصله وسكت
ياسين. طيب هتقولها
اسر. مش عارف
ياسين. انا من رأي تواجها وتشوف هي حاسه بايه
اسر. لا لا مش دلوقتي بعد لما نعمل حفله جواز بابا وطنط جميله
ياسين. هي امتي
اسر. المفروض يوم الجمعه
ياسين. طيب ماشي نزلني انا بقا هنا عشان لسه راجع من السفر وكدا
اسر. طيب يلا سلام
وطلع علي الفيلا هدي وصلت هي وكريم في نفس الوقت الي وصل فيه اسر، نزلت هدي بدون كلام وطلعت بتعب واسر حاول يساعدها بس رفضت وطلعت علي اوضتها وفضلت تعيط واتصلت بدنيا
هدي وهي بتعيط. دنيا
دنيا بقلق. في ايه يا هدي مالك
هدي. تعالي دلوقتي
دنيا. حاضر انا جايه حالا
قفلت دنيا مع هدي وكان معاها شادي
شادي. في ايه
دنيا. بسرعه اطلع علي الفيلا هدي عيزاني
شادي طلع بسرعه جدااا ووصلوا في وقت قياسي
كريم كان قاعد في الصالون هو و اسر وشافوا شادي ودنيا جاين بيجروا وطالعين فوق عند هدي اسر قام وطلع وراهم
اسر. دنيا في ايه
دنيا. اسر معلش خليك انت وشادي بره
دخلت دنيا واول ما دخلت لقت هدي رجلها بتنزف وهي قاعده مش عارفه تعمل حاجه
دنيا جرت عليها
دنيا وهي حاضنه هدي. مالك يا هدي
هدي بعياط. مش قادره رجلي ااااه
دنيا بصت لرجلها. متخافيش هغيرلك عليها وهديكي مسكن
هدي مكلبشه في دنيا مش عايزه تسبها وبتعيط
دنيا. طب سبيني طيب
هدي.لا انا خايفه
دنيا. خايفه من ايه
هدي حكت لدنيا علي كلام فادي وتهديده ليها
دنيا. طيب كان يقصد مين
هدي خافت تقولها تقول اسر فاسكتت
دنيا. اسر صح
هدي بصت لها بصدمه. ايه اااا لا ااا طبعا لا
دنيا. بلاش نضحك علي بعض انا اختك واخت اسر يعني عايزاكوا تكونوا مرتاحين واسر اتغير علي ايدك علي فكره
هدي. ازاي يعني
دنيا. اسر دا كان مش بيضحك مش بيهزر ولا بيلعب ولا بيهتم باي حد غيرنا لحد ما انتي ظهرتي من اول مره خبطي فيه وهو متغير
هدي. بجد
دنيا. طبعا، هتقوليلوا
هدي.لا لا لا اقوله ايه انا حتي مش متاكده من مشاعري
دنيا. خدي واقتك واهدي كدا وفادي دا اهبل اساسا استحاله يعمل حاجه
هدي. يااارب
دنيا. كفايه رغي ويلا اغيرلك علي رجلك
هدي. طيب
خرجت دنيا وكان اسر وشادي واقفين علي الباب
اسر. ايه في ايه
دنيا. من وقته خد هاتلي الحجات ديه من الصيدليه
اسر. ليه
دنيا. رجلها بتنزف عايزين غيار ومسكن
اسر. حاضر حاضر
نزل اسر بسرعه يجيب الحجات الي دنيا قالت عليها
دخل شادي لهدي و فضل معاها
اسر. خدي يا دنيا
دنيا. رايح فين
اسر. ايه هخش اطمن عليها
دنيا. لا هي مش لابسه الطرحه وكدا
اسر. احم اه طيب خشي
دخلت دنيا وبتغير لها علي الجرح وهي بطهره كان في كوحل بتطهر بيه
هدي بصريخ. اااااه لا ااااه
شادي حضن دنيا
شادي. معلش استحملي معلش
هدي بوجع.مش قااادره اااااااااه يااارب
اسر كان قلبه بيتقطع بره وعينه دمعت وخبطت علي الباب بصوت عالي
اسر. براحه يا دنيا اهدي شويه براحه
دنيا بعياط من وجع هدي. والله يا اسر الكوحل هو الي بيحرق
شادي. خلاص يا هدي خلاص اهدي
هدي حاضنه شادي جامد وبتعيط
دنيا خلصت لها لف الجرح وعطت لها المسكن وهدي في حضن شادي
هدي. اااه يارب يارب
شادي بيعيط ومش عايز يتكلم
دنيا بعياط. معلش يا هدي خلاص انتي هتنامي دلوقتي بعد ما المسكن يشتغل
قعدوا وقت جوه وهدي بتتوجع وشادي بيعيط واسر بيتقطع ودنيا بتعيط لحد ما نامت شادي قام ونيمها علي السرير وغطاها وباس جبينها وطلع شاف اسر حضنه حضن اخوي وفضل يعيط كتير اووي
اسر وعينه مدمعه. اهدي يا شادي هي هتكون بخير صدقني هدي قويه
شادي بعياط. هدي طول عمرها بتبين انها قويه ومحدش قدها بس هي طفله وانهارده اول مره اشوفها منهاره كدا بجد
اسر. خلاص اهدي بقا
شادي بعد عنه وكريم كان متابع الموضوع من بعيد وفرح انهم قربوا من بعض
جميله دخلت عليهم بعد ما خلصت حاجتها لقتهم كدا
جميله بخضه. في ايه يا كريم
كريم. ااا مفيش حاجه دا شادي مخنوق بس و بيحكي لاخوه عادي
جميله. كرريم متخبيش عليا
كريم . وهخبي عليكي ليه طيب
جميله. طيب يا كريم
...................
في مكان ما مظلم يتكلم 4 اشخاص ونواياهم غير سليمه بالمره
1.انا لازم اخد فلوس انا مزنوق اووي
2.اتنيل اصبر كام يوم لحد ما الحفله تخلص
3.انا عايزه اتجوزه
4.وانا عايز اتجوزها
2.كل حاجه هنعملها بعد الحفله لازم نبدأ بعد الحفله
*********************
إلي هنا ينتهي الفصل السادس من رواية جمعتنا صدفة بقلم هنا عمرو
تابع من هنا: جميع فصول رواية جمعتنا صدفة
تابع من هنا: جميع فصول رواية جمعتنا صدفة
تابع من هنا أيضاً: جميع فصول رواية قسمتي بقلم أسماء سليمان
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية فارس عشقي بقلم سحر فرج
إرسال تعليق
يسعدنا تلقي اقتراحاتك أو تعليقك هنا