رواية فصيلتي القوية بقلم ريناد يوسف - الفصل الثالث
رواية فصيلتي القوية بقلم ريناد يوسف - الفصل الثالث
تابع من هنا: روايات رومانسية جريئة
احمد ورعد وصلو الفيلا بتاعتهم ونزلو
رهف :هلا يمه شلونك يابعد قلبى ومسكت ايده عشان تقعده على الكرسى
شوى شوى ياروحى دير بالك جرحك لساته اخضر اخاف يكون اجه فوق جرح قديم
رعد : متقلقيش ابنك بطل ويستحمل طول مالنفَس فالجته كل اللي يجيبه ربنا خير..
رهف اتنهدت بغلب :ايه نحمد الله وبصت لجوزها احمد اللى قعد على الكرسى وساكت
رهف :شنو حمودى ليش صافن هيك اكو شيى ...بيك شى تعبان شى حبيبى بيا ولا بيك انشاله
رعد :افصللللللللى دنا ابنك اللى طالع من عند تلافيف قلبك وقعدت ٩ شهور جمب كرشتك وفشتك وراجع مضروب بالنار معملتليش كده يقوم حمودك عشان سرحان تعملى كده ؟
امهات آخر زمن فين الامهات بتاعت زمان فين كريمه مختار اتفرجى عليها واتعلمى الامومه يارهف شويه حرام عليكى مش كده انا حاسس انى ابن ضرتك
رهف :لك انجب رعد وسكر تمك خل شوف حمودى مالو احكى حمودى شوبك حياتى
رعد :احكى حمودها الوليه هتموت من القلق عليك احكى للى معندهاش غريزة الامومه متولدتش معاها من وهى صغيره عندها عيب خلقى فى الامومه
رهف بزعيق :ولك قلنا انجب
رعد :انتي شايفه نفسك وانتي بتزعقى لظابط فى الجيش بتتهزله اشناب وهو معدى ايه رأيك فى الانفصام اللى عند مراتك ده ياحمودى لسه برضو شايفها ارق ست فالدنيا؟
خلص كلامه وانتبه لباباه اللى مسك ايد رهف وبيبوسها بمنتهى الحب وهى بتملس بأيدها على خده بحنيه
رهف :احكى حبيبى احكى لرهوفتك ليش شايفه الحزن بعيونك الحلوات هادول
رعد بصوت واطى :
اللهم وحده رهف تملا حياتى حب كده
واكون عندها كل حاجه واغلى حاجه حتى اغلى من عيالها يارب وحط ايده على خده وهو بيبصلهم وماطط شفايفه
احمد اتنهد :ابنك يارهف حظه المنيل وقعه فمشكله مع ناس صعايده
رهف :اييييه؟
احمد :بقولك ناس صعايده يعنى معندهمش تفاهم اللى فدماغهم بيعملوه بيعملوه ومش مهم العواقب تكون ايه
رهف :طيب وايش مشكلة رعد معهم يعنى الولد اتصاوب بالغلط مانها مقصوده الشغله
احمد :هما عندهم مقصوده زى مش مقصوده كله واحد
وهنا رهف ردت بتلقائيه :يعنى متل عندنا بالعراق لكن بالعراق شغلة عشاير وفصول
وسكتت شويه وبعدين شهقت وكأنها استوعبت الكلام دلوقتى :يبووووو يعنى قصدك راح يقتلون وليدى متل ابنهم لا يمه اسم الله عليك وليدى
وجريت على رعد حضنته بخوف
رعد :ايه الحب والخوف دا كله كان فين من زمان
رهف بدموع :لك انجب فيه زلم بدهم يقتلوك وحضرتك عم تضحك وتشاقه
رعد :اهدى ياماما هو انتى مخلفه فرخه ولا ايه محسسينى انى عيل فى ابتدائى وخايفين عليه عشان مش هيقدر يحمى نفسه وبعدين دول كلمتين الراجل جعجع بيهم وقت عصبيه وزعل وخلصو
رهف :شو جعجججع
احمد :مش وقت شرح فى الكلام الغريب دلوقتى بعدين ابقا اشرحلك المعانى والمفردات.. وانت ياأستاذ.. انت مش عارف الناس دى ممكن تعمل ايه انتا فاكره بيهرج لما قال انه هيوصلك ويقتلك على سريرك لا يابنى دا ممكن يعملها فعلا
رعد : يابابا والله انتا عندك عقدة الصعايده فعلا عن اذنكم طالع ارتاح شويه
احمد حط ايده على دماغه بغلب وطلع موبايله وكلم حد وطلب منه انه يحط حراسه على الفيلا وحراسه تمشى ورا رعد من غير مايعرف
رهف :حمودى انا قلبى عم يرجف هلا شو يعنى ممكن وليدى ؟ لا يارب احفظهم الي وليداتي يارب وكون معهم ونجيهم من كل شر
احمد ضمها عليه قوى وباس دماغها وفضل يطبطب عليها
ريناد جايه من بره بتصفر
احمد :تعالى ياآخرة صبرى منشكحه كده ليه
ريناد :مفيش يابابا مبسوطه شويه
احمد :وياترى كنتى فين وبتعملى ايه باسطك كده
ريناد :مفيش كنت بلعب
احمد بخضه :فى مين ؟ قصدى فأيه ؟ بأيه.. اتهببتى لعبتى فأيه اصل انتى مش اى حاجه تبسطك اكيد لعبتى السيجه فوش حد من شباب المنطقه انا عارفك ياغلبى انا... ايدك طرشه وبتتنشقى عالمشاكل
ريناد وهى طالعه تتنطط :ظالمونى الناس ظلمونى وانا بنت بريئه ظلموووني
احمد :امممم عارف انا المصيبه اللى مخلفها ربنا يستر ويجيب العواقب سليمه وعلى صوته :زاكريلك كلمتين ينفعوكى
ريناد بصوت عالى :ظلموني
احمد :ظلموني ؟🤔طيب بالتوفيق
*****************
فى الصعيد حسن اندفن وسط جنازه لمت كل اهل البلد الكبير والصغير الستات والرجاله
الكل حزين ومهاب تقريبا بيموت صايم عن الاكل والشرب حتى دموعه جفت مبقاش حتى قادر يبكى وقمر وسلمى ميقلوش حزن عنه
عدى شهر على موت حسن ومهاب مغيب ميعرفش ايه اللى بيدور من ورا ضهره ولا اخواته بيخططو لايه
حمد ومروان باعو الارض وزورو عقود ملكيتها واتخلصو من العقود الاصليه اللي كانت ابتدائيه مش متسجله وقبضو تمن الارض وقسموه مع بعض لكن طبعا حمد كان له نصيب الاسد
مهاب بألحاح من سلمى وقمر ابتدا يفوق شويه من حزنه عشان خاطرهم هما عشان يقدر ياخد باله منهم وابتدا ياكل ويشرب ويسترد صحته لكن لسه الحزن مخيم عليه بعد ماخسر اخوه اللى كان بالنسباله الدنيا كلها
حمد لمروان :جهز نفسك بكره فيه طلعه هنطلعوها انا وانتا هيطلعلنا منها قرشين املاح قوى
مروان :إببببعت
حمد :هاه هتعمل ايه فنصيبك من الارض هتحطه على نصيبى ونجيبو معدات جديده للمحجر ونوسع الشغل ولا اجيب انا بنصيبى لحالى وفرق المكسب آخده ليا
مروان :له معاك طبعا فأى حاجه دايس معاك ولو هتخطي خطوه هخطى وراك لو فى جهنم الحمره
حمد :وانا معخطيش غير على الجنه ونعيمها يابأف
مروان :ايوه منا عارف عشان اكده معاك فى كله
تانى يوم حمد ومروان سافرو على مصر ومهاب خرج عشان يروح الارض اللى بقاله شهر بحاله مراحهاش وحس انها واحشاه قوى واول ماوصل اتفاجأ بمعدات حفر بتحفر فى الارض وتجرف فيها
مهاب جرى عليهم :انتا بتعمل ايه ياجدع منك ليه وليه بتجرفو الارض وازاى تنزلو ارضى منكم لحالكم اكده انا هجبلكم الحكومه واوديكم فستين داهيه
جاله واحد ضخم بكرش ولابس جلابيه وعمه وشكله غريب مشافهوش قبل كده
الحكومه دى لو جات مش هتاخد حد غيرك انتا لانك انت اللى واقف فأرض مش ارضك
مهاب :انتا عتقول ايه ارض ايه اللى مش ارضى اتجنيت انت ولا ايه
الراجل طلعله صوره عقد بشرا الارض ماضى عليها حماد ومروان والتاريخ بعد ٣ ايام من موت حسن
مهاب اتصدم وحس ان رجليه مش شايلاه وقعد فى الارض . صعُب على الراجل :
قوم ياولدى ربنا يعوض عليك روح خد حقك منهم لو ليك حق عنديهم
مهاب :هه هه هههههههههههه حق ايه اللى هاخده منيهم ياعم الحج دول كلو مال اليتامى ومال الولايا ومحترموش حرمة الموت تفتكر دى ناس حد يقدر ياخد منها حق ؟ ..... وعلى العموم حسبى الله ونعم الوكيل فى كل ظالم مفترى انا حقى عند ربنا هو اللى هيجيبهولى وبعدين هقف قصاد اخواتى عشان خاطر الفلوس الناس تقول ايه عليا وعليهم
المشترى :يبوووووى بعد اللى عيملوه معاك خايف على صورتهم قدام الناس وخايف الناس تتكلم عليهم ؟
ولا انتا خايف منهم ولا ايه حكايتك بالظبط؟ مع انى شايفك مشاء الله لو دخلت فبلد بحالها تبيدها بعضلاتك دى
مهاب اتنهد :لو عالخوف انا مبخافش غير من اللى خلقنى ولو ع القوه ربنا كارمنى بيها والحمد لله لكن انا مهستعملش قوتى على اخواتى ياعم الحج
المشترى :والله انتا طيب قوى يااسمك ايه واحب ابشرك بطيبتك دى هتفضل فقرى طول عمرك، وكل الدنيا هتحط عليك ونصيحه من واحد كد ابوك ...قشر عينك
خلى عينك مقشره وخوف الناس منك عشان تعرف تاخد حقك من الدنيا قوم ياولدى قوم
مهاب مسك شوية تراب من الارض وشمهم
طب انت بتموت الارض ليه دى ارض عفيه وكانت بتجيب خير كتير قوى وزرعها احسن زرع فى الناحيه كلياتها
المشترى :ياولدى زراعة ايه بس انا مقاول ببنى عماير وببيعها واهنه هبنى مصنع كبير بتاع زيوت
مهاب :تعرف ان التراب اللى انتا بتاخده من الارض ده وترميه انا راويه ومسمده بعرق جبينى
المشترى :معلش ياولدى بكره ربنا يكرمك وتشترى بدالها واكبر منها كمان
مهاب بأبتسامه جانبيه هز دماغه ومد ايده للراجل :معلش قومنى رجلى مش شايلانى
الراجل مدله ايده وقومه ومهاب مسك شويه تراب من تراب الارض وهو قايم وخدهم معاه فى ايده
وبعد مسافه وهو ماشي فتح ايده وفتح صوابعه والتراب نزل من بينهم وطار مع الهوا ومهاب متابعه
بعنيه وحس انه بتطير معاه كل حاجه حلوه وكل زكرى لمهاب وابوه واخوه فالارض..
وكل وقت قضوه سوا فيها، كل ضحكه، كل حبة عرق نزلت من جبين حد فيهم على التراب العطشان روته،..
وراح ناحية السرايا وهو مش عارف يعمل ايه ولا يتصرف ازاي وحق الولايا اللى معتمدين عليه عشان يحميه ويحافظ عليه يجيبهولهم كيف وحمد ومروان اللى بييجى تحت ايدهم محدش بيطوله تانى نهائى
مهاب وصل البيت ودخل على السرايا عى لطول
حُسنه مرات حمد :ايه فيه ايه جاى اهنه ليه مش حمد مانعك من السرايا عشان بنكونو واخدين راحتنا واحنا قاعدين
مهاب مرضيش يدخل معاها فى حوار عقيم ولا رضى يقولها زى مادايما بيقول لحمد.. انه اخوهم زيه زى مروان وحريمهم هما الاتنين زى اخواته البنات ولايمكن هيبص لوحده فيهم فى يوم من الايام واكتفى بأنه يسألها :
حمد وين ؟
حسنه :لا ياراجل يعنى قال الواد ميعرفش ان حمد ومروان سافرو وعشان اكده جاى يتسحب زى الحراميه مهو اصلهم لما بيكونو اهنه معتقدرش تهوب على باب السرايا
مهاب اكتفى بأنه هز دماغه وخرج من غير ماينطق بولا كلمه
حسنه بصوت واطى :غور جاك الهم اكده وانتا حلو حتى الحزن ماأثر فى جمالك كنك ورثت جمال سيدنا يوسف مش زى ميمون اللى واخداه... جاك المرار ياحمد كل ماأبص فوش مهاب ببقى عاوزه اتوف فوشك
********************
فى مصر حمد ومروان وصلو عند فيلا احمد المصرى وفضلو مراقبين الفيلا من بعيد لبعيد
وعرفو كام واحد واقف حوالين الفيلا ومواقعهم فين بالظبط
مروان :هاه مش يلا ندخلولهم ونتكلمو مع الراجل طوالي
حمد :غشييييم ياولد ابوى.. لازمن يامغفل دخولنا الفيلا يدب الرعب فنفس احمد المصرى ومرته عشان يعرفو ان ولدهم تحت يدى واقدر اطوله فأى وقت ولا حراس الدنيا كولها يقدرو يحموه منى وعلى كد الخوف هيكون الدفع يا مهَبل
مروان :اممممم فهمت انا دلوكيت دماغك سم ياولد ابوى والله نفع التعليم معاك قوى انتا، ونور دماغك امال انا متعلم زيى زييك امال دماغى معتعرفش تفكر زى دماغك ليييه
حمد :مش بالتعليم هى ياغشيم دى حاجه بتبقى ربانى اكده من حدا ربنا بيخص بيها ناس ناس وللاسف ولحظى الاسود انك من الناس اللى ربنا ممنش عليهم بنعمة العقل
مروان :ميهمش كفايه انتا عاقل واهو عقلك شغالين بيه احنا التنين هههعهههههع
حمد :اكتم نَفسك هتخليهم ياخدو بالهم لينا جاك المرار ودلوك يلا بينا نرتاحو فى حته وناكلولنا لقمه عشان اعرف امخمخ هندخلو السرايا كيف من التيران الواقفه بالمرصاد دى وعنيهم مفنجله كيف عنين البقر
*فى الصعيد
مهاب دخل الملحق واول مادخل اترمى على الكنبه ودفن دماغه بين اديه
سلمى :شكلك تعبت ياولد ابوى معلش وحده وحده هترجع تتعود على الشغل من تانى جسمك خَشب من القعده والقرفصه ليل نهار طول الشهر اللى فات
مهاب اتنهد :هو فين بس التعب ديه وانا اتعبه ياسلمى دا حتى تعب الارض اصبح ماضى دلوكيت خلاص
سلمى :تقصد ايه ياخوى
مهاب بصلها كتير قوي قبل ماينطق ويتكلم عشان خايف من رد فعلها
مهاب : حمد ومروان باعو الارض كلها وقبضو تمنها زورو عقود وباعوها يعنى انا وانتى وقمر بقينا على الحديده لاورانا ولا قدامنا
سلمى قعدت وربعت ايديها قدام صدرها واتنهدت قوووى :يعنى انت مستغربها من حمد ومروان ولا تكونش مكنتش تتوقع يعملو حاجه زى دى مثلا ؟
وتعرف اقولك حاجه انا من يوم ماحمد اتكلم على بيع الارض وانا استعوضت ربنا فنصيبى ونصيبكم انتو كمان
مهاب :طب والحل هنعيشو منين وناكلو منين انا وانتو معقول هروح اشتغل اجير عند اخواتى يعنى
سلمى :ههههههه وفكرك لو رحتلهم هيرضو يشغلوك اجير اياك؟ وبالنسبه للحل مفيش حلول.. اللى عيدخل جيب حمد معيطلعش تانى ياولد ابوى .....يلا لينا رب
مهاب اتنهد وقام دخل بص لقمر اللى كانت نايمه قعد جمبها وحط ايده على شعرها وفضل يملس عليه بحنان وهو سرحان وبيتنهد بغلب ومش عارف هيعمل ايه، ولا بكره مخبيله ايه هو واخواته البنات . دى حتى سلمى اختهم من امهم وابوهم اكلو نصيبها
واتأكد ان حمد ومروان معندهمش عزيز ابدا
بقلم /ريناد رينووو
حمد فى مصر :
حمد :لقيتها يامروان بس ياريت تظبط معاى .
مروان :قولى طيب هتعمل ايه
حمد:قوم بس معاى وهتعرف كل حاجه فى وقتها
حمد استنى ميعاد رجوع احمد ورعد للفيلا والبوابه اتقفلت وراهم واتصل بمطعم بيتزا وطلب بيتزا بعدد كل واحد من الحرس
وصل الاوردر عنده وحاسب الشاب بتاع التوصيل وطلب منه طلب غريب !
طلب منه انه يديله هدوم المطعم لمدة ساعه وياخد ٣ تلاف جنيه وطبعا عامل التوصيل وافق فورا وقلع هدومه
حمد اخد منه الهدوم ولبسها واخد الطلبات وراح على فيلا احمد المصرى وقبل مايوصل وقف وحط مخدر قوى فى البيتزا كان اشتراه من الصيدليه وراح على الفيلا وهو بيدعى انه ميتكشفش لغاية مايكمل لعبته
حمد قرب على الحرس
السلام عليكم هى دى فيلا احمد المصرى
الحارث :ايوه هى
حمد :طيب هو كان طالب اوردر بيتزا وطلب منى انى اسلمه على البوابه للحرس واقولهم بالهنا والشفا
الحارث :طب والحساب
حمد :واصل من قبل مايروح الباشا يافندم وبعدين ميهمكش سعادتك احمد باشا زبون المطعم من زمان وعادى بنحاسبه كل فتره
الحارث :طب ثوانى هتصل بيه اتأكد من كلامك ده
حمد بلع ريقه ووقف متوتر قدام الحارس اللى بيرن على احمد باشا ومره وحده رفع وشه على حمد وضيق حواجبه :
الباشا تليفونه مغلق!!!
حمد :يعنى اعمل ايه طيب انا ؟ خلاص ياعم هرجع بيهم تانى وامرى لله
الحارس ٢ :يعم ماتاخدهم منه جعانين وكتر خير الراجل انه افتكرنا انت هتتبطر عالنعمه ليه؟
الحارس ١ :مش بطر يبني انا بس كنت بشوف شغلى على اكمل وجه واعمل اللى لازم يتعمل
الحارث ٢: ياعم خلاص الراجل هيمشى بيهم تانى خساره
الحارس ١:طيب خلاص، واخد العلب من حمد وحط ايده فجيبه وطلعله بقشيش واخد العلب ووزعها على كل زمايله
الحارس ٢:انتا مش هتاكل ؟
الحارس ١ :لا طبعا كلو انتو وانا هاكل بعدين ربما دى تكون لعبه ولا الاكل فيه حاجه وانا عند رأيى انكم المفروض متاكلوش
لكن باقى الحرس اول مافتحو العلب نزلو على البيتزا اكلوها كلها لانهم كانو جعانين
حمد مشى وعلى وشه ابتسامت نصر روح المكنه لبتاع الدليفرى وغير هدومه وابتدا يستعد لمرواح بيت احمد المصرى هو ومروان
فعلا وصلو ولقو الحراس لسه صاحيين لان المخدر اللى حطهولهم بيبتدى مفعوله بعد ساعه من تناوله لكنهم بيتاوبو وعنيهم ابتدت تقفل وابتدو يطوحو كأنهم سكرانين فى الوقت ده الساعه كانت ١٢ بالليل
الحارس ١:استغرب لما بص لزمايله ولقى حالتهم بالشكل ده واتأكد ان شكوكه طلعت مظبوطه وطلع موبايله عشان يبلغ احمد باشا لكن قبل ما يتصل اتفاجأ بحاجه خبطته على دماغه من ورا خلت الدنيا ضلمت قدامه ووقع على الارض قدام زمايله اللى ابتدو يقعو معاه فى نفس الوقت واحد ورا التانى من اثر المنوم
حمد شاور لمروان ونطو على صور الفيلا ودخلوها واول مادخلو حمد فضل يفتح فى الاوض بالراحه لغايه ماعرف اوضه رعد فين واوضه احمد ابوه ومامته
حمد :ادخل ثبت ابوه وامه واول ماانزل مرفع الظابط تطلع ابوه وامه عشان يشوفو المحروس وهو تحت ايدى كيف الفروجه
مروان :علم ياولد ابوى
حمد طلع على اوضه رعد وسحب اقسام جمب ودنه ورعد قام مفزوع على اثر الصوت اللى عارفه كويس وبص بحذر واتفاجأ بشخص غريب مع انه كان فاكرها ريناد بتهزر معاه زى عادتها
رعد :انتا مين يابنى انتا ودخلت هنا ازاى
حمد :انا عملك الاسود ياحظابط انا دعوة امك عليك فى لحظه غضب انا حماد اللى كتلت اخوه الفرخ اللى لسه طالع للدنيا جديد
رعد بلع ريقه وآمن بكل كلمه قالها ابوه على
الناس دى واتأكد ان خوفه منهم كان فى محله .دا الراجل واقف فوق سريره بجد ؟
رعد قام معاه بهدوء زى ماطلب عشان يقدر يلم الموقف ومشى قدامه خطوتين لكن بحركه مفاجئه وسريعه قدر ياخد المسدس من ايده ويوجهه هو على دماغه
رعد :انزل قدامى من سكات يابهيم انت.. بقي انت تتجرأ وتدخل فيلتى لا وكمان اوضة نومى وعايز ترفعني من سريرى ازاى نفسك تسولك تعمل كده
حمد بضحكه متتناسبش مع الموقف :
انا اقدر ادخل فى اى مكان وفى اى وكت
رعد :ليه سوبر مان ولا ايه
حمد :له سوبر حمد ههههعههههههع
رعد شاور لحمد اللى نزل على السلم قدامه وهو حاطط المسدس على دماغه من الخلف
ومروان اول ماشافهم كان صحى احمد ورهف وقومهم مفزوعين ورهف كانت بتموت من الخضه وماسكه احمد جامد
احمد :فيه ايه انتا مين ؟
مروان :قوم قدامى انتا وحرمتك دى اطلعو قدامي دلوك.. وصرخ فيهم صرخه
احمد ورهف قامو يتخبطو فبعض بعدها وخرجو من الاوضه ومع خروجهم كان رعد نازل على السلم وحمد قدامه رافع ايديه
احمد هيجرى عليه :رعد ابنى
