مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة منة محسن ؛ وسنقدم لها اليوم الفصل العاشر من رواية المؤامرة بقلم منة محسن هذه القصة مليئة بالعديد من الأحداث والمواقف المتشابكة والمعقدة من الرومانسية والتشويق .
رواية المؤامرة بقلم منة محسن - الفصل العاشر
إقرأ أيضا: قصص قبل النوم
رواية المؤامرة بقلم منة محسن - الفصل العاشر
روسندا:ايوه خطيبته...مين انتى ومين سوسو؟؟
خديجه قفلت الخط بسرعه .
روسندا بصت للتليفون بضيق ورفعت حاجب واحد:ده انت طلعت ميه من تحت تبن ..اتنين مره واحده!..مع ان مايبنش عليك.
رجعتلهم وعزام بصلها بأستغراب:كنتى فين؟
روسندا بصتله بأنتباه :اا..كنت برد على الفون.
عزام:طيب امشوا انتوا وانا هفضل مع كرم.
روسندا بصتله:اا..لا ..انا فى خطر عليا وماينفعش امشى لوحدى..امال انت جايبلى حارس ليه؟!!
عزام بصلها وصحابها كانوا فاهمينها كويس اوى.
شاهيناز:وعلى ايه يا روسى..نمشى احنا..يلا يا بنتى.
شمس:هنبقى نكلمك.
روسندا هزت راسها بإيجاب:امم.
مشيوا وبعد ماخرجوا من المستشفى شاهيناز بصت لشمس:انا مش عارفه ليه حاسه بالذنب..
شمس بصتلها:من ناحيه ايه بالظبط!!؟
شاهيناز:كنا المفروض نقولها على موضوع خطوبه كرم بدل ماحبها ليه يزيد اكتر واكتر..يعنى لو بعد كام يوم بعد شهر عرفت !..هيبقى ايه ردها بعد ماتحبه اوى يعنى هى هتسيبه وهينكسر قلبها.
شمس بصتلها بزعل:عندك حق...بس بردو ده مش معناه اننا نقولها .. ده غلط .
شاهيناز بأنزعاج:طيب براحتك ..بس افتكرى انى قولتلك نعرفها انتى حره بقى.
وتمشى قدامها..
شمس اتنهدت بتفكير وحيره .
كريم اتصل بمحمود وبيجس نبضه بيشوفو عرف بموضوعه هو وأمينه ولا لا .
محمود بص للاسم بغل وبص لامينه:كريم بيتصل بيا.
امينه بصتله وملامحها اتغيرت :رد عليه بس اياك تبينله انك عرفت حاجه اكيد كارم قاله انك قاعد معايا وعرف انى لسه عايشه..هو بيختبرك .
محمود رد وماتكلمش الا لما كريم اتكلم.
كريم:ايه يا جدع مش تسئل على كيمو صاحبك ولا خلاص القعاد مع الحريم نساك حبايبك.
محمود جى يرد بغل امينه فهمت من تعابير وشه أنه بيستفزه..مسكت ايده وهزت راسها بنفى
محمود غمض عيونه بضيق:عايز ايه؟
كريم رفع حواجبه وبترقب:ايه عايز ايه دى!!
محمود:انت لو كنت بتسئل كنت أنا سئلت بس نقول ايه..الشغل منسيك حبايبك..ولا انا غلطان؟
كريم بلؤم وكشر :طب ماتيجى نسهر ولا ايه؟
محمود بص لامينه:طيب ...وماله نسهر..
كريم:تماااام ..هات امينه وتعالى
محمود:حلو بس لو سهرنا هنسهر عندك ..ف فلتك.
كريم ضحك بسخريه:ومن امتى ده!
محمود:اهو مزاج ..ايه مش موافق؟
كريم:طبعآ لا وبعدين انت عارف انى مبشربش ف البيت.
محمود:طبعآ لازم متشربش ف البيت...اصل الوالد مربيك على الأدب ..قدامه وبس.
كريم ملامحه بان عليها الغضب والغل:انت بتجيب سيره ابويا ليه دلوقت!..انت عارف انا قادر اعمل فيك ايه ..بس أنا طيب والكلمه دى كنت ممكن احاسبك عليها..لكن أنا مش هعمل كده ...لانى بصون العيش والملح.
محمود ضحك بسخريه:ومن امتى يا ابو قلب حنين؟..العيش والملح اللى بتتكلم عليهم دول اتهضموا من زمان..الدور و الباقى على اللى نسيوا أنهم كالوه...صح وانت هتفتكر ازاى ..ازازه خمره كفيله بأنها تنسيك القديم والجديد كمان ..لكن أنا بقى ولاخمور الدنيا تنسينى...عارف ليه؟..عشان المستقبل قدامك دايمآ وبيفكرك بأللى عملته ولسه مجاش عليه الوقت يتنسى ويبقى ماضى ننساه بسهوله.
بس انت ليه اصلا هتحتاج تفتكر وماضيك كله قذر ومافيهوش حاجه عدله..
امينه شدت منه التليفون وقفلت الخط .
كريم بص للتليفون بغل وتفكير .
امينه:هو اكيد فهم أنك عارف ..انت ليه قولتله الكلام ده؟؟؟!
محمود:حتى لو عرف..تفتكرى فى اكتر من اللى هو عمله عشان يخلص منك ؟..انتى دلوقت مش لوحدك وجى الوقت اللى هو يعيش فيه مرعوب وكل ثانيه تعدى عليه يبقى خايف لاتكون نهايته فيها..
امينه بصتله بتفكير وسرحان.
محمود بصلها:بصى يا امينه انا مش عايز الا مصلحتك..ونصيحه منى أجهضى اللى ف بطنك.
امينه بصتله اوى:وهو انا جايباك تساعدنى عشان تقولى اجهضى الطفل؟؟!
محمود:خلينا واقعيين يا امينه..تفتكرى الطفل ده هتكون حياته سعيده بعد مايتولد وسط الاسره اللى تعتبر مش موجوده اصلا..كريم ومش هيعترف بيه وأنتى الله اعلم حياتك هتمشى ازاى وبردو مش هتكونى قد تربيته وفى الاخر لااما هيتشرد ويترمى ف الشوارع لااما هيعيش طول عمره لوحده ومفيش لأم ولا اب يهتموا بيه..فين مصيرو الحلو اللى يخليكى تجيبيه على الدنيا عشانه؟
امينه:انت مهما تقول مش هعمل غير اللى انا عايزاه وشايفاه صح..الطفل ده هيتولد وبس عشان وبس اعزب كريم وهضمرله مستقبله ده اللى انا عرفاه ...وبعدين من غير لف ودوران كنت ممكن تقل انك خايف على مستقبل البيه ومش عايزنى احاسبه على اللى عمله..على الاقل كنت هتبان صاحب جدع..
محمود بعصبيه وغضب:ايه اللى انتى بتقوليه ده انا اكيد مش مع كريم ومستحيل ادعمه انا بشوف مصلحه الطفل ومصلحتك ..
امينه قاطعته:شكراااا اوى ..يا ريت بقى ملكش دعوه بمصلحه الطفل ولابمصلحتى وانسى انى طلبت منك مساعده ...انسى كل اللى حكتهولك..عن اذنك
وتسيبه وتدخل اوضتها.
محمود بصلها وهى ماشيه بضيق وغضب ومشى من البيت.
فى المستشفى وبعد ماكرم فاق والدكتور بلغهم ..
روسندا وعزام دخلو للحجره الموجود فيها
كرم بصلهم وجى يتعدل بألم عزام منعه:خليك زى مانت يابنى..انا بعتذرلك ومش عارف ايه اللى المفروض اعمله ولا اقولهولك انت اتصابت وبسبب حراستك لروسندا ..
كرم قاطعه:ده واجبى يا عزام بيه وبعدين انا كويس والحمدالله الجرح كان سطحى مفيش داعى للقلق.
روسندا قعدت قدامه على الكرسى وبصتله بغل ولؤم:امم..حمدالله على سلامتك..الجرح بيوجعك؟
وتمسك دراعه بغل.
كرم أتألم وصرخ من الوجع غصب عنه
عزام بص لروسندا بصدمه: روسندا ايه اللى عملتيه ده؟!!
روسندا بصتله ببرود:عملت ايه؟..(بصت لكرم بغل)..انا كنت بشوف بس الجرح واجعه ولا خف
كرم باصصلها وفهم من تصرفاتها أن فى حاجه مضيقاهه منه .
عزام:انا كلمت الشرطه وقولتلهم على اللى حصل وان دى مش اول مرا وهما قالولى انهم هيحققوا فى الموضوع.
روسندا بتريقه:لا وانت الصادق ...وهو فاضى يحرسنى!!؟...ده مشغول بخوخه وسوسو كفايه عليه سوسو..
كرم بصلها بأستغراب نوعآ ما ..
عزام بصلهم بتعجب وسئل: سوسو مين؟!!
روسندا بصت لكرم بغل:اسئل البيه.
كرم باله شارد وفكر لحد ماقدر يفهم أنها بتتكلم عن خديجه وسميره بس ماكنش عارف يميز هى ازاى وصلتلتهم!!..بس على الاقل بقى عارف سبب تغيرها معاه .
كرم بمسكنه مصطنعه ولؤم:واللهى وحشونى ...ممكن تفكرينى يا روسندا هانم بعد مانرجع القصر اكلمهم الفتره اللى فاتت كنت مشغول جدا ف الشغل وماقدرتش اديهم حقهم اوى..
روسندا غضبها وغلها زادو ووقفت فجاه:انا همشى..خليك معاه لو عايز تفضل.
كرم:انا هخرج معاكوا ..
بعد مارجعوا لقصر عزام.
عزام:ادخل اوضتك ريح
كرم هز رأسه بإيجاب:لو احتجت اى حاجه بلغنى..
عزام هز رأسه بإيجاب وكرم دخل اوضته.
روسندا:فاطمه ..
فاطمه راحتلها:نعم يا روسندا هانم؟
روسندا:حضريلى كبايه نسكافيه وهاتيها على اوضتى.
فاطمه:امرك يا هانم..
عايده خرجت برا الاوضه هى وانجى وبصوا لعزام وروسندا:حمدالله على سلامتك يا خويا..احنا كنا قلقانين عليكوا جدا ..اللى حصل ف المؤتمر النهارده رعب الكل ومكنش حد عارف يعمل ايه فضلنا نتصل بيك بس انت مردتش.
عزام: روسندا كانت هى المقصوده ..بس الحمدالله ربنا سترها هى مكنتش هتستحمل اللى استحمله كرم..انا خليت الشرطه تفتح عيونها اكتر على الموضوع ده وزودت الحراسه على القصر وكرم يخلى باله منها برا القصر ربنا يباركله لولاه كان زمان روسندا حالتها ف خطر دلوقت..
انجى بصت لعايده اللى بصتلها من طرف عيونها وبتفكر فى اى فكره تخليه يتراجع عن قراره بيها..
عايده:وايه لازمه الشرطه بس مفيش حد مانعرفوش هيدخل القصر انت حاطت حراسه كفايه..
عزام:بردو اللى حط السم لروسندا قبل كده مكنش حد دخل وخرج بنفس الطريقه؟..ولحد دلوقت هو بيحاول يقتلها وانا مش هصبر لحد مايحصلها حاجه وبعدها اتأكد أنه لسه مكفاش محاولاته ..انا بس اللى عايز اعرفه ايه اللى بين المجرم وبين روسندا يخليه يكرهها كده ويبقى عايز يقتلها..يعنى لو كان الموضوع موضوع فلوس كان هيحاول يخلص منى انا..لكن الغريب واللى انا مستغربه ايه اللى هيستفيده من قتله لروسندا وهى حته مبتملكش اى حاجه..
عايده بصاله وجوابات كتير بتدور ف بالها بترد على عزام بيها:واللهى ياخويا اللى بيقتل بيبقى عارف هدفه كويس اوى ..وفى مليون سبب يستدعى أن الواحد يقتل ..ممكن انت ماتتخيلش السبب ده...بس فى اسباب كتير غير الفلوس..ولا انا غلطانه!؟
انجى بصتلها وهزت راسها بإيجاب:انا شايفه أن معاكى حق..
عزام اتنهد بعمق:ربنا يستر ...انا هعمل اللى عليا والباقي على ربنا..يلا تصبحوا على خير.
ويطلع على اوضته.
روسندا رمت جسمها على السرير وغمضت عيونها بتفتكر لحظاتها مع كرم ..
Flash back
كرم مسك أيدها .
روسندا بصت قدامها وبصتله.
كرم أبتسم بخفه وبيطمنها.
_خديجه:سوسو قلقانه عليك اوى معرفش ليه كل القلق ده.
Back
روسندا قعدت على السرير وبتولع ف نفسها:سوسو!!...طيب يا بتاع سوسو إن ماوريتك.
خادت تليفونه ونزلت من اوضتها
روسندا راحت لئوضه كرم رزعت على باب اوضته جامد لحد مافتح.
كرم بصلها وكان قالع قميصه بسبب الم الجرح..
روسند بصاله ومتنحه.
كرم كتم ضحكته بسبب تعابير وشها اللى بتدل على اندهاشها وكأنها شافت حاجه من الفضاء..ولتانى مره تدخل عليه بنفس الطريقه.
كرم شاف باب اوضه انجى بيتفتح ف شدها جوا وقفل الباب.. كان ساندها ف الحيطه وحاطت ايده على بؤها عشان ماتعملش صوت.
روسنده مبرقه ومش قادره تستوعب اللى بيحصل.
كرم بص لعيونها وبيشاورلها تسكت: هشششش..
روسندا لسه بنفس حالتها..
انجى وقفت قدام باب اوضه كرم وبتخبط على الباب خبطات خفيفه.
كرم بص للباب وبص لروسندا اللى عيونها مبرقه ومبترمشش.
كرم ضم شفايفه وبيكتم ضحكته بالعافيه.
انجى بصت للباب بأستغراب وتفكير: معقول نام بالسرعه دى!!؟
مشيت من قدام اوضته ودخلت اوضتها تانى.
كرم بص لروسندا وسابها:اسف....صح كنتى جيالى ليه؟
روسندا بصتله وعلامات الاندهاش باينه على وشها:هااا..
كرم كتم ضحكته وحط ايده جانبها وهى بصتله.
كرم بص ف عيونها وقاصد يوترها وهو قريب منها بطريقه مبالغ فيها:كنتى..جايه..على اوضتى..ليه؟
روسندا باصه لعيونه واترسموا قلبين ف عيونها بتدل على ذوبانها فى الهضبه اللى قدامها.
كرم بعد وضحك:اللهم اغزيك يا شوشو...يا سلام لو كنت قليل الادب انا كنت عملت حاجات كتير..بس الحمدالله طلعت مؤدب.
روسندا لسه بصاله ورافعه ايدها زى مكان ماسكها بعدت نظرها عنه وبتحاول ترجع لطبيعتها اللى نسيهالها بنظراته ليها.
روسندا باين على طريقتها الارتباك والتوتر: هاااى... بص.. انا جيت هنا بس عشان اقولك..
كرم لف وبصلها بأبتسامه قاصد يوترها بيها: عشان ايه؟
روسندا باصه لابتسامته بغرام وهمست بصوت مسموع: عشان اقولك... يا بتات.. سوسو..
كرم كتم ضحكته وقرب خاد من ايدها تليفونه وهى بصاله ومش فاهمه بيعمل ايه.
كرم اتصل بسميره..
سميره مسكت تليفونها وردت: الو يا حبيبى فينك اتصلنا بيك من كام ساعه ردت علينا واحده كانت بتقول كلام متخلف كده افتكرنا اننا طلبنا رقم غلط..
كرم بص لروسندا: صح انا التليفون مكنش معايا بس انتوا ايه اخباركوا؟؟؟... واحشينى.
روسندا بصاله ومستغربه من اللى بيعمله.
سميره: انت اكتر يا حبيبى انت هتيجى بكره عشان كتب الكتاب مش كده؟
كرم بص لروسندا و هز راسه رإيجاب: بأذن الله.. هبقى اكلمك تانى.. مع السلامه.
سميره: طيب يا حبيبى خلى بالك من نفسك ولو فى اى حاجه اتصل بينا..
كرم: اكيد.. مع السلامه.
قفل الخط وبص لروسندا: سوسو تبقى امى... وخوخه تبقى اختى خديجه.. عرفتى بقى مين اللى باله لسمح الله..
روسندا بصاله واتمنت ف اللحظه دى الارض تنشق وتبلعها من كتر الكسوف: و... انا اعرف منين يعنى.. وبعدين انا سئلتها هى مين.. وهى اللى مردتش عليا.
كرم بيغيظها بكلامه: شوفتى الشك بيعمل ايه؟... قاعد مع مرات ابويا.. ههههههه....
ويضحك وهى رفعت حواجبها: مرات ابوك!!؟...طيب..
جات تخرج من الاوضه شدها من دراعها بتلقائيه: استنى بس..
روسندا بصت لايده وبصتله.
كرم بصلها واتكسف من رده فعله ومسكته ليها وده اللى خلاه يقلب الموضوع بهزار.. ساب دراعها وبهزار بيغطى على كسوفه: لا اله الا الله.. مش معقول كده الواحد متوضى ليه بس كده يا كرم يا بنى..
روسندا بصتله بغيظ وزأته بعنف وخرجت من الاوضه.
كرم ضحك بصوت عالى..الضحكه طالعه من جواه وهى سندت على الحيطه وابتسمت لما سمعت صوت ضحكته...حطت ايدها على بؤها وبتكتم ضحكتها بالعافيه..طلعت بسرعه على اوضتها..
عزام واقف عند باب اوضته وباصصلها وهى طالعه على اوضتها وبص لئوضه كرم.
عزام باصص لئوضه كرم ومتردد يروحله ولا لا...للحظات كان بيفكر يروح لئوضه كرم ويفهم منه سبب دخول روسندا لئوضته وسبب سعادتها اللى مبتظهرش غير لما يكون كرم وراها..بس اتراجع عن فكرته ودخل اوضته تانى..
فى اليوم التالى..
كرم جهز هدومه عشان يرجع للصعيد..
عزام خبط على باب اوضته.
كرم بص لباب الاوضه وبيقفل شنطته: ادخل.
عزام دخل الاوضه وبصله وبص لشنطته: انت هتسافر دلوقت؟
كرم اتعدل فى وقفته وابتسم بخفه: امم.. زى ماقولت لحضرتك النهارده هكتب كتابى..
عزام ابتسم بخفه: ربنا يوفقك ويتملك على خير... مبروك مقدمآ.
كرم ابتسم وشال شنطته: انا مش هأخر هناك وهنزل القاهره بعد اسبوع بالكتير..
عزام بصله بتفكير وقلق: انا بس مش قلقان غير على روسندا... هى حياتها ف خطر... انا كنت عايزك تاخدها لمكان بعيد عن هنا...والله اعلم ايه اللى هيحصل ف الايام اللى هتبقى بعيد عنها فيها....روسندا انسانه حساسه ولو عرفت انك مسافر ممكن يحصلها اكتأب وتدخل ف حاله اسواء من اللى هى فيها... انت فاهمنى؟
فى الوقت ده وقبل ماكرم يتكلم سمعوا صوت روسندا..
عزام بص لكرم بأستغراب:ايه اللى مصحيها دلوقت!!؟؟
روسندا ماسكه شنطه هدومها ونازله على السلم..لابسه شورت وبضى قصير ونضاره حطاها على شعرها وبتنادى على فاطمه.
فاطمه راحتلها: نعم يا روسندا هانم؟
روسندا بصتلها: حضرتى الاكل اللى قولتلك عليه؟
فاطمه: ايوه يا روسندا هانم كل حاجه جاهزه
روسندا ابتسمت: حلو..
كرم وعزام خرجوا برا الاوضه وبصولها بأستغراب.
عزام: روسندا انتى رايحه فين بادرى كده؟
روسندا بصتلهم بأبتسامه: انا هسافر مع كرم للمنيا.
كرم بصلها وبرق وبص لعزام اللى باين عليه هو كمان علامات الصدمه.
روسندا:انا قولت اعملهالكوا مفاجئه.. وبما انى مبخرجش ف حته ومبروحش رحلات... ف قررت اسافر مع كرم اغير جو..
عزام باصصلها وبيفكر دى فرصه تبعد فيها عن هنا وتكون فى امان وخصوصآ انه بيطمن وهى مع كرم جدا..
كرم بدهشه وبيبصلها هى وعزام ومش قادر يستوعب اللى بيقولوه: هو... انتوا بتهزروا صح؟
روسندا وقفت قدامهم ونزلت الشنطه على الارض: ايه.. مش عايز تاخودنى معاك؟؟
كرم بصلها وبص لعزام: روسندا هانم طبعها مختلف تماما عن طبع اهلى والناس اللى هناك.. انا متأكد انك مش هتنبسطى ومش هتاخدى على الجو هناك.
عزام: كرم انا شايف ان دى فرصه مناسبه تبعد بيها عن هنا وكمان هى هتكون معاك دايمآ وتحت عيونك انا هبقى مطمن عليها هناك.. ولا انت ايه رأيك؟
كرم باصصله وبص لروسندا بتنهيد: اللى تشوفه حضرتك..
خوف كرم مكنش عشان انه هياخدها معاه ولا عشان اى حاجه تانيه غير انه عارف اصول عيلته ومستحيل يتقبلوا تواجد روسندا مع كرم بلبسها بمكياجها بطبعها الجريئ.. كل حاجه مختلفه تماما عن الاوصول اللى هو أتربه عليها..
فى الصعيد فى محافظه المنيا بالتحديد..فى بيت عيله الصياد.
سميره: اخوكى كلمنى وقال انه اتحرك من هناك... ربنا يوصله بالسلامه ويكفيه شر الطريق.
خديجه:انا هكلم كرم عن موضوعى انا ومؤمن بدل ماكل شويه تقوليلى ينفع وماينفعش.
سميره: وهو كرم هيجى عشان يسمع شكواكى!... انا مش عايزه كد يضايقه اذا كنتى انتى ولا العفريت اللى اسمه رحيم.
رحيم دخل من باب البيت: السلام عليكم.
خديجه صوتت ومسكت ف دراع سميره: الله يخرب بيتك خضتنى.. كانت لسه بتقول عليك عفريت لقيناك نطتلنا.
رحيم: وهو فى عفريت بيقول السلام عليكم وهو داخل!... ايه يا ابو سريع الكلام ده؟؟
خديجه: يلا يا بارد
سميره بزعيق: يوووووه بقى انتوا زهقتونى مبتعرفوش تتكلموا مع بعض ابدا لازم خناق وشتيمه؟
رحيم: معلش يا سوسو خليكى انتى برا المواضيع دى.. بقولك يا خوخه عايزك تيجى معايا تخطاريلى بادله احضر بيها كتب كتاب كرم.. انا جبت اتنين وعايزك تخطاريلى منهم واحده..
خديجه: ياسلاااام على التغير ده انت مصلحجى اوى..
رحيم ضحك: منا بتكلم بأدب اهو وبقولك تعالي اخطاريلى بادله على ذوقك..
خديجه: طيب يا رحوم هخطارلك بس لو زعقتلى تانى او قولتلى يا ابو سريع انا مش هتكلم معاك ابدا.
سميره: واللهى انتو الاتنين اجن من بعض.
رحيم: قوليلى بقى انتى كابنت شابه يعنى.. هتحبى عليا انهى بادله؟
خديجه بصتله بخبث ولؤم: الحقى يا سووووسو.. ده الموضوع طلع فيه حب..
رحيم دور وشه للجهه التانيه بضيق: يادى ام الرزاله... خديجه خلصى
خديجه بجديه: طيب طيب... انا كابنت شابه يعنى... هحب البادله البيضه.
رحيم: متأكده؟؟
خديجه: اكيد البنت قلبها بيرفرف كده قدام البادله البيضه.
رحيم: امم... اختيار حلو شكرآ يا ابو سريع على المساعده..
خديجه بصتله بغيظ: يا لهوى على القلبان ده انت عيل ررزل.
رحيم ضحك: يلا ابت من هنا.
ويزأها ويدخل اوضته.
خديجه بصت لئوضته بغل وغيظ: طيب يا رحيم الكلب انت.. شوف خوخه هتعمل فيك ايه..
محمود بيخبط على باب بيت امينه وهى مبتفتحش ..فضل يخبط كتير ويتصل بيها لكن مفيش اى رد.
محمود بأستغراب:هى مابتفتحش ليه ولا بترد على تليفونها كمان...معقول يكون فى حاجه؟!!!
اتنهد بعمق وبص للبيت ومشى
كرم بيصوق العربيه بدراعه السليم وبيبص لروسندا من وقت للتانى :اا..ياريت متقوليش لحد من اهلى على موضوع اصابتى..هما بيقلقوا زياده وانا كويس..
روسندا بصتله بأبتسامه :اد كده بتحبهم !؟
كرم أبتسم بخفه:هما اغلى حاجه ف حياتى...انتى هتشوفيهم يمكن مايعجبكيش طريقه عيشتنا هناك...بس هتحسى براحه معاهم ...
روسندا ابتسمت بخفه وقربت سندت راسها على كتفه وغمضت عيونها وشبكت دراعها ف دراعه
كرم بص قدامه وبصلها
روسندا مغمضه عيونها ومبتسمه براحه .
كرم بص ف الطريق وميعرفش سبب الابتسامه اللى اترسمت فجاه على وشه..هو فرحان!..لا انا مفيش مشاعر ليها جوايا..ده اكيد..ده كان كل اللى بيفكر فيه كرم وقربها منه بيزيده حيره ..
بعد ساعات ولما وصلوا للصعيد.
كرم وقف العربيه وبص لروسند:وصلنا..
روسندا فكت حزام الامان ونزلت من العربيه بتبص حواليها دنيا مختلفه تماما عن اللى عايشه فيها...جو ريف هادى وهواه نضيف ..مجرد مالواحد يشمو يحس براحه نفسيه .
كرم نزل الشنط من العربيه ومسكها وهى لفت وبصتله ..بصت لدراعه المصاب وقربت خادت منه الشنط.
كرم بصلها
روسندا بصتله بأبتسامه تحمس:انت بيتك أنهى واحد فى دول؟
كرم جى ياخد منها الشنط:مايصحش اكون الحارس بتاعك وانتى اللى شايله الشنط.
روسندا بعدت أيدها وبصتله:اللى مايصحش انك تكون بتتألم وانا واقفه اتفرج عليك.
كرم باصصلها وهى مبتسمه وباين على ملامحها سعاده غريبه هو ماقدرش يفسر سببها.
راحوا لبيت كرم وهو بقى يخبط على الباب خبطات سريعه.
خديجه:حااااضررر...جايه..
راحت فتحت الباب وابتسمت بسعاده لما شافت كرم :ابيه كرم؟!
كرم أبتسم وحضنها :وحشتيييينى يا روح قلب ابيه كرم.
روسندا بصتلهم وملامحها اتقلبت لملامح غيظ وغضب.
كرم بعد وخديجه بصت لروسندا من تحت لفوق وصفرت:يا نهار اسود..
كرم كتم ضحكته وهو حاطت أيده على بؤه وبيدارى ضحكه..بص لروسندا وبيعرفها بخديجه:خوخه..اختى ..
روسندا بصتلها والسعاده رجعت لملامحها تانى:اهاا..خوخه..
مدتلها أيدها بأبتسامه: روسندا البحيرى ..
خديجه بصتلها ومدت أيدها سلمت عليها بدهشه:اا..اهلا...
كرم: روسندا هانم ..المختص بحراستها..
خديجه بصتله بفهم:اهاا...اهلا وسهلا..اتفضلوا..
روسندا دخلت وبتبص للبيت تصميم بسيط لكن انيق وفى هدوء مريح للعيون.
خديجه همست لكرم:هى دى بقى البنت اللى بتحرسها؟؟...ماهى لازم تبقى ف خطر كل ده وسايبنها ف البشريه عادى!
كرم كتم ضحكته :احم ..امال فين الحاجه ورحيم؟
خديجه:لحظه واحده وهرجعلكوا..
بصت لروسندا بأبتسامه:خدى راحتك ..
وتروح لئوضه سميره.
رحيم خرج من اوضته وأبتسم لما شافهم:يا هلا يا هلا بالقمرات.
كرم ضحك وحضنه:ليه بحس انى كل ماببعد عن البيت بتزيد نسبه الهبل فيك!
رحيم بضحك وانبساط:يا جدع ده احنا كنا قربنا ندهن البيت اسود من الاكتأب اللى عاملهولنا بعدك عننا..
كرم:بطل لماضه يا غلس
روسندا ضحكت ورحيم بصلها بأبتسامه وبعد عن كرم:وسع انت كده ..مش بنت عزام بيه بردو!
روسندا هزت راسها بإيجاب وبأبتسامه وبصت لكرم اللى شده من كاب الجاكيت اللى لابسه:من بعيد لبعيد احسنلك.
رحيم بضحك:انا بستفسر بس ..دى هتولع النهارده .
سميره خرجت برا الاوضه وكرم ابتسم وراح حضنها جامد بأفتقاد :وحشتيييييينى ياست الكل .
روسندا بصالهم ومبتسمه من الحب الكبير اللى بينهم والمتبادل ..
سميره حضناه ومبتسمه :حمدالله على السلامه يا حبيبى .
كرم بعد وبص لروسندا: روسندا هانم...بنت عزام بيه اكبر رجل اعمال واللى مسئول عن حمايتها..
سميره بصتلها وسلمت عليها وهى مبتسمه:يا ماشاء الله ...نورتينا يا بنتى..
وتحضنها.
روسندا كشرت بأستغراب وبأبتسامه خفيفه للحظات اول مرا حد يحضنها بعد مامتها (ست كبيره) بس ملامحها اتغيرت لملامح راحه وأطمأنان بعد ماحست بالأمان والراحة اللى فى الحضن ده..اول مرا تجرب حضن الام من ايام مكانت صغيره..اول مرا تلاقى الحضن اللى حسسها أنها فعلا مفتقده الحضن ده ومحتجاه كمان .
كرم باصصلهم وفاهم اللى بيدور فى بال روسندا.
سميره بعدت وبصتله بأبتسامه :حبيبى انا هروح اعملكوا لقمه تكون غيرت هدومك...وانتى كمان يا حبيبتى غيرى هدومك لازم تاخد دوش وتكون جاهز عشان كتب الكتاب لحسن الوقت يسرقنا.
روسندا بصتلها وبصتله بأستغراب:كتب كتاب مين؟؟!!
رحيم بصلها ولاحظ الاستغراب اللى على ملامحها ..وده اللى اكدله أن فى حاجه مش مظبوطه مجى روسندا مع كرم واستغرابها من كلام سميره كل ده معناه أنها مش جايه عشان كتب كتاب كرم بس ..فى حاجه غير كده .
سميره:كتب كتاب كرم وهبه ...انتى متعرفيش يا حبيبتى ان كتب كتابه النهارده؟
روسندا برقت بصدمه وبصت لكرم اللى كان بيفسر نظرتها ليه وصدمتها اللى اكدتله حاجات كتير اوى...منها كلام عزام وازاى كان متحمس وبيشجع فكره حب كرم لروسندا معنى كده أن فى مشاعر اتجاه روسندا لكرم ..ودى الحاجه الوحيده اللى مبتعرفش تتحكم فيها وبتظهر على ملامحها بشكل واضح .
روسندا مندهشه من كلامهم ومش قادره تستوعبه:انت..كتب كتابك..النهارده؟!
سميره بصت لكرم بأستغراب وجات تتكلم كرم سبقها:معلش يا رحيم دخلنا الشنط دى جوا ... روسندا هانم هتبات ف اوضه خديجه وخديجه هتنام مع الحجه.
رحيم هز رأسه بإيجاب وشال الشنط وكرم وروسندا راحوا وراه.
رحيم ساب شنط روسندا وخاد شنطه كرم:انا هدخلك شنطتك ف اوضتك ..
كرم هز رأسه بإيجاب:طيب متشكر يا رحيم .
رحيم خرج من الاوضه وكرم بص لروسندا وأبتسم بخفه:هسيبك ترتاحى وهقول لخديجه تنقل هدومها من هنا.
جى يمشى روسندا مسكت دراعه ووقفت قدامه:انت..كتب كتابك النهارده؟؟!!
كرم بصلها وبعد نظره عنها وبيحاول يجيب الموضوع من جهه الهزار:امال انا جيت النهارده ليه!
روسندا بصاله والدموع اتجمعت ف عيونها:و ...وليه ماتقوليش حاجه زى كده؟؟!
كرم بصلها مكنش عارف يقولها ايه اسئلتها الجريئه ليه بتعجزه عن الرد.
عايده وانجى قاعدين على السفره بياكلوا.
عايده بسخريه وأستغراب:القصر هادى النهارده ايه الست هانم خدت اجازه من الزعيق؟
فاطمه بصتلها: روسندا هانم سافرت مع كرم .. الحارس الشخصى بتاعها.
انجى كانت بتشرب اول ماسمعت الكلمتين دول بخت الميه اللى كانت ف بؤها وبصت لفاطمه بصدمه:انتى بتقولى سافرت هى ومين؟؟؟!
عايده بصتلها وبصت لفاطمه بغل:حد الله مابيجيش من ناحيتك خير ابدا..يلا روحى على المطبخ
فاطمه مشيت بضيق وانجى بصت لعايده:لو هى سافرت احنا ليه اللى بنعمله كل اللى خطتناله راح على الفاضى..
عايده بصتلها بضيق:ممكن تسكتى بقى وتسيبينى افكر ف المصيبه اللى احنا فيها.
انجى:فكرى ماهو انا عارفه اخرتها لاهتتأزه ولا حاجه احنا بس اللى هنطلع خسرانين..
عايده بصتلها بأنتباه:لقيتها..
بصت حواليها بتشوف فى حد سامعهم قربت من انجى وهمستلها:مين اللى ملازم روسندا دايمآ؟
انجى بصتلها بتفكير:خالى عزام؟؟!
عايده بصتلها بضيق من غباء بنتها: عزام واللهى!!..كرم..هو الحارس بتاعها وهو اكتر شخص متحكم ف أنها تكون فى امان ..أو ف خطر.
انجى بصالها وبتحاول تفهم قصدها:ايوه يعنى انتى عايزه ايه منه بردو؟!!
عايده نفخت بضيق:هعوز ايه منه يعنى!!..اكيد هحرضه يقتل روسندا..
انجى بصتلها بتفكير:مابلاش كرم..يعنى انتى كده هتدخليه ف مشاكل و..
عايده قاطعتها بأستهزاء:وهو يفرق معاكى ف ايه؟
انجى بصتلها:ميفرقش معايا ف حاجه انا بس قلقانه لايقول لخالى عزام..هو مش سهل ابدا و..ممكن يرفض..ده لو مكانش اكيد.
عايده:سيبى الموضوع ده عليا..انا هكلمه بعد مايرجعوا وهعرض عليه مبلغ كويس...ولو موافقش ..يبقى هو اللى جابه لنفسه..
مرتضى حط قدام هانى شنطه مليانه بالفلوس:ده نصيبك من اول عمليه .
هانى خاد الشنطه وبص للفلوس بدهشه وبص لمرتضى:كل ده ليا انا؟؟!!
مرتضى:وفى كل عمليه هتاخد اكتر على حسب الكميه اللى بنهربها وعلى حسب شطارتك
هانى ابتسم وبيشوف الفلوس:انا تحت امركوا فى اى حاجه .
مرتضى ابتسم وبص لرجالته وكأنه بيأكدلهم حسن اختياره.
كريم بيتصل بروسندا ..اتصل بعزام لما مردتش عليه.
عزام رد:الو.
كريم: روسندا مابتردش على تليفونها ليه؟
عزام: روسندا مش فى البيت..هى سافرت
كريم بصدمه وأستغراب:سافرت فين!!..وازاى تسافر من غير ماتقولى؟
عزام:وهو انت كنت ولى أمرها ؟؟؟.. أنت خطيبها يعنى الجوازه دى لاتتم لاتنتهى والأغلب أنها هتنتهى.
كريم بغل وغضب:ده على جثتى.
قفل الخط ورما التليفون على السرير بأنزعاج وضيق.
سوسن خبطت على باب أوضته ودخلت:حبيبى انا خارجه عايز حاجه؟
كريم بصلها: بابا فين؟
سوسن:هو فى الشركه ..فى حاجه ولا ايه؟
كريم هز رأسه بنفى:لا بس كنت عايز اتكلم معاه ف موضوع..هبقى اتصل بيه.
سوسن:طيب يا حبيبى يلا سلام.
وتبوس خده وتمشى
كريم اتصل بمصطفى .
مصطفى رد:الو يا كريم..
كريم:بابا انا اتصلت بروسندا بس هى مابتردش ولما اتصلت بجوز امها قال أنها سافرت ومنغير متاخد اذنى حتى انا عايز اسرع ف موضوع الفرح ..
مصطفى: روسندا سافرت ؟
كريم:طول ماهى مع جوز امها ده محدش مننا هيقدر يكلمها نص كلمه هو اللى بيوافق ويرفض زى ماهو عايز..
مصطفى بتفكير:طيب..انت ماتعرفش هترجع امتى؟؟؟
كريم:لا .
مصطفى:انا هكلملك عادل واتفق معاه على موضوع الفرح ولما ترجع هتتجوزوا
كريم:وهو انت لما تقولها الفرح بعد كام يوم وقتها هى هتوافق من غير معارضه؟..يعنى انت عارف روسندا وهى بتعمل اللى ف دماغها دايمآ.
مصطفى:ماتقلقش ده مش هزار ده جواز وهى مشيت يوم كتب الكتاب حتى مكلمتش حد فينا بعدها ...واللى اسمه كرم اللى ظهر ف حياتها فجاه..كل ده يقلقك هى الاسم دلوقت أنها خطيبتك..واى تصرف غلط هتعمله هيكون ف وشك انت كمان..وعشان كده لازم تتجوزوا بسرعه ويبقالك كلمه عليها.
كريم بص قدامه بتفكير:طيب..كلم عمى عادل وقولى رسيتو على ايه.
مصطفى:اممم هخلص شغل واكلمه ..يلا سلام.
كريم:سلام.
ويقفل الخط
روسندا:رد عليا..انت هتتجوز؟؟؟!
كرم بعد نظره عنها وهز رأسه بإيجاب وحس من طريقه روسندا أن اليوم ده مش هيعدى على خير..
كرم:انا جيت عشان الموضوع ده..هو عزام بيه مقالكيش؟
روسندا بصتله الكلام اللى كان بيدور ف بالها هو أن عزام ازاى مايقولهاش حاجه زى كده ..
ف الوقت ده خديجه خبطت على باب الاوضه وكرم بعد عن روسندا وراح يفتح.
روسندا بصاله وهو ماشى ومسحت دموعها اللى نزلت بتلقائية وهى بتتواعد لعزام من جواها.
كرم فتح الباب وبص لخديجه:تعالى يا خوخه.
خديجه دخلت وبصت لروسندا بأبتسامه:ماما بتقولكوا تعالوا عشان تأكلوا انتوا اكيد جاعنين .
روسندا بصالهم وكرم اتكلم:طيب قوليلها جايين.
خديجه أبتسمت بخفه وهزت راسها بإيجاب ومشيت وكرم لف وبص لروسندا:هسيبك تغيرى هدومك وهستناكى برا لو احتجتى اى حاجه نادينى..
روسندا بصتله وهزت راسها بإيجاب وهو خرج من الاوضه.
روسندا مسكت تليفونها واتصلت بعزام بغل.
عزام فى الشركه :امير جهزلى الملف الاخضر وهاتو على مكتبى الاجتماع هيبداء بعد نص ساعه ولازم كل حاجه تبقى جاهزه.
مسك تليفونه ورد لما جاله اتصال روسندا:الو يا روسندا..
روسندا بزعيق:انت كنت عارف ان كرم مسافر عشان كتب كتابه؟
عزام غمض عيونه بتنهيد وبعد التليفون عن ودنه بسبب صوتها العالى:ممكن توطى صوتك.
روسندا:يعنى كنت عارف؟
عزام:ايوه كنت عارف وده يفرق معاكى ف ايه اصلا؟!!..مش انتى مخطوبه لكريم وعملت اللى ف دماغك ووافقتى على الخطوبه!..هيفرق معاكى ف ايه إذا كان كرم هيكتب كتابه ولا لا!
روسندا شدت على قبضه أيدها بغل:تعرف انت عامل زى الست الارشانه عارفها؟
عزام:اتلمى يا بت..وبعدين انتى رايحه عند الناس تزعقى!...يا ريت تخليكى مؤدبه وماتفضحنيش .
روسندا بغل:ماااشى يا عزام..انا هوريك روسندا هتعمل ايه ..
روسندا قفلت الخط وهو بص للتليفون وضم شفايفه بقله حيله:مفيش فايده..(ركذ ف كلامها وحط أيده على بؤه بحيره)..لاتكون بتفكر تبوظ كتب الكتاب الواد ! ...جبروت وتعملها ..ربنا يستر على عيلتك يا كرم يابنى.
روسندا رجعت شعرها لورا بملل وبصت لشنطتها خرجت شورت وبضى قصير ولبستهم..بعد ماخرجت من اوضتها وكان الكل قاعد على الأرض ومستنينها تيجى.
رحيم بصلها اول ماخرجت وبرق ونغز كرم ف دراعه
كرم بصله بأستغراب:نعم؟!!
رحيم شاورله على روسندا برأسه :ده احنا مش عايشين يا جدع..لابس تيشيرتين تحت بعض وبردان بردو ماشاء الله لامناعه مناعه يعنى.
كرم لف رأسه وبص لروسندا برق هو كمان لما شافها وبص لرحيم:انا بقول نرج القاهره
رحيم بضحك:اهاااا قول كده عايز يروقلك الجو انت وهى اه يا شرس.
كرم قرصه ف دراعه:اتلم يله ..
روسندا راحت قعدت جانب سميره وكرم :اسفه اخرت عليكوا.
سميره أبتسمت وبصتلها:مفيش حاجه يا حبيبتى ..يلا مدى ايدك .
روسندا مدتلها أيدها والكل ضحك وكرم حط أيده على بؤه وبيحاول يكتم ضحكته.
روسندا بصتلهم بأستغراب وبصت لكرم:هو فى ايه!!؟
كرم:احم..هى قصدها تاكلى يعنى تمدى ايدك على الاكل .
روسندا بصتله بفهم وبعدت أيدها بكسوف:اهااا.. sorry
خديجه:ماما احسن واحده ممكن تاكلى من أيدها مبسوسه.
سميره أبتسمت ومسكت المبسوسه بأيدها وبتاكل كرم:انت شكلك خاسس اليومين دول مفيش اكل يعوضك عن عمايل ايد امك..
كرم أبتسم:تسلم ايدك يا ست الكل.
روسندا بصالحهم وسميره بصتلها بأبتسامه ومدتلها أيدها:تدوقى؟؟
روسندا بصتلها وبصت لكرم وهو بصلها وأبتسم :دى اكله مبتتاكلش الا بالأيدي..لو عايزه تجربيها براحتك..
روسندا بصت لسميره وفتحت بؤها بتردد وسميره ابتسمت واكلتها.
روسندا غمضت عيونها كانت قرفانه فى الاول وبتاكل فتحت عيونها بصت لسميره وافتكرت.
Flash back
سهى :مين اللى هياكل من ايد ماما؟
روسندا أبتسمت :انااا..
سهى ابتسمت وأكلتها:هممم.
روسندا بتاكل وهى مبتسمه
Back
الكل كان ملاحظ تغير ملامحها بعد ماكلت معاده خديجه ورحيم اللى بيشاكلوا ف بعض.
سميره بصاله بأستغراب:انتى كويسه يا بنتى؟
روسندا بصتلها بأنتباه وبعدت نظرها عنها:اا..انا كويسه...بس افتكرت حاجه..الاكله دى..انا كلتها وانا صغيره.
سميره أبتسمت:ومين اللى كان بيأكلهالك بقى؟!
روسندا ابتسمت بخفه وبتتجاهل تبص ف عيونها:مامى..هى كانت بتأكلهانى ..و(للحظات ركذت فى كلامها وسكتت لما حست انها هتفتح قلبها لشخص هى ماتعرفوش وكمان عمرها ماكانت على استعداد تحكى ذكرياتها المؤلمه لاى شخص )..انا شبعت..
كرم بصلها وسميره بصت لكرم بأستغراب وبصتلها:بنتى انتى ماكلتيش حاجه..
روسندا بتتجاهل تبصلها والدموع ف عيونها :لا ماهو انا شبعانه..الحمام منين؟
خديجه:انا هاجى اوصلك.
وتروح معاها.
سميره بصت لكرم بأستغراب: هى زعلت من ولا ايه؟
كرم بصلها وهز رأسه بنفى:هى مامتها متوفيه من وهى صغيره و..دى حاجه مأثره ف نفسيتها لحد دلوقت عشان كده لما كلت من ايدك هى افتكرتها.
سميره بصتله بحزن :يا وجع قلبك يا بنتى ...مش كنت تقولى يا كرم لا حول ولا قوه الا بالله.
خديجه:ده الحمام لو احتجتى اى حاجه ناديلى
روسندا ابتسمت بخفه:شكرا.
خديجه مشيت وروسندا قفلت باب الحمام ووقفت قدام المرايه وغمضت عيونها بدموع وتنهيد...فتحت الميه وغسلت أيدها وخرجت.
كرم قابلها وبصلها بأسف:اا...انا اسف ..الحقيقه أنها ماكنتش تعرف انك ..
روسندا قاطعته بأبتسامه خفيفه:هى معملتش حاجه تضايق..كل اللى فى الموضوع انى شبعت وقومت اغسل ايدى.
كرم:بغض النظر عن موضوع غسل ايدك اللى مكلتيش بيها اصلا بس أنا هحاول اصدقك..ايه رأيك نروح ناكل برا؟..واهو بالمره افرجك على المنطقه هنا.
روسندا بصتله:بس..انت كتب كتابك النهارده ولازم تجهز نفسك..
كرم بخبث:ماجتش من ساعتين يعنى
روسندا ابتسمت :طيب ..مفيش مانع .
بعد ماخرجوا من البيت.
خديجه بصت لسميره:سوسو مش ملاحظه حاجه غريبه ف ابنك؟
سميره بصتلها:زى ايه؟؟!
خديجه:يعنى زى ملازمته المستمره للبنت دى..انتى شايفه اد ايه هى حلوه وابنك ماشاء الله عضلات وغمازات وحاجات حلوه كده.
سميره:هاتى من الاخر ..
خديجه:يعنى تفتكرى أنها تيجى معاه هنا وتسيب العز اللى هناك ..كل ده عشان ايه؟
سميره بصتلها وبعدت نظرها عنها:روحى جهزى هدومك لحد ماكلم خالتك فريده وأشوف ايه الاخبار
خديجه:انتى ليه مستهيفه الموضوع!...انا شايفه أن الموضوع كله غريب..فى حاجه مش طبيعيه ..أنه يسيب كتب كتابه النهارده ويخرج معاها ايه !..كل ده طبيعى؟؟!
سميره بصتلها من كلام خديجه غصب عنها فكرت في اللى قالته..هى عندها حق..كرم لما بس كان بيعرف أن هبه وأهلها جايين هو كان بيبقى حريص اوى على تواجده في البيت ..لكن المره دى وكتب كتابه بعد ساعا
إرسال تعليق
يسعدنا تلقي اقتراحاتك أو تعليقك هنا