مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية للكاتبة المميزة دعاء عبد الرحمن, وموعدنا اليوم علي موقع قصص 26 مع الفصل السادس عشر من رواية إغتصاب ولكن تحت سقف واحد - بقلم دعاء عبد الرحمن
 |
رواية إغتصاب ولكن تحت سقف واحد - الفصل السادس عشر
ﻭﻛﺬﻟﻚ ﺳﺎﻋﺪﺗﻪ ﻓﺮﺣﻪ ﺑﺮﺳﻢ ﺑﻌﺾ ﺍﻟﺰﺧﺎﺭﻑ ﺍﻻﺳﻼﻣﻴﻪ ﻋﻠﻰ ﺍﻃﺒﺎﻕ ﺍﻟﺤﻠﻮﻯ ﺍﻟﻤﺼﻨﻮﻋﻪ ﻣﻦ ﺍﻟﺨﻮﺹ ﻭﺃﺳﺘﺨﺪﺍﻡ ﺑﻌﺾ ﺍﻟﺰﻫﻮﺭ ﺍﻟﺠﺎﻓﻪ .....
ﻛﺎﻥ ﺍﻳﻬﺎﺏ ﻭﻓﺮﺣﻪ ﻳﺸﻌﺮﺍﻥ ﺑﻤﺘﻌﻪ ﺣﻘﻴﻘﻪ ﺍﺛﻨﺎﺀ ﻋﻤﻠﻬﻢ ﻓﻰ ﺍﻟﺤﺪﻳﻘﻪ ﻟﻢ ﺗﺨﻠﻮ ﻫﺬﻩ ﺍﻟﻤﺘﻌﻪ ﻣﻦ ﺑﻌﺾ ﺍﻟﻤﻨﺨﺼﺎﺕ ﺍﻟﺘﻰ ﺗﺴﺒﺐ ﺑﻬﺎ ﻭﻓﺎﺀ ﻭﻣﺮﻳﻢ ﺑﺴﺒﺐ ﺗﺨﺒﻄﻬﻢ ﻓﻰ ﺍﻻﻟﻮﺍﻥ ﻭﺍﺧﺘﻼﻓﻬﻢ ﻓﻴﻬﺎ
ﻭﺃﺛﻨﺎﺀ ﻋﺮﺍﻛﻬﻢ ﻛﻔﺘﻴﺎﺕ ﺻﻐﻴﺮﺍﺕ ﻟﻤﺤﺖ ﻭﻓﺎﺀ ﻳﻮﺳﻒ ﻭﻭﺍﻟﺪﻫﺎ ﻳﺨﺮﺟﺎﻥ ﻣﻦ ﺍﻟﻤﻨﺰﻝ ﻭﻳﺘﻮﺟﻬﺎﻥ ﻟﻠﺨﺎﺭﺝ ﻓﺎﺳﺘﻮﻗﻔﺘﻬﻢ ﺑﻨﺪﺍﺁﺗﻬﺎ ﺍﻟﻤﺘﻜﺮﺭﻩ ﻭﻫﻰ ﺗﺘﺠﻪ ﺍﻟﻴﻬﻢ ﺑﺨﻄﻮﺍﺕ ﻭﺍﺳﻌﻪ ﻭﻗﻔﺖ ﺍﻣﺎﻣﻬﻢ ﺗﺴﺄﻟﻬﻤﺎ ﺍﻥ ﻳﺄﺧﺬﻭﻫﺎ ﻣﻌﻬﻢ ﻻﺳﺘﻘﺒﺎﻟﻬﻢ ﻓﻰ ﺍﻟﻤﻄﺎﺭ
ﻭﻟﻜﻦ ﻭﺍﻟﺪﻫﺎ ﺭﻓﺾ ﻗﺎﺋﻼ : ﺧﻠﻴﻜﻰ ﻳﺎ ﻭﻓﺎﺀ ﺍﻟﻌﺮﺑﻴﻪ ﻳﺪﻭﺏ ﺩﻩ ﺣﺘﻰ ﺍﻧﺎ ﻣﺶ ﻫﺮﻭﺡ ﻣﻌﺎﻩ ﻛﺎﻧﺖ ﻣﺮﻳﻢ ﻗﺪ ﻟﺤﻘﺖ ﺑﻬﺎ ﻓﻘﺎﻟﺖ ﻫﻰ ﺍﻻﺧﺮﻯ ﻋﺎﻭﺯﻩ ﺍﺭﻭﺡ ﻣﻌﺎﻛﻢ
ﻭﻫﻨﺎ ﺻﺎﺡ ﻳﻮﺳﻒ ﺑﺤﺪﻩ : ﺗﻴﺠﻰ ﻣﻌﺎﻧﺎ ﻓﻴﻦ ﺍﻧﺘﻰ ﻋﺎﻭﺯﻩ ﺗﺘﻨﻄﻄﻰ ﻓﻰ ﺍﻯ ﺣﺘﻪ ﻭﺧﻼﺹ
ﺃﺿﺎﺀﺕ ﻋﻴﻨﺎﻫﺎ ﺑﺪﻣﻮﻋﻬﺎ ﻭﻗﻔﺰﺕ ﻋﻠﻰ ﺍﻟﻔﻮﺭ ﺍﻟﻰ ﻭﺟﻨﺘﻴﻬﺎ ﺗﻌﻠﻦ ﻏﻀﺒﻬﺎ ﻣﻦ ﻧﻔﻮﺭﻩ ﺍﻟﺪﺍﺋﻢ ﻣﻨﻬﺎ ﺑﻼ ﺳﺒﺐ ﺗﻔﻬﻤﻪ
ﺭﻣﻘﻪ ﻋﻤﻪ ﺑﻨﻈﺮﻩ ﺻﺎﺭﻣﻪ ﻗﺎﺋﻼ : ﺑﺘﻜﻠﻤﻬﺎ ﻛﺪﻩ ﻟﻴﻪ ﻳﺎ ﻳﻮﺳﻒ ﻫﻰ ﻗﺎﻟﺖ ﺣﺎﺟﻪ ﻏﺮﻳﺒﻪ ﻳﻌﻨﻰ ... ﻣﺶ ﻛﺪﻩ ﻳﺎ ﻳﺎﺑﻨﻰ
ﻳﻮﺳﻒ : ﺍﻧﺎ ﺍﺳﻒ ﻳﺎ ﻋﻤﻰ ﻋﻦ ﺍﺫﻧﻚ ﻋﻠﺸﺎﻥ ﻛﺪﻩ ﻳﺪﻭﺏ ﺍﻟﺤﻖ ﻣﻌﺎﺩ ﺍﻟﻄﻴﺎﺭﻩ
ﺃﺳﺘﺪﺍﺭﺕ ﻣﺮﻳﻢ ﻭﺗﺮﺍﺟﻌﺖ ﺧﻄﻮﺍﺕ ﺑﻄﻴﺌﻪ ﻭﻫﻰ ﺗﻀﻊ ﻳﺪﻳﻬﺎ ﻋﻠﻰ ﻓﻤﻬﺎ ﻭﺗﺒﻜﻰ ﺑﻤﺮﺍﺭﻩ ﻟﺤﻘﺖ ﺑﻬﺎ ﻭﻓﺎﺀ ﻭﺃﺧﺬﺗﻬﺎ ﺑﻌﻴﺪﺍ ﺣﺘﻰ ﻻ ﻳﺮﺍﻫﺎ ﺍﻳﻬﺎﺏ ﻋﻠﻰ ﺣﺎﻟﺘﻬﺎ ﻫﺬﻩ ﻭﺣﺎﻭﻟﺖ ﺍﻥ ﺗﺨﻔﻒ ﻋﻨﻬﺎ : ﻣﺘﺰﻋﻠﻴﺶ ﻳﺎ ﻣﺮﻳﻢ ﻫﻮ ﻳﻮﺳﻒ ﻛﺪﻩ ﺑﻴﻄﻠﻊ ﻓﺠﺄﻩ ﺯﻯ ﺍﻟﻘﻄﺮ
ﺑﻜﺖ ﻣﺮﻳﻢ ﺑﺤﺮﺍﺭﻩ ﻭﻫﻰ ﺗﻘﻮﻝ : ﺍﻧﺎ ﻣﺶ ﻋﺎﺭﻓﻪ ﺑﻴﻌﺎﻣﻠﻨﻰ ﻛﺪﻩ ﻟﻴﻪ ﻣﻦ ﺳﺎﻋﺔ ﻣﺎ ﺷﺎﻓﻨﻰ ﻭﻫﻮ ﻭﺍﺧﺪ ﻣﻨﻰ ﻣﻮﻗﻒ ﺣﺘﻰ ﻟﻤﺎ ﺗﺤﺼﻞ ﺣﺎﺟﻪ ﺑﺎﻟﻐﻠﻂ ﻳﻔﺘﻜﺮﻫﺎ ﺣﺎﺟﻪ ﻭﺣﺸﻪ ﺍﻭ ﺍﻧﺎ ﻗﺼﺪﺍﻫﺎ
ﻗﺎﻟﺖ ﻭﻓﺎﺀ ﻣﺴﺘﻔﻬﻤﻪ : ﺣﺎﺟﻪ ﻭﺣﺸﻪ ﺍﺯﺍﻯ ﻳﻌﻨﻰ
ﺗﺎﺑﻌﺖ ﻣﺮﻳﻢ : ﺍﻯ ﺣﺎﺟﻪ ﺗﺘﺨﻴﻠﻴﻬﺎ ﺍﺟﻰ ﺍﻗﻊ ﻳﻘﻮﻡ ﻭﻟﻴﺪ ﻳﻤﺴﻚ ﺍﻳﺪﻯ ﻳﻘﻮﻡ ﻳﻔﺘﻜﺮﻧﻰ ﻣﻮﺍﻓﻘﻪ ﺍﻧﻪ ﻳﻤﺴﻜﻨﻰ ﻛﺪﻩ ﻳﺸﻮﻑ ﻭﺍﺣﺪﻩ ﺻﺎﺣﺒﺘﻰ ﺑﺘﻌﻤﻞ ﺣﺎﺟﻪ ﻏﻠﻂ ﻳﻘﻮﻡ ﻳﻔﺘﻜﺮﻧﻰ ﻣﻮﺍﻓﻘﻪ ﻋﻠﻰ ﺗﺼﺮﻓﺎﺗﻬﺎ ﻭﺍﻧﺎ ﻛﻤﺎﻥ ﺑﻌﻤﻞ ﻛﺪﻩ
ﻭﻛﻞ ﻣﺮﻩ ﺍﺣﺎﻭﻝ ﺍﺛﺒﺘﻠﻪ ﺍﻧﻰ ﻣﺶ ﻛﺪﻩ ﻣﻴﺪﻧﻴﺶ ﻓﺮﺻﻪ ﻭﻳﺴﻴﺒﻨﻰ ﻭﻳﻤﺸﻰ ﻭﺑﻌﺪ ﻛﻞ ﺩﻩ ﻳﻬﺰﺃﻧﻰ ﻗﺪﺍﻣﻚ ﺍﻧﺘﻰ ﻭﻋﻤﻰ ﻭﻳﺸﺨﻂ ﻓﻴﺎ ﻛﺪﻩ ... ﺍﻧﺘﻰ ﻣﺘﻌﺮﻓﻴﺶ ﺍﻟﺒﻬﺪﻟﻪ ﺍﻟﻠﻰ ﻛﻨﺖ ﺑﺸﻮﻓﻬﺎ ﻭﺍﻧﺎ ﺑﺸﺘﻐﻞ ﻣﻌﺎﻩ
ﺻﻤﺘﺖ ﻭﻓﺎﺀ ﻓﻰ ﺗﻔﻜﻴﺮ ﺛﻢ ﻗﺎﻟﺖ : ﻭﺍﻧﺘﻰ ﺑﺘﻔﺴﺮﻯ ﺍﻟﺘﺼﺮﻓﺎﺕ ﺩﻯ ﺑﺄﻳﻪ
ﺃﺷﺎﺣﺖ ﺑﺬﺭﺍﻋﻬﺎ ﻗﺎﺋﻠﻪ : ﻣﺶ ﻃﺎﻳﻘﻨﻰ ﻃﺒﻌﺎ ﻭﻣﺶ ﻋﺎﺭﻓﻪ ﻟﻴﻪ .. ﺍﻧﺎ ﻋﻤﻠﺘﻠﻪ ﺍﻳﻪ ﻋﻠﺸﺎﻥ ﻳﻌﺎﻣﻠﻨﻰ ﻛﺪﻩ
ﻗﺎﻟﺖ ﻭﻓﺎﺀ ﻭﻫﻰ ﺗﻤﻂ ﺷﻔﺘﻴﻬﺎ : ﺍﻣﻤﻤﻤﻤﻤﻤﻢ .. ﻳﺎﻋﻴﻨﻰ ﻳﺎ ﻳﻮﺳﻒ ﻫﻮ ﺍﻧﺖ ﻭﻗﻌﺖ ﻭﻻ ﺍﻟﻬﻮﺍ ﺍﻟﻠﻰ ﺭﻣﺎ ﻙ
ﺭﻓﻌﺖ ﻣﺮﻳﻢ ﺭﺃﺳﻬﺎ ﺑﻌﻴﻨﻴﻦ ﺩﺍﻣﻌﺘﻴﻦ ﻗﺎﺋﻠﻪ : ﺗﻘﺼﺪﻯ ﺍﻳﻪ
ﺿﺤﻜﺖ ﻭﻓﺎﺀ ﺑﺼﺨﺐ ﻭﻗﺎﻟﺖ : ﻭﺍﻧﺘﻰ ﻛﻤﺎﻥ ﻳﺎ ﻣﺴﻜﻴﻨﻪ .. ﺍﻟﻠﻪ ﻳﺮﺣﻤﻜﻢ ﻭﻳﺤﺴﻦ ﺍﻟﻴﻜﻢ
