U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية خادمتى ولكن ج1 - لولو طارق - الفصل الثانى والعشرون

مرحباً بكم أصدقائي وأحبابي عاشقي القراءة والروايات الرومانسية مع رواية رومانسية جديدة للمتألقة لولو طارق والتي سبق أن قدمنا لها العديد من القصص والروايات الجميلةعلي موقعنا قصص 26 وموعدنا اليوم مع الفصل الثانى والعشرون من رواية خادمتى ولكن ج1 - لولو طارق 

رواية خادمتى ولكن ج1 - لولو طارق - الفصل الثانى والعشرون

اقرأ أيضا: روايات رومانسية
رواية خادمتى ولكن ج1 - لولو طارق
رواية خادمتى ولكن ج1 - لولو طارق

رواية خادمتى ولكن ج1 - لولو طارق - الفصل الثانى والعشرون

حنان : هو لازم نبعتلك عشان نشوف وشك

روكا : اهدى يا حينان ... انتى كل ما تشوفى وشى بتتعصبى ليه ....

حنان : عشان انتى مستفزه ... يابت خلى عندك دم

روكا : يرضيك كدا يا عبده .... ماتهدى مراتك ... ها تبقى هى والكليه والناس عليا ...

عبدالله : تعالى فى حضنى يابشمهندسه ايات...

روكا بفرحه : جريت عليه وحضنته .... عم الناس كلها وحبيبى وربنا ....

حنان : هو حد مقويها علينا غيرك

عبدالله : ماتهدى يا حنان ... وخليكى حنينه على بنتك ...

حنان : يعنى انا وحشه يا عبده .... بقيت كوخه لما الست هانم شرفت ...

عبدالله : مش قصدى ..

حنان بزعل : ولا قصدى ولا قصدك

روكا : قامت وراحت لمامتها .... لا كله الا حينان ... وربنا بنهزر معاكى يا جميل ...

حنان : لا اوعى كدا ... وانتى وابوكى على طول عاملين حزب عليا ...

روكا : خلاص يا حينان بقى ... الله .. دا انا حتى شبهك فى كل حاجه يا جميل ...

حنان : اخرصى ... انتى شبهى فى كل حاجه انتى ... انتى لو بقيتى ربعى تحمدى ربنا ....

روكا : بعصبيه مصطنعه ... ايه يا حينان عفريت انا والا ايه ... دا أنا بنتك حتى

حنان : خلاص اسكتى ... ما بتصدقى

روكا : وليه جبروت ...

حنان : هى مين الا جبروت يابنت عبدالله ... وقلعت شبشبها وبتجرى وراها .... عبدالله قام وقف بينهم

روكا : فى ايه يا حجه انتى بتتحولى ... هو الشبشب دا لازق فى ايدك ....

حنان : طب تعالى يا مستفزه ... ومسكت ايديها وعضتها جامد ... 😂😂😂😂😂

عبدالله : ليه كدا يا حنان ...

روكا : اهئ اهئ اهئ .... ما تأكلها لحمه ياعم .... كل ماأجى هنا تأرومنى .... ليه كدا يا شيخه ... والله لأمشى ... انا مش عارفه ايه الا بيجبنى هنا ....

حنان : غورى ... بت لسانها متبرى منها .... أمتى تتجوزى ونرتاح منك

عبدالله : اقعدى ياروكا ... انتى واحشانى ...

روكا : والله منا قاعدلكم فيها ... عايز تشوفنى انا عند فطوم حبيبتى ... هى مش بعيده عنك ... فى البيت الا فى وشكم ... وسابتهم ونزلت ....

عبدالله : هو انتى على طول مطافشها كدا

حنان : دا تتطفش بلد دى ... البت بتيجى تدايقنى وتمشى ...

عبدالله : مش كدا ياحنان ... بنتك محتاجلك دلوقتى ... مابقتش صغيره عشات تضربيها بالشبشب او تعضيها عيب

حنان : أطلع منها ياعبده ... هى مش بتزعل منى ..

عبدالله : ربنا يهديكم أنتو الاتنين ...

****************

مروان : بيرن الجرس ... وماندو فتح ... باشا حمدالله على السلامه ...

مروان : الله يسلمك يا ماندو .... ادخل يا سامح ...

حكمت بفرحه : سامح ... تعالى يا حبيبى ... ودخلت على الاوضه

سامح راح لوالدته وحضنها ... عامله ايه ياماما ...

حكمت : الحمد الله ياحبيبى انت عامل ايه وياسر ويارا ... وحشونى ...

سامح : ان شاء الله ها أجبهم واجيلك ...

حكمت : مروان الا راح جابك

سامح : ايوا ... عدى عليا ... وجابنى ... وبيقولى انه زعلان عشان مش بيشوفنى ولا بسئل عليه ...

حكمت : ماهو سئلنى عليك بردو ... وبيحبك زى ماهو ...

روان : دخلت وقدمت العصير ووراها مروان عامل ايه يا استاذ سامح ...

سامح : الحمد لله انتى عامله ايه ...

روان : تمام الحمد لله ومبسوطه انى شوفت حضرتك ...

سامح : انا الا مبسوط والله ...

مروان : ايه يا روان مش تسيبى طنط مع سامح تشبع منه

حكمت : بصت لمروان وابتسمت .. على غيرته على روان ...

روان : طيب بعد اذنكم ... وخرجت من الاوضه هى ومروان .....

سامح : هو مين دول وروان بتعرف مروان منين ...

حكمت : دى مراته يا سامح ... هو مروان مقالش ليك

سامح : نعم .... دى وقعت واقفه ...

حكمت : هى تستاهل كل خيررر ... انت بقى مسألتش عليا ولا كلمتنى ....

سامح : زعلت منك قوى ياماما ... قولتلك خليكى العيال محتاجه وجودك ... وانا كمان

حكمت : انا محبوسه وبتعامل زى الكلاب

سامح : حقك عليا ... هانت .. وها أجيب عيالى واجيلك أخد حقى بس ...

حكمت : لا يا سامح ... الفلوس بتتعوض .. بس انتو لاء فى داهيه يا ابنى ... انت واختك ليكو عندى مبلغ حلو ابتدى بيه.. وسيبك منها ...

سامح : أسيب شقى السنين دى كلها .... والمؤخر الا كاتبه على نفسى ادفعه منين

حكمت : انت كاتب مؤخر اد ايه

سامح : مليون جنيه ...

حكمت بصدمه : ليه يابنى ... عقلك كان فين ... هو احنا أغنيا لدرجة انك تكتب المبلغ دا على نفسك

سامح : الا حصل بقى ... كنت فاكر انها بتحبنى بجد ... بس الحب قلب مره واحده .... لكره وانانيه ... ومش عارف السبب

حكمت : كلمها صارحها يابنى يمكن نكون عملنا فيها حاجه ...

سامح : ربنا يسهل بقى .... انتى ها تفضلى هنا كتير ... ياسر ويارا عايزين يشفوكى ...

حكمت : كلمنى انت بس ... وانا ان شاء الله أكون رجعت شقتى ...

سامح : سلم عليها ... عايزا حاجه منى ...

حكمت : عايزك ياسامح ... تسئل عليا وما تقطعش كدا

سامح : حاضر ياماما ...

..............

مروان : انا قايلك ايه ...

روان : ايه يا مروان برحب بيه

مروان : خديه بالحضن ... دا الا ناقص ... وبيقول بتريقه .. انا مبسوطه انى شوفتك ..

روان : 😂😂😂😂 خلاص بقى انا أسفه

مروان : مابحبش الكلمه دى وخصوصا لما انبه على حاجه وما تتعملش ...

روان : بدلع طفولى ... خلاص بقى الله ....ماقدرش على زعلك ... وحشتنى ...

مروان : بيبص لها بطرف عينه ... وبيقول لها من غير ما يتحرك وانتى كمان

روان : ضربته على صدره ... بقولك وحشتنى ... ومن غير مقدمات ... قربت عليه وحضنته جامد

مروان : ابتسم وبادلها الحضن ... بطلى جنان احنا فى المطبغ ... والشقه ملغمه بالتيران ...

روان : مليش دعوه ... كنت خايفه وقلقانه عليك ... قوى .. وانت مش معبرنى ... عملت ايه ...

مروان : قرب من وشها

ماندو : باشا .... انا أسف والله ماعرفش انكو بتبوسو بعض ..

مروان : يخربيتك ... ببوس مين يالا ... أكتم وانت صوتك زى الجرس كدا ... غور ...

ماندو : حاضر يا باشا ... وراح لمازن وشريف ... مروان باشا مش فاضى ...

شريف : مش فاضى ليه ...

ماندو : بيبوس الست روان فى المطبخ ...

شريف ومازن : 😂😂😂😂 يخربيتك ... لو سمعك ها يقتلك ...

ماندو : قرب عليهم وبصوت واطى .. خلاص ما تقولوش حاجه ..

مازن : دانا ها أخليه يقطع راقبتك

ماندو : انا حبيبك يا باشا ... والله لو شوفتهم تانى ... ما ها أقول ...

مازن : انت عايز تشوفهم تانى ...

ماندو : بيضحك .... هما وحظهم بقى ...

هيثم : انت مش ها تبطل هبل ... ياد قولتلك ركز فى الا بتقوله ميت مره ...

ماندو : حقكم عليا كلكم ...

......

مروان : ضرب روان على راسها ... كويس كدا فضحتينا ...

روان : 😂😂😂 انا مالى ... انت الا كل ما تشوفنى عايز تبوسنى وانا بحضنك حضن برئ ...

مروان : هى شكلها ها ترسى على أخوه ...

روان : 😂😂😂😂

وخرجو ... وقعدو كلهم مع بعض ومروان طمنهم ... وقص عليهم كل ماحدث ....

ماندو : اعوذ بالله غمه وانزاحت ...

هيثم : يعنى ها أقدر أشوف أهلى دلوقتى ...

مروان : لما اسلام يدينا الامر ... ساعتها تقدر تعمل الا انت عايزه ....

ماندو : يعنى احنا خلاص كدا مش ها نلاقى شغل ... وعيون هيثم اتوجهت لمروان بترجى ...

مروان : لا يا ماندو ... تاخدو حريتكم ... ورأفت يرجع شغله

هيثم : رأفت ... هو عايش ..

مروان : وزى الفل ...

شريف ومازن : الله على الشغل العالى ...

ماندو : واحنا ياباشا ...

مروان : انتو ها تبقو الحراس الشخصين بتوعنا ... والا ايه يا هيثم

هيثم : ياريت يا باشا ... انا حارس سعتك ...

ماندو : وانا

مازن : أنت بقى بتاعى انا ....

ماندو بفرحه : وها البس بدله ونضاره

كلهم : 😂😂😂😂

حكمت : انا الا ها أجيب ليك البدله والنضاره .. وساعه كمان

ماندو : ستنا وتاج راسنا ... والله ... وياريت جزمه .. والنبى اصل رجلى بتبرد بسرعه ...

مازن : رجلك دى عفنت وماتت من زمان ... ها تلاقى مقاسك فين دى مركب مش رجل بنى أدام

كلهم : 😂😂😂😂

هيثم : ياد بطل عفانه ..

ماندو بتلقائيه : يابنى أسكت الناس دى شكلها طيبه وها تنغنغنا .....

مازن : انت داخل على طمع ... بقى

ماندو : وصوته تخين جدا ... انا طمعان فى كرم ربنا ... ثم سعتك .. ياباشا ..

مازن : ديمقراطى ياد

شريف : انتو الاتنين شبه بعض ... مروان يوم التلات ها نروح انا وأنت وعز .. نخطب هدى ...

روان : مبررروك ... أخيرا حد فيكم ها يتلم ..

مازن : يابنتى .. احنا غلابه .... دى سمعه

حكمت : انت ها تقول لنا ...

مازن : الله يخليكى يا طنط ... حبيبتى والله ... أعملو حسابكم انا رايح معاكو

مروان : ورجلك ...

مازن : ماندو موجود ماتحملش هم

شريف بصوته كله : لاء والف لاء ... اه قولى انك مصمم تفشكلها ...

مازن : لا والله ... نيتى صافيه

شريف : ابدا .. انت وهى مش مضمونين

مروان : مين دى

شريف : البنت الا أسمها روكا الا عايشه معاهم .... لسا كنت بكلم هدى .. هو وهى بهدلو بعض فى التليفون تانى ...

مروان : بيبص لمازن بمكر .... اه .. طيب .. خليك أنت لحد ما تبقى كويس ... وبعدان لسا فى شبكه وكتب كتاب وفرح ... ما تقلقش يعنى

مازن : بس انا عايز أروح معاكو ... والله لو ما روحت .. ما ها أحضر له حاجه .. ودلوقتى انا بقدر امشى عل عكاز

شريف : يامازن أرحمنى ..

مازن : والله ما ها أعمل حاجه بطل رخامه بقى ....

*******************

روكا : اهئ اهئ اعااااا ... اهئ اهئ اعاااا

هدى : بتبص لايديها وتلفها وبتقول ... اعاااا ... انتى بتعيطى وتجعرى ... يابنتى ارحمينا ... ها يحصل فيكى ايه تانى ...

روكا : انا ضحية مجتمع قاسى .... مش متقبلنى ... الغيره عامتهم كلهم

فاطمه : 😂😂😂😂 والله انتى صعبانه عليا ..

روكا : قوليلى يا فطوم انا فيا ايه بيستفذهم كدا ... بصى يافطوم ...

فاطمه بخضه : ايه دا

روكا : بتشاور على العضه الا فى دراعها وبتقول ... دا جبروت امرأه .... حينان ... وما ادراكم ما حينان ..

هدى : حضنتها ياعينى يا روكا ... معلش يا حبيبتى ...

روكا حطت راسها على صدر هدى .... وبتتكلم بجديه ... عارفه ياهدى ... انا مبسوطه قوى انى عندى عيلتين .. وبيحبونى قوى ... ما تبصيش كدا ... حينان وربنا بتحبنى ... دا لو اتاخرت عليها يوم ... ممكن تيجى تأرومنى هنا 😂😂😂.. وبابا واخويا ... وفطوم وانتى ... وبتحضنها جااامد قوووى ... ها تبقى عروسه ... وتسيبنا خالص ... البيت ها يبقى رخم من غيرك قوى ... لما بتسافرى الكليه ... بحس ان حاجه ناقصانى ... مين الا ها يرغى معايااا طول الليل ... مين الا ها يرخم عليا وارخم عليه ... حتى فطوم ... هدى .. هدى .. امتى تقعد وتبقى فى حضنى ...

فاطمه وهدى دموعهم نزلت ... من كلام روكا ...

هدى : خلاص انا مش عايزا اتجوز ... كل الحب دا ليا ومخبياااه ...

روكا : اتعدلت ... وبهزار ... لا بقولك ايه انزاحى ياختى ... فضى الطريق لغيرك ... انا عايزا اتجوز واوقع واد مز من صحاب جوزك ... بس بعيد عن الواد السمج الا أسمه مازن دا ....

هدى : 😂😂😂 انتى عمرك ما تكمليها جد للاخر

فاطمه : ربنا يستر ... عليكى .. مش عارفه مين ها يستحمل كمية هزارك دا الرجاله ملهاش خلق ... ونادر لما تلاقى راجل ممكن يتجاوب معاكى ...

روكا : عارفه يا فطوم .. انا عارفه اصلا انى مش ها اتجوز ... وعارفه كمان انى دبش ومحدش بيحبنى ... هما بيقولو عليا فى الكليه كدا ... وعشان كدا ملياش اى أصدقاء ... طول عمرى لوحدى ...

فاطمه صعبت عليها روكا قوى : تعالى يا روكا ... وخدتها فى حضنها .... انتى أحلى بنت ومتقوليش على نفسك كدا ... ودمك خفيف .. وبدال الواحد الف ها يتقدمووو ويقفو على بابك ... سامعه ... خلى عندك ثقه فى نفسك ..

روكا : تفتكرى يا فطوم ... وبتضحك ... انا شايفه مستقبلى وانا لابسه نضاره قعر كوبايه ... وماسكه شكوش فى ايدى .. وبجرى ورا العمال ... واهم حاجه بقى انى ها انزل عض فيهم ... منا لازم أع
*********************
إلي هنا ينتهي الفصل الثانى والعشرون من رواية رواية خادمتى ولكن ج1 بقلم لولو طارق
تابع من هنا: جميع فصول رواية خادمتى ولكن بقلم لولو طارق
تابع من هنا: جميع فصول رواية قاسى ولكن أحبنى بقلم وسام أسامة
تابع من هنا: جميع فصول رواية عروس بلا ثمن بقلم إيمى نور
تابعوا صفحتنا على الفيس بوك للمزيد من روايات حب
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة