مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة كنزي حمزة علي موقعنا قصص 26 و موعدنا اليوم مع الفصل الخامس والعشرون من رواية دمار قلب بقلم كنزي حمزة.
رواية دمار قلب بقلم كنزي حمزة - الفصل الخامس والعشرون
رواية دمار قلب بقلم كنزي حمزة - الفصل الخامس والعشرون
فتح عينه وجد نفسه ممدد علي الفراش وذلك الطبيب يقف امامه
دكتور فؤاد هو ايه اللي حصل
اوف الحمد لله انك بخير خضتنا عليك يا راجل
انفزع من رقدته يبحث عنها
هاه هي فين راحت فين
هي مين يا عبدو هو كان في حد معاك هنا في الاوضه
ايوه چانا هانم مرات صقر باشا كانت مستخبيه هنا عشان تعرف تشوفه
وايه اللي يخليها تستخبي هنا وايه اصلا اللي هيجيب صقر هنا
ازاي الكلام ده هو انت مش كنت لسه عامل ليه عمليه وامرت بنقله العنايه
انت بتخرف بتقول ايه يا راجل انت عملية ايه دي اللي عملتها لصقر وازي هاعمله عمليه وهو مدخلش المستشفي اصلا
مدخلش المستشفي ! انت بتقول ايه يا دكتور فؤاد صقر كان جاي هنا مصاب بطعنه سكينه
ودخل العمليات وقعد فيها زياده عن اربع ساعات وانا جيت انا ومراته عشان نطمن عليه يبقي ازاي حضرتك تقولي مدخلش المستشفي اصلا
بس يا راجل يا مجنون انت اللي من امبارح مش في وعيك وبنعتني بيك تقوم تخترع حكايه محصلتش اصلا انت جالك زهايمر ولا ايه يا عبدو
كاد ان يصيح في وجه وينفي ذلك الكلام
انا اااا.
الا انه نظر اليه نظرة لأام وصمت وأحني رأسه
////////////////////////ان الله وملائكته يصلون على النبي يا أيها الذين آمنوا صلوا عليه وسلموا
مخزن ممتلئ بقطع السيارات وبأخره غرفه صغيره بها فراش صغير وبابها اشبه بباب حديدي لزنزانه في قسم شرطه
لا يوجد بها نافذه فقط طاقه صغيره اعلي جدارها يدخل منها الهواء وخيط رفيع من خيوط الشمس
كان يحصد تلك الغرفه الصغيره ذهابا وايابا يكاد يجن من كثرة التفكير
الي ان دخل عليه رئيس الحرس يحمل علي يده الطعام له
اتفضل الغدا يا مازن باشا الله انت بردو مفطرتش
مش عايز زفت انا عايز اخرج من هنا افتح الباب ده وسيبوني امشي وألا مش هيحصل ليكو طيب
هتعمل ايه يعني بقولك ايه يا باشا ماتهددناش انت عارف كويس لولا
الاوامر اللي خدناها من صقر باشا ويمين الله كان زمانك محصل ابوك دلوقتي
رفع يده وبكل قوته انزلها علي وجنته وهو يصرخ فيه
انت بتطاول عليا يا حيوان اقسم بالله لدفعك تمن كلامك ده
استشاط الآخر منه وكاد ان يرد له تلك الصفعه الا انه تذكر تنبيهات رئيسه واخذ نفسه بهدوء
مقبوله منك بس عشان خاطر صقر باشا اللي وصانا ان محدش مننا يقربلك لحد ما يشد حيله ويجيلك بنفسه
وانا مستنيه والمره الجايه مش هاسيبه لغاية مانهي حياته
هانشوف مين اللي هينهي حياة التاني باﻻذن يا باشا
////////////////حسبك ربي وكفي
عرفتي حاجه عنه يا أميره
ابدا يا ماما انا هاتجنن من القلق عليه دا مارحش الشركه خالص امبارح والحرس بتوعه بيقولو انه راح لصقر الشركه
صقر هو ظهر طب وبعد ما كان عنده راح فين
الغريب انهم بيقولو ان هما الاتنين اختفو من الشركه
يعني ايه اختفو خرجو ازاي وهما ماشوفهوش
الحرس بيقولو ماخرجوش آدمهم وكمان الحرس بتوع صقردخلو الشركه واختفو
يانهار احسن يكون صقر عمل في ابني حاجه دا كده يبقي خطفه منك لله يا صقر يا جبالي ضيعت ياسين وهتضيع ابنه كمان
اكيد لاءه يا ماما ماتقوليش كده ان شاءالله مش هيحصل ليه حاجه
يا رب يا بنتي ربنا يطمنا عليه
////////////////////اللهم اني اسألك علما نافعا ورزقاً طيبا
حمدلله علي السلامه يا عبدو انت رجعت لوحدك ليه
لم يقوي علي البوح لها بما حدث سوف ينكر حتي لا يقلقها هي الاخري يكفي ما هو فيه لن يستحمل اي قلق اخر
الله يسلمك يا لبني هانم ايوه رجعت لوحدي اصل صقر قالي ارجع وچانا قعدت معاه هناك
طب واحنا هنقعد هنا ليه مانسافر ليهم احنا كمان
اصلهم سافرو
سافرو؟سافرو ازاي دي چانا قالتلي اني صقر متصاب وكان في العمليات ازاي سافر وهو تعبان كده
بنبرة مهزوزه جاوبها وهو يزيح عينه عنها
لاء الاصابه مش خطيره يعني وهو امر بكده قال ينتهزها فرصه ويرتاح شويه من تعب الشغل وكمان يفسح چانا شويه
طب سافرو فين مش كانو كلموني يطمونني الاول
لبنان سافرو لبنان وبعدين هي اول مره مانتي عارفه صقر لما بيطلع في دماغه حاجه بيعملها
////////////////استغفرك ربي واتوب اليك
اين ارون اين هو لماذا لم تأتو بحفيدي
صرخ في وجوههم زعيم المافيا يعلم جيدا انه برغم ماكان به تفوق عليه
كيف هرب منه وهو ليس بوعيه
كيف امن زوجته وحماها منه
كيف اخفاها ومن الذي سانده في ذلك
سيدي نحن كنا مسيطيرين علي الموقف بالكامل ولكن
ولكن ماذا هاه اي موقف كنتو مسيطرين عليه وما النتيجه
انا اقول لكم النتيجه الان هي اني لا اعلم اين حفيدي وزوجته هل هو بمأمن الان ام من طعنه اول مره قتله وانتهي امره
اذهبو من امامي ارجعو الي القاهره واقلبوها بالكامل لن ارحم اي منكم ان لم تأتو لي به هو زوجته
ويكونو بخير اتسمعونني جميعا سأقتلع رؤوسكم وازين بها اسوار القصر ان لم اراه امامي
بأمرك سيدي
//////////////////////////بقلمي/ كنزي حمزه(مياده)
لم تستيقظ من غوفتها مازلت فاقده للوعي تشعر بألم في رأسها وجسدها
ولكن برغم المها الا انها كانت مطمئنه مستكينه وكأنها متأكده انه يحميها داخل احضانه
فتحت عيناها وجدت نفسها ممده علي فراش داخل غرفه غريبه عليها
واشعة الشمس الذهبيه تتسلل من خلف الستائر المعلقه لتداعب وجهها
ولكن كيف جائت الي هنا بدأت تتفحص تلك الغرفة وتلتفت الي اليمين لتتقابل بعينها مع وجه من عشقته وأحبها حتي فرط قلبه
ص ق ر
خرجت من فمها حروف اسمه متقطعه وهي مندهشه من رؤيته
قلب صقر
حمدلله علي السلامه يا كسلانه كل ده نوم انتي بتعملي احلي دماغ لما بتشمي المخدر يا بيبي
قفذت من بين زراعيه وبدون ان تشعر اتأكت علي معدته وهي تصرخ
يا حبيبي يا صقر انا مش مصدقه اني شيافك ادامي دلوقتي انت عايش وانا معاك يا حبيبي
بصوت متألم اجابها وهو يضع يده علي جرحه
شكله موتي هيبقي علي ايدك انتي مش تحاسبي يا هبله
يا خبر انا اسفه يا يا حبيبي ما كنتش اقصد والله لكن اذاي ده فهمني ايه اللي حصل واحنا فين هنا
احنا في المستشفي انتي مش واخده بالك من الاسلاك المتعلقه في دراعي ولا ايه
يعني احنا لسه في مستشفي الدكتور فؤاد طب يلا نمشي من هنا احسن في رجاله دخلو وخدروني ومحستش بحاجه بعد كده
اهدي يا بيبي واطمني احنا مش في مستشفي الدكتور فؤاد
ها اومال احنا فين
احنا في مستشفي القوات المسلحه واللي نقلوكي ونقلوني هنا اللوا ادهم المصري ورجالته
انا مش فاهمه حاجه ابدا
انا هافهمك علي كل حاجه يا حبيبتي بس واحده واحده عشان انا بردو لسه تعبان
بصي يا ستي انا لما الحرس وصلو عندي المكتب وكانو ماسكين مازن معاهم امرتهم ياخدوه ويخفوه عن اي ايد ممكن تأذيه ويخدوني لمستشفي الدكتور فؤاد
خرجنا كلنا بهدوء من الباب الفرعي للشركه علي الجراچ و الحرس أخدوه في عربيه مشيو بيه
وانا ركب معايا رئيس الحرس واتنين كمان
غمضت عيني تقريبا افتكر اني فقدت الوعي ولا ايه
سمعته وهو بيكلم عبدو وبيقوله علي اللي حصل وكان باين انه قلقان عليا الصراحه
بس بعد ما قفل معاه حصل اللي كنت خايف منه
فجأه تليفونه رن تاني بس قبل مايرد قال لزميله
فلاش باك
هو الباشا فايق ولا ايه اطمن عليه كده
شكله مغمي عليه شد حيلك شويه يابني وسوء بسرعه جرحه نزف كتير
فتح تليفونه ورد ولقيته بيكلم اخر واحد ممكن اتوقع انه يكلمه
سيد ادريان انا في خدمتك سيدي
........................
لقد طعن السيد ارون بسكين في مكتبه
............. ..........
اطمئن سيدي نحن الان ننقله الي المشفى
......................
لا ليست هنا ولكن لابد ان تأتي له
...............
لا لا نعرف من فعلها
.............
حسنا سوف نكون في انتظارهم
بأمرك سيدي
باك
عرفت مين اللي بينقله اخباري واتاكدت انه سيابنا بمزاجه ان مكانش عارف كمان انا مخبيكي فين.
بس خوفت عليكي اوي يا بيبي عشان عارف جنناك
وعارف كويس انك اول ما تعرفي اني فيا حاجه هاتيجي
استنيت لما وصلت المستشفي وبقيت انا والدكتور فؤاد لوحدنا
طلبت منه انه قبل مايعملي العملية اكلم اللوا ادهم واعرفه كل حاجه وانه لازم يأمني وينقلني ويحميكي لو جيتي وينقلك معايا
دق الباب ودلف اليهم صديقه برغم كبر سنه اللواء ادهم المصري
حمد لله علي السلامه عاملين ايه دلوقتي
الله يسلمك يا سيادة اللوا انا متشكر اوي لحضرتك ولكل الظباط اللي كانو مع حضرتك
عيب يا صقر انت زي ابني ومافيش شكر بين الابن وابوه
انا كمان بشكر حضرتك علي وقفتك معانا
هههههه انتي بقي چانا تعابتينا معاكي يا ست چانا من ساعة ماركبتي الطياره من الواحه لحد ما جبناكي هنا وانتي مفرهدانا علي الاخر
I, m sooryبجد ماكنتش اعرف
ولا يهمك المهم دلوقتي ان بطلنا الحمد لله بقي بخير
واطمن عليكي انتي كمان
متشكر اوي يا فندم
طيب مش ناوي تقول مين اللي عمل كده
معرفش صدقني اكيد حرامي وكان فاكر ان المكتب فاضي
يعني انت متأكد يا صقر انه مش مازن الوزان مثلا
لالا دماغك راحت لبعيد اوي ياسيادة اللوا مازن اضعف من انه يعمل كده ده غير ان اللي عملها كان ملثم وجسمه اتخن من جسم مازن
ممكن يكون اجر حد يعملها عشان ينتقم لأبوه
معتقتدش انا ومازن طول عمرنا اكتر من اخوات دا غير انه كان عارف ان ابوه مش تمام اصلا
ماشي ياصقر بس احب اعرفك انه مختفي من إمبارح وده يقلق
فاخلي بالك من مراتك ومن نفسك وانا هاسيبلكم اتنين امن بره للحراسه
تمام يا فندم
انا هامشي دلوقتي وهابقي اطمن عليك تاني سلام
مع السلامه يا فندم
وبعد ان ذهب نظرت له بأندهاش وهي جالسه امامه
مالك بتبصيلي كده ليه
ليه ماقلتلوش ان مازن اللي عملها وانك متحفظ عليه
بحاول اصلح آللي عملته فيه من غير ماقصد
يعني ايه
يعني انا بعتبر مازن اخويا الصغيرمش بس صاحبي وانا مش ندل ولا خاين عشان ابيعه بالسهوله دي
بس ده كان عايز يقتلك
ماتنسيش انه عمل كده عشان ابوه واني انا السبب في كل اللي حصله
طب مانت قولتها اهو يعني ممكن لما تسيبه يحاول يعملها تاني
تنهد بقلة حيله وهو يتألم
عارف ومتأكد من الكلام ده بس صدقيني مازن بالذات مش هقدر اذيه
نظرت اليه والدموع تتجمع في عينيها وصمتت
ابتسم هو بدوره وضم وجنتيها بين راحة يده
ماتخافيش كده انا هاروحله واتكلم معاه وانشاءالله
هنعرف نوصل لحل
*********************
إلي هنا ينتهي الفصل الخامس والعشرون من رواية دمار قلب بقلم كنزي حمزة
تابع من هنا: جميع فصول رواية دمار قلب بقلم كنزي حمزة
تابع من هنا أيضاً: جميع فصول رواية تمرد صحفية بقلم دودو محمد
تابع من هنا: جميع فصول رواية دمار قلب بقلم كنزي حمزة
تابع من هنا أيضاً: جميع فصول رواية تمرد صحفية بقلم دودو محمد
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا