مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة المتميزة دودو محمد والتي سبق أن قدمنا لها العديد من القصص والروايات الجميلة علي موقعنا قصص 26 وموعدنا اليوم مع الفصل الرابع والعشرون من رواية أعشق تمردك ولكن بقلم دودو محمد وهى الجزء الثانى من رواية وردة بلا حياة
رواية أعشق تمردك ولكن بقلم دودو محمد - الفصل الرابع والعشرون
اقرأ أيضا: رواية عشق الزينرواية أعشق تمردك ولكن بقلم دودو محمد - الفصل الرابع والعشرون
عند تالين فى المكتب كانت قعده وحست بنغزه فى قلبها وشويه والتليفون رن برقم غريب
ردت تالين على التليفون
تالين :_ السلام عليكم
الرقم :_ مدام تالين
تالين :_ ايوه مين معايه
الرقم :_ احنا مستشفى (........) وجوز حضرتك جه فى حدثة عربيه هو واتنين معاه
تالين :_ ايه ووقع التليفون من ايديها واغمى عليها فى دخلت تقى
تقى :_ تالين ومسكت التليفون ولاقت حد بيقول الو وقالت ايوه خير علشان اللى حضرتك كنت بتكلمها اغمى عليها
الرقم :_ جوز المدام عمل حدثه فى مستشفى (.........)هو ومعاه اتنين تنين
تقى :_ شكرآ لحضرتك وقفلت السكه وفتحت شنطة تالين وطلعت منها البرفان ورشة على ايديها ومشتها قصاد منخير تالين وقالت تالين تالين فوقى علشان نروح المستشفى بسرعه
تالين :_ بدءت تحرك راسها وتقول مراد مراد
تقى :_ ايوه يا حبيبتى فوقى علشان نروح ليهم
تالين :_ فتحت عنيها وعيطت وقالت مراد يا تقى مراد عمل حادثه ا.ا.انا خايفه عليه قوى
تقى :_ انشالله هتكون حاجه بسيطه بس قومى يلا نروحه ليه
وقامت تالين وهى بتعيط من على مكتبها ومسكتها تقى وطلعو وقفه تاكسى وراحو على عنوان المستشفى
.....................................................
عند إيمان فى الفيلا كانت بتقراه فى المصحف وحست بنغزه فى قلبها وصدقت بالله وقالت يارب اجعله خير والطف بلطفك على عبادك يا كريم
وفى الوقت ده رن التليفون الارضى بتاع الفيلا إيمان قلبها انقبض لما سمعت صوت التليفون وطلعت تجرى كان أحمد رد
أحمد :_ السلام عليكم
الرقم :_ وعليكم السلام ده منزل أحمد عزمى
أحمد :_ ايوه انا خير حضرتك
الرقم :_ ابن حضرتك مراد عزمى عمل حادثه بالعربيه وفى حاله خطره هو ومعاه اتنين تنين
أحمد :_ بصدمه ابنى ادينى اسم المستشفى بسرعه
الرقم :_ مستشفى(.........)
أحمد :_ شكرآ ليك وقفل السكه
إيمان :_ وهى خايفه خير يا أحمد
أحمد :_ بحزن مراد عمل حادثه بالعربيه
إيمان :_ اول ماسمعت كده اغمى عليها
أحمد :_ مسكها قبل ما تقع على الارض وقال إيمان فوقى مش وقتك والنبى فوقى علشان نروح نشوف ابننا
إيمان :_ مردتش عليه
أحمد :_ شالها وطلع من الفيلا شافه عمرو
عمرو :_ جه بسرعه بخضه ملها إيمان
أحمد :_ اغمى عليها لما سمعت ان مراد عمل حادثه بالعربيه
عمرو :_ بصدمه مراد طب هو عامل ايه
أحمد :_ بزعل بيقوله حالته خطره
عمرو:_ طب هو فى مستشفى ايه
أحمد :_ فى مستشفى (........)وهروح انا وانت تبقى تيجى بعربيتك
عمرو :_ ماشى روح وانا جى وراك
وركب أحمد العربيه ومشى بسرعه على المستشفى
.....................................................
عند عمرو دخل بسرعه بلغ هاجر باللى حصل وهاجر اتصدمت من الخبر واتصلت على فريده وعلى أدم وبلغتهم وطلبت منهم يبلغه تغريد وسيف ومشيت هى وعمرو بالعربيه راحو على المستشفى
.....................................................
فى المستشفى وصل حازم ودخل سأل الاستقبال
حازم :_ لوسمحتى انا جوز إيمان مروان اللى جت فى الحادثه من شويه
الاستقبال :_ بأسف البقاءلله
حازم :_ اتصدم من اللى سمعه وقال ط.ط.طب والشباب ايه اخبرهم
الاستقبال :_ الاتنين حالتهم خطر وفى العمليات
حازم :_ طب هما فين
الاستقبال :_ فى قسم العمليات تانى دور
حازم :_ شكرآ
وطلع حازم على الدور التانى وقال
حازم :_ اللهم لا اسألك رد القضاء ولكن اسألك اللطف بى انالله وإناإليه راجعون اللهم صبرنى فى مصيبتى واجعلنى من عبادك الصابرين على البلاء
وحط ايديه على راسه وقعد يردد فى ادعيه لعلها تكون المنجى فى وقته هذا
....................................................
وصلت تالين هى وتقى المستشفى وكانت تالين منهاره ودخلت تقى سألت على مراد فى الاستقبال وقال ليها نفس الكلام اللى قاله لحازم وطلعت تقى وتالين فى الدور التانى وتالين شافت حازم وراحت ليه وقالت
تالين :_ وهى منهاره شوفت مراد يا حازم مراد بيروح منى انا لو جراره حاجه اموت يا حازم
حازم :_ اهدى يا تالين مش كده مش فى ايدينا حاجه غير الدعاء ليهم هو ده اللى هيقف ليهم وينجيهم
تالين :_ يارب والنبى قومهولى بالسلامه يارب انا من غيره مقدرش اعيش يارب رجعوه ليه يارب خد من عمرى واديه ياريتنى كنت انا اللى مكانك وانت لا يارب وقعدة تعيط
فى الوقت ده دخل أحمد بإيمان وحطها فى اوضه وركب الدكتور ليها محلول بسبب ان الضغط وطى عليها فجأه
وسبها وراح يطمن على مراد
وسأل الاستقبال وطلع لمكان اوضة العمليات واول ما تالين شافت أحمد جريت عليه وحضنته وقعدة تعيط
تالين :_ مراد يا عمو جوه فى خطر انا خايفه عليه اوى ده انا اموت لو جراره حاجه
أحمد :_ اهدى ياتالين مش كده وادعيله
تالين :_ بدعى ليه يا عمو
أحمد :_ البقاء لله يا حازم فى إيمان محدش بلغ جاسمين ومروان
حازم :_ الاستقبال بلغه عمى
أحمد :_ طب روح انت خلص اوراق الدفن وانا قاعد هنا مع تالين
حازم :_ بس اطمن على مراد الاول وفريد
أحمد :_ لسه قدمهم شويه وبعدين أكرام الميت دفنه روح انت وانا هنا مستنى
تالين :_ عماله تعيط ومش دريانا باللى حواليها ولا منتبه للكلام
حازم :_ نزل يخلص تصريح الدفن والاوراق الخاصه بإيمان
وجه عمرو وهاجر ودخلت هاجر لإيمان تطمن عليها وطلع عمرو لأحمد
عمرو:_ ايه مفيش اخبار
تالين :_ جريت فى حضن عمرو وقالت لسه يا بابا محدش طلع من جوه يطمنا
عمرو :_ طبطب على تالين وقال انشالله هيبقى كويس ادعيله بس
تالين :_ بدعيله بقلبى قبل لسانى وقعدة تعيط فى حضن ابوها
وشويه والدكتور طلع من اوضة العمليات والكل جرى عليه الكل طلع يجرى عليه
أحمد :_ طمنى يا دكتور ايه الاخبار
الدكتور :_ واحد الاصابات عنده خطيره وفى منهم فى المخ وده للاسف دخل فى غيبوبه مفتوحه
والتانى محتاجين ليه دم ضرورى علشان فقد دم كتير والفصيله بتاعته نادره
احمد:_ ايه هى
الدكتور :_ O موجب
عمرو :_ى مشكله مفيش حد فينا الفصيله دى
احمد :_ فعلآ طب هنجبوها منين
تقى:_ انا نفس الفصيله دى
الدكتور:_ طب ياريت تبلغى الممرضه وتتبرعى بسرعه
تقى :_ اوكى
ودخلت تقى اتبرعت بالدم وشويه وطلعت وبعد وقت طلعت الحالتين ودخله العنايه
...................................................
فى الاوضه عند إيمان فاقت وكانت بتعيط
إيمان :_ انا عايزه اروح اشوف ابنى
هاجر :_ اهدى يا إيمان هو لسه فى العمليات ولو فى حاجه عمرو هايجى يبلغنا
إيمان:_ يا حبيبى يا ابنى يارتنى كنت انا وانت لا يا قلب امك يا ابنى وقعدة تعيط
هاجر :_ مش كده يا إيمان متبشريش عليه كده انشالله ربنا هيقومه بالسلامه
إيمان :_بدموع يارب يا هاجر يارب
...................................................
عند أحمد دخل عند الدكتور وقال ممكن اعرف ان واحد فيهم اللى دخل فى غيبوبه
الدكتور :_ انا والله معرفهمش من بعض بس بالشكل كده ممكن يكون ابنك علشان فى شبه كبير منك
أحمد :_ طب متعرفش حضرتك هيقعد قد ايه فى الغيبوبه وهل فى خطوره ولا عدتت
الدكتور :_ بالنسبه للغيبوبه دى احنا منقدرش نتوقعها وكمان الخبطات اللى فى المخ صعبه وخطيره وبالنسبه للخطوره هو محطوط تحت الملاحظه 48 ساعه وده معرض للخطر فيهم بعد كده ربنا يسهل ويقوم بالسلامه
أحمد :_ ومعلش هتعبك معايه وبالنسبه للشاب التانى ما هو ابن اختى برضه
الدكتور :_ الخطور عنده فى فقدآ الدم الكتير بس هو حالته طبعآ احسن من حالة ابنك لان هو مدخلش فى غيبوبه بس برضه محطوط تحت الملاحظه 48 ساعه وده برضه معرض فيهم بالخطر
أحمد :_ شكرآ ليك يا دكتور وشكرآ على سعة صدرك ليا
الدكتور :_ لا شكر على واجب ده واجبى وبقضيه وانشالله يقومه بالسلامه
أحمد :_ يارب
وخرج أحمد من مكتب اادكتور وراح عند عمرو وتالين
تالين :_ ها يا عمو قلك ايه
أحمد :_ قلها على الكلام اللى قاله الدكتور
تالين :_ بدموع يا حبيبى يا مراد انشالله كنت انا وانت لا
عمرو:_ بعد الشر عليكى وانشالله هيقوم مراد واحسن من الاول مراد قوى ومتمسك بالدنيا وبيكى وهيرجع علشانك يا توته
تالين :_ يارب يا بابا والله مستعده ادفع عمرى كله علشان هو يرجع يعيش
أحمد :_ احنا كلنا عارفين انتو بتحبو بعض ازاى من صغركم اهم حاجه دلوقتى خليكى جمبه وكلميه وهو حاسس بيكى وسمع صوتك هيكون دافع ليه علشان يرجعلك تانى
تالين :_ حاضر هروح اقعد جمبه عن اذنكم
ومشيت تالين راحت تقعد جمب مراد فى العنايه والممرضه جهزتها ودخلت قعدة على الكرسى اللى قصاد سرير مراد ومسكت أيديه وعيطت وقالت
تالين :_ كده برضه يا مارو هو ده وعدك ليا انك مش هتسبنى زعلانه لحظه واحده طب مش انتى وعدنى هنطلع نقضى شهر العسل مع بعض اخر الاسبوع فين بقى قوم والنبى يا مراد مش واخده عليك نايم كده فين مشغباتك معايه وهزارك معايه فين حنيتك واحتوائك ليا طب انت عارف انا نفسى ابقى مراتك بجد مش على ورق ونفسى نقرب لبعض اكتر نفسى انا وانت نبقى روح وجسد واحد نفسى نجيب عيال كتيررررر وتكون شبهك نفسى فى حجات كتير معاك انت وبس رد عليا يا مراد كده تهون عليك توتتك تزعل وتكلمك متردش عليها طب انا مش هاكل ولا طالعه من هنا غير معاك انت وباست ايده وقالت بحبك اوى يا مراد ورجعت راسها لوره وغمضت عنيها وناااااامت وبعد شويه صحيت على صوت الاجهزه بتصفر قامت تالين مفظوعه وطلعت تجرى تنادى الدكتور يشوفه وجه الدكتور بسرعه وطلب من تالين تقف بره ودخل الدكتور وهو والممرضات وهى تبعتهم من الشباك الزجاجى بتاع العنايه وشافت الدكتور وهو بيعمل لمراد صدمات قلب علشان يرجعه للحياه وعملها مره واتنين وتلاته ولم يستجيب قلب مراد واعلن الجهاز صفارته عن توقف قلب مراد
خرج الدكتور وقال
الدكتور :_ حاولنا معاه بس مستجبش
البقاءلله
تالين :_ لاااااااااااااا مراد مامتش مراد عايش لالالا شيلو الغطه من على وشه
علشان ميتخنقش اوعى كده سيبونى اخش لجوزى انتو كدبين مراد عايش يا مراد اصحه كلمنى قولهم انك عايش ومموتش وجه عمرو وأحمد وعرفه الخبر وقعده يعيطه وإيمان عرفت وجلها انهيار عصبه وادوها أبره مهدأه
وهاجر قعدة تعيط والكل حزن وحازم اتصدم لما سمع الخبر
تالين :_ راحت لعمرو وقالت ق.ق.قولهم يابابا مراد لسه عايش ب.ب.بس هو بيهزار معانا وراحت لاحمد وقالت خلاص قولهم انت يعنى انت مش عارف ابنك بيحب الهزار قد ايه هههه ده انا ناويه اطلع عينه
انتو مش بتروده ليه محدش فيكم يعيط ده كدب والله مررررررررراد رد عليا مرررررررررررررراد مراد ووقعت فى الارض مغمى عليها وجرى عليها أحمد وعمرو وشلها عمرو وحطها فى اوضه وادوها ابره مهدأه ونمت تالين
تالين :_ مراد عايش مراد رد عليا
.........................................................................
فى المستشفى كانت تالين نايمه وبتنادى على مراد
تالين :_ مراد متسبنيش لوحدى مررررررررررررراد وصحيت مفزوعه
الممرضه :_ خير يا مدام انا بصحى فيكى من بدرى
تالين:_ مراد فين
الممرضه :_ ما اهو يا مدام ادعى ربنا يقومه بالسلامه
تالين :_ قامت وحطت راسها على صدر مراد وقالت كنت هموت عليك الحمدالله ياربى ان ده حلم لالا ده كبوس الحمدالله
الممرضه :_ مش كده يا مدام المريض محتاج للراحه
تالين :_ ا.ا.اسفه خلاص هقعد من غير ما ازعجه
الممرضه :_ ياريت ده لمصلحت المريض
وخرجت الممرضه من الاوضه
تالين :_ مسكت ايد مراد وقعدة تبوس فيها وتقول ربنا يخليك ليا يارب ويجعل يومى قبل يومك يارب
.....................................................
عند حازم خلص اجرأت الدفن لإيمان
واتغسلت واخدوها الرجاله وصلو عليها وادفنت واخده العزا فى المقابر وكل واحد روح بيته وحازم راح على المستشفى علشان يطمن على مراد وفريد وقعد خارج الاوضه يتابع الاوضاع
وشويه وجه وكيل النيابه يحقق فى الحادثه وقال
وكيل النيابه :_ البقاء لله فى وفاة مراتك وربنا يقوم ليكم الشباب بسلامه
حازم :_ الله يخليك
وكيل النيابه :_ انا كنت جاى احقق فى الحادثه
حازم :_ ليه هو ممكن تكون بفعل فاعل
وكيل النيابه :_ طبعآ وانا حاليآ بعت فريق التحقيقات يتأكد من كده
حازم :_ ربنا معاكم
وكيل النيابه :_ معلش بقى يا سيادة الرائد هنحتاج نحقق مع الكل لحد ظهور النتيجه ما تطلع
حازم :_ اه طبعآ شوف شغلك واحنا تحت امرك
وكيل النيابه:_ عن أذنك
حازم :_ اتفضل
ومشى وكيل النيابه ومسك حازم التليفون واتصل بأبوه
حازم :_ السلام عليكم
مازن :_ وعليكم السلام
حازم :_ بابا الست اللى فوق مشيت ولا لا
مازن :_ معرفش انا سبتها على السلم ودخلت
حازم :_ انا عايز تاخدها وتسلمها لعم منير وانا هعتزر عن قضية فهد الدمنهورى
مازن :_ حاضر يا ابنى
حازم :_ ماشى عايز حاجه
مازن :_ ابن عمتك عامل ايه هو وصاحبك
حازم:_ لسه مفيش جديد
مازن :_ هنا حالت عمك ومراته تقطع القلب
حازم :_ ربنا يصبرنا على ابتلأه
مازن :_ اللهم امين
حازم :_ ماشى انا هقفل معاك دلوقتى
وقفل حازم تليفونه مع ابوه وراح يطمن على الشباب
.....................................................
عند مازن قفل مع حازم التليفون وطلع على اوضة يارا ولكن استغرب لما لاق الباب مفتوح وفكر ان هى مشيت خبط على الباب وقال
مازن:_ وهو بيخط حد جوه وخبط تانى وقال يارا انتى جوه لما ملاقش حد رد زق الباب ودخل وبيدور بيعينه اتصدم لما شاف منظر يارا وهى مرميه فى الارض وغرقانه فى دمها
بلغ مازن الحكومه واتصل بحازم وبلغه
واتجمعت النيابه والاسعاف وجه حازم ودخل
حازم :_ قعد جمب جثة يارا وقال كنت هموت واعرف امى مين ويوم ما عرفت ماتت والغريبه ان انا مش زعلان عليكى ولا ندمان على الكلام اللى قولته وزى ماعشت يتيم الام طول عمرى وهى عيشه هعيش دلوقتى يتيم الام بس بجد مش كدبه وغطه وشها وقام من جنبها واتصل منير على تليفون حازم
منير :_ هى دى الامانه اللى امنتك عليها لحد المحاكمه اهو وصل ليها فهد وقتلها
حازم :_ انا اسف حضرتك بس انت اكتر واحد عارف اللى انا فى موت مراتى وتعب مراد وفريد
منير :_ طب ما انا ابنى مرمى فى المستشفى بس مأثرش عليه فى شغلى خليك عارف ان الحياه الشخصيه ملهاش دعوه بشغلنا
حازم :_ حاضر يا فندم بس انا كنت عايز اعتزر عن قضية فهد الدمنهورى
منير :_ لا طبعآ وانت اللى هتحقق فى مقتل يارا واتفضل شوف شغلك
حازم :_ تمام يا فندم
وقفل حازم مع منير وراح يبحث عن حاجه تدول على القاتل وبعد بحث طويل تم نقل جثة يارا بالاسعاف للمشرحه
.....................................................
فى المستشفى وصل حازم وكانت فريده قعده دخل حازم ومتكلمش مع اى حد فريده اول ما شفته راحت ليه وقالت
فريده :_ البقاءلله ياحازم ربنا يصبر قلبك
حازم :_ من غير ماينطق ولا كلمه اترمى فى حضن فريده وقعد يعيط زى الاطفال
فريده :_ اتفاجئة من حركت حازم بس صعب عليها لما شافته بالحاله دى
حازم :_ وهو بيعيط فى حضن فريده قال انا تعبت ومبقدش قادر على اللى انا فيه تعبت يا فريده خليكى جمبى انا خلاص مش قادر اعيش الدنيا دى لوحدى عماله تطعنى فى ضهرى من غير ولا شفقه ولا رحمه ده اللى انا شايله مفيش حد فى الدنيا دى يقدر يشيله ويستحمله امى اللى ظهرت فى حياتى وبعد كام ساعه ماتت ولامراتى اللى ماتت ولا ابن عمتى وصحاب عمرى مابين الحيا والموت ولا انتى يا فريده بعيده عنى انا تعبت والحمل بقى تقيل اوى عليه مبقدش اقادر اشيله لوحدى واتشبث بفريده اكتر وقال خليكى معايه يا فريده متسبنيش ودفس راسه فى حضن فريده وقعد يعيط
فريده :_ صعب عليها حازم وقعدة تسمع كلامه للاخر وضمت حازم ليها جامد وقعدة تطبطب عليه وقالت انا معاك يا حازم وعمرى ما قدر ابعد عنك وانا مش اشيل معاك لا انا اشيل عنك الحمل كله واخليك انت مرتاح يا حازم وباست راسه وهو قعد يعيط فى حضنها وفى الوقت ده جه وكيل النيابه
وكيل النيابه :_ احم احم
حازم :_ طلع من حضن فريده ومسح دموعه وبص وقال خير فى حاجه
وكيل النيابه :_ اه كنت جاى ابلغك نتيجة معاينة الحادثه
حازم :_ طلعت ايه
وكيل النيابه :_ زى ما قولتلك بفعل فاعل
حازم:_ بس العربيه بتعتى يعنى كنت انا المقصود بيها
وكيل النيابه :_ بتعتك ازاى ممكن تحكيلى ازاى جه فيها مراد وفريد والمرحومه مراتك
حازم :_ هقولك
.....................................................
فلاش بااااااك
دخل مراد لحازم المكتب وقال
مراد :_ ايه يا زوما مش يلا علشان نلحق نروح نجيب إيمان وتوته
فريد :_ مش يلا بقى علشان هموت واشوف البنت
حازم :_ خلاص روح انت وفريد خده توته وانا هروح ابص على ماماوبابا وبعد كده هروح اخد إيمان واجى
مراد :_ حبكت النهارده خليها يوم تانى تعالى نروح احسن هموت من الجوع
حازم :_ لا مش هينفع ماما هتزعل منى علشان انا وعدها هروح ابص عليها كل يوم وبعدين انتو على ما تروحه وتحضرو الاكل نكون احنا جينا
مراد :_ طب ما تعمل معروف مع اخوك روح بعربيتى وفولها معاك بالمره احسن لو روحت مش هخلص دلوقتى
حازم :_ وهتروح بأيه
مراد :_ بعربيتك يا معلم وهعمل معاك واجب وهروح اخد إيمان من الكليه
حازم :_ وانا مالى روح انت فول عربيتك انا بزهق من الوقفه فى البنزينه
مراد :_ معلش يا زوما انا ماصدقت صلحت توته ولو اتأخرت عليها تانى هنتخانق مع بعض هاخد العربيه بتعتك وفريد وهروح فى سكيتى على كلية إيمان اخدها يكون جه وقت توته اخدها ونستناك فى البيت
حازم :_ حاضر يا اخويه هو ده اللى بأخده منكم طلبات وبس
مراد :_ حبيب قلبى يازوما انشالله ماربنا يوقعك فى ضيقه يارب
فريد :_ ما يلا بقى هتجن واشوف البت
حازم ومراد :_ هههههههههههههههههه
ومشى حازم بعربية مراد ومشى مراد وفريد على كلية إيمان بعربية حازم واخده إيمان وفى السكه العربيه كانت فضة التنك بتاع البنزين والفرامل سابت ومقدرش مراد يتحكم فى العربيه واتقلبت بيهم فى الطريق
.....................................................
بااااااااااك
حازم :_ بس هو ده اللى حصل
وكيل النيابه :_ يعنى اللى كان مقصود هو انت طب انت ليك اعداء
حازم :_ لا مليش مفيش غير فهد الدمنهورى وده احنا التلاته اللى مسكنها انا ومراد وفريد
وكيل النيابه :_ طب انت مش بتشك فى حد
حازم :_ لا انا معرفش اللى عمل كده ليه
وكيل النيابه :_ طب ممكن الصبح تيجى النيابه تقول الكلام ده وتمضى عليه علشان اقفل المحضر
حازم :_ ماشى انشالله
وكيل النيابه :_ همشى انا السلام عليكم
حازم :_ وعليكم السلام
ومشى وكيل النيابه وبص حازم على فريده لاقها نامت وهى قعده راح ليها
وقعد على الكرسى جمبها وحط رسها على كتفه وغطها بالجكت بتاعه وحط راسه على راسها ونام هو كمان
.....................................................
عند تالين كانت مسكه المصحف وبتقراه فى وشويه وصدقت بالله العظيم وقفلته وحطته جمب راس مراد ومسكت ايد مراد وبستها قالت
تالين :_ تصبح على خير يا قلبى اول مره انام بره حضنك وتكون نايم معايه فى نفس الاوضه وسايبنى ونامت على الكرسى وهى مسكه ايديه
.....................................................
فى المكان اللى فى فهد كان قاعد مع الشخص
فهد :_ عفارم عليك
الشخص :_ انت تأمر يا باشا وانا رقبتى سداده
فهد :_ عشت
الشخص :_ طب احنا مش هنشوف الاشغال والصفقات المتعطله دى
فهد :_ بس الحكومه تهدى شويه وموضوع موت يارا يتنسا وبعدين نخش بالتقيل
الشخص :_ ماشى ياباشا انا معاك وقت ما تبدء
.....................................................
اشرق صباح يوم جديد مليئ بالمفاجئات والاحداث استيقظت فريده من نومها وشعرت بشئ تقيل على راسها بتبص اتفاجئة بنفسها نايمه فى حضن حازم
حازم :_ حس بحركة فريده فتح عيونه وقال صباح الخير
فريده :_ بكسوف صباح النور هو يعنى احم انا نمت كده ازاى
حازم :_ انا نيمتك كده لما لاقيتك نايمه وانتى قعدة خفت راقبتك توجعك حطيت راسك على كتفى
فريده :_ وهى مكسوفه ش.ش.شكرآ
حازم :_ مش انتى اللى تشكرينى انا اللى اشكرك متعرفيش انا ارتحت قد ايه لما نمت طول الليل وانتى فى حضنى بجد نستينى همومى كلها
فريده :_ انا جمبك ومش هسيبك عمرى واى وقت هتحتاجنى فى هتلاقينى جمبك وبشيل عنك همومك وبنسيك ألامك واوجعاك
حازم :_ رغم صغر سنك وفرق السن اللى بنا بس بحس انك انتى امى وانا ابنك وانتى بتعطفى عليا بحبك وبحنانك
فريده :_ علشان انا بحبك من قلبى بجد خوفى عليك من قلبى زعلى علشانك من قلبى انا اه صغيره بس بقلب كبير جواه حازم وبس ومهما طال الزمان محدش هيقدر يخشه غيرك انت وبس
حازم :_ ربنا يخليكى ليا وميحرمنيش منك يارب
فريده :_ طب مش يلا قوم شوف اللى وراك
حازم :_ انا لو على مش عايز اسيبك ثانيه بس لازم امشى علشان اروح النيابه
فريده :_ ربنا معاك يارب
حازم :_ روحى انتى عندهم هناك بلاش تقعدى هنا لوحدك
فريده :_ حاضر ومشيت فريده عند اهلها وراح حازم النيابه
.....................................................
عند تالين ومراد
صحيت تالين وهى لسه ماسكه ايد مراد
تالين :_ صباح الخير ياقلبى واحشتنى واحشتنى عنيك وضحكتك وهزارك واحشتنى كلمة حبيبتى منك وكلمة توته من شفايفك واحشتنى بوستك ليا على الصبح ومداعبتك ليا واحشانى كل حاجه فيك ونامت على صدره وعيطت
الممرضه :_ يا مدام مش هينفع كده
المريض مش بيرتاح كده وانتى لو بتحبى بلاش تأذى
تالين :_ حاضر
الممرضه :_ ده اخر انذار ليكى لو فضلتى تعملى كده هطلعك بره الاوضه ومشيت وسابتها
تالين :_ بصت لمراد وقالت يرضيك كده اهو لو مكنتش انت كنت عرفتها مقمها وادتها فى وشها بوكس وقعت ليها صف سنانها بنطرتها دى قعر الكوبايه وبعدين قالت بص انا هقراه ليك شويه فى المصحف بس لما اتوضه واصلى ماشى مش هتأخر عليك وباسته من خده
ودخلت الحمام اتوضة وصلت وقعدة على الكرسى اللى قصاد السرير تقراه فى المصحف
....................................................
عند حازم وصل النيابه وقفل المحضر ونزل راح شغله ودخل مكتبه وشويه وجه منير
حازم :_ وقف اداه التحيه
منير :_ اقعد يا حازم
حازم :_ قعد على الكرسى
منير :_ انا مقدر اللى انت فيه وانا زيك بس عايزين نمسك فهد الدمنهورى علشان بعد موت يارا فى خطر على حياتك انت كمان كفايه اللى فى المستشفى واللى راحت
حازم :_ حاضر يا فندم وربنا يقوم ابن حضرتك بالسلامه
منير :_ اللهم امين هو والرائد مراد يارب
حازم :_ انا انشالله هاحول امسك طرف فى القضيه اقدر اوصل من خلاله لفهد الدمنهورى
منير :_ ربنا معاك ومتنساش قضية قتل يارا علشان نوصل للقاتل
حازم :_ تمام يا فندم
ومشى منير من مكتب حازم وقعد حازم يبحث على طرف للقضيه
.....................................................
عند إيمان وأحمد كان قاعدين فى الاوضه مع عمرو وهاجر ورن تليفون أحمد برقم غريب
أحمد :_ السلام عليكم
الرقم :_ وعليكم السلام حضرتك النتيجه طلعت بتاعة DNA اللى بأسم ماريا إياد والطفل عدى مصطفى
أحمد :_ تمام بس ممكن تبلغنى النتيجه على التليفون
الرقم :_ تمام تطابق الجينات الوراثيه بين كل من يارا إياد وعدى مصطفى
أحمد :_ بصدمه ش.ش.شكرآ ليك
وقفل مع الرقم
عمرو :_ مالك يا احمد
أحمد :_ نتيجة تحليل DNA طلعت وأثبتت ان عدى ابن إياد أخويه
هاجر :_ لا حولا ولا قوة الا بالله طب هتعمل ايه دلوقتى
أحمد :_ مش وقته دلوقتى اطمن على مراد وفريد الاول وبعد كده ابقى ابلغ ماريا
هاجر :_ ربنا يقومهم بالسلامه يارب
إيمان :_ بدموع يارب
.....................................................
خلص حازم شغله وراح عند امه مياده ودخل الشقه
مياده :_ ايه يا حبيبى مال وشك اصفر كده وخاسس علشان خاطرى متحطش فى نفسك علشان انت كده هتتعب كتير
حازم :_ طب ما انا طول عمرى بحط فى نفسى ايه الجديد ما علطول الدنيا بتدينى بأقصى ما عندها وانا باخد الضربه ومببينش
عبدالرحمن :_ يا عم فكك من الكلمتين بتوع السيما دول ما تعملش فيها مصطفى كامل وتغنى لينا اغانى حزينه وبلاش دور امينه رزق الله يكرمك
مازن :_ انت معندكش دم حتى فى اللى اخوك فيه مش عايز تقف جمبه
حازم :_ انا لا عايزه يقف جمبى ولا عايزه ليه دعوه بى من اساسه
وسبهم ودخل اوضه
مياده :_ ليه كده يا عبده تجرح اخوك مش كفايه اللى هو فى
عبدالرحمن :_ وانتو كلكم عليا ليه وانا مالى كنت انا اللى خليت امه تبقى واحده عاهره ولا انا اللى موت ليه مراته
مازن :_ احترم نفسك فى الكلام واتكلم عدل على اخوك
عبدالرحمن :_ بقولك ايه انا نازل عشتكم بقت نكد وسبهم واخد مفاتيحه واخد تليفونه ونزل
حازم :_ خرج من اوضه وراح نحيت الباب
مازن :_ ايه يا ابنى انت هتنزل تانى
حازم :_ اه يابابا افتكرت مشوار هروحه
مازن :_ ربنا معاك يا ابنى
وفتح حازم الباب ونزل
.....................................................
عند فريده ورغد
رغد :_ انتى نمتى فين أمبارح
فريده :_ ف.ف.فى الدور اللى فى العنايه بتاع ابيه مراد
رغد :_ بجد
فريده :_ ا.ا.اه
رغد :_ بس شوفتك وانتى نايمه فى حضن ابيه حازم
فريده :_ ششش بس احسن حد يسمعك
رغد :_ متخفيش لما سأله عليكى قولتلهم انك نايمه عند العنايه هناك علشان لو ابله تالين طلبت منك حاجه
فريده :_ شكرآ ليكى
رغد :_ فريده انتى بجد ناويه ترجعى تانى لابيه حازم بعد اللى عمله فيكى وسابك
فريده :_ اه يا رغد انا عمرى ما فكرت ابعد عن حازم حتى بعد ماراح اتجوز وانا متأكده معملش كده الا بسبب واهو إيمان ربنا رحمها وربنا رجع ليا حازم تانى
رغد :_ وافرضى كانت إيمان عايشه دلوقتى كان هيبقى مع مين دلوقتى اكيد كان هيبقى معاها وانتى كنتى هتقعدى حطه إيدك على خدك فوقى يا فريده بلاش تعشمى نفسك بى تانى علشان ميحصلش ليكى زى ما حصل اول مره
فريده :_ لا انا واثقه فى حازم مستحيل هيسيبنى تانى وانا هفضل جمبه علطول
رغد :_ انتى حره يا فريده استحميلى اللى هيحصلك وسبتها ومشيت
فريده :_ لنفسها معقده وقعدة على الكرسى تفكر فى الليله الكامله اللى نامتها فى حضن حازم وضحكة وقالت ربنا يخليك ليا يازوما قال ابعد واسيبك ده انت كل حياتى
.....................................................
عند فهد كان الشخص وصل
فهد :_ خير ايه جابك هنا فى الوقت ده
الشخص :_ كنت جاى اقولك على مصلحه هتكسبنا الدهب
فهد :_ مصلحة ايه
الشخص :_ اثار ده بيكسب دهب
فهد :_ لا لا اتعرض عليه شغل من ده ومحبتهوش
الشخص :_ لا اسمع بس عندى ناس معاها شروه حلوه وهنكسب فيها الضعف ثلاثة مرات
فهد :_ والناس دى مضمونه
الشخص :_ انت عارف شغلى ازاى ياباشا مش بسيب حاجه الالما بسأل عليها
فهد :_ وده اللى عجبنى فيك مخك شغال وبتشتغل بضمير
الشخص :_ الله يخليك ياباشا شهدك دى بترفعنى السما فوق
حازم :_ اهلايافهد باشا
وقال اهلا يا عبدالرحمن
عبدالرحمن :_ بصدمه انت عرفت مكانى ازاى
حازم :_ عيب عليك انت اخوك ظابط
عبدالرحمن :_ بغمزه 😉😉احلا ظابط وحضن حازم
حازم :_ انت كده عملت اللى عليك وزياده
فهد :_ بص لعبدالرحمن وقال اخوه انت تبقى اخو الظابط
عبدالرحمن :_ وده يزدنى شرف طبعآ
حازم :_ امر العساكر هاتو
ومسكو العساكر فهد الدمنهورى
فهد :_ وهو ماشى مع العساكر بص لعبد الرحمن وقال مش هرحمك وموتك على ايدى
عبدالرحمن :_ مش لو طلعت منها اصلآ ده انت اعدام علطول ياباشا
فهد :_ بكره تشوف مش هرحمكم انت واخوك
حازم :_ بأمر خدوه واخدوه فهد ومشيوه وقال انا متشكر ليك يا عبده انك وقفت جمبى وساعدنى امسك فهد الدمنهورى
عبدالرحمن :_ ده انا اللى عايز اشكرك على انك سمحتينى على اللى عملته فيك وادتنى فرصه اصلح حياتى من اول وجديد
حازم :_ انت اخويه الصغير يا عبيط وانا من وجبى ان اقف جمبك واصلح ليك الغلط اللى تعمله واوصلك لطريق الصح اللى هتمشى فى
عبدالرحمن :_ انا مش هنسى يوم ماجيت اطلب منك المساعده
.....................................................
فلاش باااااك
كان قاعد حازم فى شقته مع إيمان
وجه ليه مكلمه على التليفون من عبدالرحمن
حازم :_ لنفسه عبد الرحمن غريبه دى من امته وهو بيتصل عليه وبص لإيمان وقال عن أذنك هرد على المكلمه
إيمان :_ اه ماشى خد راحتك انا هخش انام تصبح على خير
حازم :_ وانتى من أهله ودخلت إيمان نامت وهو دخل المكتب واتصل على عبدالرحمن
عبدالرحمن :_ اذيك ياحازم
حازم :_ نعم عايز ايه
عبدالرحمن :_ انا عارف انك زعلان منى ومش طايق تكلمنى وده حقك اللى عملته فيك مش شويه بس انا اخوك الصغير وانت بدورك الكبير محتاجك تقف جمبى
حازم :_ قلق خير يا عبده مالك
عبدالرحمن :_ مش هينفع الكلام فى التليفون ممكن تقبلنى
حازم :_ طبعآ انا هلبس واجيلك علطول
عبدالرحمن:_ ربنا يخليك ياحازم كنت عارف قلبك كبير وهتسامحنى
وقفل التليفون معاه ودخل لبس هدومه وراح لحازم
.....................................................
وصل حازم عند عبدالرحمن ودخل ليه الاوضه
عبدالرحمن :_ اول ماشاف حازم راح يجرى عليه وحضنه
حازم :_ بستغراب مالك يا عبدالرحمن
عبدالرحمن :_ انا فى ورطه ومفيش حد هيطلعنى منها غيرك انت
حازم:_ ايه هى
عبدالرحمن :_ ا.ا.انا ك.كنت بشتغل مع فهد الدمنهورى بس فى التهريب وحجات ممنوعه
حازم :_ بصدمه ايه اللى انت بتقوله ده
عبدالرحمن :_ ايوه هى دى الحقيقه ب.ب.بس بدء يطلب منى حجات مقدرش اعملها
حازم :_ زى ايه
عبدالرحمن :_ زى القتل والخطف وانا مقدرش اعمل كده انا اه ممكن اهرب سلاح واستلم بضاعة برشام لكن اكتر من كده مقدرش اعمل انا مش قتال قتله يا حازم
حازم:_ برضه غلطان يا عبدالرحمن البرشام والاسلحه دى برضه قتل ارواح ملهاش ذنب انت بتشارك فيها وطول عمرك وانت مش راضى بالمقسوم وتملى بتبص لعيشة غيرك وبتبص على اللى فى ايديهم
عبدالرحمن :_ عارف ان انا غلطان بس برضه مش عارف اعمل ايه لو قلت لا هيقتلونى ولو قلت اه مش هقدر انفذ كلامى ولا اموت روح
حازم:_ انت ممكن تكفر عن اللى انت عملته بتسليمك لفهد وانا هعملك شاهد ملك فى القضيه
عبدالرحمن :_ بس انا خايف ليقتلونى
حازم :_ متخفش محدش هيعرف حاجه انت هتروح لي وتسجله الكلام اللى بيتفق معاك فيه وانا هدخل فى الوقت المناسب وهنقبض على فهد الدمنهورى
عبدالرحمن :_ طب انا هيبقى ايه وضعى فى القضيه
حازم :_ هخليك شاهد ملك او تاخد حكم مخفف فى القضيه
عبدالرحمن :_ انا اسف ياحازم واسف
على الكلام اللى قولته لايمان
حازم:_ بأستغراب كلام ايه
عبدالرحمن :_ حكا ليه الكلام اللى قاله ليها ورد فعل إيمان معاه وقال انا اسف يا حازم بجد انا غلط فى حقك كتير وفى حق مراتك
حازم :_ ربنا يهديك لنفسك يا عبدالرحمن والحمدالله انك فقت بدرى قبل ما تعمل حاجه كنت خسرت بيها دنيتك واخرتك واستغفر ربك واطلب منه المغفره والتوبه وربك غفور رحيم وربك تواب ويحب التوابين
عبدالرحمن :_ بجد انت احسن اخ فى الدنيا وقلبك كبير وعرفت ليه كان الكل بيحبك اكتر علشان ربنا بيحبك بيحبب خلقه فيك وقلبك ابيض ومبتعرفش تشيل من حد ربنا يخليك ليا
واتفق حازم وعبدالرحمن على الخطه للوقوع بفهد وتم القبض عليه
.....................................................
بااااااااك
حازم :_ اهم حاجه جاهز علشان تيجى معايه
عبدالرحمن :_ اه يلا بينا
ومشى حازم و عبدالرحمن على النيابه لتحقيق معاه فى القضيه
إلي هنا ينتهي الفصل الرابع والعشرون من رواية أعشق تمردك ولكن بقلم دودو محمد
إرسال تعليق
يسعدنا تلقي اقتراحاتك أو تعليقك هنا