مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة للكاتبة الجديدة أطياف راحلة ؛ وسنقدم لها اليوم الفصل الخامس عشر من رواية غيوم الشمس بقلم أطياف راحلة هذه القصة مليئة بالعديد من الأحداث والعداوة فى قرية من قرى صعيد مصر .
رواية غيوم الشمس بقلم أطياف راحلة - الفصل الخامس عشر
إقرأ أيضا: قصص قبل النوم
رواية غيوم الشمس بقلم أطياف راحلة - الفصل الخامس عشر
مالي اراكي في كل الاشياءحولي. مالي اري طيفك يلاحقني ولا يتواري عني لحظه مالي اري جميع الوجوه شبيه بوجهك كلهم انتي اصبحتي لاتفارقيني حتي في احلامي تسللتي اليها لقد حطم حبك كل الاسوار واخترقني لتصبحين ملكه قلبي وحياتي انتي.
معلش ياابن ابووي انت اللي اضطرتني اعمل اكده الموضوع فيه سلاح ومخدرات وبلاوي زرقه وارواح ناس لوجرالها حاجه عيبجي ذنبهم فب رجبتي.
السلام عليكم ورحمةالله وبركاته.
مدير الامن // وعليكم السلام ياالف مرحب ياحاج جابر.
جابر // يامرحب بيك ياباشا كيفك.
مدير الامن // انا تمام الحمد لله.اخبارك انت ايه انا عارف ان موت الحاج عبد المجيد قطع بيك وخاصه انه كان صاحب عمرك.
جابر// اهي ماشيه الدنيا والله فراج عبد المجيد ماجطع بحد غير بيا صاحب عمر ي دا انا كنت مصدجت اننا تصالحنا ورجعنا زي ماكنا الاول واكتر بس الدنيا استكترته عليا كانها بتجولي انك لازم تفضل وحيد من غير صاحبك.
مدير الامن // تعيش وتفتكر بس خطوه عزيزه اللي جابتك لحد هنا تزورني النهارده.
جابر //والله ياباشا حضرتك واحشني بس الزياره مجصوده مش صدفه.
مدير الامن // خير ياحاج جابر .
جابر // مش خير ياباشا دا شر ومحاوطنا ولو متصدناش ليه عيقضي علينا كلنا.
مدير الامن // ياساتر يارب انت كده قلقتني قولي ايه الحكايه.
جابر // الحكايه جنابك كبيره جوي اخوي هيبه متورط مع الزفت اللي اسمه سعفان في الشغل المشبوه اللي عيعمله وهو عيهددني اني لو مسعدتوش في في شغله عيبلغ عنه.
مدير الامن // عايزك تساعده في ايه.
جابر // ادخلك حاجات في العربيات بتاعتنا بحجه ان عربيتنا مبتتفتش وكمان اخرج حاجات من البلد.
مدير الامن // هيبه ليه علاقه بجتل عزام ياحاج جابر.
جابر // الكدب خيبه يابيه هيبه اللي جتل عزام.
مدير الامن // انا عارف بس كنت مستنيك تجول الناس اللي تبعنا شافو هيبه اخوك ومرات عزام مع بعض عند المصرف اللي اترمي عنده عزام وكل الشكوك كانت بتدور حواليه لاني عارف انه علي علاقه بمرات عزام من الاول واللي متعرفوش ان احنا مرجبين البيت اللي في اخر البلدمن الاول علشان وجود الدكتور فيه وطبعا انت اول واحد عارف الدكتور بيعمل ايه وكمان اللي متعرفوش ان الخامات اللي بيستخدمهاالدكتور وبلاوي تانيه داخله في العربيه اللي جابت الحمام لجوز بنك من المنصوره.
جابر // طيب لما انتوا عارفين كل ده سيبنهم ليه بيخربوا في البلد.
مدير الامن // احنا مش سايبنهم احنا عايزين نلم الشبكه كلها علشان ميفضلش منهم حد ايه الفايده نقبضوا علي واحد والباقين يهربوا اللي انت متعرفوش ان احنا عارفين ان هيبه اخوك شغال مع سعفان.
جابر // الله يسامحك يا ابن ابوي باللي بتعمله فينا.
مدير الامن // انا عارف ان الموضوع صعب عليك بس انت لازم تساعدنا دي ارواح بيهدروها من غير وجه حق.
جابر // انا تحت امرك اللي حضرتك عايزه انا عنفذه واللي يغلط يتحمل نتيجه غلطه.
مدير الامن // يبقي كده نتكلم في اللي لازم نعملوه وخصوصا ان فيه مصيبه بتحصل في بيت في البلد ولازم تكون عارفها.
بارك الله لكما وبارك عليكما الف مبروك.
بلال // الله يبارك فيك يامولانا .
وصاح//الف مبروك ياصاحبي ربنا يتمم لك بخير.
بلال // الله يبارك فيك ياغالي.
رئيسه // خلي بالك من مياده يابلال ملهاش حد غيرك دلوكيت.
بلال //متخافيش دي في عنيه ياخاله وعتجعد عندينا في البيت لما اعملها احلي فرح.
وضاح // لا ياخفيف عنديكوا فين الحاجه عزيزه منبه عليا انها تروح عندينا وتشورها وتطلع عروسه من عندينا واكدت عليا تيجي معايا وانا جاي.
بلال // خليك محضر خير ياصاحبي اومال.
رئيسه //ربنا يبارك فيها الحاجه عزيزه هي امنا كلنا.
ام بلال // احنا كنا عايزين العروسه تنور البيت بس معنجدروش نزعلوا الحاجه عزيزه دي كبيرتنا كلنا.
رئيسه // خدي بالك من مياده ياحاجه دي ملهاش حد غير ربنا وانتم وانا زي ما انتي عارفه اختي تعبانه جوي وانا لازم اكون جنبها.
ام بلال // ولاتخافي ياخيتي دي في عنيا سافري بالسلامه وابجي طمنينا علي خيتك ربنا يجومها بالسلامه وتجبيها وتاجي تحضري الفرح.
وضاح// مش يالا بينا ياعريس علشان توصل عروستك للبيت عندينا.
بلال // اعمل فيك ايه مردودالك ياصاحبي.
وضاح // ههههههه حبيبي ياصاحبي
عتجولي اييييييييييه.!!!!!!!!!!!!!!!
سماح // والله العظيم زي مابجولك كده ياحاجه والدكتوره جالتلي عتكلمك بنفسها.
عزيزه // يومهم اسود من شعر راسهم ووجعتهم مطينه النهاره بجي المره الباجسه قاعده في وسطينا وبتاكل وتشرب من خيرنا وعايزه تاذينا دا اللي اختشوا ماتوا ياولاد انا مشفتش حد جادر زيها جبل اكده والله لجيب عاليها واطيها علي دماغهم عايزه تسجط شمس عملتلها ايه بلاش شمس وضاح ده يبجي ابن اختها تعمل غبه اكده ليه.
سماح // بس ايه رايك ياحاجه انا طلعت اصيله لو واحده غيري كانت فرحت بالجرشين وعملت اللي هي عايزاه وكان زمان ست شمس ياعينب عليها دلوكيت.
عزيزه // ايوه اومال يابت ياسماح انت ماصلين عشان احنا اللي مربينكم ومعتعضوش الايد اللي اتمدت ليكوا بالخبر واصل انما دي وعيالها جله الاصل بتجري في دمهم جري بس اللي محيرني يابت وضاح لسه جايلي النهاره ان مرته حامل هي عرفت منين ان شمس حامل من جبل اكده.
سماح // باحاجه عتلاقي سي وضاح بيه كان عارف وخبين لما الحمل يثبت ولاجيها سمعتهم وهما بيتكلموا في اي ساعه دي معتبطلش دبي في البيت هي وعيالها طالعه نازله.
عزيزه // لا يابت عمر وضاح مايكون عارف ويخبي عليا وضاح لسه عارف ممكن تكون شمس هي اللي كانت مخبيه والزفته دي عرفت او سمعت حاجه عشان كده كانت عايزه تتصرقبل مانعرفوا حاجه.
سماح // ياحاجه انتي شاغله بالك ليه المهم دلوكيت ان ست شمس حامل وانتي بوظتي اللي كانوا بيخططوله عشان يسجطوها وخلص الموضوع علي اكده هاتي بجي الحلاوه بتاعتي ياحاجه.
عزيزه // يسجوا مين بابت دا انا كنت اشرب من دمهم شرب هو انت فكرك انا هخلي الموضوع يعدي اكده دا انا عخلي اللي مايشتري يتفرج عليهم ومعدش ليهم جعاد اهنه خلاص هي جبرت علي اكده.خدي يابت خدي الخاتم ده حلاوه الجدعنه اللي انتي عملتيها وكمان حلال عليكي الفلوس اللي هي ادتهالك يالا مش خساره فيكي.
سماح // ربنا يخليكي ياحاجه وميحرمناش منك ابدا احنا مالناش حد في الدنيا غيرك انتي كبيرتنا.
هو جالي اجولك كده وخلاص.
جابر // يعني ايه الكلام ده.
رئيسه // معرفاش بس جالي اجولك تسلم الفيديو للحكومه بعد يومين.
جابر // وهو مش هامه اللي عيجراله لما الحكومه تشوف الفيديو.
رئيسه // هو عارف هو بيعمل ايه بيجولك متحطش صباعك تحت ضرس سعفان مهما يكون هو عياخد منيك الفلوس وبرده عيسلم الفيديو للحكومه لان سعفان هدفه الوحيد انه ينتجم منك.
جابر // طيب لما هو ناصح وفاهم كل حاجه كان بيحطه ايده في ايده ايده ليه ويودرنا كلنا التوديره السوده دي.
رئيسه // انا معرفاش حاجه دا كل اللي جتلي اجوله لك اه وعيجولك خلي بالك من ولاده ومراته عشان هو ممكن ميرجعش اهنه واصل وعايزك تسامحه علي كل اللي عمله وكان عايز ياجي يجولك الكلام ده بنفسه بس مالوش عين يبص في وشك.
جابر // لا والله طلع بيحس وعنديه دم كل اللي بيجرالنا ده بسببه.
رئيسه // انا جلتلك كل الكلام اللي جالي اجلهوك كده مهمتي خلصت.
جابر // انتي طبعا ريحاله.
رئيسه// ماليش حد غيره في الدنيا ومجدرش ابعد عنيه بتي اتجوزت جدع ابن حلال وعيحبها وجوز بتك الله يكرمه خدها عنديهم الحاجه عزيزه صممت انها تطلع عروسه من بيتهم لما يجولو ملهاش حد ومجطوعه من شجره احس مايعيروها بيا بعد الموضوع ميتعرف خليني بعيد عنها احسن عشان تعيش.
جابر // هو انتي بتبرري علي مزاجك ومعملتيشحسابها ليه من الاول لما تعرف كل اللي عملتيه لاعتبجي عايزه تشوفك ولاتعرفك.
رئيسه // عشان اكده انا هبعد عن هنا ومعرجعش البلد واصل بس كل اللي طلباه من جنابك تخلي بالك منيها دي يتيمه وملهاش حد.
جابر // بلغي هيبه يخلي باله من نفسه يمكن الوشوش متتجابلش تاني.
الله يسامحك ياهيبه بالله عملته فينا.
تطلع تنزل تشوف حل للمصيبه دي هي دي اول مجبره عنفتحوها ياما كانت فيه مجابر واعره واتفتحت جاي علي دي اللي من كل خيرات الارض وكنوزها تقولي مش عتقتح لا دي عتفتح وعتفتح لو عيطير فيها رجاب كمان.
الشيخ عياد //اهدي يابيه كل اللي بتعمله ده ممنهوش فايده لاعيجدم ولا عياخر عايزين نفكر بالعجل ونشوف حل مع اني عارف ومتاكدكويس اني مفيش حل غير اللي جلت عليه.
سعفان // حل ايه اللي جلت عليه عايزني اجيب واحده وادبحها علي المجبره علشان تفتح انت عايز البلد كلها تجوم علينا ويجطعونا كلنا.
الشيح عياد // مش لازم تكون من البلد نتصرف ونجيبها من اي بلد تانيه ولانشوف اي بت غلبانه تكون مجطوعه من شجره وملهاش حد.
سعفان // وعنجيبها منين التفصيل اللي انت عايزها دي عنلاجيها فين.
الشيخ عياد // اومال بعد الغلب اللي شفناه دا كله والمرار اللي عشناه علي بال ماوصلنا للمجبره وعايزنا نسيب الكنوز والدهب اللي فيها علشان مش عارفين نجيب واحده ندبحها علي المجبره لا والف لا كمان لو انت متصرفتش يبجي تشيل يدك من الليله كلها وانا عتصرف لو عجيب بت من اهلي حتي مش عتردد المجبره دي هي اللي عتفرج معانا عتغير عيشتنا كله عترفعنا للسما اسمعني زين يابيه حتي لو انت مكملتش فتح المجبره انا عتصرف انا والناس اللي معايا وعنفتحوها وفي الحاله ديمعيكونش ليك عندينا غير تمن الدار اللي فيها المجبره.
سعفان //سيلني يومين افكر وعرد عليك بعد اليومين اعمل اللي عيلد عليك.
الشيخ عياد //يومين مش اكتر ودلوكيت انا ماشي انا والرجاله وعنتظر تليفونك سلاموا عليكم.
سعفان // عايزكم تجبولي اسماءكل البنات اللي مكتوب كتابها في البلد ومين اهلهم بس ماعيزش مخلوج يحس بحاجه وعاز المعلومات دي النهارده ضروري.
انتي بتقولي ايه ياحاجه انا مستحيل اعمل كده.
عزيزه // لا عملتي واديتي البت سماح فلوس عشان تنفذ اللي انتي بتخططيله.
ناديه // انتي ازاي تقولي وضاح دا ابني اللي مخلفتوش عايزاني اموت ابنه وبعدين مراته لسه معرفانا انها حامل النهارده كنت بشم علي ضهر ايدي انا انها حامل وادي الزفته دي الازازه امبارح زي مبتقولي ولا انتي اصلا مش طيقانا وعايزه تمشينا من البيت وخلاص وعشان كده بتلبيسنا تهم.
عزيزه // لا ياغندوره انا مش بلبس حد تهم انت اديتي البت فلوس عشان تحط لشمس الدوا في العصير عشا تسجط بس ربنا سطرها معانا البت سماح متربيه عندينا في البيت ولا يمكن تخون ابدا اسمعي بعد اللي انتي عملتيه ده تاخدي عيالك وتتكلي علي الله مالكيش جعاد هنا انا مضمنكيش ممكن تعملي ايه المره الجايه.
ناديه //ايوه قولي كده انتي مش عايزانه في البيت.
بدريه// اختي معتمشبش من البيت اللي عيمش البت الكدابه دي اللي الفت الكلام ده ولا شوفي مين حفظهلها عشان تجوله البيت ده بيتي وبيت ولادي واختي فيه كد ماتحب وتروح وتاجي زي ماهيه عايزه واللي مش عاجبه هو اللي يمشي.
عزيزه // لا والله حلو جوي الكلام ده من ميته كان ليكي بيت يابدىيه مكنش حد بيسمعلك حس وعبد الجيد عايش طلعلك حس دلوكيت.
بدريه // طول حياتك كاتمه علي نفسي وماشيه الدنيا كلها زي ما انتي عايزه طول عمر اخوكي مايسمعش غير كلمتك مكونش بجدر انطج ولا اجول اي حاجه انتي اللي تجولي وانتي اللي تتصرفي في كل حاجه وياما كا بياجي عليه عشان ميزعلكيش كلمتك مجدسه عنده لو عتخسره الناس كلها انما اني ولا كان ليا اي اعتبار عنديه كان بيعاملني زي ماكون خدامه حتي عيالي كنتي بتجلبيهم عليا وتخليهم ياخدوا صفك.
عزيزه // ياه يابدريه شايله كل ده في جلبك ومش فاكرالي الا السواد اللي معشش جواكي مش فاكره مش فاكرالي اي حاجه عملتها علشانك دا لولاي كان زمان عبد المجيد طلجك من زمان لولا انا اللي كنت بجافله عشان البيت ميخربش وكت لستحمل عمايلك وجله فهمك وواجول لنفسي خليها جاعده علي عيالها بدل ماتجيلهم مرات اب تذلهم وتجهرهم وكتي تعملي كل حاجه غلط ومكتش ارضي اجوله ولا اججيبله سيره جايه دلوكيت تشيليني غلط السنين اللي فاتت كلها لا فوجي وشوفي انتي بتكلمي مين الدار اللي عتجولي عليها دارك وعايزه تجولي مين اللي يجعد فيها ومين يمشي دي دار ابويا ومن بعد ابوي داري ودا اخوي انا ليا فيها التلت وهو ليه التلتين انتي بجي ملكيش حاجه عشان تامري وتنهي اهنه عرفتي بجي مين من حجه يجول مين اللي يمشي ومين اللي يجعد.
فيه ايه ياعمه حسكم جايب لاخر البلد قالها وضاح معاتبا عزيزه علي الصوت العالي الذي سمعه منذ نزوله من السياره في اول الجنينه حتي وصل الي باب المنزل ووجد بابه مفتوح وكان معه مياده وبلال فعندما سمعوا الصوت رفض الدخول الي المنزل وفضل البقاء في الجنينه حتي تنتهي المشكله في الداخل ومماراق له انه سيختلي بمياده قبل دخول البيت لانه سيكون من الصعب رؤيتها وتركهم وضاح ودخل للمنزل غاضبا مماسمعه فعاتب عزيزه علي صوتهم العالي الذي سمعه موجها الكلام لام بعد معاتبه عزيزه.
وضاح // فيه يا امه من ميته صوتك بيعلي اكد عايزين تسمعوا بينا الناس ولا ايه.
بدريه // اسال عمتك كبيرتنا وكبيره الدا مصممه لخالتك تمشي هي وعيالها.
وضاح // بنظره كلها عتاب لعزيزه ليه ياعمه دا انتي اكتر واحده بتكرم ضيوفها وعنرك ماجصرتي مع اي ضيف جات علي خالتي وعايزه تمشيها من البيت.
عزيزه // لما تعرف اللي المحروسه خالتك عملته.انت اللي عتترضها.
بدريه // خالتك معملتش حاجه ياوضاح البت سماح كدابه وفي حد كاريها علشان تجول اكده.
ناديه // بدموع كاذبه مثلها وغلاوتك عندي يابني معملت حاجه معملت حاجه انا مش عارفه هما جايبين الكلام دا منين.
عزيزه // اسمع ياوضاح خالتك جابت دوا واداته للبت سماح وجالت لها تحطه لشمس العصير عشان تسجطها.
وضاح // عتجولي ايه ياعمه.
عزيزه //عجول اللي سمعته ياجلب عمتك وادي الجزازه خدها وروح اسال الدكتوره الدوا اللي فيها عشان ايه.
إرسال تعليق
يسعدنا تلقي اقتراحاتك أو تعليقك هنا