مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية ذات الطابع الإجتماعى مع رواية رومانسية جديدة للكاتبة يسرا جمال علي موقعنا قصص 26 وموعدنا اليوم مع الفصل الثانى والثلاثون من رواية بعد النهاية بقلم يسرا جمال .
رواية بعد النهاية بقلم يسرا جمال - الفصل الثانى والثلاثون
إقرأ أيضا: رواية غرام
في القاهرة في فيلا كمال
صفاء:يعني هتبات برا البيت يا كمال؟...طيب براحتك سلام
وأغلقت الخط فسمعت طرقات على باب غرفتها
صفاء:ادخل
دخل تامر فتفاجئت صفاء
صفاء:تامر؟!!
اقترب تامر منها:انا تعبان اوي
وعانقها بقوة فعانقته هي الأخرى بفرحة كبيرة
___________________________________
في فيلا إبراهيم
كان فارس في غرفته لا يستطيع النوم من القلق
أمسك هاتفه الخليوي واتصل بوليد
وليد:الو
فارس:ازيك يا وليد عامل ايه؟
وليد:الحمد لله انت عامل ايه؟
فارس:تمام الحمد لله
وليد:خير متصل ليه؟
فارس:ايه اللهجة دي يا وليد
وليد:مفيش انت طلبت مضايقكش وانا نفذت طلبك بس الغريبة بقى ان انت تتصل
فارس:مكنتش اعرف ان اتصالي هيضايقك اوي كده
وليد:وانا مكنتش اعرف ان انا مضايقك اوي كده برضو
فارس:انا مقولتش انك مضايقني
وليد:آمال ايه موضوع الورث اللي انت عاوز تسيبه
فارس:هنتكلم في الموضوع ده تاني يا وليد؟
وليد:لو مش عاوز تسمع حاجة تضايقك متتصلش تاني
فارس:انا اسف كنت متصل اتطمن عليك مش اكتر
وليد:متتعبش نفسك تاني سبني اعتمد على نفسي
فارس:انا واضح اني غلطت لما اتصلت
واغلق فارس الخط
لم يخبره عن مدى قلقه منذ ذلك الامر الذي حدث في الشركة يشعر انهم يخططون لايذائه فلقد اصبح مصدر قلقٍ لهم فهو لم يكتفي برفض مساعدتهم بل انه ينوي ان يغلق امامهم جميع السبل لذلك
________________________________
في أمريكا بإحدى المستشفيات بعد اجراء عدة فحوصات وأشعة
خرج الدكتور من غرفة مازن
دارين بلهفة:كيف حاله
الدكتور: كيف تركتوه كل هذا الوقت؟
دارين بخوف:ماذا تعني؟
الدكتور: يجب أن يقوم بعملية بسرعة
دارين بصدمة:لماذا؟؟
حكى الطبيب كل شيء لدارين وهي في حالة صدمة كبيرة ولا تستطيع التحدث وأراها صورة الأشعة وأخبرها أن الورم كان يكبر طوال الفترة الماضية وانه يجب التدخل الجراحي فورا وانه يجب أيضا ان يكمل علاج بعد العملية
صدمت دارين من الكلام خاصة بعد ان سمعت الأثار الجانبية للعملية
خرجت من غرفة الطبيب في حالة صدمة
علاء:دارين هانم انتي كويسة؟
دارين:انت هنا يا علاء؟
علاء:ما انا معرفتش هتروحوا فين بالظبط فجيت وراكم بتاكسي
دارين:طب انا هاجي معاك يلا
علاء:هو أستاذ مازن ماله؟
دارين:ادعيله ربنا يقومه بالسلامة
علاء:يا رب
وذهبوا معا حجزت دارين بإحدى الفنادق غرفتين ووضعت الحقائب في احداها وبدلت ملابسها هي وصغيرها واشترت خطا لتستطيع التحدث في الهاتف وعادت للمشفى مجددا ووقفت أمام غرفة مازن وأخذت نفسا عميقا لتبدو قوية أمامه وتركت الطفل مع علاء ودخلت الى مازن وأغلقت الباب ورسمت ابتسامة وجلست الى جواره ولمست يديه ففتح عينيه ونظر حوله فعلم انه بالمشفى
دارين:حمدا لله على السلامة
مازن ينظر اليها:انا اسف
دارين:المهم انت عامل ايه دلوقتي ؟
مازن:اكيد انتي عارفة
دارين:انت عارف من امتى؟
مازن:من زمان
دارين:ليه مقولتش ؟
مازن:وليه أقول ؟
دارين:علشان نكون جنبك
مازن:هو انتو كنتوا بتكلموني يعني يا دارين؟
دارين:كان لازم تقول لاي حد
مازن:متقلقيش في النهاية اهلي عرفوا واتنين من اصحابي
دارين:وعملوا ايه؟
مازن:طبعا نصحوني بالعملية
دارين:وليه معملتهاش
مازن:مقدرتش يا دارين
دارين:ليه؟
مازن:الأثار الجانبية مخوفاني اوي
دارين تنظر اليه بحزن
مازن:بفكر اني بعد العملية هبقى راقد في واحد من احتمالين يا اما غيبوبة يا اما عجز
ثم نظر بعيدا:انا لما رفضت اعمل العملية مكانش علشان نفسي وبس انا كمان بفكر في اهلي كمان خايف على وضعكم بعد ما تشوفوني مش قادر اتحرك او مش واعي باللي حواليا
ثم نظر لها:انا مش اناني يا دارين
وتجمعت في عينيه الدموع:واقولك على حاجة كمان
دارين:ايه؟
مازن:انا نفسي أعيش اوي معاكم ...مش عاوز اموت
دارين:مش هتموت
وعانقته وشعرت بضعفه الكبير بين احضانها
مازن:انا عمري ما حبيت حياتي اوي كده غير لما عرفت ان فيها حاجات كتير حلوة وتستاهل اني أعيش ليها واولها انتو
دارين:هتعيش وهتعمل العملية
ونظرت اليه بإبتسامة جاهدت كثيرا لنظهرها
ثم أردفت :انا هفضل جنبك لحد ما توقف على رجليك ...وذي ما قررت ان المرض مش نهاية العالم كمان العجز مش نهاية العالم وعمره ما يكون
ابتسم مازن بحب لها وعانقها
أحيانا برغم ضعفنا نكون مصدر قوة لأحدهم
________________________________________
في القاهرة في صباح اليوم التالي
في فيلا كمال استيقظات صفاء فوجدت تامر لا يزال نائما بين أحضانها حاولت النهوض بهدوء لكنه استيقظ
تامر بإبتسامة:صباح الخير
صفاء بحب:صباح النور يا حبيبي
جلس تامر
صفاء:يلا قوم اغسل وشك وتعالا نفطر
تامر:طيب
صفاء:انا هكلم دارين تجيب مازن ونفطر سوا
تامر:ما دارين ومازن سافروا امبارح سوا
صفاء بصدمة:سافروا فين؟
تامر:سافروا أمريكا
صفاء بصدمة:ليه مقالوش؟
تامر:وانتي مصدومة ليه اوي كده؟
صفاء بقلق:مازن تعبان ازاي يسافر من غير ما يقول ؟
تامر:تعبان مالوا؟
صفاء:انا لازم اكلمه
تامر:دارين اكيد هتكلمني هبقى اخليكي تكلميه ... بس قوليلي اول مازن ماله ؟
جلست صفاء وحكت له كل شئ وهو في حالة صدمة
___________________________________
في فيلا إبراهيم استعد فارس أمام المرآة ليذهب الى عمله فرن هاتفه الخليوي
فارس:الو
_اسمع يا فارس اعقل وارجع عن اللي في دماغك والا العواقب مش هتعجبك
فارس:مين بيتكلم
اغلق الخط
فارس:الو ..الووو
شعر فارس بقلق اكبر
فاتصل بالسكرتارية
السكرتارية:الو
فارس:الو
السكرتارية:انا جهزت للاجتماع ذي ما حضرتك طلبت
فارس:انا هتأخر شوية
السكرتارية:الغي الاجتماع ؟؟
فارس:انا قولت الغيه...انا بقولك هتأخر شوية
السكرتارية:حاضر يا فندم
اغلق فارس الخط وغادر الفيلا بسرعة واتجه الى فيلا عماد وأوقف سيارته في الشارع المقابل للفيلا وظل ينتظر خروج وليد وعندما طال الانتظار شعر بالقلق وقرر ان ينزل ليتفقده لكنه توقف عندما رآه يغادر الفيلا ويركب سيارة أجرة
تبعه فارس حتى اطمئن لوصوله الى المدرسة ثم ذهب الى الشركة
_____________________________________
استيقظ أكرم على رنين هاتف المنزل
أكرم:الو
باسم:أستاذ أكرم
أكرم:ايوه انا
باسم:انا أخو نسمة
ينهض أكرم بسرعة:ايوه ازي حضرتك؟
باسم:الحمد لله ...كنت عاوز اقابلك لو فاضي النهاردة؟
أكرم:اه فاضي طبعا تحب نتقابل فين؟
باسم:ممكن نتغد اسوا
أكرم:ياريت فين بالظبط ؟
باسم:في مطعم.....الساعة 2 الظهر
أكرم:تمام هكون موجود في المعاد
باسم:سلام
أكرم:سلام
قرر باسم ملاقاة أكرم على انفراد وبعيدا عن والدته حتى يتحدث معه كما يشاء ويتعرف عليه جيدا
_____________________________________
تامر بصدمة:ازاي محدش يقولنا على حاجة ذي دي ؟
صفاء:انا كنت فكراه قالكم
تامر:مازن مقالش حاجة
صفاء:هي دارين متصلتش ليه؟
تامر:الله اعلم
صفاء:انا لازم اعمل تأشيرة بسرعة وأسافرله
تامر:تأشيرة ايه اللي تعمليها ما نستنى أحسن لما يتصلوا وبعدين نقولهم يرجعوا
صفاء:ده على أساس ان مازن هيسمع الكلام اوي وهيرجع عادي جدا
تامر:هنبقى نتصرف وقتها
سمعوا صوت باب الفيلا ودخول كمال
كمال:تامر؟!
تامر:ازيك يا أستاذ كمال؟
كمال بإستغراب:الحمد لله انت ازيك؟
تامر:الحمد لله
صفاء:كمال انا عاوزة اقولك حاجة
تامر:مش وقته يا ماما اصبري شوية
كمال:في ايه؟
صفاء:مازن سافر أمريكا
كمال:ايه؟..امتى؟؟
صفاء:امبارح
كمال:ازاي متقوليش ؟
صفاء:انا لسه عارفة النهاردة
كمال:قعدتي تقوليلي سيبه سيبه اهو سافر اهو
صفاء:يعني انا كنت هعرف منين انه هيسافر ؟
كمال:خلاص يا صفاء خليكي برا الموضوع انا هسافرله واعرف ازاي اجيبه معايا
صفاء:هتوصله ازاي هناك؟
كمال:معرفش بس هتصرف
صفاء:طب انا هاجي معاك
كمال:قولت لاء
تامر:اهدوا طيب ..دارين هتتصل أكيد ووقتها نقدر نقنعها انها ترجع هي ومازن او حتى يقولوا مكانهم
صمت كمال ولم يعد يدري ماذا يقول
____________________________________
في منزل أيمن كان البيت في حالة جيدة فقد علم مسبقاً انه سيستقبل زائر
أيمن:اتفضل
دخل شادي ورسم ابتسامة:صباح الخير
أيمن:صباح النور...اتفضل
دخل شادي وجلس:طبعاً حضرتك عند علم انا هنا ليه؟
أيمن:ايوه عندي
شادي:طب مبدئياً أنا شادي مهندس و و .. واكيد حضرتك عارف اني جاي طالب ايد بنتك
أيمن:عندي علم بس عاوز اعرف انت عرفتها منين؟
شادي:كنت اعرفها هناك في القاهرة اقصد يعني اعرف خالها وكنت ناوي اخطب بس كنت متردد شوية وتقدر تقول اني نويت النهارده
أيمن:وكنت متردد ليه؟
شادي:علشان انا ...يعني في شوية ظروف كده خاصة
أيمن:ما تتكلم علطول
شادي:يعني انا كنت متجوز قبل كده
أيمن:ودي حاجة تزعل يا ابني
شادي:لا ما هو مش دي كل حاجة انا كمان عندي بنت من مراتي الأولانية الله يرحمها
____________________________________
في شركة عماد
في الاجتماع
فارس:اسف على التأخير
ثم جلس:انا حبيت ابلغكم ان أستاذ إيهاب تم رفده
احد الجالسين:ليه ؟
تجاهله فارس:المهم انا جمعتكم علشان اقولكم ان انا هأخد وقت عبال ما أعين حد مكانه
محسن:يعني انا كمان مرفود؟
فارس:لاء طبعا انت لسه في مكانك
محسن:مكاني ازاي والاستاذ اترفد ؟
فارس:انا لسه مخلصتش كلامي ...انت هتقوم ببعض المهام اللي كان بيقوم بيها إيهاب لحد ما أعين حد
محسن بفرحة:يعني انا بقيت مكانه
فارس:انا مقولتش كده انت بس هتقوم ببعض المهام لحد ما أعين حد وكل الشغل هيكون عندي أصلا
محسن بفرحة:حاضر يا أستاذ فارس
ابتسم فارس بسخرية فالأن أصبح استاذاً وقبل ذلك لو كان قادراً على قتله لفعل
__________________________________
في فيلا أشرف
استعد شريف للخروج
أشرف:شريف تعالا عاوزك
شريف:معلش يا بابا مستعجل
أشرف:رايح فين؟
شريف:رايح أشوف ابني
أشرف:ما انا عاوزك بخصوص ابنك
شريف بقلق:رائد حصله حاجة ؟
أشرف:دارين سافرت هي ورائد امبارح
شريف:سافرت راحت فين بإبني ؟
أشرف:فؤاد قالي سافرت بس مقاليش فين
شريف:طيب انا هتصرف
وغادر شريف الفيلا
____________________________________
في شركة الحكيم
فؤاد:الو
تامر:ايوه ؟
فؤاد:انت فين مجتش الشركة ليه؟
تامر:عندي شوية مشاكل
فؤاد:مشاكل ايه؟
تامر:متشغلش بالك انا هتصرف
فؤاد:طب انت ليه بتطلعني برا حياتك ؟
تامر:انا مقدرش اطلعك برا حياتي بس انا فعلا عندي شوية مشاكل هخلصها واجيلك
فؤاد:طب دارين مكلمتكش ؟
تامر:لاء
فؤاد:لو كلمتك ابعتلي رقمها
تامر:حاضر
فؤاد:سلام
تامر:سلام
وأغلق فؤاد الخط وفجأة دخل شريف الى المكتب
السكرتارية:أستاذ شريف من فضلك
فؤاد بإبتسامة:اهلا
وأشار للسكرتارية ان تذهب
فؤاد:نورت يا شريف تعالا اقعد يا حبيبي
شريف:فين دارين؟
فؤاد:انت جاي تسأل دلوقتي عليها ؟
شريف:انا مش بسأل عليها علشان عاوز اشوفها انا عاوز ابني
فؤاد:استنى بقى اما ترجع بالسلامة
شريف:يعني ايه استنى ؟؟
فؤاد:يعني استنى هي ليها معنى تاني ؟
شريف:وان شاء الله هي ناوية ترجع امتى؟
فؤاد:معنديش فكرة
شريف:يعني ايه الكلام ده ؟
فؤاد:بقولك ايه يا شريف متصدعنيش انا ورايا شغل كتير
غضب شريف وغادر وركب سيارته وأخرج هاتفه الخليوي وفتح الواتس آب وفتح محادثته مع دارين
شريف:انا اه اخدت منك ابنك قبل كده ووجعتك ..بس بلاش تعمل فيا كده يا دارين ..قولتلك قبل كده رائد الحاجة الحلوة الوحيدة اللي فضلالي متحرمنيش منه انا أصلا مبقتش حمل وجع
وارسل التسجيل لها
لم يكن فؤاد يكن أي عداوة او غضب من شريف لكن الأمر كان مجرد مصلحة وانتهت بالطلاق فلا داعي اذاَ للتعامل الجيد
_____________________________________
في المساء بأمريكا بالمشفى في غرفة مازن تدخل دارين
مازن:كنتي فين ؟
دارين:روحت الفندق نمت شوية انا ورائد وجيت تاني اهو وكنت عند الدكتور
مازن:اتكلمتوا في ايه؟
دارين:مفيش بس العملية بكرا
مازن:وانا بقول الفحوص والتحاليل اللي عمالين يعملوها من شوية دي ليه؟
دارين:المهم انا طلبت من الدكتور نقضي شوية وقت في الجنينة بتاعت المستشفى و وافق قوم يلا
نهض مازن فأعطته جاكيتا ونزلا ليتمشيا
مازن:ممكن متكلميش حد عن العملية الا في حالتين
دارين:حالتين ايه؟
مازن:ان يحصلي حاجة او العملية تنجح
دارين:بلاش حكاية يحصلك حاجة دي بقى
مازن:لازم نحط كل التوقعات
دارين:خلينا ننسى العملية شوية
مازن:انساها ازاي وانا هكون في العمليات بكرا
دارين:هتقوم بالسلامة ان شاء الله متخافش
مازن:قوليلي الدكتور قالك ايه كمان؟
دارين:ممكن تأجل أي أسئلة لحد ما تقوم بالسلامة
مازن:ما انا وقتها مش هبقى قادر أتكلم او حتى اكتب اللي انا عاوز أقوله
دارين:وانت عاوز تعرف ايه بس يا مازن خليك مرتاح
مازن:عاوز اعرف بعد العملية ايه هيحصل ؟
دارين:يعني ايه هيحصل يعني ..هتتحجز أسبوعين في المستشفى وبعدها هتكمل علاج لمدة 6 شهور تقريبا
مازن بتنهيدة:علاج من انهي نوع
دارين:هو الدكتور كلمني في الموضوع ده بس انا طبعاً مش هحفظ كلامه ولا هفهمه اوي بس هو قال انه هيتكلم معاك
ابتسم بسخرية:طبعاً كل نوع له أثار جانبية
دارين:ده رد فعل طبيعي تجاه العلاج
مازن:وايه كمان؟؟
دارين:ولا حاجة هتتابع مع اخصائي كويس علشان النطق وكمان هتكمل علاج طبيعي
مازن: انا بقول ننزل مصر أحسن أكمل علاج هناك
دارين:مش هينفع تسافر قبل 12 شهر على الأقل
مازن:ليه يعني؟
دارين:ما انا خطر في بالي نفس الموضوع واتكلمت مع الدكتور وقالي ان الضغط في الطيارة ممكن يسبب اضرار
أغمض مازن عينيه في ألم
دارين تتوقف وتمسكه من كتفيه:مازن بصلي
فتح مازن عينيه
دارين:في حاجات حلوة اوي عاوزين نعملها بعد ما تقوم بالسلامة بلاش تسأل عن أي حاجة تانية بعد العملية او في العملية
مازن:ما انا لازم افهم وضعي كويس
دارين:ماشي مفيش مشكلة تعرف وضعك بس انا بحسك يائس اوي وده مش هينفع
مازن بإبتسامة:متقلقيش انا عاوز أقوم اوي من العملية دي وابقى جنبكم
دارين:هتقوم بالسلامة بإذن الله
مازن:فين رائد؟؟
دارين:مع علاء في الكافيتريا
مازن:طب خلينا نشوفه
دارين:اسبقني وهحصلك
مازن:طيب
ذهب مازن وفتحت دارين جوالها تفكر في الاتصال بوالدتها لكنها تراجعت وقبل ان تغلق هاتفها الخليوي انتبهت لرسالة على الواتس آب ففتحتها وسمعت التسجيل
قامت دارين بتسجيل:انا مش هعمل اللي انت عملته فيا لاني عارفة الوجع ده كويس بس انا كنت محتاجة اسافر بجد وكنت هتصرف واحاول انزل رائد مصر علشان تشوفه انت كمان ...انا مش انانية يا شريف ولا قاسية علشان اوجعك بالطريقة دي ...على كل حال ابنك هيوصل لحد عندك اديني فرصة بس كام يوم
___________________________________
في القاهرة في احدى المطاعم
باسم:يعني انت مش عايش في مصر ؟
أكرم:بنزل اجازات لان الشركة في أمريكا
باسم:هي شركتك؟
أكرم:مش لوحدي هي شركتي وانا وصحابي شركا يعني
باسم:اها طب وايه بقى نظام حياتك ...بتقعد فين بالظبط؟
أكرم:انا كل حياتي في أمريكا
باسم:سبحان الله
أكرم:ليه؟
باسم:اصل نسمة برضو حياتها في أمريكا من ساعة ما مسكت فرع الشركة هناك
أكرم:ده شيء لصالحنا
باسم:طب انت فين أهلك؟
أكرم:بابا وماما عايشيين في بريطانيا
باسم:انت في أمريكا وهما في بريطانيا؟
أكرم:بابا اصله بريطاني وماما مصرية
باسم: وانا أسأل عنك فين ان شاء الله اسافر أمريكا ولا بريطانيا ولا أسأل هنا في مصر
أكرم:ههههههه انا مستني منك موافقة اجيب أهلي وتسألهم عني بقى ذي ما انت عاوز
باسم:أوافق ازاي وانا معرفكش
أكرم:ما انا قدامك اهو اعرفني ذي ما انت عاوز
باسم:اعرفك بالكلام يعني
أكرم:طب احنا قدامنا فترة خطوبة انا مستعد في فترة الخطوبة دي نقضيها في أمريكا واسأل عني أمريكا كلها لو انت عاوز رغم انك مش هتستفيد حاجة
باسم:مش هستفيد ليه بقى؟
أكرم:لان انا في أمريكا معرفتي بالناس سطحية وفي حدود شغلي وبس وصداقاتي قليلة
باسم:وانا مقدرش أوافق على حد مجهول كده
أكرم:فترة الخطوبة تقدر تعرفني فيها ذي ما انت عاوز
باسم:ماشي يا أكرم نورنا انت وأهلك يمكن المقابلة مع أهلك تريحني شوية
ابتسم أكرم بفرحة:بجد؟؟
باسم:اه بجد
أكرم:ان شاء الله بكرا نكون عندكم
باسم:بكرا ايه ؟..انت مش أهلك في بريطانيا ؟
أكرم:لا ما هما هنا لما عرفوا اني هخطب قرروا يستنوا لحد ما يقابلوا البنت اللي انا عاوز اخطبها
باسم:طيب يا أكرم هبقى اكلمك نحدد معاد
أكرم:تمام
___________________________________
عائشة:ايه اللي شاغل عقلك يا بابا؟
أيمن:عاوز أكلمكم في موضوع
عائشة:موضوع ايه؟
أيمن:في عريس متقدملك يا عائشة
عائشة متظاهرة بعدم الرضا:اللي انت كنت عاوزه حصل يعني
أيمن:بصي يا بنتي الموضوع ملخبطني شوية عاوز رأيك فيه علشان ابقى مستريح
عائشة:ليه في ايه يا بابا؟
أيمن:العريس كان متجوز قبل كده
عائشة:كبير في السن يعني؟
أيمن:لا صغير بس في حاجة تانية
عائشة:ما تقول يا بابا علطول في ايه؟
أيمن:العريس عنده بنت
عائشة متظاهرة بالصدمة:ايه ؟ بنت؟؟
تابع من هنا: جميع فصول رواية أبو البنات بقلم رهف سيد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا