مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية مع رواية رومانسية جديدة للكاتبة شيماء عصمت علي موقعنا قصص 26 وموعدنا اليوم مع الفصل الخامس من رواية جحيم حبك بقلم شيماء عصمت
رواية جحيم حبك بقلم شيماء عصمت - الفصل الخامس
رواية جحيم حبك بقلم شيماء عصمت - الفصل الخامس
هدى بأحراج: شكرا ياانسه حسابك كام
مسك: لا شكرا على واجب ياحييبتي خلي المره دي علينا
هدى بأصرار: لا مينفعش اتفضلي
مسك: يمين بالله مايحصل اعتبريه اعتذار عن وقفتك ياعسليه
كريم بسخرية وهو مركز مع رحيم : على اخر الزمن هتبقششوا علينا
رحيم لكمه في وجهه وبحده قال: تصدق انك متربتش وهتتربى على ايدي دلوقتي
كريم بغضب رد ليه الضربة .. وابتدات معركة بينهم .. مسك حاولت تتدخل وكان نصيبها خبطه بالغلط من كريم وقعتها على رجلها اتلوت .. اما هدى كانت بتبكى بخوف وقلق على كريم ومش عارفة تتصرف ازاي .. اول مره تتعرض لموقف زي ده!!!
الناس اتجمعت حولين رحيم وكريم .. بيحولوا يخلصوهم من بعض .. وهدى قربت من مسك تطمن عليها .. ساعدتها تقعد على كرسي من اللي موجودين
هدى ببكاء: انتي كويسة ياانسه؟ انا .. انا اسفه على اللي بيحصل ده بجد اسفه
مسك بوجع وألم : انا كويسة ياختي متقلقيش المهم حد يخلص الرجالة اللي هتقطع بعضها دي
_____________
اما في شقة رحيم .. سميحة كانت لسه نايمة .. قامت مفزوعة من خبطت الباب
سميحة بخوف : ياساتر يارب ايه الخبط ده كله
سالي بنعاس: في ايه ياماما ايه الدوشة دي
سميحة: مش عارفة يابنتي .. استر يارب
لبست اسدلها والخمار و فتحت الباب لقت الواد عضلة (صبي رحيم اللي بيشتغل معاه في الورشة)
سميحة بغضب: في ايه ياللي ينخفي اسمك من الدنيا!! نازل رزع على الباب كده ليه؟!!!
عضلة: الحقي ياخالتي اسطا رحيم بيتخانق على عربية ابله مسك
سميحة بصراخ وعويل : ياالهوووووووي
_____________
بعد محاولات كتير اخيرا قدروا يفرقوا رحيم عن كريم والعكس .. الاتنين اقوياء .. تقريبا في نفس القوة
كريم بغضب وصوت جهوري: انا هعرفك ازاي تمد ايدك على اسيادك ياكلـ*ـب انت الـليله دي هتبات في القسم مع الاشكال اللي زيك .. انا هعرفك مين هو كريم المنشاوي
رحيم بنفس الغضب: كلـ*ـب مين يابن ال***** لا تكون فاكر هخاف من الانعرة الكدابة دي .. اعلى مافي خيلك اركبه .. عارف طريق القسم ولا اعرفهولك يا .. ياحيلتها
كريم كان لسه هيهجم عليه تاني منعته هدى اللي مسكت ايديه تترجاه ببكاء: عشان خاطري ياكريم خلينا نمشي من هنا كفاية اللي انت عملته ارجوك خلينا نمشي
كريم قدام حالة هدى قرر انه يمشي فعلا بس مش قبل مايقول لـ رحيم: بينا كلام مخلصش
رحيم بصله بمنتهى السخرية والاستخفاف .. ثواني وكان كريم وهدى مشيوا من المنطقة كلها .. اما رحيم فـ بصوت جهوري موجة كلامه للناس اللي متجمعة: خلاص ياجدعان المولد انفض كل واحد يشوف حاله اتكلوا على الله يلاااا .. ثواني وكان الكل مشي اما رحيم فـ اتوجه لـ (مسك) يطمن عليها
رحيم بقلق: انتي كويسة يامسك .. حاسه بأية
مسك بعتاب: توك مافتكرت مسك واللي حصل لـ مسك انا بقالي ساعة واقعة على الارض مهنش عليك تيجي تشوف مالي
رحيم بحنق غاضب: لا ثواني بس ثواااااااني دا كل اللي فارق معاكي؟!!!!
قاطعهم صوت سميحة: رحيم ياابني ايه اللي حصل ياحبيبي بتتخانق ليه؟؟ و مع مين اللي ينخفي اسمه اللي بيتخانق معاك
رحيم بهدوء: مفيش ياما مشكلة صغيرة وراحت لحالها
سميحة: ايوه يعني المشكلة دي بسبب مين؟ لا تكون المحروسة خطبتك هي السبب .. ختمت كلامها وهي بتبص لـ مسك بكره
رحيم: اما الله لا يسيئك انا مش ناقص اطلعي على البيت يلا
سميحة بغضب وصوت مرتفع: ايه اطلع للبيت دي؟ هو انا صغيرة هتقولي اعمل ايه ومعملش ايه!
مسك: وحدي الله ياخالتي اسطا رحيم ميقصدش
سميحة بهجوم وعدائية: وانتي مالك انتي؟ ام وابنها .. بتحشري نفسك بينهم ليه؟ مش كفاية البلاوي اللي بتتحدف علينا من يوم الشبكة السوده دي
رحيم بنبرة قاتمة : امااااا لحد هنا وكفاية اتكلي على الله واطلعي البيت يلااا
سميحة بغيظ سابتهم وطلعت بيتها
رحيم بص لمسك اللي كانت واقفة بجمود
وبأسف قال: مسك انا
قاطعته بأشارة من ايديها وقالت: دي تاني مره اتهان قدامك ومن اهل بيتك .. وانا سكت عشان امك ست كبيرة وانا اهلي ربوني على الاصول فـ مش هينفع ارد عليها .. انا شايفة اننا نفضها سيرة ونريح ونستريح
رحيم: تقصدي ايه؟
مسك: نلغي الخطوبة دي ويا دار ما دخلك شر
رحيم: دا لما تشوفي حلمة ودنك .. انا مش هسيبك يامسك ولو بالطبل البلدي .. انا شاريكي يا بنت الناس وهفضل شاريكي .. عايزك تعرفي انك في كافة والدنيا كلها في كافة .. انا لا يمكن استغني عنك ابدااا
مسك: امك واختك مش عاجبهم علاقتنا يارحيم
رحيم: مش مهم انتي هتتجوزيني انا مش هتتجوزي امي واختي
مسك: لو حد فيهم قالي كلمة معجبتنيش بعد كده مش هقدر امسك لساني وهرد بالادب بس كلام يوجع ومش هيعجبك
رحيم: اوعدك ان مفيش حاجة هتحصل تخليكي مضطرة تردي اصلا
مسك: بصراحة كده في موضوع لازم اصارحك بيه وخصوصا قبل كتب الكتاب
رحيم: خير في ايه؟ قلقتيني
مسك: بص يارحيم انا بعمل حاجة هي مش طبيعية بس غصب عني ياخويا اه والله غصب عني
رحيم بنفاذ صبر: مســـــك أخلصي وقولي في ايه بالظبط
مسك بسرعة : انا باكل قشر البرتقان
رحيم برق عيونـه بـ صدمة ومنطقش .. مسك كملت بثقة: بس مش اي برتقان وحياتك في قشر معين باكله بصراحة هو الموضوع يخض دا حتى خالد بيقولي (لما بتعملي ف قشر البرتقان كده هتعملي فياانا ايه) .. انا حبيت اصارحك من الاول وليك ياخويا حرية الخيار
رحيم بغيظ: دا انا ياشيخة اللي هجيب كل الخيار واكسره على نفوحك الوقتي .. وقعتي قلبي وفي الاخر تقوليلي برتقال ومش عارف ايه .. يامستفزة
مسك: الحق عليا اني بصارحك من الوقتي مش احسن ما اغشك
رحيم: ياشيخة ياريتك غشتيني بس بدل النقطة دي يلا يابت عشان نلم فرشتك وتروحي ومش تقاطعيني انهاردة تروحي عشان ترتاحي وتريحي رجلك
ختم كلامة وراح على العربية يقفلها مع مسك .. وبعد ما خلصوا وصل مسك على بيتها ودا بعد ما راح معاها الصيدلية عشان يطمن على رجليها .. وبعدين راح يشوف شغله
_____________
في عربية كريم
ابن الـ***** ازاي يتجرأ ويميد ايده عليا .. مبقاش انا (كريم المنشاوي) ان مخليته يندم على الساعة اللي فكر يمد فيها ايده عليا
دا اللي قاله كريم بمتنهى الغضب وهو سايق عربيته ومعاه هدى اللي قالت بعتاب: مكنتش اتوقع منك تصرف زي ده يا كريم .. طول عمرك متواضع وبتعامل كل الناس كويس اول مره اشوفك بتفتري
كريم بصدمة: بفتري!!!!!! انتي مشوفتيش البني ادم المستفز دا كان بيعمل ايه؟
هدى: لا شوفت وشوفت كويس اوي .. شفت واحد بيحب خطيبته ومش مستحمل عليها الهوى .. شوفت طريقة كلامك معاها من الاول .. و رده عليك في الاول .. كان رد فعل بناءا على كلامك .. انت اللي كبرت الموضوع على مفيش .. متنساش ان احنا كنا زي الناس دي .. الناس الشقيانة واللي طالع عينهم عشان لقمة العيش .. و متنساش اننا من كام سنة كنا زيهم ويمكن اقل .. فاكر لما انت كنت مجرد جرسون في مطعم وانا كنت زيك تمام .. فـ مش بعد ما ربنا اكرمنا وادانا نفتري على خلقة
كريم كلام هدى هزه من جوه .. هل هو فعلا أفترى زي ما هي قالـت؟ هو لحد الوقتي مش عارف هو اتعصب كده ازاي؟ ايه اللي دفعه ان يعمل كده؟!! عمره ما عامل حد بالطريقة دي! وفجأة احساس الذنب سيطر عليه!!!!
______________
في منزل رحيم
امـا (سميحة) فـ طلعت بيتها وهي هتموت من الغيظ وكرهها بيزيد اكتر تجاه (مسـك) فتحت باب الشقة لقت سالي أعده في الصالة راحت أعدت جانبها
سالي بفضول : خير يا ماما ايه اللي حصل؟ رحيم اتخانق مع مين؟ وليه؟
سميحة بغيظ: والنبي ياختي مافهمت حاجة زي ما نزلت زي ماطلعت .. اخوكي ما بردش قلبي وفهمني ايـه اللي حصل؟! بس واضح ان اللي تنخفي اسمها من الدنيا (مسك) هي السبب في الخناقة دي لا و ايه اول ما وجهتلها كلمة اخوكي هب فيـا .. البت دي اكيد سحراله أكيــــد
_____________
في منزل نرجس
نرچس كانت لسه راجعة من شغلها طلعت بيتها هلكانة من التعب .. اول مافتحت الباب ودخلت
نرچس: العواف ياما
والـدة نرچس: الله يعافيكي يـ ضنايا دريتي بـاللي حصل انهارده
نرچس: لا! ايـه اللي حصل
والـدة نرچس: واحد من زباين مـسك اتخانق معاها ورحيم ابن سميحة ضرب الراجل لما عدمه العافية وكانت عاركة كبيرة اوووي
نرچس: يـالهوووي و مـسك جرلها حاجة
والـدة نرچس: لا الحمد لله ربنا سترها رجلها اتملخت بس
نرچس: طب هروح اطمن عليها وارجع
والـدة نرچس: طب ريحي جتتك الاول وغيري هدمتك وبعدين ابقي روحيلها
نرچس وهي بتفتح باب الشقة وهتنزل: لا اطمن عليها الاول وبعدين يحلها حلال
تابع من هنا: جميع فصول رواية رواية احفاد الجارحي بقلم آية محمد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا