مرحباً بكم أصدقائي وأحبابي عاشقي القراءة وأجمل الروايات الممتعة والروايات الرومانسية مع رواية رومانسية جديدة للكاتبة شيماء عصمت علي موقعنا قصص 26 وموعدنا اليوم مع الفصل الرابع عشر من رواية جحيم حبك بقلم شيماء عصمت
رواية جحيم حبك بقلم شيماء عصمت - الفصل الرابع عشر
رواية جحيم حبك بقلم شيماء عصمت - الفصل الرابع عشر
"في شقـة أبراهيم عدوي"
سهر طلعت بـ سرعة من أوضتهـا واتوجهت لـ غرفـة والدهـا وهي منهارة من العياط بعد ماعرفت ان البوليس قبض على رحيم
سهر بـ أنهيـار: ألحقني يا بابا
أبراهيم بـ قلق ورعب من منظر بنته الوحيدة: في ايـه ياقلب أبوكي بتعيطي كده ليـه
سهر بـ شهقات بكاء: رحيم اتسجن يابابا رحيم قبضوا عليـه متهمينـه في قتل خالد بس هو اكيد بريء أكيــد .. اعمل اي حاجة يابابا عشان خاطري اعمل اي حاجة وطلعـه رحيم لو جراله حاجة وبعد عني هـ موت يا بابا هـ مــــوت
أبراهيم كان مذهول من حالة بنته .. مش مستوعب هي بـ تعمل كده ليـه؟!!!
أبراهيم بعدم فهم: وانتي مالك بـ رحيـم يا سهـر؟ عاملـه في نفسك علشانـه كده ليـه
سهـر بـ صراخ: عشـان بحبـه يا بابا ، بحبـه من وقت ما وعيت على الدنيـا ، من لمـا عرفت يعني ايـه حب من وقت ما كنت انت بتحكي عن رحيم وأخلاق رحيم وجدعنـه رحيم .. حبيته من كلامك عليـه ، حبيته وكنت مستنيـه اليوم اللي يحبني فيـه بس محبنيش .. وحب وارتبط بـ واحدة غيـري صبرت واتستحملت عشان سعادته وراحتـه اهم عندي من اي حاجة في الدنيـا ، حضرت وشوفت بـ عيوني وهو بـ يكتب كتابـه على واحدة غيـري ، وبعـد ما اتمنيت أسمي يتكتب علي أسمـه شوفت بـ عيوني وواحدة تانيـة بـ تاخدة مني .. بكيت كتير وأتعذبت ، أكتر دعيت ربنا من كل قلبي يا يشيل حبـه من قلبي يا يخليـه من نصيبي
وحصلت المعجزة وطلق مـسك من غيـر اي تدخل مني وكأن ربنـا بـ يكافئني على صبري
بس دلوقتي هـ يروح مني للأبد ومش هـ أقدر ارجعة ليا .. انـا لو مش اتجوزت رحيـم عمري ما هـ أتجوز .. اتصرف يا بابا ورحمة ماما رجعلي رحيم ..
أبراهيم ولانـها بنتـه الوحيدة ونقطه ضعفـه قال: حاضر يابنتي حاضر
.....................
في صبـاح اليوم التالي فـ المستشفى
"خالـد" خرج من العمليـات وأتنقل لـ أوضة عاديـة و "مسك" كانت قاعدة في الـكرسي جنب سريرة ومنتظراه يفوق ومش هي لـوحدهـا
لا وكمان البوليـس اللي منتظر عشان يسمع اقوالـه و يعرفوا ايـه وضع رحيم وهل هو الجاني فعلا ام لا؟!!
....
"رحيـم" اللي فضل ليلتـه كلهـا في الزنزانة .. مكنش فارق معاه وجوده بين اربع حيطان .. بيدعي من كل قلبـه "خالـد" يفوق مش حبـاً فيـه ولا حتى عشـان يطلع من الورطة اللي اتحط فيهـا .. أنما عشان "مـسك" اللي متأكد ان لو خالـد جراله حاجة هـ يخسرهـا للابد
افكار كتير كانت شغلاه .. وكل اللي حصل في الفترة اللي فاتت بيفكر فيـه وفي كل التفاصيل .. وبعد تفكير طويل ومجهد وصل لـ حقيقة اتمنى من كل قلبـه انهـا تكون غلط .. حقيقة قلبـه رافض تماماً انـه يصدقهـا بس المنطق والعقل بـ يقول كده ألا وهي ، ان يا أمـا سـالي بـ تكذب أو مضطرة تكذب كذبـة زي دي وفي الحالتين الاحتمالين أسوء من بعض!
فـاق من شروده على صوت العسكري وهو بينادي عليـه
العسكري: رحـيم أحمد الشرقاوي
رحيـم: أيوه
العسكري: قوم يابني حضرت الظابط عايزك
رحيم قام ومشي معـاه وصله لـ مكتب الظابط وهنـاك اتفاجئ بـ المعلم أبراهيم عدوي ومعـاه شخص كمان واللي رحيـم عرف بعدين انـه المحامي
أبراهيم حضن رحيـم بـ حنان ابوي صادق: ازمة وتعدي ان شاء الله شد حيلك يابني
رحيم بـ هدوء: ان شاء الله ياحج
قعدوا على الكراسي الموجودين
المحامي: استاذ رحيـم قولي ايـه ملابسات الحادثة بـ الظبط عشان اقدر اساعدك
رحيـم: ملهوش لزوم تتعب نفسك كلها كام ساعة وخالد يفوق واطلع من هنا .. وجه كلامه لـ أبراهيم: انا معملتش حاجة ياحج الموضوع كله سوء تفاهم مش اكتر
المحامي: استاد رحيم لو خايف تتكلم معايا فـ أطمن انت موكلي ولا يمكـن اطلع كلامك بره
رحـيم: يا متر انا فعلا معملتش حاجة وخلال ساعات هـ تتأكد بنفسك
رحيم لـ أبراهيم: اهم حاجة تطمن امي عليا ياحج ، زمانـها قلقانـه عليـا
.....................
سهـر أول مـا أبوهـا خرج من البيت ودا بعد ما طمنهـا انـه هـ يقف جنب رحيـم وانـه هـ يروحله القسم ومعـاه المحامي
لبست لبس اسود كئيب زي سواد أيامهـا!!
واتعمدت تخلى وشهـا خالي من اي مساحيق تجميل .. واتوجهت لـ بيت رحيم!
.....................
"في المستشفى"
نرچس وصلـت ومعـاهـا والدتهـا وكمان اكل لـ خالـد ومسك وهدوم كمـان
والـدة نرچس: الف سلامة عليـه يا مـسك يابنتي بأذن الله يقوم بـ السلامة ويبقى احسن من الاول منه لله اللي كان السبب
مـسك: الله يسلمك ياخالتي تعالى اقعدي اكيد تعبتي من المشوار
والـدة نرچس قعدت فعلا اما بنتهـا فـ قربت من مـسك وقالت
نرچس: خدي مفاتيح الشقة اهي والاكل كمان عملت اللي قولتيلي عليـه وزيادة شوية
وكملت بـ دموع لمعت في عنيهـا: المهم سي خالـد عامل ايه؟ قوليلي الحقيقة يا مسك الدكتور قالك ايـه؟
مسك طبطبت عليهـا تطمنها: متقلقيش هو الحمد لله كويس والدكتور طمني عليـه ربنا رأف بـ حالي ونجاه ومن اللي هو فيه الف حمد وشكر ليـك يارب
نرچس: الحمدلله ، الحمدلله بس هو ليه لسـه ما فاق من امبارح
مـسك: من تأثير البنج مش اكتر شوية كده وهـ يكون فاق الدكتور قالي كده .. المهم تعالي معايا عايزة اغير الهدوم اللي مليانه دم دي
نرجس: طب تعالى اشوفلك الحمام فين واستناكي بره بس صحيح معرفتيش ايه اللي حصل مع اللي ينشك في زوره رحيـم
مـسك: عرفت
نرچس بـ أستغراب: مين اللي قالك؟
مـسك: محدش شوفت بـ عيوني اسكتي بقا وخلينا نخلص
.....................
"في مطعم كريم"
هدى دخلت مكتب كريم بـ غضب ومن غير أذن
هدى بـ غضب: ممكن افهم يا استاذ يامحترم ايه اللي انت عملته امبارح ده؟
كريم بـ برود مقصود: عملت ايـه امبارح؟ حقيقي مش فاكر
هدى: كريم بطل استعباط ايه اللي خلاك تطلب ايدي من بابا؟ تقصد ايـه بـ الحركة دي؟ لا وكمان اجبرتني اقرأ الفاتحة!!!
كريم بـ نفس البرود: والله انا لقيتك هـ تعنسي فـ قولت اكسب فيكي ثواب واتجوزك
هدى بـ غضب: لا والله! دا انت بـ تستظرف بقى
كريم: عيب ياانسـة يامحترمة تكلمي خطيبك الحالي وجوزك المستقبلي بـ الطريقة دي
هدى: يوووووه انت قاصد تعصبني ، كريم انت تروح لـ بابا ودلوقتي حالا والمسرحية اللي عملتها امبارح تنهيها انهارده
كريم قام من على مكتبة وراح عند هدى ووقف قصدها
كريم بـ هدوء: ممكن اعرف انتي متضايقة من اللي انا عملته ليـه؟ انا معملتش حاجة غلطت انا طلبتك على سنة الله ورسوله وعمي وافق وكمان مرات عمي
هدى: بس .. بس انا مش موافقة
كريم: ليـه؟ انتي على علاقة بحد تاني
هدي بـ غضب: كريم انا مسمحلكش .. اكيد لا .. انا متربية كويس
كريم: طب ما انا عارف انك متربية ولا مكنتش قررت انك تكوني على اسمي ، المهم تحبي نعمل خطوبتنا فين؟
هدى: انت اكيد مش طبيعي
كريم: اللي انتي بتعمليه ده ملهوش لازمة انا قررت اتجوزك وهـ اتجوزك فـ زي الشاطرة كده روح جهزي نفسك لـ فرحنا يا .. يا عروستي
ورغم الحالة اللي هدى فيها وكأنها رافضة تصدق ان حلم فكرته مستحيل بيتحقق بس حاسه بـ سعادة خايفة تحسد نفسها عليها سعادة رافضة تبينهـا وكأنها مستنية تتأكد من كلام كريم! مستنية تشوف لهفته وحبه ليهـا مستنية حاجات كتير منه ما شافتش منها للأن غير التحدي وكأنه داخل مسابقة عايز يربحها مش حباً فيهـا و دا كاسر قلبهـا بس مش يمكن دي بدايـة الطريق لـ قلبه؟!!
.....................
"في شقة رحيـم"
سميحـة كانت قاعدة تندب حظهـا وحظ ابنهـا ومش عارفة تعمل ايـه؟ وتجيب لـ رحيـم محامي منين؟
سمعت صوت خبط الباب قامت فتحت وأتفاجئت بـ سهر
سميحـة: اهلا يابنتي يا ألف خطوة عزيزة تعالى اتفضلي
سهر: شكرا يا طنط
وبعد ما دخلوا وقعدوا
سميحـة: خير يابنتي لبسه اسود ليه بعيد الشر
سهر بـ دموع: هو في شر اكتر من اللي فيه رحيم .. اأقصد استاذ رحـيم
سميحـة: شفتي الغم اللي احنا فيه البت والواد الحيلة بـ يروحوا مني وكل ده بسبب النحس اللي أسمها "مـسك" منهـا لله هي واخوها ربنا على الظالم
سهر: متقلقيش ياطنط رحيـم هـ يطلع من الورطة اللي مـسك وأخوها حطوه فيها انا طلبت من بابا ياخد محامي لـ رحيـم وزمانهم قاعدين معاه دلوقتي
سميحـة: ربنا ما يحرمنا منك ولا من المعلم أبراهيم انا مش عارفة من غيركم كنا عملنا ايه
سهر: متقوليش كده ياطنط دا احنا اهل
سميحـة: واكتر يابنتي دا انتي في غلاوة رحيـم و سالـي
سهر: بـ مناسبة سـالي هي فين من وقت ما جيت ما شوفتها
سميحـة: ياكبدي عليها في اوضتها مموته نفسها من العياط
سهر: تسمحيلي ادخلها
سميحـة: طبعا اتفضلي البيت بيتك
سهر فعلا دخلت لـ سـالي وسميحة سابتهم لوحدهم
سـالي بـ غضب: انتي ليكي عين تيجي هنا بعد كل اللي عملتيه فينا
سهر بـ برود: وهو انا عملت ايه؟ ومتنسيش نفسك وانتي بـ تتكلمي معايا
سـالي: انتي ايه يا شيخة شيطانة اتقي الله وابعدي عني وعن اخويا خدي شرك بعيد عننا وزي ما كنتي السبب ان اخويا يوصل لـ درجة القتل تطلعيه منها لأما ورحمة ابويا اكون مبلغه عنك وفضحاكي في كل المنطقة
سهر: هههههه شكلك ناسيه انك كنتي معايا ومن البداية ولولا مساعدتك ليا مكنش اخوكي وصل للي هو فيه دلوقتي يعني انتي غلطانة زيي ويمكن اكتر
سـالي بـ قهر: بس انتي اللي اجبرتيني ، انتي السبب .. انا بكرهك وعمري ما كرهت حد زي ما كرهتك و "مسك" بياعة الكبدة طلعت احسن منك مليون مره ودلوقتي عرفت هو حبها ليه ومحبكيش انتي ليه .. لانك قصادها ولا حاجة وبكره لما ربنا ينجيه ويرجع لـ بيته هـ أحكيله علي كل حاجة ويرحعلها
سهر قربت عليها بـ همجية ومسكتها من رقبتها تخنقها
سهر بـ وعيد: أبقى جربي تفتحي بوقك الحلو ده ولو بـ كلمة واحدة لـ رحـيم او لاي مخلوق خلقه ربنا .. ووقتها ورحمه امي اللي ما بحلف بيها كذب لـ صورك هـ تكون مغرقة تليفونات الحاره من اصغير عيل لـ اكبر راجل ودا غير الانترنت اللي هـ يخليكي اشهر من نار على العلم فاهمة ياحلوة
سـالي دموعها نزلت بـ ضعف وزل عمرها ما كانت تتخيل ان سهر بـ السواد ده
.....................
"في المستشفى"
خالـد فاق وسط فرحة وسعادة كبيرة من "مـسك" اللي اول ما فتح عيونه سجدت شكر لله ونرجس اللي دموعها نزلت من الفرحة وكلمات بتقولها مش مفهومة .. ودعوات والـدة نرچس بـ الشفاء العاجل
وبعد ما اطمنوا عليه الدكتور سمح لـ ظباط الشرطة أخد اقوال خالـد
خالـد اللي قال كل حاجة حصلت معاه وان "زغلـول" هو اللي ضربـه
بس ما قال سبب الخناقة ودا لانها تخص سمعه اخته ولما أتسأل على رحيـم رد و قال
خالد: رحيـم! انا اصلا مشفتهوش
وبناءاً عليـه رحيـم بعد عمل الاجراءات الازمة خرج من السجن وراح على بيته
ونرجس و والدتها اضطروا يمشوا عشان نرچس تروح شغلها
..................
مـسك بـ سعادة: الحمد لله على سلامتك ياقلب أختك
خالـد: الله يسلمك يا حبيبتي
مـسك: قولي في حاجة بـ توجعك اجيب الدكتور يشوفك
خالـد: اطمني يا مـسك انا كويس والله
مـسك: الحمد لله انت مش عارف انا كنت عامله ازاي من غيرك
خالـد: كنتي عاملة ازاي
مـسك بـ مشاكسة: في منتهى الهدوء والله
خالـد: هههه اه مش قادر حرام عليكي
مـسك: المهم قولي مين عمل فيك كده وليه يا خالد؟ دي اول مره تتخانق مع حد
خالـد بـ غضب: ومش هـ تكون الاخيرة طول ما الموضوع يخصك
مـسك بـ هدوء: انا كفيلة اخد حقي بـنفسي بس من امتى وانت بلطجي كده؟!! انت متخيل لو كنت روحت مني كان هـ يحصلي ايه لو مش خايف على نفسك خاف عليا يا خالـد
خالـد: انا اسف اني بوجعك كل مره زيادة ، اسف انك اتحملتي كل اللي فات بسببي ، اسف على كل حاجة يا مـسك .. انتي لحد دلوقتي ما سألتيني ايه اللي حصل يوم فرحك
مـسك: مش محتاجة اسأل انا واثقة فيك
خالـد بـ اصرار: عارف بس بردو لازم تسمعي مني ايه اللي حصل
يومها اتفاجئت بـ سـالي بتخبط على بابنا فتحت ليها سألتني عنك عشان تساعدك لو محتاجه حاجة .. الصراحة استغربت بس قولتلها انك في الكوافير وعلى وصول وطلبت منها تيجي تستناكي جوه وقبل ما تعترضي انا سبت باب الشقة مفتوح وعرضت عليها تشرب حاجة دخلت المطبخ وعلى ماعملت ليها عصير وخرجت للصالة لقيتها مرمية في الارض وباب الشقة مقفول وهي هدومها متقطعة جريت عليها اشوف فيها ايه شدتني وقعت عليها وفي ثانية لقيت رحيم بيكسر باب الشقة والباقي انتي عرفاه
مـسك: مكنتش مضطر تحكيلي حاجة انا عارفاك كويس يا خالد وبردو عارفة اخت رحيم كويس .. الحمد لله كل اللي ربنا يجيبه خير
خالـد بـ أستغراب: اللي انا مستغربة هي ازاي تكذب كذبة زي دي؟! ازاي تشوه سمعتها بـ نفسها ازاااي اصلا رحيـم يصدقها
مـسك: عشان الطبيعي انه يصدقها زي ما انا صدقتك
خالـد: بس انا صادق انما هي لا
مـسك: بس هي اخته اللي تعب طول عمره عشانها صعب انه يستوعب انها تكذب كدبة زي دي
خالـد بـ مكر: افهم من كده انك سامحتيه
مـسك بـ ابتسامة هادئة: في حاجات كتير اتكسرت بيني وبينه مش بسهولة اسامحة عليها وبعدين خلاص احنا اطلقنا
خالـد بـ صدمة: أيــه!!
مـسك: رحيـم طلقني غيابي
خالد: الـحيوان
مسـك: احترم نفسك يابني مهما كان دا اكبر منك المهم جاهز نروح بتنا ولا نستنى في المستشفى؟!
خالـد: نروح بتنا احسن
.....................
رحيم وصل بيته اللي اول ما فتح الشقة سميحـة جريت عليه بلهفة وعدم تصديق انه قصادها
سميحـة بسعادة: الف حمدالله على سلامتك يانور عيني انت طلعت ازاي؟ اكيد المعلم ابراهيم السبب
رحيـم: لا خالـد اللي طلعني
ساب سميحـة في استغربها ودخل اوضه اخته وقفل الباب عليهم
سـالي جريت عليه ولسه هـ تحضنه منعها وقال
رحيـم: ليه اتبليتي على خالد وقولتي انه حاول يعتدي عليكي؟
أستوووووب أنتهى البارت 😂💃
رأيكم وتوقعاتكم؟
أكتر لـحظة حلوه؟
أكتر لـحظة حزينـة؟
أكتر جمله عجبتكم؟
تفتكروا رحيـم هـ يكشف الحقيقة؟
ولا سـالي هـ تقدر تخدعه مره تانية؟
رايكم في سهر؟ وتوقعاتكم لـ نهايتها؟
تابع من هنا: جميع فصول رواية رواية احفاد الجارحي بقلم آية محمد
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا