قصص رومانسية جريئة ممنوع دخول الأطفال

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الثالث والعشرون من رواية أعشق تمردك ولكن بقلم دودو محمد وهى الجزء الثانى من رواية وردة بلا حياة

رواية أعشق تمردك ولكن بقلم دودو محمد - الفصل الثالث والعشرون

اقرأ أيضا: رواية عشق الزين

رواية أعشق تمردك ولكن بقلم دودو محمد - الفصل الثالث والعشرون

 اشرقت شمس صباح يوم جديد فى سماء الاسكندريه لتستيقظ تالين وهى تشعر بشئ ما فى قلبها يقلقها تحركت حس بيها مراد فتح عينه وقال

مراد :_ صباح الخير يا قلبى

تالين :_ صباح النور يا مراد

مراد :_ بستغراب مالك يا توته

تالين :_ مش عارفه قلبى حاسس ان فى حاجه هتحصل

مراد :_ استعيذه بالله من الشيطان الرجيم وانشالله مش هيحصل حاجه

تالين :_ يارب يا مراد

مراد :_ توته كنت عايز اقولك حاجه

تالين : _ قول يا حبيبى

مراد :_ حازم مش ناويه تسامحيه ده طول عمره وهو كويس معانا ومشفناش حاجه وحشه منه وهو بيعتبرك اخته

تالين :_ انا لسه منستش اللى عمله لاختى

مراد :_ يا توته الجواز ده نصيب واحنا ملناش يد فى كل شئ بأيد ربنا

تالين :_ ونعمه بالله

مراد :_ خلاص يا توته انا هعزمهم عندنا النهارده

تالين :_ ماشى

مراد :_ يسلملى ابو قلب ابيض يا ناس

تالين :_ طول عمرى على فكره

مراد :_ انا هطلب منك طلب

تالين :_ ايه

مراد :_ قدمى على اجازه من الشغل اسبوع

تالين :_ ليه

مراد :_ علشان المفاجئه اللى كنت قايلك عليها

تالين :_ طب قولى بقى

مراد :_ ماشى يا ستى انا هقول ليكى على نص المفاجئه

تالين :_ طب قول

مراد :_ اخر الاسبوع هخدك نقضى شهر العسل فى احسن مكان فى العالم

تالين :_ واو وحضنت مراد

مراد :_ ضمها جامد وقال مبسوطه

تالين :_ اووووووووى بس فين هتودينى

مراد :_ امممممممم ده النص التانى اللى مش هقول عليه

تالين :_ لالا علشان خاطرى قولى

مراد :_ لا وقومى البسى علشان احنا كده شكلنا مش هنروح الشغل

تالين :_ بغيظ غلس قولى هنروح فين

مراد:_ هى كلمه واحده لا مش هقولك غير فى المطار

تالين :_ قامت من على السرير وهبطت برجليها فى الارض وقالت والله انت بارد ومشيت على الحمام

مراد :_ هههههههههههههه مجنونه

.....................................................

عند حازم

صحى من نومه وجهز نفسه وخرج من الاوضه وكانت إيمان لسه نايمه

حازم :_ استغرب من عدم وجود إيمان كالعاده دور عليها فى الشقه كلها بس ملاقهاش خبط على اوضتها بس محدش رد قلق عليها خبط مره كمان بس محدش رد وقال

إيمان انتى جوه ردى عليه لو مردتيش هفتح الباب إيمان بس محدش رد

فتح الباب ولاقها إيمان نايمه فى سريرها

حازم :_ دخل عند سرير إيمان وقال إيمان إيمان

إيمان :_ 😴😴😴😴😴😴

حازم :_ اصحى يا إيمان بس مردتتش عليه

إيمان :_😴😴😴😴😴😴😴

حازم :_ قرب اكتر وقعد على السرير وخبط على كتف إيمان

إيمان :_ قامت مفزوعه وحضنت حازم

حازم :_ اتفاجئ من حركة إيمان وقال ا.ا.اهدى يا إيمان ده انا كنت بصحيكى علشان تروحى الكليه

إيمان :_ اتكسفت وبعدت عنه وقالت ا.ا.انا اسفه بس كنت بشوف كابوس و.و.وقمت مفزوعه

حازم :_ احم م.م.مفيش مشكله ا.ا انا بس قلقت عليكى لما لاقتك مش بترودى

إيمان :_ علشان بقالى كذا يوم منمتش كويس علشان كده النهارده نمت محستش

حازم :_ طب قومى يلا علشان تلحقى كليتك

إيمان :_ م.م.ماشى وقامت من على السرير من الاتجاه التانى وجت تمشى افتكرت انها نايمه بشورت وبدى كت

اتكسفت ووشها احمر

حازم :_ اول ما شاف المنظر اتكسف وقال احم ط.ط.طب ا.ا.انا هستناكى بره

إيمان :_ بتجرى على الحمام علشان اتكسفت وحازم معادى إيمان اتكعبلت رجليها فى السجاده ووقعت فى حضن حازم

إيمان :_ بصت فى عيون حازم وسرحت فيهم

حازم :_ اتفاجأء من إيمان فى حضنه واتوتر لما شاف إيمان سرحانه فى عنيه

وقال احم ا.ا.انا هستناكى بره

إيمان :_ بعدت عنه وقالت احم م.م.ماشى

وخرج حازم من الاوضه وإيمان قالت لنفسها

إيمان :_ يخربيتى ايه اللى انا عملته ده وازاى اسمح لنفسى اسرح فى عنيه كده وايه حصلى لما وقعت فى حضنه ده احساس اول مره احسه وبعدين قالت فوقى يا إيمان استحاله يحبك هو اصلا بيحب واحده تانيه وعمره ما هينسا انك انتى متجوزك علشان يصلح غلطت اخوه ودخلت الحمام وحضرت نفسها وطلعت من اوضتها ونزلت هى وحازم وصلها لكليتها وراح هو على شغله

.....................................................

عند مراد وصل تالين للجريده وقال

مراد :_ توته خلى بالك على نفسك وحضنها جامد

تالين :_ حاضر وانت كمان

مراد :_ بص لتالين وقال هتوحشينى اوى

تالين :_ بستغراب مالك يا مراد النهارده

مراد :_ مفيش حاجه يا حبيبتى بحبك وهتوحشينى يلا روحى شغلك

تالين :_ نزلت من العربيه وشورت لمراد بأيديها ودخلت الجريده

مراد :_ قعد باصص على تالين لحد ما اختفت عن عنيه ومشى بعربيته وراح شغله

.....................................................

عند إيمان وأحمد كان قعدين على السفره مع هاجر وعمرو وبيفطره والقهوه وقعت من ايد إيمان

أحمد :_ مالك يا إيمان من الصبح وانتى مش مظبوطه

إيمان :_ قلبى مقبوض وحاسه ان فى حاجه هتحصل

هاجر :_ اهدى يا إيمان مفيش حاجه أنشالله

إيمان :_ لالالا انا قلبى بيقولى فى حاجه وحشه هتحصل

عمرو :_ اهدى يا إيمان واستعيذه بالله من الشيطان الرجيم

إيمان :_ ا.ا.انا هقوم اصلى ركعتين واقراه فى المصحف شويه

أحمد :_ ماشى يا حبيبتى وهدى نفسك كده

ودخلت إيمان اوضتها اتوضة وصلة ركعتين ومسكت المصحف وقعدة تقراه فى كتاب الله

.....................................................

عند حازم فى الشغل كان قاعد بيقراه فى ملف القضيه وسمع خبط على الباب اذن للى بيخبط بدخول

مراد :_ زوما عامل ايه

حازم :_ الحمدالله بس شكلك مبسوط النهارده

مراد :_ وهو مين ميصطبحش بوش توته وميكنش مبسوط انا اسعد واحد فى الدنيا

حازم :_ ربنا يفرحك يا صاحبى

مراد :_ انا وانت يارب

فى دخلت فريد

فريد :_ طب وانا

حازم :_ وانت كمان يا عم

مراد :_ صح بقولكم اعملو حسابكم انكم هتتغدو انهارده عندى وقال لحازم وطبعآ إيمان معاك

حازم :_ بس يعنى توته

مراد :_ قطعو وقال متخفش توته هى اللى قالت اعزمكم

حازم :_ بجد يعنى هى مش زعلانه

مراد :_ لا توته قلبها ابيض مش بتزعل من حد

فريد :_ والنبى يا اخويه قول لتوته تعزم صاحبتها المجنونه دى اللى اسمها تقى

مراد :_ هى ايه الحكايه 😉😉

حازم :_ يا ابنى انت لسه عارف ده واقع من يوم عزومة العشا منزلش عيونه من عليها

فريد :_ ههه خفه وبعدين فيها ايه ما انت كل واحد فيكم فتح بيت واستقر وانا كمان نفسى استقر

مراد :_ ربنا يسعدك يا صاحبى وهوصى توته تعزم صحبتها

فريد :_ الله عليك يا مارو يا حبيبى الكل

حازم ومراد :_ هههههههههههههه😂😂

...................................................

عند ماريا كانت قعده فى الجنينه وجه ادم عليها

أدم :_ ايه قعده لوحدك ليه

ماريا :_ مفيش بس معنديش حاجه اعملها

أدم :_ انتى مش بتدرسى

ماريا :_ لا بدرس فى كلية العلوم

ادم :_ واو وليه مقدمتيش ورقك وكملتى هنا

ماريا :_ فعلا انا ناويه اعمل كده بس من السنه الجايه

ادم :_ انشالله تعرفى ان احنا مقعدناش واتكلمنا مع بعض من يوم ماجيتى من امريكا خالص

ماريا :_ فعلا علشان انت بتيجى من بره متأخر وبتخش تنام تقوم تروح كليتك ونفس الحكايه كل يوم حتى يوم الجمعه والاجازه بتقضيها فى النادى

أدم :_ انتى متابعه بقى

ماريا :_ ها لا عادى يعنى

أدم : _ بأعجاب بس انتى عنيكى حلوه اوى

ماريا:_ ميرسى

أدم :_ احنا ممكن نبقى اصحاب

ماريا :_ اه طبعآ

أدم :_ مد ايديه وقال احلى اصحاب

ماريا :_ مدت ايديها وسلمت على ادم وقالت احلى اصحاب هههههههه

أدم:_ بص فى عين ماريا وقال تعرفى ان ضحكتك حلوه اوى

ماريا :_ احم ميرسى

.....................................................

عند تالين فى الجريده كانت قعده فى مكتبها مع تقى

تالين :_ توتو ما تيجى النهارده اتغدى عندنا مع اصحاب مراد

تقى :_ فى عريس او اى حد يصلح للجواز

تالين :_ يا بت اهدى هو انتى علطول ملهوفه على الجواز كده

تقى :_ يا بت هعنس والله طب بصى خليه يعزم صاحبه اللى جه هنا امبارح

تالين :_ هههههههههههه حاضر هاتيجى بقى

تقى :_ مدام فيها المز 😉😉 اكيد طبعآ هاجى 😂😂

تالين :_ ههههههههههههههههه ده انتى مشكله

.....................................................

عند يارا كانت قعده فى اوضتها منتظره مكلمت التليفون من ناصر بخبر موت حازم وشويه والتليفون رن وردت يارا

يارا :_ ها طمنى كله تمام

ناصر :_ خلاص يا ست الكل العربيه طلعت وعشر دقايق بالكتير وتنقلب العربيه ويجى ليكى خبره

يارا :_ هههههههههههههههههه عفارم عليك يا ناصر مفاجئتك هتكون عندك بليل

ناصر :_ انا عايز بس اطول الرضا منك يا ستنا

يارا :_ سهلا هكون عندك بليل واظبطك واهو نحتفل بموت الرائد حازم ههههههههههههه سلام

ناصر :_ سلام ياست الكل

وقفلت يارا مع ناصر وهى مبسوطه وحاسه بنشوة الانتصار على مازن ونزلت ليه الشقه وخبطت على الباب فتحت ليها مياده

مياده :_ الست يارا اتفضلى يا اختى نورتينا

يارا :_ شكرآ فين مازن

مياده :_ وهى مستغربه من طريقة يارا ج.ج.جوه ثوانى انادى عليه وشويه وجه مازن

مازن :_ نعم عايزه ايه

يارا :_ قعدة على الكنبه وحطت رجل على رجل وقالت انا جيت اعزيك فى ابنك قبل الكل

مازن :_ ابنى مين

يارا :_ بزعل مزيف ابنك حازم الكبير

مازن :_ مسكها من درعها وشدها وقفها وقال انطقى عملتى ايه فى ابنى

يارا :_ هههههههههههه حرقت قلبك عليه زى ما حرقت قلبى على ابنى

مياده :_ يالههههههههههههههوى ابنى عملتى فيه ايه يا مفتريه وليه تعملى فيه كده يا حرقت قلبى عليك يا ضنايا

حازم :_ بلهفه ايه فى ايه يا ماما عبدالرحمن حصل ليه حاجه

مياده :_ جريت عليه وحضنته وقعدة تبوس فيه وهى بتعيط وتقول الحمدالله يارب رجعتهولى سليم احمدك واشكر فضلك

حازم :_ فى ايه يا ماما مالك وبص لمازن وقال هو فى ايه يا بابا فهمنى

يارا :_ لنفسها يا ناصر الكلب غبى اهو فلت منها

مازن :_ بص ليارا وقال انتى ايه يا شيخه شرك مش رحمه منه حد انتى معدومة القلب كنتى ناويه تقتلى ابنك ايه مفيش ولا مره قلبك حس ده لو كان عندك قلب دى اللى اسمها مش امه احن عليه منك انتى يا شيخه شيطانه

الكل :_ اتصدم من كلام مازن

يارا :_ انت كداب ابنى مات وانت اللى قتلته

مازن :_ ابنك اهو راجل رائد قد الدنيا اتربه احلى تربيه على ايد مياده اللى مش امه بس عملته وكبرته احسن من امه الف مره ولو قولت ليكى ان مات قولت كده علشان تبعدى عنه بشرك وميطلعش يتربه على ايدك ويشرب الشر اللى عندك

حازم :_ وقف مصدوم من الكلام اللى بيسمعه

يارا :_ ا.ا ابنى ح.ح.حازم يعنى انا ابنى حازم وراحت عليه علشان تحضنه

حازم :_ بعد عنها وقال انتى لسه فكره دلوقتى ان ليكى ابن كنتى فين من زمان كنتى فين لما رمتينى ومسألتيش عنى ههههه دا انتى يا شيخه محستيش بيه ان انا ابنك انتى معندكيش قلب ما بتحسيش ده انا كان بيجلى شعور واحساس ليكى ان اعرفك وانتى ولا اتهز ليكى شعرك وبص لابوه وقال انا عايز اعرف كل حاجه من اولها

مازن :_ ها قولك وحكه ليه تاريخ يارا من ساعة ما عرفها لحد الوقت اللى هى فيه

يارا :_ لالا متصدقهوش هو اللى بعدك عنى وقال عليك مت

حازم :_ هههههه بعد ايه كنتى جايه تسألى عليه بعد ما سبتينى وانا عندى ايام وهربتى بعتى ابنك ضناكى علشان الفلوس بعدى عنه وحرمتيه من حضنك وحنانك علشان الفلوس والزنا وجى دلوقتى تقوليلى ابنى لا انا مش ابنك ومسك مياده وقال انا ابن الست دى هى دى امى ربتنى وغرقتنى بحنانها ولا يوم حرمتنى من حاجه علمتنى اصول دينى هى دى اللى لما كنت بمرض بتسهر بى وتروح بى عند الدكاتره هى دى اللى كانت بتسهر تذكرى ويوم نتيجتى كانت بتبقى على اعصبها وخايفه اكتر منى هى دى اللى لما كنت اقول الاه تقول انشالله انا هى دى اللى لما كنت ازعل من حاجه اجى اترمى فى حضنها واعيط وطبطب عليه وتواسينى ومتسبنيش غير والضحكه على شفايفى هى دى اللى لما بقول مش عايز اكل بتجرى ورايا وتتحايل عليه بسعات علشان اكل هى دى اللى سنت عليها وانا بمشى اول خطوه هى دى امى لكن انتى ولا حاجه انا بالنسبه ليكى كنت غلطه جيت من وقت حلو قضتوه مع بعض لكن انا بالنسبه لماما مياده ابن قلبها زى ما بتقول انا مش عايز اشوف وشك هنا تانى ولا عايزك تحولى تكلمينى ولا تتقربى ليا فهمه وسبها ومشى

يارا :_ طلعت تجرى وراه وقالت حازم حازم سا محينى انا كنت بحاول انتقم ليك حازم متمشيش وتسبنى سامحنى يا ابنى سامحنى وقعدة تعيط على السلم

مازن :_ هو ده نتيجة افعالك اللى انتى عملتيها فى حياتك استحمليه بقى اللى هيحصلك ووجع القلب اللى هتعيشى فى

يارا :_ وطت على رجل مازن وقالت ابوس رجلك يا مازن كلمو خليه يسامحنى ا.ا انا غلطانه ومستعده اعمل اى حاجه بس ميحرمنيش منه تانى

مازن :_ اتحملى نتيجة اغلاطك لوحدك وسبها ودخل الشقه وقفل الباب

يارا :_ بدموع يارب انا عارفه ان غلط فى حق كتير وعصيتك طول حياتى بس انت غفور رحيم حنن قلب ابنى عليه ورجعهولى يارب وقامت طلعت اوضتها وفتحت الباب ودخلت بس اتفاجئة بشخص

يارا :_ ا.ا.انت عايزه ايه متموتنيش والنبى ا.ا.انا م.م.مش هقول حاجه لحد

الشخص :_ هههههههه وانتى مفكرانى هموتك علشان خايف منك لا بس دى اوامر عاليه من فهد باشا

يارا :_ لسه هتجرى وتصوت

الشخص :_ مسكها وكتم نفسها وطعنها كذا طعنه وهرب

يارا :_ خرجت انفسها الاخيره وتبقت فى الارض جثه هامده

.....................................................

عند حازم نزل وهو متعصب والدموع ماليه عنيه وركب عربيته ومشى بيها فى الشوارع وهى عينه بتنزل فى دموع وراه بعضها

ووصل عند البحر صديقه الكتوم وصاحب كل ألامه وشهيد دموعه قعد على الرمله وقال

حازم :_ يارب انا تعبت والله تعبت مش حمل صدمات شفت كتير فى حياتى وكل مره اصعب من اللى قبليها وانا مش بعترض على امرك ولا حكمك بس اللى حصل ده كسر ضهرى وتعبنى انا عارف ان غضبتك لما زعلتها علشان دى مهما كان امى ورضها من رضاك بس مش قادر اسامحها على كل اللى عملته فيه دى عيشتنى يتيم الام وهى عيشه

حرمتنى من حنانها حرمتنى من حضنها الدافى انا مش هقدر انسا قسوتها عليه سامحنى ياربى

وفى الوقت ده رن تليفونه برقم غريب

رد حازم على التليفون

حازم :_ السلام عليكم

الرقم :_.................

حازم :_ ايوه حضرتك انا

الرقم :_..................

حازم:_ فين بالظبط

الرقم :_ ...............

حازم :_ انا جاى حالا

وقفل حازم التليفون وركب العربيه ومشى علطول

*********************

إلي هنا ينتهي الفصل الثالث والعشرون من رواية أعشق تمردك ولكن بقلم دودو محمد

تابع من هنا : جميع فصول رواية أعشق تمردك ولكن بقلم دودو محمد
تابع من هنا: جميع فصول رواية أثواب حريرية بقلم إلهام رفعت
تابع من هنا: جميع فصول رواية أرض زيكولا بقلم عمرو عبدالحميد

تابع من هنا: جميع فصول رواية فى قلبى أنثى عبرية بقلم خولة حمدى

تابعوا صفحتنا على الفيس بوك للمزيد من روايات عربية
أو أرسل لنا رسالة مباشرة عبر الماسنجر باسم القصة التي تريدها

اقرأ أيضا: رواية احببتها في انتقامي بقلم عليا حمدى