U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية شرسة ولكن بقلم لولو طارق - الفصل التاسع والثلاثون

مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل التاسع والثلاثون من  رواية شرسة ولكن بقلم لولو طارق. 

رواية شرسة ولكن بقلم لولو طارق - الفصل التاسع والثلاثون

اقرأ أيضا: روايات غرام
رواية شرسة ولكن بقلم لولو طارق
رواية شرسة ولكن بقلم لولو طارق

رواية شرسة ولكن بقلم لولو طارق - الفصل التاسع والثلاثون

اتبدلت الاحول الليل ذهب بكل ما فيه وحازم قاااعد على اعصابه وطول الوقت يكلم كاونه ومحاولش يقلق ابوها عليها او أى حد .. ونور زى ماهى بوضعها مستسلمه على الارض وفتحت عيونها بتقل ونور النهار محاوط عيونها وبتبص حواليها بتحاول تفتكر ايه حصل ومين عمل المهزله دى .. قامت وقعدت وحطت ايديها على عيونها وبتدعك فيهم جامد .. وبدئت تلم كل الفلوس وترجعها مكانها تااانى وقفلت الكنبه كويس وبصت فى تليفونها واتفاجئت ان محى رن عليه كتيرر جدا وحازم فوق المية مكالمه .. غسلت وشها وفتحت الباب واول ما فاتحته حد وقع على رجليها وصرخت بخضه ..
نور حاطه ايديها على صدرها وبتنهج : يخربيت التخلف على الصبح انت جيت هنا ازاى ونايم كدا ليه
كاونه اتعدل : مشيت وراكى بالتاكسى يا ست نور خوفت يحصلك حاجه وابقى انا السبب
نور بصتله : تأنيب ضمير يعنى
كاونه : مش بس كدا .. خوفت عليكى والله اصلك طيبه قوى اطيب من عبير بنت المدايقه
نور ضحكت من قلبها ونسيت كل الا حصل : والله يا كاونه انت عسل .. تعالا وريا شكلك كدا قدرى
كاونه ابتسم : سبحان الله البت عبير برغم انها بت شر هى وشعرها الا شبه سلوك الكهربا على طول واقفين وملمسين فى بعض بس لما بجيب سيرتها كل حاجه بتتحل
نور : ليه متجوز الشيخه مبروكه
كاونه : لا متجوز سوكه ههههه ونزل معاها ركب العربيه وبيسوق هو وبيتكلم بحذر .. ست نور مش ها تطمنى البشمهندز عليكى
نور بتدخن سيجاره نفخت دخانها : لاء يا كاونه .. اكيد انت طمنته ما سرك سره
كاونه : والله يا ست انا الا منعته يجيلك وطول الليل معايا عل التليفون
نور : اطلع منها انت عشان ما تزعلش منى انا محتاجك جمبى وياريت انا حاجه .. وحازم حاجه
كاونه سكت مانطقش : ها نروح فين
نور : على شقه محى باعتلى كذا رساله بيقولى تعالى ضرورى
كاونه : خير يارب ليكون الست ورد بطحته
نور : هههههه بطحته متجوز خروفه
كاونه : ههههه عارفه ليله فرحى عبير بنت المدايقه بطحتنى وفتحت دماغى تلت غورز بنت المفتريه
نور بغمزه : شكلها مسيطره يا كاونه وبتظبطك
كاونه : بت حراميه ههههه بس حبيبتى وربنا عليها ايد مرزبه بعيد عنك .. وبعد وقت وصلو شقه محى وطلعت على فوق وبترن الجرس ومحى فتح والشرار بيطق من عيونه .. نور بصت وراها
نور : ايه طلعك يابنى انت
كاونه بضحكه : صباحيه مباركه يا اعريس
محى : صباحيه زى وشك يا كمان نانه مأندله ملهاش ملامح انت جاى تكملها
نور : فى ايه يا محى قلقتنى
محى بصوت هامس : روحنا فى داهيه على ايدك يا ام الافكار النيره .. وردتى ها تروح منى
نور بنفاذ صبر زقت محى ودخلت : مالها ورد عملت فيها ايه ووقفت مره واحده ووراها محى وكاونه نور لفت لمحى وبتشاور بصباعها .. مين دا ان شاء الله وقاعد كدا ليه
محى : نادر