ﺣﺎﻭﻟﺖ ﻣﺮﻳﻢ ﺟﺎﻫﺪﻩ ﻣﻘﺎﻃﻌﺖ ﺿﺤﻜﺎﺕ ﻭﻓﺎﺀ ﻭﻫﻰ ﺗﻬﺘﻒ ﺑﻬﺎ : ﺑﻄﻠﻰ ﺿﺤﻚ ﻭﻓﺎﻫﻤﻴﻨﻰ ﻗﺼﺪﻙ ﺍﻳﻪ
ﻗﺎﻣﻦ ﻭﻓﺎﺀ ﻣﻦ ﻣﻜﺎﻧﻬﺎ ﻭﺟﻠﺴﺖ ﻗﺮﻳﺒﺎ ﻣﻦ ﻣﺮﻳﻢ ﻭﻗﺎﻟﺖ ﺑﺨﻔﻮﺕ : ﻗﺼﺪﻯ ﺍﻧﻪ ﺑﻴﺤﺒﻚ ﻳﺎ ﻋﺒﻴﻄﻪ ﻭﺑﻴﻐﻴﺮ ﻋﻠﻴﻜﻰ
ﺗﺤﺠﺮﺕ ﻋﻴﻨﻲ ﻣﺮﻳﻢ ﻭﻫﻰ ﺗﻨﻈﺮ ﺍﻟﻰ ﻭﻓﺎﺀ ﺑﻌﺪﻡ ﺗﺼﺪﻳﻖ .. ﻓﺄﻭﻣﺄﺕ ﻟﻬﺎ ﻭﻓﺎﺀ ﺑﺮﺃﺳﻬﺎ ﻣﺆﻛﺪﻩ ﻭﻫﻰ ﺗﻘﻮﻝ : ﻭﺍﻧﺘﻰ ﻛﻤﺎﻥ ﺑﺘﺤﺒﻴﻪ
ﻧﻬﻀﺖ ﻣﺮﻳﻢ ﻭﻛﺄﻧﻬﺎ ﻟﺪﻏﺖ ﻭﻫﻰ ﺗﺼﻴﺢ ﻓﻰ ﻭﻓﺎﺀ : ﺍﻧﺘﻰ ﺷﻜﻠﻚ ﺍﺗﻬﺒﻠﺘﻰ ﻳﺎ ﺑﺖ ﺍﻧﺘﻰ ﻭﺍﻟﻘﻀﺎﻳﺎ ﺍﻟﻠﻰ ﺑﺘﺬﺍﻛﺮﻳﻬﺎ ﻟﺤﺴﺖ ﻣﺨﻚ ﺛﻢ ﺍﻧﺼﺮﻓﺖ ﻭﻫﻰ ﺗﺘﺎﺑﻌﻬﺎ ﺿﺤﻜﺎﺕ ﻭﻓﺎﺀ ﺍﻟﻤﺘﻮﺍﺻﻠﻪ ﻓﻰ ﺷﻐﻒ
"""" """""""""""""""""""""""""""""""""""""""""""""" """"""""""""""""
ﻭﺑﻌﺪ ﺛﻼﺙ ﺳﺎﻋﺎﺕ ﻛﺎﻥ ﺍﻟﺠﻤﻴﻊ ﻳﺘﺠﻬﺰ ﻭﻳﺘﻢ ﻭﺿﻊ ﺍﻟﻠﻤﺴﺎﺕ ﺍﻻﺧﻴﺮﻩ ﻋﻠﻰ ﺩﻳﻜﻮﺭ ﺍﻟﺤﺪﻳﻘﻪ ﺍﻟﺠﺪﻳﺪ ﺣﺘﻰ ﺳﻤﻌﻮﺍ ﺻﻮﺕ ﺍﺑﻮﺍﻕ ﺳﻴﺎﺭﺓ ﻳﻮﺳﻒ ﺗﻨﻄﻠﻖ ﻣﺘﺘﺎﻟﻴﻪ ﻭﻛﺄﻧﻪ ﻓﻰ ﺯﻓﺎﻑ ﺫﻫﺐ ﺍﻟﺠﻤﻴﻊ ﺍﻟﻰ ﺑﻮﺍﺑﺔ ﺍﻟﺤﺪﻳﻘﻪ ﻓﻰ ﺳﻌﺎﺩﻩ ﻭﻗﺪ ﻛﺎﻧﺖ ﺳﻌﺎﺩﺓ ﻣﺮﻳﻢ ﻻ ﺗﻮﺻﻒ ﺣﻴﻨﻤﺎ ﺭﺃﺕ ﺍﺧﺘﻬﺎ ﺍﻳﻤﺎﻥ ﺗﻬﺒﻂ ﻣﻦ ﺍﻟﺴﻴﺎﺭﻩ ﻭﻗﺪ ﺯﺍﺩ ﻧﻮﺭ ﻭﺟﻬﻬﺎ ﺃﻛﺜﺮ ﻭﺃﻛﺜﺮ ﻭﺯﺍﺩ ﺟﻤﺎﻟﻬﺎ ﺩﻭﻥ ﻭﺿﻊ ﺍﻯ ﻣﻦ ﺍﺩﻭﺍﺕ ﺍﻟﺰﻳﻨﻪ ﻋﻠﻴﻪ ﻧﻌﻢ ﺍﻧﻪ ﻧﻮﺭ ﺍﻟﻄﺎﻋﻪ ﻳﺰﺩﺍﺩ ﺑﻬﺎ
ﺍﺳﺮﻋﺖ ﺍﻟﻴﻬﺎ ﺑﺨﻄﺎﻭﺕ ﻗﺮﻳﺒﻪ ﺍﻟﻰ ﺍﻟﻌﺪﻭ ﻭﻟﻢ ﺗﻨﺘﻈﺮ ﺍﻳﻤﺎﻥ ﺣﺘﻰ ﻳﺴﺘﻄﻴﻊ ﻳﻮﺳﻒ ﺍﻥ ﻳﺪﺧﻞ ﺑﺎﻟﺴﻴﺎﺭﻩ ﺑﺸﻜﻞ ﻛﺎﻣﻞ ﺧﺮﺟﺖ ﻣﺴﺮﻋﺔ ﺍﻟﻰ ﺍﺧﺘﻬﺎ ﺍﻟﺘﻰ ﺗﻌﺪﻭ ﺍﻟﻴﻬﺎ ﻭﺳﻜﻨﺖ ﻣﺮﻳﻢ ﻓﻰ ﺣﻀﻦ ﺃﺧﺘﻬﺎ ﻛﺄﻧﻬﺎ ﺃﻣﻬﺎ ﻋﺎﺩﺕ ﺍﻟﻴﻬﺎ ﺑﻌﺪ ﻏﻴﺎﺏ ...... ﻣﺴﺤﺖ ﺍﻳﻤﺎﻥ ﻋﻠﻰ ﺭﺃﺱ ﻣﺮﻳﻢ ﻭﻫﻰ ﺗﻨﻈﺮ ﺍﻟﻰ ﺍﻳﻬﺎﺏ ﺑﺸﻮﻕ ﻛﺒﻴﺮ ﺍﻗﺒﻞ ﻋﻠﻴﻬﺎ ﺍﻳﻬﺎﺏ ﻭﺣﺎﻭﻝ ﺍﻧﺘﺰﺍﻋﻬﺎ ﻣﻦ ﻣﺮﻳﻢ ﻭﻟﻜﻨﻪ ﻟﻢ ﻳﺴﺘﻄﻊ ﻛﺎﻧﺖ ﻣﺘﺸﺒﺜﺔ ﺑﻬﺎ ﺑﻘﻮﺓ ﻓﺄﺿﻄﺮ ﻻﺣﺘﻀﺎﻧﻬﻤﺎ ﻣﻌﺎ ﻭﻗﺒﻞ ﺭﺃﺱ ﺃﺧﺘﻪ ﺑﺤﻨﺎﻥ ﻭﺷﻮﻕ ﺑﺎﻟﻎ ﻭﻫﻮ ﻳﻘﻮﻝ ﺑﺎﺑﺘﺴﺎﻣﻪ ﻋﺬﺑﻪ : ﻭﺣﺸﺘﻴﻨﺎ ﻳﺎ ﺣﺠﻪ .. ﺧﻼﺹ ﺑﻘﻴﺘﻰ ﺣﺠﻪ ﺭﺳﻤﻰ ﻫﺎ
ﺿﺤﻜﺖ ﺍﻳﻤﺎﻥ ﺿﺤﻜﺔ ﺍﺷﺮﻕ ﺑﻬﺎ ﻭﺟﻬﻬﺎ ﺯﺍﺩﻩ ﺑﻬﺎﺀ ﻭﻗﺎﻟﺖ : ﻻ ﺑﺮﺩﻩ ﻟﺴﻪ ﻣﺶ ﺭﺳﻤﻰ ﺍﻭﻯ ﺩﻯ ﻋﻤﺮﻩ ﻣﺶ ﺣﺞ
ﻗﻀﻰ ﻭﻗﺖ ﻃﻮﻳﻞ ﻓﻰ ﺍﻟﻌﻨﺎﻕ ﻭﺍﻟﺘﺤﻴﺎﺕ ﻭﺍﻟﺴﻼﻡ ﺑﻴﻨﻬﻢ ﺟﻤﻴﻌﺎ ﻭﺩﺧﻞ ﺍﻟﺠﻤﻴﻊ ﺍﻟﻰ ﻣﻜﺎﻧﻬﻢ ﺍﻟﻤﻔﻀﻞ ﺗﺤﺖ ﺍﻟﻤﻈﻠﻪ ﻭﻟﻜﻨﻬﺎ ﻛﺎﻧﺖ ﻣﺨﺘﻠﻔﻪ ﺑﺪﻳﻜﻮﺭﺍﺕ ﺍﻳﻬﺎﺏ ﻭﻓﺮﺣﻪ ﻇﻠﺖ ﺗﻨﻈﺮ ﺍﻳﻤﺎﻥ ﺣﻮﻟﻬﺎ ﺑﺘﻌﺠﺐ ﻭﺗﻘﻮﻝ ﻻﻳﻬﺎﺏ : ﻃﺒﻌﺎ ﺍﻧﺖ ﺻﺎﺣﺐ ﺍﻻﻓﻜﺎﺭ ﺍﻟﺒﺪﻳﻌﻪ ﺩﻯ
ﺍﺷﺎﺭ ﺍﻳﻬﺎﺏ ﺍﻟﻰ ﻓﺮﺣﻪ ﻗﺎﺋﻼ ﻭﻫﻮ ﻳﻐﻤﺰ ﻟﻬﺎ : ﻣﺶ ﻟﻮﺣﺪﻯ
ﻟﻢ ﺗﻔﺎﺭﻕ ﻣﺮﻳﻢ ﺍﻳﻤﺎﻥ ﻇﻠﺖ ﻣﻤﺴﻜﺔ ﺑﻴﺪﻫﺎ ﻭﻫﻤﺎ ﺟﺎﻟﺴﻴﻦ ﻓﻰ ﺍﻟﺤﺪﻳﻘﺔ ﻛﺄﻧﻬﺎ ﺗﻘﻮﻝ ﻟﻬﺎ ﺃﺣﺘﺎﺟﻚ ﺑﺸﺪﺓ ﻭﺃﻓﺘﻘﺪﻙ
ﻭﻫﻨﺎ ﻗﺎﻣﺖ ﺍﻡ ﻭﻟﻴﺪ ﺗﺼﻴﺢ ﻓﻰ ﺍﻟﺨﺎﺩﻣﻪ ﻳﺎﻻ ﻳﺎ ﺑﺖ ﻫﺎﺗﻰ ﺍﻻﻛﻞ ﺑﺴﺮﻋﻪ
ﻋﻔﺎﻑ : ﻃﺐ ﻣﺎ ﻧﻄﻠﻊ ﻓﻮﻕ ﺍﺣﺴﻦ ﺑﺪﻝ ﻣﺎ ﺍﻟﺒﻨﺖ ﺗﻘﻌﺪ ﻃﺎﻟﻌﻪ ﻧﺎﺯﻟﻪ ﺗﺠﻴﺐ ﻓﻰ ﺍﻻﻛﻞ
ﻗﺎﻟﺖ ﻭﻓﺎﺀ ﺑﺴﺮﻋﻪ : ﻻ ﻳﺎ ﻃﻨﻂ ﺍﺣﻨﺎ ﻋﺎﻣﻠﻴﻦ ﺣﻔﻠﻪ ﺑﺎﺭﺑﻜﻴﻮ ﻛﻠﻮﺍ ﻣﺸﻮﻳﺎﺕ ﺛﻢ ﺍﺷﺎﺭﺕ ﺍﻟﻰ ﻣﺮﻳﻢ ﻭﻫﻰ ﺗﻘﻮﻝ ﻳﺎﻻ ﻳﺎ ﻣﺮﻳﻢ ﻧﺴﺎﻋﺪ ﺍﻟﺒﻨﺖ ﺍﻟﻐﻠﺒﺎﻧﻪ ﺩﻯ
ﻣﻨﻌﺘﻬﺎ ﺍﻣﻬﺎ ﻭﻗﺎﻟﺖ : ﺗﺴﺎﻋﺪﻳﻬﺎ ﻟﻴﻪ ﻫﻰ ﺑﺘﺎﺧﺪ ﺷﻮﻳﻪ ﺩﻯ ﺑﺘﺎﺧﺪ ﻋﻠﻰ ﻗﻠﺒﻬﺎ ﻗﺪ ﻛﺪﻩ
ﻭﻫﻨﺎ ﺗﺤﺪﺛﺖ ﺍﻳﻤﺎﻥ ﻗﺎﺋﻠﻪ ﺑﻬﺪﻭﺀ : ﻭﻓﻴﻬﺎ ﺍﻳﻪ ﻳﺎ ﻃﻨﻂ ﺍﻟﺮﺳﻮﻝ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ ﻟﻤﺎ ﻛﺎﻥ ﺑﻴﺠﻴﻠﻪ ﺿﻴﻒ ﻛﺎﻥ ﺑﻴﺨﺪﻣﻪ ﺑﻨﻔﺴﻪ ﺭﻏﻢ ﺍﻧﻪ ﻛﺎﻥ ﻋﻨﺪﻩ ﺳﺎﻋﺘﻬﺎ ﺳﻴﺪﻧﺎ ﺃﻧﺲ ﺑﻦ ﻣﺎﻟﻚ ﺍﻟﻠﻰ ﻛﺎﻧﺖ ﺍﻣﻪ ﻭﻫﺒﺘﻪ ﻟﺨﺪﻣﺔ ﺍﻟﻨﺒﻰ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ
ﺭﻣﻘﺘﻬﺎ ﺍﻡ ﻭﻟﻴﺪ ﺑﻨﻈﺮﺓ ﺟﺎﻧﺒﻴﻪ ﻭﻫﻰ ﺗﻘﻮﻝ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ ﻳﺎﺧﺘﻰ
ﻋﺎﻧﻘﻬﺎ ﺍﺧﺎﻫﺎ ﻣﺮﻩ ﺍﺧﺮﻯ ﻭﻫﻮ ﻳﻘﻮﻝ ﻭﺣﺸﻨﺎ ﻛﻼﻣﻚ ﻭﺍﻟﻠﻪ ﻳﺎ ﺍﻳﻤﺎﻥ
ﺑﻌﺪ ﺍﻻﻧﺘﻬﺎﺀ ﻣﻦ ﺗﻨﺎﻭﻝ ﺍﻟﻄﻌﺎﻡ ﻗﺎﻟﺖ ﻭﻓﺎﺀ ﻣﻮﺟﻬﺔ ﺣﺪﻳﺜﻬﺎ ﻻﻳﻤﺎﻥ : ﻗﻮﻟﻴﻠﻰ ﺑﻘﻰ ﻳﺎ ﺍﻳﻤﺎﻥ ﻟﻤﺎ ﺭﻭﺣﺘﻮﺍ ﺍﻟﻤﺪﻳﻨﻪ ﺍﻟﻤﻨﻮﺭﺓ ﻭﻭﻗﻔﺘﻰ ﻗﺪﺍﻡ ﻗﺒﺮ ﺍﻟﻨﺒﻰ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ ﺣﺴﻴﺘﻰ ﺑﺄﻳﻪ
ﺃﺷﺮﻕ ﻭﺟﻬﻬﺎ ﻭﻫﻰ ﺗﻘﻮﻝ ﺑﻌﻴﻮﻥ ﻻﻣﻌﻪ : ﻳﺎ ﻳﺎ ﻭﻓﺎﺀ ﻣﻘﺪﺭﺵ ﺍﻭﺻﻔﻠﻚ ﺍﺣﺴﺎﺳﻰ ﺍﺑﺪﺍ ﺣﺴﻴﺖ ﺑﺴﻜﻴﻨﻪ ﻭﺭﺍﺣﻪ ﻓﻰ ﻗﻠﺒﻰ ﻭﺧﺼﻮﺻﺎ ﻭﺍﻧﺎ ﺑﻘﻮﻝ ﺍﻟﺴﻼﻡ ﻋﻠﻴﻚ ﻳﺎ ﺭﺳﻮﻝ ﺍﻟﻠﻪ
ﻗﻠﺒﻰ ﺍﺭﺗﺠﻒ ﻛﺄﻧﻰ ﻭﺍﻗﻔﻪ ﻗﺪﺍﻣﻪ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ ﺛﻢ ﺗﺎﺑﻌﺖ ﻭﻛﺄﻧﻬﺎ ﺍﻧﺘﺒﻬﺖ ﻟﺸﻰﺀ ﻭﻗﺎﻟﺖ : ﺑﺲ ﺗﻌﺮﻓﻰ ﻳﺎ ﻭﻓﺎﺀ ﺣﺠﺮﺓ ﺍﻟﻨﺒﻰ ﺍﻟﻠﻰ ﻛﺎﻥ ﻋﺎﻳﺶ ﻓﻴﻬﺎ ﻭﺍﺩﻓﻦ ﻓﻴﻬﺎ ﻛﺎﻧﺖ ﺻﻐﻴﺮﺓ ﺍﻭﻯ ﻳﻤﻜﻦ ﺍﻟﻤﻈﻠﻪ ﺩﻯ ﺃﻛﺒﺮ ﻣﻨﻬﺎ ﻓﻰ ﺍﻟﺤﺠﻢ ﻣﻊ ﺃﻥ ﺍﻟﻨﺒﻰ ﺍﻛﺮﻡ ﺧﻠﻖ ﺍﻟﻠﻪ ﻋﻠﻰ ﺍﻟﻠﻪ ﻭﺣﺒﻴﺐ ﺍﻟﺮﺣﻤﻦ ﻭﺭﻏﻢ ﻛﺪﻩ ﻛﺎﻥ ﺑﻴﺘﻪ ﺑﺎﻟﺤﺠﻢ ﺩﻩ ﻭﺑﺎﻟﺘﻮﺍﺿﻊ ﺩﻩ ﻭﺃﺣﻨﺎ ﺑﻴﻮﺗﻨﺎ ﻛﺒﻴﺮﺓ ﺍﻭﺿﺘﻴﻦ ﻭﺗﻼﺗﻪ ﻭﻳﻤﻜﻦ ﺍﻛﺘﺮ ﻭﺭﻏﻢ ﻛﺪﻩ ﻧﻘﻌﺪ ﻧﺸﺘﻜﻰ ﺿﻴﻖ ﺍﻟﺤﺎﻝ ﻭﺿﻴﻖ ﺍﻟﺮﺯﻕ ﻭﺍﻟﻠﻰ ﺳﺎﻛﻨﻪ ﻓﻰ ﺷﻘﻪ ﻋﺎﻭﺯﻩ ﻓﻴﻼ ﻭﺍﻟﻠﻰ ﻋﻨﺪﻫﺎ ﻓﻴﻼ ﻋﺎﻭﺯﻩ ﻗﺼﺮ .. ﺳﺒﺤﺎﻥ ﺍﻟﻠﻪ
ﻧﻈﺮ ﺍﻟﺤﺎﺝ ﺣﺴﻴﻦ ﺍﻟﻰ ﻋﺒﺪ ﺍﻟﺮﺣﻤﻦ ﻧﻈﺮﺓ ﺫﺍﺕ ﻣﻌﻨﻰ ﻭﻛﺄﻧﻪ ﺑﻪ ﻳﻘﻮﻝ ﻟﻪ " ﺷﻮﻓﺖ ﺑﻘﻰ ﺍﻧﺎ ﺍﺧﺘﺮﺗﻠﻚ ﺍﻳﻪ "
"""" """""""""""""""""""""""""""""""""""""""""""""" """"""""""""""""""""
ﺟﻠﺴﺖ ﻣﻊ ﻣﺮﻳﻢ ﻭﺍﻳﻬﺎﺏ ﻓﻰ ﻏﺮﻓﺔ ﺍﻟﻤﻌﻴﺸﻪ ﻓﻰ ﺷﻘﺘﻬﻢ ﻭﻫﻰ ﺗﺤﻜﻰ ﻟﻬﻢ ﺗﻔﺎﺻﻴﻞ ﺭﺣﻠﺘﻬﺎ ﺍﻟﺮﻭﺣﺎﻧﻴﻪ ﺍﻟﺠﻤﻴﻠﺔ ﻭﻫﻤﺎ ﻳﺴﺘﻤﻌﺎﻥ ﻓﻰ ﺍﻧﺘﺒﺎﻩ ﻭﺍﻻﺑﺘﺴﺎﻣﻪ ﻣﺮﺳﻮﻣﻪ ﻋﻠﻰ ﺷﻔﺘﻴﻬﻤﺎ ﺍﻟﻰ ﺍﻥ ﻗﺎﻝ ﺍﻳﻬﺎﺏ : ﺍﻟﻠﻪ ﻳﺎ ﺍﻳﻤﺎﻥ ﺷﻮﻗﺘﻴﻨﻰ ﺍﺭﻭﺡ ﻋﻤﺮﻩ .. ﺍﻥ ﺷﺎﺀ ﺍﻟﻠﻪ ﺍﺭﻭﺡ ﻗﺮﻳﺐ ﺃﻭﻝ ﻣﺎ ﺍﺧﻠﺺ ﺗﺸﻄﻴﺐ ﺍﻟﻌﻤﺎﺭﻩ ﺍﻟﻠﻰ ﻋﻤﻰ ﺍﺩﺍﻧﻰ ﺷﻐﻠﻬﺎ ﻭﻳﺒﻘﻰ ﻣﻌﺎﻳﺎ ﻣﺒﻠﻎ ﻣﺤﺘﺮﻡ ﻫﺴﺎﻓﺮ ﻋﻠﻰ ﻃﻮﻝ
ﻗﺎﻟﺖ ﻣﺮﻳﻢ : ﺩﻩ ﻣﺒﻠﻎ ﻳﺎﺑﻨﻰ ﻳﻄﻠﻌﻚ ﺣﺞ ﻣﺶ ﻋﻤﺮﻩ ﺍﻧﺖ ﻭﺍﻟﻌﻴﻠﻪ ﻛﻠﻬﺎ
ﺭﻣﻘﺘﻪ ﺍﻳﻤﺎﻥ ﺑﻨﻈﺮﺓ ﻣﺘﻔﺤﺼﻪ ﻭﻫﻰ ﺗﻘﻮﻝ : ﻃﺐ ﺍﻳﻪ ﺭﺃﻳﻚ ﻃﺎﻟﻤﺎ ﺍﻟﻤﺒﻠﻎ ﺣﻠﻮ ﻛﺪﻩ ﻗﺒﻞ ﻣﺎ ﺗﻄﻠﻊ ﺍﻟﻌﻤﺮﻩ ﺗﺨﻄﺐ ﻓﺮﺣﻪ
ﺍﺑﺘﺴﻤﺖ ﻣﺮﻳﻢ ﻭﻫﻰ ﺗﻨﻈﺮ ﺍﻟﻰ ﺍﻳﻬﺎﺏ ﺍﻟﺬﻯ ﺍﺑﺘﺴﻢ ﺑﺪﻭﺭﻩ ﻭﻟﻜﻦ ﻇﻬﺮﺕ ﻋﻠﻴﻪ ﻋﻼﻣﺎﺕ ﺍﻟﺤﻴﺮﻩ ﻭﻫﻮ ﻳﻘﻮﻝ ﻟﻬﺎ : ﺗﻔﺘﻜﺮﻯ ﻳﺎ ﺍﻳﻤﺎﻥ ... ﺗﻔﺘﻜﺮﻯ ﻋﻤﻰ ﻳﻮﺍﻓﻖ ﺛﻢ ﻧﻬﺾ ﻣﺘﺮﺩﺩﺍ ﻭﻗﺎﻝ : ﻭﺑﻌﺪﻳﻦ ﻫﻰ ﻧﻔﺴﻬﺎ ﻣﻤﻜﻦ ﻣﺘﻮﺍﻓﻘﺶ
ﻗﺎﻟﺖ ﺍﻳﻤﺎﻥ ﺑﺜﻘﻪ : ﻻﻻ ﺍﻧﺎ ﻣﺘﺄﻛﺪﻩ ﺍﻧﻬﺎ ﻫﺘﻮﺍﻓﻖ
ﻟﻤﻌﺖ ﻋﻴﻨﺎﻩ ﺑﺸﻐﻒ ﻗﺎﺋﻼ : ﻭﻋﺮﻓﺘﻰ ﺍﺯﺍﻯ ﻫﻰ ﻗﺎﻟﺘﻠﻚ ﺣﺎﺟﻪ؟
ﺃﺷﺎﺭﺕ ﻟﻬﺎ ﺑﺄﺻﺒﻌﻬﺎ ﻧﺎﻓﻴﺔ ﻭﻗﺎﻟﺖ ﺑﺎﺑﺘﺴﺎﻣﻪ ﻣﺪﺍﻋﺒﻪ : ﻻ ﻃﺒﻌﺎ ﻫﻰ ﺩﻯ ﺣﺎﺟﻪ ﺗﺘﻘﺎﻝ ﺍﻧﺎ ﺍﻟﻠﻰ ﻋﻨﺪﻯ ﺍﻟﺤﺎﺳﻪ ﺍﻟﺴﺎﺩﺳﻪ ﻭﺍﻟﺴﺎﺑﻌﻪ ﻭﺍﻟﻌﺸﺮﻩ ﻛﻤﺎﻥ
ﺍﻳﻬﺎﺏ : ﺗﻔﺘﻜﺮﻯ ﻛﺪﻩ ﻳﻌﻨﻰ ﺃﺗﻮﻛﻞ ﻋﻠﻰ ﺍﻟﻠﻪ ﻭﺃﻛﻠﻢ ﻋﻤﻰ .. ﺑﺲ ﻟﻮ ﻗﺎﻟﻰ ﻫﺘﻌﻴﺸﻬﺎ ﻓﻴﻦ ﺍﻗﻮﻟﻪ ﺍﻳﻪ .... ﻓﻰ ﺑﻴﺘﻚ ....... ﻻ ﻣﻴﻨﻔﻌﺶ ﺍﺳﺘﻨﻮﺍ ﻟﻤﺎ ﻳﺒﻘﻰ ﻣﻌﺎﻳﺎ ﻣﺒﻠﻎ ﺗﺎﻧﻰ ﺍﺟﻴﺐ ﺑﻴﻪ ﺷﻘﻪ ﺑﺮﻩ ﺗﻠﻴﻖ ﺑﻴﻬﺎ
ﺻﺎﺣﺖ ﻣﺮﻳﻢ ﺑﻤﺮﺡ : ﻟﻴﻪ ﺑﺲ ﻳﺎ ﻫﻮﺑﻪ ﺍﻧﺖ ﻧﺎﺳﻰ ﺍﻻﻋﺘﺮﺍﻑ ﺍﻟﻠﻰ ﻋﻤﺎﻣﻰ ﻗﺎﻟﻮﻩ ﻻﻳﻤﺎﻥ ﺍﻧﻨﺎ ﻟﻴﻨﺎ ﻧﺼﻴﺐ ﻓﻰ ﺍﻟﺒﻴﺖ ﻫﻨﺎ ﻳﻌﻨﻰ ﺍﻟﺸﻘﻪ ﺍﻟﻠﻰ ﻫﺘﺠﻮﺯ ﻓﻴﻬﺎ ﺑﺘﺎﻋﺘﻚ ﻣﻦ ﻭﺭﺙ ﺑﺎﺑﺎ ﺍﻟﻠﻪ ﻳﺮﺣﻤﻪ ﻳﻌﻨﻰ ﻣﻠﻜﻚ
ﻗﺎﻟﺖ ﺍﻳﻤﺎﻥ ﻣﺆﻛﺪﻩ : ﺍﻧﺎ ﻣﻊ ﻣﺮﻳﻢ ﻳﺎ ﺍﻳﻬﺎﺏ ﻭﻋﻠﻰ ﻓﻜﺮﻩ ﻋﻤﻰ ﻋﺎﻭﺯ ﻳﻜﺘﺒﻠﻨﺎ ﻧﺼﻴﺒﻨﺎ ﺑﻴﻊ ﻭﺷﺮﺍ ﺑﺲ ﻣﺶ ﻋﺎﻭﺯ ﻣﺎﻣﺎ ﺗﻌﺮﻑ ﺣﺎﺟﻪ ﺯﻯ ﻛﺪﻩ ﺛﻢ ﻧﻈﺮﺕ ﻟﻤﺮﻳﻢ ﻣﻮﺟﻬﺔ ﺍﻟﺤﺪﻳﺚ ﺍﻟﻴﻬﺎ : ﺳﺎﻣﻌﺎﻧﻰ ﻳﺎ ﻣﺮﻳﻢ
ﻣﺮﻳﻢ : ﺍﻧﺎ ﻭﻋﺪﺗﻚ ﻳﺎ ﺍﻳﻤﺎﻥ ﺧﻼﺹ
ﺗﺎﺑﻌﺖ ﺍﻳﻤﺎﻥ ﻭﻫﻰ ﺗﻨﻈﺮ ﻹﻳﻬﺎﺏ : ﻭﺍﻓﻖ ﻳﺎ ﺍﻳﻬﺎﺏ ﻋﻠﺸﺎﻥ ﺧﺎﻃﺮﻯ ﺍﻧﺎ ﻧﻔﺴﻰ ﺗﺠﻮﺯ ﺑﻘﻰ ﻭﻛﻤﺎﻥ ﻫﺘﺴﻜﻦ ﻣﻌﺎﻧﺎ ﻓﻰ ﻧﻔﺲ ﺍﻟﺪﻭﺭ ﻓﻰ ﺍﻟﺸﻘﻪ ﺍﻟﻠﻰ ﻗﺪﺍﻣﻨﺎ ﻋﻠﻰ ﻃﻮﻝ ﻳﺎﻻ ﺗﻮﻛﻞ ﻋﻠﻰ ﺍﻟﻠﻪ ﻭﺃﺳﺘﺨﻴﺮ ﺭﺑﻨﺎ
ﺃﻭﻣﺄ ﺍﻳﻬﺎﺏ ﺑﺮﺃﺳﻪ ﻣﻮﺍﻓﻘﺎ ﻭﻗﺎﻝ ﺑﺴﻌﺎﺩﺓ ﻏﺎﻣﺮﻩ : ﻃﻮﻝ ﻋﻤﺮﻙ ﺑﺘﻔﺘﺤﻴﻠﻰ ﺍﺑﻮﺍﺏ ﺍﻟﺨﻴﺮ ﻳﺎ ﺍﻳﻤﺎﻥ ﻭﺑﺘﺤﻔﺰﻳﻨﻰ ﺩﺍﻳﻤﺎ
"""" """""""""""""""""""""""""""""""""""""""""""""" """"""
ﻣﻀﻰ ﺍﻟﻴﻮﻣﺎﻥ ﺍﻟﻤﻬﻠﻪ ﺍﻟﺘﻰ ﻃﻠﺒﻬﺎ ﻋﺒﺪ ﺍﻟﺮﺣﻤﻦ ﻣﻦ ﺍﺑﻴﻪ ﻟﻴﻔﻜﺮ ﻓﻴﻬﻤﺎ ﻓﻰ ﻣﻮﺿﻮﻉ ﺯﻭﺍﺟﻪ ﻣﻦ ﺍﻳﻤﺎﻥ
ﻛﺎﻥ ﻳﺠﻠﺲ ﻓﻰ ﻣﻘﻌﺪﻩ ﺍﻟﺨﺎﺹ ﻓﻰ ﺷﺮﻓﺘﻪ ﺍﻟﻤﻄﻠﻪ ﻋﻠﻰ ﺍﻟﺤﺪﻳﻘﻪ ﺷﺎﺭﺩﺍ ﺣﺘﻰ ﺃﺗﺎﻩ ﺻﻮﺕ ﺃﺧﺘﻪ ﺗﻨﺎﺩﻳﻪ ... ﺃﻟﺘﻔﺖ ﺍﻟﻴﻬﺎ ﻗﺎﺋﻼ : ﺍﻳﻮﺍ ﻳﺎ ﻓﺮﺣﻪ ﻓﻰ ﺣﺎﺟﻪ
ﻓﺮﺣﻪ : ﺍﻳﻮﺍ ﺭﻭﻣﺎﻧﺴﻰ ﺑﺎﺑﺎ ﻋﺎﻭﺯﻙ ﻓﻰ ﺍﻭﺿﺔ ﺍﻟﻤﻜﺘﺐ ﺣﺎﻻ ﺑﺎﻻ
ﻋﺒﺪ ﺍﻟﺮﺣﻤﻦ ﻭﻫﻮ ﻳﻨﻬﺾ : ﻃﺐ ﺭﻭﺣﻰ ﺍﻧﺘﻰ ﻳﺎ ﻏﻠﺒﺎﻭﻳﻪ
ﺩﺧﻞ ﻋﺒﺪ ﺍﻟﺮﺣﻤﻦ ﻏﺮﻓﺔ ﻭﺍﻟﺪﻩ ﺑﻌﺪ ﺍﻥ ﻃﺮﻕ ﺍﻟﺒﺎﺏ ﻭﺃﻏﻠﻘﻪ ﺧﻠﻔﻪ ﻭﻫﻮ ﻳﻘﻮﻝ : ﺍﻟﺴﻼﻡ ﻋﻠﻴﻜﻢ .. ﺣﻀﺮﺗﻚ ﺑﻌﺘﻠﻰ ﻳﺎ ﺑﺎﺑﺎ
ﺃﺷﺎﺭ ﻟﻪ ﻭﺍﻟﺪﻩ ﺍﻥ ﻳﺠﻠﺲ ﻭﻫﻮ ﻳﻘﻮﻝ : ﺍﻗﻌﺪ ﻳﺎ ﻋﺒﺪ ﺍﻟﺮﺣﻤﻦ ... ﺛﻢ ﺗﺎﺑﻊ ﺍﻳﻪ ﻳﻌﻨﻰ ﻣﺮﺩﺗﺶ ﻋﻠﻴﺎ ﺍﻟﻴﻮﻣﻴﻦ ﻋﺪﻭﺍ
ﻗﺎﻝ ﺑﻌﺪﻡ ﻓﻬﻢ : ﺍﺭﺩ ﻋﻠﻰ ﺍﻳﻪ
ﺭﻣﻘﻪ ﻭﺍﻟﺪﻩ ﺑﻨﻈﺮﻩ ﺻﺎﺭﻣﻪ ﻭﻗﺎﻝ : ﻭﺍﻧﺎ ﺍﻟﻠﻰ ﻗﻠﺖ ﺍﻧﻚ ﺑﺘﺴﺘﺨﻴﺮ ﺭﺑﻨﺎ ﺍﺗﺎﺭﻳﻚ ﺍﻟﻤﻮﺿﻮﻉ ﻣﺶ ﻓﻰ ﺩﻣﺎﻏﻚ ﺍﺻﻼ
ﺗﺬﻛﺮ ﻋﺒﺪ ﺍﻟﺮﺣﻤﻦ ﺍﻟﺤﺪﻳﺚ ﺍﻟﺬﻯ ﺩﺍﺭ ﺑﻴﻨﻬﻤﺎ ﻋﻠﻰ ﻣﺘﻦ ﺍﻟﻄﺎﺋﺮﺓ ﺑﺎﻟﻔﻌﻞ ﻟﻘﺪ ﻧﺴﻴﻪ ﻻ ﻟﻌﺪﻡ ﺍﻫﻴﻤﺘﻪ ﻭﻟﻜﻦ ﻟﻌﻠﻤﻪ ﺍﻥ ﻭﺍﻟﺪﻩ ﻣﺼﺮ ﻋﻠﻰ ﻫﺬﻩ ﺍﻟﺰﻳﺠﻪ ﻭﻓﻰ ﻛﻞ ﺍﻻﺣﻮﺍﻝ ﺳﻮﻑ ﻳﻀﻄﺮ ﻟﻠﻤﻮﺍﻓﻘﻪ ﺃﻧﺘﺰﻋﻪ ﻭﺍﻟﺪﻩ ﻣﻦ ﺑﻴﻦ ﺍﻓﻜﺎﺭﻩ ﻗﺎﺋﻼ : ﻳﻌﻨﻰ ﻣﺮﺩﺗﺶ
: ﺑﺎﺑﺎ ﻫﻮ ﺣﻀﺮﺗﻚ ﻟﺴﻪ ﻣﺼﻤﻢ ﻋﻠﻰ ﺍﻟﻤﻮﺿﻮﻉ ﺩﻩ
: ﺃﻧﺖ ﺷﺎﻳﻒ ﺍﻳﻪ
: ﺧﻼﺹ ﻳﺎ ﺑﺎﺑﺎ ﺣﻀﺮﺗﻚ ﺍﻋﻤﻞ ﺍﻟﻠﻰ ﺷﺎﻳﻔﻪ ﺻﺢ
ﺗﻨﻬﺪ ﺣﺴﻴﻦ ﻭﻫﻮ ﻳﻨﻈﺮ ﻟﻮﻟﺪﻩ ﻳﺤﺎﻭﻝ ﺍﻥ ﻳﺴﺘﺸﻒ ﻣﺎ ﺑﺪﺍﺧﻠﻪ ﻓﻰ ﺻﻤﺖ ﺛﻢ ﻗﺎﻝ ﻟﻬﺪﻭﺀ : ﻳﺎﺑﻨﻰ ﺍﻧﺖ ﻋﺎﺭﻑ ﻗﻴﻤﺘﻚ ﻋﻨﺪﻯ ﻛﻮﻳﺲ ﻭﺍﻧﺎ ﻣﺶ ﻋﺎﻳﺰ ﺍﺟﺒﺮﻙ ﻋﻠﻰ ﺣﺎﺟﻪ ﻭﻛﻤﺎﻥ ﺍﻳﻤﺎﻥ ﺯﻯ ﺑﻨﺘﻰ ﻭﻣﺮﺿﺎﺵ ﺍﺑﺪﺍ ﺍﻧﻬﺎ ﺗﺠﻮﺯ ﻭﺍﺣﺪ ﻣﺠﺒﻮﺭ ﻋﻠﻴﻬﺎ
ﺃﺳﻨﺪ ﻋﺒﺪ ﺍﻟﺮﺣﻤﻦ ﻇﻬﺮﻩ ﺍﻟﻰ ﻣﻘﻌﺪﻩ ﻭﻫﻮ ﻳﻘﻮﻝ : ﻳﺎ ﺑﺎﺑﺎ ﻭﺍﻟﻠﻪ ﺍﻳﻤﺎﻥ ﺑﻨﺖ ﺯﻯ ﺍﻟﻔﻞ ﻭﺯﻭﺟﻪ ﺭﺍﺋﻌﻪ ﻻﻯ ﺣﺪ ﻓﻰ ﺍﻟﺪﻧﻴﺎ ﻭﺍﻧﺎ ﻣﺶ ﻣﺠﺒﻮﺭ ﻭﻻ ﺣﺎﺟﻪ ﻛﻞ ﺍﻟﺤﻜﺎﻳﻪ ﺍﻧﻰ ﻛﺎﻥ ﻧﻔﺴﻰ ﺍﺣﺐ ﺍﻟﺒﻨﺖ ﺍﻟﻠﻰ ﻫﺘﺠﻮﺯﻫﺎ ﺍﻻﻭﻝ ﻟﻜﻦ ﺧﻼﺹ ﺍﻟﻠﻰ ﻓﻴﻪ ﺍﻟﺨﻴﺮ ﻳﻘﺪﻣﻪ ﺭﺑﻨﺎ
ﺍﺑﺘﺴﻢ ﻭﺍﻟﺪﻩ ﺑﺮﺿﻰ ﻭﻗﺎﻝ : ﻋﻈﻴﻢ .. ﻛﺪﻩ ﻣﻔﻀﻠﺶ ﻏﻴﺮ ﺍﻳﻤﺎﻥ ﻳﺎﺭﺏ ﺑﻘﻰ ﻫﻰ ﻣﺘﺨﺰﻟﻨﻴﺶ
ﺍﻟﺘﻔﺖ ﺍﻟﻴﻪ ﻋﺒﺪ ﺍﻟﺮﺣﻤﻦ ﺑﺘﺴﺎﺋﻞ : ﺗﻔﺘﻜﺮ ﻣﻤﻜﻦ ﺗﺮﻓﺾ
ﺣﺴﻴﻦ ﺑﺘﻔﻜﻴﺮ : ﻭﺍﻟﻠﻪ ﻳﺎﺑﻨﻰ ﻣﺶ ﻣﺘﺄﻛﺪ ﻣﻦ ﻣﻮﺍﻓﻘﺘﻬﺎ ... ﺷﻮﻑ ﺍﻧﺎ ﻫﻘﻌﺪ ﻣﻌﺎﻫﺎ ﻭﺍﻛﻠﻤﻬﺎ ﻭﻟﻮ ﻭﺍﻓﻘﺖ ﻫﻜﻠﻢ ﺍﻳﻬﺎﺏ ﻋﻠﻰ ﻃﻮﻝ ﻋﻠﻰ ﻛﺘﺐ ﻛﺘﺎﺏ ﺑﻼﺵ ﺧﻄﻮﺑﻪ ﻭﺗﻀﻴﻊ ﻭﻗﺖ
ﻧﻬﺾ ﻋﺒﺪ ﺍﻟﺮﺣﻤﻦ ﻭﻫﻮ ﻳﻬﺘﻒ : ﺟﻮﺍﺯ ﻛﺪﻩ ﻋﻠﻰ ﻃﻮﻝ ﻃﺐ ﻧﺎﺧﺪ ﻋﻠﻰ ﺑﻌﺾ ﺍﻻﻭﻝ
ﺍﺑﺘﺴﻢ ﺣﺴﻴﻦ ﻭﻗﺎﻝ : ﻟﻤﺎ ﺍﻧﺖ ﺑﺘﻘﻮﻝ ﻛﺪﻩ ﻭﺍﻧﺖ ﺍﻟﺮﺍﺟﻞ .. ﺍﻭﻣﺎﻝ ﺍﻟﺒﻨﺖ ﺑﻘﻰ ﻫﺘﻘﻮﻝ ﺍﻳﻪ ...
: ﻳﺎ ﺑﺎﺑﺎ ﻭﺍﺣﺪﻩ ﻭﺍﺣﺪﻩ ﺍﻟﺤﻜﺎﻳﻪ ﻣﺒﺘﺘﺎﺧﺪﺵ ﻗﻔﺶ ﻛﺪﻩ
ﺍﺷﺎﺭ ﻟﻪ ﻭﺍﻟﺪﻩ ﻣﻨﺒﻬﺎ : ﻭﺍﻋﻤﻞ ﺣﺴﺎﺑﻚ ﻛﺘﺐ ﺍﻟﻜﺘﺎﺏ ﻫﻴﺒﻘﻰ ﺷﻬﺮ ﻭﺍﺣﺪ ﺑﺲ ﻭﺑﻌﺪﻳﻦ ﺍﻟﻔﺮﺡ ﻋﻠﻰ ﻃﻮﻝ ﺻﻤﺖ ﻋﺒﺪ ﺍﻟﺮﺣﻤﻦ ﻭﻟﻢ ﻳﺮﺩ ﻋﻠﻴﻪ ﻓﺼﺎﺡ ﻓﻴﻪ ﻓﺠﺄﺓ : ﻣﺎﺍﺍﺍﺍﻟﻚ ....... ﺃﻧﺘﻔﺾ ﻋﺒﺪ ﺍﻟﺮﺣﻤﻦ ﻟﺼﻴﺤﺔ ﺃﺑﻴﻪ ﻭﻗﺎﻝ ﺑﺘﻠﻌﺜﻢ ﺣﺎﺿﺮ ﻳﺎ ﺑﺎﺑﺎ ﺣﺎﺿﺮ ﻟﻮ ﻋﺎﻭﺯ ﺍﻟﺪﺧﻠﻪ ﻛﻤﺎﻥ ﺳﺎﻋﻪ ﺍﻧﺎ ﺟﺎﻫﺰ
ﺿﺤﻚ ﺣﺴﻴﻦ ﺑﺼﻮﺕ ﻣﺮﺗﻔﻊ ﺛﻢ ﻧﺎﺩﻯ ﻋﻠﻰ ﺯﻭﺟﺘﻪ ﺑﺼﻮﺕ ﻋﺎﻟﻰ ﺩﺧﻠﺖ ﻭﺍﻟﺪﺗﻪ ﻭﻟﺤﻘﺖ ﺑﻬﺎ ﻓﺮﺣﻪ ﺍﻟﺘﻰ ﻗﺎﻟﺖ ﺍﻳﻪ ﺩﻩ ﺑﺎﺑﺎ ﺑﻴﻀﺤﻚ ﺑﺼﻮﺕ ﻋﺎﻟﻰ ﺍﻛﻴﺪ ﻓﻰ ﺣﺎﺟﻪ ﻛﺒﻴﺮﺓ .. ﻧﻬﺾ ﺍﻟﺤﺎﺝ ﺣﺴﻴﻦ ﻣﻦ ﻣﻜﺎﻧﻪ ﻭﺗﻮﺟﻪ ﺍﻟﻴﻬﺎ ﻭﺃﺣﺘﻀﻨﻬﺎ ﻭﻫﻮ ﻳﻘﻮﻝ ﻋﻘﺒﺎﻟﻚ ﻟﻤﺎ ﺍﻓﺮﺡ ﺑﻴﻜﻰ ﺍﻧﺘﻰ ﻛﻤﺎﻥ ﻧﻈﺮﺕ ﻟﻪ ﺯﻭﺟﺘﻪ ﺑﺘﺴﺎﺋﻞ ﻭﻗﺎﻟﺖ : ﻫﻰ ﻛﻤﺎﻥ
ﺃﻭﻣﺄ ﺑﺮﺃﺳﻪ ﻗﺎﺋﻼ : ﺍﻳﻮﻩ ﻳﺎ ﻋﻔﺎﻑ ﻫﻰ ﻛﻤﺎﻥ ﺍﺻﻞ ﺧﻼﺹ ﻋﺒﺪ ﺍﻟﺮﺣﻤﻦ ﻟﻘﻴﻨﺎﻟﻪ ﻋﺮﻭﺳﻪ
ﺍﺑﺘﺴﻤﺖ ﻓﻰ ﺣﻴﺮﻩ ﻭﻫﻰ ﺗﻘﻮﻝ : ﻋﺮﻭﺳﺔ ﻣﻴﻦ ﻳﺎ ﺣﺎﺝ
ﻗﺎﻝ : ﺍﻳﻤﺎﻥ .... ﺛﻢ ﺛﺎﺑﻊ ﺑﺤﻨﻴﻦ ﺑﻨﺖ ﺃﺧﻮﻳﺎ ﺍﻟﻠﻪ ﻳﺮﺣﻤﻪ
ﺃﻧﺘﻔﺾ ﻋﺒﺪ ﺍﻟﺮﺣﻤﻦ ﻟﻠﻤﺮﻩ ﺍﻟﺜﺎﻧﻴﻪ ﻋﻠﻰ ﺻﻮﺕ ﺍﻟﺰﻏﺎﺭﻳﺪ ﺍﻟﺬﻯ ﺃﻃﻠﻘﺘﻪ ﻭﺍﻟﺪﺗﻪ ﻓﺠﺄﻩ
ﺃﺻﻔﺮ ﻭﺟﻬﻪ ﻭﻗﺎﻝ : ﺩﻯ ﺗﺎﻧﻰ ﻣﺮﻩ ﺍﺗﺨﺾ ﻓﻰ ﻧﻔﺲ ﺍﻟﻘﺎﻋﺪﻩ ... ﻋﻠﻰ ﻓﻜﺮﻩ ﺍﻧﺎ ﻛﺪﻩ ﻣﺶ ﻫﺸﺮﻓﻜﻮﺍ ﺧﺎﻟﺺ
ﻗﺒﻠﺘﻪ ﻭﺍﻟﺪﺗﻪ ﻭﺃﺣﺘﻀﻨﺘﻪ ﻭﺃﻧﻘﻀﺖ ﻋﻠﻴﻪ ﻓﺮﺣﻪ ﺑﺴﻌﺎﺩﻩ ﻭﺗﻘﻮﻝ : ﻣﺒﺮﻭﻙ ﻳﺎ ﺑﻮﺩﻯ ﻣﺒﺮﻭﻙ ﻣﺒﺮﻭﻙ ..
ﻋﺒﺪ ﺍﻟﺮﺣﻤﻦ : ﻛﻞ ﺩﻩ ﻭﻟﺴﻪ ﺍﻟﻌﺮﻭﺳﻪ ﻣﺘﻌﺮﻓﺶ ﺍﺻﻼ .. ﻭﻋﻠﻰ ﻓﻜﺮﻩ ﺍﺣﺘﻤﺎﻝ ﻛﺒﻴﺮ ﺗﺮﻓﻀﻨﻰ
ﻋﻔﺎﻑ : ﺍﻧﺎ ﻫﻄﻠﻌﻠﻬﺎ ﺩﻟﻮﻗﺘﻰ
ﺃﻭﻗﻔﻬﺎ ﺍﻟﺤﺎﺝ ﺣﺴﻴﻦ ﻗﺎﺋﻼ : ﻻ ﻣﺤﺪﺵ ﻫﻴﻜﻠﻢ ﺍﻳﻤﺎﻥ ﻏﻴﺮﻯ ﺍﻧﺎ ﻋﻤﻬﺎ ﻭﻋﺎﺭﻓﻬﺎ ﻛﻮﻳﺲ
ﺃﻃﻠﻌﻰ ﻳﺎ ﻓﺮﺣﻪ ﻧﺎﺩﻳﻬﺎﻟﻰ ﻭﺃﻭﻋﻰ ﺗﻠﻤﺤﻴﻠﻬﺎ ﺑﺄﻯ ﺣﺎﺟﻪ ﻣﻔﻬﻮﻭﻭﻡ
ﻓﺮﺣﻪ ﻭﻫﻰ ﺗﻌﺪﻭ : ﻣﻔﻬﻮﻡ ﻳﺎ ﺑﺎﺑﺎﺍﺍﺍﺍﺍﺍﺍﺍﺍ
ﻃﺮﻗﺖ ﻓﺮﺣﻪ ﻋﻠﻰ ﺍﻟﺒﺎﺏ ﻭﻋﻨﺪﻣﺎ ﻓﺘﺢ ﺃﻃﺮﻗﺖ ﺭﺃﺳﻬﺎ ﻓﻰ ﺣﻴﺎﺀ ﻭﻗﺎﻟﺖ : ﺍﺯﻳﻚ ﻳﺎ ﺑﺸﻤﻬﻨﺪﺱ ﻣﻤﻜﻦ ﺗﻨﺎﺩﻳﻠﻰ ﺍﻳﻤﺎﻥ ﻟﻮ ﺳﻤﺤﺖ
ﺍﺑﺘﺴﻢ ﻗﺎﺋﻼ ﻓﻰ ﺣﺐ : ﻃﺐ ﻭﺍﻧﺎ ﻣﻨﻔﻌﺶ
ﺗﻀﺮﺝ ﻭﺟﻬﻬﺎ ﺑﺤﻤﺮﺓ ﺍﻟﺨﺠﻞ ﻭﻗﺎﻟﺖ : ﻻ ﺍﻟﺼﺮﺍﺣﻪ ﻣﻴﻨﻔﻌﺶ ﺧﺎﻟﺺ
ﺟﺎﺀﺕ ﺍﻳﻤﺎﻥ ﻭﻫﻰ ﺗﻘﻮﻝ : ﻣﻴﻨﻔﻌﺶ ﺍﻳﻪ
ﻗﺎﻟﺖ ﻓﺮﺣﻪ ﺑﺴﺮﻋﻪ : ﺍﻳﻤﺎﻥ ﺑﺎﺑﺎ ﻋﺎﻭﺯﻙ ﺗﺤﺖ ﺿﺮﻭﺭﻯ ﺟﺪﺍ ﺧﺎﻟﺺ
ﺍﺑﺘﺴﻢ ﺍﻳﻬﺎﺏ ﻭﻗﺎﻝ ﻣﺪﺍﻋﺒﺎ : ﺿﺮﻭﺭﻯ ﺟﺪﺍ ﺧﺎﻟﺺ ﻛﻞ ﺍﺩﻭﺍﺕ ﺍﻟﺘﺄﻛﻴﺪ ﺍﻟﻠﻰ ﻓﻰ ﺍﻟﻠﻐﻪ
ﺍﻳﻤﺎﻥ : ﻃﺐ ﺛﻮﺍﻧﻰ ﻳﺎ ﻓﺮﺣﻪ ﻫﺮﻭﺡ ﺍﻟﺒﺲ ﺍﻻﺳﺪﺍﻝ ﻭﺟﺎﻳﻪ ﻋﻠﻰ ﻃﻮﻝ
ﺃﺭﺗﺪﺕ ﺍﻳﻤﺎﻥ ﺍﺳﺪﺍﻝ ﺍﻟﺼﻼﺓ ﻭﻫﺒﻄﺖ ﺑﺼﺤﺒﺔ ﻓﺮﺣﻪ ﺍﻟﻰ ﺷﻘﺘﺔ ﻋﻤﻬﺎ ﺃﺷﺎﺭﺕ ﻓﺮﺣﻪ ﺍﻟﻰ ﻏﺮﻓﺔ ﺍﻟﻤﻜﺘﺐ ﻭﻗﺎﻟﺖ : ﺑﺎﺑﺎ ﻣﺴﺘﻨﻴﻜﻰ ﻓﻰ ﺍﻭﺿﺔ ﺍﻟﻤﻜﺘﺐ
ﻃﺮﻗﺖ ﺍﻳﻤﺎﻥ ﺛﻼﺙ ﻃﺮﻗﺎﺕ ﺧﻔﻴﻔﻪ ﻭﺩﺧﻠﺖ ﻗﺎﻝ ﺣﺴﻴﻦ ﺑﺎﺑﺘﺴﺎﻣﻪ ﺃﺩﺧﻠﻰ ﻳﺎ ﺍﻳﻤﺎﻥ ﻭﺍﻗﻔﻠﻰ ﺍﻟﺒﺎﺏ ﻭﺭﺍﻛﻰ
ﺛﻢ ﺍﺷﺎﺭ ﻟﻬﺎ ﺑﺎﻟﺠﻠﻮﺱ ﻓﻘﺎﻟﺖ : ﺧﻴﺮ ﻳﺎ ﻋﻤﻰ
ﺍﺑﺘﺴﻢ ﺑﺤﻨﺎﻥ ﻭﻗﺎﻝ : ﻗﻮﻟﻴﻠﻰ ﻳﺎ ﺍﻳﻤﺎﻥ ﺍﻧﺘﻰ ﺑﺘﺜﻘﻰ ﻓﻴﺎ
: ﻃﺒﻌﺎ ﻳﺎ ﻋﻤﻰ
: ﻳﻌﻨﻰ ﻣﺘﺄﻛﺪﻩ ﺍﻧﻰ ﻋﺎﻭﺯ ﻣﺼﻠﺤﺘﻚ ﻭﺍﻧﻚ ﻋﻨﺪﻯ ﺯﻯ ﻭﻻﺩﻯ ﺑﺎﻟﻈﺒﻂ
: ﺍﻛﻴﺪ ﻳﺎ ﻋﻤﻰ ﻣﻔﻴﺶ ﻋﻨﺪﻯ ﺷﻚ ﻓﻰ ﻛﺪﻩ .. ﺑﺲ ﺣﻀﺮﺗﻚ ﺑﺘﺴﺄﻟﻨﻰ ﻟﻴﻪ
: ﻫﻘﻮﻟﻚ ﺑﻌﺪ ﻣﺎ ﺗﺮﺩﻯ ﻋﻠﻴﺎ ... ﻧﻈﺮﺕ ﻟﻪ ﻣﺘﻌﺠﺒﻪ ﻭﻗﺎﻟﺖ : ﻣﺎ ﺍﻧﺎ ﺭﺩﻳﺖ ﻳﺎ ﻋﻤﻰ
: ﻻ ﻓﻰ ﺳﺆﺍﻝ ﻛﻤﺎﻥ ... ﺛﻢ ﻗﺎﻝ ﺑﺒﻂﺀ : ﺍﻳﻪ ﺭﺃﻳﻚ ﻓﻰ ﻭﻻﺩﻯ .. ﻳﻌﻨﻰ ﺷﺨﺼﻴﺘﻬﻢ ﻭﺗﺮﺑﻴﺘﻬﻢ ... ﻛﺪﻩ ﻳﻌﻨﻰ
ﺯﺍﺩﺕ ﺣﻴﺮﺓ ﺍﻳﻤﺎﻥ ﺃﻛﺜﺮ ﻭﺃﻛﺜﺮ ﻻ ﺗﻌﻠﻢ ﺳﺮ ﻫﺬﻩ ﺍﻻﺳﺌﻠﻪ ﻭﻟﻜﻨﻬﺎ ﻣﻀﻄﺮﻩ ﻟﻠﺮﺩ ﻋﻠﻴﻬﺎ ﻗﺎﻟﺖ : ﻣﺎﺷﺎﺀ ﺍﻟﻠﻪ ﻳﺎ ﻋﻤﻰ ﻭﻻﺩﻙ ﺣﻀﺮﺗﻚ ﺍﺣﺴﻨﺖ ﺗﺮﺑﻴﺘﻬﻢ ﻭﺃﺧﻼﻗﻬﻢ ﻓﻮﻕ ﺍﻟﻮﺻﻒ ﺭﺑﻨﺎ ﻳﺨﺎﻟﻴﻬﻮﻣﻠﻚ
ﺃﺗﺴﻌﺖ ﺃﺑﺘﺴﺎﻣﺘﻪ ﻭﻗﺎﻝ : ﺭﻳﺤﺘﻰ ﻗﻠﺒﻰ ﻳﺎﺑﻨﺘﻰ .. ﻛﺪﻩ ﺑﻘﻰ ﻧﺪﺧﻞ ﻓﻰ ﺍﻟﻤﻮﺿﻮﻉ ﻋﻠﻰ ﻃﻮﻝ
ﺻﻤﺘﺖ ﺍﻳﻤﺎﻥ ﻭﺗﺮﻛﺖ ﻟﻪ ﺍﻟﻤﺠﺎﻝ ﻟﻤﺘﺎﺑﻌﺔ ﺣﺪﻳﺜﻪ ﻓﻘﺎﻝ ﺑﺸﻜﻞ ﻣﺒﺎﺷﺮ : ﺍﻳﻪ ﺭﺃﻳﻚ ﻓﻰ ﻋﺒﺪ ﺍﻟﺮﺣﻤﻦ ﺍﺑﻨﻰ
ﺍﺭﺗﺒﻜﺖ ﻭﻗﺎﻟﺖ ﺑﺘﺮﺩﺩ : ﻣﻦ ﻧﺎﺣﻴﺔ ﺍﻳﻪ
ﻗﺎﻝ : ﻟﻮ ﺍﺗﻘﺪﻣﻠﻚ ﺗﻘﺒﻠﻴﻪ
ﻭﻗﻔﺖ ﺍﻳﻤﺎﻥ ﻓﻰ ﺧﺠﻞ ﻭﺃﻃﺮﻗﺖ ﺭﺃﺳﻬﺎ ﻭﻟﻢ ﺗﺮﺩ .. ﻧﻬﺾ ﻋﻤﻬﺎ ﻭﻭﻗﻒ ﺍﻟﻰ ﺟﺎﻧﺒﻬﺎ ﻭﻟﻒ ﺫﺭﺍﻋﻪ ﺣﻮﻝ ﻛﺘﻔﻬﺎ ﻗﺎﺋﻼ : ﻳﺎﺑﻨﺘﻰ ﺍﻧﺎ ﻋﺎﻭﺯ ﺭﺃﻳﻚ ﺑﺼﺮﺍﺣﻪ ﻣﺘﻜﺴﻔﻴﺶ ﻣﻨﻲ ﻟﻮ ﺷﺎﻳﻔﺎﻩ ﻣﻴﺼﻠﺤﺶ ﻗﻮﻟﻴﻠﻰ ﻻﺀ .. ﻟﻴﻜﻰ ﻣﻄﻠﻖ ﺍﻟﺤﺮﻳﻪ ﺩﻩ ﺟﻮﺍﺯ ﻣﺶ ﻟﻌﺒﻪ ... ﻃﺎﻝ ﺻﻤﺘﻬﺎ ﻣﻤﺎ ﺟﻌﻠﻪ ﻳﺸﻌﺮ ﺑﺎﻟﻘﻠﻖ ﻓﻘﺎﻝ : ﺍﻧﺎ ﺑﺲ ﻋﺎﻭﺯ ﺍﻗﻮﻟﻚ ﺍﻥ ﻋﺒﺪ ﺍﻟﺮﺣﻤﻦ ﻣﺘﺮﺑﻰ ﻭﻣﻮﺍﻇﺐ ﻋﻠﻰ ﺻﻼﺗﻪ ﻭﺑﻴﻘﻮﻡ ﺑﻜﻞ ﺍﻟﻔﺮﻭﺽ ﺍﻟﻠﻰ ﻋﻠﻴﻪ ﻭﻋﻤﺮﻩ ﻻ ﻣﺴﻚ ﺳﻴﺠﺎﺭﻩ ﻭﻻ ﻏﻴﺮﻩ ﻭﻃﺒﻌﺎ ﺍﻧﺘﻰ ﻋﺸﺘﻰ ﻣﻌﺎﻧﺎ ﻓﺘﺮﻩ ﻭﺷﻮﻓﺘﻰ ﺗﺼﺮﻓﺎﺗﻪ ﺛﻢ ﺗﺎﺑﻊ .. ﻭﻟﻮ ﻭﺍﻓﻘﺘﻰ ﻫﺘﺮﻳﺤﻰ ﻗﻠﺒﻰ ﻳﺎ ﺍﻳﻤﺎﻥ ﺍﻧﺎ ﻋﺎﻭﺯ ﺍﻃﻤﻦ ﻋﻠﻴﻜﻰ ﺍﻧﺘﻰ ﻭﺍﺧﺘﻚ ﻗﺒﻞ ﻣﺎ ﺍﻣﻮﺕ
ﻗﺎﻟﺖ ﺑﻠﻬﻔﻪ : ﺑﻌﺪ ﺍﻟﺸﺮ ﻋﻠﻴﻚ ﻳﺎ ﻋﻤﻰ ﺭﺑﻨﺎ ﻳﺪﻳﻚ ﻃﻮﻟﺖ ﺍﻟﻌﻤﺮ ﻭﺣﺴﻦ ﺍﻟﻌﻤﻞ ﻳﺎﺭﺏ
ﺗﺎﺑﻊ ﺣﺪﻳﺚ ﻗﺎﺋﻼ : ﻋﺎﻭﺯ ﺍﻃﻤﻦ ﻋﻠﻴﻜﻰ ﻣﻊ ﺭﺍﺟﻞ ﻋﺎﺭﻑ ﺍﻧﻪ ﻫﻴﺼﻮﻧﻚ ﻻﻧﻚ ﻓﻰ ﺍﻻﺧﺮ ﻟﺤﻤﻪ ﻭﺩﻣﻪ ﻭﺗﻔﻀﻠﻰ ﻭﺳﻂ ﻋﻴﻠﺘﻚ ﺍﻟﻜﺒﻴﺮﻩ ﺩﻯ ﻭﻣﺘﺴﺒﻴﻨﺎﺵ ﺍﺑﺪﺍ ﻧﺒﻘﻰ ﺣﻮﺍﻟﻴﻜﻰ ﺩﺍﻳﻤﺎ ﻭﺍﻧﺘﻰ ﻋﺎﺭﻓﻪ ﻋﻔﺎﻑ ﺑﺘﺤﺒﻚ ﺍﺯﺍﻯ ﻭﻫﺘﺮﺍﻋﻴﻜﻰ ﻭﻫﺘﺒﻘﻰ ﻏﻼﻭﺗﻚ ﻋﻨﺪﻫﺎ ﻣﻦ ﻏﻼﻭﺓ ﻓﺮﺣﻪ ﻭﺍﻧﺘﻰ ﻋﺎﺭﻓﺎﻫﺎ ﻃﻴﺒﻪ ﺍﺯﺍﻯ
ﺯﺍﺩ ﺷﻌﻮﺭﻩ ﺑﺎﻟﻘﻠﻖ ﻟﻌﺪﻡ ﻟﻄﻮﻝ ﺻﻤﺘﻬﺎ ﻣﺮﻩ ﺃﺧﺮﻯ ﻓﻘﺎﻝ : ﻫﺎ ﻳﺎﺑﻨﺘﻰ ﻣﺮﺩﺗﻴﺶ ﻋﻠﻴﺎ ﺍﻳﻪ ﺭﺃﻳﻚ
ﻗﻄﻌﺖ ﺻﻤﺘﻬﺎ ﻭﻗﺎﻟﺖ ﺑﺤﻴﺎﺀ : ﻃﻴﺐ ﺣﻀﺮﺗﻚ ﺍﺩﻳﻨﻰ ﻓﺮﺻﻪ ﺃﻓﻜﺮ ﻭﺃﺳﺘﺨﻴﺮ ﻭﺃﺧﺪ ﺭﺃﻯ ﺍﺧﻮﻳﺎ
ﺍﺑﺘﺴﻢ ﻟﻬﺎ ﻗﺎﺋﻼ : ﻳﻮﻣﻴﻦ ﻛﻮﻳﺲ
ﻗﺎﻟﺖ ﺑﺴﺮﻋﻪ : ﻻ ﻳﻮﻣﻴﻦ ﻗﻠﻴﻞ ﺍﻭﻯ .. ﻳﻌﻨﻰ .. ﻣﺶ ﺃﻗﻞ ﻣﻦ ﺍﺳﺒﻮﻉ ﻛﺪﻩ
ﻗﺎﻝ : ﺧﻼﺹ ﻧﻘﺴﻢ ﺍﻟﺒﻠﺪ ﻧﺼﻴﻦ ﻧﺨﺎﻟﻴﻬﻢ ﺃﺭﺑﻌﻪ .. ﺧﻼﺹ ﺍﺗﻔﻘﻨﺎ ﻣﺶ ﻋﺎﻭﺯ ﻣﻘﺎﻭﺣﻪ ﺗﺎﻧﻰ ﻳﺎﻻ ﺍﺗﻔﻀﻠﻰ
ﺧﺮﺟﺖ ﺍﻳﻤﺎﻥ ﻧﻈﺮﺕ ﺣﻮﻟﻬﺎ ﺛﻢ ﻫﺮﻭﻟﺖ ﺳﺮﻳﻌﺎ ﺍﻟﻰ ﺍﻻﻋﻠﻰ ﺣﻴﺚ ﺷﻘﺘﻬﺎ ﻭﻗﻠﺒﻬﺎ ﻳﺨﻔﻖ ﺑﺸﺪﺓ ﻧﻈﺮ ﻟﻬﺎ ﺍﻳﻬﺎﺏ ﻭﻫﻰ ﺗﻐﻠﻖ ﺍﻟﺒﺎﺏ ﺧﻠﻔﻬﺎ ﻭﺗﺤﺎﻭﻝ ﺍﻥ ﺗﺘﻨﻔﺲ ﺑﺼﻌﻮﺑﻪ ﻗﻠﻖ ﻋﻠﻴﻬﺎ ﻭﺍﻗﺘﺮﺏ ﻣﻨﻬﺎ ﻣﻄﻤﺌﻨﺎ : ﻣﺎﻟﻚ ﻳﺎ ﺍﻳﻤﺎﻥ ﻓﻰ ﺣﺪ ﺿﺎﻳﻘﻚ
ﺗﻀﺮﺝ ﻭﺟﻬﻬﺎ ﺑﺤﻤﺮﺓ ﺍﻟﺨﺠﻞ ﺃﻛﺜﺮ ﻭﻫﻰ ﺗﻘﻮﻝ : ﻻ ﺍﺑﺪﺍ
: ﺍﻭﻣﺎﻝ ﻣﺎﻟﻚ ﻛﺪﻩ ﻭﺷﻚ ﺃﺣﻤﺮ ﻭﺯﻯ ﻣﺎ ﻳﻜﻮﻥ ﺣﺪ ﺑﻴﺠﺮﻯ ﻭﺭﺍﻛﻰ
ﺻﻤﺘﺖ ﻭﺫﻫﺒﺖ ﻟﺘﺠﻠﺲ ﺣﺘﻰ ﺗﺴﺘﻄﻴﻊ ﺗﻨﻈﻴﻢ ﻃﺮﻳﻘﺔ ﺗﻨﻔﺴﻬﺎ ﺫﻫﺐ ﺧﻠﻔﻬﺎ ﻓﻰ ﺣﻴﺮﺓ ﻭﺟﻠﺲ ﺑﺠﻮﺍﺭﻫﺎ ﻭﻧﻈﺮ ﺍﻟﻴﻬﺎ ﻳﻨﺘﻈﺮ ﺃﺟﺎﺑﺘﻬﺎ .. ﺧﺮﺟﺖ ﻣﺮﻳﻢ ﻣﻦ ﻏﺮﻓﺘﻬﺎ ﻓﻮﺟﺪﺗﻬﻢ ﻫﻜﺬﺍ ﻓﺄﻗﺘﺮﺑﺖ ﻭﺟﻠﺴﺖ ﺑﺠﻮﺍﺭ ﺃﺧﺘﻬﺎ ﻭﻫﻰ ﺗﻘﻮﻝ : ﻣﺎﻟﻜﻮﺍ ﻓﻰ ﺍﻳﻪ
ﻗﺎﻝ ﺍﻳﻬﺎﺏ ﺑﻨﻔﺎﺫ ﺻﺒﺮ : ﻣﺎ ﺗﻜﻠﻤﻰ ﻳﺎ ﺍﻳﻤﺎﻥ ﺳﺎﻛﺘﻪ ﻟﻴﻪ
ﺍﺭﺗﺒﻜﺖ ﺑﺸﺪﺓ ﻭﻫﻰ ﺗﻘﻮﻝ ﺑﺨﺠﻞ : ﻋﻤﻰ .. ﻋﻤﻰ ﺑﻴﻘﻮﻟﻰ ﺍﻳﻪ ﺭﺃﻳﻚ ﻓﻰ ﻋﺒﺪ ﺍﻟﺮﺣﻤﻦ
ﺍﻳﻬﺎﺏ : ﻣﺶ ﻓﺎﻫﻢ ﻳﻌﻨﻰ ﺍﻳﻪ ﺭﺍﻳﻚ ﻓﻴﻪ ﺍﺯﺍﻯ ﻳﻌﻨﻰ
ﺃﻃﺮﻗﺖ ﺑﺮﺃﺳﻬﺎ ﺗﺤﺎﻭﻝ ﺍﻥ ﺗﺠﺪ ﻛﻠﻤﺎﺕ ﻣﻨﺎﺳﺒﻪ .. ﻭﻓﺠﺄﻩ ﺻﻔﻘﺖ ﻣﺮﻳﻢ ﺑﻴﺪﻳﻬﺎ ﺑﺎﺑﺘﺴﺎﻣﻪ ﻛﺒﻴﺮﺓ ﻭﻫﻰ ﺗﻘﻮﻝ : ﻳﺎ ﺍﻳﻤﺎﻥ ﻳﺎ ﺟﺎﻣﺪ .. ﻣﻌﻘﻮﻟﻪ ﻳﺎ ﺍﻳﻬﺎﺏ ﻣﻔﻬﻤﺘﺶ ﺩﻩ ﺍﻧﺎ ﻓﻬﻤﺖ ... ﻭﺍﻛﻤﻠﺖ : ﻋﺒﺪ ﺍﻟﺮﺣﻤﻦ ﻋﺎﻭﺯ ﻳﺘﺠﻮﺯ ﺍﻳﻤﺎﻥ ﻫﺎ ﻓﻬﻤﺖ ﻭﻻ ﻧﻘﻮﻝ ﻛﻤﺎﺍﺍﺍﺍﺍﻥ
ﻗﻄﺐ ﺟﺒﻴﻨﻪ ﻓﻰ ﺗﻔﻜﻴﺮ ﻭﻗﺎﻝ : ﺻﺤﻴﺢ ﺍﻟﻜﻼﻡ ﺩﻩ ﻳﺎ ﺍﻳﻤﺎﻥ
ﺃﻭﻣﺄﺕ ﺑﺮﺃﺳﻬﺎ ﻣﺆﻛﺪﻩ ﻛﻼﻡ ﻣﺮﻳﻢ
ﺍﻳﻬﺎﺏ : ﻭﺃﻧﺘﻰ ﻗﻮﻟﺘﻰ ﺍﻳﻪ ﻭﻋﻤﻰ ﻟﻴﻪ ﻣﻜﻠﻤﻨﻴﺶ ﺍﻧﺎ ﺍﻻﻭﻝ
ﻗﺎﻃﻌﺘﻪ ﻣﺮﻳﻢ : ﺍﺯﺍﻯ ﻳﻌﻨﻰ ﻳﻘﻮﻟﻚ ﺍﻧﺖ ﺍﻻﻭﻝ ﻣﺶ ﻟﻤﺎ ﻳﻌﺮﻑ ﺭﺃﻳﻬﺎ ﺍﻻﻭﻝ ﻳﺒﻘﻰ ﻳﻜﻠﻤﻚ ﻭﻳﺘﻔﻖ ﻣﻌﺎﻙ
ﺃﻭﻣﺄﺕ ﺍﻳﻤﺎﻥ ﻣﺮﻩ ﺍﺧﺮﻯ ﻭﻗﺎﻟﺖ ﺑﺨﻔﻮﺕ : ﺍﻳﻮﻩ ﻫﻮ ﺑﺮﺿﻪ ﻗﺎﻟﻰ ﻛﺪﻩ
ﻗﺎﻟﺖ ﻣﺮﻳﻢ ﺑﺴﻌﺎﺩﻩ : ﻭﺍﻧﺘﻰ ﻗﻮﻟﺘﻴﻠﻪ ﺍﻳﻪ ﻳﺎ ﺍﻳﻤﺎﻥ ﻣﻮﺍﻓﻘﻪ ﻃﺒﻌﺎ ﻣﺶ ﻛﺪﻩ
ﻗﺎﻟﺖ ﺍﻳﻤﺎﻥ ﺑﻨﻔﺲ ﺍﻟﺨﻔﻮﺕ : ﻗﻠﺘﻠﻪ ﻋﺎﻭﺯﻩ ﻭﻗﺖ ﺍﻓﻜﺮ ﻭﺃﺳﺘﺨﻴﺮ ﺭﺑﻨﺎ
ﻧﻬﺾ ﺍﻳﻬﺎﺏ ﻭﻫﻮ ﻳﻘﻮﻝ : ﺧﻼﺹ ﺍﻟﻠﻰ ﻓﻴﻪ ﺍﻟﺨﻴﺮ ﻳﻘﺪﻣﻪ ﺭﺑﻨﺎ ﺃﺳﺘﺨﻴﺮﻯ ﺑﺲ ﻟﻤﺎ ﺗﻮﺻﻠﻰ ﻟﻨﺘﻴﺠﻪ ﺗﻘﻮﻟﻴﻠﻰ ﺍﻧﺎ ﻭﺍﻧﺎ ﻫﺒﻠﻐﻪ ﺑﺎﻟﺮﺩ
ﻭﺍﻓﻘﺘﻪ ﺍﻳﻤﺎﻥ ﺑﺈﻣﺎﺀﺓ ﻣﻦ ﺭﺃﺳﻬﺎ ﻭﻗﺎﻟﺖ ﻣﺮﻳﻢ : ﺑﻄﻞ ﺗﺤﺒﻜﻬﺎ ﻳﺎ ﺍﻳﻬﺎﺏ ﺩﻩ ﻋﻤﻨﺎ ﻳﻌﻨﻰ ﻓﻰ ﻣﻘﺎﻡ ﺍﺑﻮﻧﺎ ﺍﻟﻠﻪ ﻳﺮﺣﻤﻪ .. ﻣﺶ ﺭﺍﺟﻞ ﻏﺮﻳﺐ ﻭﻧﺎﺱ ﻏﺮﻳﺒﻪ ﻋﻨﻨﺎ ﻧﺘﻌﺎﻣﻞ ﻣﻌﺎﻫﻢ ﺑﺎﻟﺸﻜﻠﻴﺎﺕ ﺩﻯ
ﻗﺎﻝ ﺍﻳﻬﺎﺏ ﻣﺘﻌﺠﺒﺎ : ﻳﺎ ﺳﻼﻡ ﻣﻦ ﺍﻣﺘﻰ ﺑﻘﻰ ﺍﻟﻌﻘﻞ ﺩﻩ ﺛﻢ ﺍﺭﺩﻑ ﻭﻫﻮ ﻳﺘﺠﻪ ﻟﻠﺒﺎﺏ : ﺍﻧﺎ ﻣﺎﺷﻰ ﺑﻘﻰ ﻋﻨﺪﻯ ﻣﺸﻮﺍﺭ ﺷﻐﻞ ﻣﻬﻢ ﺍﻭﻯ
ﺑﻤﺠﺮﺩ ﺍﻥ ﺍﻏﻠﻖ ﺍﻳﻬﺎﺏ ﺍﻟﺒﺎﺏ ﺧﻠﻔﻪ ﺃﻣﺴﻜﺖ ﻣﺮﻳﻢ ﺫﺭﺍﻉ ﺍﻳﻤﺎﻥ ﻭﺍﺟﻠﺴﺘﻬﺎ ﻓﻰ ﻣﻮﺍﺟﺘﻬﺎ ﻭﻗﺎﻟﺖ ﻭﻫﻰ ﺗﺼﻄﻨﻊ ﺍﻟﺠﺪﻳﻪ : ﺃﻋﺘﺮﻓﻰ ﺑﺴﺮﻋﻪ ...
: ﺍﻋﺘﺮﻑ ﺑﺄﻳﻪ ﻳﺎ ﻣﺠﻨﻮﻧﻪ
: ﺍﻳﻪ ﺍﻟﻠﻰ ﺧﻼﻛﻰ ﺗﻐﻴﺮﻯ ﺭﺃﻳﻚ .. ﻣﺶ ﻗﻠﺘﻰ ﺍﻧﺎ ﻋﺎﻭﺯﻩ ﺍﺗﺠﻮﺯ ﻭﺍﺣﺪ ﻣﻠﺘﺰﻡ
ﺳﻌﻠﺖ ﺍﻳﻤﺎﻥ ﻭﺃﻧﺸﻐﻠﺖ ﺑﻄﺮﺣﺖ ﺍﺳﺪﺍﻟﻬﺎ ﺣﺘﻰ ﺗﺘﺤﺎﺷﻰ ﺍﻟﻨﻈﺮ ﻟﻤﺮﻳﻢ ﻭﻗﺎﻟﺖ : ﺍﻧﺎ ﻟﺴﻪ ﻣﻮﺍﻓﻘﺘﺶ ﻳﺎ ﻣﺮﻳﻢ .. ﺍﻧﺎ ﻟﺴﻪ ﻫﺴﺘﺨﻴﺮ
ﺃﻣﺴﻜﺖ ﻣﺮﻳﻢ ﻭﺟﻬﻬﺎ ﺑﻴﺪﻫﺎ ﻭﻗﺎﻟﺖ ﺑﻤﻜﺮ : ﺍﻭﻣﺎﻝ ﻟﻴﻪ ﻛﺪﻩ ﺧﻴﺮ ﺍﻟﻠﻬﻢ ﺍﺟﻌﻠﻪ ﺧﻴﺮ ﺷﻜﻠﻚ ﺯﻯ ﻣﺎ ﺗﻜﻮﻧﻰ ﻣﻮﺍﻓﻘﻪ .. ﻭﺑﻌﺪﻳﻦ ﻋﺒﺪ ﺍﻟﺮﺣﻤﻦ ﻣﺶ ﻣﻠﺘﺰﻡ ﺯﻯ ﻣﺎ ﺍﻧﺘﻰ ﻋﺎﻭﺯﻩ
ﺍﺑﻌﺪﺕ ﺍﻳﻤﺎﻥ ﻭﺟﻬﻬﺎ ﻭﻗﺎﻟﺖ : ﺑﺼﻰ ﺍﻧﺎ ﻛﻤﺎﻥ ﻣﺤﺘﺎﺭﻩ ﻻﻧﻪ ﺯﻯ ﻣﺎ ﺑﺘﻘﻮﻟﻰ ﻣﺶ ﻣﻠﺘﺰﻡ ﺯﻯ ﻣﺎ ﺍﻧﺎ ﻋﺎﻭﺯﻩ ﻟﻜﻦ ﻋﻤﻮﻣﺎ ﺍﺣﻨﺎ ﻋﺸﻨﺎ ﻣﻌﺎﻫﻢ ﻭﺷﻮﻓﻨﺎ ﺍﺧﻼﻗﻬﻢ ﻭﻫﻮ ﺍﺧﻼﻗﻪ ﻣﺶ ﺑﻌﻴﺪﻩ ﻋﻦ ﺍﻻﻟﺘﺰﺍﻡ .. ﻳﻌﻨﻰ ﺑﻴﺼﻠﻰ ﻓﻰ ﺍﻟﻤﺴﺠﺪ ﻭﺑﺎﺭ ﺑﺄﺑﻮﻩ ﻭﺃﻣﻪ ﻭﻣﺤﺘﺮﻡ ﻭﻣﺎﻟﻮﺵ ﻓﻰ ﺣﻜﺎﻳﺔ ﻣﺼﺎﺣﺒﺔ ﺍﻟﺒﻨﺎﺕ ﻭﺍﻟﺴﺘﺎﺕ ﻭﺍﻟﻜﻼﻡ ﺍﻟﻔﺎﺿﻰ ﺩﻩ ﻣﺎﻟﻮﺵ ﻓﻰ ﺍﻟﺴﺠﺎﻳﺮ ﻭﻻ ﻓﻰ ﺍﻟﺤﺎﺟﺎﺕ ﺍﻟﻮﺣﺸﻪ ﺩﻯ ..... ﻣﻌﺎﻣﻼﺗﻪ ﻭﻃﺮﻳﻘﺔ ﻛﻼﻣﻪ ﻣﺤﺘﺮﻣﻪ ﺩﻩ ﻏﻴﺮ ﺍﻧﻰ ﻋﺎﺭﻓﻪ ﻋﻤﻰ ﻣﺮﺑﻴﻪ ﺍﺯﺍﻯ .......
ﻭﺑﻤﺎ ﺍﻥ ﺍﺣﻨﺎ ﻗﺮﺍﻳﺐ ﻓﺄﻧﺎ ﻣﺘﺄﻛﺪﻩ ﻣﻦ ﺍﺧﻼﻕ ﺍﻟﺒﻴﺖ ﺍﻟﻠﻰ ﺍﺗﺮﺑﻰ ﻓﻴﻪ ﻫﻮ ﻓﻴﻪ ﺑﺲ ﺷﻮﻳﺔ ﺣﺎﺟﺎﺕ ﻋﺎﻭﺯﻩ ﺗﻈﺒﻴﻂ
ﻛﺎﻧﺖ ﺍﻳﻤﺎﻥ ﺗﺮﺩﺩ ﻋﻠﻰ ﻧﻔﺴﻬﺎ ﻫﺬﻩ ﺍﻟﻜﻠﻤﺎﺕ ﺩﺍﺋﻤﺎ ﺣﺘﻰ ﺗﻘﻨﻊ ﻧﻔﺴﻬﺎ ﺑﻬﺎ ﻭﻫﻰ ﺗﺘﻘﻠﺐ ﻋﻠﻰ ﻓﺮﺍﺷﻬﺎ ﻟﻴﻼ ﻭﻛﺄﻧﻬﺎ ﺗﺠﺪ ﻣﺨﺮﺟﺎ ﺍﻭ ﺗﺒﺮﻳﺮﺍ ﻳﺠﻌﻠﻬﺎ ﺗﻮﺍﻓﻖ ﻋﻠﻰ ﺍﻟﺰﻭﺍﺝ ﻣﻦ ﻋﺒﺪ ﺍﻟﺮﺣﻤﻦ ﻓﻠﻘﺪ ﻛﺎﻧﺖ ﺗﻄﻠﻌﺎﺗﻬﺎ ﺍﻛﺒﺮ ﻣﻦ ﻫﺬﺍ ﻓﻰ ﺍﻟﺰﻭﺝ ﺍﻟﺬﻯ ﺗﺮﻳﺪ
ﻃﻮﺍﻝ ﺍﻻﺭﺑﻊ ﺃﻳﺎﻡ ﻟﻢ ﻳﺤﺪﺙ ﺃﺣﺘﻜﺎﻙ ﺑﻴﻦ ﻣﺮﻳﻢ ﻭﻳﻮﺳﻒ ﻭﻟﻘﺪ ﺳﺎﻋﺪ ﻋﻠﻰ ﺫﻟﻚ ﺍﻟﺒﻌﺪ ﺃﺧﺘﺒﺎﺭﺍﺕ ﺁﺧﺮ ﺍﻟﺴﻨﻪ ﺑﺎﻟﻨﺴﺒﻪ ﻟﻤﺮﻳﻢ ﻭﻓﺮﺣﻪ ﻭﻭﻓﺎﺀ ﻭﺑﻌﺪ ﺃﻧﻘﻀﺎﺀ ﺍﻟﻤﻬﻠﻪ ﺍﻟﻤﺤﺪﺩﻩ ﻭﺃﺳﺘﺨﺎﺭﻩ ﻳﻮﻣﻴﻪ ﺃﺧﺒﺮﺕ ﺍﻳﻤﺎﻥ ﺍﺧﻴﻬﺎ ﺑﺮﺃﻳﻬﺎ .... ﻓﻘﺎﻝ ﺑﺤﻴﺮﺓ : ﻣﺶ ﻋﺎﺭﻑ ﻳﺎ ﺍﻳﻤﺎﻥ ﻳﻌﻨﻰ ﺍﻗﻮﻝ ﻟﻌﻤﻚ ﺍﻳﻪ ﺩﻟﻮﻗﺘﻰ
ﺍﻳﻤﺎﻥ : ﺯﻯ ﻣﺎ ﻗﻠﺘﻠﻚ ﻳﺎ ﺍﻳﻬﺎﺏ ﻗﻮﻟﻪ ﺍﻧﻰ ﻋﺎﻭﺯﻩ ﺍﺗﻜﻠﻢ ﻣﻊ ﻋﺒﺪ ﺍﻟﺮﺣﻤﻦ ﻣﺮﻩ ﻭﺍﺣﺪﻩ ﻭﺑﻌﺪﻳﻦ ﻫﻘﻮﻝ ﺭﺃﻳﻰ
ﻧﻬﺾ ﺍﻳﻬﺎﺏ ﻟﻴﺬﻫﺐ ﻟﻌﻤﻪ ﻭﻟﻜﻦ ﺍﻳﻤﺎﻥ ﺍﺳﺘﻮﻗﻔﺘﻪ ﻗﺎﺋﻠﻪ : ﺍﻳﻬﺎﺏ ... ﺍﻳﻪ ﺭﺃﻳﻚ ﺗﻄﻠﺐ ﺍﻳﺪ ﻓﺮﺣﻪ ﺑﺎﻟﻤﺮﻩ
ﺍﻟﺘﻔﺖ ﺍﻟﻴﻬﺎ ﻓﻰ ﺗﻔﻜﻴﺮ ﻭﻗﺎﻝ : ﺗﻔﺘﻜﺮﻯ ﺩﻩ ﻭﻗﺖ ﻣﻨﺎﺳﺐ
ﺍﻳﻤﺎﻥ ﺑﺤﻤﺎﺱ : ﻃﺒﻌﺎ ﺍﻓﺘﻜﺮ ﻭﻧﺺ .. ﻭﺍﻧﺎ ﻋﺎﺭﻓﻪ ﺍﻟﻨﺘﻴﺠﻪ ﻣﻦ ﺍﻟﻜﻨﺘﺮﻭﻝ ﻣﻘﺪﻣﺎ
ﺍﻳﻬﺎﺏ : ﻣﺶ ﻋﺎﺭﻑ ﻳﺎ ﺍﻳﻤﺎﻥ ﻗﻠﻘﺎﻥ ﺍﻭﻯ ﻣﻦ ﺍﻟﺤﻜﺎﻳﻪ ﺩﻯ
ﺭﺑﺘﺖ ﻋﻠﻰ ﻛﺘﻔﻪ ﻭﻗﺎﻟﺖ : ﺻﺪﻗﻨﻰ ﻋﻤﻚ ﺑﻴﺤﺒﻚ ﺟﺪﺍ ﻭﻫﻴﻔﺮﺡ ﺍﻭﻯ ﺑﻄﻠﺒﻚ ﺩﻩ ﻭﻓﺮﺣﻪ ﻛﻤﺎﻥ ﻣﻴﺎﻟﻪ ﻟﻴﻚ
ﺷﺮﺩ ﻗﻠﻴﻼ ﻭﻗﺎﻝ : ﺑﺲ ﺩﻯ ﺑﺘﻤﺘﺤﻦ ﺩﻟﻮﻗﺘﻰ
ﺍﺑﺘﺴﻤﺖ ﻟﻪ ﻗﺎﺋﻠﻪ : ﺧﻼﺹ ﻓﺎﺿﻞ ﺍﺳﺒﻮﻉ ﻭﺗﺨﻠﺺ ﺍﻣﺘﺤﺎﻧﺎﺕ .. ﻭﺑﻌﺪﻳﻦ ﻳﺎ ﺑﺎﺷﺎ ﺍﻧﺎ ﻟﻮ ﻛﻨﺖ ﻋﺎﺭﻓﻪ ﺍﻧﻬﺎ ﻫﺘﻘﻌﺪ ﺗﻔﻜﺮ ﻭﺗﻨﺸﻐﻞ ﻛﻨﺖ ﻗﻠﺘﻠﻚ ﺍﺳﺘﻨﻰ ﻟﻤﺎ ﺗﺨﻠﺺ ﺍﻣﺘﺤﺎﻧﺎﺕ ﻟﻜﻦ ﺍﻧﺎ ﻣﺘﺄﻛﺪﻩ ﺍﻧﻬﺎ ﻫﺘﻄﻴﺮ ﻣﻦ ﺍﻟﻔﺮﺡ ﻭﻫﺘﺘﺤﻤﺲ ﻟﻠﻤﺬﺍﻛﺮﻩ ﺍﻛﺘﺮ
ﻭﺿﻊ ﺍﻳﻬﺎﺏ ﻳﺪﻳﻪ ﻓﻰ ﺟﻴﺒﻪ ﻭﻗﺎﻝ ﺑﻐﺮﻭﺭ ﻣﺼﻄﻨﻊ : ﻃﺒﻌﺎ ﻳﺎﺑﻨﺘﻰ ﺍﺧﻮﻛﻰ ﻻ ﻳﻘﺎﻭﻡ
"""" """""""""""""""""""""""""""""""""""""""""""""" """"""""""""""
ﻛﺎﻧﺖ ﺳﻌﺎﺩﺓ ﺍﻟﺤﺎﺝ ﺣﺴﻴﻦ ﺑﺎﻟﻐﻪ ﻭﻫﻮ ﻳﺮﻯ ﻋﻠﻰ ﻭﺟﻪ ﺃﺑﻨﺘﻪ ﻋﻼﻣﺎﺕ ﺍﻟﺮﺿﻰ ﺑﻄﻠﺐ ﺍﻳﻬﺎﺏ ﻟﻠﺰﻭﺍﺝ ﻣﻨﻬﺎ ﻭﻫﻰ ﺗﻘﻮﻝ ﺑﺨﺠﻞ : ﺍﻟﻠﻰ ﺗﺸﻮﻓﻪ ﺣﻀﺮﺗﻚ ﻳﺎ ﺑﺎﺑﺎ
ﻓﻰ ﺣﻴﻦ ﻗﺎﻝ ﻋﺒﺪ ﺍﻟﺮﺣﻤﻦ ﻣﺪﺍﻋﺒﺎ : ﻳﺎ ﺳﻼﻡ ﻋﻠﻰ ﺍﻻﺩﺏ ﺍﻳﻪ ﻳﺎﺑﻨﺖ ﺍﻻﺩﺏ ﺩﻩ ﻛﻠﻪ ﺍﻟﻠﻰ ﻧﺰﻝ ﻋﻠﻴﻜﻰ ﻣﺮﻩ ﻭﺍﺣﺪﻩ
ﻧﻈﺮﺕ ﻟﻪ ﻧﻈﺮﻩ ﺟﺎﻧﺒﻴﻪ ﻭﻫﻰ ﺗﻘﻮﻝ : ﻃﻮﻝ ﻋﻤﺮﻯ ﻣﺆﺩﺑﻪ ﻋﻠﻰ ﻓﻜﺮﻩ ﺑﺲ ﺍﻧﺖ ﻛﻨﺖ ﻓﻰ ﺍﻟﺒﻠﻜﻮﻧﻪ ﻫﻮ ﻣﺤﺪﺵ ﻗﺎﻟﻚ ﻭﻻ ﺍﻳﻪ
ﺿﺤﻚ ﻭﺍﻟﺪﻫﺎ ﻣﻦ ﻣﺪﺍﻋﺒﺎﺗﻬﺎ ﻻﺧﻴﻬﺎ ﻭﻫﻮ ﻳﻘﻮﻝ : ﻣﺶ ﻟﺴﻪ ﻛﻨﺘﻰ ﻣﻜﺴﻮﻓﻪ ﻣﻦ ﺷﻮﻳﻪ ﻟﺤﻘﺘﻰ ﺗﻘﻠﺒﻰ ﺛﻢ ﺍﻟﺘﻔﺖ ﺍﻟﻰ ﻋﺒﺪ ﺍﻟﺮﺣﻤﻦ ﻭﻗﺎﻝ : ﻫﺎ ﻳﺎ ﻋﺒﺪ ﺍﻟﺮﺣﻤﻦ ﻭﺍﻧﺖ ﻓﺎﺿﻰ ﺍﻣﺘﻰ ﻋﻠﺸﺎﻥ ﺍﻟﻘﺎﻋﺪﻩ ﺍﻟﻠﻰ ﺍﻳﻤﺎﻥ ﻋﺎﻭﺯﻩ ﺗﻘﻌﺪﻫﺎ ﻣﻌﺎﻙ ﺩﻯ
: ﺍﻯ ﻭﻗﺖ ﻳﺎ ﺑﺎﺑﺎ ﻭﻳﺎﺭﻳﺖ ﻟﻮ ﺍﻟﻨﻬﺎﺭﺩﻩ ﻋﻠﺸﺎﻥ ﺑﻜﺮﻩ ﻋﻨﺪﻯ ﺷﻐﻞ ﻛﺘﻴﺮ ﻣﺶ ﻫﺒﻘﻰ ﻓﺎﺿﻰ ﻭﻭﻧﻈﺮ ﻟﻮﺍﻟﺪﻩ ﻓﻰ ﺗﺴﺎﺅﻝ ﻗﺎﺋﻼ : ﺑﺲ ﻫﻰ ﻣﻘﺎﻟﺘﺶ ﻫﻰ ﻋﺎﻭﺯﺍﻧﻰ ﻓﺎﻳﻪ ﺑﺎﻟﻈﺒﻂ
ﺍﻟﻔﺘﺖ ﺍﻟﻴﻪ ﻭﺍﻟﺪﻩ ﻣﺘﻌﺠﺒﺎ ﻭﻗﺎﻝ : ﺍﻟﺒﻨﺖ ﻣﻦ ﺣﻘﻬﺎ ﺗﻘﻌﺪ ﻣﻌﺎﻙ ﻗﺒﻞ ﻣﺎ ﺗﻮﺍﻓﻖ ﻋﻠﻴﻚ .. ﻭﺍﻧﺎ ﺍﻟﺤﻘﻴﻘﻪ ﻣﺴﺘﻐﺮﺏ ﺍﻟﻤﻔﺮﻭﺽ ﺍﻥ ﺍﻧﺖ ﻛﻤﺎﻥ ﺗﺒﻘﻰ ﻋﻨﺪﻙ ﻧﻔﺲ ﺍﻟﺮﻏﺒﻪ
ﻋﺎﻧﻘﺖ ﻋﻔﺎﻑ ﺍﺑﻨﺘﻬﺎ ﻋﻨﺎﻕ ﻃﻮﻳﻞ ﻭﻫﻰ ﺗﺒﻜﻰ ﻭﺗﻘﻮﻝ : ﺍﻟﻒ ﻣﺒﺮﻭﻙ ﻳﺎ ﺣﺒﻴﺒﺘﻰ ﻣﺶ ﻣﺼﺪﻗﻪ ﺍﻧﻰ ﻫﺸﻮﻓﻚ ﻋﺮﻭﺳﻪ ﺍﺧﻴﺮﺍ
ﺍﻋﺘﺪﻟﺖ ﻓﺮﺣﻪ ﻭﻫﻰ ﺗﻘﻮﻝ : ﺍﻳﻪ ﺍﺧﻴﺮﺍ ﺩﻯ ﻳﺎ ﻣﺎﻣﺎ ﻫﻮ ﺍﻧﺎ ﻋﻨﺪﻯ ﺧﻤﺴﻴﻦ ﺳﻨﻪ ﻭﻻ ﺍﻳﻪ
ﺛﻢ ﻧﻈﺮﺕ ﺍﻟﻰ ﻳﻮﺳﻒ ﺍﻟﺬﻯ ﻛﺎﻥ ﻳﺘﺎﺑﻊ ﺍﻟﺘﻠﻔﺎﺯ ﻭﺍﺟﻤﺎ ﻭﻗﺎﻟﺖ : ﻭﻻ ﺍﻳﻪ ﺭﺃﻳﻚ ﻳﺎ ﻳﻮﺳﻒ
ﻗﺎﻝ ﺩﻭﻥ ﺍﻥ ﻳﻠﺘﻔﺖ : ﺍﻟﻠﻰ ﺍﻧﺘﻮﺍ ﺷﺎﻳﻔﻨﻪ ﺍﻋﻤﻠﻮﻩ
ﺟﻠﺴﺖ ﻭﺍﻟﺪﺗﻪ ﺑﺠﻮﺍﺭﻩ ﻗﺎﺋﻠﻪ : ﺍﺯﺍﻯ ﻳﺎﺑﻨﺘﻰ ﺍﻧﺖ ﺍﺧﻮﻫﺎ ﻭﻻﺯﻡ ﻳﻜﻮﻥ ﻟﻴﻚ ﺭﺃﻯ
ﺍﺑﺘﺴﻢ ﺍﺑﺘﺴﺎﻣﻪ ﺑﺎﻫﺘﻪ ﻭﻗﺎﻝ : ﺍﻳﻬﺎﺏ ﻣﻔﻴﺶ ﻏﻴﺮ ﻏﺒﺎﺭﻭﻻ ﻫﻮ ﻭﻻ ﺍﻳﻤﺎﻥ ﻭﺍﻧﺎ ﺍﺗﺸﺮﻑ ﺑﻴﻬﻢ ﺑﺼﺮﺍﺣﻪ
ﻧﻈﺮﺕ ﻟﻪ ﻓﺮﺣﻪ ﺑﺘﺴﺎﺅﻝ ﻭﻗﺎﻟﺖ : ﻭﻣﺮﻳﻢ ﻛﻤﺎﻥ ﺑﻨﺖ ﻛﻮﻳﺴﻪ
ﺍﺑﺘﺴﻢ ﻓﻰ ﺳﺨﺮﻳﻪ ﻭﻫﻮ ﻳﻘﻮﻝ : ﻻ ﻭﻣﺶ ﺍﻯ ﺑﻨﺖ ﻭﻧﻌﻢ ﺍﻟﺒﻨﺎﺕ
*********************
إلي هنا ينتهي الفصل السادس عشر من رواية إغتصاب ولكن تحت سقف واحد
تابع من هنا: جميع فصول رواية إغتصاب تحت سقف واحد
تابع من هنا: جميع فصول رواية الملعونة بقلم أميرة المضحى
تابع من هنا: جميع فصول رواية إغتصاب تحت سقف واحد
تابع من هنا: جميع فصول رواية الملعونة بقلم أميرة المضحى
تابع من هنا أيضاً: جميع فصول رواية الشرف ج1 بقلم قسمة الشبينى
إرسال تعليق
يسعدنا تلقي اقتراحاتك أو تعليقك هنا