هذا الموقع محمي بموجب اتفاقية حماية حقوق المحتوي العالمية

رواية اختلاف القلوب وتحدى القدر بقلم هاجر عبدالحليم - الفصل السابع عشر

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل السابع عشر من  رواية اختلاف القلوب وتحدى القدر بقلم هاجر عبدالحليم. 

رواية اختلاف القلوب وتحدى القدر بقلم هاجر عبدالحليم - الفصل السابع عشر

رواية اختلاف القلوب وتحدى القدر بقلم هاجر عبدالحليم
رواية اختلاف القلوب وتحدى القدر بقلم هاجر عبدالحليم

رواية اختلاف القلوب وتحدى القدر بقلم هاجر عبدالحليم - الفصل السابع عشر

الكل اتصدم من كلام ريان..وعمالين يبصوا لعمر مستنين يتكلم وينفى الكلام اللى ريان قاله..بس عمر فضل يبص ع ريان ب عيون متسعة من الصدمة والفرح
عبدالرحمن بصدمة:عمر مين اللى يستاهل بنتى...هو يعرفها منين اصلا
اسر بعصبية:اختى انا اولى بيها ف الوقت دة...وانا عارف ياريان ان اختى بتحبك وانت اتنازلت عنها ف وقت هى محتاجة وجودك ف حياتها..واختى هترجع زى الاول سواء بيك او من غيرك...اختى مش كرة علشان كل واحد فيكوا حابب يشوط فيها..انتوا فاهمين
ريان:الدكتور قال انها هتتعامل كا انها طفلة ومش فاكرة اى حاجة عن طفولتها اللى عاشتها هى فاكرة بس والدك ووالدتك غير كدة لا...وهى اكيد مش فاكرة انها كانت ع علاقة بيا ف يوم من الايام
ياسمين بصت ع عبدالرحمن وقالت:عبدالرحمن اهم حاجة دلوقتى نفكر ازاى نرجع بنتتا لينا..ميرا دلوقتى محتاجة وجودنا اكتر من اى حد..واذا كان ع ريان ف هو حر...دة جواز وكل شى قسمة ونصيب
ثريا ل ريان:ياخسارة تربيتى فيك ياريان دى اخرتها يبنى
عبدالرحمن:خلاص ياثريا بعد اذنك سيبينى انا اتصرف دى بنتى وبردو ريان ابنى..واكيد ربنا ليه حكمة ف اللى حصل
بص ع عمر وقال:تعالى ياعمر
عمر راحله وقال:عمى انا
عبدالرحمن:متقولش حاجة سيبنى انا اللى اقول...بص يبنى انت صاحب اسد ورعد واكيد تربيتك زى تربيتهم...بس يبنى انت عندك عيلة ومش هيقبلوا بوضع ميرا
عمر بحسرة:انا مش عندى عيلة ياعمى والدى متوفى ووالدتى عايشة برة مع جوزها..انا عايش لوحدى
رعد قرب منهم وحط ايده ع كتف عمر:ولو انى مصدوم ف ريان...بس فرحان بالى حصل...انا كان قلبى حاسس ان عمر بيحب ميرا..كان قلقان عليها اوى ياعمى..دة غير ان هو اللى انقذها لولاه كانت عند اللى خالقها..انا اضمن عمر برقبتى ياعمى..دة حساس وزوج مخلص ل ابعد حد..وهيراعى ربنا ف بنتك
رعد ضرب عمر بخفة ع راسه وقال:متقول حاجة ياعم بدل منت ساكت كدة
عمر:هههههه حاضر بص ياعمى انا مش هعمل شهم وانى راجل وهقول انى هقدر اتحمل وجود ميرا ف حياتى وهى ف الحالة دى..انا هعمل كل اللى اقدر عليه علشان ارجعها زى الاول واحسن...وهكون عند حسن ظنك فيا...ولو وافقت ان شاء الله هتجوزها وهجيبلها بيت جديد اكبر من البيت اللى قاعد فيه..مش هخليها تحتاج حاجة..وانت متعرفش انا مبسوط قد ايه بالى حصل دة..ميرا دى امنية حياتى
ياسمين:والله يبنى شهادة رعد ف حقك كفيلة تخلينا نفكر ع العموم احنا هنديك موافقة مؤقتة لحد منصلى صلاه استخارة وان شاء الله هنوافق ونحدد كل حاجة
عزيز:عين العقل يامدام ياسمين...بقولك ياعبدالرحمن انا بقول خلى عمر يشوف ميرا ويتكلم معاها وخلى اميرة تبقى موجودة معاهم بس تلمحهم مش اكتر..بس علشان يعرف هو داخل ع ايه
عبدالرحمن:ماشى ياعزيز
ف اوضة مروة
عمر طلع اوضة مروة لقا ميرا واميرة قاعدين
اميرة:تعالى ياعمر انا هقعد هنا ع الكنبة وانت تعالى اقعد معاها..متقلقش انا مش هسمع حاجة
ميرا مسكت ف فستانها وقالت:رايحة فين ياميرو
عمر:كويس خليتها تاخد عليكى بسرعة
اميرة:اصل انا واميرة واية قاعدنا نتكلم معاها شوية واالصراحة بدانا من الاول والجديد مكنتش فاكرة حاجة اصلا بس الحمد لله بقينا صحاب...مش كدة يامرمر
ميرا:هههههه كدة ياميرو..بس برده مش قولتى رايحة فين..ومين دة؟!
اميرة:متخافيش مش هياكلك يامرمر...اقعدوا اتكلموا مع بعض شوية هو انسان عسل اوى
ميرا بخوف:ماشى...بس مش تخرجى من الاوضة
اميرة ضحكت وقالت:حاضر
اميرة قعدت ع جنب ومسكت التليفون بتقرا رواية ملاكى العنيد..وسابت عمر وميرا قاعدين
عمر راح وقعد جنب ميرا وقال:ازيك
ميرا ضيقت عينها وقالت:الحمد لله
عمر:انا اسمى عمر
ميرا:وانا مالى
عمر ضحك وقال:بصراحة انا حابب اطلب منك طلب..ممكن نبقا صحاب...وتحكيلى كل اللى بيضايقك...وانا هحبك وهخاف عليكى اكتر من نفسى
ميرا بصتله وقالت:صحاب!! ماشى انا موافقة بس بابا مش هيوافق علشان انا لسة صغيرة ومش هينفع اصاحب ولاد
عمر:طب هاتى ودنك
ميرا مسكت ودانها وقالت بطفولة:لا انت هتقولى توت بصوت عالى وهتطلع تجرى زى العيال الصغيرة صح..انا عارفة الحركات دى
عمر ضحك بصوته كله...اميرة خدت بالها..فضحكت وقالت:يارب يبقى كدة ميرا ممكن تحب عمر...يبقى خلصنا من مشكلة عقبالك يااسر يارب
عمر:يالهوى.. انت كميلة خالص ياقطتى...ع فكرة انا مكنتش هقولك توت انا كنت هقترح عليكى اقتراح حلو اوى
ميرا:ايه هو
عمر:نتجوز
ميرا:يعنى ايه نتجوز؟! مش فاهمة الكلمة دى
عمر ضحك وقال:مش انتى بتقولى مينفعش نبقى صحاب علشان بابا بيزعق..احنا ممكن نتجوز وبكدة بابا مش هيزعل ولا هيزعق...وهتقدر نقعد ونخرج مع بعض...ايه رايك
ميرا:امممممم موافقة بس بشرط
عمر:قولى ياست شرطك
ميرا:اروح اكل ف ماك وتودينى دريم بارك ونروح وسط البلد ودخلنى سيما وتجيبلى بلونة قااااااد كدة وشيكولا..موافق
عمر ضحك وقال:موافق ع شرطك ياست البنات
ميرا ضحكت بطفولة وقالت:وانا موافقة اتجوزك...هات ايدك بقا
عمر ب استغراب:ليه؟!
ميرا بضيق:مش معقولة ها كلها مثلا...انا عابزة ايدك اكتب فيها حاجة
عمر:طيب اتفضلى ايدى اهى
مسكت ايده وحابت قلم احمر ورسمت قلب ع كف ايده وطلعت خطين منه...وكتبت حرف الm و حرف ال o
ميرا:ايه رايك..انت كدة هتفضل صاحبى طول العمر
عمر ضحك وحب طريقتها ف الكلام..لدرجة انه مكنش حابب ترجع تانى زى الاول...هو عايزها كدة...هو بيعشقها بكل تفاصيلها..مش مصدق ان اللى قدامه دى ميرا الصحفية
عمر:انا لازم امشى وهجيلك ف وقت تانى ان شاء الله
ميرا بزعل:ماشى بس اوعى تتاخر ماشى
عمر:حاضر
بليل
اسر:معقول اللى بتقوله دة
رعد:زى مبقولك كدة...ميرا حبت عمر اوى...اعتقد ان جوازهم هيبقى ناجح ومستقر
عبدالرحمن:انا طلعت اتكلمت مع ميرا فضلت تتكلم ع عمر وتمدح فيه كتير اوى
ريان بفرحة:افهم من كلامك دة...انك هتقبل عمر يتجوز ميرا
اسر ب استغراب:انت فرحان كدة ليه كانك م صدقت وخلصت منها
ياسمين:اسر ايه اللى بتقوله دة؟!
ريان:عادى يااسر...عمر صعب عليا وحسيت انه هيراعى ميرا اكتر منى...وبعدين ميرا مبقتش ميرا اللى حبتها من وانا صغير...وانا قولت قبل كدة وهرجع اقول تانى...ميرا حمل كبير اوى انا مش قده
اسر ب بشك:دة مش سبب كافى...اكيد فى سبب تانى وهعرفه ياريان
عبدالرحمن:انا هصلى زى م نويت ولو حسيت ان الموضوع دة فى خير ل ميرا هكلم عمر وهنشوف الدنيا فيها ايه...يلة تصبحوا ع خير معلش ياثريا خلى ميرا تقعد مع الينات كام يوم بس علشان تاخد عليهم
ثريا:حاضر ياعبدالرحمن...يعلم ربنا دى زى بنتى واكتر
ياسمين بفرحة:تسلمى ياثريا
ف اوضة اية
اسد دخل لقا اية نايمة ولو عايزينها بالوصف الدقيق عملة نفسها نايمة
اسد صفر ببرود وفضل يغنى وهو بيقرب منها ويقول:دخل الحرامى وانا نايمة..شوف قلة ادبه وانا نايمة..خد منى بوسة وانا نايمة...شوف قلة ادبه..وانا عملة نفسى نايمة وانا عملة نفسى نايمة
كان قريب منها ووشه مواجه لوشها
هى كانت بتحاول تمسك نفسها علشان مش تضحك بس معرفتش
وفضلت تضحك بصوتها كله...اسد ضحك معاها وقال:طالما كنتى صاحية ليه مغمضة عينك ومش عايزة تشوفينى
اية بكسوف:عادى
اسد:هو انتى زعلانة منى ف حاجة
بصتله وقالت:يفرق معاك
اسد:طبعا يفرق
اية قامت وقالت بقسوة:انت بقا مش فارق معايا..ان شاء الله تولع حتى
اتعصب ومسك ايدها جامد لدرجة انها احمرت وقال بعصبية:انت واحدة عديمة التربية والاخلاق وانا هعيد تربيتك من اول وجديد
اية بعصبية:روح ربى نفسك الاول وبعد كدة تعالى ربينى...انت واحد شهوانى ومش فارق معاك غير تلاقى واحدة ع السرير تقرب منها وتفضل تنهش ف لحمها زى الكلب السعران بس لا يااسد مش هتشوف منى شعرية واحدة انت فاهم
اسد من كلامها مقدرش يتحكم ف اعصابه راح ضربها قلم جامد..هى حطت ايدها ع مكان الصفعة وبصتله بعيون كلها تحدى علشان تلاقى عيون كلها قسوة وحيرة
اية:انت انسان ضعيف و
اسد بزعيق وهو بيديها القلم التانى ع نفس الخد:م تخرسى بقا...مش عايز اسمع صوتك..انت بتظلمينى بكلامك دة
اية بعياط:انا بظلمك...انت بتتكلم بجد...توء توء اخص عليا انا واحدة قاسية مش مقدرة وجودك جمبى...انا متجوزة واحد حيران مش عارف عايز ايه...لا هو عايز يشفط كل حاجة زى الشفاط...انت روحت تنام مع واحدة غيرى وجاى دلوقتى عايزنى اتكلم معاك ازاى؟!
اسد بصدمة ممزوجة بالاستغراب:انتى الكلام اللى بتقوليه دة ليا انا؟! هو انا خنتك وانا معرفش اللى بتتكلمى عنها دى مراتى...وبعدين هى عارفة انا محتاج وعايز منها ايه...مش زيك انتى...واستنى استتى ايه روحت تنام مع واحدة غيرى دى....هو انا حتى نفخت ف وشك؟! انا مجتش جمبك اصلا
اية بعصبية:اطلع برة وروح عندها هتلاقى بتعملك الحاجات اللى انا منعاك عنها مش دة كلامك...يلة اطلع برة...مش عايز اشوفك ف الاوضة
اسد بهدوء:اية اهدى صحتك مش كدة...كفايا نكد بالله عليكى...انا مش عارف انتى ليه بتكرهينى اوى كدة
اية:بكرهك....لا انا مش بكره حد...وبعدين انا مش بحب النكد هو اللى بيجى لحد عندى
اسد:طب ايه اللى يريحك وانا هعمله
اية:مش عارفة
اسد:نعم ياختى...مش عارفة...انتى عايزة تنكدى عليا وخلاص...بقولك ايه يااية نامى ع السرير...ومش هاجى جمبك..واياكى اسمعلك نفس فاهمة..ع السرير يا اية
سمعت كلامه وطلعت ع ااسرير وهى بتفكر ف حالها والصراع اللى جواها هى مش عارفة تحدد مشاعرها كويس
لقت صوت اسد بيقول:اخر مرة هسمحلك تتكلمى معايا كدة تانى..ولو لسانك دة فلت منك تانى هقصه...وانتى عارفانى هعملها وتعيشى طول عمرك خرسا فاهمة
اية بخوف:فاهمة
فى مكان ما
مجهول1:غسان شكله كدة هيبقى ف الباى باى...البت فاقت وجتلتنا معلومات ان الفلاشة مع حد من افراد البيت...ولو المعلومات دى صح يبقى ف خلال 24 ساعة غسان هيبقى ف السجن
مجهول 2:مش فارقة كتير الفلاشة دى بتدين غسان مش الباشا الكبير...بس لو غسان اتقبض عليه هيقلب الطربازة علينا كلنا
مجهول1:والحل

مجهول 2: غسان يموت مفيش حل غير كدة...ولو ع العمليات الجاية احنا اتفقنا مع دكتور شغال ف مصحة نفسية هيجبلنا المرضى اللى مش عندهم اهل يسالوا عليهم.وبكدة هنبعد عن اى وجع راس...وف نفس الوقت هنكسب ملايين
محهول 1: ومين اللى هيقتل غسان وسط الحراسة دى كلها؟!
مجهول2 سهلة يعنى انت ناسى كورنر ولا ايه..سهل عليه يخش القصر هيدخل ينفذ مهمتة والموضوع هيكون خلصان
مجهول 1: والظابط اللى ماسك القضية دة تاعبنا اوى
مجهول 2: اعرفلى كل حاجة عنه..بعد كدة هنشوف نتصرف معاه ازاى
مجهول 1:تمام ياكينج
ف قصر الرملى
اميرة كانت واقفة ف المطبخ وبتقول:كدة ياماما تسافرى البلد وتسيبينى لوحدى مش عارفة ليه سافرتى ومش رديتى تاخدينى معاكى مع انى كنت حبة اروح علشان اقرا الفاتحة لبابا الله يرحمه
كانت قاعدة بتفكر تعمل اكل ايه بس مرة واحدة لقت اسر داخل عليها بكل عصبية الدنيا وكان معاه ورقة ف ايده
*********************
إلي هنا ينتهي الفصل السابع عشر من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

جديد قسم : روايات حب

إرسال تعليق