كاونه بيهرش فى راسه وبصوت تخين : نادر ازاى يعنى ماهو موجود اهو ايه ندره
محى : اهووو كدا نادر فى نفسه لا ولابس بجامتى اهئ اهئ .. اقوله ما انت معاك شنطه مليانه يقولى لاء لازم البس من هدومك عشان تاخد عليااا
نور صرخت فيه : مين دا ما تخلصنا
ورد خرجت جرى : خيتى حبيبى وحضنت نور والله اتوحشتك كتير تعى ليش واجفه هيك يا جلبى
نادر : هههههههه ورد محى لسا واخد موقف منى ومش عايز يقولهم انى اخوكى ونور كحت جااامد وحطت ايديها على صدرها
محى : اجيبلك ميه والا ها تطلعى للخلقك وتفرقينا بدرى ونخلص من واحده
نور بصوت مقطع : اخوها ازاى يعنى
محى : اخوها الا مسافر برا يا نور .. إلا هج يا حبيبتى ومش راجع تانى اهو على حظى الفقر رجع على حياتى الا شبه الراجل المنحوس رجع وبيخبط على كتفها والبركه فيكى
كاونه بصوت عالى فزع محى : الله أكبر .. ويحيا العدل براكاتك يا عبير والله ماشيه زى الحلاوه
محى بيلف ايده فى الهوا : انت تانى وكمان عبير .. حررت فلسطين يا اخويااا .. فى ايه يا كمان نانه
كاونه : اخوها رجع
ورد بضحكه : ايه والله اشتقتله كتير يا كمان حبه
وكلهم : 😂😂😂
محى : كمان حبه مراتى بتصبح عليك
كاونه بقلشه : امتى
محى : كمان حبه .. الاتنين 😂😂😂
نور : يا صبر ايوب عليك يا محى انا مش فاهمه حاجه ثم كمان انتى ليكى اخوات
محى بص لورد : قولتش انا حاجه عشان انا مش عارف ايه بيجرى فى نفوخك من ساعة ما شوفتى ابو النوادر
ورد : هاد خى أبن بى وإمي .. هو بيقول هيك وانا مصدقته
نادر : ممكن اتعرف والا ايه يا محى
محى : فسوه ورجعالك اعرفك على الليله الا ملهاش اخر دى وزق كاونه جمب نادر خليك جمبه .. وخد نور وبيحكلها كل حاجه
كاونه وقع على نادر ونادر رجع بوشه لورا .. كاونه بينفض كتفه وبيضحكلو ضحكه صفرا : بجامه البشمهندز دى يا اخ
نادر : هااا
كاونه بصوت على شويه : بجامته
نادر هز راسه بخوف : اه
كاونه : تلزمنى أقلع
نادر : نعم اتجننت والا ايه
كاونه طلع مطوه قرن غزال صغيره وفتحها قدام وشه : بتقول ايه انت ما سمعتش
نادر بيزق ايده بخوف : ما قولتش بس مش ها ينفع هنا والا شايف ايه حضرتك
كاونه بيهز راسه : مش شايف انت شايف
نادر بيبلع ريقه : لاء
ورد خرجت من المطبخ ومعاها شاى اول ما شافت كاونه حطت الشاااى على الترابيزه وراحت عليه وبتضربه على كتفه : ارمى هاى من يدك ايش بتعمل انت
كاونه : بجيب لجوزك البجامه
ورد : اتركه يا غبى هاد خى
نادر بخوف : ايوا قوليله يا ورد يمكن يبعد
ورد بتشده : ابعد عنه هيك شوى راح تفطسه بتطلع روحه جهرا (قهرا) وخوفا من هاى الخلجه
كاونه شال المطوه وبعد شويه اهوووو وبيبص لنادر بنص عين عندك بجامه بتاعتك
نادر : اه عندى كتير
كاونه : يلزمنى لفلى اتنين وهاتهم
نادر : هايبقو صغيرين عليك
كاونه : هو انا مقولتلكش .بقلم لبنى طارق. انا بحبهم صغيرين محبكين كدا وضحك عشان اعجب البت عبير .. اصلها بتلبس معايااا بنت المدايقه
نادر : حاضر يا استاذ كاونى
كاونه : كاونى .. كمان نانه .. كمان حبه .. المهم يكون بالحلال اه
نادر باستفسر : هو ايه سعتك
كاونه : البجامات تكون حلال اوعا تكون واخدهم غصب من حد كدا والا كدا كله الا الحرام اه ابو شكل الا بيمد ايده على حاجه مش بتاعته
نادر : انا الا واخدهم غصب ابو شكلى فعلا ... لا شكلك شريف
كاونه : ونضيف من جوا واهم حاجه وبيمشى ايده على صدره جوووا .. بقلم لبنى طارق
ورد : اسمع يا مجندل انت عيب هيك والا راح اجتلك واشرب من دماتك
كاونه فرد ايده : هى الناس كلها عايزا تقتلنى ليه ياجدع وقرب بوشه على نادر فيا حاجه غلط
نادر بيهز راسه بخوف : لا احنا الا غلط .. بس يا ورد انا مسامح وها اديله الا هو عايزه
كاونه : معاك فلوس
نادر حط ايده فى جيبه : معيش غير دا
ورد زقت ايد نادر : دخل مصاريك بجيبتك .. وبتحذير لكاونه والله لجطع يدك اتعدل هيك واجعد ساكت
كاونه اتعدل : اهووو ما تتعصبيش .. وانت قوم هات البجامتين واه فللتين
نادر : يعنى ايه
كاونه مسك الفنله وشدها بتاعت نادر زى دى
نادر هز راسه بخوفو قام من جمبه جرى
ورد بصت على نور الا قاعده مندمجه فى الكلام مع محى وعيونها عليهم مره وعلى كاونه مره
نور : ورد قالتله حاجه
محى هز راسه بنفى : لاء .بقلم لبنى طارق. انا محلق عليها عشان ما تتكلمش هى فاكره الموضوع بسيط وعادى .. قوليلى ها نعمل ايه انتى وهى والا ساعدكو ها تروحو فى داهيه
نور بهم على قلبها : هو عرف منين انها رجعت
محى : بيقولى طول الوقت بيتواصل مع ناس داخل المصالح الحكوميه عشان اكيد لو اخته رجعت هما اول ناس ها تعرف عن طريق الاوراق الخاصه بيها واثبات النسب واول حاجه ها يعملها التحليل يا نور .. وبيقول استغرب انها قدرت تمارس حياتها على طول من غير ما يتاكدو هى والا لاء وعايز يعرف مين ساعدها
نور : أممممم ..بقلم لبنى طارق أن الاون ارتاح منكم كلكم بقى واتسجن جاتكو القرف محدش فاتح نفسى ورفعت ايديها لفوق روحو الهى تتشكو كلكو يا بعده
محى : ياسلام ياختى وبالنسبه للبنيه الا ها تروح ضحيتك وانا
نور : لا ما تقلقش عليها لو ماعرفتش اصرف اخوها ها اتحمل انا المسئوليه كلها اصلا مش فارقه عندى كلها بقت شبه بعض ..كدا قرف .. وكدا قرف
محى اتعدل : مالك يا نور
نور قامت : مفيش يا محى مفيش ما تخليش مراتك تنطق بكلمه لحد ما كلم المحامى والمسئول الا ساعدنى ونلاقى مخرج .. وخرجت وسابته ..
نور بتكلم نادر : هو حضرتك مش واخد بالك ان اختك حبيبتك عروسه ولازم نسيبها هى وعريسها .. وطبعا انت ضيفى لانها اختى بردو
نادر باحراج : مش قصدى والله انى اديقهم انا مقدرتش من ساعة ما شوفتها انى اسيبها وأمشى ماصدقت اشوفها واكون قريب منها انتى ما تعرفيش وبص لمحى ولا هو يعرف احنا عانينا اد ايه قلبنا كان بيموت كلناااا فى اليوم الف مره روحك طول الوقت بعيده عنك ولما تتردلك مطلوب منى اسيبها او مجبر اسيبها وأمشى
ورد بعياط : والله ما حدا راح يجرحك ويبعدك خى بعد اليوم .. ارجوكم اتركوه
نادر : اصلا انا لايمكن اسيبك تانى
محى قرب على نور وهمس : شايفه الهبل الا عايش فيه طيب المطلوب منى افهمه والا أفهمها بقى دلينى انتى
نور : ورد يا حبيبتى فى اجراءات لسا كتير على ما اخوكى يتاكد انك أخته أصلا وطبعا مقدرين حالتكم انتوو الاتنين .. وبذكاء بس قولى يا استاذ نادر لو ورد طلعت مش أختك يعنى بنت حد تانى وحصل لخبطه ايه ها يكون رد فعلك
نادر بص لورد بزعل : لا يمكن انا متاكد انها أختى انتو مش شايفين الشبه ولا العيون وعلى فكره انا وماما وبابا وورد كنا عيون واحده وورد كانت اجمل عيون فينا
نور : بس دا مش دليل يعنى لسا ها تتاكد.. انا سؤالى واضح لو طلعت مش هى ها تأزيها لانها استخدمت اوارق اختك الرسميه
نادر بدون تفكير : لا يمكن أزيها بس افهم ازاى قدرت بالسهوله دى تثبت انها ورد
نور شاورت على نفسها : انا السبب واكيد ها اقولك كل حاجه بس تضمن ليا انها لو مطلعتش اختك متتأزيش ابدا ودلوقتى ممكن بقى تيجى معايا معلش لحد ما نعمل التحليل وكل المطلوب مش من حقك تفضل هنا
نادر قام : شويه أجهز نفسى وانزل معاكى عشان نتكلم
محى اتنهد بأرتياح أخيرا وسحب ورد من ايديها عشان ما تتكلمش ودخل بيها جوا .. ولحظات ونور نزلت مع نادر وشنطه شايلها كاونه
************
حمدى خرج راح شغله ومعاه ابنه مازن
مازن : يا بابا قولتك ودينى عند نور انا بحب عمو حازم قوى وهو بيحبنى
حمدى : لازم يبقى عندك ذوق ومش كل ما جوزها ينزل احازه تفضل قاعد لهم عيب
مازن : ليه دا بيلعب معايا ومع نور وكمان بيخلينى انام جمب نور
حمدى بتفكير : على طول
مازن : اه
حمدى : وكويس معاها والا لاء
مازن : اه قوى يا بابا وبيساعدها فى كل حاجه بس هى ساعات بترخم عليه
حمدى : طيب خلى الكلام دا سر بينا . تمام
مازن : تمام بس تودينى عندهم
حمدى هز راسه : ان شاء الله ..وبيفكر يا ترى يا نور ناويه على ايه ها تضيعى الواد من ايدك والا تحافظى على بيتك وعليه يارب يكون احساسى غلط ما صدقت برغم ان كل الامور كانت غلط فى غلط بس فرحت انها اتجوزت راجل بجد يعتمد عليه على الاقل يعوضها عن كل الا انا قصرت فيه وكنت فاكر انى بعمل الصح .بقلم لبنى طارق . يارب وفق بينهم يارب
**********
نجيه بتفطر هى ونوجا وسلوى مع بعض ..
نجيه : هى نور ما قالتش ليكم اذا كانت حامل والا لاء
سلوى : اه صحيح احنا مسألناش نور خالص فى بيبى والا لاء
نوجا : يعنى لو فى حاجه ها تخبى علينا احنا اول ناس ها تجرى علينا وتقولهم
نجيه : انتى مصدقه يا نوجا انهم كويسين مع بعص
نوجا : بصى الله الوكيل انا ممكن اثق فى ابنك انما بنت اختى صاعبه ودماغها سم مش سهله
نجيه زقتها فى رجليها : الا شافته ماكنش شويه وانا واثقه ان ابنى ان شاء الله ها يكسب قلبها حازم نفسه طويل قوى وصبور
نوجا : يارب يا نجيه البت تستاهل كل خير والله بس حظها شويه
نجيه : استغفر الله يا نوجا حظها زى الفل ان شاء الله
سلوى : ها تشربو شاى
نوجا : ايوا يا حبيبتى
************
محى بعد ما كلهم نزلووو قاعد على الكنبه وبيتصل على حازم يطمنه بعد ما حكاله كل حاجه وورد بتعمل أكل فى المطبخ وسابته ودخلت الاوضه ومحى مندمج قوى فى الكلام مع حازم
حازم : يعنى نزلت راحه فين بيه
محى : مش عارف بس حاسس من كلامها انها محبطه وعندها استعداد ترمى نفسها فى التهلكه وتخلص
حازم : اصلنا شدينا انا وهى مع بعض شويه
محى : ليه كدا يابنى حرام عليك
حازم ؛ دماغها ناشفه ومصممه على الطلاق ولما قلولتلها اعيش حياتى زعلت وعملتها زعله كبيره
محى : يبقى بتحبك مش قولتلك اهو الخطه جت بفايده يابنى حاول معاها تانى معلش خليها عليك
حازم : ربك يسهلها بقى انا لايمكن اتخلى عنها بس لازم تفوق من ضغط الماضى وتبطل تحط حياتها بمقارنه مع الكل لازم اثبت لها ان ممكن يكون حكمها غلط
محى : ان شاء الله كله يبقى زى الفل انا حاسس
ورد لبست القميص الازرق الا بالريش وبعد ما خلصت افتكرت الاكل الا على البوتاجز بتسخنه وطلعت من الاوضه وعدت من قدام محى جرى وهو بيكلم حازم فى التليفون ودخلت المطبخ ..
محى بيهز راسه وكانه بيستوعب ايه الا مشى من قدامه وساكت
حازم : ايه يابنى روحت فين
محى : استنا يا حازم فى ديك رومى عدى من قدامى من شويه لونه ازرق
حازم : 😂😂😂😂 ديك رومى فى بيتك .. وكمان ازرق
محى : وربنا يابنى حاجه كلها ريش طارت قدامى لا واول ما وصلت المطبخ نطت جووواه وكانه بيأزح من البلكونه وانا بكلمك استنا ها اقفشها واجى ليكون كائن فضائى .. وقفل وحازم هلكان على روحه من الضحك ..
محى داخل يتسحب المطبخ .. واول ما ورد لفلته صرخ وهى مش باين غير عيونها من الريش ..
😂😂😂😂😂😂😂
ورد : ايش بيك يا محى . ومسكت القميص وبتلف شو رايك با هاى الجميص
محى : اهئ اهئ .. منك لله يا أم ريش انتى وريشك فى ساعه واحده ..لقتيه فين دا نتفتى ريش الطيور وجيتى يا مفتريه
ورد بفرحه هاد لأما نوجا
محى : منك لله انتى وأما نوجا ونور فى ساعه واحده .. وماشى يعرج بقلم لبنى طارق
ورد : ايش بيك يا جلبى .. رجلك فيها شى
محى : روكبى سابت والبركه فيكى وفى أما نوجا
ورد بفرحه : اما نوجا جالتلى محى راح ينهبل فيكى
محى ماشى يعرج : اه انا انهبلت فيكى خلاص اهئ اهئ .. اه .. وقعد على الكنبه .. روحى يا ورد اقطفى الريش وتعالى ياحبيبتى
ورد بتلعب فى الريش وبتجرى على المطبخ .. وبتقول بصوت عالى : ما راح اجطفه حبيته هيك والله بطير
محى : والله راح اسحف بسببك .. وهو بيموت فيكى ما صدق لقى واحده هبله خارجه من تلفزيون ابيض واسود .. وبعدين قام راخلها طفى عيون البوتاجز وشالها بين ايديه
ورد بدلع : ايش يا محى راح تفسحنى
محى : انا كدا ها اطيرك زى الطياره الورق هههههه ياله عشان الحق أفسحك قبل ما البوليس هو الا يفسحك فى ابو زعبل
ورد لفت ايديها حوالين راقبته : حبيبى انت بتعرف
محى ماشى بيها وعيونه فى عيونها : عايز أعرف قولى انا مهمتى أسمعك وافتحلك قلبى وبس
ورد : كنت فاكره انى راح اخد منك جنب واخاف كتير بس مبسوطه كتير فرحانه كتير كتير انى جنبك وبيبتك هاد .. اخ يا محى
محى بيتكى على الكلمه وقرب راسه من راسها وبهمس : بيتك يا قلبى بيتك مملكتك وحياتك الا جايه ان شاء الله
سابها وراح المطبخ جاب كوباية ميه وبرشامه وبيناول ورد : خدى يا ورد البرشامه دى
ورد : ايش هاد و ليش
محى : دى عشان انا مش مستعد للخلفه دلوقت وانتى كمان عشان دارستك لازم استقر مديااا وانتى تبقى مأهله لدا
ورد مسكت البرشامه : شو بتعمل هاى
محى : دى مش ها تخليكى تخلفى طول ما انتى بتاخديها
ورد : لاه يا محى كيف بجطع رزج ربنا هاد رزج
محى بتفهم : عارف وفاهم وانتى لازم تقدرى ان صعب ناخد قرار دلوقتى او نخلف ياله اسمعى كلامى وبيناولها الميه وورد خدتها ولفت ضهرها لمحى وبتنطر راسها لورا جامد جدا وبتنطر البرشامه على بوئها وشربت الميه محى مسك اورته واتوجع
محى : اه ايه دا ياورد انتى عملتى ايه
ورد لفتله : خدتها يا جلبى شو في
محى : خدتى ايه يا مجنونه البرشامه رشقت فى وشى مش فى زورك
ورد بصعبانيه : والله هما بياخدوها هيك فى الفلمه
محى : ههههههههه ام الفلمه الا دمرت مخك ... وجاب الشريط وبيديها واحده تانيه خدتها بنفس الطريقه .. محى بعصبيه وربنا ما انتى واخده تانى اهووو الشريط وفعصه فى ايده
ورد : لاه يا محى ليش خدت جدامك شو فى
محى دانا الا باخدهم فى وشى تعالى على رايك ها نمنع رزق ربنا ليه وابتسم ومسك وشها بين ايديه وباسها بوسه طويله ومشاعره كلها وكيانه خلاص بين ايديها هى حضنها وضمها بشوق رهيب وكانه بيعصرها بين ضلوعه ودخل اوضة النوم قفل الباب برجله ونسيووو الا فات وبدئو حيااه مشتركه جديده بيدعوو انها تكون مليانه حب وموده بينهم
***********
كاونه : ايوا يا بشمهندز احنا فى ال..... عند السور كدا .. اه قاعده معاه جوا .. طيب تمام بالسلامه وقفل
نور : بشمهندس نادر فى حاجات كتير كدا داخله فى بعض واولهم انى المسئوله الاولى والاخيره عن كل الكلام الا ها تسمعه منى
نادر : انا سامعك اتفضلى ياريت كل شئ يتقالى من غير كذب
نور : مفيش كذب وكل القصه ها تسمعها منى صلى على النبى
نادر : عليه أفضل الصلاة والسلام
نور : استاذ نادر
نادر : من غير استاذ واسمحيلى اقولك نور بس لو مش ها يدايقك
نور : لا ابدا اتمنى انت الا متدايقش منى بعد كل الكلام الا ها تسمعه منى مع العلم انى مستعده لأى مسأله قانونيه بس ياريت يبقى انا لوحدى
نادر رفع حواجبه الاتنين : للدرجه دى
نور بتاكيد : ايوا للدرجه دى بس اسمحلى ادوشك الاول بمقدمه طويله حبيتين
نادر ابتسم : كلى اذان صاغيه اتفضلى
نور : لما يبقى قدامك انسان كله طموح وحلم جميل وطول الوقت بيعافر عشان يحققه وفى ايدك تساعده ممكن تساعد والا ها تتخلى عنه
نادر بتاكيد : لو فى ايدى اكيد ها اساعده
نور برد سريع : تمام .. انا وقعت قدامى واحده بتتمنى تحقق حلمها ها يجبروها على جوازه هى مش عايزاها نفسها تغير حياتها وبيئتها وتقدم لهم الخدمه الا تساعد جيل بعدها . مش حرام ولا جرم فى حقك او حق المجتمع لو ادينها الفرصه بس للاسف انت عارف حبال حكومتنا الطويله والروتين الا بيوصلك انك تستسلم او تمشى فى الغلط وبتشاور على نفسها انا بقى مشيت فى الغلط دا عشان احقق لها كل الا بتتمناه
حازم واقف ومربع ايده : وايه تانى
نور بصت بطرف عنيها وشاورت على حازم ببرود : المهندس حازم جوزى
نادر بصله ورجع بص لنور : انتى متجوزه
حازم سند بايده على الترابيزه : مش مالى عين سعتك والا سمعك تقيل
نادر بتبرير : لا مش قصدى شكلها صغيره وانسه ونور لفت وشها وابتسمت ابتسامه خفيفه باستمتاع وكانها بترد له ليلة امبارح
حازم باندهاش مصطنع : والله .. طيب كلامك معايا والا ايه يا مدام نور
نور بتحاول تسيطر على الموقف : احممم .. اقعد يا حازم اتفضل هنا
نادر : تسمحلى بس اسمع باقى الحكايه من نور لان واضح من كلامها ان هى الا رتبت لكل شئ
حازم : لا ما رتبش ولا حد رتب لحاجه وانا ها افهمك كل الا نفسك تعرفه
نور بعصبيه مكتومه : من فضلك يا حازم انا عايزا اتكلم معاه واه يا نادر كل الا انت فهمته صح انا وحازم قاطعها
حازم : هى اتعرفت على ورد اختك وعرفت انها مخطوفه من زمان ولما دورت وراها وعرفت سنها وكل شئ عنها دورت هنا على الا تقريبا من سنها وفعلا حد مختفى كان اسمه ورد وطلعت اختك هربتها لانها كانت عايشه مع بدو وطبعا بمعارفها قدرت ترجع ورد لمكانها الصحيح بسهوله ومسك ايد نور وضغط عليها وبصلها مش كدا ..
نور اتنهدت : اه يعنى
حازم : غلطها الوحيد وبيبص فى عيون نور .. انها اتسرعت قبل ما تتاكد اذا كانت اختك فعلا والا بنت ناس تانيه ما اعملتش اى اجراء قانونى ولا تعرف اختك وانت انتو ناس اغنيه او حتى فقرا
نادر اتنهد بصوت عالى : مهندس حازم انا مقدر خوفك على مراتك ومتاكد ان فى كلام عكس كدا تماما من الاخر انتو عايزين تقولو ان ورد مش اختى او ما تعرفناش اصلا وهى مجرد بنت بدويه هربت من تحكامات وعرف بيجبرها على عيشه هى مش عايزاها .. بس فى كل الاحوال اطمنو لانى لا ها أزى نور ولا ورد الا متاكد انها فعلا أختى احساسى بياكد دا كل شئ بياكد دا
حازم باستغراب : كل شئ ايه يعنى الا خلاك متاكد كدا
نادر طلع صوره معاه بصو كدا على وش البنوته دى شايفين الحسنه انا شوفتها فى وش ورد فى نفس المكان صدفه .. العيون صدفه .. رسمة الشفايف صدفه كل شئ بينطق فيها وبيقول انها اختى بنت امى وابويا وابتسم انا ها اعمل التحيل وها اشكرك بعد التحليل انك السبب الا ربنا قدره ورجع اختى مكانها بجد وحياتها من تانى ومد ايده لحازم ماعرفتكش بنفسى انا مهندس زيك بالظبط وان شاء الله مش اخر لقاء بنا
حازم مد ايده سلم عليه وابتسم : ماشى يا سيدى يشرفنى والله واتمنى من الله احساسك يطلع صح
نادر : افرديها بقى يا نور
حازم رفع حاجبه وضحك بتريقه : هههه انت خدت عليها قوى ملاحظ كدا او احساسى لو انا غلطان قولى ... ونور رنت ضحكتها
نور بتشاور بايديها الاتنين : معلش اصله بيغير عليااا وعيونها قابلت حازم فى تحدى .. مش كدا يا جوزى
حازم بابتسامه صفرا : طبعا يا مراتى
نادر قااام : طيب اسيبكم انا بقى وبيلف ايده كذا لفه ورا بعض تحلو الموضوع الكبير دا بينكم .. دا رقمى وكتبه فى ورقه وسابه على الترابيزه ها انزل فى اى فندق هنااا على ما حد ينضف شقتنا الا فى الدقى واستقر فيها بعد اذنكم وسابهم ومشى
حازم : مش ها تبطلى جنان وتسرع فى حياتك
نور : ليه عملت ايه قدامك بعرف الراجل الحقيقه لانه ها يعرفها .. ها يعرفها
حازم : مش بالطريقه دى انتى بتودى نفسك فى داهيه هى دى طريقتك لحل أى مشكله بجد خساره وبيخبطها على راسها الدماغ دى سهل تضيع فى اى وقت
نور زقت ايده : عاجبك دماغى
حازم : ما انكرش طبعااا .. انتى انسانه جميله فى كل حاجه ولو نكرت دا ابقى راجل جاحد
نور ضحكت بسخريه : لا أصيل يا ابووو حنان
حازم ضحك : حنان حته واحده .. ماشى مقبوله .. وغير الموضوع كنتى فين امبارح وليه اديقتى كدا
نور بذكاء : نفس الا دايقك من نادر دلوقتى حالا .. شوف ايه دايقك منه برغم انى اول مره اقعد معاه .. وامبارح كنت فين اكيد عارف وبتشاور على كاونه الا قاعد على ترابيزه تانيه جمبهم جاسوسك قالك ورفعت حاجب وقربت عليه ما انت عارف بقى حوار مرات ابويا وهانى لا وكمان بتعايرنى بيه
حازم قرب وشه عليها أكتر : متاكده انى بعايرك او انا بالدماغ دى وقرب اكتر لدرجه احرجتها وبغمزه وابتسامه خفيفه .. مش انا الا اتحط فى مقارنه قدام واحد زى هانى والا ماكنتيش تغيرى وتموتى من الغيره عليااا وتهربى زى امبارح
نور رجعت لورا : ايه الثقه الفظيعه دى .. بحبك وبموت من الغيره عليك مجنون يا انت
حازم نطر راسه لورا : مغروره يا انتى .. باين فى عيونك وبتكابرى تعرفى امبارح وانتى قدام هاله كان نفسى اخطفك وكل ملامحك شبه القطه الشيرازى الا مستعده للقتال فى اى لحظه تجننى ياااه كانت ها تبقى ليله
نور : هههههههه طيب اقولك ايه مضطره اسيبك كدا على عامك
حازم شد ايديها ومسكها : ماتسيبينى احلم أكتر واخطفك بجد انهارده ايه رايك
نور برخامه : وست هاله
حازم برخامه اكتر : لا ها اخطفها فى يوم تااانى قومى وبيشدها وحاسب وخد منها مفاتيح عربيتها وادها لكاونه
كاونه : اخليها معايا
حازم : لا اركنها تحت بيتى وطلع المفتاح فوق قدام باب الشقه وروح انت
كاونه : ماشى يا باشا با الاذن .. ومشى ... وحازم واقف حاطت ايده على ضهر نور وهى بتبصله مستغربه كل افعاله هى فعلا بتحبه خلاص سيطر على كل مشاعرها .. قدر يخطف قلبها عشان كدا مجرد سيرة هاله بتجننها ولما شافتها كان نفسها تشرب من دمها وتخليها عبره .. طب ليه هى عامله حاجز بينها وبين حازم برغم انه حاول يشيل الحاجز يدوب اى زعل او فارق بينهم ليه حيات امها دايما حطاها مقياس لحياتها هو فعلا الرجاله كلها زى بعض وانتبهت لنفسها ولفت بطرف عنيها بصت على ايده الا ملفوفه على ضهرها وماشى بيها تقريبا حاضنها .. وابتسامه فظيعه بيكلمها بيها .. حازم : عارف انك بتحبى الحاجات وبيشاور على موتسكل هوندا حديث ..
نور شهقت وحطت ايديها على بوئها : انت ها تركبنى دا يا مجنون
حازم : 😂😂😂 تقريبا كدا قررت اعيش الجنان معاكى واعيش بتحرر شويه صغيرين وبيضم صوباعبن على بعض قدم وشها
نور : جبتها أمتى دى
حازم : لسا مستلمها حالا وانا بحب اركبهم جدا وركب وحط الخوذه وادها خوذه هى كمان وطااار بيها وهى لفه ايديها الاتنين حوالين وسطه وراسها على ضهره من ورا وسرحت بخيالها احساس رهيب وانت بتكسر كل القيود بايدك وبتتحرر من سجن افكارك الاخانقك طول الوقت .. احساس حميل لما تنسى حزنك وتقرر تعيش بجد وتواجه ضعفك الحقيقى مهما كان لازم لحظه قوه تسحبنا من الضلمه للنور من السجن للتحرر
حازم بيسوقه باحترافيه عاشتها بانطلاق وشبسته بيه أكتر وبتضمه لحضنها بدون وعى منها ولا ادراك ان دا قمة سعادتها
حازم بفرحه لقربها و بصوت عالى : ايه رايك
نور بصوت اعلى : جميل بس مش خايف حد يشوفك
حازم : مش مهم عيشى حياتك وبس ادام مع جوزك وما بتعمليش الغلط
نور بصوت عالى : ليه دا كله
حازم بصدق : عشانك انتى وبس
لف بيها كتيررر من مكان لمكان بقت حاسه انها بشوف البلد والدنيا من اول وجديد لحد ما وصل بيتهم ودخل الموتسكل الجراج الخاص بالبيت بتاعهم .. وطلع ورا نور مبسوط بالتجربة دى معاها
**********
احلام لابسه وراحه شقه بتاعتها ماحدش يعرف عنها حاجه غير بعد ما نور مضتها عن تنازل لكل حقوقها وخدت من هانى كل حاجه فا صارحت هانى بيها .. فتحت ودخلت
هانى : اخيرا ايه الغيبه دى
احلام : اعمل ايه امى معكننه عليا عيشتى بسبب طلاقى وانى طلعت من مولد بلاحمص
هانى : الشقه لوحدها معديه المليون انتى ها تنصبى
نور : انت عارف بنت ال ... ضيعت مننا فلوس اد ايه دى ناس معاها بلاوى اسكت عشان انا لازم ارد لها القلم عشره
هانى بغل : قسما بالله نفسى اشرب من دمها .. وانتى أل يعنى طلعتى سالكه عايزا تلبسينى عيل مش ابنى يا احلام احمدى ربنا انى سامحتك عشان بحبك
احلام : اه عايز تعلقنى بيك وتخلى بيا لازم اعلقك وامسكك من ايدك الا بتوجعك بس كنت ها اقولك كنت بتاكد انك ما بتضحكش عليا
هانى : ليه مستنيه يتخرج من الجامعه عشان تقوليلى
احلام : بقولك ايه وقعدت على رجله سيبك بقى بص كدا دول وقولى ايه رايك انا الا عملاهم
هانى ظهرت على وشه ضحكة ابليس : يابنت اللاعيبه يا احلام اهو دا الشغل ها تعملى ايه بقى
احلام : اتفرج واتعلم وبس
*********************
إلي هنا ينتهي الفصل التاسع والثلاثون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابعوا صفحتنا على الفيس بوك للمزيد من روايات حب
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة