-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية أصابها عشق بقلم كنزي علي - الفصل الثامن

مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية جديدة للكاتبة كنزى على , وموعدنا اليوم علي موقع قصص 26 مع الفصل الثامن من رواية أصابها عشق بقلم كنزي علي .

رواية أصابها عشق بقلم كنزي علي - الفصل الثامن

رواية أصابها عشق بقلم كنزي علي

رواية أصابها عشق بقلم كنزي علي - الفصل الثامن

 عاصم بيقلب فى موبيله يجيب رقم المدير التنفيذى المسؤل عن شركته فى مصر يعمل سيرش عن تاج ومروان

واتصل

وبتفكير ثوانى قفل

أن تاج ليها علاقه بالازياء فااا

هسألها من باب أنها هتفدنى مش أكتر لاء

لاء ... ليه عادى

وايديه بتقلب جابت الرقم .... واتصل

هايدى بصت للموبايل ثوانى بقلب دقاته زادت لما شافت رقمه

خدت نفس علشان صوتها يطلع

وفتحت الخط .....

عاصم بص للموبايل شافه اتفتح بأستغراب :هايدى انتى معايا

هايدي بهمس :أيوه ازيك يا عاصم

عاصم :الحمد لله ... عامله ايه

هايدي : كويسه

عاصم بهمس : وحشتيني

هايدي هو كمان وحشها بس ....

عاصم اضايق أنه اتسرع : أحم ...

أنا بتصل علشان كنت عاوز اخد رايك فى حاجه بما أنك فى مجال الأزياء فأكيد تعرفى شركه تاج

هايدي :طبعا اعرفها

عاصم :عامله مسابقه للموهوبين وبالاخص المهندس مروان سراج تاج الدين هو المسؤل عن المسابقه

ليناا بنت عمتى عاوزه تقدم فى المسابقه فااا قولت أكيد انتى أكتر واحده هتفدينى علشان كده كلمتك

هايدي بغيظ :علشان كده كلمتنى

عموما شركه تاج سمعتها كويسه جدا واعرف الديزينر مروان اد ايه إنسان محترم وشاطر جدا

تقريبا سمعت عن المسابقه بس معرفش تفاصيل

عاصم خد باله من نطقها علشان كده كلمتنى :ليه متقوليش أن دورت على حجه اكلمك بيها

هايدي ابتسمت

عاصم :قولتلك هستناكى تكلمينى

هايدي خدت نفس بصوت

عاصم :ليه متردده

هايدى :خايفه

عاصم :منى ليه

هايدى بتردد : خارجه من تجربه صعبه وأنت مش واضح وده مخوفنى

عاصم غمض عينيه أنه برضه خايف مش قادر ينسى الحصله لحد دلوقتي مصرحش لنفسه أنه بيحبها كل ما بيفكر فيها يقول أنها مناسبه ليه من كل النواحي

وأن ده الوقت المناسب لجوازه

هايدي سكوته خوفها أكتر كانت مستنيه يأكد احتوائه لخوفها ويحسسها بالأمان

عاصم :هايدي انااا

هايدي خلاص أى كلام بعد تفكيره الكتير مالوش معنى

قاطعته :أنت بسكوتك خوفتنى أكتر سورى هقفل


عاصم بص لفونه وغمض عينيه

ولنفسه وبعدين يا عاصم هتفضل خايف لأمتى وصلت أن خوفك وصلها

محتاج وقت ياهايدى محتاج أحس بالأمان علشان اوصلهولك

ادينى فرصه

كنت واخد عهد متتعلقش بواحده

شكلك معلقتش نفسك بس لاء انت علقت قلبك

قلبك الاتكسر واتهنت واداس عليه

سفرك سنين مكسوف تواجه ابوك وعمتك

عمتك الباعت شقتها بذكرياتها

وأبوك المات وأنت مش جنبه علشان تبتدى حياتك

حياتى هيا فين كلها شغل وبس ...

كفايه يا عاصم

كفايه تثبت لنفسك أنك بقيت قوى وواقف على أرض صلبه ----------


لينا متوتره وقلقانه من قرار عاصم مش جيلها نوم بتتقلب كتير الساعه

عدت اتنين بعد منتصف الليل قامت قعدت

وأعدت تنفخ ...

يارا على السرير الجنبها بنوم :ارحمينى ونامى فركك وصلنى

مش قالك هيرد عليكى بكره

لينا بتبص نحيتها بغيظ : فركى وصلك دا انتى صوت نومك وصلى من خمس ساعات فاتوا يا بارده

يارا قامت قعدت وبتدعك فى عينيها :خمس ساعات ياظلمه دا انا مكملتش ساعتين

طيب تحبى أكلمه أنا

لينا بتفكير : هو مش قالى هقولك بكره ماهو دلوقتي بكره فى أمريكا

مش كده برضه

يارا :مش فاهمه تقصدى ايه

لينا :هكلمه وزى ما تيجى

واتصلت ....

عاصم أبتسم ورد :سلام عليكم ايه المصحيكى لدلوقتى

لينا :وعليكم السلام ورحمة الله وبركاته

ايييه قولت اصبح عليك قبل ما أنام يعنى انت عارف بكره الجمعه وبصحى متأخر فااا علشان لو اتصلت بيا ومردتش متقلقش

عاصم ضحك :لاء مش هقلق هبقى اتصل تانى

لينا فهمت أنه فاهمها : سألت عن الشركه

احم ...

قرارك ايه

عاصم مستكفاش بكلام هايدى وسأل مديره التنفيذى :الشركه ومروان تاج الدين سمعتهم كويسه جدا

لينا بفرحه :يعنى موافق مش كده

عاصم :موافق يالينا بس مش هسمح بأى حاجه تأثير على دراستك

الحاجه الوحيده الخلتنى اسيبك فى مصر واسافر هيا دراستك

دراستك فوق كل شئ تمام يا بنت امى

لينا بأنبساط :تمام يأاحلى عاصم فى دنيتى كلها

يارب يارب ما يحرمنى منك أنا اصلا كنت عارفه أنك عمرك ما هتزعلنى

يارا متابعه وبصوت عالى :متصدقهاش يا عاصم من ساعه ماقفلت معاك وهيا هتتجنن وتقول أكيد عاصم مش هيوافق

لينا جرت تكتم بوقها

عاصم بسعاده لسعادتها : لينا افتحى الاسبيكر

لينا فتحته

عاصم :يارا ازيك اولا

يارا : الله يسلمك

عاصم :انتى من النهارده هتبقى عينى على لينا لو قصرت فى دراستها ضرورى تقوليلى بدون تردد

يارا :أكيد من غير ما تقول أنا اصلا فتانه

عاصم :هههههه لينا بتحبك اوى يايارا خلوا بالكوا من بعض

معلش مضطر اقفل عندى شغل

سلام يا بنات

لينا ويارا :مع السلامه......


وجاء أول الأسبوع ......


مروان ظبط اوضه فى الدور التالت قريبه شويه من مكتبه حط فيها مكتب صغير بكرسى وخمسه دسك منظمين تلاته قدام واتنين ورا بعاد عن بعض ربع متر تقريبا فى ضهرهم بلكونه بتطل على النيل

وفى الوش شاشه عرض كبيره وبجوارها صبوره الكترونيه

على اليمين باب الغرفه وعلى الشمال المنيكان

بعت رساله للموهوبين الكل يكون متواجد قبل العرض بربع ساعه ينظمهم لأن هيكون فى بث مباشر لجميع المتسابقين المشتركين .....


لينا متحمسة وفرحانه جدا وراحت قبل الميعاد لبسه بدله سودا بزراير كبيره شويه اوكسوديه انيقه جدا

جزمه وشنطه اوكسوديه وشنطه تانيه كبيره شويه فيها اورقها وأدواتها

سألت السكرتريه قالولها على الاوضه راحت لعندها ....

شافت مروان بيظبط حاجه فى الشاشه

فضلت واقفه على باب الاوضه تتبعه وهيا مبتسمه دقات قلبها بترفرف من الانبساط مش عارفه مصدره ايه يمكن من أنها هتتعلم أكتر عن موهبتها اووو

مروان انتبه ...

لينا قربت :سلام عليكم ازى حضرتك

مروان : فاين

مستعده

لينا بفرحه :جدا دا انا جيت قبل الميعاد

مروان : كده احسن دلوقتى المتسابقين يوصلوا وتتعرفوا على بعض

لينا بتبص على الاوضه بإعجاب وراحت ناحيه البلكونه

مروان لنفسه منكرش أنك شيك بس برضه اسود

اوووف بتفكر ازاى دى

لينا بفرحه وصوت عالى شويه : النيل واضح اوى من هنا يجنن

مروان قرب أستغرب طريقتها ومعلقش

لينا بحماس :الاوضه حلوه اوى واختيارك انوو

وبتبص على النيل ...

هيدلنا طاقه ايجابيه كبيره

مروان : وده الفكرت فيه

لينا :آه اممم

يارا بتسلم عليك

مروان :سلمى عليها

وبصوا ناحية الباب

مروان : المتسابقين وصلوا متمشيش بعد الكورس

وراح نحيتهم

استقلبهم وابتدى يعرفهم على بعض


مروان :نورهان إدارة اعمال

نورهان بضحك : خريجه جامعه امريكيه وصاحبه شركه الشاذلى للتجاره

سرين ودانا ويدنج بلنر

وائل خريج اعلام وشغله فى المركتنج

وأخيرا لينا طالبه هندسه سنه ااا

لينا بأحراج :اخر سنه فى هندسة قسم ديكور

الكل بيبص لبعض بأبتسامه

مروان :اوك تقريبا قدمنا عشر دقائق وهنفتح البث

وبيبص على الشاشه ...

كل المتسابقين من كل مكان هنظهر مع بعض تعارف سريع

ياريت نكون مبتسمين والتفاعل معاهم يكون بلباقه

ممكن بعض المصميمين يعرضوا عليكوا بعض الأسئله البسيطه الرد يكون دبلوماسى

..... فى أى استفسار


اوك وفتح الشاشه وابتدوا يظهروا لبعض

وابتدوا التعارف الكان باللغه الانجليزيه

ولما جاء دور المتسابقين الفرنسين لينا بس من وسط مجموعتها التفاعلت معاهم بالفرنسى وكانت متشافه اوى مابين المتسابقين

المصمم الفرنسى للينا : مش شايفه أنك مش مناسبه للمسابقه بما أنك محجبه فأكيد هيكون عندك تحفظات وفى مجال الأزياء مفيش حدود للإبداع

مروان اتوتر من السؤال ومعرفش يلحقها بالإجابة

سراج وشاكر وأدم. .. متابعين من اوضه تانيه

سراج بعت لمروان أجابه يلحقه بس لينا سبقت

لينا بأبتسامه وبالفرنسيه : فى كل مجال فيه الجانب الحلال والحرام الصح والغلط

واحنا واعين كفايه لأختيار ما يناسبنا ويناسب افكارنا

وبالنسبه للمسابقه مش أكتر من دراسه أى خطوط عريضه

زيها زى دراسة

الطب مثلا وهو الاختيار ما بين الرحمه أى الضمير أو استغلال المهنه فى تجاره الاعضاء مثلا

وبالنسبه لحجابى( فأنا كمسلمه عربيه فخوره بحجابى فخوره بدينى )

عادتها بالإنجليزية

المصمم الفرنسى بغيظ :افهم من كلامك أنك بتعتبرى المسلمه الغير محجبه مش فخر لدينها

لينا محتفظه بأبتسامتها :

مش معنى انى محجبه أكون ضد الغير محجبه بالعكس ربما تكون أقرب إلى الله بأعمالها وبقلبها أكثر منى

قال رسول الله صلى الله عليه وسلم (ان الله لا ينظر الى اجسامكم ولا الى صوركم ولكن ينظر الى قلوبكم واعمالكم )صدق رسول الله صلى الله عليه وسلم

معنى الحديث الشريف أن الإيمان فى القلب والعمل واتقانه عباده يأجر عليها

وبهدوء وبابتسامه اكتر حطت أديها على صدرها وبتأكيد على كل حرف

أنا كمسلمه أحترم كافه الأفكار والعقائد والديانات مادام كل منا يحترم الآخر

وعادت كلامها تانى بالإنجليزية


المعهد فى إيطاليا اتوتر أن المحادثات ما بين المتسابقين وصلت لنقطه شائكه وصعب التطرق إليها

والمسؤل فى حديث بسيط :انتهى وقت التعارف

فلتبدأ المسابقه والبقاء للإبداع والمبدعين ............

وقفل البث .....


وائل للينا القاعدين فى الصف التانى بأبتسامه :برافو عليكى قصف جبهه

البنات بصوا للينا بدون اهتمام التطرق لموضوع الحجاب ضايقهم لأنهم مش محجبين

مروان آه ردها كويس بس :لينا ياريت أى سؤال بره ايطار المسابقه تسبيلى أنا الرد اوك

لينا اضيقت : لو السؤال متوجهلى بصفه شخصيه يبقى ليه حق الرد

مروان بتحذير :اظن كلامى واضح ومفهوش مجال للمناقشه

لاحظ انزعجها بس مهموش أهم حاجه عنده المسابقه

وبدأ السكشن .....


وبعد وقت .....


مروان : كفايه كده النهارده مواعيدنا زى ما انتوا عارفين يومين فى الأسبوع مش محتاج أقولكم بالدقيقة تكونوا على مقاعدكم فى أى وقت هيفتحوا البث مش عاوز غلطه

وبأبتسامه عمليه تقدروا تتفضلوا

نورهان بضحك : مروان عاوزه اخد معاك سلفى انزلها على الانستا

مروان :آه اوك

دانا و سرين :وأنا يامروان وانا وقربوا منه

لينا أكيد متابعهم

نورهان أخدت كذا صوره وطبعا مقربين يا اما هيا حطه أيديها على كتفه أو هو على ضهرها

ودانا وسرين نفس النظام ...

وطلعوا بره وهما بيضحكوا ويهزروا

وائل ولينا طالعين جنب بعض شويه بهمس : زعلانه من كلامه

لينا باين عليها الضيق مش عارفه من كلامه ولا من الشيفاه

وائل :المسابقه ترفيهيه وأنها تتطرق للحجاب والدين موضوع شائك شويه

لينا : عندك حق

وائل :على فكره أختى اسمها لينا

لينا ابتسمت :بجد

وائل طلع موبيله :هوريهالك

وكانت صوره لبنوته عندها عشر سنين

لينا :ما شاء الله حلوه اوى

وائل :ولمضه

لينا :ربنا يخليهالك

وائل :يارب

البنات مشيوا ....

ومروان متابع لينا ووائل وانتظرها تيجى لعنده بس منتبهتش ليه اضطر هو اليقرب منها

مروان :ليناا

وشاورلها تيجى

وائل بأبتسامه :اوكى مع السلامه

لينا بأبتسامه : الله يسلمك

وراحت لمروان البنهم كام خطوه

مروان بص ناحيه وائل وبصلها ثوانى :على المكتب

ومشى قدمها

لينا بغيظ وبتمتمه وهيا وراه

مهو مقضيها ضحك وهزار

وعليه يصدر الوش ده

مروان سمع تمتمه بس مفهمش : بتقولى ايه

لينا :مين أنا ولا حاجه

احم .... وزاغت بعينيها

مروان دخل المكتب وقعد

ولينا كمان

مروان بص للباب السيباه مفتوح بسخريه :

قولتى أنك هتظبطى أمورك كله تمام

لينا :اه تمام الحمد لله

مروان حس فى حاجه :لينا فى مشكله عرفينى من دلوقتي

لينا :خالص كنت منتظره بس رأى ابن خالى الحمد لله سأل على الشركه وعلى حضرتك والحمد لله وافق

مروان بتريقه :سأل عليا وعلى الشركه

لينا افتكرته مستغرب : يعنى بيخاف عليا وكان عاوز يطمن

مروان : اااه

وبص على الورق القدامه يطلع فيه غيظه ونفخ ورفع دماغه :جبتى جدولك

لينا :لاء بس أنا عارفه مواعيد محاضراتى

مروان :اوك

طيب بما أن الكورس هيكون يومين فى الاسبوع يبقى نبعد عن اليومين دول

الأحد مواعيدك ايه

وابتدوا يظبطوا المواعيد

ومروان اصر على كام يوم يكون الميعاد ال ساعه ٨ الصبح قبل محاضراتها اضيقت بس حاولت متبينش وفى مواعيد على بعد ٢ :

مروان : وبالنسبه للجمعه

لينا بسرعه :مش هينفع خالص يعنى اقصد بقضيه مذاكره وتبيض للمواد

مروان :اوك

لينا بهمس:الحمد لله نفدت

مروان رفع حاجبه بتعجب

لينا :أقصد انووو الحمد لله ظبطنا الجدول وكله تمام

وبلعت ريقها بتوتر

مروان :عارف أن دراستك ليها الأولوية لكل وقتك

بس دى فرصه العمر بالنسبالك المواعيد الحددناها دلوقتي مفيش فيها تغير إطلاقا اوك

لينا :إن شاء الله

مروان طلع ورقه من الدرج ووجهلها :الورقه دى والدك يمضى عليها أنه موافق على تقديمك للمسابقه نسيت اديهالك المره الفاتت

لينا اخدتها بأرتباك جت تتكلم لقته انشغل بورق قدامه

مروان من غير ما يبصلها :اوك ميعادنا بكره 8 الصبح

لينا قامت وقفت : إن شاء الله

عن إذن حضرتك

وبتبص على الورقه بحيره وهيا خارجه من المكتب

آدم داخل لمروان شافها ماشيه وشكلها سرحان وسمع داليا بتنده عليها

آدم :مبروك مقدما

مروان : ايه رأيك

آدم : شكلها مسابقه كبيره اتوترنا شويه من سؤال لينا بس البنت طلعت ذكيه وعرفت ترد

مروان :آه بس مكنتش عاوزها تتكلم مش حابب تكون متشافه

آدم :ليه دا ردها عجب سراج بيه جدا شاكر بيه اتوتر شويه بس والدك طمنه

مروان :قولتلك أنها الكارت الرابح البلعب عليه فمش حابب يكون عندهم كومنت عليها

آدم :عندك حق وأنت قولتلها الكلام ده

مروان :لاء بس

حزرتها متتكلمش مع حد

آدم :واضح أنها اضيقت شوفتها وأنا داخلك وداليا بتنده عليها

مروان :أو ماى جاد

ازاي نسيت حاجه زى دى

وقام يلحق داليا

آدم :فى ايه

مروان : لينا أنا القولتلها على المسابقه وظروفها متسمحش تدفع الرسوم يارب نلحقها منعا للإحراج

داليا للينا بسخريه : ايه ياانسه لينا هواا مش انتى برضه من المتسابقين

لينا :أيوه فى حاجه

داليا :آه فى مدفعتيش رسوم الكورس ليه

نفين بتلطيف :داليا تقصد أن يعنى تبقى تعملى حسابك المره الجايه

مروان بخطوات سريعه وصل لعندهم

لينا اتحرجت من الموقف مكنتش تعرف بتبص لمروان ولنفين :سورى أنا مكنتش اعرف طيب الرسوم كام وبتفتح شنطتها

مروان برق لنفين ولينا :خلاص يالينا مفيش مشكله بعدين نشوف الموضوع ده

لينا طلعت الفيزا :لاء خالص ولنفين كام الرسوم

نفين مفهمتش نظره مروان وتوترت

داليا :عشر تلاف دولار

لينا بأحراج :بس أنا مش معايا بالدولار

مروان اضايق من الموقف واحراجها

كملت ... ينفع بالمصرى

نفين :آه طبعا مفيش مشكله

لينا ادتلها الفيزا وقالتلها على رقم حسابها المميز جدا

مروان بص لآدم بأستغراب

نفين ادتلها الفيزا :كده تمام تم التحويل

لينا أخدتها وابتسمتلها ونظره سريعه لمروان وأدم :سلام عليكم


مروان وأدم وهما راجعين المكتب

آدم :ليه فكرت أنها مش هتقدر تدفع الرسوم

مروان بتفكير فى كلام يارا أنها بتبيع تصميماتها :مش عارف مجرد تخمين


نفين لداليا :مالك بتعمليها كده ليه

داليا :بت سهونه اليدور عليها وهيا لبسالى طرحه يتلقيها شمال

نفين : تفتكرى مع ان شكلها طيب

داليا :طيب دا انتى الطيبه وبكره تشوفى

نفين : بس غريبه هو مستر مروان كان بيبصلنا كده ليه

داليا : انا برضه استغربت .....


لينا وهيا فى الطريق بعتت نوتس لعاصم ( شكرا لوجودك فى حياتى تصميمك فى انى أتمكن من دراسه اللغه الانجليزيه والفرنسيه واخد فيهم كورسات فدنى فوق ما تتخيل أنت سندى )

وبهمس الله يرحمك يا ماما

وتذكرت لما كانت بتاخدها المسجد يحضروا دروس دين واذاعه القرأن الكريم الشغاله طول اليوم

وخالها الديما كان حريص يفهمها أصول دينها.....


لينا وصلت بيت الطالبات وحكت ليارا على كل حاجه

يارا بضحك :8 الصبح يالينا ههههه

لينا :اةةةة يايارا اعمل ايه

اقوله خليها عشره يقولى لاء عااا

يارا :بقولك ايه من دلوقتي لما تصحى اياكى تعملى دوشه فاهمه

لينا حدفت فيها المخده بغيظ : بارده

آه صحيح تبقى تيجى معايا لدكتور مصطفى علشان هغير مواعيدى ويوافق انتقل لشعبه تانيه لأن مواعيده نفس مواعيد كورس المسابقه

يارا : اوكى طالما فيها مصطفى اجى طبعا مع أنى هكون مضايقه أنك هتنتقلى لشعبه تانيه.....


لينا مسكت الورقه فى ايديها وورتهلها :هعمل ايه دلوقتي

يارا :ليه مقولتلهوش

لينا :كان مشغول وفى نفس الوقت اتكسفت وخوفت تكون فيها مشكله وبسببها اطلع من المسابقه

وبحيره اعمل ايه دلوقتي

يارا :أمضى بإسم باباكى وهو مش هيعرف وبكده مش هيكون في مشكله

لينا :وافرض عرف ساعتها هيكون شكلى ايه

يارا : وهيعرف منين وحتى لو عرف هتكونى عديتى شوط كبير فى المسابقه ومش هيقدر يخرجك منها

لينا مسكت القلم بتفكير وأقتناع بكلام يارا ومخدتش بالها وكتبت اسمها كامل....