مروان :حااااسب ...عندك ولا حركه وانتا ياحظابط لو معاوزش دماغ ست الحبايب وابوك تتفرتك نزل سلاحك فى الارض وارفع اديك
احمد بلع ريقه بخوف اول ماشاف حمد اللى عرفه علطول برغم من انه لابس قميص وبنطلون
احمد :استهدى بالله يبنى بس، هو مش انا قولتلك تجينى ونتفاهم يبقى ايه لزوم اللى انتا عامله ده؟ كل شيئ ممكن يتحل بالتفاهم واخوك عمره خلص لحد هنا وربنا كاتبله الموته دى يبنى يبقى انتا تضيع مستقبلك وتودى نفسك فى داهيه ليه استغفر ربنا ياحبيبي
رهف بتبص على الموقف بذهول ومش عارفه تجمع ولا قادره تتكلم
حمد :بص ياباشا تار اخوى لازمن اخده وحتى لو خسرت حياتى بعدها مش مهم المهم ميركبناش العار وسط اهل البلد وعممنا متنصبغش بالسواد قدام الكل
رهف :اوعك تفكر تأذى ولدى لو بدك تأوص حدا وتاخد تارك طخنى الي ولا تقرب يم وليدى وجريت على رعد
حمد بزعيق :وخرى ياوليه احنا معنخدوش تارنا من حريم اللى راح راجل ولازمن يقع قباله من حداكم راجل
وهنا مروان عمر المسدس وقربه بعنف على دماغ احمد وبص لرعد اللى ايده اترخت وابتدت تنزل بالمسدس ومد حمد ايده ونزع منه المسدس بقوه ووجهه على دماغه ونزله قدامه بعنف لكنه اتسمر لما سمع صوت تعمير سلاح وحس ان حاجه لزقت فى دماغه من ورا وجاله صوت حريمى
ارمى يبنى اللعبه اللى فأيدك دى لتعورك وقول للبأف التانى ده يرمى مسدسه على الارض والا نفوخك هيتفرتك دلوقتى حالا
وزعقت :بسسسرعه
حمد شاور لمروان اللى رمى مسدسه على الارض واحمد جرى ولع النور وهنا مروان اتفاجأ بريناد نازله بهدوم نوم
وشكلها وهى واقفه كده جننه وخلاه فتح بوقه ببلاهه وذهول
حمد لفلها رقابته ولسه مسدسه على دماغ رعد وابتسم :ايه ياحلوه انتى فاكره اننا بنهابو الموت ولا ايه ؟
احنا لو بنخافو مكناش طلعنا من بيوتنا وكان لبسنا طرح احسن... فاكرانى هترجف قدامك وقدام طبنجتك الحلوه زييكى دى ههههههههههه
يبووووى ضحكتينى والله
ريناد هنا معرفتش تتكلم تقول ايه ولا تتصرف ازاى اول مره تشوف النوع اللى مبيخفش من الموت ده وبيتعامل مع الموت كأنه لعبه
احمد :استهدى بالله بس يبنى محدش هيموت بأذن الله لا رعد ولا حتى انت واذا كان على اخوك انا هدفع ديته
مروان :عتقول ايه انتا معنقبلوش الديه احنا
احمد :مليون جنيه
حمد:هههههههههه
احمد :اتنين مليون
حمد :يبوووى دا البنى آدم رخيص قوى حداكم على اكده
احمد :خمسه مليون ودول كل السيوله اللى عندى
هنا حمد ظهرت ابتسامه جانبيه على وشه وهز دماغه بأستهزاء
احمد :قسما بالله معندى سيوله غيرهم ودول كل اللى معايا حاليا وباقى فلوسى كلها داخل بيها صفقه كبيره
مروان وهو لسه فاتح بوقه وبيبص لريناد وعنيه زى الرصاص بتخترق جسمها كله :
له مهينفعوش
حمد بصله بنظره بمعنى اسكت انتا متتكلمش
مروان :عتبصلى ليه ياولد ابوى الله فسماه حتى لو انت خدت الفلوس لاخلص عليه اني بنفسى
حمد بأستغراب لتصرف مروان :اتجننت يامروان ولا ايه
مروان :له دنا عاقل قوى قوى واعجبك قووى
بصى ياغندوره قالها وهو باصص لرهف ":انتى عراقيه مش اكده؟ اصلك عتتكلمى زييهم انا عشت اهناك فتره وععرف كلامهم زين
رهف بصتله وهزت دماغها بمعنى ايوه
مروان :مليح قوى طيب باوعيلى (يعنى بصى هههه عرفتى بعرف لغتكم كيف )
باعى ياست الكل..
اني مش هعاملكم بعادتنا احنا فى الصعيد لان عاداتنا يعنى هنقتلو ولدك هنقتلوه لو حتى دفعتوله مال قارون.. اني هعاملكم بعادات العراق وهى اننا ناخدو الفلوس وناخدو الفرسه الواقفه دى
(فصليه ) وبكده نوقفو الدم وولدك يفضل
عايش فحضنكم هااااه قلتو إيييييييه
ريناد :انتا بتقول ايه ياتور انت!! تاخد مين وايه فرسه ولغة الزريبه اللى بتتكلم بيها دى؟
مروان بصلها وابتسم :هعديهالك المره دى عشان بس لسه بقتيش على ذمتى عشان تعرفى انى قلبى اوبيض ومش ناوى عالشر
حمد فى سره :الله يخرب بيتك يا مروان الدٍنى هتبوظ كل حاجه بغبائك وعينك الفارغه
احمد :يبنى استهدى بالله هنا فمصر مفيش الكلام ده
مروان بزعيق :يبقا خلاص تتعاملو بعادات مصر ووطى على مسدسه اخده من الارض ووجهه على دماغ رعد
حمد اتخض لما شاف التهور على وش مروان وانه ممكن يقتل الظابط بجد ويروحو فستين داهيه بغبائه وهنا نزل مسدسه وجرى على مروان مسك منه المسدس
اهدى يامروان اكيد الباشا مش هيهون عليه ولده وهيوافق بكل كلامك واخته السنيوره دى كمان مش هيهون عليها اخوها يموت وهى فيدها تنقذه من الموت
رعد هنا فاق من ذهوله : ايه اللي انتو بتتنيلو تقولوه دا انتو مجانين ؟ لا انتو اكيد مجانين وتأكدو انكم انتو الاتنين هتروحو فستين داهيه ومش هخلى الدبان الازرق يعرفلكم طريق جره
حمد :بص ياحظابط حتى لو احنا روحنا فداهيه ولا حتى موتنا صورتك مع رجالة العيله كلها من اكبر واحد لاصغر عيل وكل المعلومات عنيك معمول بيها نشره ومتوزعه عالكل واتأكد
ان نهايتك على ايد اى حد فينا لو حد فينا اني ولا اخوي جرتله ايوتها حاجه ولا حتى معاودناشي لحدت بكره..والكل مستنينا نعاودو غاسلين عارنا وكاتلينك..
لكن لو طلعت ناصح وسمعت الكلام هنقولو ان اللى حوصول ديه غصب وان حسن مات شهيد فدا الوطن وان ده شرف لينا مش عار علينا
وبكده تعيش انتا واعيش اني والكل يبقا مبسوط وفرحان هااااااه قولت ايه
احمد لسه هيتكلم
حمد :له متردش دلوكيت قدامكم يومين يأمه تجونا على البلد بالفلوس وكريمتكم
يامه اليوم التالت يكون اول يوم لولدكم فى قبره
رهف بلهفه :اسم الله يمه
حمد بصلهم كلهم ومشى وهو باصص عليهم ورعد كان عايز يهجم عليه لكن ابوه منعه ومسكه من دراعه وثبته هو وامه رهف..
بعد ما مشيو رهف واحمد قعدو على الكنبه وهما مش مستوعبين اللى بيحصل ده ورعد كأنه قاعد قدام فيلم خيال علمى وبيتفرج على حاجه عقله مش مصدق انها موجوده فعلا... وحتي ريناد لحد دلوقتي مش مستوعبه المسرحيه اللي حصلت قدامها من شويه دي!!!
وللحكايه بقيه....
ياترى الايام مخبيه لرينووو ايه وهتوافق تروح فصليه ولا لا وياترى رعد هيوافق على الكلام ده
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا