U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل الثانى و الأربعون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الثانى و الأربعون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الثانى و الأربعون

رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل الثانى و الأربعون

فى فيلا ادهم الحناوى

كانت داليا قاعده فى الجنينه وسرحانه فى تغير حال ادهم معاها ولاقت ادهم جاى عليها قامت وقفت ولسه هتمشى ادهم مسكها من دراعها يمنعها تمشى وقال

ادهم :- استنى رايحه فين
داليا :- ممكن تسيب دراعى لو سمحت
ادهم :- لاء
داليا :- بقولك سيب دراعى يا ادهم
ادهم :- داس اكتر على دراعها وقرب منها وقال لما احب اسيبه هسيبه بمزاجى مش امر منك وداس اكتر
داليا:- وهى حاسه بألم جامد وبتحاول تظهر قويه قدامه انت مش طبيعى اقسم بالله كل يومين بشخصيه شكل ايه يا اخى كل ما الواحد يبدأ ينسى ويصفه ليك تخليه يندم على هبله وعبطه ده انت مش معقول تكون بنى أدم طبيعى أبدآ
ادهم :- انتى فعلا عبيطه وهبله لو صدقتى أن انا بحبك ادهم الحناوى عمره ما يقع فى حب واحده زيك أبدآ مش ادهم اللى يرمى قلبه لواحده وفى الاخر تروح تخونه وفى بعد كده تقولى اصل ده اللى كنت بحبه قبل منك انتو كلكم صنف واحد كلكم خاينين وغدارين كلكم بتحبوا الفلوس وبس
داليا :- ادهم انت واحد مريض ارجوك روح اتعالج علشان انت كده بتأذى نفسك قبل ما بتأذى اللى حواليك
ادهم :- زقها وقال انا لو على المرض فأنا كان زمانى عملت كتير يا داليا وتحت مسمى انك مراتى
داليا :- فهمت قصده وقالت ودى برضه أتوقعها منك فى اى وقت مش هيهمك اذا كنت انا مراتك ولا واحده من الشارع المهم شهوتك وبس ما انت طول عمرك واخد على الوساخه وقلة الادب
ادهم :- داس على سنانه وقال لمى نفسك يا داليا علشان معملش حاجه انتى مش هتحبيها
داليا :- ولا تعملى ولا اعملك عن اذنك وسابته وطلعت فوق بس كانت محتاره تروح فين والاوض كلها مشغوله بصت على الاوضه اللى نبه عليها متجيش جنبها وراحت عندها ولسه هتفتحها
سندس :- استنى عندك هتعملى ايه
داليا:- اتخضت وقالت ايه فيه ايه
سندس :- مين إذن ليكى تدخلى الاوضه دى
داليا :- محدش وانا لازم استأذن يعنى علشان ادخل اوضه فى الفيلا بتاعتى
سندس :- هه بتاعتك ما علينا ابيه ادهم لو عرف انك فكرتى بس تيجى جنب الاوضه دى مش هيحصل كويس وانتى حره بقى وسابتها ونزلت
داليا :- اتوترت اكتر وخافت تفتح الاوضه رغم فضولها اللى كان هيموتها علشان تعرف سر الاوضه دى بس مشيت وراحت الاوضه بتاعة أدهم ودخلت فيها وربعت ايديها على صدرها وقالت انام انا فين دلوقتى انا مستحيل انام جنبه على السرير انا هنام على الكنبه واللى يحصل يحصل واخدت الغطا ومخده ونامت على الكنبه واستغطت وقعدت تفكر فى كلام أدهم ليها ودموعها نزلت منها وبعد وقت عينيها راحت فى النوم
ادهم :- طلع الاوضه ودخل لاقه داليا نايمه على السرير اتنهد وبص عليها شويه وبعد كده راح على السرير بتاعه ونام
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه ليبدء أكرم بفتح عيونه على صوت تليفونه مسك التليفون بص فيه لاقه رقم فاطمه رد وقال

أكرم :- صباح الفل على عيونك يا روحى
فاطمه:- بتوتر صباح النور
أكرم :- مال صوتك حاسس ان فيه حاجه موتراكى
فاطمه :- ايوه يا اكرم الفستان
أكرم :- قعد على السرير ودعك عينه وقال ماله
فاطمه :- الاتيليه جابه وطلع مش مظبوط عليا ومفيش وقت الفرح بكره يا اكرم بكره
أكرم :- أهدى بس يا فاطمه مش مستحقيه كل اللى بتعمليه ده انا هتصرف
فاطمه :- بدموع مش هيلحقوا يعدلوا خلاص هى الليله كده انضربت بكره
أكرم :- أهدى بس واعتمدى عليا متخافيش كل حاجه هتبقى حلوه أن شاءالله
فاطمه :- هتعمل ايه طيب
أكرم :- ملكيش دعوه بقى مش ليكى الفستان يكون مقاسك بكره وتبقى زى القمر
فاطمه :- ايوه
أكرم :- خلاص انا هتصرف سمعينى بقى ضحكيتك الحلوه دى
فاطمه :- خلاص يا اكرم اتصرف بسرعه بس مفيش وقت
أكرم :- بحبك
فاطمه :- احم م.م.ماشى انا هقفل بقى
أكرم :- استنى هنا يا بت بقولك بحبك يعنى مش كفايه ام البوسه اللى مش عارف اخدها منك دى بسبب الرذاله اللى عندك وعندى يعنى لا كلام ولا فعل يا ربى
فاطمه :- والله العظيم انت قليل الادب
أكرم :- هو اخر معرفتك بقلة الأدب البوسه وكلمة بحبك يا بنتى فيه حاجات اهم من كده بكتير فى قلة الأدب وهموت عليها الصراحه
فاطمه :- أكرم انت اتجننت
أكرم :- ده انا مستنى بكره بفارغ الصبر ياااااا مش مصدق نفسى أن انا خلاص هعمل قلة ادب
فاطمه :- بكسوف والله يا اكرم انت بارد وغلس ومعندكش ريحة الدم
أكرم :- اموت انا فى المكسوف ده
فاطمه :- ممكن تقفل بقى علشان انا مقفلش السكه فى وشك وتزعل
أكرم :- هههههههه خلاص خلاص يا جعفر شكلى اتغريت فيكى فكره البوسه اللى كنتى عايزه ترزعيها على شفايفى
فاطمه :- ها
اكرم :- اللى لما كنت جاى اخد تليفون داليا من المكتب عندك وانتى قولتى لصحبتك نفسك تقطعى شفايفى بوس استنا كده يمكن مقعش واغمى عليكى
فاطمه :- بكسوف باى باى وقفلت التليفون
أكرم :- ههههههههه امته بقى تيجى تحت ايدى وقام دخل الحمام اخد شاور واتوضه وخرج لبس هدومه واداه فرضه ونزل كان مكرم وايه ووفاء ومنير قاعدين قال صباح الخير
الكل :- صباح النور
مكرم :- وقف وقال انا ماشى ومشى لحد الباب
أكرم :- مكرم استنا
مكرم :- وقف ومن غير ما يبص ليه قال عايز ايه
أكرم :- ممكن افهم انت واخد منى موقف ليه ومش عايز تكلمنى
مكرم :- انا مش واخد موقف من حد انت شايف كده يبقى انت حر
أكرم:- وقف قصاده وقال لاء يا مكرم انا واثق من كلامى احنا اخوات وانا حافظك اكتر من نفسك يا مكرم مش مشكلتى على فكره ان بنت عمك كانت بتحبنى انا ومش شايفه حبك ليها ومش مشكلتى برضه أنها رفضت تتجوزك انا مليش دعوه بكل ده انا حاولت بطرق كتيره أبعدها عنى واخليها تفقد الامل فيا بس كل مره كانت بتتمسك بيا اكتر الخلاصه يا مكرم انا بحب مراتى وعمرى ما هبص لجاسمين أبدآ لو انت بتحبها بجد أجرى وراها لحد ما توافق عليك اتعب يا اخى شويه لحد ما تحبك زى ما انت بتحبها
مكرم :- غمض عينه بوجع وقال جاسمين انا شلتها من دماغى اصلا ولما احتاج لنصيحه مش هستناها منك انت وخرج وسابه
أكرم :- بص عليه وهو ماشى وقال هيفضل طول عمره غبى وبيفهم بصعوبه
منير :- سيبه يا ابنى هو لما يهدا شويه هيجى ويتأسف ليك كمان
اكرم :- قعد على كرسى السفره وقال انا مش عايزه يعتذر ليا يا بابا انا بس محتاج أنه يشفى من اللى هو فيه يا يحبها ويتعب شويه ويحاول يكسبها يا ينساها علشان يقدر يحب غيرها ويعيش حياته مع واحده تانيه
وفاء :- بدعيله فى كل صلاتى والله ربنا يهديه ويصلح ليه حاله ويريح قلبه تملى
ايه :- يارب يا ماما والله صعبان عليا حاله
وفاء :- ويسعدك انتى كمان يا بنتى بأبن الحلال اللى يسعدك
أكرم:- ده على اساس ان انا ابن البطه السوده
وفاء :- هههههههه بدعيلكم كلكم والله
أكرم :- قام باس ايديها وقال ربنا يخليكى لينا يا ست الكل وبص على ايه لاقها بتاكل قال ارحمى نفسك شويه هتفرقعى من كتر الاكل
ايه :- الله اكبر فى عينك وبعدين انا جسم فرنساوى يا حبيبى مهما باكل مش بيبان عليه
أكرم :- يا واد انت يا اجنبى
ايه :- هههههههه مدام فيها دلع يبقى فيها مصلحه قول البؤقين يلا
وفاء :- بنت متعرفيش تتكلمى بأسلوب احسن من كده بدل ما انتى عامله شبه الصيع
ايه :- احب اعرفك يا مامتى أن انا الإجرام بيجرى فى دمى وشاورت على ايديها وقالت بصوت فتحى عبدالوهاب هنا بيمشى كرات دم بيضه وكرات دم سوده والصياعه
أكرم :- كرات دم ايه يا اختى سوده ده اللى هو ازاى
ايه :- حسيت الابيض مع الاسود اشيك
وفاء :- يا بختك الاسود فى ولادك يا وفاء سامع ولادك يا منير
منير :- يا وفاء الولاد بتهزر مش كل حاجه تخديها بجد كده وعلى اعصابك
أكرم :- المهم ايوش عايز منك طلب
ايه :- قول واشجينى
أكرم :- احم تعالى معايا مشوار صغير كده
ايه :- فين يعنى
أكرم :- هقولك واحنا ماشين
ايه :- لما اكل جعانه
أكرم :- قومى يا بت بلاش طفاسه وهجبلك اكل
ايه :- اممممم إذا كان كده ماشى وقامت طلعت اوضتها لبست هدومها ونزلت خرجت مع اكرم وراحوا المشوار مع بعض
~•~•~•~•~•~•~•~•~•~•~•~•~•
فى شقة سعيد

فى اوضت حمزه

صحى حمزه من نومه على صوت تليفونه بص لاقه رقم تامر رد وقال

حمزه:- ايوه يا تامر
تامر :- انت لسه نايم قوم بسرعه يلا
حمزه :- بقولك ايه يا تامر مش فايق ليك على الصبح
تامر :- يا ابنى انت افهم تعال حالا علشان انت رجعت مكانك
حمزه :- رجعت فين
تامر :- رجعت لشغلك فى اسكندريه
حمزه :- بجد طيب ازاى ده
تامر :- يا ابنى اتحرك وانت هتعرف كل حاجه لما تيجى
حمزه:- ماشى ماشى سلام وقفل مع تامر وقام خرج من اوضه وقال صباح الخير يا بابا
سعيد:- صباح النور يا حبيبى ايه صحاك بدرى كده
حمزه :- قرار رجوعى اتمضى ورجعت الشغل تانى فى اسكندريه
سعيد :- بجد الف حمد والف شكر يا ربى كنت بدعيلك فى كل صلاتى
حمزه :- ادعيلى يا بابا الاقى ميرفت مراتى
سعيد :- أن شاءالله يا حبيبى لما ادخل اتوضا علشان اصلى ركعتين الصبح
حمزه :- ربنا يتقبل منك يا بابا
سعيد :- دخل الحمام اتوضا وخرج من الحمام دخل اوضه اداه فرضه وغير هدومه وخرج من الاوضه
مؤمن :- بأستغراب غريبه صاحى بدرى يعنى
حمزه :- رجعت هنا تانى
مؤمن :- بجد اخيرآ هترجع عقبال داليا لما ترجع هى كمان
حمزه :- لا اختك غرقانه فى العسل مع سى روميو بتاعها انا نازل ونزل وسابه
مؤمن :- افتكر سندس واتنهد بوجع ودخل الحمام
~•~•~•~•~•~•~•~•~•~•~•~•~•
فى شقة منتهى

كانت حبسه نفسها فى الاوضه مع دموعها وامها خبطت على باب الاوضه وقالت

ام منتهى :- افتحى يا حبيبتى قلب امك هيتجن عليكى يا بنتى انتى قاطعه الاكل والشرب من ساعة ما سمعتى الكلام وحياتى عندك افتحى
منتهى :- ارجوكى يا امى سبينى انا لا عايزه اكل ولا عايزه اشرب
وفى الوقت ده جرس الباب رن راحت ام منتهى فتحت وقالت بصدمه
ام منتهى :- علاء
علاء :- ممكن ادخل
ام منتهى :- ا.ا.اه طبعآ اتفضل ودخلته الصالون وراحت بلغت ابو منتهى وراحت خبطت على باب منتهى وقالت منتهى يا حبيبتى علاء هنا
منتهى :- بصت بصدمه وقالت علاء
ام منتهى :- اه والله وابوكى دخل ليه
منتهى :- ا.ا.اعمله ايه يعنى ما انت عارفه اللى هيحصل روحى يا امى عندهم روحى
ام منتهى :- بصت على الباب بقلة حيله وراحت عند علاء وأبو منتهى

عند ابو منتهى وعلاء

دخل ابو منتهى وقال

ابو منتهى :- لسه فاكر حضرتك تيجى تسأل على البنت اللى قرية فتحتها ونسيتها دى
علاء :- اولا انا منستش منتهى انا كان عندى ظروف ومشاكل عائليه غصب عنى ثانيآ انا اتفقت معاك هقنع اهلى واجبهم بس متفقتش على ميعاد معين يبقى انا مخلتش بالوعد
ابو منتهى :- عمومآ الكلام ده مفيش منه فايده انا لاغية الفاتحه معاك بنتى خلاص هتتخطب لواحد تانى
علاء :- داس على سنانه بغيظ وقال ومين قالك أن انا هسمح بده منتهى مش هتكون غير ليا
ابومنتهى :- يعنى هتتجوزها غصب عننا
علاء :- لو حكم الأمر هعمل كده
ابومنتهى :- انا غلطان اساسآ أن دخلتك بيتى من الاساس اتفضل يا علاء باشا معندناش بنات للجواز
علاء :- اتعصب ومسكه من هدومه وقال لتكون مفكر أن انا ساكت ليك خوف انا من الاول خالص بحاول اتحكم فى اعصابى اقول مهما تكون راجل كبير وأبو منتهى لكن شكلك كده راجل مهزأ ومش بتيجى غير بالضرب
ام منتهى :- لا اهدا يا ابنى بس
علاء :- منتهى مش هتكون غير ليا فاهم
منتهى :- دخلت وهى ماسكه الدموع فى عينيها وقالت انا مش موافقه عليك يا علاء انا قولت لبابا أن انا موافقه على العريس التانى
علاء :- ساب ابو منتهى وراح عند منتهى وقال بعصبيه قولتى ايه
منتهى :- بصت فى عينه بكل قوه وقالت مش عايزاك يا علاء مش عايزاك
علاء :- اممم طيب اعملى حسابك بقى انك مش هتكونى غير ليا انا وبقولك اللى هيفكر يخدك منى هفجره من على وش الارض وسابهم ومشى
ابو منتهى:- راح عند بنته وقال جدعه بنتى تربيتى
منتهى :- بصت ليه بدموع وكسره وطلعت تجرى على اوضتها اترمت على السرير وقعدت تعيط
~•~•~•~•~•~•~•~•~•~•~•~•~•
فى شقة فاطمه

وصلت ايه عند شقة فاطمه وخبطت على الباب فتح ليها ممدوح واول ما شافها قال

ممدوح :- ايوش حبيبتى هيييييح
ايه :- حبك برص ما تلم نفسك ياض
ممدوح :- رفع حاجبه وقال ياض وبرص انت مين يا جعفر
ايه :- هههه خفه اوعى كده وشيل منى بدل ما انت عامل شبه البأف كده
ممدوح :- هى وصلت لبأف هاتى يا اختى واخد منها الشنط ودخلت ايه وقفل الباب
ام فاطمه :- تعالى يا بنتى عامله ايه
ايه :- كويسه يا طنط فين فاطمه
فاطمه :- انا اهو وسلمت عليها وقالت وحشانى يا ايوش
ايوش :- انتى اكتر يا روح ايوش
ممدوح:-بصوت واطى لايه كتك وجعه فى روحك انا بس اللى روحك
ايه:- طلعت لسانها لممدوح وبعدت عن حضن فاطمه وقالت الاخ النحنوح أكرم باعت ليكى بوسه وبيقولك لا عاش ولا كان اللى يخلى دموعك دى تنزل من عينك وبيقولك جاب ليكى فستان احلى من التانى مليون مره وكفايه كده علشان المراره مش مستحمله
فاطمه :- فتحت العلبه بتاعت الفستان وحطته على جسمها وقعدت تلف بيه بفرحه وتقول واوووووووو تحفه احلى من التانى بكتير ودخلت تجرى على اوضتها تشوفه على نفسها
ايه :- هههههههه خلعت
ام فاطمه:- عقبالك يا بنتى يارب
ممدوح :- يااااااااااااارب وبصوت واطى انا وهى يارب
ايه :- بعد الشر يا طنط انا مش بفكر دلوقتى فى الجواز
ممدوح :- ها
ايه :- يلا يا طنط عن اذنك ومشيت عند الباب
ممدوح :- انتى يا بت خدى هنا ايه موضوع مش بتفكرى فى الجواز ده دلوقتى
ايه :- بدلع انا حره يا مندح باى وسابته ومشيت
ممدوح :- يقطع مندوح واللى جابوا مندوح ودخل اوضه
~•~•~•~•~•~•~•~•~•~•~•~•~•
فى فرنسا

صحيت نهى من نومها قبل الكل وحست بملل خرجت من الاوضه بتاعتها علشان تجرى شويه ونزلت الشارع وحطت الهاند فرى فى ودنها وقعدت تجرى وتعبت وقفت تاخد نفسها وهى واقفه جه واحد خبط فيها وقعت على الأرض بص ليها بأسف ومد أيده وقال
_ sorry
نهى :- مدت ايديها لايده وقالت no problem
وقامت وقفت وبصت ليه وقالت بالمصرى يخربيت جمال امك هو فيه كده فى الدنيا
.....:- انتى مصريه
نهى :- بكسوف انا ايه يا عنيا
......:- هههههه انتى مصريه انا المهندس محمد من مصر
نهى :- بكسوف احلف
محمد :- والله هههههههه
نهى :- بصوت واطى يخربيت ام الاحراج اللى الواحد وقع فيه ده
محمد :- بتقولى حاجه
نهى :- احم لاء خالص وشكرآ على الواقعه اللطيفه دى عن اذنك وطلعت تجرى
محمد :- بص عليها بأستغراب وقال ايه بنت المجنونه دى وكمل الجرى
نهى :- راحت عند الفندق فى نفس الوقت اللى كان نازل فيه فادى
فادى :- بأستغراب كنتى فين كده
نهى :- قولت اجرى شويه على ما تقومه بس طلع الجري فى فرنسا حلووووووو اوى هييييييييح
فادى :- نعم
نهى :- احم طيب يا فندم هطلع اخد شاور وانزل بسرعه
فادى :- متتأخريش نص ساعه وعندنا اجتماع مع الوكيل بتاع الشركه
نهى :- اوك وطلعت على اوضتها ونزلت رودينا شافت فادى قاعد مستنى الاجتماع راحت قعدت وقالت
رودينا :- لسه كتير
فادى :- نص ساعه وجاى وطلب قهوه ليه وقال هتشربى حاجه
رودينا :- لاء شكرآ مش عايزه
فادى :- طلب واحد قهوه وواحد عصير للرودينا وشويه وجه العميل قبل ما تنزل نهى وقعدوا مستنين نهى
نهى :- نزلت وقالت سورى يا فندم اتأخرت عليكم
فادى:- اتفضلى اقعدى اخلصى
نهى :- حاضر ولسه هتقعد بصت فى وش العميل وقالت احلف
محمد :- هههههههه صدفه سعيده يا انسه احلف
فادى :- انتوا تعرفوا بعض
محمد :- لاء تقريبآ معرفش حاجه عنها غير كلمة احلف هههههههه
فادى :- مش فاهم
محمد :- ما علينا يا استاذ فادى نبدء الشغل
نهى :- من كتر توترها منطقتش ولا كلمه
محمد :- لاحظ سكوت نهى قال انسه احلف ساكته ليه
نهى :- احم ا.ا اولا انا أسمى نهى مش احلف ثانيآ هقول ايه ما الكلام مع استاذ فادى وانا بكتب المواعيد بس
محمد :- ماشى يا انسه احلف ووقف وقال اعملوا حسابكم ان انا عزمكم على العشا النهارده
فادى :- أن شاءالله وسلم عليه ومشى محمد وطلعت نهى تجرى على أوضتها ورودينا قامت مشيت من غير ولا كلمه
~•~•~•~•~•~•~•~•~•~•~•~•
فى فيلا ادهم الحناوى

صحيت داليا من نومها بصت على السرير لاقت ادهم مش نايم فكرت أن هو خرج قامت وراحت عند باب الحمام ولسه هتفتح الباب لاقت ادهم بيفتح الباب وخارج وهو جسمه اللى من فوق عريان وحاطط بشكير على جسمه من تحت اتخضت ورجعت وراه وكانت هتقع ايد ادهم انقذتها قبل ما تقع على الأرض ووقعت فى حضنه اتوترت وحاولت تبعد عنه بس ايد ادهم كانت متحكمه فيها ومش عارفه تتحرك قالت بتوتر
داليا :- ل.ل لو سمحت ممكن تشيل ايدك
ادهم :- قربها اكتر ليه وبص ليها من غير ولا كلمه وقرب على شفايفها وبسها بوسه طويله
داليا :- حاولت تبعد عنه وترفض بس بعد وقت سلمت ليه
ادهم :- حس بأستسلامها بعد عنها من غير ولا كلمه وسابها وراح وقف قدام المرايا
داليا :- فتحت عينيها وبصت حاوليها ملاقتش ادهم بتبص لاقته واقف قصاد المرايا اتغاظت وراحت عنده وقالت انت ايه يا اخى انت بتعمل فيا كده ليه قصدك تجننى ولا قصدك ايه مش عارفه ليه بتعمل كده انت حنين ولا لا بتحبنى زى ما بتقولى ولا بتكرهنى زى ما قولت ليا امبارح اصدق احساسى ولا اصدق كلامك بجد انا تعبت يا ادهم تعبت واديته ضهرها وقعدت تعيط
ادهم :- مد أيده علشان يحطها على كتفها وسحبها تانى قبل ما تلمس كتفها وراح يلبس هدومه
داليا :- غمضت عينيها بوجع ودخلت تجرى على الحمام
*********************
إلي هنا ينتهي الفصل الثانى و الأربعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة