-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية سرق عذريتى - سلمى سمير - الفصل الثانى والعشرون

مرحباً بكم أصدقائي وأحبابي عاشقي القراءة والقصص الرومانسية مع رواية إجتماعية رومانسية مصرية جديدة للكاتبة سلمى سمير نقدمها علي موقعنا قصص 26  وموعدنا اليوم مع الفصل الثانى والعشرون من رواية سرق عذريتى والتي نالت شهرة كبيرة على مواقع البحث والتواصل الإجتماعى بقلم سلمى سمير

رواية سرق عذريتى بقلم سلمى سمير - الفصل الثانى والعشرون

تابع أيضا: قصص رومانسية

رواية سرق عذريتى - سلمى سمير
رواية سرق عذريتى - سلمى سمير

رواية سرق عذريتى - سلمى سمير - الفصل الثانى والعشرون

** قسوة الإنتقام **
بعد اعتراف زين ليمني بانه الوالد الشرعي لابنها سيف وذلك بعد تاكيد اختبار الDNA ان زين هو الوالد البيولوجي تصعق يمني من خيانه زين له وتصاب بحالة هياج هستيري وتظل تضرب زين علي صدره بقوه وغضب الي ان يغمي عليها بين يداه ويحملها زين ويضعها علي الاريكه ويحاول افاقتها والحزن يتملكه لانه السبب في وجع والم حبيبة قلبه يمني__
يضع زين يده علي شعر يمني ويضم راسها الي صدره بقوة
ويبكي بالم وحزن عميق....سامحيني يا حب عمري كان غصب عني صدقيني والله كان غصب عني ______
وتتململ يمني وتفتح عيونها وتري زين منكب عليها تحدق فيه بخوف و تدفعه بعيد عنه وتقوم مذعوره وتصرخ فيه ابعد عني متلمسنيش ابعد عني ابعد عنييييي ___________
يقوم زين من جوارها ويقف وتتملكه الحيرة لفزعها منه ويقول لها...... يمني انت خايفه مني كده ليه انا جوزك حبيبك زين مش عدوك اهدي ارجوكي بلاش اللي بتعمله ده______
تقوم من علي الاريكه وتبعد عنه وترتعد...... لا انت مش جوزي ولا حبيبي انت فعلا عدوي انت اغتصبتي وسرقت مني اعز ما املك وفرضت نفسك علي حياتي وكسرتني وجرحت كبريائي وخنت ثقتي فيك وبسببك فقدت ثقتي بكل الناس انا مش هقدر اشوفك غير كده مجرم وحرامي طلقني يا زين لان الحياة بينا بقت مستحيله طلقني انا بكرهك________
يذهب لها زين ويري يمني وهي ترجع للخلف وجسدها يرتعد من الخوف يشفق عليها وقلبه يبكي من الحزن لانه السبب في اللي هي فيه ويركع تحت رجلها ويحاول يمسك ايدها لكنها تبعدها عنه تجري الدموع في عيونه وتخونه وتنهمر علي خده من وجع قلبها عليها يرفع وجهه لها ويحدثها قائلا... ارجوكي يا يمني اغفري ليا انا فعلا غلطت في حقك بس انتي اللي اجبرتيني اعمل معاكي كده انتي اللي وصلتيني باني اوجعك واخدعك عشقي ليكي عماني وحبي ليكي كتب عليا العذاب ليل ونهار ولما جت ليا الفرصه صدقيني خفت عليكي من اني اوجعك زي ما بيحصلك دلوقتي لكن كان عندي ثقه في نفسي اني هقدر اخليكي تحبيني وتحسي معايا الامان__ ______
تهرب منه يمني للجهه الاخره كانه مجرم هيقتلها.... انت مجنون ومريض لازم تتعالج محدش بيحب حد يأذيه او يجرحه انت مش بيهمك غير نفسك وازاي ترضيها للاسف انت وهمتني انك بتحبني لكنك استغلتني وفرضت نفسك عليا وعلي حياتي انت متعرفش يعني ايه حب انت مريض يا زين بحب التملك من صغرك وكل حاجه ملكك الا يمني علشان كده فكرت ازاي تملكني واغتصبتني لتجبرني علي الزواج بيك وابقي ملكك لكنك انكشفت وعرفت قد ايه انت حقير ومريض انا بكرهك وهتطلقني يا زين يعني هتطلقني______
يصيح زين بالم ... لاء يا يمني مقدرش اطلقك مقدرش اتحمل اتحرم منك اه انا غلطت وعملت اللي عملته لانك كنتي عايز تحرميني الحياه ايوه انتي الحياه يا يمني انت روحي ونبض قلبي ودمي الي بيسري في شرياني صدقيني انا اتغصبت اعمل كده لان مفيش حد بيشوف روحه بتموت وميحاولش ينقذها وانا انقذتك من واحد عايزك لجسدك لوحد بيعشق التراب اللي بتمشي عليه ارجوكي يا يمني تعالي ننسي اللي فات ونبدء من جديد وعد هعوضك كل لحظه الم عشتيها معايا هكون ملك يمينك هوهبك نفسي وروحي هقدمها ليكي لان من غيرك هموت اقسم بربي هموت يا يمني لو كنت كسرتك او جرحت اديكي جربتي وحسيتي وجعهم فبلاش تقتليني وتدبحيني بفراقك عني___
تصرخ فيه..... اعيش معاك ازاي اعيش مع اللي سلبني شرفي ومنعني اختار حياتي مستحيل انا بكرهك ومتخافش علي نفسك محدش بيموت علشان حد طلقني يازين _______
يكور زين قبضة يده ويضغط عليها بكل قوة لتدمي كف يده من شده ضغطه ..... انا مغتصبتكيش يا يمني واقسمت ليكي انا ملمستكيش غير في الحلال وانتي اللي وهبتيني نفسك انا كنت مستعد اعيش معاكي عمري كله بدون ما المسك بيكفيني انك زوجتي ومعايا في بيت واحد وبشوفك كل يوم واقسم بربي اني ما لمستك غير لما رضيتي بيا زوج ليكي _____؟
تذهب له وتدفعه في صدره بقوة يقع علي اثارها .... كفاية بقي كذب ازاي سيف ابنك وتقولي مغتصبتنيش وكمان انا وهبتك نفسي بعد تهديداتك بفضحي ونشر صوري كانت لعبة ذكيه منك لما ضغط عليا وخوفتني اخسرك لما تعرف ان ليا صور وانا مغتصبه علشان كده فضلت اكون زوجتك وتتقبلني حتي لو بعدها شفت صوري بكل ذكاء عرفت تبعدالشبهه عنك بابتزازي وخدت مليون جنيه مني لا برافو عليك فعلا عقليه اجرامية مريضه اخرج من حياتي يازين لادمرك وادمر سمعتك
وتمسك هاتفها انا هتصل بي ماما وعمك واخوك وكل الجرايد وابلغهم انك اغتصبتني وانك انسان مجرم ومريض____
يقوم زين من وقعته ويشد الهاتف منها...... حاضر يا يمني هعملك اللي يريحك وهسيبك تهدي وبعدها نتكلم وانا علي وعدي هعمل ليكي المستحيل علشان اعوضك بس في حاجه واحده عايزه اعرفه ايه حكاية التهديدات والابتزاز دي ____
تضحك بسخرية..... علي اساس انك مش انت اللي كنت بتهددني بس اللي عايزه اعرفه ليه بعد ما وهبت نفسي ليك وبقيت زوجتك وملكتك نفسي وحبيتك وكنت حامل بولادك هددتيني تاني وكنت هتتسبب في موتي وموت التؤام ____
يتطلع ليه زين بالم وحزن ليس له مثيل...انت تقصدي ايه بكلامك انا الاتصال اللي جالك يوم ولادة التؤام كان من اللي بيهددك وانت خبيتي عليا وقولتي صديقتك ماتت _____
ترد عليه بحد .... شفت ازاي كنت هبله بداري عنك علشان متقرفش مني لما تعرف ان المغتصب واخد ليا صور وقطع من ثيابي الداخليه وبالاخر تكون انت مش عارفه ازاي سمحت لغيرك يشوف صوري وانا مغتصبه ومتبهدله وتخليه يبتنزني وتضحك بهستريا اكيد كانت حبيبة قلبك سلوان هانم مش كده اكيد كنت متفق معاها عليا وعارفه كل حاجه عارف يا زين لولا خايفه علي سمعة ولادي كنت سجنتك وسجنتها علي اللي عملتوه فيا يا مجرمين بقولك ايه طلقني قبل ما اتجنن واعملها ومش هبقي علي دم او قرابه او اولاد بينا _______
يؤمى زين راسه لها بانكسار .... حاضر يا يمني بس لازم تفهمي حاجه سلوان انسانه وقلبها كبير اووي ياريت تقدري تحبيها لان خلاص لازم تاخد دوره وحقها في حياتي وحياة ولادي وكفاية اللي قاسته سنين بسببي_______
تصيح يمني بحده وعصبيه .... اسمع لا انت ولا هي هتقربو من ولادي انت هتطلقني وتنسي ان ليك ولاد مني احسلك بدل ما اهد المعبد عليك وعليها وهفضحكم طلقني بقي عايز اخلص من انتسابي ليك يا حقير_____
ويحضر الماذون وتفتح ليه يمني الباب وتطلب منه يخلص كل اجراءات الطلاق بحيث لا يستطيع زين ردها ليه تاني غير لما يكتب عليها من جديد وبموافقتها ويبدء الماذون في اجراء مراسم الطلاق وينصحهم الان انها ترفض نصائحه ويطلب الماذون من زين ان يوقع عليها يمين الطلاق _____
ينظر زين ليمني وقلبه بيصرخ من الم الفراق وعيونه تبكي
ويحاول يتكلم مش قادر ينطقها ويمني تنظر له بغضب وحقد
ياخد زين نفس عميق وينطق بكلمات ثقيله .. انتي طالق
يراجعه الماذون ويقوله له... لا يا ابني قول لها باسمها واسم ابيها انها طالق بأنة__
يحس زين بالرعشه تسري في اوصاله وتتصك سنانه ولكنه يتماسك ويقول لها بصوت مكتوم مرتعش... يمني بنت فاروق صفوان طالق مني وينهار علي معقده ويسلمه الماذون الدفتر ليوقع وهي توقع وتنتهي علاقتهم وياخذ الماذون دفتره ويخرج وتصعد يمني لغرفته تاخذ ثيابها واولادها وتنزل
بهم ويقوم لها زين
ويتطلع لها وللاولاد وشنطتها ياخدها منها لكنها ترفض... خليكي هنا انا اللي همشي ده بيتك وبيت ولادك يا يمني____
تشد منه شنطتها بقوة..... لاء ده بيتك انت بيت المجرم اللي عشت معاها فيه ومش عايزه افتكر اي لحظه عشتها معاك علشان مكرهش نفسي اكتر من كده واكره جسمي اللي كنت بتستبيحه وانا بغبائي ملكته ليك عايزه انساك وانسي ايامي معاك وبحذرك يا زين اوعي تفكر تقرب مني او من الاولاد و تاخدهم وتخرج وسيف يمسك ايد ابوها ويشدها علشان يروح معاهم لكنها تجذبه بقوة وزين يركع ليه .. روح مع ماما هي هتقدر تراعاك وتخلي بالها منك ويحضنه بقوة بعيون باكيه هو واخواته .... هتوحشوني اووي يا حبايب قلبي واوعدكم هرجعكم لحضني تاني انتو وامكم يلا روحو معاها _
تضحك يمني باستهزاء علي كلامها..... بلاش تحلم لاني عمري ما هرجعلك تاني لو انطبقت السما علي الارض يا زين بيه ___
وتخرج هي والاولاد وتركب سيارتها وتنطلق لبيت اهلها،،،،
___________________&&&&&&&&
تخرج يمني من باب الفيلا ويطلق زين العنان لحزنه ينطلق
ويصرخ بكل ما أوتي من قوه اه ه ه ه ه ه يا قلبي لاااااء
ليه ياربي ليه تكتب عليا حبها مدام مصر تحرمني منها ليه لعنتني بعشقها وتحرمني قربها ليه ياربي انا مش قادر اتنفس وهي بعيد عني يارب يارب يارب صبرني علي فراقها لحد ما ترجعلي لاني مستحيل اقدر اعيش من غيرها ويصرخ تاني وثالث لحد ما يقع من عدم قدرته علي احتمال الالم
ويبكي بانهيار ويرفع ايده للسما يارب انت اديتني كل حاجه يتمناه اي انسان وحرمتني من الحاجه الوحيدة اللي بتمناها
يارب لو ده كان اختبار ليا انا مش هنكر اني معنديش قدره علي احتمال فراقها واني اضعف من مواجهة الحياة بدونها
يارب لو ده كان عقابك علي خداعي ليها خدني ليك الموت اهون عليا من فراقي ليها ولو كنت راضي عني ردها ليا ورد روحي معاها لاني حاسس اني جسد بلا روح ويصرخ ____
وتدخل هند عليها وتراه بهذا الحاله قلبها يوجعها عليها وتروح تسنده وزين ينظر لها باستغراب ..... هند انتي هنا بتعملي ايه
ليه مروحتيش مع ستك يمني والاولاد ____
ترد عليه هند..... هي مطلبتش مني وكنت برتب غرفتة الاولاد وسمعت صوتك جيت جري مالك يا زين بيه وست يمني راحت فين هو انتو زعلانين مع بعض ولا ايه_____
يتنهد زين بحزن ...حاجه زي كده اطلعي لمي هدومك وروحي وراها عند عنايات هانم هي هتقعد هناك يومين______
تهز هند راسها بحزن.... بقي انت حد يزعل منك دي انت زي الملاك بتعاملها كاملكه ربنا يهديلكم الحال بس انا مقدرش اسيبك لوحدك وانت بالحاله دي خليني معاك احسن_____
يبتسم لها زين بود...... الملايكه لا يسكنون الارض ياهند محدش معصوم من الخطا روحي ليها هي محتجالك اكتر مني وكمان انا مش بطمن علي الاولاد مع حد غيرك روحي وانا هبقي اتصل اطمن عليهم منك هند خلي بالك من سيف ومن يمني والاولاد وخلي علي السواق يوصلك لحد الفيلا __
تشاور علي عيونها .... من عينيا الاتنين وتطلع غرفتها تاخد ثيابها وتخرج من الفيلا ____
زين يطلع لغرفته ويجلس علي فراشه هو يمني ويمسك وسادته ويشمها ويبكي بحزن.... كنتي في حضني امبارح بكل شقاوتك وطعامتك ايه كنتي بتودعيني خلاص كده يا يمني مش هتنامي في حضني تاني مش هشم عبيرك ولا هنام تاني علي شعرك ولا هشوف عيونك الصبحيه وهي بتبسم ليا ولا هفتح عيوني علي ملامح وجهك الجميل خلاص كده اتحرمت منك ياريتني مت ولا اني اشوف نظره الخوف والحقد والكره اللي شفتهم في عينك ليا اه اه اه اه اه وينام علي وسادتها ويصرخ بالم لا يحتمله بشر سبتيني ليه يا حبي_________
تخرج هند من فيلة زين وقبل ما تركب تذهب لفيلة حمزه وتتطلب تقابل حمزه بيه وتدخل ليهم الفيلا وتنتظره ينزل لها ويراها حمزه ينخض..... هند في ايه وجايه دلوقتي ليه
ترتبك هند وتجيبه ..... انا راحه دلوقتي عند عنايات هانم عمة حضرتك لان يمني هانم سابت الفيلا شكلها زعلانه مع زين بيه بس انا قلقانه علي زين بيه بيصرخ وبيبكي بهستريا وانا خايفه عليه يفضل لوحده بعد ما اصر اروح ليمني هانم جيت ابلغك تروح ليه ومتسبهوش لوحده في الحاله دي ___
يتطلع لها حمزه باستغراب .... انتي بتقولي ايه زين عمره ما يهون عليه يزعل يمني ده ممكن يجي علي نفسه ولا تزعل منه ثانيه اكيد حصلت مصيبه مش بعد الحب ده كله بينهم يمني تسيب الفيلا وتسيب زين انا هروح اشوف حصل ايه بينهم وانتي روحي يا هند خليكي معاها زي ما قالك زين وينادي علي خلود ويحكي ليها اللي قالته هند ______
تشهق خلود بذهول.... بتقول ايه يمني زعلانه من زين هي اتجننت ولا ايه دا زين بيعشقها عشق الجنون ومش عايش غير علشان يسعدها وبيخاف عليها حتي من نفسها روح لاخوك وشوف ايه اللي حصل وحاول تصلح بينها رغم اني واثقه ان يمني هي اللي غلطانه مش زين______
يلبس حمزه ثيابه ويذهب لاخيه ويدخل الفيلا الساكنه بهدوء غريب وكانها لا يسكنه احد وينادى بصوت عالي..... زين ____
وينتفض زين علي صوت حمزه ويرفع وجهه من علي وسادة يمني ويجيب اخيه بصوت مكتوم يغلفه الحزن والالم ..... اطلع يا حمزه انا في غرفتي ويرجع ينام علي الوسادة___
يصعد حمزه لفوق ويدخل غرفته اخيه ويراه نائم وملامحه وجهه شاحبه وعلامات الدموع ظاهره كخطوات علي خديه
يذهب له ويجلس علي الفراش ويشده له ينظر له زين ويرتمي بحضنه ويبكي بحزن.... يمني سبيتني يا حمزه يمني هجرتني ونهت كل حاجه بينا وخدت اولادي وحرمتني منهم كمان___
يربت حمزه علي كتفه..... مش ممكن ليه ايه اللي حصل انت الصبح كنت سعيد وفرحان وقولتيلي انك نفسك تاخدها وتسافر تقضو اجازه مع بعض وتعوضها ايام تعب سيف ايه اللي جري من الصبح لدلوقتي علشان تسيبك______
يهز زين راسه. ويستجمع شتات نفسه ويتصنع الهدوء حتي لا يشك اخيه فيه ويتسال عن سبب انفصالهم .... مفيش حاجه شوية عصبيه انا قولت ليه تروح يومين عند عمتي لحد ما تهدي وانا كمان محتاج اجازه اريح فيها اعصابي اسمع يا حمزه من بكره عايزك تكون مسؤولة عن ادارة المجموعه انا الفترة الجايه هسافر ومحتاج ابعد عن اي ضغوط هتقدر عليها ولا اوكل ادارة المجموعة لحد من مدرين الشركات ______
يستغرب حمزه من قدرت اخوه في السيطرة علي نفسه بهذه السرعه ويجيبه...... لا يا ابيه متقلقش بعد ٤ سنين من العمل تحت ادارتك اتعلمت فن الادارة صح واقدر اديري المجموعة بجداره مش زيك طبعا لكنى هكون علي قد المسؤوليه___
يقوم زين من علي الفراش ويحضن اخيه......تمام من بكره المجموعة مسؤوليتك واتفضل روح لمراتك الوقت اتاخر وانا هاخد شاور وهنام وبوسيلي نادية الصغيرة كتير_____
يضحك حمزه ويحاول يضحك اخيه .... اسمع يا ابيه زين اناصحيح سمتها نادية علي اسم والدتك علشان تحبها لكن بوس وكلام فاضي لاء احنا صعايدة والكلام دي مينفعش عندنا لو غرضك شريف ماشي غير كده لاء ________
يضحك زين علي مزاح اخيه .... ماشي يا عم انا هخطبها لابني يوسف ايه رايك موافق _____
يحضنه حمزه ... طبعا موافق بس ليه مش سيف وهو الكبير
ينظر له زين بغموض .... كده انا عايزها ليوسف مش لسيف بقولك ايه يلا روح لمراتك وخلي كل حاجه لوقتها وسيبني انام انا تعبان ومحتاج ارتاح ويدفعه لخارج الغرفه ويقوله اقفل باب الفيلا وانت خارج مفيش خدامين هنا____
ويرجع حمزه لفيلته بعد ما اطمن علي اخيه ويدخل زين ياخد شاور ويلبس ثيابه ويخرج من فيلته ويركب سيارته وينطلق
__________________&&&&&&^
وبعد نص ساعه يصل لاحدي شركات المحمول ويطلب يقابل
المسؤول عن التعاقدات في الشركة ويبلغه مسؤول الامن انه بيحضر في الصباح ويعطيه زين مبلغ من المال لياتيه بعنوانه
ويحضر ليه المسؤول عن الامن العنوان وياخده زين وينطلق للعنوان الذي اعطاه له رجل الامن ويصعد له ويرن الجرس
ولا مجيب مره واتنين وثلاثه لحد ما يفتح له راجل غاضب بملابس النوم وينظر لزين باستغراب... .. انت مين وعايز ايه مش شايف الساعه في ايدك كام يا حضرت ازاي تجي تزعجنا في وقت متاخر زي ده وكمان وبدون سابق معرفه_______
يتطلع له زين بريبه .... ......انت اسماعيل شرابي
يرد عليه بعصبيه...... ايوه انا انت مين وعايز ايه مني____
يرد عليه زين .. البس هدومك وحصلني تحت محتاجلك في خدمة وليك مني ١٠٠ الف جنيه كاش يلا انا منتظرك تحت في سيارتي متتاخرش عليا لاشوف حد غيرك ينفذ ليا خدمتي__
يتطلع له الموظف في جشع وطمع .... حاضر يا بيه ثواني هغير وانزل لحضرتك ويدخل يغير ثيابه وزين ينزل ينتظره وبعد خمس دقائق ينزل له ويساله ..... حضرتك مين وعايز مني خدمة ايه انا تحت امرك بس تكون قانونيه ____
ينظر له زين بنظره متفحصه تشمله من فوق لتحت... متقلقش قانونيه ويعطيه ورقه ده رقم زوجتي في التاريخ اللي مع الرقم الساعه ١٠ تقريبا جالها اتصال من رفم برايفت عايزك تجيبلي تسجيل المكالمه او اي مكالمه من رقم البرايفت ده وكمان تجيب ليا اسم صاحب الرقم هتقدر ولا لاء____
يتطلع الموظف للرقم والتاريخ وينظر لزين بدهشه. دي مكالمه من ٤ سنين اجيبه ازاي ومنين اكيد اتحذفت من التسجيلات
وهيبقي مستحيل تلاقيها صعب والله يا استاذ........
يمسكه زين جاكت بدلته.... اسمع لو عايز فلوس تاني هدهالك مفيش حاجه اسمها مستحيل وكمان انا عارف ان التسجيلات مش بتتعدم وبتتأرشف لمدة عشر سنين انا شغال في المجال واعرف كل خباياكم انا لجات ليك علشان دي خدمه صغيرة ومش محتاجه اني اتواصل مع رؤسائك يا اسماعيل______
يرتبك الموظف..... انا اسف مقصدتش اغضبك انا بكره الصبح هبحث في السجلات وهطلع رقم ارشفتهم وهجيبلك كل التسجيلات اللي طلبتها وادفع اللي انت عايزه انا موافق علي اي مبلغ بس ارجوك متبلغش حد من رؤسائي عني _____
يضحك له بسخرية.... مفيش بكره دلوقتي انا اعرف ان ليك الحق ترجع للشركة في اي وقت اتفضل اركب اوصلك تخلص ليا خدمتي وهديلك اللي يشبع طمعك وجشعك._____
يرتعش الموظف .... خلاص اللي تشوفه انا تحت امرك يا بيه وينطلق زين للشركة ويدخل الموظف لمبني الشركة ويطلع رقم الارشيف وياخد كل تسجيلات الرقم واسم صاحب الرقم البرايفت ويخرج يسلمهم لزين اللي ياخدهم ويعطه ضعف المبلغ اللي عرضه عليه وينزله امام بيته ويذهب لفيلته__
ويطلع الي غرفته ويفتح الظرف الذي يحوي اسم صاحب الرقم البرايفت ويقراء اسم صاحب الرقم يجز علي اسنانه بغضب ويبدء يسمع التسجيلات ويتملكه الغضب والسخط علي سلوان ويركز في الصوت ويحدق ويقبض علي يده بشدة ويزمجر في غضب... ايامك هتبقي معايا سودة يا سلوان
لو كان حصل اللي في بالي .....
ويفرد طوله علي فراشه ويحاول ينام لكنه يتقلب بقلق يمين وشمال كانه نائم علي جمرة من النار ويتخيل يمني بكل ركن بالغرفه ليتنهد وينهض ويلبس ثيابه وينزل ويركب سيارته
وينطلق الي الصعيد وبعد وقت ليس بالقليل يصل الي بيت عمه وفيق ويرحبه بيه عمه بحفاوة شديدة... اهلا بالغالي ولد الغالي ادخل يا زين والله نورت البلد كلها ______
يسلم زين علي عمه بمودة..... معلش يا عمي انا هروح لداري بس عايز حد يبعتلي مدكور السواق علي داري عايزه في مشوار يعمله ليا ضروري ما تتاخرش عليا يا عمي___
يرد عليه عمه.... قبل ما توصل لدارك هيكون قدامك ___
يذهب زين لداره ويطلب من هنيه خادمته فنجان من القهوة لاحساسه بالارهاق من الاحداث المتواليه عليه من الامس وبدون راحه او نوم حتي لو ساعه هذا غير سفره سايق بالساعات للصعيد ويجلس علي مقعد مكتبه وينتظر وصول مدكور علي احر من الجمر ويغفو وهو جالس وتدخل عليه
هنية بفنجان القهوة وتبلغه بوصول مدكور ... ينظر لها زين ويحاول يفوق نفسه ويمسح عيونه بظهر يده وويطلب منها ادخاله بسرعه ويقوله لها..... هنيه روحي لدارك بعد ما تدخلي
مدكور واقفلي وراكي باب الدار __
تؤمي له هنية بالموافقة...... حاضر يا سعادة البيه وتخرج وبعدها تروح علي دارها كم امرها زين_____
ويدخل مدكور وهو بيرتعد ويمد ايده يسلم علي زين الذي ينظر له نظر جمدت الدم في شرايينه .. اقعد يا مدكور وقولي
بتشتغل في ايه دلوقتي بعد ما تركت الشغل عندي_____
يرتجف مدكور ويرد بارتباك..... بزرع في القراطين اللي اشتريتهم من خيرك عليا يا زين بيه والحال ماشي ____
يقف زين ويشرف عليه من عليائه.... من خيري ولا من المليون جنيه اللي ابتزيت فيهم مراتي ستك يمني يا كلب ويمسكه من جلبابه انا هدفنك حي لو ماقولتليش عملت مع ستك يمني ايه ومين وصلك ليه وكنت بتهددها ليه وبصوت كالرعد يصيح فيه انطق ايه حصل بينكم يا نذل____
ينتفض وجبينه يتعرق من الخوف ..... والله ما حصل بينا اي حاجه انا هعترفلك بكل حاجه من يوم ما روحت لسلوان هانم اطلب مساعدتها لحد ما خدت من الفون وطلبت مني اختفي من حياتكم للابد علشان اتصلت من وراها بيمني هانم وهددتها ولما عرفت سلوان هانم هددتني تفضحني وحذرتني لو فكرت اقرب من يمني هانم تاني هتبلغك بكل حاجه وطلبت استقيل من الشغل عندك وافضل بالبلد مخرجش منها وده اللي حصل والله يا زين بيه انا مكنش ليا ذنب هي كانت بتكتب ليا الكلام اللي اقوله وانا كنت بنفذ اوامراها وبس____
يحدق فيه زين بغضب .... والصور اللي كنت بتبعتها مين ادهالك وانت محتفظ بيها ولا مسحتها وليه رجعت وهددتها من ورا سلوان هانم ومين االي خد الفلوس منكم____
يبكى مدكور من الخوف ويرتعد بقوة...... انا اللي خدت الفلوس ده كان تمن مساعدتي وسترت بيها بنتي واشتريت الكام قيراط اللي بزرع فيهم اما الصور والله معرف عنها حاجه سلوان هانم كانت بتاخذ تبعت الصور ليه وتمسحها وترجع تديني اكمل المكالمه اللي كانت كتباها ليا انا ورجعت هدت يمني هانم لاني طمعت في مبلغ زيادة هو ده كل اللي حصل وينزل علي ركبته ويوطي وشي في الارض ابوس رجلك يا زين بيه ترحمني وتسامحني انا مش هقرب للهانم ولاحتي فاكر كنت بتكلم معاها في ايه والله فضيحة بنتي كانت هي السبب اني اقبل اخونك انت ولي نعمة ولحم كتافي من خيرك ارجوك سامحني واغفر ليا ذلتي وغلطي في حقك وحق ست الناس يمني هانم _______
يبعد زين رجله عنه ويصيح فيه.... قوم با مدكور روح لاولادك وافهم كلامي كويس لو مره خطر في بالك تكلم يمني هانم او سلوان هانم او تحكي لحد االي حصل اقتل نفسك قبلها قبل ما اجي انا واحرقك وانت حي يلا غور من وشي_____
يخرج مدكور يجري وهو بيحمد ربنا انه نفذ بجلده من الموت
ويجلس زين علي كرسيه وياخد نفس عميق ينم عن الراحه ويتصل بسلوان وترد بلهفه عليه... زين طمني عملت مع يمني ايه يارب متكنش حكيت ليه عن حقيقتي وانا مين __
يرد عليها زين بفتور.... للاسف ملحقتش لانها عرفت مصيبتني الاكبر يمني عرفت ان سيف ابني وطلبت الطلاق وانا عرفت انك كنتي بتهدديها وتبتزيها وخدتي منها مليون جنيه
ليه يا سلوان عملتي كده ازاي تعملي حاجه زي كده من غير ما ترجعيلي لا وكمان صورتيها وهي مغتصبه وخليتي مدكور السواق يهددها ويبتزها ويهدد بفضحها لو مدفعتش ليه نفسي اعرف انتي اتجننتي علشان تعملي في مراتي وحبيبتي كده انتي عارفه لولا مكانتك عندي واحترامي ليكي كنت خنقتك بايدي للي عملتيه فيها بس ليه ده اللي نفس افهمه _____
تصيح فية...... كنت مستعده اعمل اكتر من كده علشان تقبل تتجوزك وتكمل حياتها معاك كنت هعمل المستحيل علشان تعيش سعيد ولولا التهديدات دي مكنتش ترضي تتجوزك يمني كانت عنيده اوووي وكانت لازم تخاف علشان تنكسر ليك وتقبل انها تتنازل عن عنادها وتحمد ربها انك موجود في حياته لما تعرف انها هتتفضح ومحدش هيقبل بيها المهم اني جمعتكم واصبحت ليك حياة معاها واولاد منها _____
يضحك زين بسخرية..... جمعتينا للاسف كل تخطيطك ضاع
انا طلقت يمني وخدت الاولاد وحرمتني منها ومنهم انا بموت من ساعة ما سبيتني لا بنام ولا باكل انا خلاص مش قادر اتحمل فراقه من يوم ازاي هتحمله باقي عمري ده لو لسه في بالعمر باقيه اقفلي يا سلوان وياريت متحاوليش تخدميني تاني كفاية اللي عملتيه لحد كده ياريتني استسلمت لرفضها ليا علي الاقل مكنتش بتكرهني بالشكل ده ______
ويقفل الاتصال قبل ما يسمع احتجاج سلوان علي كلامها
__________________________&&&&&&
وتمر الايام وزين بيحاول بكل الطرق انه يتواصل مع يمني او يقنعها تديله فرصه تانيه لكنها كانت دايما تقفل في وشها وكانت هند هي ملاذءه الوحيد اللي من خلاله كان بيطمن علي اولاده ويكلمهم وبعد مرور ٣ شهور وزيادة ......
وفي مره من محاولاته الكثيرة مع يمني لتستمع توافق يمني علي الاستماع له وتطلب منه الحضور لزيارتها في الخامسه ..
يعود زين للفيلا ويتأنق ويحس ان روحها عادت ليه من مجرد موافقتها للحديث معه وهو الان يستعد لاقناعها لتعطيها فرصه تانيه لبعش السعادة الحقيقيه معه ومع اولاده منها بعد ما عاش حياته في سعادة زائف لخوفه من اكشافها سره____
ويذهب زين الي فيلتة عمتها عنايات ويدخل من الباب ويرحب بيه ابيها فاروق باستغراب لحضوره ويحاول يساله عن سبب حضوره هذا اليوم بالذات بعد كل هذه الشهور ____
وذلك بعد محاولاتهم هو وزوجته معاه ومع يمني في الصلح بينهم وانهاء الخلاف ليرجعوهم لبعض لكن كل محاولاتهم باءت بالفشل و بدون اي فائدة الي ان حضر زين بدون سبب
يضحك زين.... لا يا عمي انا جاي بسبب يمني طلبت مني الحضور المهم هي فين والاولاد وحشوني جدا____
يطلب فاروق من هند احضار الاولاد وتحضرهم هند له اول اللولاد ما يشوف ابوهم يحضنوه بقوة ويطلبو منه انهم يعود لفيلتهم يغمرهم زين بسعاده ...اوعدكم بس فين ماما وجدتكم
سيف يسحب ايده ويفتح باب الفراند . ويشاور علي امه
وينظر لها زين ويستغرب حضور كل هولاء الناس كانها خفله
ويري يمني بفستان من الحرير الاوف وايت جالسه وبجوارها كريم وامامهم الماذون يكتب كتابها علي كريم ___
يقف مصدوم وبعد انتهاء عقد القران يسمع الزغاريد وتطلب منه يمني ان بكون شاهد علي زواجها من كريم _____
ياخذ زين نفسه بصعوبة ويرد عليها.... اسف مجبتش معايا بطاقتي ويصفق ليمني باعجاب... برافو عليكي عرفتي تنتقمي مني وتردي كرامتك رجعتي يمني المتكبره اللي مبتفكرش غير في نفسها وكبريائها الزائف____
ويحس بخنقه وضيق بالتنفس ينظر لها بحزن ولوم ويخرج يجري ويركب سيارته وينطلق بدون هواية الي ان يصل الي فيلا سلوان ويدخل وقدماه لا تستطيع ان تحمله ويقع قبل ان يصل للباب ويراه نور يصرخ علي امه .... الحقي ياماما زيزو
وقع قدام البوابه وتتفزع سلوان من صراخ ابنها وتخرج تجري وتري زين واقع قدام البوابه فعلا تحاول تحمله متقدرش و تقول له بحزن ساعدني يا زين مش قادره اشيلك مالك جرالك ايه وكنت مختفي فين الكام شهر اللي فاتو ______
يتكلم زين باعياء شديد.... خلاص يا سلوان حياتي انتهت
يمني اتجوزت كريم وبقت ملك لغيري انا بموت يا سلوان
ويغمي عليه وتخده سلوان علي صدرها وتصرخ زين زين
فوق فوق يا حبيبي ... وتصيح بصوت عالي رشدي رشدي الحقني بسرعه زين بيموت الحقني يا رشدي ______
وبسرعة البرق يخرج رشدي ويحمله ويركب سيارته ومع سلوان ويذهبو لاقرب مشفي ويدخلو به الي الرعاية__
وفي الخارج تنتظر سلوان هي ورشدي وقلبها مقبوض
ويخرج لهم الدكتور ... للاسف حالته خطره جدا عضلة القلب وقفت وقدرنا نستعيده بصعوبه لو حصل ووقفت تاني هيبقي مستحيل يعيش المريض رافض الحياة ومستسلم للموت بطريقه غريبه ياريت تحاولو تلاقو سبب يخليه يتمسك بالحياة حرام شاب في سنه يقدم نفسه للموت ده انتحار__
تنظر سلوان لرشدي ... مفيش غيرها لازم تجي تنقذه قبل ما نخسره ووكلنا هنندم بعدها وتخرج تجري من المشفي وتذهب لفيلا عمة زين وتطلب تقابل يمني ضروري___
وتنزل يمني وتراها قدمها تنظر لها بحقد.... انت ايه جابك هنا مش خلاص سبتهولك عايزه مني ايه تاني اطلعي بره___
تقرب منها سلوان .... انا مش هخرج من هنا غير لما تجي معايا وتنقذي زين من الموت فاهمه يا يمني مش هسمحلك تتسببي في موته وهو كل اللي كان همه اسعادك ____
تنظر لها يمني وتحدق فيها بحيرة واستغراب وترتعد ....
انتي مين بالظبط وتصمت وتصيح بحده انتي .......؟؟؟؟؟؟
*********************
إلي هنا ينتهي الفصل الثانى والعشرون من رواية سرق عذريتى بقلم سلمى سمير
تابع أيضاً: جميع فصول رواية ولا فى الأحلام بقلم دعاء عبد الرحمن
تابعوا صفحتنا على الفيس بوك للمزيد من القصص الرومانسية
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة