قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلةعلي موقعنا قصص 26 وموعدنا اليوم مع الفصل الثامن عشر من رواية متمردة عشقت كبريائه بقلم دودو محمد

رواية متمردة عشقت كبريائه بقلم دودو محمد - الفصل الثامن عشر

اقرأ أيضا: قصص رومانسية

رواية متمردة عشقت كبريائه - دودو محمد

رواية متمردة عشقت كبريائه بقلم دودو محمد - الفصل الثامن عشر

اشرقت شمس نهار يوم جديد بنورها الساطع فى سماء الاسكندريه لتبدء مليكه تفتح عنيها قامت قعدت على ومسكت ضهرها وحسست عليه من الوجع من نومت الارض وبصت نحية فهد على السرير لاقته لسه نايم قامت براحه ووقفت قصاده وقعدت تبص عليه وسرحت فيه وشويه وحست ان فهد بيتحرك جريت وقعدت على الكرسى
فهد :- فتح عينه وبص حواليه فى الاوضه ولاقه مليكه قعده على الكرسى قال صباح الخير صاحيه من بدرى
مليكه :- صباح النور لسه صاحيه
فهد :- عرفتى تنامى على الارض
مليكه :- ضهرى اتكسر
فهد :- انتى اللى دماغك نشفه قولتلك نامى على السرير جمبى ومش هاجى جمبك والله
مليكه :- برضه لا
فهد :- اولعى وقام دخل الحمام اخد شاور ولبس البورنص وخرج من الحمام
وقال اهو لبست حاجه محترمه
مليكه :- شكرآ على كرم اخلاقك وسابته ودخلت الحمام واتوضت وخرجت ادت فرضها والباب خبط لسه مليكه هتروح تفتح
فهد :- رايحه فين
مليكه :- هفتح الباب
فهد :- على اساس اللى معاكى فى الاوضه سوسن ادخلى انا هفتح وراح فتح الباب وبعد شويه دخل بالاكل والعصير
مليكه :- كويس جه فى وقته انا هموت من الجوع
فهد :- اول مره يعنى مدوخنيش وتقولى مليش نفس
مليكه :- اممم مش عارفه بس جعانه اوى
فهد :- طب بالهنا والشفا عندك الاكل كله
مليكه :- كل معايه
فهد :- فرح اوى من تغير مليكه معاه وقال ماشى يلا
واكلو الاتنين وبعد ما اكلو شربت مليكه العصير وشرب فهد القهوه والباب خبط
قام فهد فتح الباب وكان باسم
فهد :- تعال يا باسم ادخل
باسم :- انا هروح استقبل الوفد فى المطار واجى
فهد :- تمام وهكون انا فى استقبالهم
ومشى باسم ودخل فهد
مليكه :- مين
فهد :- ده باسم رايح يستقبل الوفد فى المطار
مليكه :- تمام يلا احنا ننزل نستناهم تحت
فهد :- اوك يلا
ونزلت مليكه مع فهد وكانت مروه قعده هى وسهير وفارس وعدى
مليكه :- صباح الخير
الكل :- صباح النور
فهد :- ايه يا ابنى كل ده نوم ده انت امبارح كنت ميت مش نايم
فارس :- مش عارف امبارح ايه اللى جرى من ساعة ما دخلت الفندق نمت ما صحيتش غير لما النهار طلع
مليكه :- ممكن من تعب السواقه ولا حاجه لان الطريق طويل وانت بتسوق سواقه متواصله
فارس :- فعلا ممكن يكون هو ده السبب
عدى :- على فكره يا عمو انا زعلان منك اوى مخصمك
فهد :- لالالا مقدرش على زعل الجميل حبيب عمه زعلان ليه
عدى :- علشان جيت صبحت على الكل وانا لا
فهد :- لا مقدرش ده انت الشمس اللى بتنور نهارى تعال كده فى حضن عمو
عدى :- طلع يجرى على فهد وحضنه جامد
فهد :- حس بشعور غريب وهو عدى فى حضنه وضمه جامد ومكنش عايز يطلعه من حضنه
فارس :- ايه ده لا ده انا هغير على كده ده عمره ما حضنى الحضن ده
فهد :- هههههههه لا انصحك تجرب الحضن ده اصله حلو اوى
فارس :- طب تعال يا عدى هات حضن زى بتاع عمو كده
عدى :- لا الحضن ده لعمو فهد وبس
فارس :- كده طب وحيات امك مش هجيب ليك الشكولاته
عدى :- لا ليه كده ده انت حبيبى يا ابو الفوارس
الكل :- ههههههههههههههههههه
فارس :- شوفتو الولا وبكشه
فهد :- ملكش دعوه بى وانا هجيب ليك احلى شكولاته
عدى :- حبيب قلبى يا فهدى
فهد :- اتفاجئ بالكلمه دى من عدى وبص لمروه
مروه :- ضحكت ضحكة لئم وقالت ههههههه الولد بيقول اى كلمه يسمعها بس مش عارفه جاب الكلمه دى منين
فهد :- بص لعدى وقال حبيب قلب عمو ممكن تقولى اى كلمه غير الكلمه دى اصل انا بكره الاسم ده اوى
عدى :- حاضر يا عمو مش هقولو تانى
فهد :- شاطر يا بطل وبليل هيكون عندك احلى شكولاته يلا روح العب
وبص لمروه من فوق لتحت وقال ملوكه تعالى عايزك
مروه :- لا سيب معانا ملوكه ما هى معاك علطول سبها لينا شويه
فهد :- شدها من ايديها ليه فى حضنه وقال مليكه ليا انا لوحدى محدش ليه فيها حاجه وبسها فى رسها
مليكه :- اتفاجئة بحركة فهد واتصدمت اكتر لما بسها
فارس :- ايوه يا عم الله يسهلو
فهد :- بلاش قر وحياة امك احسن تنشنا عين
سهير :- فهد ايه طريقة الكلام البيئه دى اللى انت بتتكلم بيها
مروه :- ممكن يكون اتأثر بطريقة كلام مراته بقى يشبها شويه وبصت لمليكه وقالت سورى يا مليكه متزعليش
مليكه :- لا عادى عن اذنكم ومشيت وسابتهم
فهد :- بعصبيه ياريت بعد كده اللى تقول كلمه تخلى بالها علشان مش هقبل لاى حد من يكون يهين مراتى وسبهم ومشى
فارس :- بغيظ لمروه مش تخلى بالك من كلامك اهو زعلتيهم
مروه :- وانا قولت ايه مش هى دى الحقيقه
فارس :- لا مش الحقيقه البنت كويسه ويكفى انها قدرت تغير من فهد بعد ما كان مش بيحب الحياه وشايف كل حاجه سوده لواحد بيضحك وشايف الدنيا بلون جديد
مروه :- بغيظ على ايه دى واحده اقل من العادى يعنى
فارس :- مرووووووووه ملكيش دعوه بيهم
سهير :- اهدا يا فارس هى مغلطتش فى
حاجه مراتك عندها حق
فارس :- وقف وقال انا قولت اهو اى حد هيقول كلمه تجرح اخويه ولا مرات اخويه انا اللى هقف ليه وسبهم ومشى
مروه :- عجبك كده يا طنط اللى ابنك بيعمله
سهير :- يا حبيبتى معلش هو اتعصب شويه علشان اخوه من صغرهم والاتنين كده كل واحد يزعل على اخوه لما حد يجرحه بكلمه
مروه :- انا مش عارفه البنت دى عامله ليهم ايه مخلياهم يحبوها كده
سهير :- بكره نستريح منها
مروه :- يارب
……………………………………………………
فى شقة اسر
فى اوضت مها
صحيت من نومها دخلت الحمام اخدت شاور واتوضت وخرجت ولبست هدومها وادت فرضها وخرجت من اوضتها
مها :- صباح الخير
مى وفايزه :- صباح النور
فايزه :- تعالى يا حبيبتى افطرى
مها :- قعدت على السفره وقعدت تبص على الاكل ومش بتاكل
فايزه :- مها مالك يا حبيبتى مش بتاكلى ليه
مها :- كانت سرحانه ومسمعتش امها
فايزه :- مها مها
مها :- ها ن.ن.نعم يا ماما
فايزه :- ايه يا بنتى بكلمك وانتى سرحانه
مها :- معلش يا ماما مأخدش بالى
مى :- اللى واخد عقلك يا جميل
مها :- مى اتلمى
فايزه :- مالك يا حبيبتى شكلك فى حاجه
مها :- سلامتك يا ماما انا كويسه
مى :- صح هو اسر امبارح مش امته
مها :- م.م.مشى علطول مقعدش
فايزه :- بجد طلع جدع اوى وابن حلال انا مش عارفه لو مكنش وقف جمبنا كنا هنعمل ايه ربنا يرزقه ويوسع رزقه يارب
مى :- بصت على مها وقالت ويرزقه ببنت الحلال اللى تسعده وتحس بى
مها :- وقفت وقالت عن اذنكم انا نزله الجامعه
مى :- طب استنى خدينى معاكى على السكه
مها :- لا انا همشى لوحدى وسبتهم ومشيت
فايزه :- يا ترى فيكى ايه يا مها
مى :- اقولك بس تدينى فلوس
فايزه :- انتى عارفه اختك مالها
مى :- هزت راسها بمعنى اه
فايزه :- طب ما تردى اللهى ترد الميه فى زورك
مى :- تؤتؤتؤ ادينى فلوس الاول
فايزه :- بت انطقى بدل ما اديكى بالشبشب على بؤق
مى :- عنيفه اوى انتى يا ست الحاجه
فايزه :- يابت انطقى
مى :- حاضر كنت لسه هخرج امبارح من الاوضه علشان اخد الشاحن من الصاله لاقيت اسر بيعترف بحبه لمها الصراحه الفضول اخدنى اسمع الحوار استخبيت وسمعت كلام اسر بس من اللى انا فهمته ان اسر هيحاول ينسى مها ويعيش حياته عادى علشان هى مش حاسه بى
فايزه :- بصدمه اسر قال كده
مى :- لا الصدمه اللى اكبر بقى ان انا لاحظت انا مها بدءت تحس بأسر وتعجب بى بس بعد فوات الاوان
فايزه :- ياعينى على بختك يا بنتى ملكيش بخت فى الحب ابدآ
مى :- ها مش استاهل بقى قرشين حلوين كده على الماشى
فايزه :- مى قومى امشى من وشى بدل ودينى اخليكى تروحى الجامعه وانتى وشك كله متقطع قوووووومى
مى :- اللللللله ايه ده انتى مالك قلبتى على زينه مرات هركليز كده
فايزه :- قلعت الشبشب
مى :- والله ما انتى قالعه الشبشب انا كده كده ماشيه سلام يا زينه وطلعت تجرى وقفلت الباب وراها
فايزه :- قلبى عليكى يا مها انتى واختك مليكه حظكم مال يارب الطف بيهم
……………………………………………………
فى شركة اسر
وصلت نورهان للشركه ودخلت سألت على مكتب اسر والامن قال ليها على مكان المكتب وركبت الاسنسير وطلعت على المكتب وخبطت على الباب
اسر :- سمح ليها بدخول
نورهان :- صباح الخير يا استاذ اسر
اسر :- صباح النور تعالى اقعدى
نورهان :- قعدت على الكرسى
اسر :- عامله ايه دلوقتى
نورهان :- الحمدالله اتفضل حضرتك ده السى فى بتاعى
اسر :- اخده منها وبص فيه وقال ممتاز جدآ
نورهان :- يعنى ايه حضرتك
اسر :- يعنى اعتبرى نفسك متعينه فى الشركه من اللحظه دى
نورهان :- ميرسى بجد لحضرتك
اسر :- العفو يا ستى ومسك التليفون وطلب المحامى وطلب منه يعمل عقد بأسم نورهان وبعد شويه جه المحامى ومضت نورهان العقد
اسر :- مبروك
نورهان :- الله يبارك فى حضرتك
اسر :- تقدرى تستلمى شغلك من دلوقتى مكتب السكرتيره بره علطول اتفضلى روحى عليه
نورهان :- عن اذن حضرتك
اسر :- اتفضلى
وخرجت نورهان من المكتب ومسك اسر تليفونه وفتح الشاشه وقال
اسر :- واحشتينى يا مغلبانى مش قادر انساكى ولا اقسى عليكى مش عارف انتى عامله فيا ايه وفى الوقت ده رن تليفونه برقم مرات عمه
اسر :- السلام عليكم
فايزه :- وعليكم السلام عامل ايه يا ابنى
اسر :- كويس الحمدالله يا مرات عمى اذى صحتك دلوقتى
فايزه :- نحمد ربنا على كل شئ المهم ايه اللى حصل بينك وبين مها
اسر :- ،وانتى عرفتى منين مها اللى حكت ليكى
فايزه :- لا مى سمعتكم
اسر :- اه حاولت افوقها مبقتش خلاص مستحمل بعدها عنى قلة الاهتمام ليا يا مرات عمى مها مش شيفانى غير اخ وبس
فايزه :- لا مها بدءت تعجب بيك وتتشد ليك
اسر :- ازاى وهى كل شويه تقولى زى اخويه
فايزه :- ما هى مش هتيجى تقولك بحبك يا اسر علطول متنساش ان هى لسه طالعه من موضوع خطوبه وصدمت عمرها فى محمد وبعدين انت لما جيت كلمتنى قولتلك اصبر عليها شويه
اسر :- والله العظيم يا مرات عمى انا بحب مها ومقدرش اتخيل حياتى من غير مها فيها وهى رفضه حتى تدينى
لو نسبة امل صغيره اعيش عليها
فايزه :- براحه يا اسر واصبر شويه عليها وزى ماقولتلك مها بدءت تعجب بيك
اسر :- حاضر يا مرات عمى هصبر عليها
فايزه :- ربنا يبارك فى عمرك يا رب وميحرمنيش منك سلام عليكم
اسر :- وعليكم السلام وقفل مع فايزه وهو مبسوط وفرحان بالكلام اللى سمعه منها
……………………………………………………
فى الغردقه
راح فهد يدور على مليكه فى البحر
لاقها قعده على الرامله وبصه للبحر وسرحانه
فهد :- مليكه بتعملى ايه
مليكه :- وهى لسه بصه على البحر قالت هكون بعمل ايه قعده بستمتع بالبحر
فهد :- مليكه متزعليش
مليكه:- هه وانا من يوم ما عرفتك كل حاجه مزعلانى اشمعنا دلوقتى بتطلب منى مزعلش
فهد :- قعد جمبها على الرمله وبص للبحر
مليكه :- بصت ليه وبعدين بصت على البحر تانى
فهد :- مليكه ا.ا.انا مش عايزك تظهرى ضعيفه قدام حد من اهلى وبالذات ماما ومروه اقفى ليهم واللى يقولك حاجه تجرحك ردى عليه زيه بالظبط ومتخفيش انا فى ضهرك
مليكه :- بصت ليه بأستغراب وقالت انت اللى بتطلب منى كده
فهد :- ايوه يا مليكه انا مش هسمح لحد يجرحك
مليكه:- ليه يا فهد
فهد :- ع.ع.علشان ا.ا.انا ب.ب
مليكه :- علشان انت ايه يافهد
فهد :- بصلها وقال بعصبيه خلاص يا مليكه قومى علشان الوفد اللى جاى مش جاين نحكى ونتكلم احنا جاين للشغل وقام وسبها
مليكه :- استغربت من ردت فعل فهد
باسم :- اذيك يا مليكه
مليكه :- وهى مندهشه اذيك يا استاذ باسم
باسم :- فين فهد
مليكه :- لسه ماشى
باسم :- مالك يا مليكه مندهشه ليه كده
مليكه :- هو صحبك ده عاقل يعنى عنده مخ زى البنأدمين كده
باسم :- ههههههه ليه
مليكه :- اقسم بالله صحبك عنده انفصال فى الشخصيه يبقى بيتكلم هادى وحلو وكويس ومره واحده تلاقى قلب كده لوحده وبقى يزعق ومتكبر انا مش فاهمه بجد حاسه بتعامل مع بنآدم فاقد للاهليه
باسم :- هههههههههههههههه ده انتى مشكله يا مليكه بس عايز اقولك هو فهد كده زى ما شفتى طيب اوى وشخصيه هاديه بس لما بيحس ان عواطفه هتتغلب عليه بيقلب ويحاول يبان ان هو قاسى ومتكبر علشان كده بتشوفى الشخصيتين عند فهد بيتعامل معاكى بطبعته بس لما بيحس نفسه ان حبه ليكى بدء يظهر يقلب فاجئه معاكى المهم دلوقتى يلا احسن سايب الوفد فى الاستقبال ومشى قدمها
مليكه :- والله شكل ايامى الجايه سوده مع فهد بتعامل مع مريض نفسى وطلعت تجرى وراه باسم
……………………………………………………
فى شركة اسر
اسر مسك التليفون بتاع الشركه وطلب نورهان
اسر :- نورهان وراكى شغل
نورهان :- لا يا فندم خلصت الشغل اللى ورايا كله
اسر :- برافو عليكى شكلك نشيطه فى شغلك
نورهان :- ميرسى يا فندم
اسر :- طب يلا ده وقت غدا تعالى ننزل ناكل فى المطعم اللى قصاد الشركه
نورهان :- اوك يا فندم
اسر :- خلاص جهزى نفسك ويلا وقفل مع نورهان وقام مسك مفاتيحه وتليفونه وخرج من مكتبه ونزل هو ونورهان
……………………………………………………
فى الجامعه عند مها
حست نفسها عايزه تتكلم مع اسر
خرجت من الجامعه وركبت تاكسى وراحت عند شركة اسر
ونزلت من التاكسى وحسبت السواق ولسه بتلف علشان تدخل الشركه شافت اسر مع نورهان نزلين مع بعض وبيتكلمو ويضحكو
اسر :- بأستغراب مها خير فى حاجه حد من البيت حصل ليه حاجه
مها :- وهى مضيقه وبتبص على نورهان قالت لالالا خالص كلنا كويسين بس قولت اجى اتكلم معاك شويه
نورهان :- طب عن اذنكم اسيبكم على راحتكم وامشى انا
اسر :- لالالا خليكى انتى يا نورهان
مها :- اتغاظت وقالت خلاص مش وقته شكلى جيت فى وقت غير مناسب ولسه هتمشى
اسر :- مسكها من درعها وقال استنى يا مها تعالى معانا نتغدا ونتكلم هناك وشاور على نورهان وقال دى نورهان السكرتيره بتاعتى وبص لنورهان وشاور على مها وقال دى مها بنت عمى
نورهان :- اذيك ومدت ايديها تسلم على مها
مها :- بصت على ايديها بقرف وسلمت عليها وقالت كويسه ومشت قدمهم
اسر :- بص لنورهان وقال متزعليش هى مها كده طربش بس طيبه والله.
نورهان :- لا عادى والله مش زعلانه وبعدين هى شكلها غيرانه
اسر :- بصدمه غيرانه يعنى هى بتغير عليا منك
نورهان :- ايوه وضحه اوى
اسر :- بفرحه والله لو طلع الكلام ده حقيقى هيبقى ليكى مكافأه كبيره اوى
نورهان :- ميرسى يا فندم مش محتاجه وبعدين انا واحده زيها واقدر اشوف ده بسهولا وممكن اخليك اشوف ده بعنيك
اسر :- بفرحه يا سلاااااام احب اشوف اوى
نورهان :- اوك تعال معايه وهخليك تشوف ده بعنيك
ومشت نورهان مع اسر وقدمهم مها وكانت هطق من عدم اهتمام اسر بيها وبيتكلم مع نورهان
……………………………………………………
فى الغردقه
دخلت مليكه مع باسم
وكان فهد قاعد مع الوفد فى الاستقبال
وكان الوفد متكون من اربع افراد
روبرت فى سن التلاتين وسيم جدآ بملامح غربيه ومحترم جدآ جدآ
جيسيون فى سن التامن وعشرون ابيض وعيون زرقه وشعر اصفر وجسم عريض
رزان فى سن الاتنين وعشرون اخت جيسيون الصغيره تشبه جدآ فى الملامح
مارجريت فى سن التامن وعشرون ملامحها هاديه جدآ وطيبه جدآ جدآ
مليكه :- هاى
ملحوظه (هكتب الترجمه علطول )
الكل :- هاى
مليكه :- مرحبآ بيكم فى مصر
جيسيون :- كلا عزيزتى انها منوره بأهلها
مليكه :- ميرسى مستر
جيسيون :- انا ادعى جيسون وشاور على رزان وقال دى اختى رزان اختى الصغيره وشاور على روبرت وقال ده روبرت شركنا فى الشركه وشاور على مارجريت وقال ودى مارجريت شريكتنا التانيه
مليكه :- اتشرفت بيكم وانا مليكه مديرة الحسابات فى شركة فريد المنشاوى واتمنى ليكم اقامه ممتعه فى الغردقه
فهد :- حس بنظرات جيسيون لمليكه مش كويسه شدها من درعها وداس على سنانه وقال ممكن تقعدى انتى وملكيش دعوه بحاجه
مليكه :- بوجع اوع ايدى
باسم :- ادخل وقال اهدا يا فهد الناس بتبص عليكم
فهد :- ساب درعها ورجع قعد تانى
مليكه :- مسكت مكان ما كان مسكها فهد ودعكت فيها من الوجع وقالت بنأدم عديم الزوق
باسم :- معلش دى حاجه غصب عنه فهد بيغير عليكى من نظرات الوفد ليكى
مليكه :- بيغير
باسم :- ايوه تعالى بس علشان محدش يحس بحاجه
وراحت مليكه وقعدت من غير ما تنطق ولا كلمه
وقعد فهد وباسم يتكلمو فى الشغل وجيسيون كل شويه يبص على مليكه.
فهد :- مستر جيسيون ممكن تركز فى العمل بعد اذنك
جيسيون :- بالتأكيد ولكن اريد بعد العمل الاستمتاع بجو مصر الممتع واهل مصر وبص على مليكه
فهد :- بص على مليكه وبعدين بص على جيسيون وقرب عليه وقال اريد منك الاحترام لانها زوجتى
جيسيون :- بصدمه لا تقول هذا يا رجل
فهد :- بلا انها زوجتى وفى شهر العسل فياريت تلتزم الادب ولا تنظر لها بعيونك حتى لا اقلعهم من مكانهم
جيسيون :- اجل يا رجل لاعليك لا اعلم انها زوجتك
ورجع تانى يتكلمو فى الشغل وبعد وقت طويل انتهو من امضت العقد وانتهاء الصفقه
روبرت :- مبارك لكم مستر فهد
فهد :- الله يبارك فيك مستر روبرت
رزان :- اننا نريد الاحتفال بهذه المناسبه
جيسيون :- اجل نريد الاحتفال
روبرت:- بلا اننى اريد قسط من الراحه
مارجريت:- وانا ايضآ اريد قسطآ من النوم والراحه
جيسيون :- اذهبو انتو الى غرفكم وانا ورزان سوف نستمتع ببعض الوقت فى البحر
وطلع روبرت ومارجريت اوضهم
جيسيون :- مستر فهد نريد التنزه قليلا ولكن لا اعرف الاماكن ممكن انستى مليكه تذهب معنا مرشده لنا انها من سن رزان وسوف يكونو اصدقاء
فهد :- شد مليكه ليه وقال كلا سوف يكون معكم باسم سوف يرفقكم اينما كنتم
رزان :- بدلع ولكنى اريدك انت مستر فهد ترفقنا
مليكه :- اضيقت وحست انها عايزه تخنق رزان وقبل ما يرد عليها فهد قالت سورى يا حبيبتى هو مش فاضى
فهد :- استغرب من طريقة رد مليكه
باسم :- كتم ضحكته على مليكه وحس بغيرتها على فهد وقال خلاص يا جماعه انا هروح معاكم
رزان :- مستر فهد اريد انا اراك فى الليل
فهد :- بالتاكيد انستى
مليكه :- بالتاكيد سوف نكون احنا الاتنين بليل موجودين وحطت ايديها فى دراع فهد
فهد :- بص على ايد مليكه اللى على دراعه وبعدين بص فى عين مليكه
مليكه :- حست بنفسها اندفعت وبعدت عن فهد وقالت احم ع.ع.عن اذنكم ومشيت تجرى على اوضتها
فهد :- بص لباسم وقالو روح انت معاهم وبص لرزان وجيسيون وقال اتمنى لكم وقت ممتع وسبهم ومشى
وراه مليكه فى الاوضه

*********************

إلي هنا ينتهي الفصل الثامن عشر من رواية متمردة عشقت كبريائه بقلم دودو محمد
تابع من هنا: جميع فصول رواية متمردة عشقت كبريائه بقلم دودو محمد
تابع من هنا: جميع فصول رواية أرض زيكولا بقلم عمرو عبدالحميد

تابع أيضاً: جميع فصول رواية أحببتها فى إنتقامى بقلم عليا حمدى

تابعوا صفحتنا على الفيس بوك للمزيد من قصص رومانسية
حمل تطبيق قصص وروايات عربية من جوجل بلاي

اقرأ أيضا: رواية لم تكن خادمتى بقلم أميمة خالد