لينا مش متعوده تنام بدرى بس حاولت كتير ظبطت فونها وفون يارا علشان ميرحش عليها نومه ولأنها قلقانه صحت قبل الميعاد صلت فرضها وظبطت حاجات الكورس والكلية بحيث متنساش حاجه قبل ما تخرج من الاوضه بصت ليارا بحقد أنها نايمه

وثوانى وضحكت وخرجت ....


وصلت تاج فى الميعاد قابلت مروان وهو نازل من عربيته ابتسمت ووقفت

وانتبهت على

مروان ووالده قربوا منها : صباح الخير مواعيدك مظبوطه

ولوالده لينا الشافعى

ولينا والدى سراج تاج الدين رئيس مجلس الاداره

لينا بأبتسامه : أتشرفت بحضرتك

سراج ابتسملها : الشرف ليه تباعت المحاضره وعجبنى ردك جدا

مروان :آه بس زى ما اتفقنا ممنوع ترد على حد وتسبنى أنا الأرد

لينا بصتله بزعل

سراج بتلطيف :مروان بيقولك كده علشان خايف عليكى ثقى فيه

أكيد مروان حكاله على وضع لينا وفهمه وجهة نظره

لينا بتبص لسراج بحب

وهزت راسها بالموافقه.....


مروان ووراه لينا دخل غرفه جنب غرفه الكورس فيها طربيزه اجتماع بتمن كراسى

متغلفه بالمرايات

كاست كبير على جنب

ومانيكان جنبه شويه

بيفتح البلكونه وبعديها الشباك

لينا قربت بتبص حواليها

نور ربنا غطى الغرفه وزدها حيويه

دخلت البلكونه فرحت لما شافت النيل خدت نفس عميق .... ودخلت جوه

مروان متابعها مش عارف إذا كانت مبسوطه ولا مضايقه

عينيها ديما حزينه وبصوت :الاوضه دى هتكون خاصه بالكورس الخاص

لينا هزت راسها :حلوه اوى

مروان : دى غرفه الاجتماعات وساعات بشتغل فيها

وقعد على رأس الطربيزه

لينا قربت وعينيها على الباب تتأكد أنه مفتوح

مروان :متقلقيش مفتوح

وشاورلها على الكرسى الجنبه تقعد عليه

لينا بإحراج قعدت

مروان لبس نظارته الكبيره بأيطارها الاسود الزادت من جاذبيته

لينا عاجبها شكله وحاولت تبعد عينيها بخجل

وانتبهت على الباب

عم عبده الساعى :اؤمرنى يابيه تشربوا ايه

مروان :قهوتى يا عم عبده لو سمحت

ولينا :تشربي ايه

لينا :ايييه اوكى شاى بلبن

مروان ساب القلم الفى ايده :شوفى يالينا من أولها كده شاى بلبن ده ممنوع يتعمل فى الشركه نهائى اوك

تشربى قهوه تفوقك علشان تركزى

لينا بغيظ :لاء أشرب شاى

مروان :اوك

ولعم عبده

قهوتى وشاى من غير سكر

لينا :من غير سكر ليه لاء طبعا معلقتين سكر لو سمحت يا عم عبده

مروان :لاء من غير سكر يا عم عبده وياريت متتأخرش

لينا بتبصله بغيظ

مروان ما غير ما يبصلها وهو بيفتح اللاب :المفروض أنك مشروع ديزينر ولازم تكونى واجه لشغلك السكر ده تنسيه نهائى من حياتك

انتى دلوقتي جسمك اوك بس متضمنيش بعد كام سنه هتكونى ايه فلازم تخدى احتياطاتك من دلوقتي

لينا مقتنعتش

مروان :أول حاجه لازم تتعلميها تقبل الآراء

لينا :وهيا دى آراء دى تحكمات ياباش مهندس

مروان بصلها :بلاش باش مهندس

ممكن مستر أو مروان على طول معنديش مشكله

مروان وجهلها اللاب ولسه هيشرح

عم عبده جاب الطلبات

واجه يمشى من ورا مروان

غمز لينا وبص للشاى ومشى

استغربت وشربت الشاى ابتسمت

آه سكره قليل بس مقبول

ولنفسها أمال لو كان من غير سكر طعمه هيبقى ايه

مروان : من الحاجات اللازم تتعلميها والمهمه جدا فى شغلنتنا

الثقه بالنفس

مهارات العرض والتقديم الخيال الواسع

الاهتمام بالتفاصيل والزخرفه

لازم يكون عندك القدره لأقناع والتأثير على الآخرين

القدره على التعبير بشكل ابداعى

بعد كده هنشتغل على الأقمشة وازاى تختارى القماش المناسب للتصميم

دا غير أننا هنستخدم برمجيات التصميمات فى استخدام الحاسوب


وبعد وقت --------

ولينا منتبه جدا

مروان قفل اللاب وبصلها :ها في حاجه محتاجه أعدها تانى

لينا : لاء تمام شرحك حلو اوى

مروان :معاكى الاسكتش

لينا فتحت شنطتها وادتهاله

مروان بيقلب فيها وجاب التصميم الكان عدلها حاجه فيه اتفاجأ وبصلها

لينا بتبرير :أكيد تعديل حضرتك اضافه ليا وللتصميم بس اممم

احم الحصل انوو واناا ايييه

مروان أبتسم : مش محتاجه تبررى إبداعك التصميم تصميمك واخد من روحك

انتى البدأتيه وكان غلط منى أعدل فيه

آه كان ممكن اقولك رأيي ويأما تخدى بيه أو لاء ليكى كامل الحريه

اوك

لينا بابتسامه واسعه :اوك اوى

مروان ضحك بسيط : شوفى احنا هنختار دول وجاب كام تصميم

بس مش هتشتغلى عليهم دلوقتي لما نخلص الجزء النظرى نبتدى نطلعهم وتشتغلى عليهم

لينا :مش فاهمه انت شايف أن فيهم حاجه ناقصه

مروان : لما نخلص الجزء النظرى انتى الهتجوبى على السؤال ده

اوك يالينا

لينا :اوك يامروان

احم أقصد مستر مروان

مروان أبتسم ...

وبص فى الساعه يادوب تلحقى أول محاضره

لينا بتلم حاجتها :سؤال هو أنا هستخدم ادواتى امتى يعنى علشان مفضلش راحه جايه بيهم

مروان :قدام شويه لما نخلص النظرى

لينا : اوكى

آه كنت هنسى اتفضل وادتله الورقه المضت عليها

مروان اخدها من غير ما يبص فيها

لينا قامت وقفت وبابتسامه :مع السلامه

مروان قام وقف :الله يسلمك

لينا وقفت وبتردد :شكرا

شكرا علشان انت إنسان

بجد قليل اوى الزيك

عن إذنك

مروان أستغرب لحظات وراح مكتبه .......


-------------. &&&&&&&&&


فى الكليه يارا ولينا رايحين مكتب الدكتور مصطفى

يارا :استنى بقولك اتقل الروج ولا كده كويس

لينا :تتقلى ايه احنا فى كليه انتى عوزاهم ينفونا

يارا :عمرى ما استفدت منك بحاجه

ووصلوا وخبطوا ودخلوا لمصطفى التفاجأ بيهم بس

اتبسط أكيد لما شاف لينا

لينا قربت أكتر : سلام عليكم

أحم لو سمحت يا دكتور كنت عاوزه من حضرتك طلب

وبتبص ليارا تتكلم

مصطفى : اكيد اتفضلوا

يارا :أصل لينا قدمت فى مسابقه تبع مروان صاحبك ومواعيدها نفس مواعيد محاضراتك فكانت عوزاك توفقلها على تغير الشعبه

مصطفى اتصدم وبرق للينا بعتاب معقوله سهل تبعدى عنى

لينا اتوترت مفهمتش نظرته بصت ليارا بقلق ورجعت بصتله :أنا والله لو كان ينفع أغير مواعيد المسابقه كنت عملت كده بس للاسف المسابقه البيحددها المشرفين عليها وهما ايطاليين

وحضرتك لو مش مصدقنى ممكن تسأل باش مهندس مروان

مصطفى اتبسط أنها بتبررله واد ايه حريصه أنه ميضيقش :أكيد مصدقك يالينا من غير ما أسأل حد أنا بس اتفاجأت وبتمنالك التوفيق من دلوقتي متأكد أنك هتنجحى فى المسابقه

لينا :إن شاء الله

مصطفى :تمام أنا هظبط كل حاجه وهنقلك بنفسى

وجت فى دماغه حاجه

وبص ليارا واكيد يارا هتكون معاكى ما هيا ماتقدرش تبعد عنك

يارا برقت

لينا بتوتر :لاء خالص يارا مع حضرتك

أنا بس

مصطفى :لاء ازاى متأكد أن يارا حابه تكون معاكى بس مكسوفه منى

وابتسملها مش كده يايارا

يارا :هاا أصل لينا بس هيا العندها مسابقه وأنا معنديش مشاكل فى مواعيدى

مصطفى ضحك وبمروغه : ياستى وأنا ميهنش عليا تبعدوا عن بعض وهظبط ليكوا المواعيد

وقام وقف ...

طيب يا باشمهندسات استأذن علشان عندى محاضره

لينا ويارا خرجوا وهما متفاجأين

مصطفى لنفسه يمكن كده احسن خصوصا أنى هكون بعيد عن يارا

وده فى حد ذاته هيفتحلى باب مع لينا ما أنا أكيد هتابعها

اةةةة يالينووو .....


يارا مصدومه حاسه بخنقه طول الطريق لبيت الطالبات وهيا ساكته أول ما دخلوا اوضتهم

لينا بزعل عليها : أنا اسفه والله يايارا

متزعليش منى

يارا بحزن :هو انتى عملتى ايه علشان ازعل منك

معقوله لدرجه دى مش فارق معاه وجودى

أنا وحشه اوى كده

لينا قعدت جنبها :مين يقدر يقول كده دا انتى زى القمر

متأكده أنه ميقصدش وزى ما قالك أنه فاكر أنك مكسوفه منه فحب يجبها منه

يارا بصتلها أنها مش مصدقاها

لينا : هو انا مش ديما باجى عليه مش كده بس صدقينى المره دى واثقه جدا من كلامه وبعدين قوليلى كده هو انتوا بتتكلموا اثناء المحاضره بالعكس هو ديما بيحاول ميتعاملش معاكى علشان محدش يقول علشان قرايب مهتم بيكى

يارا بتفكر فى كلامها بإقتناع

لينا :معقوله أنا هكدب عليكى يعنى دا انتى أختى وصحبتى الوحيده

يارا ابتسمت

لينا :اوعدينى يايارا أنك متزعليش منى ومتبعديش عنى مهما حصل

يارا :ليه بتقولى كده

لينا بخوف : مش عارفه

انتى صحبتى الوحيده ومصحبتش ومعرفش غيرك زى ما انتى عارفه أنا مش اجتماعيه خالص بخلافك انتى اجتماعيه وبتعرفى تتعاملى مع الناس انتى دعم ليا بجد

اوعدينى يايارا اوعدينى مهما يحصل مفيش حاجه فى الدنيا هتفرق ما بنا

يارا :أكيد أوعدك يالينا

وضحكت مستغربه قلق صاحبتها

لينا بجديه :لو خلفتى وعدك عمرى ما هسمحك وهقتصه منك يوم القيامه فاهمه يايارا

يارا :ايه يابنتى الدراما دى واوكييي أوعدك أننا طول عمرنا مش هنبعد عن بعض

يعنى لما اتجوز أكيد هبعد هههههه

لينا ابتسمت

يارا : مهو مش هينفع تكونى معايا أنا وجوزى

أنا لو مكنتش بحب مصطفى اوى كنت قولتلك نتجوزه احنا الاتنين

وكل واحده ليله

لينا برقت

يارا :هههههه وكل واحده فى ليلتها تبدع فى نفسها

وغمزتلها

لينا قامت من جنبها : والله يايارا انتى قليله الأدب

يارا :قليله الأدب قليله الأدب بس اتجوز مصطفى

لينا بتريقه : قصدك صاصا هههههه

يارا بغيظ جرت وراها تضربها.... ...


__________$$$$$$$$$


عدى أسبوع واتنين

لينا مواظبه جدا على الكورسات مبسوطه وسعيده حاسه بتقدم كبير وشغف اكتر واكتر

بقت تصحى بدرى نشيطه وفرحانه انهاااا

انهااا ....

آه أنها هتاخد الكورس أكيد

ايييه وكمان اقصد مقصدش ....


فى طريقها لشركة تاج فكرت فى حاجتين بتردد شويه ....

بس اخدت القرار وراحت تجبهم بسرعه وطلعت على تاج .....

*********************
إلي هنا ينتهى الفصل الثامن من رواية أصابها عشق بقلم كنزي علي
تابع من هنا: جميع فصول رواية أثواب حريرية بقلم إلهام رفعت
تابع من هنا: جميع فصول رواية أرض زيكولا بقلم عمرو عبدالحميد
تابعوا صفحتنا على الفيس بوك للمزيد من روايات رومانسية
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة