-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية المؤامرة بقلم منة محسن - الفصل الثالث

مرحباً بكم أصدقائي وأحبابي عاشقي القراءة والروايات الرومانسية في موقعنا قصص 26 مع رواية جديدة من روايات الكاتبة منة محسن ؛ وسنقدم لها اليوم الفصل الثالث من رواية المؤامرة بقلم منة محسن هذه القصة مليئة بالعديد من الأحداث والمواقف المتشابكة والمعقدة من الرومانسية والتشويق .

رواية المؤامرة بقلم منة محسن - الفصل الثالث

إقرأ أيضا: قصص قبل النوم 
رواية المؤامرة بقلم منة محسن

رواية المؤامرة بقلم منة محسن - الفصل الثالث

 روسندا غيرت هدومها ولبست فستان قصير ماسك على جسمها وحطت الميك اب اللى متعوده تحطه ورشا بيرفيوم ..فردت شعرها على أكتافها وهى بتستعد لمواجهه حرب بين عقلها وبين كبريأها...لكنها قررت تسمع كلام كبريأها وتوريهم انها مش ضعيفه ومش مجرد حارس هيمنعها تعمل إللى هى عيزاه..تفتكروا هتقدر تكسر قواعد عزام وهتخرج من القصر؟؟؟

نزلت وكانت على استعداد تحرق اى شخص يقابلها بنار الغضب اللى جواها واللى بتاكل فيها..

اول ماخرجت من القصر كرم وقف قدامها

كرم بأبتسامه مستفزه وبخبث:على فييين؟؟

روسندا بتدوس على قبضه أيدها وبتجز على اسنانها بغل ومن غير متبصله وبنبره مليانه تحذير:ابعد عن طريقى انت موجود هنا عشان تحرس القصر مش اكتر ..انا بحذرك لو فكرت تتعدى حدودك معايا اعتبر نفسك ميت وميغركش الكام دمعه اللى نزلوا قدام عزام لااا دا انا تتفاتلى بلاد

كرم باصصلها وهو مبتسم ببرود ومربع أيده لصدره:خلصتى ؟...على العموم الكلام مش معاكى انتى انا واخد أوامر من صاحب القصر ف ملوش داعى الكلام الكتير واتفضلى ادخلى جوا عشان مستخدمش معاكى العنف

روسندا دورت وشها للجهه التانيه وبتضحك بسخريه:انت ..تستخدم معايا انا العنف؟!؟!

كرم باصصلها وسايبها تجيب آخرها

روسندا:انا ليه بتكلم اصلا مع واحد زيك ..

جات تمشى كرم مسك دراعها ورجعها مكان مكانت واقفه تانى وبأحترام وتحذير: روسندا هانم ممكن تتفضلى تدخلى القصر من غير شوشره

روسندا فلتت أيده بعنف ورفعت صباعها قدامه بغل وبتحذير:ايدك لو لمستنى تانى هكسرهالك

وتمشى من قدامه

كرم رفع أكتافه بقله حيله:انتى اللى جبتيه لنفسك

ف لحظات كانت روسندا متشاله من على الأرض..

روسندا برقت وبصتله بصدمه ..وكأنه عزام درس طريقتها وفصل واحد يعرف ازاى يتعامل معاها.

كرم شايلها وباصصلها بتحذير:هااا...هتسمعى الكلام؟؟

روسندا بصتله بغضب وبتحاول تنزل لكنه ماسكها جامد

روسندا بتحرك رجليها بعصبيه:نزلنى يا حيوان انت

كرم رفع حاجبه ببرود ومن غير ممانعه:طيب..

وبداء يرخى أيده عشان يسيبها .

روسندا بصت للبيسين اللى تحتيها وبصتله فهمت اللى هيعمله

روسندا بتحذير:اياك ت..

وقبل ماتكمل كلمتها كان سابها وهى صوتت جامد ووقعت ف البيسين

كرم بيضحك وهو باصصلها وهى بتمسح وشها وبصتله بغضب وغل:انت ازاى تتجراء..انا هوريك..

ف الوقت دا عزام جى وبصلهم باستغراب فضل باصص لكرم على أمل يقوله حاجه

كرم بصله وبص ف الأرض برسميه:اهلا بحضرتك عزام بيه..

عزام :فى حاجه ولا ايه؟؟

كرم: روسندا هانم كانت عايزه ...

ف اللحظه دى روسندا قاطعته بسرعه:اا..كنت عايزاه يعلمنى السباحه ..بس هو ..موافقش.

عزام بص لكرم ومن شكل كرم اللى بيكتم ضحكته من تمثيلها وكذبها فهم أن روسندا بتكذب عليه..

كرم بصله وهز رأسه بإيجاب وعزام فهم أنها كانت عايزه تخرج بس هو منعها ...بالعكس دا كان مبسوط جدا من تعامل كرم اللى اداه امل ف تغيير روسندا للأفضل زى ماهو بيحلم

عزام بأستعباط:هى كانت عيزاك تعلمها السباحه؟؟

كرم جى يتكلم روسندا قاطعته:ايوه بس هو قالى أنه مبيعرفش يسبح

كرم بصلها ورفع حاجب واحد وهى بعدت نظرها عنه

عزام بص لكرم :انت مابتعرفش تسبح؟؟

كرم بص لروسندا:ردى

روسندا بصتله بغضب وبدأت تطلع من المسبح بصت لكرم بتواعد ودخلت القصر

عزام بصلها وهى ماشيه وبص لكرم:هى كانت عايزه تخرج مش كده؟؟

كرم هز رأسه بإيجاب:انا بعتذر جدا بس مكنش فى غير الطريقه دى امنعها بيها

عزام بأبتسامه وسعاده:انت بتتأسف على ايه دا انا اللى لازم اشكرك انا مديك الاذن تتصرف اى تصرف لمصلحتها انا حاسس انك هتبقى الشخص اللى فعلا هيغيرها وانا واثق ف اى تصرف هتتصرفه معاها

كرم ابتسم بخفه :متشكر جدا لثقتك فيا ومن جهتى ف انا هحاول بكل جهدى اعمل اللى اقدر عليه وبأذن الواحد الاحد مش هخيب ظنك فيا..

عزام ابتسم بتفائل وحط أيده على دراعه:وانا واثق من كده..

روسندا ف اوضتها وفاطمه بتحضرلها الحمام وهى بتحك أيدها ببروده وغل وبتواعد:انا هوريك يا كرم الكلب انت

فاطمه خرجت من الحمام وبصتلها:الحمام جاهز يا روسندا هانم

روسندا:طيب انزلى انتى

فاطمه نزلت من اوضتها وروسندا دخلت الحمام..

فى اليوم التالى

انجى واقفه ف الشباك فى اوضتها بتكلم باباها ف التليفون .

انجى:خلى بالك من نفسك وكل كويس مش عيزاك تتعب

عايده دخلت اوضتها:انجى..

انجى بتوتر وأرتباك:اا..طيب سلام دلوقت..

وتقفل الخط

عايده بصتلها وبصت لتليفونها:كنتى بتكلمى مين؟

انجى:دا تبع الشغل متشغليش بالك..

عايده هزت راسها بإيجاد وبالها شارد مش مرتاحه من تصرفات انجى.

انجى بصتلها بأستغراب:اا..صح يا مامى كنتى جايه تقوليلى ايه؟؟

عايده بصوتلها بأنتباه:اا..نستينى..صح افتكرت كنت جايه اقولك ان ترتيباتنا نجحت وروسندا هتولع من الحارس الجديد بتاعها النهارده جالها برد بسببه وانا متأكدة انها مش هتقدر تستحمله وهتغور بعيد عننا.

جوليا ابتسمت بخبث وتفكير:صح انا مشوفتش الحارس دا امبارح رجعت من الباب الورانى عشان خالى عزام ميعرفش انى اخرت

عايده:احنا مش عايزين اى غلطه وبالذات اليومين دول الكوره خلاص فاضلها تكه وتيجى ف ملعبنا ف بلاش نضيعها بمجرد حركه غبيه..امم..

جوليا باست خدها:حااضر انا هروح الشركه عايزه حاجه؟؟

عايده هزت راسها بنفى وابتسمت:لا

شمس وشاهيناز رايحين لقصر عزام وهما بيتكلموا مع بعض.

شاهيناز:تفتكرى جوز ام روسندا هيبقى موجود في القصر؟

شمس :ماظنش هو بيبقى ف شركته فى الوقت دا

ويخبطوا على باب القصر

كرم جى من وراهم وأتكلم:احم...مين انتوا..

شاهيناز:احنا جينا عشان..

واول مالفت عجزت عن الكلام اول مشافته وشمس برقت كانوا ف قمه ااندهاش لأنهم متوقعوش يشوفوه تانى لا وكمان قدام قصر روسندا ..

كرم بصلهم بتشبيه وخلع نضارته:انتوا..!!!

شاهيناز لسه بصاله بصدمه وشمس بنفس حالتها

كرم دور وشه للجهه التانيه وضحك بسخريه:صح..انتوا تكمله أفراد عصابتها مش كده..!؟

شاهيناز اتكلمت والصدمه لسه مسيطره عليها:انت ..بتعمل ايه هنا؟؟

كرم:انا الحارس الشخصى...بتاع الهانم

شمس وشاهيناز بصوا لبعض بصدمه وبصولوا وف نفس واحد:الحارس الشخصى!!!؟؟

كرم باصصلهم وساكت

شمس حطت أيدها على بؤها وضحكت وهى مش قادره تمنع نفسها من الضحك

كرم بصلها بأستغراب:هى الكلمه بتضحك اوى كده!!؟

شاهيناز وهى بتكتم ضحكتها وبتنغز شمس ف دراعها:اا...لا هى بتضحك على حاجه تانيه .

انجى راحت ووقفت معاهم ومخدتش بالها من كرم لانه كان واقف بعيد عنهم بخطوات وهما اللى قدام الباب

انجى بتتكلم بطريقه استحقار:انتوا ...صحاب روسندا!!؟؟

شمس وشاهيناز بصولها واتعدلوا ف وقفتهم:ااا...ايوه...انتى بنت اخت عزام بيه ..مش كده؟؟

انجى بعدت نظرها عنها:صحيح الطيور على اشكالها تقع ...ابعدوا..

بعدوا عن الباب وهى عدت وكأنها بتعدى من جانب حشرات

شاهيناز رفعت حاجبها وكشرت:مالها دى!!

شمس مسكت أيدها عشان متعملش مشاكل:سيبك منها يلا نطلع نشوف روسندا

ويدخلوا القصر

انجى كانت ماشيه وباصه ف تليفونها حست بحد بيربط على كتفها

انجى وقفت لفت وبصتله

كرم بصلها بتشييع:اا..ال..مستند دا وقع من المستندات اللى ف ايدك

انجى لسه بصاله نظرها متعلق بيه وأخيرا قدرت تعرف هى شافته فين..

انجى:انت الشاب اللى ضرب اللى كانوا بيضايقونى..ايوه اكيد انت نفسه

كرم وقتها هو كمان قدر يفتكرها:اهااا..افتكرت انا شوفتك فين بس لحظه هما كانوا بيضايقوكى!؟

انجى ابتسمت:انا فضلت ادور عليك بعدها لأنك اختفيت كنت عايزه اشكرك على شهامتك معايا .

كرم حط أيده ورا رقبته بأبتسامه خفيفه وتواضع لانه اصلا مكنش واخد باله من انهم بيضايقوها بس اللى خلاه عرفها أنه شافها هناك:مفيش داعى للشكر ف بلدنا لو حد ضايق بنت هناك بيعلقوه

انجى أبتسمت لاول مرا تقف تتكلم كده مع شاب دايمآ بتكون مكشره وبترفض الكلام مع اى حد بس الشخص دا بالذات كان الأمر معاه مختلف تماما .

كرم مدلها الدوسيه

انجى خادته بأبتسامه:شكرا ..

كرم ابتسم بخفه :العفو .

ويمشى

انجى بصت للمستند وبصتله وهو ماشى ولسه الابتسامه على وشدها

فى اوضه روسندا.

روسندا قاعده على السرير وماسكه بكره مناديل وعماله تكح وتعطس ..باين على وشها التعب ومناخيرها حمرا ..

حد خبط على باب اوضتها

شمس:روسى احنا جينا .

روسندا بصت للباب بتعب :ادخلوا

شمس وشاهيناز دخلوا الاوضه

شاهيناز بصتلها بلهفه وحنان :يا روحى انتى تعبانه!؟؟

روسندا اتعدلت ف قعدتها وهما قعدوا جنبها

روسندا بتكح:احم احم...خدت برد امبارح بسبب الزفت اللى اسمه كرم..احم..احم..

شمس:صح هو مش انتى قولتى أن جوز امك مش هيجيبلك حارس وانك نهيتى معاه الموضوع على كده!!!

روسندا:وهو انا منجمه؟؟.. دا اللى كنت فكراه اتاريه طلع هو كان مرتب لحاجه تانيه...احم..احم..كنت جيالكوا امبارح بس الزفت دا رمانى ف حمام السباحه قال ايه لازم ينفز أوامر عزام بيه ..انا هوريه

شمس وشاهيناز بصوا لبعض وضحكوا

روسندا بصتلهم وكشرت بتعب:هو انا قولت نكته!!

شمس:ماهو الواضح أن فعلا جوز امك نفز اللى فى دماغه ومنعك عن الخروج بالظبط زى ماهو كان عايز

روسندا بصتلها وبتفكر ف كلامها

شاهيناز بصتلها ولاحظت سرحانها:اا..انا ميتهيقليش روسندا بس تعبانه شويه وعشان كده هى مقدرتش ترد الضربه دى ..

روسندا بصتلها بتفكير ووشها بأن عليه السعاده:لقتها..بس كده انتوا هتجيبوا باقى الشله وهتيجوا تسهروا عندى باليل وعيزاكى تتوصوا يعنى تاخدوا راحتكوا على الاخر ..

شمس:وبالتالى عزام بيه هيزهق وبالذات أنه مبيحبش الدوشه وجو الحفلات والشرب والرقص وكل دا ف بالتالى هيخلى روسندا بدل مانجيلها تروحلنا هى..

شاهيناز:ايوه بس انتى تعبانه النهارده..

روسندا:انا خدت برشام البرد وهبقه كويسه ...المهم بس انكوا تعملوا زى ماقولتلكوا امم..

شمس: سيبى الحكايه دى علينا احنا هنظبطلك كل حاجه..


فى شركه عزام للمؤاولات

امير خبط على باب مكتب عزام

عزام:ادخل.

امير دخل وبصله:عزام بيه فى واحد اسمه جين بيطلب يقابل حضرتك وبيقول أنه جاى من طرف ايفان بيه

عزام بصله :طيب خليه يدخل

امير:امرك .

ويخرج من المكتب

رحيم قاعد مع جين وبيتكلموا

رحيم :خدعك اللى جبتها منه دا انا اعرف واحد بيبيع البدله بنص التمن دا اتغلبت يا معلم

امير راحلهم:عزام بيه بيقولك ادخل

جين وقف وبص لرحيم:عن اذنك

رحيم:اتفضل..

جين راح لمكتب عزام خط على باب المكتب ودخل راح ووقف قدامه مكتب عزام ومدله أيده:اهلا بحضرتك انا جين سكرتير ايفان بيه اكبر مدير شركه vip للاستسمار

عزام:اهلا بيك

جين:انا جيت ابلغ حضرتك كلام ايفان بيه...فى مسابقه بين حضرتك وبين عادل بيه ومصطفى بيه ..حضرتك هتعمل اللى تقدر عليه وتقدم افضل التصاميم عندك ف خلال شهر ...لأن بعد ست شهور عيد ميلاد مرات ايفان بيه وعايز افضل تصميم يقدمهولها هديه ...عشان كده المسابقه هتبقى بعد شهر بحيث يلحق يتبنى التصميم اللى هيعجب ايفان بيه

عمران هز رأسه بإيجاب:طيب ...انا هشارك ف المسابقه..

جين:تمام اوى ...اشوف حضرتك وقت عرض التصاميم

عزام ابتسم برسميه:بأذن الله .

مشى واول ماخرج من المكتب رحيم دخله

رحيم:هو جين كان هنا ليه!!؟؟

عزام بصله :فى منافسه للمؤاولين بينى وبين عادل وبين مصطفى بيه ..ايفان المستسمر الأجنبى هو اللى عاملها..

رحيم:طيب وانت ايه اللى قالقك!!؟

عزام:انا مش قلقان ..انا بس بفكر ف التصميم اللى المفروض اعمله ..

رحيم:بالمناسبه يا عزام بيه كرم عامل معاك ايه؟

عزام هز رأسه بإيجاب:هو شكله ابن حلال وبتاع شغل.

رحيم:انت هترتاح فى التعامل معاه اوى ..هو صعيدى أصيل ومبينهزمش بسهوله.

عزام بصله بأطمئنان:ربنا يهديها ويجعله طوق النجاه من المعاصى اللى غرقانه فيها.

فى الليل..

فى فله مصطفى الجوهرى

عادل قاعد على الكنبه ومصطفى قدام

عادل:هو جبلها حارس فاكر أنها كلبه هيربطها

مصطفى:عادل انا شايف انك غلطان واوى كمان لو كنت خدت بنتك ف حضنك وحسستها بحنان الاب مكنتش هيبقى دا حالها وكانت هتسمع كلامك بس انت سيبتها وروحت كملت حياتك مع انك المفروض تكون بتجهز روسندا اللى كبرت وعلى وش جواز..بس بسببك انت دمرت كل حاجه حلوه فيها

عادل:مصطفى انت متعرفش روسندا ف الاحسن خليك ساكت وملكش دعوه بالموضوع دا...

كريم راحلهم:احم اهلا يا عمى عادل

عادل بصله وابتسم :اهلا يا كريم...سامع كده أن فى مشاريع جايه هتكسر الدنيا

كريم ابتسم بمجامله وقعد معاهم:ربنا المستعان..بما انك هنا يا عمى عادل انا عايز اكلمكوا ف موضوع كده.

مصطفى بصله بأبتسامه:خير يا كريم

كريم:انا عايز اتجوز روسندا..

عادل بصله وابتسامته اختفت ومصطفى اتصدم بس ابتسم لانه كان بيفكر ف نفس الموضوع.

كريم بص لعادل ولمصطفى:قولتوا ايه!؟...موافق يا عمى عادل؟

عادل بتفكير :انا مش عارف اقولك ايه يا كريم..انا مش هلاقى احسن منك لروسندا بس هى..

كريم:انا هخليها توافق ...

عادل بصله وبص لمصطفى وكأنه بياخد رأيه

مصطفى بأبتسامه:انا مع اختيار كريم ...وروسندا لو عرفت انى مع الجوازه دى هى مش هتمانع ابدا..

عادل ابتسم بخفه وتفكير وهز رأسه بإيجاب:مبروك مقدمآ ..

كريم ابتسم :الله يبارك فيك..عن اذنكوا ..

مصطفى بصله :انت رايح فين مش خلصت شغل؟!

كريم بيفكر يقوله ايه وحط أيده ورا رأسه بأرتباك:ااا..انا هقابل مدير..شركه للاستسمار كنت مديله معاد ..

مصطفى هز رأسه بأبتسامه:ربنا يوفقك ويحفظك

كريم ابتسم وسلم على عادل:يلا نتقابل بقى ف قرأه الفاتحه

عادل ابتسم:بس متقاطعش

كريم ابتسم ومشى راح للديسكوا وسلم على صحابه اللى مستنينه هناك.

محمود:ايه يا كيمو واخد جنب اليومين دول يعنى..

كريم قاعد براحه وفارد أيده على حرف الكنبه:الشغل بقى اعمل ايه..

امنيه:ماهو عشان ترضى مصطفى بيه تطنش اصحابك..

كريم ضحك:احنا هنعملهم على بعض انا بشتغل عشان الفلوس الMony وبعدين انا دلوقت ف نظر مصطفى الObedient man..

كارم بضحك:قصده الرجل المطيع معلش عشان رجل اعمال بقى وكده

امينه:المهم سيبكوا من الموضوع احنا جايين هنا عشان ننبسط..

كريم:انا عازمكوا كلكوا خدوا اللى عايزينه على حسابى

كارم قعد براحه:ريحت قلبى يا كيمو..هاتلنا يابنى اربع ازايز

كريم بضحك: انت مصدقت

شربوا لحد ماكتفوا بس كان كريم شارد وبيشرب ببطئ عن عادته

امينه بصتله ومسكت ايده وهو بصلها بأنتباه

امينه:سرحان ف ايه؟

كارم بضحك:تلاقيه سرحان ف مزه ولا حاجه

امينه بصتله بغضب:اسكت

كريم بصلهم بخبث:عايزين تعرفوا انا سرحان ف ايه؟

امينه بصتله وهزت راسها بإيجاب:اكيد

كريم اتعدل ف قعدته:طيب ..انا هتجوز

امينه بصتله بصدمه وهى وكارم ف نفس واحد:بتقول ايه!!

محمود:يا عم تلاقيه واخدها يومين ولا رضآ لعم مصطفى ولا حاجه

كريم بأبتسامه:انا اللى عرض عليه اتجوزها...مش هو اللى عرض

كارم بضحك:لا ماهو انت تقولى دى نكته ولا فزوره ولا ايه حكايتك

امينه بصتله بغضب:ممكن تسكت شويه وتبطل استهزاء ونشوف فى ايه..كريم انت بتهزر صح؟

كارم ضحك:لا والله جبت التايهه

امينه:ماهو مش معقول يعنى الكلام دا

كريم:خلصتوا اسئله؟؟....انا فعلا مبهزرش وفعلا هتجوز ..هى طبعها زيى بعشق جنونها وطريقه كلامها انا وهى زى بعض

امينه بصاله والغيره بتاكل فيها:ومين بقى الحلوه اللى شدتك للدرجه!؟؟

كريم بصلها بخبث وغموض:وانتى عايزه تعرفى ليه؟؟

أمينه:انت بتتكلم عليها كأنها من كوكب تانى مش من البشر يعنى..

كريم:صح هى ملاك

محمد:يا سلام على القلوب اللى بتطلع من عيونك

كريم وقف وبيعدل هدومه وبتريقه:بقولكوا ايه انا همشى زمانى مامى رجعت وهتسئل عليا

كارم ضحك:متنساش تغسل سنانك قبل ماتنام وكل خضار كتير ها.

كريم:اتلم يله...

ويمشى

امينه سرحانه وبتفكر ف كلام كريم بضيق وهى بتشرب الخمره

كارم بصلها:امينه .

امينه بصتله والغضب ف عيونها:ميت مرا اقولك متقوليش امينه..أسمى امليا

كارم بأستفزاز :اثبتى..

امينه ضربته على رأسه بغضب:بارد

روسندا غيرت هدومها ولبست فستان قصير وحضرت نفسها للحفله اللى رتبتلها هى واصحابها ..نزلت من اوضتها وبصوت عالى:فاطمه...فاطمه..

فاطمه راحتلها بسرعه:نعم يا هانم..

كرم قاعد على الكرسى رفع رأسه وبصلها اول ماعيونه جات عليها فضل باصصلها وتنح وبصوت مهموس:يا نهار اسود

روسندا بتتجاهله وبتتكلم بثقه :جهزتى اللى قولتلك عليه؟

فاطمه:ايوه يا هانم كل حاجه جاهزه

روسندا:طيب...روحى انتى.

ف الوقت دا باب البيت خبط

روسندا بصت للباب وابتسمت بخبث ولؤم

فاطمه راحت فتحت

شمس شاورت للى معاها يدخلوا:ادخلوا يلا.

دخلت مجموعات شباب على بنات كانوا اكتر من عشرين فرد

كرم وقف وبصلهم بأستغراب وروسندا رحبت بيهم

مآذن حضنها:شمس وشاهيناز قالولى انك تعبانه..

روسندا ابتسمت:انا فعلا كنت تعبانه بس بقيت احسن

شاهيناز عيونها منزلتش من على كرم اللى بتحلل تفاصيل ملامحه بدقه

عايده خرجت من اوضتها وبصت لكل العدد دا وهى مستغربه :فاطمه..فاطمه.

فاطمه راحتلها :نعم يا هانم

عايده بصتلها بتعجب:مين دول!!؟

فاطمه:دول تبع روسندا هانم

عايده بغضب: روسندا وهى ازاى تجيب الأشكال دى هنا...طيب انا هتصرف..روحى انتى..

وتدخل اوضتها تانى

بدئوا سهرتهم وكانت آخر هيصه والاغانى شغاله وهما بيشربوا الخمره ومنهم اللى بيشرب سجاير

كل واحد خاد واحده وقاموا يرقصوا وفى اللى كانوا بيرقصوا لوحدهم وكرم كان مضايق جدا من اللى بيعملوه وطبعآ لانه عايش ف الأرياف مكنش عندهم الكلام دا

ماذن خاد روسندا وقاموا يرقصوا

شاهيناز راحت وقفت قدام كرم ومدتله كاس

كرم بصلها بجديه وابتسامه بارده:مبشربش .

شاهيناز:وليه!!؟؟...محبتش تجرب؟

كرم بأبتسامه بارده:اللى اتولد وف أيده مصحف عمره مهيشتهى حاجه ف ايد اللى اتولد وف أيده كاس..عن اذنك.

قام وسابها وهى بصاله وهو ماشى واعجابها بشخصيته بيزيد

كرم جاله اتصال بعد عن الدوشه ورد

عزام:الو يا كرم انا عزام

كرم:اهلا ياعزام بيه...

عزام:عايده اتصلت وقالتلى أن روسندا جايبه أصحابها على البيت وعاملين احتفال..

كرم:صح يا عزام بيه

عزام غمض عيونه بضيق و بقله حيله:يعنى انا امنعها تروح الأماكن اللى هما فيها تجيبهم على البيت!!...كرم انا عايزك تعمل اى حاجه تمشيهم بيها من البيت ....عايزك تخلى روسندا تبقى هى اللى عيزاهم يمشوا أو هما يمشوا لوحدهم من غير ماتبقى انت غلطان ..أو تحس انك اللى مشتهم..انت فاهمنى؟

كرم بيفكر وحب يأكد على عزام:يعنى..اى طريقه!!؟؟

عزام:اى طريقه..

كرم رفع حاجبه بأبتسامه خبيثه وبقله حيله:امرك..

روسندا بتبص حواليها مش شيفاه فهمت أنه بيكلم عزام وف نفسها:اكيد بتنقله اخر الاخبار...ودا اللى انا عيزاه

ماذن بصلها وشد أيده على خصرها

روسندا بصتله بأنتباه

ماذن :بتدورى على ايه؟؟

روسندا ابتسمت بخبث:ولا حاجه

ماذن بضيق:بقولك ايه تعالى نقعد ف حته هاديه انا زهقت من الدوشه

روسندا جات تتكلم سحبها وراحوا للبلاكونه

روسندا:انت رايح فين المفروض نقعد معاهم

ماذن:وهو مين منتبه اصلا وبعدين انتى عارفه انى مبحبش اقعد الا معاكى

روسندا قعدت وبمزاح :طيب ادينى قعدت..قول يا رومانسي

ماذن قعد جانبها بأبتسامه وحط أيده على كتفها

روسندا بصت لايده بأستغراب وبصتله

ماذن لامس خدها بأيده وهو باصص لعيونها:تعرفى انى بحلم بصوتك بينادينى..

روسندا بضحك:يا سلام على الكلام الحلو امتى بقيت رومانسى كده؟؟!

ماذن:من اول محسيت أن قلبى بيتشدلك

روسندا بصاله كانت واخده الموضوع هزار بس نظراته ليها مريحتهاش

ف الوقت دا اللى حصل انقذ موقف روسندا اللى مكنتش عارفه اتصرف ازاى فيه..وفزع الكل..

كرم نزل سكينه كهرباء القصر كله..

روسندا وقفت بفزع واستغراب:اا..ايه..اللى حصل!!!!

الكل بيتكلم ومش فاهمين سبب قطع النور

كرم بصوت مسموع:متقلقوش مفيش حاجه تفزع عزام بيه اتصل بيا وقال أن دا عطل ف الكهرباء هيتصلع بأذن الله هما تلت ساعات

وليد:تلت ساعات!!..انا ماشى

شمس بتتلفت حواليها ومش شايفه حاجه:طب فين روسندا طيب.

روسندا:ماذن معاك تليفون؟ انا تليفونى برا..

ماذن خرج تليفونه وشغل الكشاف

روسندا بصتله ورفعت حاجب واحد:مكان من الاول

ماذن ضحك:محدش قالك انى بحب اقعد ف الضلمه؟؟!!

روسندا:لا يا خفيف اصلك شبح..

خدت التليفون منه وخرجت من البلاكونه والكل انتبهلها لما سمعوا صوتها

روسندا بتطمنهم:مفيش اى حاجه تستدعى الخوف انا هشغلكوا المولد..شاهيناز تعالى معايا

شاهيناز راحت معاها وشغلوا المولد وكرم حط أيده على بؤه بقله حيله وف باله:مولد...طيب ...مفيش مشكله مش هخيب ظنك فيا يا عزام بيه..

وينسحب من وسطيهم ويمشى

روسندا بصتله وهو ماشى وأبتسمت بخبث فهمت ان دى لعبه منهم وكانت على إصرار تكمل حفلتها اللى مش هتطلع منها إلا بطرد الحارس الجديد وحريتها من عزام .

شمس وشاهيناز راحوا ووقفوا مع روسندا..

شمس قربت منها وهمست:بقولك يا روسى...انا شايفه كده أن مفيش حاجه هتتغير وعزام بيه قرب يرجع البيت وانتى مصيرك مع الهضبه ومفيش حاجه هتتغير بوجودنا

روسندا:لا...انا همشيه النهارده وبعد الحفله دى..انا مش هستسلم لعزام بحق الالم اللى خدته قدام الزفت دا انا مستحيل اخليه يشمت فيا وهأكد لعزام أن مهما حصل ومهما حاول يعمل عشان يربطنى ف البيت ف هو اللى هيطلع بالنهاية خسران...ومش البنى ادمين اللى بتطربت ف البيت..دى الكلاب انا بقى مش كلبه وعشان كده وقبل ماتمشوا من هنا هتشوفوا ازاى انا هاخد تصريح بحريتى ومن عزام نفسه..

شاهيناز بصت لشمس ورفعت حواجبها وضمت شفايفها وهى بتهز أكتافها بقله حيله.

كرم خرج من اوضته لابس فنله حمالات وشورت عضلاته كانت بارزه بشكل مغرى.. البنات كلها بما فيهم الشباب بقت عيونهم عليه وبيتكلموا عنه ..

روسندا وشاهيناز بصولو

شمس عيونها سرحت فيه وفتحت بؤها وهى ماسكه سندوتش البرغر ف ايدها:هضبه بصحيح..

روسندا بصتلها وبصتله بغضب

كرم مشى والكل عيونه عليه وبيسئلوا مين دا!!

كرم وقف قدام البيسين وبيستعرض عضلاته لحد مراحولوا وروسندا كانت مصدومه من اللى خارجين برا القصر ورايحين لكرم

وليد بيضحك وهو باصص ف اتجاه كرم:ايه المز دا..دا انا اللى هعاكسه ..

ماذن راح وقف جانب روسندا ورفع حواجبه بتكشير:مين الحلو!!؟؟

روسندا:دا..الحارس ..بتاعى..

شاهيناز وشمس جوم ينسحبوا من جانب روسندا لكنها مسكت ايدهم ..

روسندا:انتى رايحه فين المفروض تبقوا معايا انتوا بتدعمونى انا..

شمس:اا..طبعآ..طبعآ يا روسى احنا كنا هنجيب ميه بس..

روسندا بصت لكل اللى خرجوا اتلموا حوالين كرم وعيونها بتدق شرار

كرم نط ف البيسين والكل صقفوا وصفروا

كرم طلع على وش الميه وبداء يسبح

شاهيناز بصتله وعيونها بتطلع قلوب:هو فى كده!؟؟

روسندا بصتلها بغل ومشيت راحتلهم

ماذن باصصلها وهى ماشيه وحط أيده ف جيبه بضيق

روسندا بعصبيه وبصوت عالى:ايه المسخره دى انتوا واقفين هنا بتعملوا ايه المفروض انكوا جايين عشان الحفله..

........ بأستعباط:اوووو...هو دا مش تبع الحفله؟؟

روسندا بغضب باين على وشها:لا ياختى مش تبع الحفله

.......:إذا كان كده يبقى مش عايزين الحفله

روسندا بغضب وصوت عالى بيدل على عصبيتها:اطلعواااا براااا ...يلا كلوا برااااااا..

كلهم بصولها وبدئوا يمشوا

كرم طلع من الميه وبينشف شعره وعضلاته ابتسم أن خطته نجحت وعمل زى معزام كان عايز وبأنه خلاها هى اللى تتردهم بنفسها..

روسندا راحت ووقفت قدامه ورفعت صباعها بتحذير:انت ملكش الحق تعمل اللى عايزه هنا دا مش بيت ابوك

كرم بصلها والغضب اتملكه وقرب اوى منها وهى بصتله بأرتباك من تقربه الزايد ومن ملامحه الغاضبه:اا..ايه!

كرم بنبره هاديه وبغضب:لو كان ده بيت ابويا..مكنتش حصلت فى المهزله دى ..وبعدين فى بنت متعلمه فى جاميعات امريكيه تقول بتاع أبوك!..اشك انك متعلمه فى جاميعات امريكيه.

ويسيبها ويمشى

بتدوس على قبضه أيدها بغل وكانت هتفرقع من كتر غيظها

شمس وشاهيناز راحوا وقفوا جنبها .

شمس بحذر وهى بصالها:هو كان بيقولك ايه؟

روسندا بصتلها وكانت ف عيونها نظره سكتت شمس .

روسندا بصت قدامها بغل وتفكير:هو كده جابها لنفسه...(ببرود ونظره مليانه غل)..مكنت حباك تشوف الوش التانى لروسندا...بس انت اللى جبته لنفسك...وبالطريقة اللى مشيت بيها غيرك..هتمشى انت بيها ...وزحفآ على بطنك

كرم دخل اوضته بعد ماغير هدومه مسك تليفونه وأتصل برحيم..

رحيم:يا نسينى..

كرم:انت فين؟؟

رحيم:ف شركه عزام بيه هو الشغل بيخلص..

عزام بصوت عالى:رحيييييم ....

رحيم جاب لورا:حبيبى يا عزوم..

كرم ضحك:طب يلا يا خويا ... صح كنت متصل اقولك كلمت الحجه واختك النهارده؟؟

رحيم:اه كلمت سوسو انت واحشها جدا على فكره...اتصل بيهم عايزين يكلموك.

كرم:امم...طيب سلام انت ..

رحيم:سلام يا كروم.

فى اوضه عايده وانجى .

انجى:خالى عزام هيكتب ثروته بكره ..بس مقالش بأسم مين..انا متأكده أنه هيكتبها بأسمى أو بأسمك لأنك أخته ومطلقه

عايده :احنا مش ف وقت توقعات انتى لازم تكملى اللى بتعمليه لحد مانطمن أنه كتب ثروته بأسمنا ..بكره اليوم اللى هنتحرر فيه وهنعيش ف راحه طول العمر ...

انجى ابتسمت بتفكير وخبث:وانا عليا هفضل معاه لحد ما يكتب ثروته ..واطمن على مستقبلى كمان.

بعد شويه من الوقت ولما كان كرم مش فى اوضته.

روسندا دخلت الاوضه اللى بينام فيها كرم شغلت حنفيه الحمام ووصلت خرطوم من الحمام للئوضه وشغلت الميه.

روسندا بغل:انا هوفر عليك بدل ماتسبح فى البيسين اسبح فى اوضتك .

بدأت تغرقلو السرير وكل حاجه فى الاوضه.

انجى بصت عايده بأستغراب:ايه الصوت ده!

روسندا خرجت من اوضه كرم وسابت الميه شغاله..قعدت على الكنبه قدام التليفزيون ومسكت طبق الفشار وبدأت تاكل منه.

عايده خرجت برا الاوضه هى وانجى وبصوا بروسندا وبيسئلوا :ايه صوت الميه ده!

روسندا بصتلهم وكشرت بتعجب مصطنع وباستعباط:ميه!..فى صوت ميه!

بعد شويه من الوقت ولما عزام وصل والاوضه اتملت ميه وبقت تخرج من تحت باب الاوضه.

عزام ماشى شاف الميه تحت رجله بصلها بأستغراب وبص للئوضه:ايه الميه دى!!

روسندا بصتلهم من طرف عيونها وبتشرب بيبس وقاعده ولا كأنها معاهم.

عايده:فى صوت ميه بقاله شويه ومش عارفين جاى منين.

عزام:كرم.. كرم..

روسندا ابتسمت بخبث ولؤم وفى بالها:استعد للطرد يا روح قلبى.

كرم راحله :امرك يا عزام بيه.

عزام:انت سايب الميه مفتوحه فى اوضتك؟كرم بصله بأستغراب وقرب فتح الاوضه وهنا الكل اتصدم لما شافو الأوضه مليانه ميه والسرير متغرق والمرتبه بتنقط من كتر الميه اللى شرباهه وهدوم كرم متغرقه والحيطان والورق والكتب بتاعته كانت عايزه على وش الميه .

عزام بصدمه:مين اللى عمل كده فى الاوضه!..وايه مصدر الميه دى!

كرم قرب فضل ورا الميه اللى بتخرج لحد مالقى الخرطوم ..

روسندا قاعده بتتفرج على التليفزيون بس تركيذها كله معاهم.

كرم رفع الخرطوم وبص لعزام وعزام بص الخرطوم ولف بص لروسندا اللى بعدت نظرها عنه اول مابصلها.

انجى:ده حد قاصد يعمل كده.

روسندا بصتلها بغضب وفى بالها:هقوم اكسر رقبتك يا ديل العرسه انتى.

عزام غمض عيونه بتنهيد وبقله حيله كان واضح جدا لكرم وعزام أن دى خطه من روسندا.

عزام بتمثيل وبصوت شبيه بالزعيق:كرم انت اللى سيبت الحنفيه مفتوحه؟

روسندا بصتلهم وهى مش شايفه غير عزام الواقف عند باب الأوضاع بضهره.

كرم بص لعزام اللى عمزله:اا..انا اسف...غصب عنى يا عزام بيه ..انا نسيتها.

روسندا رفعت حواجبها وهى بصالهم اوى.

عزام:امم...طيب يبقى انا اسف يبنى مش هقدر تفضل هنا اكتر من كده.

روسندا ابتسمت بسعاده وأنبهار معقول خطتها نجحت!

عزام كمل:انت هتنتقل للئوضه اللى فوق اوضه روسندا.

روسندا برقت وابتسامته اختفت ووقفت فجاه وراحتلهم:انت بتقول ايه دى اوضه الضيوف وماينفعش تدى للكأن ده اوضه غير دى .

عزام بصلها:هتديله انتى اوضتك؟

روسندا بصتله بغل وغضب وسابتهم وطلعت على اوضتها ورزعت باب أوضاعا بعنف .

عزام بص لعايده وانجى:روحوا انتوا على اوضكوا خلاص الموضوع اتحل.

عايده بعدت نظرها عنهم ومشيت ومعاها انجى.

كرم وقف جانب عزام وهو بصله بأسف:انا اسف جدا على الفوضه اللى حصلت سامحنى يابنى حاجتك اتبهدلت بس اقول ايه...هى دى روسندا.

كرم أبتسم بخفه:مفيش مشكله..النوع ده من البنات بيحتاج معامله خاصه..لازم تلعب معاهم بنفس الطريقه اللى بيلعبوا بيها...واكيد انا مش هيأس ومش همشى الا لما تقولى خلاص مبقتش محتاجك.

عزام أبتسم بخفه وبأمل وحط أيده على دراعه :انا حاطت املى كلو عليك...وعارف انك بأذن الله مش هتخيب املى..على كلن يلا انقل حاجتك على الأوضه اللى فوق روسندا وانا هقول لفاطمه تنشرلك هدومك اللى اتغرقت وتنشف حاجتك.

كرم هز رأسه بإيجاب وبعد مانقل هدومو حاجته .

روسندا نايمه على السرير وقامت على صوت الخبط اللى جاى من فوقها (من اوضه كرم)

روسندا حطت المخده على ودانها بضيق وغضب لكن الصوت بيعلى.

روسندا قعدت على السرير بغضب وبصراخ:يا كرم الكلب انا هوريك .

قامت من على السرير وخرجت برا اوضتها بسرعه وطلعت على اوضته فى الدور اللى فوقها.

روسندا بترزع على باب الاوضه جامد.

كرم بص للباب:مين؟!!

روسندا فتحت الباب ودخلت وبزعيق:انت يا ...

سكتت ووقفت مكانها وبرقت اول مشافته مش لابس غير الشورت .

كرم بصلها ورفع حواجبه بهدوء:مرحبآ..

روسندا بغضب وغل:انت..انت ازاى تلبس كده و..وانت مش هنا لوحدك.

كرم ضحك بسخريه:انتى بتهزر صح؟..اول حاجه انا هدومى كلها اتغرقت ومش معقول انام بالقميص والبنطلون ...وتانى حاجه انتى اللى فتحتى عليا باب الاوضه ومن غير مأقولك ادخلى حتى..يبقى مين اللى غلطان؟!

روسندا:انت بترزع فى ايه ؟

كرم:كنت بعمل شماعه فى الدولاب مفيش شماعات عشان هدومى اللى هتنشف.

روسندا بصتله وبزعيق وغضب:وهو انت حبكتلك تخبط فوق دماغى دلوقت؟

كرم:واللهى انا واخد تصريح من عزام بيه اعمل اللى انا عايزه

روسندا بصتله بغضب وغل:انت...

كرم قاطعها:فى بس ملاحظه صغيره انا اعرف ان البنى ادم اللى بيتكسف بيلف وشه بيبعد نظره..بس حضرتك شويه وعيونك هتحرق جسمى.

روسندا بصتله بغل اكبر وخادت الشنطه اللى جنبها وحدفته بيها وهو مسكها وضحك:طب هقول لعزام بيه.

روسندا بصراخ:انت مستفز قوله قوله يا متخلف يا بنى ادم يا بارد.

كرم:ده من زوقك.

روسندا صوتت ورزعت الباب ومشيت بتواعد:انا هوريك روسندا هتعمل ايه فيك ..انا وعدت نفسى همشيك النهارده..ومش هخلف وعدى .

كرم مسك تليفونه عشان يكلم سميره .

خديجه قاعده هاديه وسميره ملاحظه كده.

سميره حبت تفك الجو وتنكشها:قاعده هاديه يعنى يا خديجه... مفيش حد تتخانقى معاه هاا..

خديجه ابتسمت بأنتباه: هما فعلا وحشونى اوى البيت كئيب من غيرهم..

سيميره بأبتسامه بسيطه: ربنا يخليكوا لبعض..يلا عشان تنامى يا حبيبتى.

فى الوقت ده دا تليفون سميره رن وهى بصت للاسم والابتسامه اترسمت على وشها: اهو يا خديجه ولا تزعل نفسك كرم بيتصل..

خديجه ابتسمت وسميره ردت: الو يا حبيبى

كرم ابتسم لما سمع صوتها: ازيك يا ست الكل عامله ايه وخوخه ايه اخبارها كلكوا كويسين؟؟

سميره: يا بنى خد نفسك.. الحمدالله كلنا بخير وكلنا مفتقدينك متعودناش تغيب عننا كل الوقت دا..

كرم بأسف:معلش يا ست الكل..اعمل ايه الشغل عايز كده.

سميره:ربنا يوفقك يا حبيبى..قولى انت عامل ايه ف الشغل؟؟

كرم:الحمدالله...

سميره:عملت ايه مع البنت اللى بتحرسها؟

كرم حكالها كل اللى حصل اليوم كله.

سميره بتحذير:حبيبى ابعد عن البنت دى...دى شكلها مجنونه وبتاعت مشاكل..

كرم:متخافيش عليا يا ام كرم انتى مش عارفه ابنك ولا ايه!

سميره اطمنت من نبره صوته وتفكيره السليم:ربنا يحفظك ويكفيك شر المستخبى..

كرم ضم شفايفه بأبتسامه خفيفه:يارب يا ام كرم

خديجه بتشد منها التليفون وبتكرر:هاتى عايزه اكلمه..

سميره: حاضر اهدى... خد يا حبيبى خديجه عايزه تسلم عليك.

كرم ابتسم وخديجه خدت التليفون وبتكلمه: ابيه كرم مش ناوى تيجى تزورنا؟..انت وحشتنا اوى..

كرم:واللهى انتى وحشتينى اكتر يا خوخه...شويه كده واحاول اخد اجازه واجيلكوا المنيا..

خديجه: يا ريت لحسن انا مش لاقيه حد يقعد معايا حتى رحيم مش موجود..

كرم: من عنيا يا خوخه اول ميتسمحلى اخد اجازه هنزلكوا المنيا فورآ..

خديجه بأبتسامه: هنستناك..

سميره :خلاص بقى هاتى التليفون .

وتاخخد منها .

سميره:انا كنت عايزه اقولك هبه واهلها كانوا عندنا امبارح وهما سئلوا عن معاد كتب كتابكوا وقالوا نحدد معاد مع بعض ونبلغهم...انا قولت يبقى على الشهر الجاي... عندك اى اعتراض يابنى؟؟

كرم اتنهد بعمق وهز راسه بنفى: لا يا حجه اللى تشوفوه صح اعملوه

سميره ابتسمت: ربنا يهديك ويكملك بعقلك.... عايز اى حاجه يا بنى؟؟

كرم:ربنا يخليكى يا ام كرم ..تصبحوا على خير.

سميره بأبتسامه:وانت من اهل الخير يا حبيبى

قفلوا مع بعض وخديجه بصت لسميره بعتاب: كان لازم تقوليلو دلوقت يعنى يقول ايه عايزين نخلص منه؟؟

سميره:حبيبتى انتى عارفه ان عيله هبه من الناس المحافظه وتقاليد بلدنا مينفعش الولاد يفضلوا مخطوبين كده سنتين المفروض يكونوا متجوزين من بادرى.. وبعدين انتى عارفه ان كرم عقله كبير ومبيفكرش بالطريقه دى.

فى الوقت المتأخر وف قصر عزام ولما كان الكل نايم معاده كرم وروسندا.

كرم واقف قدام القصر وماسك المصحف بيقراء فيه

روسندا بصاله من بعيد وهى ف القصر شايفه صورته المعكوسه ف البيسين ..

روسندا ابتسمت بخبث وتواعد..انسحبت بكل هدوء وراحت ونزلت سكاكين كهرباء القصر بعد مالكل نام..

كرم بص حواليه وخرج تليفونه شغل الكشاف وبيتجه ناحيه القصر

روسندا شغلت التسجيل على أصوات مخيفه

كرم بأستغراب بيتلفت وبيدور على مصدر الأصوات دى...

سمع صوت ميه لف وقرب من المسبح لقى لونه متحول للون الدم ...

كرم حس بأيد محطوته على كتفه لف ملقاش حد...لكن لما رجع نظره للبيسين شاف خيال شخص صورته معكوسه ف البيسين وباين عليه هضبه وبعضلات ضخمه..

كرم بيحاول يستجوب اى حاجه واقعيه بتحصل حواليه:اا...مين هناك؟؟؟؟؟

والأصوات الغريبه اللى كان بيسمعها اتحولت لصوت صراخ.

كرم لف وبيبص حواليه عايز يعرف مصدر الأصوات دى ايه!

ف الوقت دا حس بصوت وراه لف بسرعه لكنه ملقاش حد لف وهنا كانت الصدمه لما شاف....

*********************
إلي هنا ينتهي الفصل الثالث من رواية المؤامرة بقلم منة محسن
تابعوا صفحتنا على الفيس بوك للمزيد من روايات كاملة
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة