-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية متمردة عشقت كبريائه - دودو محمد - الفصل الرابع عشر

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلةعلي موقعنا قصص 26 وموعدنا اليوم مع الفصل الرابع عشر من رواية متمردة عشقت كبريائه بقلم دودو محمد

رواية متمردة عشقت كبريائه بقلم دودو محمد - الفصل الرابع عشر

اقرأ أيضا: قصص رومانسية

رواية متمردة عشقت كبريائه - دودو محمد
رواية متمردة عشقت كبريائه - دودو محمد

رواية متمردة عشقت كبريائه بقلم دودو محمد - الفصل الرابع عشر

فى فيلا فريد المنشاوى
المأذون :- اسم العروسه ايه يا فهد باشا
فهد :- قام وراح وقف قصاد مليكه وولع سيجاره كوبى واخد نفس وطلعه فى وش مليكه وقال وانتى بأى حق بتاخدى القرار وتنسبى نفسك ليا
مليكه :- علشان انت اللى هتموت عليا وعملت بكل الطرق اللى تخلينى اوافق عليك
فهد :- ههههههههه على اساس ان انا هموت عليكى يابت انتى واخده قلم فى نفسك جامد اوى انتى مين يا جربوعه علشان فهد المنشاوى يبقى هيموت عليكى انتى حتة بنت ولا تسوى ادوس عليها برجلى افعصها زى الصرصار
مليكه :- كلام فهد جرحها مسكت دموعها وقالت وانت مفكر نفسك مين انت واحد معندكش دم ومتكبر ومغرور ومفكر الدنيا كلها خدامين عندك انت عارف لو رجع بيا الزمن لورا تانى وجت ليا الفرصه ان اضربك هعملها تانى وتالت انت بنأدم معندكش ريحت الدم انت واحد ضعيف وبتظهر قدام الناس انك قوى لكن انت ضعيف من جواك عارف انا ميشرفنيش ان اكون مرات واحد زيك عارف ليه علشان انت اقل من يتقال عليك واحد زباله
فهد :- رفع ايده ولسه هيضربها
مليكه :- مسكتها وقالت اياك تفكر تعملها هكسرهالك انا مش واحده من اللى بتجبهم من الشارع ومش هقبل انك تهنى ولا تعمل ليا حاجه توجعنى وحدفت ايده
فهد :- ودينى لاندمك على كل كلمه قولتيها
مليكه :- راحت عند ودنه وقالت متقدرش كنت قدرت على اللى ضحكت عليك واخدت منك فلوسك ورمت رميت الكلاب وبعدت عنه وربعت ايديها على صدرها وضحكت ضحكة انتصار
فهد :- اعااااااااااا ومسك الكرسى حدفه فى الارض وقال وهو بيدوس على سنه حسابك كبر معايه يا مليكه وهتشوفى هعمل معاكى ايه
وقعد جنب المأذون وقال اكتب الكتاب
المأذون :- اسم العروسه
فهد :- مليكه عبدالرحمن مظهر
رهف :- طلعت تجرى على امها وقالت الحقى يا مامى خطفت منى العريس
سوزى :- ايه اللى بيحصل ده يا سهير انتى جيبانا هنا نتهزق
سهير : - انا معرفش ايه رجعها تانى وراحت لفهد وقالت ايه اللى انت هتعمله ده يا فهد
فهد :- محدش ليه دعوه
سهير :- اعمل حسابك لو صممت على البنت دى مفيش قعده هنا فى الفيلا وانسى ان ليك ام
فهد :- بص للمأذون وقال اكتب الكتاب
سهير :- كده ماشى يا فهد وسابتهم ومشيت دخلت الفيلا
المأذون :- اين وكيل العروس
سوزى :- شدت ايد ممدوح وقالت احنا استحاله نقعد هنا ثانيه واحده وقالت يلا يا اسر
اسر :- لا مش همشى روحى انتى وبابا ورهف
سوزى :- كده ماشى يا اسر لينا كلام بعدين وبصت لمليكه من فوق لتحت ومشيت
المأذون :- اين وكيل العروس يا جماعه
اسر :- انا وكلها
مليكه :- بصت ليه بعنيها تشكره
اسر :- ضحك ليها وطمنها بعنيه
وقعد وحط ايده فى ايد فهد
مليكه :- كانت خايفه من جواها بس كانت بتحاول تظهر ان هى قويه
المأذون:- بارك لكما وبارك عليكما وجمع بينكم فى موده وخير
وفى الوقت ده دخل فارس
فارس :- ايه ده كنت ناوى تتجوز من غيرى
فهد :- فارس انت وصلت امته
فارس :- جرى على فهد وحضنه وقال من المطار على هنا علطول مبروك يا فهد مكنش ينفع تتجوز من غير ما اكون موجود
فهد :- الله يبارك فيك يا حبيبى
فارس :- سلم على ابوه وعلى جدتته وقال امال فين ماما
فريد :- جوه فى الفيلا دى هتفرح اوى لما تشوفك
فارس :- طب مش ناوين تعرفونى على العروسه
ناديه :- تعال اعرفك عليها
فارس :- طب لما انتو تتعرفو على مراتى وعلى ابنى
فريد :- هما معاك
فارس :- ايوه بس بتظبط نفسها فى العربيه اهى جت
الكل :- بص على مكان ما شاور فارس
فهد :- اتصدم وقال مروه
ناديه :- بصت لفهد وقالت لا مش معقول
فارس :- تعالى يا مروه باركى لفهد
مروه :- مبروك يا فهد باشا
فهد :- كان مصدوم ومش بيرد عليها
فارس :- ههههههه ايه يا ابنى انت لحقت تسهم كده متخفش الجواز حلو
ناديه :- بصت على فهد اللى كان الصدمه مأثره فيه ومش بيرد راحت عند ودنه وقالت فهد حاول تبان طبيعى علشان اخوك ما يخدش باله ويشك فيك
فارس :- مالك يا ابنى مسهم كده
فهد :- مفيش يا فارس وبص لمروه وقال اذيك يا مدام مروه
مروه :- بضحكة استفزاز كويسه المهم تكون انت كويس
فهد :- لازم اكون كويس ربنا بعت ليا واحده مفيش زيها فى الدنيا ادب واخلاق واهم حاجه محفظه على نفسها
ناديه :- حاولت تداوى الموقف وقالت امال فين ابنك يا فارس
فارس :- مش عارف وبص حواليه لاقه وقف مع واحده
عند مليكه
فايزه :- كده يا مليكه تقلقينى عليكى طول النهار كنتى فين كل ده
مليكه :- معلش يا ماما انا اسفه بس روحت مشوار كان لازم اروحه النهارده
مها :- فين يعنى
مليكه :- مش وقته هبقى اقولك بعدين
وفى الوقت ده حست بأيد طفل صغير بتشد هدومها نزلت ليه وقالت ايوه يا حبيبى
عدى :- طنط بليز ممكن تودينى عند مامى
مليكه :- طب هى ماما فين انا معرفهاش
عدى :- مش عارف بس بابى دخل هنا ومامى دخلت وراه ومش عارف راحو فين
مليكه :- امممم مش عارفه تعال ندور عليهم ومسكت ايد عدى ومشت بيه
وقعدت تدور مع عدى
عدى :- شافهم وقال اهم يا طنط وشاور عليهم
مليكه :- بتبص على مكان ما شاور عدى لاقتهم وقفين مع فهد
عدى :- يلا يا طنط تعالى معايه
مليكه :- ها ط.ط.طب تعال واخدته وراحت عند فهد
عدى :- مامى مامى كنت بدور عليكى انا وطنط
مروه :- تعال يا حبيبى سلم على عمو فهد
عدى :- طلع يجرى على فهد وقال عمو فهد كان نفسى اشوفك من زمان
فهد :- شال عدى وباسه وكان مستغرب من قرب الشبه اللى بينه وبين عدى
ناديه :- اخدته وقالت بسم الله ما شاءالله زى القمر نسخه من فهد
فريد :- اخده وحضنه جامد وقال يااااااه كنت هموت واشوفك انت عارفنى انا مين
عدى :- ايوه جدو فريد
فريد :- حضنه وقال قد ايه حلو اوى كلمة جدو منك
فارس :- جرى ايه يا جماعه مش ناوين تعرفونا على العروسه ولا ايه
فهد :- بحركه فجائيه سحب مليكه من دراعها وحط ايده على كتفها وحضنها وقال هى دى القمر بتاعى
مليكه :- اتفاجئت من حركة فهد واتصدمت من كلامه
فارس :- يا خلبوس طلعت مش سهل ومد ايده وقال انا فارس اخو فهد الصغير
مليكه :- مدت ايديها وسلمت عليه بتوتر وقالت ا.ا.اهلا بحضرتك
فارس :- لا حضرتك ايه قولى فارس عادى اسمك انتى ايه
مليكه :- م.م.مليكه
فارس :- عاشت الاسامى يا مليكه اسمك حلو اوى
مليكه :- ش.ش.شكرآ
فارس :- ودى بقى يا ستى تبقى مراتى مروه
مروه :- هاى هى دى مش بطاله
فهد :- حضن مليكه اكتر وقال لا مش بطاله ايه دى هى دى اللى قدرت تخطف قلبى من نظره واحده
مليكه :- فتحت بؤقها وبلمت
مروه :- ههههههه شكلك حارمها من الكلام الحلو ده دى شكلها مش مصدقه نفسها ان هى بتسمع الكلام ده منك
فهد :- بيبص عليها لاقها فتحه بؤقها
قال ها هى بتتكسف بس مش بتحبينى اقول ليها كلام حلو قدام حد
مليكه :- وهى مصدومه ع.ع.عن اذنكم وسابتهم ومشيت
فارس :- هههههه شكلها اتكسفت
فهد :- مش بقولك خجوله جدآ وبص بقرف لمروه وقال مش زى بنات اليومين دول تنام يومين مع الواحد وتوهمه ان هى بتحبه وبعدين تسيبه وتروح تدور على غيره
فارس :- اه يا عم ربنا يلطف بينا بقى فى بنات عايزه الحرق والله
مروه :- ع.ع.عن اذنكم
فارس :- هتروحى فين يا حبيبتى
مروه :- هروح الحمام
فارس :- طب انتى عارفه هو فين
مروه :- لا هسأل
ناديه :- انا داخله تعالى معايه
ومشيت مروه مع ناديه
ودخلو الحمام
ناديه :- بشده انتى عايزه ايه مننا ضحكتى على فهد واخدى الفلوس منه وسافرتى وبعدين روحتى دورتى على فارس اخوه ولعبتى عليه انتى ايه يا شيخه شيطانه
مروه :- اوعى كده والله انا مضربتهوش على ايده وقولتلو يحبينى هو اللى كان بنأدم ساذج اما فارس الاول مكنتش اعرف ان هو اخو بس بعد كده عرفت وهو حبينى واتجوزنى يعنى صدفه بس الصراحه حلوه اوى
ناديه :- انا بقولك اهو ملكيش دعوه بفهد ركزى مع جوزك وابنك وخلى بالك اياكى حسك عينك توقعى الاخوات فى بعض واقسم بالله لهكون انا اللى تقف ليكى وتعرفك مقامك فاهمه واحده واقحه صحيح وسابتها ومشيت
مروه :- ههههههههه ابعد ده اللعب هيحلو اوى
……………………………………………………
فى الجنينه
كانت مى عجبها الفيلا وقالت
مى :- ياربى الواحد ربنا ما يدهوش فيلا زى دى يعيش فيها بدل الشقه اللى واحد عيش فيها يارب نفسى اعيش عيشه زيهم ويبقى عندى فلوس زى اللى عندهم وغمضت عنيها وقالت ياااااااااه ده الواحد كان هد الدنيا لو معاه فلوسهم وفتحت عنيها شافت شخص واقف قصدها وبيضحك
مى :- انت مش انت البنأدم اللى كان هيخبطنى بالعربيه
……:- ههههههه اه انا
مى :- وبتعمل ايه هنا وبعدين انت وقف بتضحك ليه
………:- اولا انا هنا فى فرح قرايبى ثانيآ بضحك عليكى
مى :- ليه بقى ان شاءالله شيفنى اراجوز قدامك
……:- لا شايف قدامى واحده مجنونه وبتكلم نفسها
مى :- تصدق انك بنأدم قليل الادب ومستفز
………:- هههههههه ليه بس
مى :- كده عن اذنك
………:- استنى بس هو انتى علطول كده متعصبه ومستعجله
مى :- انت هتصحبنى ما تلم نفسك
وفى الوقت ده جت مليكه
مليكه :- فى ايه
مى :- فى ان الراجل ده قليل الادب ووقح وعمال يعاكسنى
……:- انا عكستك
مى :- ايوه
مليكه :- لا مستحيل استاذ باسم محترم ما يعملش كده
مى :- انتى تعرفيه
مليكه :- ايوه ده مديرى فى الشغل
مى :- اه يبقى اكيد شبه اللى مشغله الطيور على اشكالها تقع
باسم :- مين البنت دى يا مليكه
مى :- دى اختى الصغيره
باسم :- مستحيل تكون اختك دى الدكتور سحبها من لسنها ولا ايه
مليكه :- هههههههه هى كده علطول حتى فى البيت عندنا على النظام ده
مى :- والله بقيت مضحكه ليكم
مش هرد عليكم وسابتهم ومشيت
باسم :- مستحيل تكونو اخوات ده فى اختلاف كبير بينكم انتى هاديه وطيبه لكن هى مجنونه وشعنونه كده فى نفسها
مليكه :- دى دقيقه وجنتك امال تعمل ايه لو قعد معاها يوم واحد
باسم :- لا وعلى ايه خلينى بعقلى احسن
مليكه :- هههههههههه
باسم :- المهم كويس عملتى اللى قولتلك عليه
مليكه :- بس متفكرنيش ده كان ناوى يموتنى بس طلع عصبيته فى الكرسى
باسم :- زى ما قولتلك مستحيل يقدر يأذيكى هو بيحبك بس مع اللى حصل ليه قبل كده بقى يكابر ومش عايز يعترف بحبه ليكى ولا حتى لنفسه
مليكه :- منكرش ان انا حسيت ده من نظرت عيونه ليا بس برضه مقدرش اقول انى مش خايفه ده انا هموت من الرعب
باسم :- احنا اتفقنا ايه تكونى قويه وطلعى عيونه
مليكه :- ربنا يستر
باسم :- خير ان شاءالله عن اذنك هروح اشوف فهد محتاج حاجه ولا لا
مليكه :- ماشى
ومشى باسم وقعدت مليكه فى الارض تفتكر اللى حصل من اول اليوم
……………………………………………………
فلاااااش بااااااك
قامت مليكه من نومها واخدت قرار ونويت على تنفيذه قامت ودخلت الحمام اخدت شاور واتوضت وخرجت لبست هدومها وادت فرضها وخرجت من اوضتها وكان الكل نايم
فتحت الباب ونزلت وقفت تاكسى وراحت بى على عيادة نسا دخلت ودفعت كشف واستنت دورها لحد ما الممرضه ندهت على اسمها دخلت مليكه لدكتوره وقالت
مليكه :- السلام عليكم
الدكتوره :- وعليكم السلام اتفضلى
مليكه :- ش.ش.شكرآ
الدكتوره :- انتى انسه
مليكه :- ا.ا.ايوه
الدكتوره :- تمام اتفضلى قولى حضرتك بتشتكى من ايه
مليكه :- لا انا مش بشتكى ب.ب.بس ك.ك.كنت عايزه ا.ا.اعمل كشف عذريه
الدكتوره :- تمام قومى حضرتك نامى على السرير
مليكه :- بصت على السرير وخافت
الدكتوره :- اطلعى حضرتك متخفيش
مليكه :- طلعت نامت على السرير
الدكتوره :- لبست الجوانتى الطبى فى ايديها
مليكه :- كانت خايفه وجسمها بيتنفض
الدكتوره :- اهدى يا حبيبتى علشان اعرف اكشف عليكى
وبعد وقت قصير انتهت الدكتوره من الكشف على مليكه وقالت قومى حضرتك
مليكه :- قامت من على السرير وظبطت هدومها وقعدت على الكرسى اللى قصاد المكتب وقالت ها يا دكتوره
الدكتوره :- يا حبيبتى انتى لسه virgin
مليكه :- بفرحه بجد يا دكتوره يعنى انا زى ما انا
الدكتوره :- ايوه
مليكه :- وقفت وقالت شكرآ جدآ ليكى يا دكتوره
الدكتوره :- العفو مع السلامه
مليكه :- مع السلامه وخرجت من عند الدكتوره وركبت تاكسى
وراحت عند المقابر
فى المقابر
دخلت مليكه ووقفت قصاد قبر ابوها
مليكه :- بدموع انا محتاجك اوى يا بابا جنبى محتاجه اترمى فى حضنك واطلع الوجع اللى جوايا محتاجه اتكلم مع حد من غير ما اخاف يحصل ليه حاجه من الزعل عليا انا اه طلعت الحمدالله زى ما انا بنت بس برضه خايفه موافقش على الجواز اكون كده اتخليت عن بنأدم محتاج يطلع للنور حتى لو هو ظلمنى وفى نفس الوقت مش قادره اتصور ازاى هقدر اعيش معاه تحت سقف واحد انا فى دوامه ومش عارفه اطلع منها محتاجه رأى حد بثق بى قولى اعمل ايه يا بابا وفى الوقت ده سمعت صوت راجل بيعيط جنبها بتبص اتفاجئت ان باسم
مليكه :- استاذ باسم
باسم :- مسح دموعه وقال مليكه بتعملى ايه هنا
مليكه :- كنت بزور بابا وحضرتك
باسم :- احم بص على القبر ودمعه نزلت منه وقال بزور حب عمرى يا مليكه
مليكه :- حبيبتك
باسم :- مش بس حبيبتى دى عمرى ودنيتى اللى اخدتها معاها دى سما مراتى وعشقتى وكل حاجه حلوه
مليكه :- هو حضرتك كنت متجوز
باسم :- اه كنت متجوز زميلتى فى الكليه وحب 3سنين وقعد معاها سنه بعد الجواز وفى يوم كانت فرحانه بخبر حملها وخرجه من عند الدكتور ومش شايفه جت عربيه وخبطتها وماتت علطول ودموعه نزلت منه
مليكه :- نزلت دمعه من عنيها وقالت ربنا يصبر قلبك ويرحمها يارب
باسم :- انا من يوم موتها من حوالى 3سنين وانا عايش جسم من غير روح اخدت كل حاجه حلوه فى حياتى وسابت ليا وجع القلب والحزن يا مليكه
مليكه :- حضرتك طيب اوى يا استاذ باسم وتستاهل كل خير
باسم :- وانتى ايه جابك هنا وايه اللى سمعته ده من فهد
مليكه :- زى ما قولت لحضرتك كنت بزور بابا وفهد موضوعه انتهى معايه
باسم :- انا فهد كلمنى وقال ليا ان هو النهارده كتب كتابه هو وواحده اسمها رهف
مليكه :- بصدمه رهف
باسم :- اه انتى تعرفيها
مليكه :- د.د.دى بنت عمى
باسم :- لا كده فى كلام كتير تعالى نتكلم فى مكان تانى
وخرجت مليكه مع باسم وركبت معاه العربيه وراح بيها كافيه
باسم :- احكيلى بقى ايه اللى حصل اللى خلاكى تغيرى رأيك وترفضى فهد واختفيتى الاسبوع اللى فات ده كله
مليكه :- هقولك وحكت ليه كل حاجه حصلت ما بنها وبين فهد ولما اخدها الشقه عنده وعلى زيارة ناديه ليها
باسم :- بصى هو نانا عندها حق
مليكه :- مين نانا
باسم :- جدت فهد احنا متعودين نقول ليها نانا
مليكه :- اه ماشى وهى عندها حق فى ايه بقى
باسم :- فهد بيحبك وده انا شوفته بعينى فى عينه ومش بس بيحبك لا ده بيعشقك ده الاسبوع اللى فات كان هيموت علشان مش شايفك قدامه وبعدين يكفى انك كنتى السبب فى بعد فهد عن الحرام والعلاقات المحرمه اللى كان بيعملها فى شقته فهد ملمسش ولا واحده من يوم ما عرفك انتى عملتى اللى بقالنا كذا سنه بنحاول نبعده عنه
مليكه :- بس انا مش بحبه ولما بشوف شكله بتعصب علطول
باسم :- يا مليكه صدقينى فهد مش وحش والله ومع الوقت هتكتشفى ده
مليكه :- والله مش عايزه اشوف ولا الوحش ولا الحلو انا عايزه اعيش مرتاحه زى الاول قبل ما يظهر فى حياتى
باسم :- طب بصى انتى ممكن تتجوزى فهد فتره وتشوفى لو ارتحتى معاه وحبتيه كملى وده متأكد منه ولو لاقيتى نفسك مش حابه العيشه معاه ممكن تبعدى عنه وتتطلقى منه ومش هتكونى خسرتى حاجه
مليكه :- لا هكون خسرت كتير اول حاجه هيتقال عليا مطلقه وتانى حاجه هكون خسرت كرامتى مع بنآدم زى ده
باسم :- سهل طول ما انتى بتتعملى معاه بنفس الطريقه عمر ما فهد هيقدر يعمل معاكى حاجه بالعكس هيتمسك بيكى اكتر متسلمهوش نفسك علطول طلعى عنيه خليكى متمرده عليه علطول خليكى عنديه خليكى قويه زى ما هو شيفك صدقينى هتشوفى واحد تانى نهائى غير فهد اللى انتى شوفتيه بس رجعى فهد اللى احنا نعرفه من زمان من قبل ما يحب البنت اللى كان بيحبها
مليكه :- سكتت
باسم :- كمل كلامه وقال اعتباريه عمل خير علشان خاطرنا احنا بلاش هو
مليكه :- مش حضرتك بتقول هيتجوز رهف
باسم :- هو واخدها عند مش اكتر وانا هقولك تعملى ايه
مليكه :- طب افرض هو عاند ورفضنى قدام الناس كلها
باسم :- مستحيل فهد ما هيصدق ان يشوفك قدامه ممكن يقولك كلام يجرحك بس مستحيل يرفضك
وبعدين هديكى الطريقه اللى تخلى فهد يتجوزك انتى
مليكه :- انا خايفه يا استاذ باسم
باسم :- لا خليكى قويه وجمدى قلبك كده ويلا اشترى ليكى فستان ليكى تلبسيه بدل الهدوم دى ده كتب الكتاب فى الفيلا
مليكه :- لا شكرآ هحضر كده
باسم :- يلا يا مليكه اسمعى الكلام بقى
مليكه :- ح.ح.حاضر
ومشى باسم ومليكه وراحو يشترو الفستان ولبسته وراحت على الفيلا فى عربية باسم
……………………………………………………
بااااااااااك
فاقت مليكه على ايد على كتفها بصت لاقتها ناديه
ناديه :- مبروك يا حبيبتى
مليكه :- الله يبارك فيكى
ناديه :- شكرآ ليكى يا بنتى انك وافقتى على كلامى وقبلتى الجواز من فهد
مليكه :- العفو يا حاجه ربنا يقدرنى واقدر اغيره للاحسن
ناديه :- اولا قولى ليا نانا زى ما بيقولو ليا وثانيآ انا واثقه فيكى ومتأكده انك هتقدرى تغيرى فهد وترجعى لينا زى الاول
وفى الوقت ده جه فهد وقال
فهد :- مش يلا
مليكه :- على فين
فهد :- على الشقه هيكون على فين يعنى
ناديه :- طب ما تيجو اقعدو معايه فى الشقه بدل ما انا قعده لوحدى
مليكه :- ياريت
فهد :- لا هقعد فى شقتى وبص لمليكه وقال وانتى يلا ورايا ومشى وسابهم
مليكه :- بخوف ربنا يستر من اللى جاى
ناديه :- متخفيش وجمدى قلبك ربنا معاكى
فهد :- مايلا ولا اجى ابوس ايدك علشان تمشى
مليكه : - لو سمحت اتكلم بأسلوب احسن من ده معايا انا مش خدامه عندك
فهد :- صوتك ما يعلاش عليا ولما اقول يلا يعنى يلا مش هقول الكلمه كذا مره
مليكه :- لنفسها اللهم يطولك يا روح ومشت وراه فهد وركبو العربيه وراحو على الشقه
……………………………………………………
فى الفيلا
دخل فارس هو مروه الفيلا وطلع خبط على اوضت امه
سهير :- انا قولت مش عايزه اشوف حد
فارس :- من وراه الباب حتى انا ياسوسو
سهير :- مصدقتش نفسها لما سمعت صوت فارس قامت تجرى فتحت الباب واول ما شافت فارس قعدت تحضن فيه وتبوس فيه
فارس :- واحشتينى ياسوسو والله
سهير :- انت اكتر يا حبيبى اهون عليك يا فارس تقعد هناك كل ده ومتسألش عليا
فارس :- خلاص بقى يا سوسو قلبك ابيض مش عايزه تسلمى على مراتى
سهير :- بصت على مروه وقالت هى دى مراتك
فارس :- اه ايه رأيك بقى فى زوقى
مروه :- اذيك يا طنط بس حضرتك شكلك صغير اوى اللى يشوفك ما يصدقش انك ام فارس يحسبو انك اختهم الصغيره
سهير :- اذيك يا حبيبتى وبصت لفارس وقالت لا زوقك جميل يا فارس وشكلها كده رقيق وزوق مش زى مرات اخوك البيئه
فارس :- ليه يا ماما البنت شكلها كويس
مروه :- سورى يا فارس بس انا رأى من رأى طنط البنت دى شكلها لوكر اوى وبيئه الصراحه مش لايقه عليكم خالص
سهير :- شوفت مراتك بتفهم صح فى الناس ازاى لكن انت واخوك طول عمركم مش بتفهمو فى الناس وبيضحكو عليكم
فارس :- ايه يا ماما انتى ايه اللى بتقوليه ده
مروه :- ههههههههههه عسل طنط سوسو
فارس :- ههه خفه
سهير :- امال فين ابنك
فارس :- من ساعة ما وصلنا وبابا ماسك فيه ومش عايز يسيبوه
سهير :- ليه ما هو حفيدى انا كمان
ونزلت تجرى تشوف عدى
*********************
إلي هنا ينتهي الفصل الرابع عشر من رواية متمردة عشقت كبريائه بقلم دودو محمد
تابع من هنا: جميع فصول رواية متمردة عشقت كبريائه بقلم دودو محمد
تابع من هنا: جميع فصول رواية أرض زيكولا بقلم عمرو عبدالحميد
تابعوا صفحتنا على الفيس بوك للمزيد من قصص رومانسية
حمل تطبيق قصص وروايات عربية من جوجل بلاي
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة