-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية دمار قلب بقلم كنزي حمزة - الفصل العاشر

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة كنزي حمزة علي موقعنا قصص 26 و موعدنا اليوم مع الفصل العاشر من  رواية دمار قلب بقلم كنزي حمزة. 

رواية دمار قلب بقلم كنزي حمزة - الفصل العاشر

اقرأ أيضا: روايات رومانسية
رواية دمار قلب بقلم كنزي حمزة
رواية دمار قلب بقلم كنزي حمزة

رواية دمار قلب بقلم كنزي حمزة - الفصل العاشر

انها الرابعه فجرا وقف امام مرأته ينظر الي نفسه النظره الاخيره

ثم التفت الي هاتفه وامسكه بين يديه ليرسل لمعشوقته رساله قبل ان يرحل
Good morning my love beby

عارف انك نايمه دلوقتي ويمكن علي ما تصحي وتشوفي رسالتي اكون وصلت المانيا كمان

هتوحشيني اوي يا حبيبتي خلي بالك من نفسك لحد مارجع واقفل عليكي جوه حضني علطول
Goodby mylovely

ارسل الرساله واغلق هاتفه

امسك حقيبته الكبيره وچاگته الثقيل جدا وخرج من غرفته وجد خادمه يقف امامه

صقر:انا ماشي دلوقتي يا عم عبدو

عبدو: مع السلامه يا حبيبي خلي بالك من نفسك تروح وتيجي بألف سلامه

عايزك ماتسيبش الشقه وانا مش هنا وتخلي بالك من چانا

وتعمل كل اللي طلبته منك يا عبدو بالظبط
تجمعلي كل المعلومات مظبوطه زي ماطلبتها منك في سريه تامه

ومش عايز جنس مخلوق ياخد خبر بالكلام ده مفهوم

مفهوم طبعا حاضر ماتقلقش بس طمني هتعمل ايه معاها لو اتأكدت ان الكلام ده صح

هاخدها غصب عن اي حد واخفيها عن عيون الكل مش هاخلي الجن الازرق يعرف ليها طريق

بس لازم اتأكد هي عارفه وبتلعب عليا لعبه و...... ولا لاءه

طب اهدي بس ومتوترش نفسك وانت علي سفر
سلام ياعبدو سلام

وخرج من امامه وفتح باب شقته ليلتقي بحراسه الواقفين امام بابها ليلا ونهارا بامرا منه

وقبل ان يلقي عليهم اوامره فتحت معشوقته باب شقتها ووقفت تصيح له وهي تقف خلفه فقط تظهر رأسها له

چانا:صقر انت ماشي خلاص

القي يد الحقيبه لحراسه وتوجهه لها بسرعه وزجها للداخل واغلق الباب في وجههم

ليجدها تقف امامه بمنامه حريريه نبيذية اللون ذات شورت قصير ونصف ذراعها يظهر امامه
وازرارها مغلقه بالكامل تلم شعرايتها للأعلي

وقف خلف الباب يضع يده في جيب بنطاله وينظر اليها بأعجاب شديد ولكنه غضب منها

صقر:اذاي تفتحي الباب وانتي بالشكل
ده أنتي ناسيه ان فيه رجاله واقفين بره

عضدت علي شفتها السفلي بخجل واحنت رأسها للأسفل وهي تهمس له

ملحقتش البس حاجه عليا انا كنت نايمه في سريري وماسكه التليفون مستنيه لما تتصل بيا او حتي تبعت رساله

ولما بعتها محستش بنفسي غير وانا واقفه ورا الباب ببص من العين السحريه ادور عليك

اسند ظهره خلف باب شقتها وجذبها الي صدره وهو يحرر اسر شعريتها

لينفرد امامه علي كتفيهاويملس بيده الاخري علي ظهرها
وبتدوري عليا ليه بقي يا چانا

عشان اقولك اني اتعودت عليك ومش هقدر ابعد عنك اسبوع بحاله

صحيح احنا مانعرفش بعض غير من فتره قصيره اوي

لكن انت في الفتره دي خلتني معرفش اعمل حاجه من غير مارجعلك

لوعوزت او فكرت بس في حاجه مقولش غير يا صقر

انابحبك ياصقر ومقدرش استغني عنك وخايفه وحاسه اني هبقي عامله زي التايهه من غيرك في الأسبوع ده

امسك وجنتها بين يديه وقرب ثغره من وجهها وبدء يقبل كل انش فيه

جايه دلوقتي تنطقيها ياشيخه حرام عليكي عارفه لو كنتي قولتيها من بدري كان زماني لغيت كل الحدود بينا

ولا استنيت اسبوع ولا نيله لينظر الي كرزيتيها ويهمس خلاص مش قادر اصبر اكتر من كده وخصوصا بعد ماقولتيها

ليقطف من رحيق شهدهم مايروي ظمأه وينسي الوقت وينسي طائرته كل مايتزكره معشوقته التي تجاوبت معه ويحملها بين يديه

ويقف بها اخرجه من دوامة عشقه هذه بعد نقرات خفيفه علي الباب من الحارس الشخصي له

ياخبر ابيض ميعاد الطياره فاضل عليه نص ساعه عاجبك كده التأخير ده

لو عليا مش عايزاك تسافر اصلا

هانت يا روحي كلها الاسبوع ده وبعد كده هنبقي مع بعض علي طول باي حبيبي خلي بالك من نفسك

التفت ليخرج من الباب لكنها تمسكت به

هاتكلمني كل يوم مش كده

هاه احتمال اول يوم او يومين بس اعرف اكلمك بس بعد كده مش هعرف

طب حتي ابقي حاول عن طريق النت

زجها بيده للداخل وهو يشير لها بغضب

وبعدين قولت ايه انا هاحاول ياستي يلا باي بقي وماتخرجيش ورايا كده

حاضر باي حبيبي ارجعلي بسرعه ابتسم لها ورقص قلبه من الفرحه

واخيرا ما اغلق الباب وامر حارسه بالتحرك بالحقيبه امامه والاخر بعدم التحرك من امام الباب

تخلي بالك من الهانم كويس جدا تبقو معاهاوقت خروجها للكليه

بس حمايه من بعيد مش عايزكو تخنوقها وماتروحش في حته غير الكليه هي عندها علم بكده محدش يدخل هنا غير صاحبتها بس اوامري تتنفذ لحد مارجع مفهوم

الحارس:طبعا تحت امرك يا باشا

واخيرا ما ذهب واغلق باب المصعد ليختفي عن عينها التي كانت تراقبه من خلف الباب وهو يأمرهم بحراستها

جرت الي الشرفه المطله علي مدخل العماره حتي تراه
ولكن كيف تراه من كل هذا الارتفاع

فأمسكت الهاتف وفتحت كاميرته وقربتها اكثر واكثرعن طريق الzoom in

لتراه يترجل بكل هيبته وسط حراسه ويركب سيارته ومن الخلف ليدير السائق السياره ويذهب من امامها
//////////////////يا مقرب القلوب قربني علي حبك وحسن عبادتك يا الله

العاشره صابحا بتوقيت جرينتش يقف الان مع صديق والده في مطار برلين

بعد ان هبطت الطائره علي ارض تلك المدينه المركزيه العامله

ياسين:حمدلله علي السلامه يا صقر
الله يسلمك ياعمي شوفت صاحبك علي الطياره

اه شوفته بس قولي ناوي تسيبه يدخل في الصفقه بجد ولا هاترجعه ايده فاضيه

لاء وحياتك عندي لدوقه حته من التورته واديله النايب الكبير كمان

ههههههههه تمام اوي يا بوص يا كبير قولي بقي بعد من نخلص النهارده اجتماعنا هنبات هنا ولا هنعمل ترانزيت في المطار ونطلع علي روسيا

لاء هنبات ونبات معاه في نفس الفندق كمان عشان مش عايزه يشك في اي حاجه

ابن ال.... انا عارف انه ناشر جواسيس حواليا وعايز يعرف اي معلومه عني بس وحياتك نهايته قربت

واوي كمان يلا بينا دلوقتي نطلع علي الشركه عربيتهم وصلت

والناس بتوعهم واقفينا في انتظارنا اهم

يا اخي كانوا اجلو ساعه ولا اتنين علي بال مانرتاح ايه الناس دي هما ناسين اننا جاين من سفر خمس ساعات

الالمان مابيهظروش في الشغل ياياسين باشا ماعندهمش الكلام ده وانت لو كنت عايز ترتاح كنت جيت قبلها بيوم

وانا هاخلص من لسانك يابن عز مانت زي ابوك يلا ياخويا
/////////////////////استغفرك ربي واتوب اليك

ممكن اعرف انتي قاعده منكده علي نفسك وعليا عيشتي كده ليه

يعني جيتي الكليه متأخره ومحضرتيش المحاضره الاولي وقولت ماشي

فضلتي طول اليوم قاعده في الكافتريا ومتنيلتيش حضرتي ولا محاضره ليه بقي انشاء الله

وبتتنيلي تعيطي ليه دلوقتي يا چانا

صقر سافر النهارده الفجر يا اميره عاااااااااا

يخرب بيت صوتك انتي هابله يابيت ماحنا كلنا عارفين انه مسافر اسبوع وراجع تاني يوصل بالسلامه ياستي بتعيطي ليه بقي

ماهو المفروض يكون وصل من بدري الطيران من هنا لألمانيا بياخد خمس ساعات

وهوسافر الساعه خمسه يعني المفروض يكون وصل عشره والساعه بقت تلاته ولحد دلوقتي لسه مكلمنيش عاااااااااا

ماتبطلي بقي حنجرتك دي شويه في وداني يا شيخه يا بنتي يمكن نام ولا انشغل وقال هيكلمك لما يخلص شغله

مازن : مالكم قاعدين كده ليه

اميره :عااااااا ياماما هما بيطلعو امتي دول ايه يا عم طلعت منين انت كمان

ايه يا شرس في ايه اتخضيت زي البنات ولا ايه ماتظبط كده لظبطك انا ودي مالها ناصبه مناحه كده ليه دي كمان

احترم نفسك يا مازن واتكلم بأسلوب احسن من ده لو سمحت وملاكش دعوه بصاحبتي انا بقولك اهو

نزلي ايدك من وشي يا هابله لعضك زي ماعضدتيني قبل كده

وانتي مالك چانا بتعيطي ليه ياحبيبة صاحبي قوليلي

بعيط علي صاحبك يا مازن عااااااااااااااا

مازن بخضه: هو مات صقر مات ماقليش والله ماعرف حصل امتي مات ازاي

ينهار اسود طب وابويا دا ابويا كمان معاه انتي
عرفتي الخبر المنيل ده منين ينهار اسود ومنيل بستين نيله

ياحبيبي يا بمبو صقر مات ازاي الدب بتاعي مات ازاي ياحبيبي يا صاحبي

چانا بهجوم عليه :موته لما تخدك يا بعيد ايه اللي بتقوله ده انت ايه غبي مش بتفهم

نظر الي الاخري التي كانت تقف تضحك عليه وتومئ له براسها

مازن:مش هي اللي بتقول بتعيط عليه

اميره: عشان متصلش بيها لحد دلوقتي وهي قاعده من الساعه تسعه في الكافتريا مستنيه مكلمته ومتعرفش عنه حاجه

كل ده عشان ماتصلش طب يا ستي ماتزعليش علي العموم هو وصل

بس اول ما وصل انشغل بصراحه وبدؤو اجتماعتهم

چانا:وعرفت منين بقى

بابا لسه مكلمني حالا والله وقالي حتي انه لسه داخل اوضته في الفندق وساب صقر يكمل هو باقي الشغل

هبت من علي المقعد وامسكت حقيبتها واخذت مفاتيح سيارتها وقررت ان ترحل من امامهم

طيب انا ماشيه سلام بقي

اميره: ماشيه ليه خليكي قاعده معايا شويه مش اطمنتي عليه

معلش انا ماليش مزاج لحاجه خالص سيبني علي راحتي يا أميره باي يا مازن

باي مع السلامه لو عوزتي حاجه اتصلي بيا

تركتهم وذهبت بسيارتها ومن خلفها الحرس الخاص بها لتجلس اميره مكانها تضع يدها اسفل وجنتها

وتنظر لطيفها بحزن وتهمس:حبيبتي ياچانا معقوله حبتيه واتعلقتي اوي كده

مازن :ومش معقوله ليه بس هيييييييح والله احنا نتحب بسرعه بس اللي يفهم ويقدر

ايه ده هو انت كل حاجه تحشر نفسك فيها كده علي فكره الكلام بقي ماكنش يخصك اصلا

غمز لها بطرف عينه وهو يبتسم ويمد كفه لها حتي تضع يدها بداخله

هايخصني يا قلبي وقريب اوي هاتقوليه يلا بينا بقي عشان نلحق نتغدي سوي قبل ميعاد البريك مايخلص مش في اتفاق بينا ولا ايه

احنا قولنا هدنه نتعرف علي بعض حصل هنكمل محصلش مش هتغصبني علي حاجه انا مش عايزاها صح

تمام وانا قولت حاجه بس هيحصل يا قلبي انا متأكد يلا بقي
طب ايه رأيك انا اعرف مطعم هندي بيعمل اكل مشطشط انما ايه جميل جدا

لاء شطه ايه انا ماليش في الهيبره بتاعتك دي يا شرس اهدي كده الله يرضي عنك وتعالي ناكل اي حاجه سريعه.

سريعة ايه وبتاع ايه يا مازن تعالي بس والنبي وانت شبه الهنود اصلا بعرف الديك اللي انت صابغه ده ههههههههه.

عرف الديك خدتي انتي عليا اوي يا اميره بس برضو مافيش اكل هندي

ثم همس:هندي ايه الله يخرب بيتك انا عندي البوسير
/////////////بقلمي/كنزي حمزه(مياده)

جالسه في غرفتها تراجع بعض الملازم الدراسيه الخاصه بها

ولكنها في الحقيقه تنتظر كل دقيقه رنين هاتفها الذي لا يريد ان يسعد قلبها حتي الان

الي ان دلفت اليها خادمتها الجديده بكوب من الحليب وبعض السندوتشات

چانا:شيلي الحاجات دي من هنا يا امل انا مطلبتش حاجه ومش عايزه حاجه.

ست لبني قالتلي ان صقر باشا وهو بيكلمها هو اللي قالها تعملك كده

وبيقولك ماتزعليش عشان كلم ماما قابلك بس ده عشان هو مشي من غير ما يسلم عليها

واذا بها تجري من امامها الي والدتها وهي تحدثه عبر الهاتف

لبني:مش عارفه بقي دي ممكن تقتلني والله لو قفلت من غير ما تكلمها

. ....................

صقر اوعي تعمل كده حرام عليك دي مبطلتش عياط من الصبح طيب يا حبيبي سلام

اوعي تقفلي يا ماما قفلتي ليه انا كنت عايزه اكلمه

لبني:روحي اغسلي وشك وافتحي اللاب توب بتاعك عايز يشوفك يلا روحي

جرت من امامها وفعلت مثلما طلبت منها وجلست علي فراشها فتحت هذا الجهاز الخاص بها لتجده يصدح اصوات اتصال معشوقها

صقر

قلب صقر عيونه روحه وحشتني يا بيبي ياصغنن انت

انا زعلانه منك ومخصماك ومش هكلمك كمان

كل ده طب حد يهون عليه حبيبه كده والنبى

يعني انت وصلت من الساعه عشره الصبح فكرت تكلمني غير الساعه تمانيه باليل يبقي مين بقي اللي هان علي التاني

عمرك ماتهوني عليا ابدا يا حبيبتي بس والله ما ارتحت من ساعة مانزلت برلين

انا مطحون في الشغل من الصبح ياحبيبي ولسه راجع حالا انتي بقي ليه العياط ده كله شايفه عنيكي منفخه ازاي

امممم هي ماما لحقت قالتلك

ومازن كمان قالي وقالي انك ماحضرتيش ولامحاضره وقاعدتي طول النهار في الكافتريا
وكلامي ماتنفذفش منه حاجه

ايه ده هو حضرتك مشغلهم جواسيس عليا لحسابك ولا ايه يعني مش كفايه الحرس

كل اللي بتقوليه ده مايهمنيش جواسيس مش جواسيس قولت تروحي كليتك تحضري المحضرات وترجعي مش تروحي تقعدي في كافتريات هناك لوحدك

لمحت نظرة الغضب التي بدأت تتجمع في عينه فاقبلتها بحزن وعبرات تسترسل من عيناها لترقق قلبه عليها مره ثانيه

بتعيطي ليه دلوقتي بس انتي ليه غاويه تعذبيني وتصعبي الامور عليا كده

قولتلك مليون مره قبل كده لما اكلمك تردي عليا

چانا بصراخ :متذعقليش كده ماهو لو حضرتك كنت اهتميت بيا حتي خمس دقايق بس

بعتلي حتي رساله تطمني انك وصلت انا لا كنت روحت الكافتريا ولا سيبت محاضراتي وقعدت الوقت ده كله اسنني اتصالك

بدأ يهدء ويبتسم لها:يعني دلوقتي طلعت انا الغلطان وكمان مش بهتم بيكي

لم ترد ولفت وجهها للجهه الاخري

طيب بما انك قررتي تتبعي معايا الاسلوب الوحيد اللي مش بحبه فانا هأفل يا بيبي

واحب اقولك اني مش هاعرف اتصل بيكي تاني لحد مارجع

نظرت له بحزن وازدادت دموعها

طب اعمل ايه مانا مش جامبك عشان اخدك في حضني واهديكي

وكنت ناوي اسيب الكاميرا مفتوحه بينا كده للصبح بس انتي بقي اللي مش عايزه

وجدته يتجه امامها الي زجاجته ويسكب منها في كأسه ويتجرعه بالكامل امامها

انت بتشرب خمره ليه دلوقتي

هههههه مافيش اصلي مدايق شوايه وحبيبي مش جانبي عشان يهديني فبدور علي البديل

وهو كاس خمره بالنسبة ليك بديل كافي ليا
عادي ممكن تستغني عني وتقفل معايا وتقعد تشرب براحتك مش كده

نظر بطرف عينه الي الشاشه التي تظهر صورتها امامه وامسك تلك الزجاجه المتلئه الباهظة الثمن وتوجه بها اليها مباشرة

ولا مليون ازازه نبيذ زي دي تبقي بديل عندي ليكي انتي يا حبيبتي

واذا به يقذف بالزجاجه في الجدار الذي امامه لتتهشم الي قطع صغيره امام عيناها ويكمل

بغضب:ها مبسوطه كده

كانت تقريبا مرعوبه بمعني الكلمه ولكنها قررت ان تمتص ذلك الغضب بكلمه واحده

انا بحبك يا صقر ومش بحب اشوفك وانت شارب

كم انتي زكيه عنيدتي
تعرفين من اين تكسبيني

اترودين الليث بعد ان دخلتي عرينه

ام تقتليه بحبك وانت تمرحين
جلس علي المقعد بهدوء امامها وكأنها تسحره بكلمتها

وانا كمان بحبك يا قلب صقر بس ليه تعملي فيا كده ليه توصليني لقمة غضبي

انا مش عايز ازعلك ولا اديقك مني بس ده شغلي غصب عني ياروحي

والله لو كنت اقدر اخدك معايا ما كنت هاسيبك لحظه واحده

وضعت الاب توب علي الفراش بجانبها وتمددت ووضعت رأسها علي وسادتها ومازلت عبراتها تبلل وسادتها

ياريت يا صقر ياريت

صقر بمكر:يعني لو جيت بعد اسبوع واتجوزنا
واخدتك وسفرت لوحدنا مش هتقوليلي لاء

صمتت قليلا تفكر وهتفت :شهر عسل يعني لاء طبعا مش هارفض

شهر عسل بقي شهرين سنه ان شالله العمر كله انا معنديش بعد الجواز اختيارات يا بيبي الكلام اللي هقوله هيتنفذ

چانا بخوف :وماما يا صقر انت عارف اني ماقدرش استغني عنها

ومين قال ان انتي هتستغني عنها بس معروفه يعني يا بيبي اي بنت بعد الجواز بتسيب بيت اهلها وتروح بيت جوزها مش كده ولا ايه

وهو فين بقي بيت جوزي ده ان شاء الله مش لما اعرف مكانه الاول

البيوت كتير يا روحي ماتقلقيش في مصر وبره مصر كمان والمكان الي يعجبك اقعدي فيه المهم عندي انك تكوني مبسوطه

بس انا مش هكون مبسوطه وانا بعيده عن ماما

تنهد بعدم صبر فيبدو ان هذه العقبه لن تزال من امامه بسهوله

ماشي حبيبي اما ارجع من السفر هاشوف الموضوع ده

ومن هنا لحد مارجع ياريت بقي كلامي يتنفذ تروحي الكليه تحضري المحضرات وترجعي علي البيت يا كده يابلاش خروج من اصله

اوووف بقي

ايه بتقولي ايه

بقول حاضر حاضررررررررر
*********************
إلي هنا ينتهي الفصل العاشر من رواية دمار قلب بقلم كنزي حمزة
تابع من هنا: جميع فصول رواية دمار قلب بقلم كنزي حمزة
تابع من هنا أيضاًجميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة