-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية أعشق تمردك ولكن بقلم دودو محمد - الفصل السادس عشر

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل السادس عشر من رواية أعشق تمردك ولكن بقلم دودو محمد وهى الجزء الثانى من رواية وردة بلا حياة

رواية أعشق تمردك ولكن بقلم دودو محمد - الفصل السادس عشر

اقرأ أيضا: رواية عشق الزين

رواية أعشق تمردك ولكن بقلم دودو محمد

رواية أعشق تمردك ولكن بقلم دودو محمد - الفصل السادس عشر

 عند حازم وصل من الشغل وكان عبدالرحمن صحى من نومه وقاعد فى اوضه دخل ليه حازم

حازم :_ اذيك ياعبده

عبدالرحمن :_ من غير نفس اهلا

حازم :_ هى دى مقبلتك لاخوك واحنا بقلنا كام يوم مشفناش بعض

عبد الرحمن :_ بقولك ايه دور الاخ الكبير العاقل الحنين ده مش لايق عليك لو عندك كلمتين قولهم واخلص او الاحسن ياريت توفرهم لنفسك وتطلع بره الاوضه

حازم :_ مالك ياعبده انا عمرى ماعشت عليك دور الاخ الكبير طول عمرى وانا مصحبك وبنحكى لبعض كل حاجه بس انت بقالك فتره كده متغير معرفش ليه لو زعلان منى قولى يمكن عملت ليك حاجه وانا مش واخد بالى

عبدالرحمن :_ لا عملت ولا معملتش سبنى فى حالى الله يكرمك علشان لو اتكلمت الكل هيزعل

حازم :_ لا ياعبده اتكلم وطلع اللى جواك وانا مش هزعل

عبدالرحمن :_ لا كلامى هيزعلك وهيزعل اكتر ابوك عارف ليه علشان انت طول عمرك الابن العاقل والحنين وانا الابن الضال بنسبه لابوك طول عمرهم هما بيحبوك انت وانا لا كل طلباتك مجابه وانا لا حتى امى اللى مفروض تكون احن عليه اكتر منك بتفضلك على وفى الاخر ابوك يمد ايده عليه علشانك انت وانته فرحان بده ماانت الابن المدلل وتيجى تتمسح وتعمل نفسك مش عارف مالى بس لا الشويتين دول مش على انا فهمك وحفظك وعارف انك بتمثل كل ده ما هو انت فى الاخر هتطلع لمين غير لامك اللى رمتك

حازم :_ يااااااه كل الكره اللى فى قلبك ده ليا ليه هو انا عملتلك ايه ده احنا ملناش غير بعض وطول عمرى بعتبرك صحبى مش اخوى واما حب ابوك ده مش ليا لوحدى زى ما بيحبنى بيحبك وامك انت قولتها هى علشان مش امى كانت بتعملنى كويس علشان ماحسش بالفرق بينى وبينك ومحسش بعدم وجود امى وانا معرفش ان كان امى كويسه ولا لا علشان اقول طالع شبها ولا لا

عبدالرحمن :_ الله يكرمك شوية السهوكه دول متعملهمش عليه انا مش امك مياده ولا ابوك علشان اصدقهم ويلا بقى اطلع بره اوضى علشان عايز انام

حازم :_ وهو حابس الدموع فى عنيه انت جبت قسوة القلب دى منين عمرك ما كنت كده وعمومآ براحتك ياعبده وانا برضه هفضل جمبك وهتلاقينى وقت ما تحتجنى علشان احنا ملناش غير بعض وانت اخويه اللى بحبه وبتمنى يكون احسن منى ومش بتسهوك عليك انا بقولك الكلام ده من قلبى تصبح على خير ياأخويه

وخرج حازم من اوضة عبدالرحمن وراح على اوضه

عبدالرحمن :_ لنفسه مفكرنى ابوه ولا امى علشان اصدق شوية التمثيل دول

وراح على سريره ونام

.....................................................

عند حازم فى الاوضه صعبت عليه نفسه ودموعه نزلت منه وقال

حازم :_ عمرى ما اتمنيت غير كل الخير ليك ياأخويه ومحولتش استعطف ماما مياده علشان تحبنى اكتر منك هى اللى كنت انا صعبان عليها مش ذنبى ان امى رمتنى رميت الكلاب ومسالتش فى مش ذنبى علشان كل شويه تعيرنى ببعاد امى عنى ليه يا عبده ليه عملت فيك ايه علشان تكرهنى الكره ده ربنا يهديك ياأخويه ويصلح حالك ونام حازم على سريره وهو دموعه على خده

.....................................................

قوم ياحازم قوم

حازم :_ مين انتى مين

الصوت :_ مش لازم تعرف انا مين بس خليك واثق فى وتعالى ورايا

حازم :_ اجى ازاى وراكى وانا مش شايفك اصلا

الصوت:_ مش لازم تشوفنى بعنيك حس بقلبك وامشى وراه النور ده هتوصل ليا

حازم :_ مشى وراه النور لحد ماهو ماشى وقع فى حفره وقال ا.ه.ه.ه.ه.ه

رجلى مش قادر

الصوت :_ بضحكة شر ههههههههههههههههههههه

مش كل نور تمشى وراه ممكن يكون خدعه و فى اخر الطريق طلمه وحفره تقع فيها هههههههههه

حازم :_ ا.ا.انتى مين طيب

الصوت :_ ظهر ليه بس خيال وقال مش لازم تعرفنى بس حسنى وانت تعرف انا مين

حازم :_ مد ايده علشان يلمس الخيال وقال رغم ان انتى خيال بس حاسس بلمست ايديك انتى مين ها مين وعايزه منى ايه

الصوت :_ ههههههههههههههه عايزه روحك علشان انا اعيش بيها

حازم :_ بس انا حاسس انك مش غريبه عنى ايوه حاسس من صوتك ان انا اعرفك من زمان

الصوت :_ ههههههههههههه طيب وعبيط وطيبتك دى هتوقع فى شر اعمالك بس مره واحده الصوت اختفى وظهرت ليه فريده ومدت ايديها وطلعته من الحفره

حازم :_ فريده انتى عرفتى مكانى منين

فريده :_ من غير ماتتكلم شورت على قلبها ومسكت ايده وطلعت بى للنور الحقيقى وضحكت ليه ومشت

حازم :_ فريده فريده وقام من نومه وهو بينده بأسم فريده وقال

ه.ه.هو ايه معناه الحلم ده م.م.مش فاهمه ومين صوت الست دى رغم ان هو مخيف بس حاسه ان هو قريب منى وبص فى ساعته لاقها ان الفجر اذن قام ودخل حمامه واتوضه وصلى الفجر ومجاش ليه نوم مسك المصحف وقعد يقراه فى لحد وقت طويل وكبس عليه النوم صدق بالله العظيم وقفل كتاب الله وراح على سريره ونام

.....................................................

اشرقت شمس يوم جديد فى سماء الاسكندريه بنورها الساطع على البيوت لتبدء العصافير بتغريد لتستيقظ تالين من نومها وتدخل حمامها تتوضأ وتصلى فرضها وتخرج من باب الاوضه لتتفجأ بمراد

مراد :_ صباح الهنا ياقلبى انا

تالين :_ بصدمه ها

مراد :_ ههههههههه مالك يابنتى فتحه بوق ومصدومه كده ليه

تالين :_ انت ايه اللى عملته فى المطبخ ده

مراد :_ هههه اه معلش هو اتبهدل شويه بس كنت بعمل ليكى مفجأه

تالين :_ لا هو مش شويه هو اتبهدل اوى بس ايه هى المفجأه

مراد :_ تاتاتاتا اتفضلى

تالين :_ ايه ده

مراد :_ ايه مش شايفه دى بيتزا عمايل ايديه

تالين :_ حطت ايديها على دماغ مراد وقالت انت سخن ولا حاجه

مراد :_ ليه بس ياتوته

تالين :_ هو ايه ليه بس انت امبارح حابس نفسك فى المكتب بعد ما كلهم مشى ومشفش وشك واقوم الصبح تقولى عاملى بيتزا ده اسمه ايه انشالله

مراد :_ توته انا اسف لو جرحتك او وجعتك انتى حب عمرى ومقدرش استغنا عنك انتى ملاكى انتى العنيده بتاعتى انتى المتمرده انتى كل حاجه بالنسبه ليا

تالين :_ ههه والمطلوب منى ايه بالظبط المطلوب انى اسامحك واجرى على حضنك واقولك خلاص سمحتك وانزل دمعتين وخلاص لا يامراد انت جرحك ليا اكبر من كل الاسفات اللى هتقدمها انت شكت فيا وظلمتنى ووجعتنى انت كسرت فيه الفرحه اللى جواه قلب اى بنت بيوم فرحهم انت جرحت قلب كنت انت كل حياته انت وجعتنى اوووووووى يامراد اوى وعيطت

مراد :_ عارف ان كل الاسفات والاعتذرات مش هتشفع ليا عندك ومن حقك انا بس عايز فرصه واحده اصلح ليكى اللى كسرته ونرجع زى الاول واحسن ادينى فرصه واحده بس مش اكتر

تالين :_ عمر اللى بيتكسر بيتصلح ولا بيرجع تانى زى الاول وانت كسرت اهم حاجه فى البنأدم كسرت قلبى وخيبت ظنه فيك ودبحتنى بسكينه برده من غير شفقه ولا رحمه انا هطلب منك طلب لو انت بتحبنى بجد طلقنى زى ما وعدنى

مراد :_ مقدرش ابعد عنك ياتوته مقدرش انا من غيرك اموت سامحينى وانا والله ما هجرحك تانى

تالين :_ مش هقدر والله انا قلبى مش بزرار هتوس عليه هيسامح علطول

مراد :_ انتى مش بتحبينى يبقى اكيد هتسامحينى والقلب اللى يحب مستحيل يكره

تالين :_ مش هقدر يامراد صدقنى

مراد :_ بصى ياستى ادينى وقت وانا هخليكى تسامحينى فيه ونعيش مع بعض اصدقاء زى الاول

تالين :_ بس احم م.م.مش هتلمسنى

مراد :_ ماشى ياستى مش هلمسك غير لما تسامحينى

تالين :_ اتفقنا

مراد :_ اتفقنا

تالين :_ شدت طبق البيتزا من ايد مراد وقالت ورينى مهاراتك بقى

مراد :_ لا ده هتعجبك اوى

تالين :_ وهى بتاكل من البيتزا امممممم دى جميله اووووووى تسلم ايدك

مراد :_ بالهنا والشفا بس هاتى حته

تالين :_ ايه لالالا روح اعمل ليك واحده

مراد :_ اعمل مين ياماما ده انا بقالى اربع سعات بعمل فى دى

تالين :_ مليش دعوه دى يدوب على قدى

مراد :_ طب اى حته طه

تالين :_ ولا فتفوته امممممم حلوه اوى

مراد :_ ربنا على المفترى

تالين :_ هههههههه بس انت اتعلمتها فين دى

مراد :_ من على النت والله يااختشى خوفت للراجل يطلقنى عملتها

تالين :_ هههههههههههههههههههههههههههه

مراد :_ احم ط.ط.طب انا هقوم بقى

تالين :_ رايح فين

مراد :_ هعمل المطبخ اللى بوظته ده احسن لو الراجل شافه كده هيطلقنى

تالين :_ ههههههههههه مشكله والله ربنا معاكى ياأختشى

مراد :_ اختك فى عينك اتلمى ابت

تالين :_ الله مش انت اللى بتقول

مراد :_ انا اقول انتى لا انا رجوله اوى خلى بالك تحبى اثبتلك

تالين :_ مرررررررراد

مراد :_ خلاص خلاص انا بهزار احنا اسفين ياصلاح

تالين :_ هههههههههههههههه

ودخل مراد المطبخ علشان يرتبه وتالين خلصت اكل ودخلت تساعد مراد فى عمايل المطبخ

.....................................................

عند مصطفى صحى من نومه او بالاصح هو منمش طول الليل قام دخل الحمام وغسل وشه ولبس هدومه ونزل ركب عربيته وراح عند اشهر دكتور وعرض عليه التحاليل والدكتور قال

الدكتور :_ مين صاحب التحاليل دى

مصطفى :_ و.و.واحد صحبى

الدكتور :_ عمومآ يااستاذ مصطفى صاحب التحاليل دى استحاله ينجب اطفال

مصطفى :_ ازاى يادكتور ده عنده طفل

الدكتور :_ مش ممكن التحاليل دى تأكد ان هو مستحيل يكون عنده اطفال لو واحد فى ميه

مصطفى :_ اتصدم من كلام الدكتور وقال لنفسه ازاى ط.ط.طب و.و.وعدى يبقى ابن مين

الدكتور :_ استاذ مصطفى انت معايه

مصطفى :_ ها ا.ا.اه يادكتور شكرآ ليك

وخرج مصطفى من عند الدكتور وراح عند نسمه علشان يعرف الحقيقه

.....................................................

عند حازم استيقظ من نومه وهو بيفكر فى الحلم اللى شافه بس حس بأنقباض فى قلبه وحس ان الحلم ده فى مكروه ليه وبعد كده استعاذ بالله من الشيطان الرجيم وقام اتوضه وصل فرضه ولبس هدومه وخرج من اوضه صبح على مياده وقال

حازم :_ صباح الخير

مياده :_ صباح النور يا حبيبى

حازم :_ فين بابا

مياده :_ قال نازل القهوه

حازم :_ ماشى يا ماما عايزه حاجه

مياده :_ طب اقعد كلك لقمه انت خاسس خالص ياابنى

حازم :_ لالا معلش يا ماما مش عايز وكمان متأخر على الشغل سلام

مياده :_ اللهى يسلم طريقك من كل شر ويوقف ليك ولاد الحلال ياابن قلبى يارب

وخرج حازم من باب الشقه بس اتصدم لما شاف ابوه نازل من فوق

حازم :_ بابا كنت بتعمل ايه فوق

مازن :_ ها م.م.مفيش ك.ك.كانت الست يارا مشتريه شوية حجات وطلعتها بيها

حازم :_ بشك ومن امته يابابا وانت بتهتم بيها انت علطول بتزعق فى انا وماما لما نجيب سيرتها

مازن :_ م.م.مفيش يعنى ا.ا.انا شوفتها صدفه وطلعتها بالحاجه اللى كانت فى ايديها وبعدين هو مش تحقيق انا اعمل اللى انا عايزه وفتح الباب ودخل وقفل الباب وراه

حازم :_ بشك ياترى يابابا ايه اللى انت بتحاول تخبيه عليه ومخليك مش راضى تبص فى عنيه علشان معرفهوش

ونزل حازم من البيت وركب العربيه وراح على شغله

.....................................................

فى كلية التجاره كانت إيمان قعده فى الكافتريه مع عبد الرحمن

إيمان :_ واحشتنى اوى ياعبده اهون عليك تبعد عنى كل ده هو انا مش وحشاك ولا ايه

عبد الرحمن :_ يابت واحشتنى بس كنت مخنوق شويه وكنت بفك عن نفسى

إيمان :_ ماشى خلاص مش زعلانه بس تفسحنى انهارده

عبد الرحمن :_ طب يابت ما تسمعى كلامى وتعالى نقعد فى شقه ونبقى براحتنا

إيمان :_ تانى ياعبده ما انا قولتلك لا ماينفعش

عبد الرحمن :_ يابت انتى خايفه منى ده انا ابن عمك يعنى ستر وغطه عليكى

إيمان :_ لا برضه حرام نبقى انا وانت نكون فى مكان مقفول لواحدينا

عبدالرحمن :_ خلاص تتجوزينى

إيمان :_ وهى مش مصدقه نفسها بجد ياعبده

عبدالرحمن :_ بمكر اه طبعآانا بحبك بس طبعآ دلوقتى استحاله عمى يوافق

إيمان :_ لا انا هقول لماما تكلمه تخليه يوافق

عبدالرحمن :_ لا اوعى تقولى لامك على حاجه دلوقتى بس اكون نفسى كده واجى اتكلم عليكى علطول

إيمان :_ يا حبيبى يا عبده انا بموووووت فيك

عبدالرحمن :_ وانا كمان بحبك ومش قادر ابعد عنك ولا قادر اصبر لحد ما اكون نفسى تعالى نتجوز انا وانتى عرفى ونبقى مع بعض لحد ما ربنا يكرمنى واكون نفسى واتقدملك رسمى

إيمان :_ بصدمه عرفى لا طبعآ مينفعش

عبدالرحمن :_ بزعل مزيف خلاص ياإيمان يبقى انتى مش بتحبينى وكل واحد من طريق

إيمان :_ متزعلش ياعبده انا بحبك بس يعنى العرفى ده حرام

عبد الرحمن :_ بكدب لا مش حرام مدام انا فى نيتى هتجوزك بعد كده شرعى وانا هحاول اكون نفسى بسرعه ونشهر جوازنا

إيمان :_ م.م.ماشى بس يعنى تحاول تخلص بسرعه وتيجى تطلبنى من بابا علطول

عبدالرحمن :_ طبعآ بس يلا بقى نلحق نروح شقة واحد صحبى ونكتب الورقتين وتبقى مراتى

إيمان :_ وهى خايفه م.م.ماشى

وفى الوقت ده جه أدم وسيف

ادم :_ اذيك يا عبده مش باين يعنى

عبدالرحمن :_ اهلا اهو ظروف

سيف :_ مالك ياعبده بتتكلم معانا كده ليه

عبدالرحمن :_ مالى ما انا بتكلم عادى اهو

أدم :_ وانتو رايحين فين كده

إيمان :_ رايحين انا وعبد ال

عبدالرحمن :_ قطعها وقال هى تعبانه شويه ومروحه وانا هركبها تاكسى تروح وانا هروح بتنا

سيف :_ بشك سلمتك يابنت خالى

إيمان :_ بتوتر ا.ا.الله يسلمك

أدم :_ بص ليهم بصت شك وقال سلام

ومشى ادم وسيف وعبد الرحمن وإيمان راحو على الشقه علشان يتجوزه الجواز المزيف

.....................................................

عند مراد وتالين خلصو شغل المطبخ والاتنين اترمه على الكنبه

مراد :_ يااختتتتتتتتى على ضهرى انا كان مالى ومال شغل البيت انا

تالين :_ ياسلام يااخويه مش انت اللى بوظت الدنيا

مراد :_ ما هو علشان مين علشان سيدك تاكلى

تالين :_ كان ممكن تطلبها من اى محل وخلاص

مراد :_ تصدقى انك واطيه وميطمرش فيكى حاجه واقف من فجر ربنا علشان اعملك حاجه تبسطك وفى الاخر تقولى كنت هاتها جاهزه

تالين :_ خلاص متزعلش هى الصراحه كانت احلى من الجاهزه والله

مراد:_ ايوه كده اتعدلى

تالين :_ هههههههههههههههههه بس كان شكلك مسخره وانت شغال فى المطبخ

مراد :_ على ايديك اتقل قيمتى بقى انا الرائد مراد احمد عزمى يبقى ده منظره ده مش بعيد لو حد شافنى كده يخلونى ساعى البوفيه

تالين :_ هههههههه والله مضربتكش على ايدك وقلتلك اعملى حاجه انت اللى من نفسك عملت

مراد :_ خلينى انا احسن منك فكره الاكل اللى كان كله شطه

تالين :_ هههههه اه ده انت كان شكلك يفطس من الضحك 😂😂😂😂

مراد :_ وحياة امك خفه هه

تالين :_ ههههههههه ولا لما وقعت فى الحمام ههههههه مسخره 😂😂😂

الصراحه كنت فرحانه فيك كنت غيظنى اوى

مراد :_ يابت امال كنتى هتموتى عليا ليه لما الحساسيه ظهرت عليا

تالين :_ وافتكرت اللى حصل ساعتها ووشها احمر

مراد :_ عرف اللى جه فى دماغ تالين وقال ده انتى كنتى خايفه عليا خوف

وقرب منها لسه هيبوسها

تالين :_ مراد احنا اتفقنا على ايه

مراد :_ احم انا اسف وبعد عن تالين وقال لنفسه ده الاتفاق ده هيجى على دماغى انا

.....................................................

عند مصطفى ونسمه

وصل مصطفى عند بيت نسمه وفتح الباب جرى عليه عدى وقال

عدى :_ بابا بابا واحشتنى اووووى

مصطفى :_ وانت كمان ياحبيبى بس خش اوضك علشان عايز اكلم ماما فى موضوع

عدى :_ حاضر يابابا ودخل عدى اوضه فى نفس الوقت جت نسمه من المطبخ

نسمه :_ انت جيت ياحبيبى وراحت علشان تحضنه

مصطفى :_ مسكها من شعرها وضربها بالقلم وقال اه يا واطيه يا خاينه

نسمه:_ اه فى ايه يامصطفى انا عملت ايه

مصطفى :_ انطقى عدى يبقى ابن مين

نسمه :_ بكدب ا.ا.ابنك انت اه يامصطفى

مصطفى :_ ضربها قلم تانى وقال كدابه انا مبخلفش واستحاله انى اخلف انطقى ابن مين

نسمه :_ مقدرش اقول اه ابعد عنى

مصطفى :_ خنقها وقال لو مقولتيش هطلع روحك فى ايديه انطقى

نسمه :_ هموت مش قادره اه

مصطفى :_ خف ايديه شويه وزقها وقال قسمآ عظمآ لو مقولتيش الحقيقه دلوقتى لكون مطلع روحك ورميكى على اى كوم زباله لكلاب تنهش لحمك

نسمه :_ هقولك ي.ي.يبقى ابن اياد محمود عزمى

مصطفى :_ بصدمه ايه ابن اخو احمد جوز اختى ازاى

نسمه :_ ا.ا.اه ك.ك.كنت طالعه بعثه من الكليه بتاعتى فى امريكا واتعرفت على اياد هناك حبنا بعض وهو كان متجوز ومعاه بنت وولد وكنا بنتقابل مع بعض فى شقه وفى يوم قلتلو انا حامل قالى لو مراته عرفت هتاخد منه العيال وهتبعد عنه وطلب منى انزله انا خفت انزله واعتذرت من البعثه ونزلت تانى اسكندريه وقرارت هاعيش لابنى وبس وقدمت فى شغل وكانت شركتك واتقبلت واشتغلت سكرتيره عندك وانت طلبت ايدى وكنت لسه حامل فى شهرين وعلشان كده وفقت بسرعه ومفكرتش وتم الجواز خلال اسبوع

مصطفى :_ ازاى وانتى كنتى بنت بنوت

نسمه :_ انت لو تفتكر الغشاء عندى من النوع المطاطى ولما روحنا لدكتوره وانا حامل علشان اتابع قالت مش هيتفتح الا فى حالتين يا بعمليه يا ساعة الولاده

مصطفى :_ اه صح علشان كده انتى مبنش عليكى ان انا مش اول راجل فى حياتك

نسمه :_ ايوه وكمان لو تفتكر انا ولد عدى على الشهر الكام

مصطفى :_ مولد فى السابع

نسمه :_ لا هو مولد فى التاسع بس انا قولت كده علشان متكتشفش ان هو مش ابنك

مصطفى :_ وانا ايه يثبت ليه صدق كلامك

نسمه :_ اخته

مصطفى :_ ازاى

نسمه :_ انا عرفت ان اخته هنا ممكن تعمل ليهم تحليل DNA

وده يثبت حقيقة كلامى

مصطفى :_ انتى طالق يانسمه بالتلاته وتخدى هدومك ومشفش وشك هنا تانى والولد اهله هما المسؤالين عنه الصبح هخده ليهم وهما يتأكدوه براحتهم

نسمه :_ لالالا والنبى يا مصطفى ادينى ابنى ومش هتشوف وشى هنا تانى

مصطفى :_ انتى مفكره نفسك ذكيه علشان مكتوب على اسمى وتقدرى تخدى الورث كله ليكى ده بعدك انا هخلى الولد معايه للصبح ولما يتأكده من اثبات الولد ليهم يبقى يتسمه على اسمهم

نسمه :_ لالا انا عايزه ابنى

مصطفى :_ مسكها من ايديها وفتح باب الشقه ورمها قدام الباب وقال الزباله ملهاش مكان فى شقتى وقفل الباب فى وشها

نسمه :_ قعدة تخبط على الباب علشان مصطفى يفتحلها بس مفيش فايده قالت

ماشى يامصطفى هتشوف لومكنتش انتقم منك مبقاش انا ونزلت تشوف مكان تقعد فيه

*********************
إلي هنا ينتهي الفصل السادس عشر من رواية أعشق تمردك ولكن بقلم دودو محمد
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة