-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية متمردة عشقت كبريائه - دودو محمد - الفصل الثانى والعشرون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلةعلي موقعنا قصص 26 وموعدنا اليوم مع الفصل الثانى والعشرون من رواية متمردة عشقت كبريائه بقلم دودو محمد

رواية متمردة عشقت كبريائه بقلم دودو محمد - الفصل الثانى والعشرون

اقرأ أيضا: قصص رومانسية

رواية متمردة عشقت كبريائه - دودو محمد
رواية متمردة عشقت كبريائه - دودو محمد

رواية متمردة عشقت كبريائه بقلم دودو محمد - الفصل الثانى والعشرون

اشرقت شمس صباح يوم جديد بنورها الساطع فى سماء الاسكندريه لتداعب بخيوطها الصفراء اوضت مليكه
كانت مليكه قعده ومسكه المصحف بتقراه فيه بصت على الشباك لاقت النهار طلع صدقت بالله العظيم وقامت دخلت الحمام اخدت شاور واتوضت وخرجت لبست هدومها وادت فرضها ووقفت قدام المرايا تسرح شعرها وافتكرت المره اللى كانت بتسرح شعرها وفهد قعد يتفرج عليها ابتسمت ابتسامه خفيفه ودموعها نزلت منها وفى الوقت ده دخلت عليها مها
مليكه :- مسحت دموعها بسرعه
مها :- صاحيه من بدرى
مليكه :- نمت اول الليل وصحيت الفجر ومعرفتش انام تانى صليت وقعد اقراه فى المصحف
مها :- تقبل الله منك ياحبيبتى ومسكتها من ايديها وقالت تعالى يا مليكه اقعدى
مليكه :- قعدت على السرير قصاد مها وقالت خير يا مها
مها :- انا مرضتش اسألك امبارح ايه اللى حصل علشان كان شكلك تعبان خالص ممكن بقى تقولى ايه اللى حصل ما بينك وبين فهد
مليكه :- دموعها نزلت منها وسكتت
مها :- اهدى يا مليكه انا مش بسألك علشان تعيطى بس انا عرفاكى لما تكون فى حاجه مزعلاكى
مليكه :- فهد يا مها كان بيخونى مع مرات اخوه
مها :- بصدمه نهار اسود مع مرات اخوه
مليكه :- بدموع ايوه
مها :- طب هو اهانك ولا جرحك بكلمه
مليكه :- هو فى اهانه اكبر من كده يا مها جوزى خانى
مها :- طب وانتى زعلانه ليه ما انتى عارفه ان هو بتاع بنات من قبل ما تتجوزيه وبعدين يهمك فى ايه يخونك او لا هو انتى حبتيه
مليكه :- ل.ل.لا طبعآ مش بحبه بس الخيانه اكتر حاجه تجرح الوحده
مها :- تجرحها لما تكون بتحبه وفارق معاها
مليكه :- مها م.م.ماانتى عارفه اللى فيها وازاى اتجوزته
مها :- انتى بتحاولى تقنعينى بكده ولا بتقنعى نفسك مليكه انتى بتحبيه وده واضح اوى فى عنيكى وكمية الوجع اللى فى قلبك من خيانته ليكى ان هو لمس واحده غيرك
مليكه :- ل.ل.لا يا مها ا.ا .انا بكرهو
مها :- حتى دى واضح اوى كدبك فيها مش قادره تقنعى نفسك وتقنعينى انك بتكرهي فهد
مليكه :- ………………
مها :- كملت كلامها وقالت يا مليكه لو انتى بتحبيه بجد روحى لجوزك وشوفى انتى قصرتى فى ايه من اتجاهه ايه السبب اللى خلاه يبص بره ويخونك اتكلمى معاه افهمي وخلى يفهمك واتمسكو ببعض العمر قصير مش حمل ضياع يوم واحد وانتو بعاد عن بعض مش هيتعوض صدقينى
مليكه :- ده واحد خاين يا مها خانى بقولك شوفته بعينى بأى حق الراجل يخون مراته تحت مسمى ان هى مقصره فى حقه طب ليه ميحطوش نفسهم مكانا يعنى هما يرضوها على نفسهم ان احنا نخونهم ونقول اصل هما مقصرين فى حقنا ليه مش بيبصو ان هما بينزلو شغلهم بس لكن الست تشتغل وتحمل وتولد وتربى وتخلى بالها من بيتها وعيالها وشغلها وفى اخر الليل مطلوب تكون لبسه ومحضره نفسها ليه فى مقابل بس ان هما مايخونوش لا يا مها الست زى الراجل ويمكن اكتر كمان فياريت بلاش كلمة مقصره فى حقه زى ما احنا بنستحملهم هما كمان يستحملونه انا لو بموت فيه عمرى ما هسامحو على خيانته ليا
مها :- انا معاكى يا حبيبتى فى كلامك ده وعمرى ما بدى مبرر لاى راجل يخون مراته بس لما تكونى لسه متجوزه مش بقالك كام يوم ويخونك يبقى فى سبب كبير يا مليكه
مليكه :- ق.ق.قصدك ايه
مها :- مليكه هو فهد لمسك اصلا
مليكه :- ا.ا ايه اللى انتى بتقوليه ده
مها :- انا قولت ايه انا بطمن على اختى وانا اكد ليكى ان انتى مخلتهوش يلمسك ولا يجى جمبك اختى وعرفاكى
مليكه :- لا يا مها مخلتهوش يلمسنى وكويس ان عملت كده علشان لما اطلق منه ابقى مخسرتش حاجه
مها :- لا يا مليكه خسرتى خسرتى قلبك اللى بيتعذب من بعدك عنه خسرتى لحظة السعاده اللى بتعشيها فى حضن حبيبك خسرتى فرحتك بكلمة حبيبتى خسرتى الاحساس الحلو مع كل لمسة ايد واكبر خساره ممكن تخسريها هى اول حب اول دقة قلب اول اشتياق اول لمعة عين خسرتى الحب الاول اللى عمرك ما تقدرى تعوضيه مهما تقابلى غيره واللى هو ممكن يكون الفرصه الاولى والاخيره فى الحب فكرى يا مليكه براحتك فى كلامى وسابتها وخرجت من الاوضه
مليكه :- اترمت على السرير وقعدت تعيط وتقول يارب انا تعبت اقسم بالله تعبت مش قادر استحمل بعده عنى ولا قادره اسامحه على خيانته ليا قوينى يارب وارشدنى للقرار السليم يارب
……………………………………………………
فى الغردقه
كان باسم وفارس وقفين قصاد العنايه المركزه اللى فيها فهد
باسم :- فارس
فارس :- ايوه
باسم :- انت مش ناوى تقولهم فى البيت اللى حصل لفهد
فارس :- مش عارف يا باسم خايف على بابا لو قولتلهم بابا هيصمم يجى والدكاتره منعته من الحركه نهائى والحركه فيها خطوره عليه
باسم :- بلغ امك وقولها متعرفش ابوك حاجه لازم تكون جمب ابنها
فارس :- هشوف من امبارح ومروه مش مبطله رن عليا وانا مش عارف ارد عليها واقولها انا فين
باسم :- اتعصب لما سمع اسم مروه وقال فهد كنت عايز اقولك حاجه
فارس :- قول
باسم :- مروه مراتك وفى الوقت ده جه الدكتور وقطع كلام باسم
الدكتور :- يا جماعه حاولو بسرعه تتصرفو فى فصيلة دم المريض المريض بيفقد حياته ومش لاقين الفصيله
فارس :- ازاى مش لاقينها ازاى مستشفى كبيره كده وميكونش فيها دم لاى فصيله انا هعمل فيكم شكوى اهمال ده تسيب
الدكتور :- اهدا حضرتك بس فصيلة اخوك ندره جدآ وقليل جدآ اللى عنده فصيلة اخوك يعنى ده مش ذنبنا
باسم :- والعمل دلوقتى
الدكتور :- كل دقيقه بتعدى على المريض فيها خطوره على حياته كمية الدم اللى فقدها كبيره جدآ والجسم لو معوضنهوش الكميه دى هيفقد قدرته على الحياه
فارس :- بعصبيه قعد يخبط بأيده على الحيطه ويقول يعنى ايه اخويه هيروح منى ده مستحيل اقبل بكده
باسم :- طب مفيش اى مكان يكون متوفر فيه الفصيله دى
الدكتور :- لو كان فيه كنا جبنها ومستنناش الوقت ده كله عن اذنكم هروح اشوف المرضه ومشى الدكتور
باسم :- طب مفيش حد عندكم فى العيله عنده نفس الفصيله
فارس :- للاسف لا
باسم :- انا التفكير عندى وقف هنعمل ايه دلوقتى لازم نتصرف ونجيب دم لفهد بأى طريقه
فارس :- وانا زيك مش قادر افكر
باسم :- يارب حلها من عندك
فارس :- صح هى فين مراته من امبارح مشوفتهاش
باسم :- ها م.م.مليكه متعرفش ان فهد عمل حادثه
فارس :- ازاى يعنى محاولتش تتصل بي ولا مره
باسم :- فهد ومليكه حصلت ما بنهم مشكله امبارح ومليكه مشيت ومعرفش راحت فين
فارس :- هما لحقوا
باسم :- مش وقته يا فارس نطمن على فهد الاول وبعدين كل شئ يتحل
فارس :- يارب يا باسم يقومه بالسلامه
باسم :- يارب
فارس :- روح استريح شويه يا باسم من امبارح مقعدش ولا اكلت ولا نمت
باسم :- ولا هعمل حاجه من دى الا لما فهد يفوق
فارس :- لازم كل واحد يريح شويه علشان نقدر نصد على اللى جاى روح نام شويه وانا موجود
باسم :- مستحيل هبعد واسيب فهد انا موجود ومش ماشى
فارس :- دماغك نشفه
باسم :- فهد بالنسبه ليا اكتر من اخ يا فارس وياما وقف جمبى بعد موت مراتى ومسبنيش ولا لحظه انا لو ينفع كنت اديته عمرى كله ده صاحب عمرى
فارس :- فهد بطيبته وحنيته مغرق بيها الكل ربنا يشفى عنه يارب
وقعدو الاتنين على الكرسى اللى قصاد العنايه فى انتظار حل لمشكلة الدم
……………………………………………………
فى شقة اسر
كانت مى ومها قعدين مع بعض ومليكه فى اوضتها وفايزه فى المطبخ
وفى الوقت ده رن جرس الباب
مى :- بتقول مع صوت امها من المطبخ
افتحى الباب يا مى وبعدين قالت حفظت والله حاضر حاضر
وقامت فتحت الباب وكان مازن على الباب
مى :- ايوه حضرتك
مازن :- ايه ده هو القمر ساب السما ونزل هنا ولا ايه
مى :- لا والله ودول بيتحدفه منين
مازن :- من شجرة التفاح يا جميل
مى :- لا واضح كده انك من الشباب اللى بيشرب وجيت خبط غلط روح يا بابا الله يسهلك جتك القرف ولسه هتقفل
مازن :- حط ايده ومسك الباب وقال جميل بس حمش زياده عن اللزوم
مى :- لا كلمة حمشه دى قليله للى هعمله فيك ومسكته من هدومه
فايزه :- مين يا مى
مى :- ده واحد مترباش وجايه ليا اربيه
مازن :- يخربيتك اللى يشوف شكلك يقول عليكى رقيقه لكن فى الحقيقه عبده موته
مى :- وممكن اقلب الالمانى كمان لو عايز
وفى الوقت ده جت فايزه تشوف ايه لاقت مى مسكه فى مازن
فايزه :- فى ايه يا بنتى مالك ماسكه الراجل كده ومين ده اصلا
مى :- ده واحد شكله هربان من مستشفى المجانين
مازن :- لالا والله انا عاقل انا جاى عايز اشوف مليكه قولها مازن بس
فايزه :- مليكه بنتى وانت تعرفها منين
مازن :- طب ممكن تقولها وهى تبقى تحكى ليكم
فايزه :- ادخلى يا مى نادى على اختك مليكه
دخلت مى وبعد شويه جت هى ومليكه
مليكه :- تعال يا مازن
فايزه :- مين ده يا مليكه
مليكه :- ده اللى وصلنى امبارح هنا ولولا كنت مش هعرف اجى
فايزه :- قالت اتفضل يا ابنى احنا اسفين بس منعرفكش
مازن :- ولا يهمك يا طنط ودخل وقفلت مى الباب وراه
مليكه :- اتفضل يا مازن اقعد
مازن :- شكرآ
فايزه :- ادخلى يا مى اعملى حاجه يشربها
مازن :- لالالا ملهوش لزوم انا جاى اطمن على مليكه وماشى علطول
مى :- يكون احسن برضه وفرت
مازن :- بعند بس لو واحد قهوه يكون افضل
فايزه :- اه طبعآ ادخلى يا مى اعملى واحد قهوه
مى :- بغيظ عايزها ايه زياده ولا مظبوط ولا ساده على عمرك ان شاءالله
فايزه :- بت اختشى
مازن :- براحتها يا طنط وبص ليها وقال زياده وكترى فى السكر
مى :- لنفسها بالسم الهارى
مازن :- كتم ضحكته على منظر مى وهى متغاظه
مليكه :- متزعلش يا مازن هى مى كده لسانها طويل شويه
مازن :- لا مفيش مشكله المهم انتى عامله ايه دلوقتى
مليكه :- الحمدالله احسن
مازن :- اتصلت بالرقم اللى انتى قولتيه ليا وردت عليا واحده مسحت بكرمتى الارض
مها :- كانت بتشرب وشرقت وقالت ه.ه.هو كنت حضرتك
مازن :- ايوه هو انتى اللى رديتى عليا
مها :- ايوه
مليكه :- دى مها اختى يا مازن
مازن :- لا واضح بسم الله ما شاءالله اخواتك كلهم لسانهم بينقط عسل
مها :- ومين حضرتك اصلا
مليكه :- ده مازن يا مها وقف جمبى فى الغردقه ووصلنى لحد هنا
مها :- اهلا وسهلا لكن انا اعرفه منين ولا هو يعرفنى منين علشان يتصل برقمى
مليكه :- انا اللى اديته رقمك علشان تليفونى مش لاقيه
مازن :- انا اسف لو كنت سببت ليكم ازعاج
فايزه :- لا يا ابنى مفيش ازعاج ولا حاجه بس انا بناتى مش متعودين يتكلمو مع حد ميعرفهوش
مازن :- ربنا يحميهم ويحرسهم ليكى
فايزه :- تسلم يا ابنى
مازن :- استأذن انا بقى الحمدالله اطمنت عليكى
وفى الوقت ده جت مى بالقهوه
مى :- نعم يا اخويه تمشى مليش دعوه اطفح القهوه الاول مش تخلينى اقف اعملها وتسبها وتمشى.
فايزه :- يابت لمى لسانك كسفتينا
مى :- على جثتى يمشى يشرب القهوه الاول
مازن :- هههههههه هشربها بس متعصبش نفسك يا ابو صريع
مى :- ابو صريع مين ده
مازن :- عقبال ما اشوفك زيه يارب ده كان قتال قتله خط الصعيد
مى :- عااااا سم
مازن :- هههههههههه
مى :- اتغاظت منه اكتر فكرت فى فكره وعملت نفسها بتديه القهوه فى ايده ووقعتها عليه
مازن :- عااااا القهوه سخنه يخربيت سنينك
مى :- وهى بتكتم ضحكتها اوبس سورى وقعت من ايدى من غير ما اقصد
مازن :- من غير ما تقصدى برضه
فايزه :- معلش يا ابنى وضربت مى على كتفها وقالت جتك نيله مش عارفه تمسكيه عدل
مليكه :- ادخل الحمام نضفها يا مازن احنا اسفين
مازن :- فين الحمام
فايزه :- روحى يا هانم وريه الحمام
مى :- وانا مالى قولى لمها
فايزه :- اخلصى روحى مع الراجل اللى سلختيه ده
مى :- يووووووووه بقى هوف اتفضل امشى
مازن :- بغيظ امشى يااختى قدامى
مى :- وصلته للحمام وقالت اهو الزفت
مازن :- بغيظ بنت انتى متعرفيش تتكلمى عدل ابدآ
مى :- وانت مين اصلا علشان تعرفنى اتكلم ازاى
مازن :- تصدقى انك بنأدمه مستفزه
مى :- وانت بنأدم رخم ودمك تقيل
مازن :- بت انتى احترمى نفسك
مى :- انا محترمه غصب عنك
مازن :- اقسم بالله لو مغورتيش من وشى دلوقتى لكون مطلع روحك بأيديه
مى :- يا امى يا امى يا امى لا خفت الصراحه
مازن :- قبل ما تخلص كلامها كان زقها على الحيطه ووقف قصدها وقال ودينى لو ملمتيش نفسك لكون مطلع ليكى لسانك الطويل ده وقطعهولك
مى :- اتوترت من قربه ليها وقالت ل.ل لوسمحت م.م.مينفعش اللى انت عمله ده ا.ا ابعد عنى
مازن :- مالك كده قلبتى فار ماكنتى من شويه قطه وبتخربشى
مى :- احترم نفسك وابعد عنى
مازن :- الصراحه عجبنى الوضع كده
مى :- والله عظيم هصوت
مازن :- طب فكرى تعمليها كده
وفى الوقت ده فايزه نادت على مى
فايزه :- يا مى بتعملى ايه كل ده
مازن :- قرب من ودنها وقال بلاش بعد كده تلعبى بالنار علشان بتحرق اللى بيلعب بيها وبعد عنها ودخل الحمام
مى :- وقفت مكانها مصدومه من اللى حصل وقرب مازن ليها بالطريقه دى وبلعت ريقها بالعافيه
فايزه :- بت يا مى مش بتردى ليه
مى :- بتوتر ا.ا.ايوه يا م.م.ماما ج.ج.جايه اهو وراحت عند امها وشويه ومازن خرج من الحمام ومشى
……………………………………………………
فى الغردقه
فى المستشفى
كان الكل بيجرى على اوضت العنايه المركزه
باسم :- بخوف فى ايه فهد حصل ليه حاجه
الممرضه :- القلب وقف تانى
فارس :- ازاى قلبه يقف مستحيل وقعد يخبط على الشباك الازاز بتاع العنايه وقال قوم يا فهد اوع تموت قومى انا عارف انك قوى اوع تستسلم للموت بسهوله ارجع الحياه من تانى
الممرضه :- ما ينفعش كده لو سمحت
فارس :- اوعى كده فهد مستحيل يموت فهد هيعيش
باسم :- كان قاعد فى الارض وحطت راسه ما بين ايديه وعمال يعيط
فارس :- قوم يا فهد بقى مش هسمحلك تموت وتبعد عننا قوم يا فهد
داخل العنايه
الدكتور1 :- للاسف مش مستجيب للصدمات القلب رافض يرجع يشتغل
الدكتور 2 :- طب نجرب تانى ونزود الكهربه
الدكتور 1:- زود الكهربه وعمل الصدمات مره واتنين وقال برضه رافض قلبه يشتغل بلغ اهل المريض ان هو اتوفى
وانتى شيلى الاجهزه من عليه
الممرضه :- حاضر يا دكتور
الدكتور 2:- انا عندى احساس ان هو قلبه هيرجع يشتغل تانى تعال نجرب تانى
الدكتور1:- دكتور خلاص احنا عملنا اللى علينا هو عمره انتهى على كده وبص للمرضه وقال شوفى شغلك وطلع من العنايه
الدكتور 2:- بص للمرضه وقالها استنى هحاول انعش قلبه تانى ومسك صدمات الكهربه وزودها وجرب تانى القلب مش مستجاب
الممرضه :- دكتور واضح ان هو اجله انتهى
الدكتور :- لا عندى احساس ان هو هيعيش وزود الكهربه على اقصى حاجه وقال يلا بقى اشتغل وعملها وفجأءه نبضات القلب اشتغلت تانى فى الجهاز
الممرضه :- قلبه اشتغل تانى يا دكتور
الدكتور :- مسح العرق ونفخ وقال الحمدالله وحط الجهاز بتاع الصدمات وبص لممرضه وقال ظبطى بقى عليه الاجهزه وخرج من الاوضه
فارس :- خير يا دكتور بالله عليك طمنى
الدكتور :- الحمدالله قلبه اشتغل تانى بمعجزه من ربنا وادعوله ان هو يقوم بالسلامه هو ده اللى فى ايديكم دلوقتى حاولو توفره ليه الدم
فارس :- والله لو ينفع اجيبه ليه من بره اجيبه
الدكتور :- برضه هياخد وقت وحاولو تشوفه اشخاص تكون الفصيله مشابهه
ليه ولو ليه حد بيحبه اوى ياريت يجى يتكلم معاه ده هيساعده ان يتمسك بالحياه اكتر ويرجع بسرعه
باسم :- ازاى هو فاق
الدكتور :- لا لسه فى غيبوبه بس مريض الغيبوبه ده بيبقى حاسس بكل حاجه وسامع كل حاجه بس معندهوش اراده يرد عليك ويبقى رافض يرجع الحياه وفى الحاله دى بنستعين بحد بيكون قريب قوى من قلب المريض وبنخليه يتكلم معاه ده بيدى دافع للمريض يتمسك بالحياه ويرجع علشان خاطره
فارس :- شكرآ يا دكتور
الدكتور :- العفو ربنا يطمنكم عليه وسابهم ومشى
فارس :- الحل ايه انا مستحيل هقبل ان فهد يروح مننا
باسم :- سكت شويه وقال فارس انا هروح مشوار مهم بس هتأخر شويه عليك بس ان شاءالله هيجى فى مصلحة فهد
فارس :- فين يعنى
باسم :- مشى من غير ما يرد على فارس ركب عربيته ومشى بيها على الاسكندريه
……………………………………………………
فى فيلا فريد المنشاوى

مروه :- عجبك يا طنط اللى فارس بيعملو ده
سهير :- عمل ايه
مروه :- من امبارح وانا بتصل عليه التليفون بيرن ومحدش بيرد
سهير :- يمكن يا حبيبتى مشغول ولا حاجه
مروه :- طب انا زهقانه دلوقتى اعمل ايه
سهير :- ادخلى البسى هدومك وانا هاخدك النادى
مروه :- محبتهوش كله ناس عواجيز سورى يا طنط
سهير :- بغيظ والله ده اللى عندى
مروه :- ايه رايك تعالى ننزل المول نعمل شوبنج
سهير :- وهى بتعوج بؤقها شوبنج ماشى ادخلى البسى ويلا
مروه :- ميرسى يا طنط ودخلت اوضتها
سهير :- بغيظ عواجيز يابنت المبقعه ماشى
فى اوضت مروه طلعت هدوم علشان تلبسها ولسه هتقفل الدولاب شافت التليفون قالت
مروه:- يا خرابى انا نسيته خالص تعال احطك على الشاحن اشوفك بتاع مين
ومسكت التليفون وحطته على الشاحن وشويه وفتحته وجابت الصور لاقت صور مليكه لوحدها ومع اخواتها
مروه :- ههههههه هو انت طلعت بتاع السنيوره حلو اوى الحظ تملى معايه خليك اكيد هيبقى ليك نفعه معايا
وسابته على الشاحن ودخلت الحمام اخدت شاور وطلعت لبست هدومها وحطت الميكاب وخرجت وكانت سهير جهزت ونزلو الاتنين وركبو العربيه وراحو على المول
……………………………………………………
فى شقة اسر
كانت مليكه قعده فى اوضتها ودموعها على خدها دخلت ليها فايزه
مليكه :- مسحت دموعها وقالت تعالى يا ماما
فايزه :- قاعده لوحدك ليه
مليكه :- ولا حاجه مصدعه شويه وقولت انام
فايزه :- مالك يا مليكه من يوم ما ظهر اللى ما يتسمى فى حياتك وانتى بقيتى علطول حزينه ودبلانه فين مليكه بنتى اللى ضحكتها كانت بتملى المكان فين مليكه اللى كلها نشاط وحيويه ارجعى يا مليكه ارجعى زى الاول علشان خاطر قلب امك اللى موجوع علشانك
مليكه :- اترمت فى حضن امها وقالت بدموع انا نفسى يا ماما ارجع تانى زى زمان البنت الشقيه اللى مكنش بيهمها حاجه فى الدنيا دى نهائى انا قلبى وجعنى يا ماما اتكسر جامد ومش عارفه ارجعه تانى زى الاول
فايزه :- بصى انا مش هسألك ايه حصل ما بينك وبين جوزك بس هقولك كلمتين اوعى تفرطى فى كرامتك علشان خاطر اى حد حتى لو الحد ده روحك فيه علشان لو فرطى فيها مره عمرك ما هتعرفى تحافظى عليها تانى
مليكه :- بدموع مش بأيديه يا ماما
فايزه :- انتى حبيتى جوزك
مليكه :- سكتت
فايزه :- مش عيب انك تحبى جوزك بس خليكى عارفه ان الراجل فى ايده يخلى مراته ملكه متوجه على عرشه والضحكه متفارقش وشها
وفى ايده يخليها تعيسه والدمعه متفارقش عينها لو هو عملك ملكه يبقى ده راجل بجد ويستاهل تحبيه ولو هو خلاكى ورده دبلانه يبقى ده مش راجل ويبقى خساره الحب فيه وبستها فى راسها وقالت قومى صلى صلاة استخاره وان شاءالله ربنا يريح قلبك تصبحى على خير
مليكه :- حاضر يا ماما وانتى من اهله
وخرجت فايزه من الاوضه وقامت مليكه اتوضت وصلت صلاة الاستخاره
وقامت ولسه هتنام سمعت جرس الباب
مليكه :- بأستغراب ده مين اللى هيجى فى الوقت ده
وقامت بسرعه من على السرير وخرجت من اوضتها وقالت
مليكه :- باسم
باسم :- ايوه يا مليكه باسم انا قولت اكيد هلاقيكى هنا
مليكه :- طب اتفضل
ودخل باسم وقفلت مها الباب
باسم :- مليكه انا عايزك فى كلمتين ممكن
مها :- طب عن اذنكم تشرب ايه
باسم :- لا شكرآ
مها خرجت وسابتهم لوحدهم
مليكه :- انت عرفت عنوان البيت ازاى
باسم :- دى حاجه سهلا مش قبل كده فهد جه ليكى هنا هو كان قايل ليا على العنوان
مليكه :- لو سمحت يا باسم لو جاى تتكلم معايه بخصوص صاحبك يبقى بلاش احسن
باسم :- ايوه بخصوص صاحبى وهتسمعينى للاخر
مليكه :- مش عايزه اسمع اى حاجه تخصه وياريت تخليه يطلقنى
باسم :- لا يا مليكه انتى هتسمعينى وبسرعه علشان مفيش وقت
مليكه :- …………………
باسم :- كمل كلامه وقال انتى فاكره البنت اللى حكايتلك عليها وقولتلك بسببها فهد اتغير للاوحش وبقى قاسى كده
مليكه :- ايوه
باسم :- البنت دى يا مليكه تبقى مروه
مليكه :- بصدمه ايه مروه
باسم :- للاسف
مليكه :- وازاى مرات اخوه وفى نفس الوقت بتخون جوزها مع فهد انا مش فاهمه حاجه
باسم :- انا هفهمك فارس اتعرف واتجوز مروه وهو مسافر ولما كان بينزل اجازات مكنتش مروه بتنزل معاه ومكنش حد يعرف مرات فارس لحد يوم فرحكم رجع فارس مصر علشان يحضر الفرح ويعمل مفاجئه لفهد وجاب مراته معاه اللى هى مروه طبعآ فهد اول ما شفها اتصدم حبيبته القديمه دلوقتى مرات اخوه وهو مكنش يهمه انها متجوزه ولا لا لان فهد بيحبك انتى وبيكرها بس كل الصدمه فى انها مرات اخوه مروه مش سهله وفهد كان عارف ومتأكد ان هى مش هتسكت وهتخرب ليكم حياتكم وهى قالت ليه كده قالت ان هى عايزه ليها
مليكه :- بصدمه طب ازاى وهى مرات اخوه
باسم :- حتى لو مش مرات اخوه هى متهموش فى حاجه طبعآ هو رفضها وقال ليها ان هو بيحبك ومستحيل يخونك راحت وراكم الغردقه علشان تلاقى فرصه تخرب ما بنكم وساعة ماانتى دخلتى عليهم فهد كان مظلوم والله هى اللى كانت بتقرب منه وهو كان بيبعدها
مليكه :- ياباسم انا شيفاهم بعينى وهما
وسكتت
باسم :- بصى يا مليكه بالعقل كده واحد عايز يخون مراته هيخونها فى اوضتها وهو عارف ان انتى هتطلعى فى اى وقت بلاش دى فى حد عايز يخون مراته هيسيب باب الاوضه مفتوح استحاله
مليكه :- طب هى كانت عايزه منه ايه
باسم :- ها هقولك يا مليكه علشان لازم تعرفى الموضوع ده
مليكه :- موضوع ايه
باسم :- طبعآ انتى عارفه ان كان فى علاقه غير شرعيه زمان ما بين مروه وفهد صح
مليكه :- ايوه
باسم :- مروه لما هربت بالفلوس من فهد كانت حامل منه ومقالتش لحد وهى كانت جايه الاوضه بتبلغ فهد بالموضوع ده وفهد مكنش يعرف ان عدى يبقى ابنه هو مش ابن فارس
مليكه :- حطت ايديها على بؤقها وقالت بصدمه ع.ع.عدى ابن فهد طب ازاى مش قادره اصدق اكيد مروه دى شيطانه مش بنأدمه ازاى الولد ابن فهد وازاى قايله ان هو ابن فارس لالالالا انا دماغى هتقف اقسم بالله ط.ط.طب هى كده عملت اختلاط نسب لا بجد مش متخيلها ازاى دى تيجى
باسم :- مليكه كل ده مش المهم المهم دلوقتى فهد محتاجك جمبه اوى الفتره دى
مليكه :- برضه مش هعيش معاه حتى بعد اللى سمعته هو مش ملاك لو كان اتقى ربنا من الاول مكنش كل ده حصل لكن ده بنأدم زانى
باسم :- يا مليكه فهد فى المستشفى بيموت
مليكه :- اتصدمت بس حاولت تظهر ان هو مش فارق معاها وقالت ما يموت حاجه متخصنيش
باسم :- حتى لو قلت ليكى ان فهد اتقلبت بى العربيه وهو بيدور عليكى حتى لو قولتلك ان هو دخل غيبوبه حتى لو قولتلك ان هو فقد دم كتير ومش لاقين فصيلة دمه ومعرض ان هو يخسر حياته فى اى وقت
مليكه :-……………………
باسم :- وقف وقال الواضح ان انا غلط لما جيت ليكى ومشى وفتح الباب ولسه هيمشى
مليكه :- بدموع باسم انا جايه معاك
باسم :- طب يلا بسرعه
ودخلت مليكه اوضتها غيرت هدومها ونزلت مع باسم وركبت العربيه ومشى باسم على الغردقه وطول الطريق دموع مليكه موقفتش وبعد وقت طويل وصل باسم المستشفى وطلعو يجرو على الدور اللى فى العنايه
مليكه :- بدموع انا عايزه ادخل ليه
باسم :- هجبلك اذن من الدكتور وهخليكى تدخلى ليه
وراح باسم جاب ليها اذن الدخول وجهزتها الممرضه ودخلت العنايه
مليكه :- اول ما دخلت وشافت فهد نايم على السرير والاجهزه متواصله لجسمه مقدرتش تمسك دموعها وحطت ايديها على بؤقها وقالت لالالا مستحيل مستحيل تموت دلوقتى مستحيل بعد م .م.ما حبيتك ايوه حبيتك وقعدت مسكت ايده وقالت انت اعترفت ليا بحبك وانا بخلت عليك اعترفلك بحبى ايوه كنت بكابر حتى مع نفسى كنت بحاول اتمرد على حبك وانتقم منك على اللى عملته فى حياتى بس للاسف حبيتك لا عشقتك ايوه كنت متكبر معايه بس برضه عشقتك عشقت كل حاجه فيك ملامحك قسوتك طيبتك وعصبيتك غيرتك عليا حنيتك ضحكتك كل تفصيله فيك عشقتها انت اللى خليت المتمرده على كل صنف ادم تعشقك ايوه انا المتمرده اللى عشقت كبريائك قوم احضنى وقولى بحبك ومش هسيبك قوم طمنى بوجودك وحسسنى بالامان وبعدين قعدت تزق فيه وتقول بعصبيه قومى بقى مش بترد عليا ليه زعلان منى كان غصب عنى بغير عليك طب قوم اضربنى زعق فيا قوم اعمل اى حاجه وهرضى بيها الا انك تبعد وتسبنى وحطت راسها على صدره وقالت بدموع قوم علشان خاطرى اقسم بالله اموت لو بعد عنى ده انت النفس اللى بتنفس بى انت روحى يا فهد رد عليا متبقاش ساكت كده رد رد رد
وفى الوقت ده دخلت الممرضه على صوت انذار جهاز القلب وقالت
الممرضه :- مينفعش كده انتى اجهدى المريض اطلعى بسرعه من هنا وسابتها وطلعت تجرى تبلغ الدكتور
مليكه :- وقفت عند الحيطه وحطت ايديها على بؤقها وقعدت تهز راسها يمين وشمال علامة الرفض على بعاد فهد عنها
وجه الدكتور بسرعه وحاولو ينعشو قلبه بصدمات الكهربه تانى
الدكتور1 :- ما ينفعش كده دى 3مره قلب المريض يقف الحاله بتسوء اكتر
الدكتور 2:- الجسم عايز يعوض الدم اللى فقده والقلب ضخ الدم عنده ضعيف من قلة الدم فى الجسم
الدكتور 1:- وهو بيعمل الصدمات طب والعمل
مليكه :- مع كل صدمه لجسم فهد تتنفض
الدكتور 2:- مش عارف بس لو فضل على الحاله دى لبكره مش هعيش
مليكه :- سمعت كده واغمى عليها
الدكتور 1:- اتفاجئ بصوت حاجه وقعت فى الارض بيبص وقال مين دى وايه جابها هنا
الدكتور 2:- دى باين مرات المريض انا اللى سمحت ليها تدخل قولت يمكن تجيب نتيجه معاه ويفوق
الدكتور 1:- طب فوقها بقى انت على ما اشوف انا قلب المريض
الدكتور 2:-راح عند مليكه وبدء يفوقها وفى نفس الوقت الدكتور التانى بيعمل الصدمات لفهد
مليكه :- فاقت وقالت فهد اوع تموت اوع تبعد عنى
الدكتور 2:- اطمنى يا مدام ان شاءالله خير بس لازم تطلعى بره علشان نعرف نشوف شغلنا ووعد منى اول ما قلبه يشتغل هدخلك ليه تانى
مليكه :- مسكت ايده ووطت عليها وقالت ابوس ايديك يا دكتور رجعلى جوزى تانى
الدكتور :- شد ايديه وقال حاضر بس لازم تطلعى دلوقتى
مليكه :- طلعت ووقفت وراه الازاز تتابع الصدمات لفهد ومع كل صدمه فى جسم فهد مليكه تحس ان روحها بتطلع منها
وبعد وقت خرج الدكتور
وجرى عليه فارس وباسم ومليكه
مليكه :- قولى يا دكتور بالله عليك ان هو كويس
الدكتور :- القلب استجاب الحمدالله بس دى 3مره القلب يقف فى مفيش طخ دم للقلب ياريت تسرعو بالدم
مليكه :- هى ايه فصلته
فارس :- o الفصيله دى تدى اى حد ومش بتاخد اللى من نفس الفصيله
مليكه :- بس دى نفس فصيلتى
باسم وفارس :- مصدقوش نفسهم وقالو بجد
مليكه :- ايوه o فصيلة دمى
الدكتور :- طب بسرعه تعالى الممرضه تجهزك
مليكه :- دخلت ونقلت دم لفهد وبعد وقت طويل خرجت مليكه والممرضه ادتها عصير تشربه علشان تعوض الدم
وحضرتها ودخلت لفهد العنايه وقعدت قصاد سرير فهد ومسكت ايده وقالت
مليكه :- تعرف انا مبسوطه اوى علشان دمى دلوقتى ماشى فى جسمك يعنى بقينا دم واحد يعنى مش هبقى مجرد مراتك لا ده انا دم بيمشى فى وريدك انت عارف انا واثقه انك هتقوم علشانى طب اقولك على سر
عارف يوم فرحنا انا مرجعتش علشان كلام باسم ولا نانا بس رغم المشدات اللى كانت بتحصل بينا بس تملى كان فيك حاجه بتشدنى ليك حاجه بتقولى ان جواك حنان وطيبه كبيره فرحت اوى لما عرفت انك ملمستنيش يوم ما اخدنى عندك الشقه ده اكتر حاجه شدتنى ليك سعتها اتأكد من انك مختلف عن كل الرجاله مش عايزنى لمجرد جسم لا انت كنت عايز مليكه نفسها بص انا هسكت علشان متعبكش بس هقراه ليك فى المصحف هو ده طاقة النور اللى هتنور دنيتك وهترجعك ليا تانى وباست ايديه وقالت بحبك ومسكت المصحف وقعدت تقراه فيه
……………………………………………………
بعد مرور اسبوع على حالة فهد
الكل عرف بموضوع حادثة فهد
وصلت سهير الغردقه وكانت منهاره واول ما شافت ابنها جلها انهيار عصبى وعايشه على المحاليل
فريد :- حالته تدهورت بعد خبر حادثة فهد ودخل المستشفى اللى فيها فهد واتحجز
باسم وفارس :- قعدين فى المستشفى علطول ومبعدوش لحظه عن اوضت فهد
مروه :- عرفت الخبر وراحت المستشفى وقعده مع فارس تتابع اخر اخبار فهد وطبعآ باسم مكنش مرحب بوجودها بس الوقت مش مناسب للكلام
فايزه ومها ومى واسر :- جم يسانده مليكه فى ازمتها وقعدين فى فندق تبع اسر
ناديه :- عرفت الخبر بس كانت اشد واحده فيهم لانها كانت متأكده وواثقه ان فهد قوى وقدها وهيقوم منها وطبعآ كانت قعده على طول فى المستشفى
مليكه :- قعده مع فهد فى العنايه 24ساعه تتكلم معاه شويه وتقراه ليه فى المصحف شويه
……………………………………………………
فى العنايه
كانت مليكه قعده بتقراه فى المصحف
وصدقت بالله وحطت المصحف على الكومدينو ومسكت ايد فهد وقالت ايه يا قلبى محتاج حاجه انا قريت ليك الورد بتاع النهارده من المصحف وقريت ليا اريح شويه بقى واحكيلك عن عشت الفراخ بتاعة
الجيران كنت بعمل فيهم ايه وانا صغيره شوفت بقى طفولة مراتك انا حكيت ليك فى الاسبوع كل حاجه عنى وفى حاجات محدش يعرفها غيرك وغيرى مش ناوى بقى تفوق علشان تحكى ليا بقى عن طفولتك زى ماحكيت ليك عن طفولتى
وفى الوقت ده حست بحركه خفيفه من ايد فهد
مليكه :- مصدقتش وافتكرت انها بيتهيائلها
فهد :- حرك ايده بس اجمد شويه
مليكه :- لا المرادى بجد فهد انت حركت ايدك
فهد :- حرك ايده مره كمان
مليكه :- بفرحه فهد انت فؤقت ثوانى هروح ابلغ الدكتور وباست ايده وسابتها ورحت بسرعه تبلغ الدكتور
*********************
إلي هنا ينتهي الفصل الثانى والعشرون من رواية متمردة عشقت كبريائه بقلم دودو محمد
تابع من هنا: جميع فصول رواية متمردة عشقت كبريائه بقلم دودو محمد
تابع من هنا: جميع فصول رواية أرض زيكولا بقلم عمرو عبدالحميد
تابعوا صفحتنا على الفيس بوك للمزيد من قصص رومانسية
حمل تطبيق قصص وروايات عربية من جوجل بلاي
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة