U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية دمار قلب بقلم كنزي حمزة - الفصل الثانى والعشرون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة كنزي حمزة علي موقعنا قصص 26 و موعدنا اليوم مع الفصل الثانى والعشرون من  رواية دمار قلب بقلم كنزي حمزة. 

رواية دمار قلب بقلم كنزي حمزة - الفصل الثانى والعشرون

اقرأ أيضا: روايات رومانسية
رواية دمار قلب بقلم كنزي حمزة
رواية دمار قلب بقلم كنزي حمزة

رواية دمار قلب بقلم كنزي حمزة - الفصل الثانى والعشرون

فات شهر دلوقتي وهو مالوش اثر لسه قافل تليفوناته ومش عارف اوصله خالص

اطمن يا مازن احنا لسه قدمنا وقت القضيه مش هيتحكم فيها دلوقتي

هي قضيه واحده اتصرف يامتر بقي ابويا حالته النفسيه بقت وحشه قوي

الدكاتره بيقولو انه داخل في دور اكتئاب والعزل الانفرادي ده بيسوء حالته اكتر

ماهو للأسف بسبب قضية التخابر الجهاز رافضين ينقلوه المستشفي

بس لو يظهر صقر لو اعرف اوصله كنت عرفت اخليه يعمل حاجه ان شالله حتي وطيت علي رجله بوستها عشان يشيل التهمه دي بالذات

حاول تاني يا مازن وانشاء الله خير اطمن انت بس

اطمن اطمن انت معندكش غير الكلمه دي اعمل حاجه بقي

////////////////////اللهم إني أعوذ بك من شر الفتن

دلف عليها غرفتهم ليجدها تمسك هاتفها المحمول بضيق

تحاول مراراً وتكررا وهي منزعجه ليصرخ في وجهها وهو مندهش

بتعمليي ايه يا عملي الأسود في الدنيا بتطلبي مين يا چانا

جاوبته دون مبلاه وهي تشير بيدها بعدم اهتمام

اوف بقي اسكت شويه ياصقر بطلب اميره دي عاشر مره دلوقتي اطلبها وتليفونها علطول مقفول مش عارفه ليه

جلس علي الفراش يضرب وجهه بكفيه ويستغفر ربه

يعني انتي طلبتيها قبل كده عشر مرات

اه والله واكتر كمان دانا كل يوم بحاول اتصل بيها وبردو تليفونها بيديني مغلق

تفتكر غيرت رقمها بس لو كانت غيرته مش كانت بعتته ليا بس مانا كمان غيرت رقمي وهي متعرفش الرقم الجديد

بس بقي اخرسي انتي ايه يا شيخه عايزه تجنيني

ايه في ايه بتزعق كده ليه

هجم عليها كالليث الذي ينقض علي فريسته وجذبها من شعرها يحني رأسها في وسادتها

يعني اموتك دلوقتي واخلص منك ولا اعمل ايه بس يا ربي

هو انا مش منبه عليكي ماتتصليش بحد بدل المره مليون مره

اوعي كده سيبني انا حامل يا مجنون انت

ماهو آللي حايشني عنك حملك ده والله كان زماني خلصت منك

هههههههه كداب يا حبيبي دانت بتموت فياوبتخاف عليا من الهوي

ولما انتي عارفه كده بتعملي عكس اللي بقولك عليه ليه

انا عملت حاجه

لا يا شيخه انتي عايزه تجنيني يا بت انتي

استني بس بهدوء كده مش انت غيرتلي رقم الموبايل بتاعي ومحدش يعرف رقمي الجديد

يا سلام علي النصاحه بتاعتك ماهي ممكن تديه لجوزها اللي زمان جدي وصله دلوقتي بسهوله

واللي اكيد عايز ينتقم لأبوه بأي طريقه

صعقت مما تفوه به ونظرت اليه بريبة خاشيه من ان يكون هو من فعلها

انزلت يده من عليها ونظرت اليه وهي مندهشه

مازن عايز ينتقم لباباه ومنك انت طب ليه وانت ايه علاقتك بموضوع باباه يا صقر

اوعي تكون انت لالا لا مستحيل انت اللي لفقتله التهمه دي

ايوه انا اخدت حقي زي ماهو شارك في قتل امي

مش ممكن تكون عملت كده وانت عارف مين هو القاتل الحقيقي

وبعدين ايه علاقة تهمة القتل بالتهمه المنسوبه ليه دي انت خليت العالم كله يعرف انه خاين لبلده ياريتك كنت قتلته كان ارحم

هو يعني كان شيخ جامع ده تاجر سلاح تعبان بيتلون بمية وش

وانت فرقت ايه عنه مانت غدرت بيه بردو

لو مكنتش عملت كده كان هو هيغدر بيا الأول

وليه تفكر كده لو انت متأكد انه كان ليه يد في قتل مامتك يبقي تبلغ عنه في قضية القتل لكن تسجنه في تهمه زي دي تأذيه هو وعيلته كلها يبقي حرام عليك

بطلي فلسفه وملكيش دعوه بالموضوع ده ياريت تسمعي كلامي ومتتصليش بحد والا هاخد منك الموبايل تاني

خده ومش عايزه منك حاجه انا اصلا بقيت اخاف منك ومن اسلوبك ده الاول ابويا وبعدين ابو مازن والدور هايجي علي مين تاني

انتي قصدك ايه يا چانا

قصدي انك ملاكش امان بتقلب على اعز الناس ليك مش بعيد لما تزهق مني تدور لي انا كمان علي مصيبه تاخدني

انتي واعيه للكلام اللي بتقوليه هو انتي مش عارفه انتي بالنسبه ليا ايه

التفتت الي الجهه الاخري ولم تجيبه كالعاده

ليديرها اليه بقوه وهو يصيح في وجهها

ردي عليا وبطلي اسلوبك ده انتي عايزه ايه دلوقتي

نظرت في عينه والعبرات تغرق وجنتيها ولم تتحدث

انا بعمل كل ده عشانك انتي ببعد عنك اي حد ممكن يكون سبب في ازيتك

تحدثت وهي تشهق من كثرة البكاء

مش مكفيك قضية القتل وتجارة السلاح عشان يبعدوه عننا

بطلي عياط قولتلك مالكيش دعوه ده شغلي انا

يبقي انت كمان ملاكش دعوه بيا من دلوقتي ومتتكلمش معايا خالص

چانا ماتعصبنيش وتخليني اعمل حاجه تندمي عليها

عادي بعد كده هاتوقع منك اي حاجه حتي لو كان فيها ازيتي مش هاستبعدها

كده يا چانا طيب بس خليكي فاكره انك انتي اللي بدأتي بالعند

تركها وذهب خارج الغرفه ليتقابل مع والدتها اسفل الدرج

الله مالك يا صقر في ايه ورايح فين وانت غضبان كده

رايح في ستين داهيه وابقي اسئلي بنتك العقله اوي ايه اللي مخليني غضبان كده

//////////////////استغفرك ربي وضعت جنبي وبك أرفعه

فتح باب الشقه وتوجه الي تلك الغرفه الموصوده عليها بأحكام ليفتح بابها ايضا ويدلف اليها وجدها نائمه علي الفراش

ووجها شاحب يميل الي الاصفرار والطعام بجانبها علي الطاولة لم تلمسه

جلس بجانبها وظل يعبث في شعرها وهو يتأملها بحب وحزن

ليه يا اميره ليه بس توصليني لاني اعمل فيكي وفيا كده عاجبك اللي وصلنا ليه ده

شهر دلوقتي وانتي بعيد عن حضني

لم تشعر به لم تستيقظ لمس وجنتها وانفزع من اثر لمسته هذه

كانت مثل لوح الثلج جسدها بارد جدا متشنج

هزه برعب عليها انها ليست نائمه بل هي فاقدة الوعي

اميره اميره فيكي ايه عملتي في نفسك ايه

وضع يده اسفل رأسها وكاد ان يضع الاخري اسفل قدميها ليتفاجئ بالدماء تغرق ملابسها

انها تنزف بغزاره كانت تتألم طيلة الوقت وهو بعيد عنها.

ارتعب قلبه عليها وحملها بين يديه وجري بها الي سيارته وذهب بها الي اقرب مشفي

حملها بين يديه سريعا وجري بها الي الداخل وهو
يصرخ

حد يساعدني بسرعه مراتي بتنزف وهاتروح مني

تجمع حوله بعض الاطباء والممرضين واخذوها منه علي فراش الطورئ النقال ودلفو بها الي داخل الغرفه

وقف بالخارج ينتظر بقلق حتي خرج له الطبيب

خير يا دكتور مالها اميره فيها ايه.

انت جوزها ايوا انا جوزها

ربنا يعوض عليكو المدام كانت حامل والحمل ماكملش

وقف مندهش مما قاله له ويهمس

كانت حامل

ايوا انتو مكنتوش لسه تعرفو ولا ايه علي العموم معلش انتو لسه صغيرين ربنا يعوضكو ان شاء الله

احنا علقنا ليها محاليل لأنها ضعيفه اوي بصراحه وشويه كده وبعد مانعمل ليها اللزم هاننقلها أوضه
تانيه وتركه وذهب

ليظهر علي وجهه علامات الغضب والقسوة

في الاول تحبس ابويا وتحرمني منه يا صقر ودلوقتي تحرمني من اني افرح بحمل مراتي واني اكون اب

//////////////بقلمي/ كنزي حمزه(مياده)

جلس داخل حجرة مكتبه يراجع ما قالته له كان كالمغيب عندما امسك الهاتف بين يديه

وقرر ان يفعل لها ما تريد فهو في كل الاحوال لا يقوي علي خصام معشوقته

الو ادهم باشا ازيك يا سيادة اللوا
.......................
الحمد لله يعني يومين كده وهاجي القاهره
...................
عيب ياسيادة اللوا انا لو اختفيت عن العالم كله انت هتكون عارف بردو انا فين
...........................
اخباره ايه انا بقول كفايه عليه كده
........ .....
لاء القضيتين التانين ماشين زي ماهما لكن تهمة التخابر متهيألي كفايه عليه كده
.......................
اوكي يا باشا في انتظار تليفون سعادتك مع السلامه

اغلق الهاتف ووقف من علي مكتبه ليذهب الي من سلبت قلبه منه ولا يقوي علي خصامها

/////////////////ان الله ورسله يصلون على النبي يا أيها الذين آمنوا صلوا عليه وسلموا تسليما

طب ممكن تقوليلي بتعيطي ليه انا مش فاهمه منك حاجه يابنتي

براحه كده واهدي انتي لسه في الشهر الرابع والعياط ده وحش عشانك يا چانا

مافيش حاجه يا ماما سيبيني انا عايزه انام.

تنامي ايه بس وانتي زعلانه كده طب هو انتي اتخنقتي انتي وجوزك ليه بس

يوووووه قولتلك مافيش يا ماما

دلف عليهم الغرفه وهو ينظر لها بحب ولكنها التفتت للجهه الاخري بغضب

وقفت والدتها امامه وهي تبتسم له واتجهت للخارج وهي تربط علي كتفه.

ربنا يهدي سركم ادخل يا حبيبي وانا هانزل اخليهم يحضرو ليكم العشا

ابتسم واومئ برأسه لها دون ان يتحدث لتغلق الباب من خلفها ويجلس هو بجانب حبيبته علي الفراش

احني رأسه واستند بمرفقيه علي قدمه

خلاص متزعليش حقك عليا
.
انتي عارفه انك اغلي حاجه عندي وعارفه اني مش هقدر علي خصامك
.
چانااااا ردي عليا وماترفزينيش تاني

والمره دي هتعمل ايه هاتضربني يعني اتفضل اضربني يلا

لاء مش هضربك هاخدك في حضني وأضمك جامد كده

جذبها علي قدمه واحتضنها جيدا وهو يقبلها

اوعي كده سيبني انت مش بتحبني

صح مش بحبك انا بعشقك يا قلبي

لو كنت بتعشقني صحيح كنت تبعد عن جو المجرمين ده

كل ما أقول انك بقيت كويس القيك رجعت للحاجات دي تاني

خلاص يا ستي عملت ليكي اللي انتي عايزاه والتهمه دي هيطلع منها بس هيتحبس علي التهم التانيه

بجد اهو انت كده حبيبي واحسن واحد في الدنيا

طب وحبيبك ده بقي مايستهلش مكفأه ولا هيفضل محروم منك كده

اممممم قول كده بقي طب بس بشرط

لاء من غير شروط ماتخفيش يا روحي انا أكتر واحد بيخاف عليكي في الدنيا دي

ظل يداعبها ويهمس لها بكلامته العاشقه الي ان اتم كل شئ واستقرت بوجنتها علي صدره العاري

وهو يدثرها بالغطاء جيدا ويملس علي بطنها البارزه بعض الشئ بيديه

رن هاتفه الموضوع بجانبه علي الكمود فالتقته وفتحه وتحدث

ادهم باشا
......... ... .......
ايه بتقول ايه ازاي ده حصل
.......
آ غلق الهاتف وهو منزعج وابتعد عنها واقفا يلملم ملابسه سريعا.

في ايه يا صقر مالك اتنفضت كده

ياسين الوزان

ماله

لقوه منتحر في الزنزانه بتاعته

شنق نفسه
*********************
إلي هنا ينتهي الفصل الثانى والعشرون من رواية دمار قلب بقلم كنزي حمزة
تابع من هنا: جميع فصول رواية دمار قلب بقلم كنزي حمزة
تابع من هنا أيضاًجميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة