U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية اختلاف القلوب وتحدى القدر بقلم هاجر عبدالحليم - الفصل الخامس عشر

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل الخامس عشر من  رواية اختلاف القلوب وتحدى القدر بقلم هاجر عبدالحليم. 

رواية اختلاف القلوب وتحدى القدر بقلم هاجر عبدالحليم - الفصل الخامس عشر

رواية اختلاف القلوب وتحدى القدر بقلم هاجر عبدالحليم
رواية اختلاف القلوب وتحدى القدر بقلم هاجر عبدالحليم

رواية اختلاف القلوب وتحدى القدر بقلم هاجر عبدالحليم - الفصل الخامس عشر

ف المستشفى
عمر قاعد وحاطت ايده ع راسه..وعينه عمالة تنزل ف دموع..شوية وسمع رعد بينادى عليه مسح دموعه بسرعة وبصله وقال:ايوة يارعد...كلمت والد ميرا ولا لسة؟!
رعد:ايوة كلمته..وهو حاليا ف الطريق وجاى ع هنا...هو انت كنت بتعيط ياعمر
عمر بتوتر:اعيط ايه بس يارعد...مش اى حاجة تحصل تخلينى ابكى...لازم تبقى حاجة كبيرة علشان دة يحصل..ع العموم انا هنزل اجيب لنفسى علبه سجاير تحب اجيبلك معايا
رعد:لا ..شكرا
عمر:تمام
ف فلة عبدالرحمن
ياسمين بصريخ وعياط:بنتى ياعبدالرحمن..بنتى راحت منى...انا اللى غلطانة علشان طاوعتك وخليتها تكمل ف الشغلانة دى.قلبى كان حاسس ان بنتى هيحصلها حاجة..كنت بحلم بكوابيس ليل نهار...خلاص ياعبدالرحمن النصيية خلاص وقعت...انا هروحلها...يلة خلينا نمشى
عبدالرحمن خد المفاتيح ومراته وجرى ع المستشفى وهو بيدعى ان بنته تقوم بسلامة وبخير
وهما ف العربية اتصوا ع عزيز وثريا اللى رد فعلهم مساوى لرد فعل عبدالرحمن وياسمين
وفعلا قالوا انهم راحين المستشفى علشان يطمنوا عليها
ف الصالة
اميرة بعياط:ميرا يحصل فيها كدة واحنا منعرفش..لا انا رايحة معاكوا...مش هقدر استنى لحظة...قلبى هياكلنى عليها
ريان:لا يااميرة وجودك ملهوش داعى...احنا هنروح ولو ف جديد هطمنك
اميرة ب اعتراض:بس ياريان انا
ريان:مفيش بس...خليكى قاعدة مع مروة عمالة بتعيط فوق اطلعى طمنيها...دة احسن حاجة تعمليها دلوقتى
اميرة ب استسلام:حاضر
ف اوضة مروة
مروة بعياط:قلبها كان حاسس يااميرة.....كانت ع طول بتقولى ان حياتها ف خطر...بس مكنتش متوقعة انهم هيقدروا يعملوا فيها حاجة...طب هو انا المفروض دلوقتى اتصرف ازاى؟!
اميرة ب استغراب:يعنى ايه تتصرفى ازاى؟! وانتى مالك اصلا بالموضوع دة؟!
مروة بتوتر:اصل انا انا الصراحة ميرا طلبت منى اخلى الفلاشة معايا واقدمها للبوليس وقالتلى اننا الوحيدة اللى اقدر اعمل كدة علشان العصابة مش تعرفنى
اميرة حطت ايدها ع بقها من الصدمة وقالت:نهار اسود يامروة...انتى عارفة الكلام اللى بتقوليه دة معناه ايه...معناه ان حياتك ف خطر انتى كمان..لا لازم رعد يعرف باللى حصل...وهو يقدر يحميكى
مروة بعياط:انا خايفة اوى يااميرة...معقولة هيحصلى زى اللى حصل مع ميرا
اميرة خدت مروة ف حضنها وقالت:اهدى يامروة ان شاء الله مفيش اى حاجة هتحصل
ف المستشفى
عبدالرحمن بخوف:الدكتور قلك كدة يارعد...طب دة معناه ايه؟! يعنى خلاص البت راحت منى
اسد حط ايده ع كتفه وقال:اجمد كدة ياعمى الله ف سما لهجيبلك الكلاب اللى عمله فيها كدة
وبص لعمر وقال:فين الراجل اللى كان معاهم..اقصد اللى اتصاب ف رجله
عمر:هو حاليا ف الحبس الانفرداى ومشدد عليه الحراسة علشان مش يهرب
اسد:كويس خير م عملت...انا اللى هحقق معاه وهعرف كل حاجة...اعترافه هيفيدنا كتير
ياسمين بعياط:بنتى...عايزة بنتى ياثريا
ثريا خدتها بالحضن وقالت:ان شاء الله هتقوم بسلامة ربنا رحيم بعباده ياياسمين وهو لوحده اللى قادر ينجيها..اهم حاجة نخلى ايمانة بيه كبير وندعيلها
ياسمين بعياط:ياما حذرتها ياثريا بس هى دماغها ناشفة..مش بتقبل منى نصيحة كانى بضرها...مش عارفة انا بخاف عليها قد ايه...والله هموت لو حصلها حاجة
عبدالرحمن بعصبية:بس يايسمين الله يخليكى كفايا اللى الواحد فيه....اللى المكتوب هنشوفه....قدر الله وماشاء فعل...وبطلى عياط واقعدى ارتاحى...قعديها يامدام ثريا بعد اذنك...بردو ياسمين لسة بتعيطى...طب عليا الط
مكملش جملته ياسمين حطت ايدها ع بقها وقالت:خلاص ياعبدالرحمن اهو اتخرست...يارب استرها وقوملى بنتى بالسلامة
ف مكتب الدكتور
عمر:لو سمحت هو انا ممكن اخش للمريضة بس خمس دقايق ارجوك ...ومش تقلق مش هعمل اى ازعاج
الدكتور ب استغراب:مش فاهم الصراحة انت حابب تخش ليه؟! المريضة نايمة ومش حاسة بالدنيا وحالتها تصعب ع الكافر..واعتقد مش محبز تخشلها...الا لو مصمم بس خمس دقايق مش اكتر
عمر:دكتور بعد اذنك بلاش تقول ل اهلها انى طلبت منك كدة بس علشان الموضوع حساس شوية بالنسبالهم
الدكتور:تحت امرك ياعمر بيه
ف قصر الرملى
ف اوضة مروة
اميرة:جرا ايه ياجدعان هنفضل ف المناحة دى لحد امتى
اية:عايزانا نعمل ايه يعنى...منتى شايفة الجو عامل ازاى
اميرة بزعل:والله ربنا وحده اللى عالم بيا..واد ايه زعلانة ع ميرا بس احنا بردو لازم نفكها شوية...ايه رايك يامروة نلعب شوية
مروة بفرحة:هييييه انا بحب العب اوى....ايه رايك نلعب ورقة حجر مقص
اية:هههههههه انتى قديمة اوى يامروة...اللعبة دى كانت بتتلعب من ايام الجاهلية...شوفى لعبة تانية تخرجنا من المود دة
اميرة:خلاص ايه رايكوا نلعب لعبة الصراحة
فكرت شوية وقالت:لا خلاص ثوانى هختار لعبة تانية احلى
مروة وقفتها وقالت:لا احنا هنلعب اللعبة دى جميلة اوى وبنعرف الشخصية اللى قدامنا كويس..ثوانى هجيب ازازة وجاية ع طول اوعوا تلعبوا من غيرى
اية:معلش يامروة روحى شوفى نوح...صحى ولا لسة
مروة:حاضر من عنيا
ف المستشفى

ميرا نايمة ع السرير ووشها مليان كدمان وشعرها مش متظبت خالص وحواليها الاجهزة من كل ناحية
عمر قعد ع الكرسى ومسك ايدها وباسها بحب وعمال يعيط...بيانب نفسه علشان مقدرش يحميها...بس يبقوا تحت ايديه ومش هيرحمهم..ازاى قدروا يقربوا منها ويلمسوها غمض عينه جامد بكل قهر والم..وعينه بتدور ع وشها ودراعها اللى مليان خدوش
فجاه الباب اتفتح مرة واحدة عمر اتخض وبص ناحية الباب لقا ريان
ريان ب استغراب:انت بتعمل ايه هنا...هو انت مش المفروض تكون ف القسم دلوقتى
عمر بعصبية مقدرش يداريها:كنت فين يامحترم لما حصلها كدة؟! انت مش تستاهل واحدة زيها ابدا..كنت المفروض تحميها...انت لو كنت بتحبها فعلا كنت منعتها انها تكمل ف الموضوع دة ولو بالقوة بس انت مش عملت كدة دة معناه انها مش فارقة معاك اصلا
ريان بعصبية ممزوجة ب الاستغراب:انت اتجننت ياعمر...انت بتحملنى انا مسؤلية اللى حصل...انا لو كنت اعرف..كنت هعمل اللى اقدر عليه علشان امنع كل دة يحصل...وبعدين انت غيرت الموضوع ليه...انا سالتك وعايز رد ع سوالى...انت بتعمل ايه هنا...وازاى ماسك ايد ميرا كدة
سكت شوية كانه بيفكر ف حاجة وقال:ثانية واحدة...انت ف مشاعر جواك ناحية ميرا
عمر اتوتر اوى كان عايز يصارح ريان بحبه ل ميرا بس مسك نفسه
عمر:مش وقت الكلام دة دلوقتى ياريان
وبص ف ساعته وقال:انا لازم امشى علشان ورايا مشوار مهم ابقى اجى بكرة علشان اطمن واعرف حالتها بقت عاملة ازاى عن اذنك
وفعلا مشى وريان فضل متابعه بتركيز شديد وفجاه اترسمت ع وشه ابتسامة هادية:فرصة وجت لحد عندك ياريان...لازم تستغلها صح
ف قصر الرملى
ف اوضة مروة
اميرة:هههههه اخيرا انا اللى هسال اية...يلة يااية هسالك سوال سهل اوى...بس لازم تجاوبينى بصراحة علشان دى قوانين اللعبة
اية:موافقة
اميرة:انتى بتحبى اسد؟!
مروة:اوباااا...سؤال جامد اخر حاجة يلة يااية اعترفى الانكار مش هيفيدك
اية بتوتر:هو انا لازم اجاوب؟!
مروة:لا استعينى بصديق احسن هههههههه
اميرة ضربتها ب خفة ع راسها وقال:بلاش لماضة يابت انتى...واصلا اية هتجاوب غصب من عنها
اية:الصراحة انا معرفش....مشاعرى لسة مش واضحة تجاه اسد...علشان ظروفى وانتوا طبعا عرفينها
مروة:هو شهم صح
اية:ها
مروة:وراجل ف نفسه كدة ويعتمد عليه
اية:ها
مروة:وامور
اية بسرحان:ها
مروة:بتحبيه
اية بسرحان:ها
مروة ل اميرة:كفك ياميرو
وضحكوا بصوتهم كله...اية فاقت وعرفت انها غلطت ومكنش ينفع يوقعوها ف الكلام كدة
اية:ع فكرة انتوا ختوتى ع خوانة...انا مش بحبه...الواحد بيحب مرة واحدة وبس
مروة:لا ياشيخة بطلى جو الوسادة الخالية دة...وبعدين انتى لازم تعرفى ان مستقبلك مع اسد...هو اللى جوزك وابنك مكتوب ع اسمه...ايدى لنفسك فرصة وصدقينى هتحبيه
اية بخوف:وجيسى
اميرة:مالك بيها انتى دلوقتى صلحى علاقتك ب اسد بعد كدة نشوف حوار جيسى دة
اية بجدية:هو انتى متخيلة ان العلاقة دى هتنجح حتى لو انا عايزة كدة لا دى فيها تحديات كتير اوى...انا لو حبيت اسد ..وجعى هيزيد...عارفة ليه؟! علشان مش هستحمل جوزى اللى بحبه واحدة تشاركنى فيه...وغير كدة اسد من النوع المزواج
مروة ب استفراب:ايه مزواج دى؟!...هى الصفة دى عيب ولا حاجة؟!
اميرة:اسكتى يابت انتى
بصى يااية...انا تقريبا معرفش اسد اوى علشان انصحك..بس هو من النوع اللى بيحتار اوى ف مشاعره..انانى حبتين ممكن يكون عايزكوا انتوا الاتنين عادى مش عنده اى مشكلة هههههههه
اية فتحت بقها من الصدمة وقالت:نعم ياختى...احنا الاتنين ازاى يعنى
مروة:طفاسة ياختى...رجالة عايزة الحرق..عارفة يابت انا لو منك اجننه كدة...لحد ميقول ان الله حق
اية عايزة تهرب من الحوار ومش عايزة تتكلم تانى وقالت:لو ليا نصيب ف اسد محدش هيقدر يمنعنى عنه ولا حتى انا....بصوا انا تعبانة وعايزة انام تصبحوا ع خير
مروة واميرة:وانتى من اهله
ف القسم
طراااااخ
اسد بزعيق:اخلص ياروح امك وانطق... انا هشحت منك الكلام ولا ايه؟!.مين اللى وراك يلا
حوكشة:مفيش حد ورايا ولا قدامى...احنا خطفناها علشان كانت حلوة فقولنا نخطفها ونتمتع بيها شوية
اسد شده من قميصه وقال بعصبية:بردو مش عايز تنطق
سابه وحرك صباعه ناحية دقنه كانه بيفكر ف حاجة
اسد:تعرف انا جوايا شخص عنيف اوى وبقالى فترة مش طلعته وتعرف كمان اللى انتوا عملتوا ف البت الغلبانة دى هيطلع عليك انت
راح ناحية المكتب وطلع علبة السجاير وطلع سيجارة منها وولعها وعينه ع حوكشة اللى هيموت من الخوف بس بيحاول يكون هادى
اسد قرب منه ومسك السجاير وحطها ع رقبه حوكشة وهى مولعة
اااااه ليييه كدة ياباشا
نزل ع كعب رجله من الوجع
اسد:اوم يلا... انت قلبت حرمة كدة ليه...لا محبكش وانت كدة...اوم دى لسة السهرة صباحى
حوكشة بكذب:والله ياباشا كل اللى اعرفه قولته لو موتنى مش هقول غير دة..مفيش حد وزنا ياباشا...دى وسوسة شيطان والله
اسد:وسوسة شيطان ها...ماشى ياحوكشة انت اللى جيبتوا لنفسك
اسد نادى ع العسكرى اللى برة واول مدخل
العسكرى:تمام يافندم
اسد بخبث:عايزك تعمل واجب الضيافة مع حوكشة علشان اول مرة يزورنا...وعايزك كمان توجب معاه بالجامد....خليك كريم
العسكرى:تمام يافندم
ف المستشفى
رعد:يعنى ايه يااسد...لحد دلوقتى مش عايز يعترف...من امتى بقيت كدة...مفيش مجرم بياخد ف ايدك غلوة وبيكون مقر ع كل حاجة..اشمعنى المرادى
اسد:والله حاولت معاه بشتى الطرق مش عايز يتكلم انا حاليا وصيت العساكر انه يعملوا معاه اسوا اساليت التعذيب وان شاء الله نعرف نمسك دليل كويس ضد الزفت غسان..المهم ايه الاخبار عندكوا انتوا
رعد:ابدا الجو مقلوب ع الاخر...حاجة اخر نكد...عمى ومرات عمى هيباتوا مع ميرا واحنا هنروح ونيجى بكرة نتطمن عليها...الدكتور قال ان ف احتمالية تفوق.
اسد:ربنا يقومها بسلامة
ف قصر الرملى
ف الصالة
ثريا:ااااه دماغى ياعزيز مش قادرة...ربنا يكفينا شر اللى ع سهوة يارب
عزيز:انتى تعبانة... اطلعى نامى وانا هحصلك
ثريا:ماشى..تصبحوا ع خير
الكل:وانتى من اهله
مروة:رعد كنت حبة اتكلم معاك ف موضوع
رعد بضيق:مش وقتك خالص يامروة
مروة بزعل:شايف ياعمى بيكلمنى ازاى...كانى مرات ابوه..والله انا لو كنت كدة فعلا كان عملنى احسن من كدة
ريان:معلش يامروة مش مقدر النعمة...واد غشيم
رعد:لا والله
ريان:ياعم انا مليش دعوة...انا هطلع انام علشان يومنا بكرة طويل اوى
وهو ماشى لقا اميرة عينه كانت ف عينها بعد كدة طلع من جيبه ورقة ووقعها ع السلم وهو طالع ل اوضته..بصلها وغمزلها بس محدش شافه..وطلع ع اوضته
اميرة بصت حواليها واتاكدت ان مفيش حد باصص عليها..نزلت وجابت الورقة وخبيتها وجرى ع اوضتها علشان تقراها
ف بيت عبدالرحمن
اسر بعصبية:يعنى ايه الكلام دة...اختى يحصل فيها كدة ومحدش يقولى...ليه هو مش من حقى اعرف؟!
ياسمين:يبنى كنت مشغول....واتلهينا فيها معرفناش نكلم حد
اسر:طب انا جيلكوا ع طول مسافة السكة
ياسمين:بلاش يبنى وجودك ملهوش داعى نام انت وارتاح وبكرة تعالى ومعاك هدوم ليا و لعبدالرحمن علشان لسة مش عارفين ربنا مخبى ايه
اسر:ماشى ياماما
ف اوضة مروة
مروة ودانها كانت ع الباب مستنية رعد ييجى وفعلا حست بيه كان قريب من اوضتها فتحت الباب بسرعة وشديته للاوضة وقفلت الباب
رعد بصدمة:يابنت المجانين...انتى ازاى تشدينى كدة؟! وبعدين انتى ايه اللى مصحيكى لحد دلوقتى؟'
صدمته وصلت للسقف لما لقا مروة اترمت ف حضنه وعمالة تعيط بصوت عالى..عياط كله وجع وحسرة
ف اوضة اسد وجيسى
جيسى بعياط:للدرجة هاى م عم افرق معك...بقالك يومين واكتر..ما بتيجى لعندى..وبتروح لعند خرابة البيوت...انا كنت راح افيل من اهون بس اهلى الله لا يوفقون ما رضيوا بنوب مو بدون يانى..وين بروح انا هلا...اهلى رفضوا يييجوا لهون...انا ما بعرف وين كان عقلى وانا عم عارض اهلى كيرمالك ليك وين كان عقلى
اسد ب استغراب:يعنى انتى كلمتى اهلك ورفضوا ييجوا..انا كنت متخيل انهم م هيصدقوا وييجوا علشان يخلصوكى من الجوازة دى بس تصدقى خير م عملوا...انا اصلا كنت هولع الدنيا لو جوم...مكننش هقبل انك تخرجى من القصر اصلا
جيسى بتريقة:عن جد عم تحكى...ايه عرفت كيرمال انت بتموت فيا وما بتقدر تعيش بلايا مو هيك
اسد:بطلى تريقة...هو ف ايه ياجدعان اجى هنا الاقى نكد اروح هناك الاقى نكد اروح فين طيب؟! اطفش منكوا انتوا الاتنين...تصدقى فكرة حلوة انا هخرج
جيسى قامت بعصبية وقالت:اسد ما تخرج من هون
اسد بصلها وقال:افردى وشك دة الاول...واسمعى كلامى علشان اتهبب واسمع كلامك
جيسى قربت منه وحضنته من رقبته وقالت بدلال:اسد لسة عم بتحبنى ولا شو
وشاورت ع قلبه وقالت:ليك انا لسة ف قلبك؟!
اسد بصلها برغبة وقال:تعرفى انك وحشتينى اوى
وغمزلها وقال:بقالنا قد ايه م عملناش يوم خميس
جيسى ضحكت ضحكة كلها انوثة الهبت مشاعر اسد ناحيتها،..هو ف النهاية راجل بيضعف قصاد اى واحدة حلوة بالكم لو مراته بقا😂
شالها وقال::ليلتنا فل ان شاء الله...يخربيت جمال امك
وشالها وحطها ع السرير
جيسى كانت معتقدة انها كدة هتقدر تنسيه اية...حاولت ع قد متقدر تشبع رغبته كراجل...ومش تخليه محتاج ل اى واحدة ست تانية..اما.اسد كان معاها مرة رقيق ومرة عنيف لما يفتكر انه لحد دلوقتى مقدرش يحصل ع اية زى مقدر وحصل ع جيسى
ف اوضة اية
اية عمالة تفرك ايدها وبتبص ف الساعة شوية وع الباب شوية
قامت وعمالة تروح وتيجى ف الاوضة
بصت لنوح وقالت:معقولة يكون راح عندها
لحد هنا اتعصبت وقالت:ودة اللى بيحبنى...فعلا بيحبنى علشان كدة راح نام مع واحدة تانية...خلى يشبع بيها..اصلا دة اللى عايزاه...ياريت بقا ينسانى..ومن النهردة لا هيشوف منى وش خشن ولا حتى ناعم
غيرت ونامت ع السرير وهى بتطبطب ع نوح
*********************
إلي هنا ينتهي الفصل الخامس عشر من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة