مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية مع رواية رومانسية جديدة للكاتبة شيماء عصمت علي موقعنا قصص 26 وموعدنا اليوم مع الفصل العاشر من رواية جحيم حبك بقلم شيماء عصمت
رواية جحيم حبك بقلم شيماء عصمت - الفصل العاشر
رواية جحيم حبك بقلم شيماء عصمت - الفصل العاشر
الشقـة جهزت والعفش اتفرش والليـلة ليلـة العمـر .. الشارع اتزين بالنور والورد وعروستنـا احلى من الكل و هـ تطل بفسـان ابيض زي الفـل وعريسهـا خلاص جاي .. و هـ ياخدهـا من وسط الكل .. والحب والعهد هـ يربح وسط قلـوب مليـانه بـ الكرهه
في شقـة رحيـم .. كـان لسـه جاي من عنـد الحلاق .. ظبط شعـره وفاضـل يلبـس مش أكتـر .. طبعـا بعـد ما أتأكد أن كل تجهيـزات الفـرح تمـام .. الفرح اللي هـ يكـون في الشـارع .. فرح مصـري أصيـل .. بـ النشـارة اللي مرسومـة على الارض .. وفروع النـور المتلونـة والمسـرح الكبيـر اللي عليـه الكوشـه اللي هـ يقعد عليهـا العروسيـن وكراسي المعازيـم والراجـل صاحب الـ "دي جي" .. هيلبـس ويـروح لـ عروستـه اللي بتتزيـن علشانـة في "الكوافيـر"
واقف قدام مرايـته سعيـد سعـادة صعب يوصفهـا .. البـنت الوحيـدة اللي قلبـه دق علشانهـا النهـارده هـ يتقفل عليهـم بـاب واحد .. هيقدر يملى عينـه منهـا هتبقـى ملكـه زي ما هو هـ يكـون ملكهـا قاطع شروده خبط البـاب وبعدين دخول اختـه
رحيـم بـأبتسامة: تعـالي يا سالـي واقفـة عندك كده ليـه
سالـي بسعادة: الف مبـروك يا رحيـم ربنـا يسعدك يا اخويا
رحيـم باس راسهـا وقال: عقبال ليلتك ياحبيبتي
سالـي: ربنـا يخليـك .. أيـه رأيك اروح لـ مسك أساعدها! حرام مش معـاها حد وأكيـد محتاجـه حد يسـاعدهـا!
رحيـم حط ايـده على راسهـا: لا مش سخنـه انتي كويسه يابنتي؟
سالي: رحـيم ماتهزرش انـا بتكلم جد دلوقتي
رحيـم: ماهي المصيبة انك بتتكلمي جد .. من امتى يعني بتهتمي بـ مـسك؟
سالـي: من وقت ماعرفت انت قد ايـه بتحبهـا وانهـا خلاص بقت مراتك والمفروض احترمهـا و أحاول أحبهـا عشـان خاطر سعادتـك انت .. يارحيم انت كل حاجة ليـا .. وأنا مـا قعدتش مع بابـا قد ما قعدت معاك ربنـا يخليك ليـا يارب وميحرمنيـش منك أبدك
رحيـم ضمهـا بحنـان: ويخليكي ليـا ياست البنـات وتفضلي عاقلـة كـده
سالـي: المهم اروحلهـا؟! .. ولا بلاش يمكن تزعل!
رحيـم: لا روحي مـسك مفيش اطيب منهـا حاولي تقربي منهـا انتـوا الاتنين غالين عندي ويهمني ان علاقتكم بـ بعض تكون كويسـة
سـالي خلصت كلامهـا مع رحيـم وبـ الفعل اتوجهت على بيت مـسك وهتفح معـاها صفحة جديـدة كلـه يهون علشـان خاطر أخوهـا "رحيـم"
..................... جحيم حبك بـ قلمي "شيماء عصمت"
في الكوافيـر "صـالون التجميـل"
مـسك بزهق: انتي بتعملي ايـه يا سماح؟! و ايـه اللي عماله تدهنيه علي خلقتي ده "تقصد وجهها"
سماح الكوافيرة "الميكب ارتست" : اتهدي بقـا يابت يامسك انتي مش عروسة لازم تنوري كـده
مـسك: يادي النيلـه ايـه حكايـة النور معاكي انتي والبت نرچس؟ هي الكهرباء قاطعـه عندكم ولا أيه
نرچس من جانبهـا: هاهاهـا ما انتي حلـوه وبتهزري اهو
مـسك: افضلي اتريقي لحد مـا اقوم اجيبك من شعرك اللي فرحانـه بيـه ده
نرچس: يا بـااي على الحقد
مـسك: يابت هـ أقوملك
نرچس بـ أستفزاز: لو جدعـة قومي
مـسك لسـه هـ تقوم منعتهـا "سماح": والنبي ما انتي قايمـه خلينا نخلص عشـان تلحقي ليلتـك .. أسطا رحيـم دافع و مكلف .. وانتي يانرجس اهدي شويـة يااختي
دقائق بـتمر و مـسك خلصت زينتهـا ولبست فستانهـا وحجابهـا اللي ضاف لـ جمالهـا .. و منتظرة وصـول رحيـم .. رحيـم اللي كان خلص لبسـه ولسـه هيخرج من بيتـه ويروح لـ مسكُ بـس اللي منعـه تليفـون صغيـر وصلـه هـ يقلب سعاتـه لـ جحيـم حبـه
...............جحيم حبك بـ قلمي "شيماء عصمت"
في بيت "هدى المنشاوي"
كانـت قاعـدة في أوضتهـا .. بتسمـع أغنيـة أجنبيـة وقدمهـا لوحة بترسمهـا .. لـ ملامح عشقتهـا وحفظتهـا ، ملامح رجوليـة لـ فارس سكن احلامهـا .. بس الاحلام تفضل أحلام ويصعب تحققهـا .. ولكـن الايمـان والامـل يصنع المعجزات .. قاطع أنسجامهـا صوت فتح البـاب ودخول والدتهـا .. بـ سرعة خبت لوحتهـا
ألفـت بـ أبتسامة "والـدة هدى" : حبيبة مـامـا بتعمل ايـه
هدى: ابداً يا ماما كنت بسمع اغاني
ألفـت: وبـس!!
هدى بـ توتـر: وبرسم . هو في حاجة يا مـامـا؟!!
ألفـت بـ حزن : في أن حالك مش عجبني ، هـ تفصلي كـده لحـد أمتى؟
هدى بتهرب: كـده ازاي؟ انـا مش فاهمـة حضرتك
ألفـت بتوبيخ: عيب تبقي كبيـرة كـده وتكذبي .. لـحد أمتى هـ تفضلي منتظرة حد مش شايفـك أصلا يا هدى؟!!
هدى بقلق: تقصدي ميـن ياماما؟
ألفـت بـ حنان: أقصد كريـم .. كريـم اللي موقفة حيـاتك كلهـا عشانـه وهو للأسف شايفـك بنت عمـه وبـس! هـ تفضلي لحـد أمتى معلقـة نفسك بـ حبـال دايبـة؟!!
هدى الدمـوع لمعت في عنيهـا ومقدرتـش ترد على والدتهـا لأنهـا بـ بساطة معندهـاش أجابات للأسئلة دي! هي اساسا مش عارفة لحـد أمتى هـ تفضل منتظـرة كريـم!!
ألفـت قربت منهـا و بـ حنان ام ضمتهـا لـ حضنهـا .. هدى بكت من كل قلبهـا
ألفـت بـ حزن: يا حبيبتي أنـا خايفة عليكي انتي ألف واحد يتمناكي انتي بس اللي مركزة مع كريم .. أنـا خايفة يجي يـوم وتكرهيه وتكرهي حبـك ليـه لمـا تلاقيـه قـرر يرتبط بـ واحدة غيـرك .. ألحقي نفسك قبل فوات الأوان .. شوفي حياتـك وخرجي نفسـك بره دايرة كريـم .. فهمانـي ياهدى
هدى بـ حزن وألـم: فهمـاكي يا ماما .. فهمـاكي
.....................جحيم حبك بـ قلمي "شيماء عصمت"
قبـل وصول الاتصـال التليفـوني لـ رحيـم بـ حوالي سـاعة ..
سـالي وصلت لـ شقـة مـسك .. الاغاني كانـت شغالة بصوت عـالي جدا صعب ان حد يسمع التاني .. طلعت ووقفت قدام بـاب الشقـة .. خبطت مره وراء التانيـة منتظرة حد يفتح .. دقيقـة في أتنين البـاب أتفتح
واللي فتـح كـان خالـد اللي بـ أستغراب قال
خالـد بـ أستغراب : أنسـه سـالي! خيـر في حاجة؟
سـالي بـ أحراج : ابدا مفيـش انـا بس كنت جايـه أساعد مـسك يمكن تحتاج حاجة
خالـد: للأسف مـسك مش هنـا هي عنـد الكوافيـرة بتجهز للفرح أتفضلي أدخلي أستنيهـا جـوه هي خلاص على وصول
سـالي وقفت حيرانه بين أنهـا تدخل او تروح بيتهـا أحسن! بس افتكرت رحيـم وكلامهـا ليـه و أنهـا هـ تصلح علاقتهـا بـ مـسك فـ دخلت وقعدت على كرسي من الموجوديـن
خالـد بـ أبتسامة: تشربي أيـه
سـالي: لا شكرا مش عايـزة حاجة
خالـد قرب منهـا: لا طبعـا لازم تشربي وبعدين دي تعتبـر أول مره تدخلي بيتنا ولا ايـه؟!
........................
أمـا في الوقـت الحالي .. عنـد رحيـم كـان بيجري زي المجنـون وبكـل سرعتـه في أتجـاه بيـت (مـسك) .. لسـه صوت صرخاتها بيرن في ودنـه .. عقلة بيرسم أبشع السيناريوهات قلبـه بيدق بسـرعة جنونيـه .. أخيرا وصل قصاد البيت بـ سرعة طلع لـ شقـة مـسك وبعنف خبط بـاب الشقة مره واتنين وتلاتـه لـ غاية ما انفتح واتصـدم من اللي شافـه ...
..................
في شقـة أبراهيم عدوي .. داخل غرفـة "سهر"
سهر كانت في حالة هستريـة جنونيـة ..
كل الانتيكات مكسراهـا اي حاجة قصادهـا بتدمرهـا .. وشهـا مليـان دموع وبقى شكلـه مرعب من مساحيق التجميـل اللي دابت على وشهـا من دموعهـا ..
سهر بهمس جنوني لنفسهـا: خلاص هيبقى ليهـا .. رحيـم هـ يتجوز انهـارده هـ يعيش مع واحـدة غيـرة هـ يلمسهـا .. ازاي دا يحصـل ليـه بعد كل محاولاتي اني ابعدهم عن بعض افشل ليه مصمم انه يتجوزهـا!!.
هي احسن مني فـ أيه؟ فيهـا ايـه زيادة عني عشـان يختارهـا هي ويسبني انـا .. فيهـــااا ايـه احسن مني !!..
انـا احلى منهـا وأغنى عنهـا ودارسـة اكتر منهـا ليــه يتجوزهـا هي ويسبني انـا؟ دا انـا بحبـه بحبه من اول ماعرفت يعني ايـه حب! هو شايفني قبلهـا وعرفني قبل ما يعرفهـا .. دا انا رفضت اي حد اتقدملي عشانـه ويااااريته حاسس ياريته مقدر ياريته حبني .. ليـه اتعذب في حبـه وهي تتهنى بيـه لييييييه ليييــه؟!!!
خلصت كلامهـا ورمت نفسهـا على سريرهـا تبكي بمرار وألم .. تبكي جحيم حب .. حب من طرف واحد .. حب بسببه تجاوزت الحدود .. حب عشانـه هـ تخسر نفسهـا!!
..................
في صالـون التجميل القابع فـي نهـاية حـارة مـسك ...
سمـاح: كـده كلـه تمـام
مـسك: ياااااه اخيـرا خلصنـا
نرچس: يااختي ايه الراحة دي هو احنـا كنـا بنشغلك في الفاعل ماانتي قاعـدة زي الهانـم اهو
مـسك بـ تحذير: انتي لو عايزة تنضربي قولي وانـا مش هـتأخر
سمـاح: والله العظيم انتوا ولا العيـال الصغيرة
مـسك: يعني مش شايفه بتعمل ايه؟ ما علينـا .. هاتي يابنتي الجزمـة اللي هـ ألبسهـا ولا هـ مشي حافيـة الليلة دي
نرچس: هي الجزمة مش معـاكي؟
مـسك: لا مش معايـا انتي مجبتهاش؟
نرچس: باين والله اعلـم كده اني نسيتهـا
مـسك بصت بغيظ لـ سمـاح وقالت: تستاهل الضرب ولا انـا بفتري عليهـا
سماح: لا بـ صراحة تستاهل
نرچس بـ درامة : اتكتروا عليـا بقى اكمني غلبانـه و وحدانيـه اهئ اهئ اهئ
مـسك: خلصتي تمثيل؟ روحي بقى زي الشاطرة هاتي الجزمـة من الشقـة عندي هـ تلاقي خالـد هناك خديهـا منه وتعالي
نرچس: فوريره واكون عندك
...............جحيم حبك بـ قلمي "شيماء عصمت"
إمـا في شقـة مـسك
رحـيم وقف ثوانـي مذهول من اللي شايفـه قصـاد عينـه أختـه واقعـة على الارض حجابهـا مش موجود .. خصلات شعرهـا ظاهرة .. الهدوم اللي لبساهـا مقطعـة وفوق كل ده خالـد فوقيهـا!
بسرعـة قرب منهـا وبعنف شديد رمى خالد من عليهـا .. وابتدأ يضربهـ بجنون اتلبسه ..
رحيم بغضب: بتعمل ايـه ياكلب يانـ*س بتعمممل ايــه ... هـ موتك يا وسـ* هـ قتلك
...................
في الوقـت اللي رحيـم كان بيضرب خالـد فيه هو نفس الوقت اللي نرچس وصلت فيـه لـ بيت مسك في الاول كانت عايزة تنادي على خالـد من الشارع ولكـن (الـ دي جي) كان شغـال وصوت الاغاني عالي جدا فـ صعب ان خالـد يسمعهـا .. طلعت السلم ووصلت عند شقـة مـسك ولسـه هـ تخبطت اتفاجئت بـ البـاب مفتوح والصدمـة الحقيقيـة هو منظر "سالـي" المتبهـدل ورحيم اللي بيضرب "خالـد" بـ سرعة جريت على جـوه وحاولت بـ كل مافيهـا تسلك مابينهـم بس قصاد قوه رحيـم مقدرتش .. امـا خالد فـ كان غرقان في دمـه وسالي قاعدة في ركن بتبكي بـكاء هستيري .. نرچس صوتت بس محدش سمعهـا وفي نفس الوقت خافت من الفضايح نزلت جري على "الكوافيـر" تنادي "مـسك" هي الوحيـدة اللي تقـدر توقف المصيبـة دي
إمـا عنـد "مـسك" كانت قاعدة قلقانـة قلق مش عارفة أيـه سببه .. طلعت تليفونهـا ورنت على خالـد مره واتنين وعشرة بس محدش بيرد .. خافت اكتر وقلقهـا زاد قاطع شرودها دخول نرچس فجأة ودموعهـا مغرقة وشهـا
مـسك بـ خوف: مالك يا نرچس بتعيطي ليـه يابت
نرچس بـ بكـاء: ألحقي أخوكي يا مـسك رحيـم هـ يقتلـه
مـسك مستنتش تفهم منهـا أيـه اللي حصل .. في ثواني كانت بـ تجري بـره الصالـون وفي طريقهـا لـ شقتهـا .. بتجري بـ فسـتان فرحهـا وحافيـه القدميـن .. وبتدعى من كل قلبهـا ربنـا يحمي أخوهـا و .. وجوزهـا
اهـل الحارة كانـوا مستغربيـن منظر مـسك وهي بتجري بـ فستانهـا والفضول هـ يقتلهم
أخيـرا مـسك وصلت لـ شقتهـا
شهقت بـ ذهول من منظر سـالي المتبهدل واللي صدمهـا اخوهـا اللي غرقان في دمـه ورحيم نازل فيـه ضرب .. بـ سرعة جريت تلحق اخوهـا اللي تقريبـا قاطع النفس
مـسك وهي بتبعد رحيم عن خالـد: رحيـــم انت بتعمل ايـه سيبه .. سيب أخويـا هـ يموت في أيدك حرام عليــك رحيـــم
رحيم رمى خالـد على الارض وكأنه بيـرمى شيء بالي .. وبغضب العالم كله قـال: أخوكي الوسـ* ده انهـا هطلع عيـنه وديني لـ أكون محسره على عمره
مـسك زقته بعنف ونزلت جنب خالد اللي وشه مفهوش حتـه سليمـه
مـسك بـ بكاء : أنت مجنـون ازاي تعمل فيـه كده ازااااي عمـري ما هـ اسامحك يارحيم عمـري
رحيم بغضب: أنـا اللي عمري ما هـ اسامحه وباللي عمله انهـارده فتح على نفسـه ابواب جهنم ومحدش هـ يرحمه مني حتى انتي يا مـسك
مـسك: خالـد .. خالـد فتح عيونك ياحبيبي .. ليـه كده يا رحيم ليــه تعمل فيه كده انت عارف اني مليش غيـره
رحيـم: اسكتي خالص مش عايز اسمع اللي انتي بتقوليه ده انتي مش فاهمة الكـ*لـب ده عمل ايه مـش عـارفـــة
قرب من اخته وخلع چاكيت البدله يداري بيه جسمهـا وسحب طرحتهـا من الارض وغطى شعرهـا بـ عشوائية
رحيـم بـ قسوة رجع لـ مـسك ومعاه سـالي المنهـارة: شايفـة اخوكي عمل ايه في اختي؟ شايفة ابن الـ**** كان عايز يعمل فيهـا ايـه؟ شايفـة بـ سببه اختي حالتهـا عاملـه ازاي
مـسك بـ صدمـة: انت .. اانت قصدك ايه يا رحيـم؟ تقصـد ان خالـد هـو اللي عمـل في سـالي كده
رحـيم: انتي مش فاهمة بجد ولا بتستعبطي هـ يكون من غيرة يعني .. اخوكي كان هـ يغتصب اختي يا مـسك
مـسك بـ رفض قاطع: مستحيــل خالـد لا يمكن يعمل .. لا يمكـن صدقني ..
اخر كلمـة قالتهـا كانت بـ رجاء .. رجاء انـه يسمعهـا ويصدقهـا .. خالـد مش بس أخوهـا دا اكتر من ابنهـا .. خالـد هي معلماه شرع ربنـا .. خالـد اللي حافظ كتـاب الله .. خالـد اللي بيصلي الفرض بـ فرضـه .. خالـد اللي مبيرفعش عينـه في عيـن اي واحدة .. ازاي دلوقتي يجي رحيـم ويقول انه حاول يعتدي على اختـه؟!!
رحيم بجنون: انتي لسه بـ تدافعي عنه؟ انتي شايفة حالتها عامله ازاي؟ شايفة هدومها المقطعة؟ شايفة الجروح اللي على جسمها؟ طب مش شايفة الجروح اللي في رقبت اخوكي؟ انتي ازاي قادرة تدفعي عنه؟ ازااااااااي
مسك بقوة: قادرة ادافع عنه لانه اخويا .. ابن امي وابويا .. ابن الحج عبدالرحمن تربيتي يارحيم
رحيم بغضب: تربية و**** .. صحيح هستنى ايه من تربيه واحده ليل نهار في الشارع
مـسك بـ صلابـة: والله انا مضحكتش عليك ولا غشيتك انت طالبني وانا واقفة .. واقفة بشتغل وبـشقى وبتعب عشان لقمـة العيش مكنتش بدلع ولا حاجة .. واظن ان محدش ضربك على ايدك عشان تتجوزني ولا ايه يا أسطا رحـيم
رحيـم بـ غضب: غلطـة ارتكبتهـا وندمان عليهـا واخوكي انا مش هـسيبه
ختم كلامة ورجع لـ خالـد يضرب فيه من تاني .. خالـد اللي مش واعي لـ كل اللي بـ يحصل حواليـه لانه وبـبساطة فقد الوعي من هجوم رحيـم عليه
مـسك وقفت قدام رحـيم بـ رفض يقرب من اخوها
مـسك: مش هـسمحلك تمد ايدك عليه تاني .. انا اخويـا معملش حاجة .. اختـك هي اللي كدابـة يا رحـيم
في اللحظة دي سـالي خرجت عن سكوتهـا واكتفت من بكاءهـا
سـالي بـ شراسة وانهيـار: انتي ازاي تقولي اني كدابة؟ للدرجة دي بتهكرهيني؟ انتي مش شايقه حالتي عاملة ازاي؟ اتقي الله وقولي كلمة حق دا منظر واحدة بتكدب؟ واصلا في حد يكذب في حاجة زي دي؟ مش هـ خاف على سمعتي وشرفي .. شرفي اللي اخوكي كان هيدوس عليه بـ جزمتـه .. دا جزاتي اني جاية افتح معاكي صفحة جديدة؟ جزاتي اني حاولت اقرب منك؟ انا كان عندي حق من الاول انتي متنفعيش رحيـم متنفعهوش ابدا
مـسك: اولا وانتي بتكلميني توطي صوتك انا مش طارشة وقادرة اسمعك واه انتي كدابة وكدابة كبيرة كمان وتمثيلك ده مش هـ يخيل عليا .. اخوكي لو اعمى ومش شايف كذبك فـ أنـا مش زيـ
قاطع كلامهـا صفعة رحيـم ليهـا
تابع من هنا: جميع فصول رواية رواية احفاد الجارحي بقلم آية محمد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا